Matio 21
21
Yeezu Naŋ Kpɛ Gyeruzɛlɛm Poɔ Ne Gandaaloŋ
(Mak 11:1-11; Luk 19:28-40; Gyɔɔn 12:12-19)
1Ba naŋ da wa te peɛle Gyeruzɛlɛm, kyɛ ta Bɛtefage naŋ be a Oliva Taŋ seɛ, Yeezu da toŋ la a O potuuribo bayi, 2a yeli ko ba, “Yɛ gaa a tembile na naŋ be yɛ niŋesogɔ, tɔntɔbaalɛ yɛ na nyɛ la boŋɔ kaŋ ane o bile naŋ leŋ are, yɛ lori a taa wa ko ma. 3#Mat 26:18 Ka neɛzaa wa soorɔ yɛ, yɛ deɛ yeli ŋaa, ‘A Daana la boɔrɔ a.’ A soba na bare a la ka yɛ taa wa ko ma wieũ lɛ.” 4A ŋaa da eɛɛ la ka a na tu lɛ a Ŋmen-yelmanna naŋ da yeli:
5 #
Zak 9:9; Aza 62:11 “Yeli ko a Zaayɔn pɔgeyaa,
Nyɛ, a fo naa waana la fo zie,
a sigri O meŋɛ, a zɔ̃ɔ̃ boŋɔ,
ane boŋlee, ka a ma waa boŋ-nyaŋaa.”
6A potuuribo da gaa te e la lɛ a Yeezu naŋ da yeli ko ba. 7Ba da taa la a boŋ-ma ane o bile wa ne, a wa yɛre ba bonsuuri pare a zu, ka O zɔŋ. 8#2 Nam 9:13 Nembeɛoŋ da yɛre la ba bonsuuri a sori zu, ka ba mine ŋmaara teere ulbili a yɛre a sori zu. 9#Yiel 118:25-26 A nembeɛoŋ naŋ da de weɛ̃ ane banaŋ naŋ da be puori da kyaara la yaga zaa a yele:
“Hozaana#21:9 Hozaana: A Hozaana waa la Hiburu kɔkɔre yelbiri kaŋ tɛgɛ naŋ wuli “Puubu kulinni” bee o tɛgɛ la “Faa te pampana” Devid Bidɔɔ!
Zunoɔ soba la neɛ na naŋ waana a Daana yuori eŋɛ!
Ka Naaŋmen naŋ be sazu tɔɔre zaa nyɛ puubu!”
10A Yeezu naŋ da wa kpɛ a Gyeruzɛlɛm, buriburi da kpɛ la a teŋkpoŋ deme zaa, ka ba soorɔ, “Nembuo la a ŋa?” 11Ka a nembeɛoŋ da yele, “Yeezu a Ŋmen-yelmanna naŋ yi Naazɛrɛ naŋ be a Galili paaloŋ poɔ la.”
Yeezu Naŋ Digi Yɛreyɛrebɛ Bare A Naaŋmen Die Poɔ
(Mak 11:15-19; Luk 19:45-48; Gyɔɔn 2:13-22)
12 #
Gyn 2:14-16
Lɛ la ka a Yeezu da kpɛ a Naaŋmen die a te digi banaŋ zaa naŋ da dire daa yi ne a Naaŋmen die poɔ, kyɛ nyɔge a libi-tɛgrebɛ tabolɔ willi kyigi, kyɛ teɛ a banaŋ naŋ koɔrɔ naŋmama kogri lɔɔ. 13#Aza 56:7; Gyɛ 7:11 O da yeli ko ba la, “Ba sɛgɛɛ la:
‘Ba na boɔlɔ la N yiri puoruu yiri’;
kyɛ ka yɛ e ka o leɛ nannyig-kpeɛne sɔgloozie.”
14A zɔnne ane gbɛrɛɛ da wa la O zie a Naaŋmen die poɔ, ka O da saŋ ba. 15Kyɛ a Naaŋmen bagmaalkare ane a Naaŋmen bege wulwulibo naŋ da wa nyɛ a toŋkpeɛne a Yeezu naŋ toŋ, kyɛ woŋ a bibiiri naŋ kyaara a Naaŋmen die poɔ, “Hozaana, a Devid Bidɔɔ”, ba suuri da iree la, 16#Yiel 8:2 ka ba yeli ko O, “Fo woŋ la lɛ ba naŋ yele?” Ka a Yeezu yelsɔge ba, “Õõ, yɛ daŋ ba sɔre a yelbiri a Ŋmen gane poɔ,
‘Bibiiri ane bi-ɛnne nɔɛ poɔ la ka
fo nare fo meŋɛ dannoo’?”
17O da bare ba la, kyɛ yi a teŋkpoŋ poɔ a gaa Bɛtani te gaŋ a be ka zie nyaa.
Yeezu Naŋ Kaa-eŋ Kaŋkanteɛ
(Mak 11:12-14, 20-24)
18A baguo saŋ O naŋ da leɛ gɛrɛ a Gyeruzɛlɛm teŋkpoŋ, kɔŋ da kpɛ O la. 19#Luk 13:6 O naŋ da wa nyɛ kaŋkanteɛ ka o are a sori noɔreŋ, O da gaa la a teɛ pare kyɛ O da ba nyɛ wɔne zaa ka vaare yoŋ naane. Lɛ la ka O yeli ko a teɛ, “Fo daŋ koŋ la wɔŋ wɔne zaa!” Ka a kaŋkanteɛ deɛ ko o zaa daadaalɛ. 20A potuuribo naŋ da nyɛ a lɛ, nɔmaa da kpɛ ba la, ka ba yele, “Wola ka a kaŋkanteɛ deɛ ko wieũ lɛ?” 21#Mat 17:20 Ka a Yeezu yelsɔge ba, “Yelmeŋɛ ka N yele korɔ yɛ, ka yɛnee taa yeldeebo a ba bonnɔ, a ŋaa N naŋ e a kaŋkanteɛ yoŋ naane ka yɛ na toɔ̃ e, kyɛ ka yɛnee wa yeli ko a taŋ ŋa, ‘Iri gaa le mane koɔ̃ poɔ, a na e la a lɛ’. 22Bonna zaa yɛ naŋ puoro sɔrɔ ne yeldeebo, yɛ na nyɛ la.”
Ba Naŋ Soore A Yeezu Kpeɛ̃õ Yiibu Zie
(Mak 11:27-33; Luk 20:1-8)
23 #
Gyn 2:18
A Yeezu naŋ da kpɛ a Naaŋmen die, a wullo a noba, a Naaŋmen bagmaalkare ane a noba nembɛrɛ da wa la O zie a wa soore O, “Yeŋ ka fo nyɛ a kpeɛ̃õ ŋa a tonɔ ne a toma ama? Nembuo la ko fo a kpeɛ̃õ ŋa?” 24Ka a Yeezu yeli ko ba, “N meŋ na soore yɛ la soorebi-yenaa; ka yɛnee wa iri a noɔre ko ma, N meŋ pãã na yeli ko yɛ la zie na N naŋ nyɛ a kpeɛ̃õ tonɔ ne a toma ama. 25A Gyɔɔn suobu da yi la Naaŋmen zie bee nensaalba zie?” Ka ba da ŋmeɛrɛ nɔkpeɛne ne taa a yele, “Ka tenee yeli, ‘Naaŋmen zie la,’ O na soore te la, ‘Boŋ pãã so ka yɛ da ba sage de a Gyɔɔn yɛlɛ?’ 26#Mat 14:5 Kyɛ ka tenee yeli, ‘Nensaalba zie la,’ te zoro la a noba dabeɛ̃, bonso, ba zaa sage deɛ la ka Gyɔɔn waa la Ŋmen-yelmanna.” 27Lɛ la ka ba yelsɔge a Yeezu, “Te ba baŋ.” Ka a Yeezu meŋ yeli ko ba, “Ka lɛ N meŋ koŋ yeli ko yɛ zie na N naŋ nyɛ a kpeɛ̃õ tonɔ ne a toma ama.”
A Bidɔbɔ Bayi Sekpɔgre
28“Wola ka yɛ teɛre? Dɔɔ kaŋ la da taa bidɔbɔ bayi; a da te yeli ko a bidɔɔ kpoŋ soba, ‘N bie, gaa a weɛ zenɛ te kɔ.’ 29Ka a bie yeli ko o, ‘N koŋ gaa’; kyɛ a lɛ puoriŋ ka o leɛ o teɛroŋ a gaa a weɛ. 30#Mat 7:21 A saa da gaa la a bayi soba zie a te yeli a lɛ ne o zu; ka o yelsɔge, ‘N na gaa la’; kyɛ da ba gaa. 31#Luk 18:14 A ba bayi poɔ, buo soba la da e lɛ o saa naŋ boɔrɔ?” Ka ba yeli, “A dɛndɛŋ soba na.” Ka Yeezu yeli ko ba, “Yelmeŋɛ ka N yele korɔ yɛ, a zuyɔɔ-derebɛ ane a gyɛnterre daŋna yɛ la kpeɛrɛ a Naaŋmen naaloŋ poɔ. 32#Luk 7:29 A Gyɔɔn da wa la yɛ zie, a wa wullo yɛ a mennoŋ sori, kyɛ ka yɛ ba sage de o yɛlɛ, kyɛ ka a zuyɔɔ-derebɛ ane a gyɛnterre sage de o yɛlɛ. Haali yɛ naŋ nyɛ a ama zaa kyɛ yɛ ba leɛ yɛ teɛroŋ a de o yɛlɛ.”
Wɛkaareba Mine Naŋ Taa Potuo Sekpɔgre
(Mak 12:1-12; Luk 20:9-19)
33 #
Aza 5:1-2; Mat 25:14 “Yɛ la kyɛlle woŋ a sekpɔgre kaŋ. Dɔɔ kaŋ la da bebe a taa weɛ, a sɛle dããteere o poɔ, a mele o zaa gyeere, kyɛ mɛ dãã maaloo zie a weɛ poɔ, a mɛ guguuribo zemmo zie a be. A pãã da de a weɛ ko noba mine ka ba kaara kyɛ ka o yɔ gaa paaloŋ yuo. 34A tewɔmɔ pɔroo saŋ naŋ wa ta, o da toŋ la o gbaŋgbaare ka ba gaa a wɛkaareba zie ka ba tere a o weɛ boma ka ba wa ko o. 35Kyɛ a wɛkaareba da nyɔge la a gbaŋgbaare, a ŋmɛ kaŋ, a ko kaŋ, kyɛ za a kaŋ ne kubo. 36Ka o laboreŋ toŋ a gbaŋgbaare mine ka ba gaŋ a dɛndɛŋ deme na, ka ba te e ba meŋ a lɛ ne o zu. 37A baaraa zaa, o da toŋ la o meŋɛ bidɔɔ ba zie a yele, ‘Ba na ko la a n bidɔɔ gyeremɛ.’ 38#Mat 27:18 Kyɛ a wɛkaareba naŋ da wa nyɛ a bidɔɔ la ka ba da yeli ko taa, ‘A gbandire la ŋa; yɛ wa ka te ko o kyɛ de a o gbandiruŋ#21:38 Gbandiruŋ: A Dagaaba mine maŋ yeli ka Kyɛndi. boma.’ 39Lɛ la ka ba da nyɔge o tage yi ne a weɛ poɔ a te ko. 40Ka a weɛ daana wa leɛ wa, boŋ ka o na e a wɛkaareba bama?” 41Ka ba yeli ko O, “O na e la ka ba ko a nenfaare bama nembaalkoobo kyɛ ka o la de a weɛ ko neŋyobo naŋ na ko o a weɛ boma a deebo saŋ.”
42 #
Yiel 118:22-23; Tom 4:11; Rom 9:33; 1 Pit 2:6-8 Ka a Yeezu yeli ko ba, “Yɛ mɔɔ daŋ ba sɔre a gansoŋ poɔ nyɛ be:
‘A kuuri na a mɛmeɛrebɛ naŋ zagre bare
la leɛ a yiri pare kuuri,
a Daana tontonne la,
a e la nɔmaa ko te.’
43Azuiŋ N yele korɔ yɛ la: Ba na de la a tenvelaa naaloŋ yɛ zie a ko noba naŋ na wɔŋ a naaloŋ wɔmɔ. 44#Dan 2:34-35; 2:44-45 A soba na naŋ na le a kuuri ŋa zu na kɔɔre la puropuro; kyɛ neɛ na meŋ zaa zu a kuuri naŋ na le na ŋmore la.”
45A Naaŋmen bagmaalkare ane a Faraziimine naŋ da wa woŋ a O sekpɔgre ŋa, ba da baŋɛɛ la ka bana la ka O da yeli kyaare ne. 46Ba da boɔrɔ la ka ba nyɔge o, kyɛ da zoro a nembeɛoŋ dabeɛ̃, bonso, ba zaa da sage ka O waa la Ŋmen-yelmanna.
ที่ได้เลือกล่าสุด:
Matio 21: DGA
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Dagaare First Bible © The Bible Society of Ghana, 2025.