Iironga 12
12
ONTOPORUA 12.
Omuapostoli Jakobus ta kuatua ta si. Petrus ta mangururua komujengeli.
1Merara ndika omukuaniirua Herodes okua kuatica jamue jom’Eklesia, he te j’epeke.
2Okua dipagica Jakobus omumuahina gua Johannes negongamuere.#12:2 Jakobus nguno omuapostoli Jakobus omukuruntu.
3Ndere sho a mona nokutja aajuda oje tshi panda, okua kuatica Petrus uo. Nokuri orja ri erara rjiikurja iitoue.#12:3 Ogo omasiku ngaka 7 moka aajuda ja dana efeste rja Paska.
4Sho e mu kuata he e mu edirire mondrongo, te mu rangerica keengundu daarangeri oojane noojane, di ninge omarangero gane. Opaska sho ha piti, okua ara ku mu fara kotshipara tshotshiguana.
5Otsho Petrus a rangerua mondrongo. Ndere Eklesia orje mu garikanena ku Karunga nuudiginini.
6Uusiku mbuija ua randurua kesiku ndjoka, Herodes a hara oku mu fara kotshipara tshotshiguana, Petrus okua koca pokati kaakuiita jaari, h’a mangua nomarjenge gaari. Aarangeri jaari ja rangera potsheero tshondrongo.
7Ndere nduno omujengeli gua Muene okua cikama po, mokajugo mua ri uujerere, ta tsu Petrus te mu pendura a ti: “Cikama, enderera nduno.” Omarjenge oga gu mo momake ge.
8Omujengeli te mu rombuere: “Zara, neengaku di zara uo.” Otsho a ninga. Nguijaka okue mu rombuere itsheue: “Zara eruakani rjohe, ngueje randurandje.”
9Ta zi mo nde te mu randura. He ina tshiua shono a ningirua komujengeli, nokutja otsho tsh’otshiri nenge aaue. Okua ri a ruka okua mona emoniko.
10Ojo ja pitirire erangero rjotango na ndjoka etijari, taa ja kotsheero tshotsheera tshokuha motshirando. Shoka otsh’ihegurura tshotshene. Taa piti j’enda mokandjira. Naanzija omujengeli okua topoka na he.
11Nena Petrus okua pukuruka ta ti: “Nena ondi tshi tshi nauerera nokutja Muene okua tuminandje omujengeli gue, a kuacandje meke rja Herodes no mu mbjoka#12:11 Otshiguana tshaajuda otsha tegerera okudipagua kua Petrus. otshiguana tshaajuda tsha tegerera”.
12Manka e tshi diradira, okue ja kondjugo ha Maria, hina ha Johannes, ngu h’icanua Markus.#12:12 Markus, ngu a tshanga evangelium etijari, Mu mua ri ojendji ja gongara, taa garikana.
13Sho a konkora potsheero tshomukara, omurerua guedina Rode okue ja po, a puakene.
14Sho a dimburura eui rja Petrus, in’egurura otsheero moru’enjanju rje enene, aaue, okua matukire mo, a hokorora nokutja Petrus a cikama potsheero.
15Jo taa ti ku he: “Ngueje ua jaduuka.” Ndere sho a diginine nokutja otsho tshi ri, oja jamukura ja ti: “Shira omujengeli gue.”
16Ndere Petrus ta diginine okukonkora. Nena oj’egurura, je mu mona taa kuatua keruriro.
17H’okue ja anda ja muene. Te j’okororere ngashi Muene e mu kuca mondrongo nde ta ti: “Otsho rombuereni Jakobus#12:17 Jakobus nguno, omuapostoli Jakobus omunjasha. Omuepiskopi guomu Jerusalem. naamuameme.” Nde ta zi mo, ta hi keshara rirue.#12:17 Eshara ndika rirue orjo otshirando Roma. Petrus omuepiskopi guomu Roma.
18Ndere sho kua tshi, omua ri epijagano enene mokati kaakuiita morua shoka Petrus a ningirua.
19Herodes ngu e mu arere, ine mu mona, okua pura aarangeri, ta popi ja geerue. He muene okua zi ku Judea, ta hi ku Kesarea. Oko a ka menekera.
20Okua geje unene moru’aatiro naasidoni. Mboka je ja puamue ku he, ja mona uukuume ua Blastus, erenga ekuruntu rjomukuaniirua, j’indire ombiri, oshoka iiparuca jiirongo jauo oja zire ku he.#12:20 Opua ri eentamanana pokati kaantu jomiirando Tiros na Sidon na Herodes. He ina ara okupitika aajuda, jo ja tumine aatiro naasidoni iirja.
21Esiku rimue Herodes okua zara eenguuo duukuaniirua ue, ta kaatumba kotshipangerapundi, he te j’uvicire.
22Aantu oj’igida ja ti: “Eui ndjoka orja Karunga tshiri, kari shi rjomuntu.”#12:22 Aantu joku Tiros na Sidon oja ara ouara je mu mbembereke.
23Opo nduno omujengeli gua Muene e mu denge, sho ina simaneka Karunga. Omazinjo oge mu tuku, nde ta si.#12:23 Otsho Karunga a geera Herodes, ngu a hiteera a hambererue ngashi Karunga.
24Ndere ohapu ha Karunga oha koko, ha taandere.
25Barnabas na Saulus oja garuka, taa zi ku Jerusalem, sho kua ja ronga eguanico rjauo.#12:25 Okutja, ja gandja iikuaca jaakriste joku Antiokia kaarongua jomu Jerusalem. Taa kuca uo Johannes, edina rje rjoponto Markus.
Omission Heklesia Ekatolika, 1951. Namibian Catholic Bishops Conference.