Aiseya Nuarin-tas alupas 53.
Nuarin-tas alupas 53.
1 Et asan tas ehti a Aiseya va nedo imipalea u atimi, um asuptecnaig nedo upoupo u Kristo, 4 im nedo o atimi eris amcel vai yin ara, im lep inmas ohocred o un, 10 im niji itai upene et ahes iran imi atimi.
1Et mun imiisjis ninveijec intas asuptecnaig unyima a di? eh mun ehvaig nikmai Ihova ehele di?
2Is edel aien an nuhup o un et idivaig nehlancai, im lep neuvancai an nobohtan mese: is ti nago upene iran um ti neklim upene o un; intu wit alum yin akaija, et ti neklim upene o un mika ti merit vai yin akaija.
3Eris amcel vai yin natimi um udei yin; is atimi ohocred aien, is ato nemehe aien: um idivaig tah is adahpoi nesganimtan aien vai caija; eris amcel vai yin ara, ja intis eti ecen vai yin akaija.
4Is idim apos niji emehe uja aien, um lucsei niji ohocred uja: intis aktaktai akaija mika is aredei yin a Atua, um auud yin, um lep ika yi ohocred aien.
5Eris idim ati inmocop iran va nedo has uja; eris lep auoh oplecoplec yin va nauatatimi uja: eris atijai nohocred iran mika ti igpa akaija; intis cehcehe akaija va naredei yin.
6Intis ahnag akaija asega et idivaig siip; intis adumoij pan akaija irai efalaig uja, athi um athi ehni; is lep atijai nedo has asega uja iran a Ihova.
7Eris ehcerucai yin ara, is um imiasuol yin aien, etpu eti tas aien: et idivaig inhakli siip inig er imiapan yin mika eri atgei yin, um lep idivaig siip inig et eucsup an nuhup u ilpu atimi ucsei nalau iran, etpu eti tas aien.
8Is ehcamai aien um ohocred, ja eris par imiapan yin par atgei, yin: etpu eti aktaktai tah an nopan o un, mika eris atipagki yin an pece u ilpu atimi umumoh, vai nedo has u ilpu atimi unyak; is mas aien par asitu ira ra.
9Is ika aien eri atelmoi yin ehele ilpu atimi auatatimi, ja is wat mas aien eris atelmoi yin ehele natimi ikni itai; ja is eti ehcerucai tah natimi aien, is lep eti asaig tah intas ahcil aien.
10Is upene irai Ihova par auoh oplecoplec yin; is auoh ohocred yin aien: etu wit itai ahlap vai nedo has o atimi aien, etpu alum ilpu hal o un aien, etpu ahinag nadiat iran, etpu ago ehni aien inmerit u Ihova.
11Etu wit ago nauritai o un aien etpu ecetai aien, etpu upene inliinmopon aien vaig: etpu ika a naheca upene unyak et atoh nedo o atimi inyi ahinag va nato yin ura; etpu lep lucsei nimtan nedo has ura aien.
12Va nitai inigki ekpu ahaig itai imi yin ainyak ehele ilpu atimi et ahinag, etpu ahaig naga eris atoraliak an nedoa aien ehele ilpu atimi emda; vaig inig nikavaig, is dekjai nesgan aien um mas: eris esvi pan yin irai ilpu atimi imipalea; is lucsei nimtan nedo has u atimi is ahinag aien, etpu lep alaigaheni aien vai ilpu atimi imipalea.
ที่ได้เลือกล่าสุด:
Aiseya Nuarin-tas alupas 53.: ABO
เน้นข้อความ
คัดลอก
เปรียบเทียบ
แบ่งปัน
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Aneityum Bible © Bible Society of the South Pacific, 2021
(Genesis to Esther - 1879 • Job to Malachi - 1878
• Matthew to Revelation - 1863)