ข้อพระคัมภีร์ยอดนิยมจาก Mateo 24

Ug tungod sa pagdagsang sa daotan, mabugnaw ang gugma sa daghang tawo. Apan maluwas ang magpadayon hangtod sa kataposan.

Ug kining Maayong Balita mahitungod sa paghari sa Dios iwali ngadto sa tibuok kalibotan aron masayod niini ang tanang tawo ug unya moabot ang kataposan.

Makabati kamog mga gubat sa duol ninyo ug mga balita mahitungod sa mga gubat sa halayo apan ayaw kamog kabalaka. Kining mga butanga kinahanglan mahitabo apan wala kini magpasabot nga mao na ang kataposan.

Maggubat ang mga nasod ug mag-away ang mga gingharian. May mga kagutom ug mga linog sa tanang dapit. Kining tanan sinugdanan pa lang sa mga kasakit.

Matapos ang langit ug ang yuta apan ang akong mga pulong magpabilin gayod sa kanunay.

Kay sa akong ngalan daghang tawo ang moanhi nga mag-ingon, ‘Ako ang Mesiyas!’ ug daghan ang malimbongan.

“Unya dakpon kamo sa mga tawo aron sakiton ug unya patyon. Kasilagan kamo sa tanang katawhan tungod kanako. Ug daghan unya niadtong panahona ang mobiya sa ilang pagtuo. Magbudhiay ug magdumtanay sila. Unya daghang mini nga mga propeta ang manungha ug daghan ang malimbongan nila.

Si Jesus mitubag, “Pagbantay kamo ug ayaw kamo palimbong ni bisan kinsa.

Busa kamo usab kinahanglan mag-andam kanunay kay moabot ang Anak sa Tawo sa takna nga kamo wala magpaabot kaniya.

Busa pagbantay kamo kay wala kamo masayod kon unsang adlawa moanhi ang inyong Ginoo.

“Apan walay tawo nga nasayod kanus-a moabot kadtong adlawa ug taknaa, bisan ang mga anghel sa langit ug bisan gani ang Anak, kondili ang Amahan lamang.

Kay manungha ang mga mini nga Mesiyas ug mga mini nga propeta. Magbuhat silag mga dagkong milagro ug mga katingalahan aron pagpasalaag bisan sa mga pinili sa Dios kon mahimo.

Ang pag-abot sa Anak sa Tawo mahisama sa nahitabo sa panahon ni Noe. Sama sa mga adlaw sa wala pa ang lunop, ang mga tawo nagpadayon sa naandan nilang buluhaton sama sa pagkaon ug pag-inom ug pagminyoay, hangtod gayod sa adlaw nga misulod si Noe sa arka. Apan wala sila masayod sa nahitabo hangtod nga ang lunop miabot ug mibanlas kanilang tanan. Sama unya niini ang mahitabo inig-abot sa Anak sa Tawo.