1
ရိမ့ၤ 7:25
Sgaw Karen Common Bible
KSWC
စံးဘျုးကစၢ်ယွၤလၢအမၤတၢ်အံၤခီဖျိပကစၢ်ယ့ၣ်ၡူးခရံာ် အဃိတက့ၢ်. တၢ်လၢအမၤအသးဒီးယၤမ့ၢ်ဒ်အံၤလီၤ. လၢသူၣ်လၢသးန့ၣ်, ယမၤထွဲကစၢ်ယွၤအတၢ်သိၣ်တၢ်သီအခံ, မ့မ့ၢ်လၢနီၢ်ခိနီၢ်ခီန့ၣ်ယမၤထွဲတၢ်ဒဲးဘးအတၢ်သိၣ်တၢ်သီ အခံအဃိန့ၣ်လီၤ.
2
ရိမ့ၤ 7:18
ဒ်ယအိၣ်ဒီးပှၤကညီအန့ဆၢၣ်အသိး, ယသ့ၣ်ညါလၢတၢ်ဂ့ၤတၢ်ဝါတမူလၢယပူၤဘၣ်. အဂ့ၢ်ဒ်လဲၣ်န့ၣ်, သးလၢအဆၢမၤဂ့ၤတၢ်အိၣ်လၢယပူၤသနာ်က့, ယမၤထွဲအီၤ တသ့ဘၣ်.
3
ရိမ့ၤ 7:19
တၢ်အဂ့ၤလၢယဆၢမၤန့ၣ်ယတမၤယဲဘၣ်. မ့မ့ၢ်, တၢ်အအၢလၢယတဆၢမၤန့ၣ် ယမၤယဲလီၤ.
4
ရိမ့ၤ 7:20
ယမ့ၢ်မၤတၢ်လၢယတဆၢမၤဘၣ်န့ၣ်, တၢ်အံၤအခီပညီမ့ၢ်ဝဲ ပှၤလၢအမၤတၢ်ဝဲအံၤတမ့ၢ်လၢၤယၤဘၣ်, မ့မ့ၢ်တၢ်ဒဲးဘးလၢအအိၣ်မူလၢယပူၤမၤတၢ်တခီန့ၣ်လီၤ.
5
ရိမ့ၤ 7:21-22
လၢတၢ်န့ၣ်အဃိ, ယထံၣ်လၢတၢ်သိၣ်တၢ်သီတခါအံၤ, မၤတၢ်ဒ်အံၤဖဲယဆၢမၤတၢ်ဂ့ၤအခါန့ၣ်, တၢ်လၢယဃုထၢအီၤသ့မ့ၢ်ဒၣ်ထဲတၢ်အၢတၢ်သီတခါဧိၤန့ၣ်လီၤ. လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.
6
ရိမ့ၤ 7:16
ဖဲယမၤတၢ်လၢယတသးအိၣ်မၤန့ၣ်, မ့ၢ်ယအၢၣ်လီၤယဲလၢတၢ်သိၣ်တၢ်သီမ့ၢ်တၢ်လၢ အဂ့ၤဝဲဘၣ်ဝဲန့ၣ်လီၤ.