1
လံာ်တၢ်ကူၣ်သ့အတၢ်ကတိၤ 11:25
Sgaw Karen Common Bible
KSWC
ဟ့ၣ်ညီတၢ်တက့ၢ်, ဒီးနကထူးတီၤထီၣ်လီၤ. မၤစၢၤပှၤဂၤတက့ၢ်, ဒီးနကဘၣ်တၢ်မၤစၢၤနၤလီၤ.
2
လံာ်တၢ်ကူၣ်သ့အတၢ်ကတိၤ 11:24
ပှၤတနီၤနီၤသူကျိၣ်သူစ့ကြီကြီဒၣ်လဲာ်ထူးတီၤအါထီၣ်ဒံး ဝဲလီၤ. အဂၤတနီၤ, ပလီၢ်ပဒီအသးဒၣ်လဲာ်ဖှီၣ်လီၤယာ်လီၤအါထီၣ်ဝဲ လီၤ.
3
လံာ်တၢ်ကူၣ်သ့အတၢ်ကတိၤ 11:2
ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.
4
လံာ်တၢ်ကူၣ်သ့အတၢ်ကတိၤ 11:14
ဖဲတၢ်ပၢဆှၢတအိၣ်ဘၣ်နီတမံၤန့ၣ်, ထံကီၢ်တဘ့ၣ်ကလီၤပှီၢ်ဝဲ လီၤ. မ့မ့ၢ်ပှၤဟ့ၣ်ကူၣ်ဟ့ၣ်ဖးတၢ်အါဂၤဒုးနဲၣ်ဖျါထီၣ်တၢ်ပူၤ ဖျဲးလီၤ.
5
လံာ်တၢ်ကူၣ်သ့အတၢ်ကတိၤ 11:30
တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.
6
လံာ်တၢ်ကူၣ်သ့အတၢ်ကတိၤ 11:13
ပှၤတဂၤဂ့ၤတဂၤဂ့ၤလၢအသီၣ်ဝံသဲကလၤန့ၣ်, နနာ်န့ၢ်အီၤလၢတၢ်ခူသူၣ်အဂ့ၢ်တမံၤတသ့ဘၣ်. မ့မ့ၢ်နပာ်တၢ်နာ်န့ၢ်လၢပှၤလၢအလီၤနာ်တဂၤသ့ဝဲလီၤ.
7
လံာ်တၢ်ကူၣ်သ့အတၢ်ကတိၤ 11:17
ဖဲနသးကညီၤတၢ်န့ၣ်, နမၤဘျုးမၤဖှိၣ်လီၤနသးတမံၤလီၤ. နမ့မ့ၢ်ပှၤအၢဝဲသီဝဲဒီး, နမၤဘၣ်ဒိဘၣ်ထံးလီၤနသးဒၣ်နဲန့ၣ်လီၤ.
8
လံာ်တၢ်ကူၣ်သ့အတၢ်ကတိၤ 11:28
ပှၤတဖၣ်လၢအသန့ၤအသးလၢတၢ်ထူးတၢ်တီၤန့ၣ်ကလီၤဃံၤဝဲဒ်သ့ၣ်လၣ် လီၤဆှု လၢတၢ်ကိၢ်ထီၣ်သီအကတီၢ်အသိးန့ၣ်လီၤ. မ့မ့ၢ်ပှၤအတီအလိၤန့ၣ်ကဘီၣ်ထီၣ်ညီထီၣ်ဝဲဒ်သ့ၣ်လၣ်တဖၣ်ဒိးစၢ် ထီၣ်ဖဲတၢ်စူၤလီၤသီအကတီၢ်အသိးန့ၣ်လီၤ.
9
လံာ်တၢ်ကူၣ်သ့အတၢ်ကတိၤ 11:4
မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.
10
လံာ်တၢ်ကူၣ်သ့အတၢ်ကတိၤ 11:3
ပှၤအဂ့ၤဘၣ်တၢ်ပၢဆှၢအီၤလၢအတၢ်တီတၢ်လိၤဒၣ်ဝဲလီၤ. ပှၤလၢတၢ်နာ်န့ၢ်အီၤတသ့ဘၣ်တဖၣ်န့ၣ်ဟးဂီၤကွံာ်လၢအတၢ်တတီ တလိၤဒၣ်ဝဲအဃိလီၤ.
11
လံာ်တၢ်ကူၣ်သ့အတၢ်ကတိၤ 11:22
ပိာ်မုၣ်လၢတၢ်စံၣ်ညီၣ်နီၤဖးအဂ့ၤအဘၣ်တအိၣ်ဒီးအီၤတဂၤအတၢ် ဃံတၢ်လၤန့ၣ်, လီၤဂာ်ဒ်ကွီၤထူတကွီၤလၢထိးတဒု အနါဒ့အလိၤအသိးန့ၣ်လီၤ.
12
လံာ်တၢ်ကူၣ်သ့အတၢ်ကတိၤ 11:1
ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.