ข้อพระคัมภีร์ยอดนิยมจาก လံာ်ယၡါယၤ 62

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်. တချုးဒံးလၢအဝဲဒုးအိၣ်ဂၢၢ်ကျၢၤက့ၤဝ့ၢ်ယရူၤၡလ့ၣ်, ဒီးဒုးကဲထီၣ်အီၤလၢဝ့ၢ်တဖျၢၣ်လၢဟီၣ်ခိၣ်ဒီဘ့ၣ် စံးထီၣ်ပတြၢၤအီၤဒံးဘၣ်န့ၣ်, အဝဲသ့ၣ်တဘၣ်ဒုးအိၣ်ဘှံးအိၣ်သါအီၤဘၣ်.

နကလီၤဂာ်ဒီးခိၣ်သလုးအဃံအလၤတဖျၢၣ်လၢ ယွၤအဂီၢ်လီၤ.

ဒ်ပိာ်ခွါသးစၢ်တဂၤဟံးန့ၢ်မုၣ်လိၤဘိတဂၤဒ် တလးမူးပိာ်မုၣ်အသိးန့ၣ်, ပှၤလၢအတ့လီၤတ့ၢ်နၤကဖျီအသးဒီးနၤလီၤ. ဒ်တလးမူးပိာ်ခွါတဂၤသူၣ်ဖှံသးညီဒီး တလးမူးပိာ်မုၣ်အသိးန့ၣ်, နကစၢ်ယွၤကသူၣ်ဖှံသးညီလၢနပူၤလီၤ.