ข้อพระคัมภีร์ยอดนิยมจาก A̱romawa 15

N naai A̱gwaza, a̱ yet a̱tyin tyia̱ fwuo a̱ni, gu nang nyin a̱lyia̱ sai ma̱ng swat nyinyang gba̱mgbam, mat nang nyi nnwuak fwuo da̱ nggu a̱ni. A̱jawa nyi na mbeang gbang a̱lyia̱ ma̱ng tyia̱ fwuo nyin hu gba̱mgbam da̱ nggu, mat nang A̱za̱za̱rak Ntswa wu ntyia̱ nyin chet a̱ni.

Kuzang kyang nang á̱ ku lyuut gbangbang ma̱ A̱lyiat A̱gwaza na a̱ni, á̱ ku lyuut wa da̱nian á̱ ka tyiet zi̱t, zi̱ mban si̱sak ji nang zi̱ na ntyia̱ fwuo a̱ni. A̱lyiat A̱gwaza na si̱ bu tyei nzi̱t gba̱gbak nang zi̱ nswan ma̱ng nyap fwuo fwuong a̱li̱ka̱uli A̱gwaza a̱ na bai da̱ a̱nu ka a̱ni.

Yok A̱gwaza a̱ tyei nzi̱t zi̱ nyap fwuo a̱ni. A̱wot a̱ si̱ bu tyei nzi̱t gba̱gbak gba̱mgbam a̱ni, gu beang nyin nyi swan swat mun á̱pyia̱ ma̱ng á̱ghyang nyin, ma̱nang ku mmyim á̱niet khwi Yesu Kristi ba a̱ni. A̱jawa a̱mgba̱m nyin na mbai dundung ma̱ng a̱nwuat a̱nyiung. Nyi dyep A̱gwaza dundung. Nyi bu nwuak gu shi. Nggu wa yet A̱tyia̱ A̱tyoli nzi̱t wu, Yesu Kristi.

Mat a̱nia, nyi san á̱ghyang nyin mbwak nfeang ma̱nang Yesu Kristi nsan nyin a̱ni, da̱nian á̱ ka nwuak A̱gwaza shi.

Ku myim zi̱ beang á̱niet khwi á̱ghyang ba̱ tat á̱ghyi di̱ nyia̱ kyang ku yet a̱tan a̱ni, a̱wot zi̱ bu tyia̱ mba gba̱gbak mi̱ khwi A̱tyoli Yesu hu.