ข้อพระคัมภีร์ยอดนิยมจาก Filipenses 3

Jahara kíchóni, janhan na̱xa̱ ndáxrja̱nhña kixin ó kjuácha. La náhí. Ti nkehe tjínka̱oan mé chrókꞌuitjáñana kaín ti nkehe ó kꞌuatsínka. A̱ndá ijie la tsotsjaha̱ jína ti nkehe na̱xa̱ tꞌitjáña tsjácha. Kixin xi̱kaha ndá chrókjuácha chrókꞌuayáha̱ ti nkehe sincheki̱to̱na Díos itjen nkaya nka̱jní. Díos mé kꞌuéya̱na kixin xi̱kaha tsꞌayáha̱ tíhi kixin tinkachónkia Jesucristo.

Ti nkehe tjínka̱oan la tsochoxián Cristo la ko tsochonta ti kjuachaxin chónta chꞌan ti xechón chꞌan, la tjínka̱oan chrókjuasótexína éxi kjuasótexín chꞌan la ko kjónté chrókꞌuenxian éxi kꞌuénxin chꞌan kixin xi̱kaha chrókjuácha chrócho̱ha̱n hasta chróxechóna ínaá.

La kja̱xin kaín ti nkehe kꞌuéchonta la tꞌíkua̱n éxi chónkó tíha, kixin a̱ntsí tjetoan chróchoxian Ìnchéni Jesucristo. La kaín ti nkehe kꞌuéchonta la kui̱to̱ha̱ ndáha, la ijie tíha tꞌíkua̱n éxi chji̱nínó ó kixin xi̱kaha jína chrókjuácha chróchoxian Cristo

Mé kaín tíha kꞌuékji̱tꞌa ósé kixin tsíndáxrja̱n kixin tjete sínkí tíha. A̱ndá ijie tꞌíkua̱n kixin ninkehó sínkíhya kaín tíha, kixin janhan la tinkachónkia Cristo.