ข้อพระคัมภีร์ยอดนิยมจาก Lucas 5

A̱ndá ti ó kjuixin nixja chꞌin Jesús, la ndáche chꞌan ti chꞌin Simón: ―Tjiko̱a ti ntabarco í ti tjiá ìnta̱ ni̱nka ndá ité ti nchísén tse̱ya koche.

*Ndá kjuáte̱he chꞌin Simón, ndáchro: ―Maestro, kjuíchꞌeni ixra̱ kuenté tie la tséhyani ninkehó koche. Kjánchó ti jaha této̱an la tsochrꞌáni ti nchísén ínaá. *Ndá xi̱kaha kjuíchꞌe sin, la nchónhña koche itsé sin la ti nchísén la kjuankíxin tinkákꞌichje.

Kjánchó chꞌin Jesús la kꞌuaxrjenta ti kohya chojni la nixje̱he̱ chꞌan Díos.

Janhan la kꞌuinkakjéyáhya ti chojni jína tjejó. Kꞌuinkakjéyá ti chojni chónta ijie̱ kixin chrókuíto̱he sin ti iji̱é sin la chrókjuinkí sin ti nkehe tjenka̱yáxin sin.

Ndá ti ó xi̱kaha kꞌuíkon chꞌin Simón Pedro la kjuákꞌexín chꞌan tochꞌin chꞌan nkayakon chꞌin Jesús la ndáchro chꞌan: ―Ti̱to̱héni, Ìnchéni, kixin jeheni la ijnko chojni chónta nchónhña ijie̱.

Ndá chꞌin Jesús kjuáte̱he, ndáchro: ―Ti chojni níehña la ticháxie̱nhña sin nkexro tsjajon xro̱a̱n. Jehó ti chojni níhi mé ticháxi̱hin nkexro tsjajon xro̱a̱n.

Ndá ti ó kjuíjiko sin ti ntabarco chrínta ìnta̱ la kuíto̱he sin kaín la chréhe̱ sin chꞌin Jesús.

A̱ndá kjuíji chꞌin Jesús ijnko chjasin, ndá ikui ijnko chojni níhi chónta chinlepra. La ti ó kꞌuíkon chꞌan ti chꞌin Jesús la kjuákꞌexín chꞌan tochꞌin chꞌan, chrónòa chꞌan, ndáchro chꞌan: ―Ti tjinkaoan la jína chrókjui̱nchekito̱héni jína. Ndá chꞌin Jesús kjuakꞌetja tja ti si̱níhi, la ndáchro: ―Jeén tjínka̱oan. Tito̱ha jína. Ndá tuénxín kjuìin ti chinlepra la kuíto̱he chꞌan jína.

Kjánchó a̱ntsí kꞌuixikónohe kaín chojni ti kjuaxroan kjuasin chꞌan, la nchónhña chojni kóchjina sin kixin tsihin sin nkehe tjako chꞌan, la ko tsito̱he sin jína.