Yohane 8
8
Ipinga iyaghoghighwe ughoni
1Lekeni Yesu kaghenda kuna ichidunda cha Minzeituni. 2Nemitondotondo litsuwa lya keli Yesu koya kengila keli kuna lihekalu. Iwanu wose wamtsila, naye kakala hasi, kandusa kuwalangulitsa. 3Baho Iwaandishi na Mafarisayo wamghalila pinga iyaghoghighwe ughoni, wamwika ipinga ayo haghatighati hawo. 4Wamlongela, “Mlangulitsi, ipinga ayuno kaghoghighwa ughoni, hayang'ali yowasa na immale. 5Mna Itorati, Musa katulaghitsa ipinga ka ayu kobamighwa yatowighwe na ghamabwe. Na ghweghwe ulongatse?” 6Lekeni tsawaghutsa apfo wamghetse na wamwonze, ili wapate ghomba lya kumshitaki. Lekeni Yesu kenamila hasi, kandusa kwandika mna lidongo kwa ichidole chake.
7Hawaghendelele kumghutsa, Yesu kenula litwi kawalongela, “Imunu wowose mna mwemwe yang'ana yatende chinu chihile yalongole ukumwasila libwe.” 8Kuya Yesu kenama keli, kandika mna lidongo. 9Iwanu awala hawahulike apfi, wandusa kuka yumweyumwe, kwandusila iwabala. Yesu kasighala yaliyeka na ipinga ayula iyemile ahala. 10Yesu kenula litwi, kamghutsa, “Walikwani iwanu iwakughoghile? Pfihi kuduhu munu iyakuhighile?”
11Ipinga ayo kamwidika, “Mndewa, kuduhu munu iyanihighile.”
Yesu kamlongela, “Na nene sikuhigha baye. Uka, na uleke kutenda nzambi keli.”
Yesu kaghumwanga ghwa isi yose
12Yesu kalonga keli na iwanu, kalonga, “Nene na ghumwanga ghwa isi. Munu wowose iyoniwinza nene ng'atsakwanga mchisi baye, ila katsakuwa na ghumwanga ghwa ugima.”
13Mafarisayo wamwidika, “Ghweghwe kwelapfila ukalangama ghumwenyegho, ukalangama wako si wa kweli baye.”
14Yesu kawalongela, “Hata kama nelapfila ukalangama nimwenyegho, ukalangama wangu wolongesa, kwaapfila nomanya kwani kwanilawile na kwani kwanighenda. Lekeni mwemwe ng'ammanya baye kwani kwanilawile au kwanighenda. 15Mwemwe mwohigha ka iwanu pfawohigha. Nene simhigha munu baye. 16Lekeni hata ning'ahigha, nohigha ghoya, kwaapfila sisang'ana niliyeka baye, Aba iyanitumile kahamwe na nene. 17Yandikighwa mna Ghamalaghitso ghenu kuwa ukalangama wa wanu weli wotogholighwa. 18Nene nelapfila nimwenyegho ukalangama, na imkalangama wangu yungi, Baba iyanitumile.”
19Kuya wamghutsa, “Ayo Aba wako yali kwani?”
Yesu kawedika, “Nene ng'amnimanyile baye, wala Aba wangu ng'amummanyile baye; mng'animanyile nene, na Aba wangu pfipfila mng'ammanyile.”
20Tsimbuli atsino Yesu kalonga hayang'ali yolangulitsa mna lihekalu, hana ichumba cha ihatsina. Na haduhu munu iyamghoghile, kwaapfila isaa yake tsa ng'ana ipfike baye.
Kwanighenda nene mwemwe ng'amdaha kughenda baye
21Yesu kalonga nawo keli, “Nene nakuka, namwe mtsonibama; na mtsakufa mna tsinzambi tsenu. Kwanighenda nene mwemwe ng'amdaha kughenda baye.”
22Iwakulu wa Wayahudi waghutsa, “Pfihi kobama yekome imwenyegho? Mana kolonga, 'Kwanighenda nene mwemwe ng'amdaha kughenda baye?”
23Lekeni Yesu kawedika, “Mwemwe mwa wa hasi, nene na wa kuchanya. Mwemwe mwa iwanu wa isi aino, nene sili wa isi aino baye. 24Tsaniwalongela mtsakufa mna tsinzambi tsenu. Kwaapfila ana ng'amtoghola baye kuwa ‘Nene ye yuyo’ mtsakufa mna tsinzambi tsenu.”
25Baho wamghutsa, “Lelo ghweghwe uli nani?” Yesu kawedika, “Nene nayuyo kama pfaniwalongele kulawa mwanduso.” 26“Nina pfinu pfingi pfa kuwalonga mwemwe na kumhighani. Lekeni iyanitumile yeye kawaukweli, na achila chanihulika kuna yeye, chicho chaniwalongela iwanu wa isi.”
27Wala ng'awamanyile baye kuwa Yesu yang'ali yowalongela tsimbuli tsa Baba. 28Apfo Yesu kawalongela, “Hamtsomwinula mchanya Imwana wa Adamu, baho hamtsomanya kuwa nene na Yuyo, na kuwa nene sitenda chinu chochose pfanibama nimwenyegho baye, ila chayonilangulitsa Baba chicho chanilonga. 29Na ayula iyanitumile kahamwe na nene, ng'anilekile niliyeka baye, kwaapfila matsuwa ghose nene notenda aghala ighomnoghela.”
30Wengi iwamhulike Yesu hayang'ali yolonga ipfinu apfino wamtoghola.
Ukweli utsomwikani hulu
31Apfo Yesu kawalongela Wayahudi awala iwamtoghole, “Mng'aghakinda ghamalangulitso ghangu, mwemwe mtsakuwa wanafunzi wangu ghendo ghendo. 32Kuya mtsomanya ukweli, na ukweli utsomwikeni hulu.” 33Nawo wamwidika, “Twetwe twa watsukulu wa Abrahamu, na ng'ana tuwe watumwa wa munu wowose baye. Utulongatse, 'Mtsakwikighwa hulu'?” 34Yesu kawedika, “Nowalongela ukweli ghendo, munu wowose iyotenda nzambi ayo mtumwa wa nzambi. 35Mtumwa ng'okala matsuwa ghose hakaye baye, lekeni imwana kokala hakaye matsuwa ghose. 36Apfo Imwana yang'amwikani hulu, mtsakuwa hulu kweli kweli. 37Nomanya kuwa mwemwe mwa watsukulu wa Abrahamu. Lekeni mwobama mnikome kwaapfila ng'amtoghola ghamalangulitso ghangu. 38Achila Aba wangu chayanilanguse chicho chaniwalongela, na mwemwe pfipfila achila chayowalongela aba wenu chicho chamtenda.”
39Wamwidika, “Aba wetu twetwe Abrahamu.”
Yesu kawedika, “Mng'awile wana wa Abrahamu, mng'atendile aghala ghayatendile Abrahamu. 40Lekeni lelo mwemwe mwobama mnikome, imunu yaniwalongele ukweli yaniuhulike kwa Imlungu. Abrahamu ng'atendile chinu kama achino baye! 41Mwemwe mwotenda tsisang'ano tsa aba wenu.”
Baho wamlongela, “Twetwe ng'atwoneke kwa utsinzi baye, twinaye Aba wetu yumwe, yuyo Imlungu.”
Iwana wa Setani
42Yesu kawalongela, “Imlungu yang'awile Aba wenu, mng'anikundille nene, kwaapfila nilawa kwa Imulungu na sambi na ahano. Sitsile kwa ukubama kwangu nimwenyegho baye, ila yeye kanituma. 43Hebali ng'ammanya aghala ghanilonga? Kwaapfila mwemwe ng'amdaha kuhulikitsa ghamalangulitso ghangu baye. 44Mwemwe mwa wa aba wenu Ibilisi, na tsitamaa tsa aba wenu tsitso tsamsulukila ukutenda. Yeye kawa mkomi tangia mwanzo, wala ng'emile mna ukweli baye, kwaapfila ng'amna ukweli baye mghati mwake. Hayolonga ughutsu, kolonga gha ichihendo chake, kwaapfila kamghutsu na kababa wa ughutsu. 45Na nene kwaapfila nolonga ighali gha ukweli, mwemwe ng'amnitoghola baye. 46Apfi nani mna mwemwe iyodaha kulapfa ukalangama ka nene nina nzambi? Kama nowalongela ighali gha ukweli, hebali mlema ukunitoghola? 47Imunu iyehuwila Imlungu kohulikitsa usenga wa Imlungu. Lekeni mwemwe ng'amhulikitsa kwaapfila ng'amwihuwila Imlungu baye.”
Yesu na Abrahamu
48Wayahudi wamwidika, na wamghutsa, “Angu ng'atulongesa baye, hatulonga ka ghweghwe kwa Msamariya na kuna chinyamkela?”
49Yesu kawedika, “Nene sina chinyamkela baye, ila nomheshimu Aba wangu; lekeni mwemwe mwoniumbula. 50Nene sibamila utunitso nimwenyegho baye, ila kabaho iyoubama, na yuyo imlamtsi. 51Nowalongela ukweli ghendo, munu wowose yang'aghakinda ghamalangulitso ghangu, ayo ng'atsakufa ghendo baye matsuwa ghose ing'aghohupa.”
52Baho Wayahudi wamlongela, “Lelo twomanya kuwa ghweghwe kuna chinyamkela! Abrahamu na manabii wafa, lekeni ghweghwe kwolonga, munu wowose yang'aghakinda ghamalangulitso ghangu, ayo ng'atsakufa ghendo baye matsuwa ghose ing'aghohupa. 53Pfihi ghweghwe kwa mkulu kubita aba wetu Abrahamu iyafile? Pfipfila na wamanabii iwafile? Angu ghweghwe kwetenda uli nani?”
54Yesu kawedika, “Ning'etunya nimwenyegho, utunitso wangu si chinu baye. Aba wangu yuyo iyonitunya nene, yamumkema mwemwe Imlungu wenu. 55Mwemwe ng'amummanyile baye, lekeni nene nimmanya. Ning'alonga simmanyile baye, nitsakuwa mghutsu kama mwemwe. Lekeni nene nimmanya, na lilonga lyake nolikinda. 56Abrahamu, aba wenu, tsa kadeng'elela ng'ani kwa apfila pfayatsolyona litsuwa lyangu, naye kalyona, kadeng'a.”
57Wayahudi wamlongela, “Ghweghwe ng'una upfike hata miyaka hamsini, naghwe kumwona Abrahamu!”
58Yesu kawedika, “Nowalongela kweli ghendo, Ng'ana Abrahamu yawe baho, nene nabaho.” 59Baho wadondola mabwe wamwasile, lekeni Yesu kepfisa, kenyelebula kalawa mna lihekalu koka.
Iliyochaguliwa sasa
Yohane 8: LBV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yohane 8
8
Ipinga iyaghoghighwe ughoni
1Lekeni Yesu kaghenda kuna ichidunda cha Minzeituni. 2Nemitondotondo litsuwa lya keli Yesu koya kengila keli kuna lihekalu. Iwanu wose wamtsila, naye kakala hasi, kandusa kuwalangulitsa. 3Baho Iwaandishi na Mafarisayo wamghalila pinga iyaghoghighwe ughoni, wamwika ipinga ayo haghatighati hawo. 4Wamlongela, “Mlangulitsi, ipinga ayuno kaghoghighwa ughoni, hayang'ali yowasa na immale. 5Mna Itorati, Musa katulaghitsa ipinga ka ayu kobamighwa yatowighwe na ghamabwe. Na ghweghwe ulongatse?” 6Lekeni tsawaghutsa apfo wamghetse na wamwonze, ili wapate ghomba lya kumshitaki. Lekeni Yesu kenamila hasi, kandusa kwandika mna lidongo kwa ichidole chake.
7Hawaghendelele kumghutsa, Yesu kenula litwi kawalongela, “Imunu wowose mna mwemwe yang'ana yatende chinu chihile yalongole ukumwasila libwe.” 8Kuya Yesu kenama keli, kandika mna lidongo. 9Iwanu awala hawahulike apfi, wandusa kuka yumweyumwe, kwandusila iwabala. Yesu kasighala yaliyeka na ipinga ayula iyemile ahala. 10Yesu kenula litwi, kamghutsa, “Walikwani iwanu iwakughoghile? Pfihi kuduhu munu iyakuhighile?”
11Ipinga ayo kamwidika, “Mndewa, kuduhu munu iyanihighile.”
Yesu kamlongela, “Na nene sikuhigha baye. Uka, na uleke kutenda nzambi keli.”
Yesu kaghumwanga ghwa isi yose
12Yesu kalonga keli na iwanu, kalonga, “Nene na ghumwanga ghwa isi. Munu wowose iyoniwinza nene ng'atsakwanga mchisi baye, ila katsakuwa na ghumwanga ghwa ugima.”
13Mafarisayo wamwidika, “Ghweghwe kwelapfila ukalangama ghumwenyegho, ukalangama wako si wa kweli baye.”
14Yesu kawalongela, “Hata kama nelapfila ukalangama nimwenyegho, ukalangama wangu wolongesa, kwaapfila nomanya kwani kwanilawile na kwani kwanighenda. Lekeni mwemwe ng'ammanya baye kwani kwanilawile au kwanighenda. 15Mwemwe mwohigha ka iwanu pfawohigha. Nene simhigha munu baye. 16Lekeni hata ning'ahigha, nohigha ghoya, kwaapfila sisang'ana niliyeka baye, Aba iyanitumile kahamwe na nene. 17Yandikighwa mna Ghamalaghitso ghenu kuwa ukalangama wa wanu weli wotogholighwa. 18Nene nelapfila nimwenyegho ukalangama, na imkalangama wangu yungi, Baba iyanitumile.”
19Kuya wamghutsa, “Ayo Aba wako yali kwani?”
Yesu kawedika, “Nene ng'amnimanyile baye, wala Aba wangu ng'amummanyile baye; mng'animanyile nene, na Aba wangu pfipfila mng'ammanyile.”
20Tsimbuli atsino Yesu kalonga hayang'ali yolangulitsa mna lihekalu, hana ichumba cha ihatsina. Na haduhu munu iyamghoghile, kwaapfila isaa yake tsa ng'ana ipfike baye.
Kwanighenda nene mwemwe ng'amdaha kughenda baye
21Yesu kalonga nawo keli, “Nene nakuka, namwe mtsonibama; na mtsakufa mna tsinzambi tsenu. Kwanighenda nene mwemwe ng'amdaha kughenda baye.”
22Iwakulu wa Wayahudi waghutsa, “Pfihi kobama yekome imwenyegho? Mana kolonga, 'Kwanighenda nene mwemwe ng'amdaha kughenda baye?”
23Lekeni Yesu kawedika, “Mwemwe mwa wa hasi, nene na wa kuchanya. Mwemwe mwa iwanu wa isi aino, nene sili wa isi aino baye. 24Tsaniwalongela mtsakufa mna tsinzambi tsenu. Kwaapfila ana ng'amtoghola baye kuwa ‘Nene ye yuyo’ mtsakufa mna tsinzambi tsenu.”
25Baho wamghutsa, “Lelo ghweghwe uli nani?” Yesu kawedika, “Nene nayuyo kama pfaniwalongele kulawa mwanduso.” 26“Nina pfinu pfingi pfa kuwalonga mwemwe na kumhighani. Lekeni iyanitumile yeye kawaukweli, na achila chanihulika kuna yeye, chicho chaniwalongela iwanu wa isi.”
27Wala ng'awamanyile baye kuwa Yesu yang'ali yowalongela tsimbuli tsa Baba. 28Apfo Yesu kawalongela, “Hamtsomwinula mchanya Imwana wa Adamu, baho hamtsomanya kuwa nene na Yuyo, na kuwa nene sitenda chinu chochose pfanibama nimwenyegho baye, ila chayonilangulitsa Baba chicho chanilonga. 29Na ayula iyanitumile kahamwe na nene, ng'anilekile niliyeka baye, kwaapfila matsuwa ghose nene notenda aghala ighomnoghela.”
30Wengi iwamhulike Yesu hayang'ali yolonga ipfinu apfino wamtoghola.
Ukweli utsomwikani hulu
31Apfo Yesu kawalongela Wayahudi awala iwamtoghole, “Mng'aghakinda ghamalangulitso ghangu, mwemwe mtsakuwa wanafunzi wangu ghendo ghendo. 32Kuya mtsomanya ukweli, na ukweli utsomwikeni hulu.” 33Nawo wamwidika, “Twetwe twa watsukulu wa Abrahamu, na ng'ana tuwe watumwa wa munu wowose baye. Utulongatse, 'Mtsakwikighwa hulu'?” 34Yesu kawedika, “Nowalongela ukweli ghendo, munu wowose iyotenda nzambi ayo mtumwa wa nzambi. 35Mtumwa ng'okala matsuwa ghose hakaye baye, lekeni imwana kokala hakaye matsuwa ghose. 36Apfo Imwana yang'amwikani hulu, mtsakuwa hulu kweli kweli. 37Nomanya kuwa mwemwe mwa watsukulu wa Abrahamu. Lekeni mwobama mnikome kwaapfila ng'amtoghola ghamalangulitso ghangu. 38Achila Aba wangu chayanilanguse chicho chaniwalongela, na mwemwe pfipfila achila chayowalongela aba wenu chicho chamtenda.”
39Wamwidika, “Aba wetu twetwe Abrahamu.”
Yesu kawedika, “Mng'awile wana wa Abrahamu, mng'atendile aghala ghayatendile Abrahamu. 40Lekeni lelo mwemwe mwobama mnikome, imunu yaniwalongele ukweli yaniuhulike kwa Imlungu. Abrahamu ng'atendile chinu kama achino baye! 41Mwemwe mwotenda tsisang'ano tsa aba wenu.”
Baho wamlongela, “Twetwe ng'atwoneke kwa utsinzi baye, twinaye Aba wetu yumwe, yuyo Imlungu.”
Iwana wa Setani
42Yesu kawalongela, “Imlungu yang'awile Aba wenu, mng'anikundille nene, kwaapfila nilawa kwa Imulungu na sambi na ahano. Sitsile kwa ukubama kwangu nimwenyegho baye, ila yeye kanituma. 43Hebali ng'ammanya aghala ghanilonga? Kwaapfila mwemwe ng'amdaha kuhulikitsa ghamalangulitso ghangu baye. 44Mwemwe mwa wa aba wenu Ibilisi, na tsitamaa tsa aba wenu tsitso tsamsulukila ukutenda. Yeye kawa mkomi tangia mwanzo, wala ng'emile mna ukweli baye, kwaapfila ng'amna ukweli baye mghati mwake. Hayolonga ughutsu, kolonga gha ichihendo chake, kwaapfila kamghutsu na kababa wa ughutsu. 45Na nene kwaapfila nolonga ighali gha ukweli, mwemwe ng'amnitoghola baye. 46Apfi nani mna mwemwe iyodaha kulapfa ukalangama ka nene nina nzambi? Kama nowalongela ighali gha ukweli, hebali mlema ukunitoghola? 47Imunu iyehuwila Imlungu kohulikitsa usenga wa Imlungu. Lekeni mwemwe ng'amhulikitsa kwaapfila ng'amwihuwila Imlungu baye.”
Yesu na Abrahamu
48Wayahudi wamwidika, na wamghutsa, “Angu ng'atulongesa baye, hatulonga ka ghweghwe kwa Msamariya na kuna chinyamkela?”
49Yesu kawedika, “Nene sina chinyamkela baye, ila nomheshimu Aba wangu; lekeni mwemwe mwoniumbula. 50Nene sibamila utunitso nimwenyegho baye, ila kabaho iyoubama, na yuyo imlamtsi. 51Nowalongela ukweli ghendo, munu wowose yang'aghakinda ghamalangulitso ghangu, ayo ng'atsakufa ghendo baye matsuwa ghose ing'aghohupa.”
52Baho Wayahudi wamlongela, “Lelo twomanya kuwa ghweghwe kuna chinyamkela! Abrahamu na manabii wafa, lekeni ghweghwe kwolonga, munu wowose yang'aghakinda ghamalangulitso ghangu, ayo ng'atsakufa ghendo baye matsuwa ghose ing'aghohupa. 53Pfihi ghweghwe kwa mkulu kubita aba wetu Abrahamu iyafile? Pfipfila na wamanabii iwafile? Angu ghweghwe kwetenda uli nani?”
54Yesu kawedika, “Ning'etunya nimwenyegho, utunitso wangu si chinu baye. Aba wangu yuyo iyonitunya nene, yamumkema mwemwe Imlungu wenu. 55Mwemwe ng'amummanyile baye, lekeni nene nimmanya. Ning'alonga simmanyile baye, nitsakuwa mghutsu kama mwemwe. Lekeni nene nimmanya, na lilonga lyake nolikinda. 56Abrahamu, aba wenu, tsa kadeng'elela ng'ani kwa apfila pfayatsolyona litsuwa lyangu, naye kalyona, kadeng'a.”
57Wayahudi wamlongela, “Ghweghwe ng'una upfike hata miyaka hamsini, naghwe kumwona Abrahamu!”
58Yesu kawedika, “Nowalongela kweli ghendo, Ng'ana Abrahamu yawe baho, nene nabaho.” 59Baho wadondola mabwe wamwasile, lekeni Yesu kepfisa, kenyelebula kalawa mna lihekalu koka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia