Mwanduso 8
8
Ghamatsi gha gharika ghonyala
1Lekeni Imulungu ng'amsemwile baye Nuhu na iwanyama wa kumuhulo na iwanyama wa kufughighwa iwakalile hamwe naye mna safina, Imulungu kaghala libeho, ghamatsi ghandusa kunyala. 2Mana tsimbwibwi itsighendese ma tsatsihindighwa na kulanga tsakuhindighwa, na imvula ma ileka kutowa. 3Ghamatsi ghaghendelela kunyala lughalugha na haghabitile ghamatsuwa miya imwe na hamsini ghamatsi tsaghauhunguka ng'ani. 4Mna litsuwa lya kumi na saba mna ghumwetsi wa saba, safina tsaipfika mna ipfidunda pfa Ararati. 5Ghamatsi ghaghendelela kunyala lughalugha, na litsuwa lya mwanduso lya ghumwetsi ghwa kumi, pfidando tsapfoneka.
6Ghamatsuwa alubaini haghabitile, Nuhu tsakapfughula dilisha lyekile mna safina, 7kamlapfa bondwa kunze, naye ng'oyile baye, kaghuluka ghuluka mbaka ghamatsi haghanyalile. 8Kuya kamtuma njiwa aghende kulola ka ghamatsi ghanyala mna isi. 9Lekeni njiwa ng'onile baye hanu hu ukughwa kwaapfila isi yose tsaighubikighwa na ghamatsi, apfo koya kwa Nuhu kune safina. Nuhu kagholosa ghumoko ghwake kamsola kamwingitsa mna safina. 10Kabetetsa ghamatsuwa ghangi saba, kuya kamlapfa keli njiwa. 11Njiwa hayoile mihe ila, katsa na tsani bisi lya mtsaituni mna mlomo wake! Apfo Nuhu kamanya ka ghamatsi ghanyala. 12Nuhu kabetetsa ghamatsuwa ghangi saba, kamtuma keli njiwa, lekeni njiwa ng'oyile keli baye.
13Nuhu hayakalile na miyaka miya sita na ghumwe, mna litsuwa lya mwanduso lya ghumwetsi ghwa mwanduso, ghamatsi tsaghanyala muisi. Nuhu tsakaghubula chighubiko cha safina, na hayalolile, kona isi isakala. 14Na ghumwetsi ghwa kabili, mna litsuwa lya ishirini na saba isi tsaisakala ghendo.
15Kuya Imulungu kamlongela Nuhu, 16“Lawa mna safina, ghweghwe na mwehe wako, na iwanagho na wehe tsawo. 17Uwalapfe iwapfideghe wose wane ughima, iwanyama wose, iwapfilumbe iwotambala muisi ili weleke ng'ani, wongetseke na kwenela muisi.” 18Apfo Nuhu kalawa na mwehe wake na iwanaghe hamwe na wehe tsawo. 19Iwanyama wose, iwapfilumbe wose iwotambala muisi na iwapfideghe wose, walawa mna safina ka pfawali.
Nuhu komlapfila Imulungu nambiko
20Kuya Nuhu kamtsengela IMNDEWA hanu ha kulapfila inambiko ha ghamabwe, kasola chila imnyama yadeghete na chideghe yadeghete, kamlapfila Imulungu nambiko tsa kulakatsighwa hanu hakutambikila. 21Inambiko ila imnung'ila ghoya IMNDEWA kuya kelongela mwenyegho, “Sitsoilighita keli baye iisi kwaajili ya imunu, kwaapfila nomanya aghala ighali mna ghumoyo ghwake gheha kulawa udodo wake. Sitsowahinya keli iwapfilumbe wose, ka pfanendile. 22Ka isi pfaikala, ghamatsuwa ghose kutsakuwa na msimu ghwa kuhanda na msimu ghwa kupfuna, wa beho na iutsumbuke, chipfeghetsi na chihangatsi, imisi na ichilo.”
Iliyochaguliwa sasa
Mwanduso 8: LBV
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Mwanduso 8
8
Ghamatsi gha gharika ghonyala
1Lekeni Imulungu ng'amsemwile baye Nuhu na iwanyama wa kumuhulo na iwanyama wa kufughighwa iwakalile hamwe naye mna safina, Imulungu kaghala libeho, ghamatsi ghandusa kunyala. 2Mana tsimbwibwi itsighendese ma tsatsihindighwa na kulanga tsakuhindighwa, na imvula ma ileka kutowa. 3Ghamatsi ghaghendelela kunyala lughalugha na haghabitile ghamatsuwa miya imwe na hamsini ghamatsi tsaghauhunguka ng'ani. 4Mna litsuwa lya kumi na saba mna ghumwetsi wa saba, safina tsaipfika mna ipfidunda pfa Ararati. 5Ghamatsi ghaghendelela kunyala lughalugha, na litsuwa lya mwanduso lya ghumwetsi ghwa kumi, pfidando tsapfoneka.
6Ghamatsuwa alubaini haghabitile, Nuhu tsakapfughula dilisha lyekile mna safina, 7kamlapfa bondwa kunze, naye ng'oyile baye, kaghuluka ghuluka mbaka ghamatsi haghanyalile. 8Kuya kamtuma njiwa aghende kulola ka ghamatsi ghanyala mna isi. 9Lekeni njiwa ng'onile baye hanu hu ukughwa kwaapfila isi yose tsaighubikighwa na ghamatsi, apfo koya kwa Nuhu kune safina. Nuhu kagholosa ghumoko ghwake kamsola kamwingitsa mna safina. 10Kabetetsa ghamatsuwa ghangi saba, kuya kamlapfa keli njiwa. 11Njiwa hayoile mihe ila, katsa na tsani bisi lya mtsaituni mna mlomo wake! Apfo Nuhu kamanya ka ghamatsi ghanyala. 12Nuhu kabetetsa ghamatsuwa ghangi saba, kamtuma keli njiwa, lekeni njiwa ng'oyile keli baye.
13Nuhu hayakalile na miyaka miya sita na ghumwe, mna litsuwa lya mwanduso lya ghumwetsi ghwa mwanduso, ghamatsi tsaghanyala muisi. Nuhu tsakaghubula chighubiko cha safina, na hayalolile, kona isi isakala. 14Na ghumwetsi ghwa kabili, mna litsuwa lya ishirini na saba isi tsaisakala ghendo.
15Kuya Imulungu kamlongela Nuhu, 16“Lawa mna safina, ghweghwe na mwehe wako, na iwanagho na wehe tsawo. 17Uwalapfe iwapfideghe wose wane ughima, iwanyama wose, iwapfilumbe iwotambala muisi ili weleke ng'ani, wongetseke na kwenela muisi.” 18Apfo Nuhu kalawa na mwehe wake na iwanaghe hamwe na wehe tsawo. 19Iwanyama wose, iwapfilumbe wose iwotambala muisi na iwapfideghe wose, walawa mna safina ka pfawali.
Nuhu komlapfila Imulungu nambiko
20Kuya Nuhu kamtsengela IMNDEWA hanu ha kulapfila inambiko ha ghamabwe, kasola chila imnyama yadeghete na chideghe yadeghete, kamlapfila Imulungu nambiko tsa kulakatsighwa hanu hakutambikila. 21Inambiko ila imnung'ila ghoya IMNDEWA kuya kelongela mwenyegho, “Sitsoilighita keli baye iisi kwaajili ya imunu, kwaapfila nomanya aghala ighali mna ghumoyo ghwake gheha kulawa udodo wake. Sitsowahinya keli iwapfilumbe wose, ka pfanendile. 22Ka isi pfaikala, ghamatsuwa ghose kutsakuwa na msimu ghwa kuhanda na msimu ghwa kupfuna, wa beho na iutsumbuke, chipfeghetsi na chihangatsi, imisi na ichilo.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia