Maˍkuˆ li‸ 7
7
Cha‸ chiˆ tuˬ te gʼa ve awˬ ceuˬ teˇ hpaˍ
1Oˇ htaˇ, Hpaˍriˍsehˇ teˇ hpaˍ leh Yeˍruˆsaˍlehnˍ venˇ lo laˬ ve li‸ bvuh‸ paˍ teˇ hpaˍ Yeˍsuˆ geh hpawnˬ la ve yoˬ. 2Yawˇ ve awˬ la‸ gʼawˇ teˇ hpaˍ la‸ sheh maˇ kehˬ leh awˬ caˇ chehˇ ve hta‸ yawˇ hui gʼa mawˬ ve yoˬ. La‸ sheh maˇ kehˬ teh‸ kʼoˆ ve lehˬ, awˬ liˇ cawˬ ve hkʼe la‸ sheh maˇ tsuhˇ ve hta‸ kʼoˆ ve yoˬ.
3Awˬ lawn kʼo, Hpaˍriˍsehˇ hui leh Yuˇda‸ chaw hkʼa peu-eˬ, chaw mawˇ hui piˇ taˍ ve awˬ liˇ teˇ hpaˍ hta‸ te leh, la‸ sheh maˇ tsuhˇ kʼo, caˇ tuˬ maˇ caˇ. 4Tcuh ca huˉ kʼaw‸ la htaˇ ka‸, yawˇ hui iˉ kaˆ maˇ hehˉ kʼo, caˇ tuˬ maˇ caˇ. Chi hkʼoˆ ka‸, kawˆ, hkehˇ, kuiˇ mu‸ hkʼu teˇ hpaˍ hta‸ tsuhˇ ve awˬ liˇ leh awˬ kaˍ awˬ nu awˬ liˇ laiˉ ceuˬ hta‸ yawˇ hui yehˇ chehˇ te chehˇ ve yoˬ.
5Oˇ htaˇ, Hpaˍriˍsehˇ hui leh li‸ bvuh‸ paˍ teˇ hpaˍ Yeˍsuˆ hta‸ na nyi ve, Nawˬ ve awˬ la‸ gʼawˇ teˇ hpaˍ lehˬ, chaw mawˇ hui awˬ liˇ piˇ taˍ ve hkʼe aˬ hto‸ ma pa taw maˇ te le. La‸ sheh maˇ kehˬ leh aˬ hto‸ ma te caˇ tuˬ caˇ ve le.
6Yeˍsuˆ kʼaw‸ kʼoˆ piˇ ve, Chaw heˍ paˍ teˇ hpaˍ-oˬ, nawˬ hui awˬ lawn Iˉsaˍyaˆ kʼoˆ taˍ ve tawˇ hkawˇ lehˬ cawˇ jaˇ ve yoˬ. Yawˇ bvuh‸ taˍ ve,
Chaw chi teˇ ceuˬ lehˬ, yawˇ hui ve maw‸ kʼawngaˬ hta‸ yawˆ yan ve htawˇ
yawˇ hui ve nyi ma lehˬ ngaˬ hta‸ vuiˇ da‸ jaˇ ve yoˬ.
7Chaw yaˇ hui teh taˍ ve awˬ liˇ awˬ hkʼaˇ teˇ hpaˍ hta‸ maˍ piˇ ve pa taw,
yawˇ hui ngaˬ hta‸ oˉ kʼoˍ pui ve lehˬ, tcuhˉ kuiˬ te‸ chiˉ maˇ cawˬ,
teh‸ bvuh‸ taˍ ve yoˬ. #Isy 29:13
8Gʼuiˬsha piˇ taˍ ve tawˇ hkawˇ teˇ hpaˍ hta‸ nawˬ hui baˬ taˉ leh, chaw yaˇ hui ve awˬ liˇ teˇ hpaˍ hta‸ nawˬ hui vawˆ taˍ ve yoˬ.
9Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui ve awˬ liˇ teˇ hpaˍ hta‸ te gʼa tuˬ, Gʼuiˬsha piˇ taˍ ve tawˇ hkawˇ teˇ hpaˍ hta‸ nawˬ hui baˬ taˉ puiˉ ve law. 10Awˬ lawn kʼo Moˉseˍ kʼoˆ ve, Nawˬ ve awˬ pa awˬ e hta‸ yawˆ yawˆ yan yan te-o. Peuˬ leh, A shu yawˇ ve awˬ pa awˬ e hta‸ hkʼa mvuhˇ hkʼa na kʼoˆ ve chaw teˇ gʼaˇ lehˬ, awˬ tehˬ awˬ na gʼa suh ve yoˬ teh‸ kʼoˆ taˍ ve yoˬ. #Taw 20:12, 21:17 11Ya‸ hkʼaˇ nawˬ hui lehˬ, Chaw teˇ gʼaˇ gʼaˇ yawˇ ve awˬ pa awˬ e hta‸, Ngaˬ geh hkʼa cawˬ ve nawˬ hui gʼa cawˇ ve mawˇ teˇ hpaˍ Gʼuiˬsha hta‸ ngaˬ chiˇ a‸ piˇ peuˬ ve Kawˍbanˍ hpeh‸ ve yoˬ teh‸ yawˇ kʼoˆ ve kʼo, 12yawˇ ve awˬ pa awˬ e hta‸ nawˬ hui a ciˉ ka‸ maˇ kʼaw‸ ga piˇ tcuh. 13Teˇ caˉ peuˬ teˇ caˉ chaw yaˇ geh gʼa ve awˬ liˇ teˇ hpaˍ hta‸ nawˬ hui ha‸ yuˬ leh Gʼuiˬsha ve tawˇ hkawˇ hta‸ te pehˆ piˇ ve yoˬ. Oˇ hkʼe ve awˬ liˇ laiˉ ceuˬ hta‸ nawˬ hui te ve yoˬ teh‸ kʼoˆ piˇ ve yoˬ.
14Oˇ htaˇ, chaw awˬ moˍ lonˉ hta‸ yawˇ geh kʼaw‸ kuˬ yuˬ leh kʼoˆ ve, Nawˬ hui hkʼa peu-eˬ ngaˬ ve tawˇ hta‸ na leh shiˍ-o‸. 15Awˬ baˬ hpawˇ ve awˬ ceuˬ lehˬ, chaw yaˇ awˬ hkʼaw lo lo‸-e leh cha‸ chiˆ tuˬ te maˇ gʼa. Ya‸ hkʼaˇ, chaw yaˇ awˬ hkʼaw lo tawˆ la ve awˬ ceuˬ lehˬ, chaw yaˇ hta‸ cha‸ chiˆ tuˬ te ve yoˬ teh‸ yawˇ kʼoˆ ve yoˬ. #7:15 Li‸ hpu teˇ hpaˍ hpaˍ awˬ hkʼaw lo ka nanˉ ehˉ chi teˇ maˬ cawˬ ve yoˬ. -16 Kaˇ tuˬ naˍ paw cawˬ ve chaw hui hk’a‸ deh na-o.
17Chaw awˬ moˍ lonˉ hta‸ yawˇ hpaˆ da‸ leh yehˬ hkʼaw lo‸-e htaˇ, tawˇ pa haˉ oˇ ve awˬ lawn yawˇ ve awˬ la‸ gʼawˇ teˇ hpaˍ yawˇ hta‸ na nyi ve yoˬ. 18Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui htawˇ na maˇ gʼa leh laˇ. Chaw teˇ gʼaˇ awˬ hkʼaw lo, awˬ baˬ hpawˇ te leh awˬ hkʼaw hpawˇ hkʼa lo‸-e ve teˇ ceuˬ le le yawˇ hta‸ cha‸ chiˆ tuˬ te maˇ gʼa. 19Awˬ lawn kʼo, yawˇ ve nyi ma hkʼaw lo maˇ lo‸-e. Yawˇ ve gʼoˇ peˬ awˬ hkʼaw lo‸-e leh, aˉ kʼa‸ yiˬ kuiˬ lo baˬ taˉ ve yoˬ teh‸, yawˇ kʼoˆ piˇ ve yoˬ. (Yawˇ chi hkʼe kʼoˆ ve lehˬ, caˇ tuˬ dawˬ tuˬ hkʼa peu-eˬ da‸ ve kehˬ ve yoˬ teh‸ kʼoˆ gaˇ ve yoˬ.)
20Peuˬ leh yawˇ kʼaw‸ kʼoˆ ve, Chaw teˇ gʼaˇ awˬ hkʼaw lo tawˆ la ve awˬ ceuˬ lehˬ, yawˇ hta‸ cha‸ chiˆ tuˬ te ve yoˬ. 21Awˬ lawn kʼo, chaw yaˇ nyi ma hkʼaw lo tawˆ la ve teˇ hpaˍ lehˬ, haiˬ ve hta‸ dawˇ ve, guiˇ ya‸ ve, shu mawˇ hkʼawˇ ve, chaw hta‸ tiˇ pehˍ ve, haˉ chawˇ haˉ paˆ te ve, 22shu mawˇ shu jeˬ hta‸ sheˉ lai ve, awˬ haiˬ te ve, shu hta‸ heˍ ve, te ponˬ te leuˉ ve, hkawehˉ ve, maˇ shawˍ maˇ caˆ kʼoˆ ve, nyi ma uiˍ ve mvuh ve, maˇ dawˇ nyi puiˉ ve, chi teˇ hpaˍ yoˬ. 23Haiˬ ve chi hkʼa peu-eˬ lehˬ, awˬ hkʼaw hpawˇ tawˆ la leh, chaw yaˇ hta‸ cha‸ chiˆ tuˬ te ve yoˬ teh‸ yawˇ kʼoˆ ve yoˬ.
Suˇriˇhpiˇniˆ mvuhˇmiˬ hkʼaw chehˇ ve yaˇ miˇ teˇ gʼaˇ yonˍ ve awˬ lawn
24Oˇ htaˇ, yawˇ oˇ kaˬ lo tawˆ kʼai leh, Tuˇruˆ leh Siˉdonˍ mvuhˇmiˬ hpawˇ lo kʼai ve yoˬ. Yawˇ yehˬ teˇ yehˬ hkʼaw lo‸-e leh, chaw teˇ gʼaˇ hta‸ ka‸ maˇ shiˍ tcuh piˇ gaˇ htawˇ, yawˇ ca va‸ taˍ maˇ gʼa. 25Awˬ lawn kʼo, neˇ cha‸ chiˆ geh taˍ ve yaˇ miˇ ehˉ teˇ gʼaˇ ve awˬ e lehˬ, teˇ cawˬ haˉ Yeˍsuˆ awˬ lawn gʼa kaˇ leh, yawˇ yawˇ geh laˬ leh yawˇ ve hkui paˇ lo boˆ taˍ ve yoˬ. 26Yawˇ ve yaˇ miˇ awˬ hkʼaw lo neˇ hta‸ gʼa‸ tawˆ tuˬ yawˇ Yeˍsuˆ hta‸ lawˬ hkawˉ ve yoˬ. Yaˇ miˇ oˇ ve lehˬ, Suˇriˇhpiˇniˆ mvuhˇmiˬ hkʼaw chehˇ ve Heˍlaˍsaˆ ma hpeh‸ ve yoˬ. 27Yeˍsuˆ lehˬ, Yaˇ ehˉ teˇ hpaˍ hta‸ awˉ lawˉ hkʼa bvuhˆ gʼa caˍ piˇ sheˍ. Yaˇ ehˉ teˇ hpaˍ ve caˇ tuˬ hta‸ yuˬ leh hpuiˇ teˇ hpaˍ hta‸ caˍ piˇ maˇ cawˇ teh‸ yawˇ hta‸ kʼoˆ piˇ ve yoˬ.
28Yaˇ miˇ kʼaw‸ kʼoˆ ve, Jawˇmawˇ-oˬ, nawˬ kʼoˆ ve lehˬ cawˇ ve yoˬ. Ya‸ hkʼaˇ, hpuiˇ teˇ hpaˍ lehˬ, yaˇ ehˉ teˇ hpaˍ caˇ sheˆ dawˬ sheˆ taˍ ve hta‸ hpui lawˇ awˬ hawˉ lo gʼawˆ caˇ ve yoˬ teh‸ kʼaw‸ kʼoˆ piˇ ve yoˬ.
29Yeˍsuˆ lehˬ, Nawˬ chi hkʼe kʼoˆ ve pa taw, kʼo‸-e loˬ. Nawˬ ve yaˇ miˇ awˬ hkʼaw lo neˇ tawˆ kʼai peuˬ teh‸, yawˇ hta‸ kʼoˆ piˇ ve yoˬ.
30Yaˇ miˇ oˇ ve yawˇ aˉ hkʼaw lo kʼaw‸ gaˬ htaˇ, yawˇ ve yaˇ miˇ ehˉ zuh‸ hpui hkʼaw zuh‸ taˍ ve hta‸ ka‸, neˇ tawˆ kʼai peuˬ ve hta‸ ka‸ yawˇ gʼa mawˬ ve yoˬ.
Naˍ paw pawˇ leh kʼaˍ ve chaw teˇ gʼaˇ hta‸ Yeˍsuˆ gu na-e piˇ ve
31Oˇ ve awˬ hkʼaw‸ nawˉ, Yeˍsuˆ Tuˇruˆ mvuhˇ miˬ hkʼaw kʼaw‸ tawˆ kʼai ve yoˬ. Yawˇ Siˉdonˍ mvuhˇmiˬ lo te leh Deˍkaˍpawˇliˆ mvuhˇmiˬ awˬ kʼaw ji lo hpanˍ kʼai leh, Gaˍliˍlehˇ gʼuiˬ po lo gaˬ la ve yoˬ. 32Oˇ htaˇ, naˍ paw pawˇ leh tawˇ hkʼa deh‸ yaw maˇ gʼa ve chaw teˇ gʼaˇ hta‸ shu Yeˍsuˆ geh shiˍ veu laˇ leh, yawˇ awˬ hkʼoˆ la‸ sheh taˍ tuˬ yawˇ hui yawˇ hta‸ lawˬ ve yoˬ. 33Hkʼe te leh, chaw awˬ moˍ lonˉ hkʼaw Yeˍsuˆ yawˇ hta‸ shiˍ tawˆ-e leh, baˬ kuiˬ lo kʼai ve yoˬ. Chaw oˇ ve naˍ paw hkʼaw lo yawˇ ve la‸ naw juˆ keu leh, ciˉ gʼuiˇ hpe‸ sheˬ leh yawˇ ve ha tehˍ hta‸ htawˇ ve yoˬ. 34Oˇ htaˇ, Yeˍsuˆ mvuhˇ naw ma lo chiˇ nyi peuˬ leh hkʼanˇ leh, Eˇhpaˍtaˍ teh‸ kʼoˆ ve yoˬ. Tcuhˉ kuiˬ lehˬ, hpaw piˇ-oˆ teh‸ kʼoˆ gaˇ ve yoˬ.
35Hkʼe te leh, chaw oˇ ve naˍ paw kaˇ la leh, ha tehˍ awˬ kuˇ caˆ nuˇ kʼai leh tawˇ hkʼa deh‸ kʼaw‸ yaw gʼa ve yoˬ. 36Awˬ lawn chi chaw teˇ gʼaˇ hta‸ ka‸ maˇ gʼa hto piˇ tuˬ, Yeˍsuˆ yawˇ hui hta‸ tawˇ piˇ ve yoˬ. Ya‸ hkʼaˇ, yawˇ yawˇ hui hta‸ shaˬ tawˍ taˍ ve kʼo, yawˇ hui shaˬ leuˉ leh shu hta‸ kʼaoˍ maˍ piˇ ve yoˬ. 37Yawˇ hui maˇ maˇ anˇ jaˇ leh kʼoˆ ve, Yawˇ hkʼa peu-eˬ hta‸ da‸ lehˍ te peuˬ. Naˍ paw pawˇ ve chaw hui kaˇ la tuˬ yawˇ te leh, kʼaˍ ve chaw hui tawˇ yaw puiˉ tuˬ ka‸ te ve yoˬ teh‸, yawˇ hui kʼoˆ ve yoˬ.
Iliyochaguliwa sasa
Maˍkuˆ li‸ 7: LHBE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lahu Bible Edited © Thailand Bible Society and Bible Society of Myanmar, 2010, 2020.
Maˍkuˆ li‸ 7
7
Cha‸ chiˆ tuˬ te gʼa ve awˬ ceuˬ teˇ hpaˍ
1Oˇ htaˇ, Hpaˍriˍsehˇ teˇ hpaˍ leh Yeˍruˆsaˍlehnˍ venˇ lo laˬ ve li‸ bvuh‸ paˍ teˇ hpaˍ Yeˍsuˆ geh hpawnˬ la ve yoˬ. 2Yawˇ ve awˬ la‸ gʼawˇ teˇ hpaˍ la‸ sheh maˇ kehˬ leh awˬ caˇ chehˇ ve hta‸ yawˇ hui gʼa mawˬ ve yoˬ. La‸ sheh maˇ kehˬ teh‸ kʼoˆ ve lehˬ, awˬ liˇ cawˬ ve hkʼe la‸ sheh maˇ tsuhˇ ve hta‸ kʼoˆ ve yoˬ.
3Awˬ lawn kʼo, Hpaˍriˍsehˇ hui leh Yuˇda‸ chaw hkʼa peu-eˬ, chaw mawˇ hui piˇ taˍ ve awˬ liˇ teˇ hpaˍ hta‸ te leh, la‸ sheh maˇ tsuhˇ kʼo, caˇ tuˬ maˇ caˇ. 4Tcuh ca huˉ kʼaw‸ la htaˇ ka‸, yawˇ hui iˉ kaˆ maˇ hehˉ kʼo, caˇ tuˬ maˇ caˇ. Chi hkʼoˆ ka‸, kawˆ, hkehˇ, kuiˇ mu‸ hkʼu teˇ hpaˍ hta‸ tsuhˇ ve awˬ liˇ leh awˬ kaˍ awˬ nu awˬ liˇ laiˉ ceuˬ hta‸ yawˇ hui yehˇ chehˇ te chehˇ ve yoˬ.
5Oˇ htaˇ, Hpaˍriˍsehˇ hui leh li‸ bvuh‸ paˍ teˇ hpaˍ Yeˍsuˆ hta‸ na nyi ve, Nawˬ ve awˬ la‸ gʼawˇ teˇ hpaˍ lehˬ, chaw mawˇ hui awˬ liˇ piˇ taˍ ve hkʼe aˬ hto‸ ma pa taw maˇ te le. La‸ sheh maˇ kehˬ leh aˬ hto‸ ma te caˇ tuˬ caˇ ve le.
6Yeˍsuˆ kʼaw‸ kʼoˆ piˇ ve, Chaw heˍ paˍ teˇ hpaˍ-oˬ, nawˬ hui awˬ lawn Iˉsaˍyaˆ kʼoˆ taˍ ve tawˇ hkawˇ lehˬ cawˇ jaˇ ve yoˬ. Yawˇ bvuh‸ taˍ ve,
Chaw chi teˇ ceuˬ lehˬ, yawˇ hui ve maw‸ kʼawngaˬ hta‸ yawˆ yan ve htawˇ
yawˇ hui ve nyi ma lehˬ ngaˬ hta‸ vuiˇ da‸ jaˇ ve yoˬ.
7Chaw yaˇ hui teh taˍ ve awˬ liˇ awˬ hkʼaˇ teˇ hpaˍ hta‸ maˍ piˇ ve pa taw,
yawˇ hui ngaˬ hta‸ oˉ kʼoˍ pui ve lehˬ, tcuhˉ kuiˬ te‸ chiˉ maˇ cawˬ,
teh‸ bvuh‸ taˍ ve yoˬ. #Isy 29:13
8Gʼuiˬsha piˇ taˍ ve tawˇ hkawˇ teˇ hpaˍ hta‸ nawˬ hui baˬ taˉ leh, chaw yaˇ hui ve awˬ liˇ teˇ hpaˍ hta‸ nawˬ hui vawˆ taˍ ve yoˬ.
9Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui ve awˬ liˇ teˇ hpaˍ hta‸ te gʼa tuˬ, Gʼuiˬsha piˇ taˍ ve tawˇ hkawˇ teˇ hpaˍ hta‸ nawˬ hui baˬ taˉ puiˉ ve law. 10Awˬ lawn kʼo Moˉseˍ kʼoˆ ve, Nawˬ ve awˬ pa awˬ e hta‸ yawˆ yawˆ yan yan te-o. Peuˬ leh, A shu yawˇ ve awˬ pa awˬ e hta‸ hkʼa mvuhˇ hkʼa na kʼoˆ ve chaw teˇ gʼaˇ lehˬ, awˬ tehˬ awˬ na gʼa suh ve yoˬ teh‸ kʼoˆ taˍ ve yoˬ. #Taw 20:12, 21:17 11Ya‸ hkʼaˇ nawˬ hui lehˬ, Chaw teˇ gʼaˇ gʼaˇ yawˇ ve awˬ pa awˬ e hta‸, Ngaˬ geh hkʼa cawˬ ve nawˬ hui gʼa cawˇ ve mawˇ teˇ hpaˍ Gʼuiˬsha hta‸ ngaˬ chiˇ a‸ piˇ peuˬ ve Kawˍbanˍ hpeh‸ ve yoˬ teh‸ yawˇ kʼoˆ ve kʼo, 12yawˇ ve awˬ pa awˬ e hta‸ nawˬ hui a ciˉ ka‸ maˇ kʼaw‸ ga piˇ tcuh. 13Teˇ caˉ peuˬ teˇ caˉ chaw yaˇ geh gʼa ve awˬ liˇ teˇ hpaˍ hta‸ nawˬ hui ha‸ yuˬ leh Gʼuiˬsha ve tawˇ hkawˇ hta‸ te pehˆ piˇ ve yoˬ. Oˇ hkʼe ve awˬ liˇ laiˉ ceuˬ hta‸ nawˬ hui te ve yoˬ teh‸ kʼoˆ piˇ ve yoˬ.
14Oˇ htaˇ, chaw awˬ moˍ lonˉ hta‸ yawˇ geh kʼaw‸ kuˬ yuˬ leh kʼoˆ ve, Nawˬ hui hkʼa peu-eˬ ngaˬ ve tawˇ hta‸ na leh shiˍ-o‸. 15Awˬ baˬ hpawˇ ve awˬ ceuˬ lehˬ, chaw yaˇ awˬ hkʼaw lo lo‸-e leh cha‸ chiˆ tuˬ te maˇ gʼa. Ya‸ hkʼaˇ, chaw yaˇ awˬ hkʼaw lo tawˆ la ve awˬ ceuˬ lehˬ, chaw yaˇ hta‸ cha‸ chiˆ tuˬ te ve yoˬ teh‸ yawˇ kʼoˆ ve yoˬ. #7:15 Li‸ hpu teˇ hpaˍ hpaˍ awˬ hkʼaw lo ka nanˉ ehˉ chi teˇ maˬ cawˬ ve yoˬ. -16 Kaˇ tuˬ naˍ paw cawˬ ve chaw hui hk’a‸ deh na-o.
17Chaw awˬ moˍ lonˉ hta‸ yawˇ hpaˆ da‸ leh yehˬ hkʼaw lo‸-e htaˇ, tawˇ pa haˉ oˇ ve awˬ lawn yawˇ ve awˬ la‸ gʼawˇ teˇ hpaˍ yawˇ hta‸ na nyi ve yoˬ. 18Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui htawˇ na maˇ gʼa leh laˇ. Chaw teˇ gʼaˇ awˬ hkʼaw lo, awˬ baˬ hpawˇ te leh awˬ hkʼaw hpawˇ hkʼa lo‸-e ve teˇ ceuˬ le le yawˇ hta‸ cha‸ chiˆ tuˬ te maˇ gʼa. 19Awˬ lawn kʼo, yawˇ ve nyi ma hkʼaw lo maˇ lo‸-e. Yawˇ ve gʼoˇ peˬ awˬ hkʼaw lo‸-e leh, aˉ kʼa‸ yiˬ kuiˬ lo baˬ taˉ ve yoˬ teh‸, yawˇ kʼoˆ piˇ ve yoˬ. (Yawˇ chi hkʼe kʼoˆ ve lehˬ, caˇ tuˬ dawˬ tuˬ hkʼa peu-eˬ da‸ ve kehˬ ve yoˬ teh‸ kʼoˆ gaˇ ve yoˬ.)
20Peuˬ leh yawˇ kʼaw‸ kʼoˆ ve, Chaw teˇ gʼaˇ awˬ hkʼaw lo tawˆ la ve awˬ ceuˬ lehˬ, yawˇ hta‸ cha‸ chiˆ tuˬ te ve yoˬ. 21Awˬ lawn kʼo, chaw yaˇ nyi ma hkʼaw lo tawˆ la ve teˇ hpaˍ lehˬ, haiˬ ve hta‸ dawˇ ve, guiˇ ya‸ ve, shu mawˇ hkʼawˇ ve, chaw hta‸ tiˇ pehˍ ve, haˉ chawˇ haˉ paˆ te ve, 22shu mawˇ shu jeˬ hta‸ sheˉ lai ve, awˬ haiˬ te ve, shu hta‸ heˍ ve, te ponˬ te leuˉ ve, hkawehˉ ve, maˇ shawˍ maˇ caˆ kʼoˆ ve, nyi ma uiˍ ve mvuh ve, maˇ dawˇ nyi puiˉ ve, chi teˇ hpaˍ yoˬ. 23Haiˬ ve chi hkʼa peu-eˬ lehˬ, awˬ hkʼaw hpawˇ tawˆ la leh, chaw yaˇ hta‸ cha‸ chiˆ tuˬ te ve yoˬ teh‸ yawˇ kʼoˆ ve yoˬ.
Suˇriˇhpiˇniˆ mvuhˇmiˬ hkʼaw chehˇ ve yaˇ miˇ teˇ gʼaˇ yonˍ ve awˬ lawn
24Oˇ htaˇ, yawˇ oˇ kaˬ lo tawˆ kʼai leh, Tuˇruˆ leh Siˉdonˍ mvuhˇmiˬ hpawˇ lo kʼai ve yoˬ. Yawˇ yehˬ teˇ yehˬ hkʼaw lo‸-e leh, chaw teˇ gʼaˇ hta‸ ka‸ maˇ shiˍ tcuh piˇ gaˇ htawˇ, yawˇ ca va‸ taˍ maˇ gʼa. 25Awˬ lawn kʼo, neˇ cha‸ chiˆ geh taˍ ve yaˇ miˇ ehˉ teˇ gʼaˇ ve awˬ e lehˬ, teˇ cawˬ haˉ Yeˍsuˆ awˬ lawn gʼa kaˇ leh, yawˇ yawˇ geh laˬ leh yawˇ ve hkui paˇ lo boˆ taˍ ve yoˬ. 26Yawˇ ve yaˇ miˇ awˬ hkʼaw lo neˇ hta‸ gʼa‸ tawˆ tuˬ yawˇ Yeˍsuˆ hta‸ lawˬ hkawˉ ve yoˬ. Yaˇ miˇ oˇ ve lehˬ, Suˇriˇhpiˇniˆ mvuhˇmiˬ hkʼaw chehˇ ve Heˍlaˍsaˆ ma hpeh‸ ve yoˬ. 27Yeˍsuˆ lehˬ, Yaˇ ehˉ teˇ hpaˍ hta‸ awˉ lawˉ hkʼa bvuhˆ gʼa caˍ piˇ sheˍ. Yaˇ ehˉ teˇ hpaˍ ve caˇ tuˬ hta‸ yuˬ leh hpuiˇ teˇ hpaˍ hta‸ caˍ piˇ maˇ cawˇ teh‸ yawˇ hta‸ kʼoˆ piˇ ve yoˬ.
28Yaˇ miˇ kʼaw‸ kʼoˆ ve, Jawˇmawˇ-oˬ, nawˬ kʼoˆ ve lehˬ cawˇ ve yoˬ. Ya‸ hkʼaˇ, hpuiˇ teˇ hpaˍ lehˬ, yaˇ ehˉ teˇ hpaˍ caˇ sheˆ dawˬ sheˆ taˍ ve hta‸ hpui lawˇ awˬ hawˉ lo gʼawˆ caˇ ve yoˬ teh‸ kʼaw‸ kʼoˆ piˇ ve yoˬ.
29Yeˍsuˆ lehˬ, Nawˬ chi hkʼe kʼoˆ ve pa taw, kʼo‸-e loˬ. Nawˬ ve yaˇ miˇ awˬ hkʼaw lo neˇ tawˆ kʼai peuˬ teh‸, yawˇ hta‸ kʼoˆ piˇ ve yoˬ.
30Yaˇ miˇ oˇ ve yawˇ aˉ hkʼaw lo kʼaw‸ gaˬ htaˇ, yawˇ ve yaˇ miˇ ehˉ zuh‸ hpui hkʼaw zuh‸ taˍ ve hta‸ ka‸, neˇ tawˆ kʼai peuˬ ve hta‸ ka‸ yawˇ gʼa mawˬ ve yoˬ.
Naˍ paw pawˇ leh kʼaˍ ve chaw teˇ gʼaˇ hta‸ Yeˍsuˆ gu na-e piˇ ve
31Oˇ ve awˬ hkʼaw‸ nawˉ, Yeˍsuˆ Tuˇruˆ mvuhˇ miˬ hkʼaw kʼaw‸ tawˆ kʼai ve yoˬ. Yawˇ Siˉdonˍ mvuhˇmiˬ lo te leh Deˍkaˍpawˇliˆ mvuhˇmiˬ awˬ kʼaw ji lo hpanˍ kʼai leh, Gaˍliˍlehˇ gʼuiˬ po lo gaˬ la ve yoˬ. 32Oˇ htaˇ, naˍ paw pawˇ leh tawˇ hkʼa deh‸ yaw maˇ gʼa ve chaw teˇ gʼaˇ hta‸ shu Yeˍsuˆ geh shiˍ veu laˇ leh, yawˇ awˬ hkʼoˆ la‸ sheh taˍ tuˬ yawˇ hui yawˇ hta‸ lawˬ ve yoˬ. 33Hkʼe te leh, chaw awˬ moˍ lonˉ hkʼaw Yeˍsuˆ yawˇ hta‸ shiˍ tawˆ-e leh, baˬ kuiˬ lo kʼai ve yoˬ. Chaw oˇ ve naˍ paw hkʼaw lo yawˇ ve la‸ naw juˆ keu leh, ciˉ gʼuiˇ hpe‸ sheˬ leh yawˇ ve ha tehˍ hta‸ htawˇ ve yoˬ. 34Oˇ htaˇ, Yeˍsuˆ mvuhˇ naw ma lo chiˇ nyi peuˬ leh hkʼanˇ leh, Eˇhpaˍtaˍ teh‸ kʼoˆ ve yoˬ. Tcuhˉ kuiˬ lehˬ, hpaw piˇ-oˆ teh‸ kʼoˆ gaˇ ve yoˬ.
35Hkʼe te leh, chaw oˇ ve naˍ paw kaˇ la leh, ha tehˍ awˬ kuˇ caˆ nuˇ kʼai leh tawˇ hkʼa deh‸ kʼaw‸ yaw gʼa ve yoˬ. 36Awˬ lawn chi chaw teˇ gʼaˇ hta‸ ka‸ maˇ gʼa hto piˇ tuˬ, Yeˍsuˆ yawˇ hui hta‸ tawˇ piˇ ve yoˬ. Ya‸ hkʼaˇ, yawˇ yawˇ hui hta‸ shaˬ tawˍ taˍ ve kʼo, yawˇ hui shaˬ leuˉ leh shu hta‸ kʼaoˍ maˍ piˇ ve yoˬ. 37Yawˇ hui maˇ maˇ anˇ jaˇ leh kʼoˆ ve, Yawˇ hkʼa peu-eˬ hta‸ da‸ lehˍ te peuˬ. Naˍ paw pawˇ ve chaw hui kaˇ la tuˬ yawˇ te leh, kʼaˍ ve chaw hui tawˇ yaw puiˉ tuˬ ka‸ te ve yoˬ teh‸, yawˇ hui kʼoˆ ve yoˬ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lahu Bible Edited © Thailand Bible Society and Bible Society of Myanmar, 2010, 2020.