Ma‸htehˍ li‸ 20
20
A pehˉ meuˇ hko awˬ hkʼaw lo kanˉ te paˍ teˇ hpaˍ aw lawn
1Awˬ lawn kʼo, mvuhˇ naw ma mvuhˇ miˬ lehˬ, yawˇ ve a pehˉ meuˇ hko awˬ hkʼaw lo kanˉ te tuˬ ve chaw hui hta‸ ca tuˬ, mvuhˇ shawˉ teˇ na‸ tawˆ kʼai ve yehˬ shehˍ hpaˇ teˇ gʼaˇ hta‸ shuˍ ve yoˬ. 2Yawˇ lehˬ, teˇ nyi teˇ hteh‸ piˇ tuˬ yoˬ teh‸, kanˉ te paˍ teˇ hpaˍ geh jehˬ da‸ peuˬ hkʼaw‸ nawˉ, yawˇ ve a pehˉ meuˇ hko awˬ hkʼaw lo yawˇ hui hta‸ kʼai tcuh ve yoˬ. 3Mvuhˇ shawˉ aˬ laˬ hkʼe kʼawˇ naˍ riˍ htaˇ yawˇ kʼaw‸ tawˆ kʼai leh, tcuh hkʼaw lo kanˉ maˇ cawˬ leh hkʼe leˇ chehˇ taˍ ve awˬ kaˍ awˬ nu chaw teˇ hpaˍ hta‸ yawˇ gʼa mawˬ htaˇ, 4Nawˬ hui htawˇ ngaˬ ve a pehˉ meuˇ hko awˬ hkʼaw lo kʼai-o. Keunˍ da‸ ve hkʼe ngaˬ nawˬ hui hta‸ pe‸ laˇ tuˬ yoˬ teh‸, yawˇ hui hta‸ kʼoˆ piˇ leh, yawˇ hui htawˇ kʼai ve yoˬ. 5Peuˬ leh, mvuhˇ law‸ kʼaw tcuhˆ teˇ yanˇ leh mvuhˇ hpeu‸ hpawˇ shehˆ naˍ riˍ hkʼe teˇ yanˇ, yawˇ teˇ pawˆ kʼaw‸ kʼai leh oˇ ve hkʼa shuˍ shuˍ te ve yoˬ. 6Mvuhˇ hpeu‸ aˬ laˬ hkʼe ngaˇ naˍ riˍ teˇ yanˇ yawˇ kʼaw‸ tawˆ kʼai leh, awˬ kaˍ awˬ nu chaw teˇ hpaˍ oˇ kaˬ lo huˉ chehˇ ve hta‸ gʼa mawˬ htaˇ, Nawˬ hui aˬ hto‸ ma pa taw choˬ kaˬ lo teˇ nyi tanˇ vanˇ hkʼe leˇ chehˇ taˍ ve le teh‸ yawˇ hui hta‸ na nyi ve yoˬ. 7Chaw teˇ gʼaˇ ka‸ ngaˬ hui hta‸ maˇ ca la ve hta‸ pa taw yoˬ teh‸, yawˇ hui yawˇ hta‸ kʼaw‸ kʼoˆ piˇ htaˇ, Nawˬ hui htawˇ ngaˬ ve a pehˉ meuˇ hko awˬ hkʼaw lo kʼai-o teh‸, yawˇ yawˇ hui hta‸ kʼoˆ piˇ ve yoˬ.
8Mvuhˇ hpeu‸ la htaˇ, hko awˬ shehˍ hpaˇ lehˬ, Kanˉ te shehˍ hpaˇ hui hta‸ kuˬ hkʼaw‸ leh, awˬ hkʼaw‸ nawˉ leh leh ca te ve chaw hui hta‸ tanˬ leh, awˉ lawˉ peuˇ ca te ve chaw hui hkʼa gaˬ awˬ hpfuhˇ piˇ-oˆ teh‸ yawˇ ve mawˇ ha‸ shaˉ shehˍ hpaˇ hta‸ kʼoˆ piˇ ve yoˬ. 9Oˇ htaˇ, mvuhˇ hpeu‸ aˬ laˬ hkʼe ngaˇ naˍ riˍ htaˇ kanˉ ca te ve chaw teˇ hpaˍ laˬ leh, teˇ gʼaˇ le le teˇ hteh‸ gʼa ve yoˬ. 10Awˉ lawˉ peuˇ ca te ve chaw teˇ hpaˍ laˬ ve teˇ yanˇ, yawˇ hui shu a‸ kehˉ leuˉ leh gʼa tuˬ yoˬ teh‸ dawˇ taˍ ve ka‸, yawˇ hui htawˇ teˇ gʼaˇ teˇ hteh‸ ceh tiˉ gʼa ve yoˬ. 11Yawˇ hui hpu gʼa ve teˇ yanˇ, yehˬ shehˍ hpaˇ hta‸ ca beu leh yawˇ hta‸ kʼoˆ piˇ ve, 12Awˬ hkʼaw‸ nawˉ leh leh ca te la ve chaw teˇ hpaˍ lehˬ, teˇ naˍ riˍ tiˉ gʼa te ve htawˇ, ngaˬ hui teˇ nyi tanˇ vanˇ kanˉ te hkeu‸ leh mvuhˇ cha chiˆ ve hta‸ gʼa hkanˍ ve chaw hui hkʼa shuˍ shuˍ, nawˬ yawˇ hui hta‸ shawˍ piˇ ve law teh‸ kʼoˆ piˇ ve yoˬ.
13Yawˇ hui awˬ hkʼaw lo teˇ gʼaˇ hta‸ yawˇ kʼoˆ piˇ ve, Awˬ chawˇ-oˬ, ngaˬ nawˬ hta‸ maˇ cawˇ ve awˬ ceuˬ te laˇ ve maˇ heˆ. Teˇ hteh‸ piˇ tuˬ yoˬ teh‸ nawˬ geh ngaˬ jehˬ da‸ taˍ peuˬ maˇ heˆ laˇ. 14Nawˬ ve hpu hta‸ yuˬ leh kʼai-o. Awˬ hkʼaw‸ nawˉ leh leh te ve chaw hta‸ nawˬ hkʼa shuˍ shuˍ ngaˬ piˇ gaˇ ve yoˬ. 15Ngaˬ ve mawˇ hta‸ ngaˬ te gaˇ ve hkʼe te maˇ cawˇ leh laˇ. Ngaˬ shu hta‸ ha kʼaˉ leh piˇ ve pa taw nawˬ nyi ma naˬ leh laˇ teh‸, kʼaw‸ kʼoˆ piˇ ve yoˬ.
16Oˇ ve hkʼa shuˍ shuˍ, shu awˬ hkʼaw‸ nawˉ chehˇ ve chaw lehˬ, shu awˬ gʼu suhˍ gʼa kʼaw‸ chehˇ tuˬ yoˬ. Shu awˬ gʼuˇ suhˍ chehˇ ve chaw lehˬ, shu awˬ hkʼaw‸ nawˉ gʼa kʼaw‸ chehˇ tuˬ yoˬ teh‸, Yeˍsuˆ kʼoˆ ve yoˬ.
Yeˍsuˆ yawˇ gʼa suh tuˬ ve awˬ lawn teˇ pawˆ kʼaw‸ hto piˇ ve
17Peuˬ leh Yeˍsuˆ Yeˍruˆsaˍlehnˍ venˇ lo kʼai chehˇ htaˇ, awˬ la‸ gʼawˇ teˇ chi nyiˇ gʼaˇ hta‸ tiˉ kuˬ veu leh, ya‸ kʼaw kʼaˉ lo yawˇ yawˇ hui hta‸ kʼoˆ piˇ ve, 18Ngaˬ hui Yeˍruˆsaˍlehnˍ venˇ lo kʼai chehˇ ve yoˬ. Chaw yaˇ ve Yaˇ hpu lehˬ, paw hkuˇ lonˉ hui leh li‸ bvuh‸ paˍ hui ve la‸ sheh awˬ hkʼaw lo chiˇ a‸ ve hta‸ gʼa hkanˍ leh, yawˇ gʼa suh tuˬ ve yawˇ hui yawˇ hta‸ suhˉ taˆ tuˬ yoˬ. 19Maˇ shawˍ maˇ caˆ te ve, jaw‸ ve, la‸ ka hkʼoˆ lo hta‸ pehˍ ve, chi teˇ hpaˍ hta‸ gʼa hkanˍ tuˬ, buiˇshaˆaˉnaˆ chaw hui ve la‸ sheh awˬ hkʼaw lo yawˇ hta‸ chiˇ a‸ piˇ tuˬ yoˬ. Peuˬ leh, shehˆ nyi teˇ nyi gaˬ kʼo, yawˇ kʼaw‸ te‸ tu la tuˬ yoˬ teh‸ kʼoˆ ve yoˬ.
Yaˍkoˆ leh Yoˇhanˬ da‸ ve mui kuiˬ hta‸ lawˬ ve
20Oˇ htaˇ, Zeˍbeˍdehˇ ve yaˇ paˍ hui ve awˬ e leh yawˇ ve yaˇ paˍ nyiˇ gʼaˇ Yeˍsuˆ geh laˬ leh, awˬ e yawˇ hta‸ oˉ kʼoˍ pui leh teˇ ceuˬ lawˬ ve yoˬ.
21Nawˬ aˬ hto‸ ma heuˆ gaˇ ve le teh‸, Yeˍsuˆ na nyi htaˇ,
yaˇ miˇ oˇ ve lehˬ, Nawˬ ve mvuhˇmiˬ awˬ hkʼaw lo ngaˬ ve yaˇ paˍ chi nyiˇ gʼaˇ hta‸ nawˬ ve la‸ sha paˉ teˇ gʼaˇ, la‸ mehˍ paˉ teˇ gʼaˇ a ciˉ mui piˇ lawˬ-o‸ teh‸ kʼoˆ ve yoˬ.
22Yeˍsuˆ kʼoˆ ve, Nawˬ hui aˬ hto‸ ma hta‸ lawˬ ve nawˬ hui maˇ shiˍ. Ngaˬ gʼa dawˬ tuˬ ve kawˆ hta‸ nawˬ hui dawˬ hpeh‸-aw laˇ teh‸ na nyi htaˇ,
Dawˬ hpeh‸-aw teh‸ yawˇ hui kʼaw‸ kʼoˆ piˇ ve yoˬ.
23Ngaˬ ve kawˆ hta‸ nawˬ hui gʼa dawˬ tuˬ yoˬ. Ya‸ hkʼaˇ, ngaˬ ve la‸ sha paˉ la‸ mehˍ paˉ gʼa mui tuˬ ngaˬ pe‸ laˇ maˇ hpeh‸. Ngaˬ ve Awˬ pa gu taˍ ve chaw hui ceh tiˉ gʼa mui tuˬ yoˬ teh‸, yawˇ hui hta‸ kʼoˆ piˇ ve yoˬ,
24Awˬ lawn chi hta‸ awˬ kaˍ awˬ nu tcuh yaˇ teˇ chi gʼaˇ gʼa kaˇ htaˇ, awˬ viˉ awˬ nyi oˇ ve nyiˇ gʼaˇ hta‸ yawˇ hui nyi ma zuhˆ ve yoˬ. 25Yeˍsuˆ yawˇ hui hta‸ kuˬ yuˬ leh kʼoˆ piˇ ve, Buiˇ shaˆ aˉ naˆ chaw hui ve jawˇmawˇ teˇ hpaˍ lehˬ, yawˇ hui awˬ hkʼoˆ uˉ peunˍ leh, yawˇ hui ve chaw uiˍ teˇ hpaˍ lehˬ, yawˇ hui hta‸ nyiˉ te ve hta‸ nawˬ hui shiˍ ve yoˬ. 26Ya‸ hkʼaˇ, nawˬ hui awˬ hkʼaw lo chi hkʼe maˇ gʼa te. Nawˬ hui awˬ hkʼaw lo chaw uiˍ hpeh‸ gaˇ ve chaw hkʼaˬ ve teˇ gʼaˇ maˇ kʼoˆ, yawˇ nawˬ hui ve awˬ ceˬ gʼa te ve yoˬ. 27Nawˬ hui awˬ hkʼaw lo awˬ hoˉ te gaˇ ve chaw hkʼaˬ ve te gʼaˇ maˇ kʼoˆ, chaw yaˇ ve Yaˇ hpu hkʼa shuˍ shuˍ, nawˬ hui awˬ pon yawˇ lehˬ vuiˬ taˍ ve awˬ ceˬ gʼa hpeh‸ ve yoˬ. 28Awˬ lawn kʼo, chaw yaˇ ve Yaˇ hpu lehˬ, shu yawˇ awˬ pon kanˉ te tuˬ laˬ ve maˇ heˆ. Yawˇ shu awˬ pon kanˉ te tuˬ laˬ leh, chaw maˇ maˇ hta‸ htaiˍ hkʼaw‸ piˇ tuˬ yawˇ ve a sha‸ piˇ tuˬ awˬ pon laˬ ve yoˬ teh‸ kʼoˆ ve yoˬ.
Mehˆ cuˉ paˍ nyiˇ gʼaˇ mehˆ kʼaw‸ mawˬ la ve
29Yeˍriˆhkoˇ venˇ awˬ hkʼaw lo yawˇ hui tawˆ kʼai chehˇ htaˇ, chaw awˬ moˍ lonˉ yawˇ awˬ hkʼaˇ suh kʼai ve yoˬ. 30Oˇ htaˇ ya‸ kʼaw paˇ lo mui chehˇ ve mehˆ cuˉ paˍ nyiˇ gʼaˇ lehˬ, Yeˍsuˆ yawˇ huiˉ maˬ awˬ paˇ lo kʼai chehˇ ve awˬ lawn hta‸ yawˇ huiˉ maˬ gʼa kaˇ htaˇ, Daˍviˆ ve Yaˇ hpu Jawˇmawˇ-oˬ, ngaˬ huiˉ maˬ hta‸ ha kʼaˉ laˇ-oˆ teh‸ kuˬ ve yoˬ.
31Chaw awˬ moˍ lonˉ yawˇ huiˉ maˬ hta‸, Ta‸ iˉ chehˇ-oˆ teh‸ deˇ piˇ ve htawˇ, yawˇ huiˉ maˬ lehˬ, Daˍviˆ ve Yaˇ hpu Jawˇmawˇ-oˬ, ngaˬ huiˉ maˬ hta‸ ha kʼaˉ laˇ-oˆ teh‸, leuˉ leh kʼaw‸ kuˬ ve yoˬ.
32Oˇ htaˇ, Yeˍsuˆ huˉ taˍ leh yawˇ huiˉ maˬ hta‸ kuˬ leh, Nawˬ huiˉ maˬ awˬ pon ngaˬ hta‸ aˬ hto‸ ma te tcuh laˇ gaˇ ve le teh‸ na nyi ve yoˬ.
33Yawˇ huiˉ maˬ lehˬ, Jawˇmawˇ-oˬ, ngaˬ huiˉ maˬ ve mehˆ shiˍ hta‸ hpaw laˇ-oˆ teh‸ yawˇ hta‸ kʼoˆ piˇ ve yoˬ.
34Oˇ htaˇ, Yeˍsuˆ yawˇ huiˉ maˬ hta‸ ha kʼaˉ leh, yawˇ huiˉ maˬ ve mehˆ shiˍ hta‸ htawˇ ve yoˬ. Teˇ cawˬ haˉ yawˇ huiˉ maˬ mehˆ mawˬ la leh yawˇ awˬ hkʼaˇ suh kʼai ve yoˬ.
Iliyochaguliwa sasa
Ma‸htehˍ li‸ 20: LHBE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lahu Bible Edited © Thailand Bible Society and Bible Society of Myanmar, 2010, 2020.
Ma‸htehˍ li‸ 20
20
A pehˉ meuˇ hko awˬ hkʼaw lo kanˉ te paˍ teˇ hpaˍ aw lawn
1Awˬ lawn kʼo, mvuhˇ naw ma mvuhˇ miˬ lehˬ, yawˇ ve a pehˉ meuˇ hko awˬ hkʼaw lo kanˉ te tuˬ ve chaw hui hta‸ ca tuˬ, mvuhˇ shawˉ teˇ na‸ tawˆ kʼai ve yehˬ shehˍ hpaˇ teˇ gʼaˇ hta‸ shuˍ ve yoˬ. 2Yawˇ lehˬ, teˇ nyi teˇ hteh‸ piˇ tuˬ yoˬ teh‸, kanˉ te paˍ teˇ hpaˍ geh jehˬ da‸ peuˬ hkʼaw‸ nawˉ, yawˇ ve a pehˉ meuˇ hko awˬ hkʼaw lo yawˇ hui hta‸ kʼai tcuh ve yoˬ. 3Mvuhˇ shawˉ aˬ laˬ hkʼe kʼawˇ naˍ riˍ htaˇ yawˇ kʼaw‸ tawˆ kʼai leh, tcuh hkʼaw lo kanˉ maˇ cawˬ leh hkʼe leˇ chehˇ taˍ ve awˬ kaˍ awˬ nu chaw teˇ hpaˍ hta‸ yawˇ gʼa mawˬ htaˇ, 4Nawˬ hui htawˇ ngaˬ ve a pehˉ meuˇ hko awˬ hkʼaw lo kʼai-o. Keunˍ da‸ ve hkʼe ngaˬ nawˬ hui hta‸ pe‸ laˇ tuˬ yoˬ teh‸, yawˇ hui hta‸ kʼoˆ piˇ leh, yawˇ hui htawˇ kʼai ve yoˬ. 5Peuˬ leh, mvuhˇ law‸ kʼaw tcuhˆ teˇ yanˇ leh mvuhˇ hpeu‸ hpawˇ shehˆ naˍ riˍ hkʼe teˇ yanˇ, yawˇ teˇ pawˆ kʼaw‸ kʼai leh oˇ ve hkʼa shuˍ shuˍ te ve yoˬ. 6Mvuhˇ hpeu‸ aˬ laˬ hkʼe ngaˇ naˍ riˍ teˇ yanˇ yawˇ kʼaw‸ tawˆ kʼai leh, awˬ kaˍ awˬ nu chaw teˇ hpaˍ oˇ kaˬ lo huˉ chehˇ ve hta‸ gʼa mawˬ htaˇ, Nawˬ hui aˬ hto‸ ma pa taw choˬ kaˬ lo teˇ nyi tanˇ vanˇ hkʼe leˇ chehˇ taˍ ve le teh‸ yawˇ hui hta‸ na nyi ve yoˬ. 7Chaw teˇ gʼaˇ ka‸ ngaˬ hui hta‸ maˇ ca la ve hta‸ pa taw yoˬ teh‸, yawˇ hui yawˇ hta‸ kʼaw‸ kʼoˆ piˇ htaˇ, Nawˬ hui htawˇ ngaˬ ve a pehˉ meuˇ hko awˬ hkʼaw lo kʼai-o teh‸, yawˇ yawˇ hui hta‸ kʼoˆ piˇ ve yoˬ.
8Mvuhˇ hpeu‸ la htaˇ, hko awˬ shehˍ hpaˇ lehˬ, Kanˉ te shehˍ hpaˇ hui hta‸ kuˬ hkʼaw‸ leh, awˬ hkʼaw‸ nawˉ leh leh ca te ve chaw hui hta‸ tanˬ leh, awˉ lawˉ peuˇ ca te ve chaw hui hkʼa gaˬ awˬ hpfuhˇ piˇ-oˆ teh‸ yawˇ ve mawˇ ha‸ shaˉ shehˍ hpaˇ hta‸ kʼoˆ piˇ ve yoˬ. 9Oˇ htaˇ, mvuhˇ hpeu‸ aˬ laˬ hkʼe ngaˇ naˍ riˍ htaˇ kanˉ ca te ve chaw teˇ hpaˍ laˬ leh, teˇ gʼaˇ le le teˇ hteh‸ gʼa ve yoˬ. 10Awˉ lawˉ peuˇ ca te ve chaw teˇ hpaˍ laˬ ve teˇ yanˇ, yawˇ hui shu a‸ kehˉ leuˉ leh gʼa tuˬ yoˬ teh‸ dawˇ taˍ ve ka‸, yawˇ hui htawˇ teˇ gʼaˇ teˇ hteh‸ ceh tiˉ gʼa ve yoˬ. 11Yawˇ hui hpu gʼa ve teˇ yanˇ, yehˬ shehˍ hpaˇ hta‸ ca beu leh yawˇ hta‸ kʼoˆ piˇ ve, 12Awˬ hkʼaw‸ nawˉ leh leh ca te la ve chaw teˇ hpaˍ lehˬ, teˇ naˍ riˍ tiˉ gʼa te ve htawˇ, ngaˬ hui teˇ nyi tanˇ vanˇ kanˉ te hkeu‸ leh mvuhˇ cha chiˆ ve hta‸ gʼa hkanˍ ve chaw hui hkʼa shuˍ shuˍ, nawˬ yawˇ hui hta‸ shawˍ piˇ ve law teh‸ kʼoˆ piˇ ve yoˬ.
13Yawˇ hui awˬ hkʼaw lo teˇ gʼaˇ hta‸ yawˇ kʼoˆ piˇ ve, Awˬ chawˇ-oˬ, ngaˬ nawˬ hta‸ maˇ cawˇ ve awˬ ceuˬ te laˇ ve maˇ heˆ. Teˇ hteh‸ piˇ tuˬ yoˬ teh‸ nawˬ geh ngaˬ jehˬ da‸ taˍ peuˬ maˇ heˆ laˇ. 14Nawˬ ve hpu hta‸ yuˬ leh kʼai-o. Awˬ hkʼaw‸ nawˉ leh leh te ve chaw hta‸ nawˬ hkʼa shuˍ shuˍ ngaˬ piˇ gaˇ ve yoˬ. 15Ngaˬ ve mawˇ hta‸ ngaˬ te gaˇ ve hkʼe te maˇ cawˇ leh laˇ. Ngaˬ shu hta‸ ha kʼaˉ leh piˇ ve pa taw nawˬ nyi ma naˬ leh laˇ teh‸, kʼaw‸ kʼoˆ piˇ ve yoˬ.
16Oˇ ve hkʼa shuˍ shuˍ, shu awˬ hkʼaw‸ nawˉ chehˇ ve chaw lehˬ, shu awˬ gʼu suhˍ gʼa kʼaw‸ chehˇ tuˬ yoˬ. Shu awˬ gʼuˇ suhˍ chehˇ ve chaw lehˬ, shu awˬ hkʼaw‸ nawˉ gʼa kʼaw‸ chehˇ tuˬ yoˬ teh‸, Yeˍsuˆ kʼoˆ ve yoˬ.
Yeˍsuˆ yawˇ gʼa suh tuˬ ve awˬ lawn teˇ pawˆ kʼaw‸ hto piˇ ve
17Peuˬ leh Yeˍsuˆ Yeˍruˆsaˍlehnˍ venˇ lo kʼai chehˇ htaˇ, awˬ la‸ gʼawˇ teˇ chi nyiˇ gʼaˇ hta‸ tiˉ kuˬ veu leh, ya‸ kʼaw kʼaˉ lo yawˇ yawˇ hui hta‸ kʼoˆ piˇ ve, 18Ngaˬ hui Yeˍruˆsaˍlehnˍ venˇ lo kʼai chehˇ ve yoˬ. Chaw yaˇ ve Yaˇ hpu lehˬ, paw hkuˇ lonˉ hui leh li‸ bvuh‸ paˍ hui ve la‸ sheh awˬ hkʼaw lo chiˇ a‸ ve hta‸ gʼa hkanˍ leh, yawˇ gʼa suh tuˬ ve yawˇ hui yawˇ hta‸ suhˉ taˆ tuˬ yoˬ. 19Maˇ shawˍ maˇ caˆ te ve, jaw‸ ve, la‸ ka hkʼoˆ lo hta‸ pehˍ ve, chi teˇ hpaˍ hta‸ gʼa hkanˍ tuˬ, buiˇshaˆaˉnaˆ chaw hui ve la‸ sheh awˬ hkʼaw lo yawˇ hta‸ chiˇ a‸ piˇ tuˬ yoˬ. Peuˬ leh, shehˆ nyi teˇ nyi gaˬ kʼo, yawˇ kʼaw‸ te‸ tu la tuˬ yoˬ teh‸ kʼoˆ ve yoˬ.
Yaˍkoˆ leh Yoˇhanˬ da‸ ve mui kuiˬ hta‸ lawˬ ve
20Oˇ htaˇ, Zeˍbeˍdehˇ ve yaˇ paˍ hui ve awˬ e leh yawˇ ve yaˇ paˍ nyiˇ gʼaˇ Yeˍsuˆ geh laˬ leh, awˬ e yawˇ hta‸ oˉ kʼoˍ pui leh teˇ ceuˬ lawˬ ve yoˬ.
21Nawˬ aˬ hto‸ ma heuˆ gaˇ ve le teh‸, Yeˍsuˆ na nyi htaˇ,
yaˇ miˇ oˇ ve lehˬ, Nawˬ ve mvuhˇmiˬ awˬ hkʼaw lo ngaˬ ve yaˇ paˍ chi nyiˇ gʼaˇ hta‸ nawˬ ve la‸ sha paˉ teˇ gʼaˇ, la‸ mehˍ paˉ teˇ gʼaˇ a ciˉ mui piˇ lawˬ-o‸ teh‸ kʼoˆ ve yoˬ.
22Yeˍsuˆ kʼoˆ ve, Nawˬ hui aˬ hto‸ ma hta‸ lawˬ ve nawˬ hui maˇ shiˍ. Ngaˬ gʼa dawˬ tuˬ ve kawˆ hta‸ nawˬ hui dawˬ hpeh‸-aw laˇ teh‸ na nyi htaˇ,
Dawˬ hpeh‸-aw teh‸ yawˇ hui kʼaw‸ kʼoˆ piˇ ve yoˬ.
23Ngaˬ ve kawˆ hta‸ nawˬ hui gʼa dawˬ tuˬ yoˬ. Ya‸ hkʼaˇ, ngaˬ ve la‸ sha paˉ la‸ mehˍ paˉ gʼa mui tuˬ ngaˬ pe‸ laˇ maˇ hpeh‸. Ngaˬ ve Awˬ pa gu taˍ ve chaw hui ceh tiˉ gʼa mui tuˬ yoˬ teh‸, yawˇ hui hta‸ kʼoˆ piˇ ve yoˬ,
24Awˬ lawn chi hta‸ awˬ kaˍ awˬ nu tcuh yaˇ teˇ chi gʼaˇ gʼa kaˇ htaˇ, awˬ viˉ awˬ nyi oˇ ve nyiˇ gʼaˇ hta‸ yawˇ hui nyi ma zuhˆ ve yoˬ. 25Yeˍsuˆ yawˇ hui hta‸ kuˬ yuˬ leh kʼoˆ piˇ ve, Buiˇ shaˆ aˉ naˆ chaw hui ve jawˇmawˇ teˇ hpaˍ lehˬ, yawˇ hui awˬ hkʼoˆ uˉ peunˍ leh, yawˇ hui ve chaw uiˍ teˇ hpaˍ lehˬ, yawˇ hui hta‸ nyiˉ te ve hta‸ nawˬ hui shiˍ ve yoˬ. 26Ya‸ hkʼaˇ, nawˬ hui awˬ hkʼaw lo chi hkʼe maˇ gʼa te. Nawˬ hui awˬ hkʼaw lo chaw uiˍ hpeh‸ gaˇ ve chaw hkʼaˬ ve teˇ gʼaˇ maˇ kʼoˆ, yawˇ nawˬ hui ve awˬ ceˬ gʼa te ve yoˬ. 27Nawˬ hui awˬ hkʼaw lo awˬ hoˉ te gaˇ ve chaw hkʼaˬ ve te gʼaˇ maˇ kʼoˆ, chaw yaˇ ve Yaˇ hpu hkʼa shuˍ shuˍ, nawˬ hui awˬ pon yawˇ lehˬ vuiˬ taˍ ve awˬ ceˬ gʼa hpeh‸ ve yoˬ. 28Awˬ lawn kʼo, chaw yaˇ ve Yaˇ hpu lehˬ, shu yawˇ awˬ pon kanˉ te tuˬ laˬ ve maˇ heˆ. Yawˇ shu awˬ pon kanˉ te tuˬ laˬ leh, chaw maˇ maˇ hta‸ htaiˍ hkʼaw‸ piˇ tuˬ yawˇ ve a sha‸ piˇ tuˬ awˬ pon laˬ ve yoˬ teh‸ kʼoˆ ve yoˬ.
Mehˆ cuˉ paˍ nyiˇ gʼaˇ mehˆ kʼaw‸ mawˬ la ve
29Yeˍriˆhkoˇ venˇ awˬ hkʼaw lo yawˇ hui tawˆ kʼai chehˇ htaˇ, chaw awˬ moˍ lonˉ yawˇ awˬ hkʼaˇ suh kʼai ve yoˬ. 30Oˇ htaˇ ya‸ kʼaw paˇ lo mui chehˇ ve mehˆ cuˉ paˍ nyiˇ gʼaˇ lehˬ, Yeˍsuˆ yawˇ huiˉ maˬ awˬ paˇ lo kʼai chehˇ ve awˬ lawn hta‸ yawˇ huiˉ maˬ gʼa kaˇ htaˇ, Daˍviˆ ve Yaˇ hpu Jawˇmawˇ-oˬ, ngaˬ huiˉ maˬ hta‸ ha kʼaˉ laˇ-oˆ teh‸ kuˬ ve yoˬ.
31Chaw awˬ moˍ lonˉ yawˇ huiˉ maˬ hta‸, Ta‸ iˉ chehˇ-oˆ teh‸ deˇ piˇ ve htawˇ, yawˇ huiˉ maˬ lehˬ, Daˍviˆ ve Yaˇ hpu Jawˇmawˇ-oˬ, ngaˬ huiˉ maˬ hta‸ ha kʼaˉ laˇ-oˆ teh‸, leuˉ leh kʼaw‸ kuˬ ve yoˬ.
32Oˇ htaˇ, Yeˍsuˆ huˉ taˍ leh yawˇ huiˉ maˬ hta‸ kuˬ leh, Nawˬ huiˉ maˬ awˬ pon ngaˬ hta‸ aˬ hto‸ ma te tcuh laˇ gaˇ ve le teh‸ na nyi ve yoˬ.
33Yawˇ huiˉ maˬ lehˬ, Jawˇmawˇ-oˬ, ngaˬ huiˉ maˬ ve mehˆ shiˍ hta‸ hpaw laˇ-oˆ teh‸ yawˇ hta‸ kʼoˆ piˇ ve yoˬ.
34Oˇ htaˇ, Yeˍsuˆ yawˇ huiˉ maˬ hta‸ ha kʼaˉ leh, yawˇ huiˉ maˬ ve mehˆ shiˍ hta‸ htawˇ ve yoˬ. Teˇ cawˬ haˉ yawˇ huiˉ maˬ mehˆ mawˬ la leh yawˇ awˬ hkʼaˇ suh kʼai ve yoˬ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lahu Bible Edited © Thailand Bible Society and Bible Society of Myanmar, 2010, 2020.