Ma‸htehˍ li‸ 11
11
Yoˇhanˬ lehˬ yawˇ ve awˬ la‸ gʼawˇ hui hta‸ peu laˇ ve
1Yeˍsuˆ lehˬ yawˇ ve awˬ la‸ gʼawˇ teˇ chi nyiˇ gʼaˇ hta‸ maˍ piˇ peuˬ hkʼaw‸ nawˉ, venˇ hkʼaˆ teˇ hpaˍ awˬ hkʼaw lo ca maˍ piˇ tuˬ leh bon maˍ tuˬ, yawˇ htawˇ oˇ kaˬ lo tawˆ kʼai ve yoˬ.
2Yoˇhanˬ lehˬ htawnˍ hkʼaw chehˇ ve teˇ yanˇ, Hkri‸ te ve kanˉ teˇ hpaˍ awˬ lawn hta‸ gʼa kaˇ ve yoˬ. Yawˇ ve awˬ la‸ gʼawˇ teˇ hpaˍ hta‸ kʼai tcuh leh, 3Nawˬ lehˬ, laˬ tuˬ ve chaw teˇ gʼaˇ yoˬ laˇ. Maˇ heˆ kʼo, awˬ kaˍ awˬ nu teˇ gʼaˇ hta‸ ngaˬ hui gʼa dawˇ law tuˬ sheˍ laˇ teh‸, yawˇ hta‸ na nyi tcuh ve yoˬ.
4Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui hkʼa gʼa kaˇ hkʼa gʼa mawˬ ve teˇ hpaˍ Yoˇhanˬ hta‸ ca hto piˇ-oˆ. 5Mehˆ cuˉ ve chaw hui mehˆ mawˬ la ve, hkui luˬ ve chaw hui ya‸ kʼaw juˇ kʼai ve, hkiˬ tu‸ keuˆ ve chaw hui da‸ la kehˬ la ve, naˍ paw pawˇ ve chaw hui naˍ paw kaˇ la ve, suh ve chaw hui kʼaw‸ te‸ tu la ve leh, haˍ ve gʼawˇ ve chaw hui htawˇ ha lehˬ ve bon hkawˇ hta‸ gʼa kaˇ ve yoˬ. 6Ngaˬ hta‸ nyi ma maˇ luˬ ve chaw lehˬ, awˬ bon uiˍ ve yoˬ teh‸ kʼoˆ piˇ ve yoˬ.
7Yoˇhanˬ ve awˬ la‸ gʼawˇ teˇ hpaˍ kʼo‸-e chehˇ htaˇ, Yeˍsuˆ lehˬ Yoˇhanˬ ve awˬ lawn chaw awˬ moˍ lonˉ teˇ hpaˍ hta‸ kʼoˆ piˇ ve, Nawˬ hui aˬ hto‸ ma hta‸ ca nyi tuˬ heh puiˉ hkʼaw lo kʼai ve le. Mvuhˇ haw meuˆ leh hiˆ hiˆ naˇ naˇ te chehˇ ve lo cehˬ hta‸ laˇ. 8Maˇ heˆ kʼo, aˬ hto‸ ma hta‸ ca nyi tuˬ kʼai ve le. Nuˇ lehˍ ve veu‸ kʼaˇ veu‸ deh ve chaw hta‸ laˇ. Nuˇ lehˍ ve veu‸ kʼaˇ veu‸ deh ve chaw hui lehˬ, hkunˉ hawˉ hkanˇ ve hawˉ yehˬ awˬ hkʼaw lo chehˇ ve yoˬ. 9Maˇ heˆ kʼo, aˬ hto‸ ma hta‸ ca nyi tuˬ kʼai ve le. Gʼuiˬsha ve tcuh kaˍ paˍ hta‸ laˇ. Yoˬ, Gʼuiˬsha ve tcuh kaˍ paˍ hta‸ ca nyi ve yoˬ. Yawˇ lehˬ, Gʼuiˬsha ve tcuh kaˍ paˍ teˇ hpaˍ a‸ kehˉ uiˍ ve chaw teˇ gʼaˇ hpeh‸ ve yoˬ teh‸, ngaˬ nawˬ hui hta‸ kʼoˆ laˇ ve yoˬ. 10Nyi loˬ. Nawˬ awˬ gʼuˇ suhˍ lo nawˬ ve ya‸ kʼaw hta‸ gu tuˬ ngaˬ ve tcuh yaˇ hta‸ nawˬ mehˆ gʼuˇ suhˍ lo ngaˬ kʼai tcuh ve yoˬ, teh‸ bvuh‸ taˍ ve lehˬ, yawˇ hta‸ kʼoˆ ve yoˬ. #Mlk 3:1 11Ngaˬ nawˬ hui hta‸ awˬ tehˬ awˬ na kʼoˆ laˇ ve, yaˇ miˇ geh hkʼa paw la ve chaw hui awˬ hkʼaw lo, baˆtiˆsaˬ piˇ paˍ Yoˇhanˬ a‸ kehˉ uiˍ ve chaw teˇ gʼaˇ ka‸ maˇ tawˆ la jaw. Ya‸ hkʼaˇ, mvuhˇ naw ma mvuhˇmiˬ awˬ hkʼaw lo shu a‸ kehˉ i ve chaw teˇ gʼaˇ lehˬ, yawˇ a‸ kehˉ uiˍ sheˍ ve yoˬ. 12Baˆtiˆsaˬ piˇ paˍ Yoˇhanˬ kanˉ te ve awˬ nyi teˇ hpaˍ hta‸ tanˬ leh ya‸ nyi hkʼa gaˬ, mvuhˇ naw ma ve mvuhˇmiˬ lehˬ hiˉ yuˬ ve hta‸ gʼa hkanˍ ve yoˬ. Hiˉ yuˬ ve chaw teˇ hpaˍ lehˬ, gʼaˇ hte‸ buiˆ da‸ leh lo‸-e chehˇ ve yoˬ. 13Awˬ lawn kʼo, Gʼuiˬsha ve tcuh kaˍ paˍ hkʼa peu-eˬ leh awˬliˇtawˇhkawˇ li‸ lehˬ, Yoˇhanˬ ve awˬ co-e hkʼa gaˬ hto piˇ maˍ piˇ ve yoˬ. 14Nawˬ hui na yuˬ gaˇ ve kʼo, chaw chi lehˬ laˬ tuˬ ve Eˇliˇya‸ hpeh‸ ve yoˬ. 15Kaˇ tuˬ naˍ paw cawˬ ve chaw hkʼa deh‸ na-o.
16Chaw chi teˇ co-e hta‸ aˬ hto‸ ma yuˬ leh gʼa tehˆ maˍ tuˬ le. 17Chaw chi teˇ co-e lehˬ, Nawˬ hui awˬ pon ngaˬ hui nawˍ meuˆ htawˇ nawˬ hui kʼaˍ maˇ hkʼeˆ. Ngaˬ hui paˆ hawˬ ve htawˇ nawˬ hui maˇ dawˇ haˍ, teh‸ tcuh hkʼaw mui taˍ leh awˬ chawˇ chawˇ hta‸ kuˬ leh kʼoˆ chehˇ ve yaˇ ehˉ teˇ hpaˍ hta‸ shuˍ ve yoˬ. 18Awˬ lawn kʼo, Yoˇhanˬ laˬ leh, maˇ caˇ maˇ dawˬ ve pa taw, Yawˇ lehˬ neˇ geh ve chaw yoˬ teh‸ shu kʼoˆ ve yoˬ. 19Chaw yaˇ ve Yaˇ hpu laˬ leh caˇ ve dawˬ ve pa taw, Chaw chi lehˬ, caˇ leuˉ dawˬ leuˉ ve chaw, a pehˉ meuˇ gʼuiˬ dawˬ ponˬ dawˬ leuˉ ve chaw, awˬ hkawnˍ shaw paˍ leh venˇbaˆ yaˇ hui hta‸ awˬ chawˇ te ve chaw yoˬ teh‸ shu kʼaw‸ kʼoˆ ve yoˬ. Ya‸ hkʼaˇ, cuˇ yiˍ maˍ yiˍ teˇ ceuˬ lehˬ, yawˇ te ve kanˉ teˇ hpaˍ awˬ hkʼaw lo, hteˇ ve cawˇ ve hta‸ shu gʼa shiˍ ve yoˬ teh‸, Yeˍsuˆ kʼoˆ ve yoˬ.
Venˇbaˆ maˇ dawˇ hpfuhˆ ve venˇ teˇ hpaˍ gʼa dawˇ haˍ jaˇ tuˬ ve
20Oˇ htaˇ, yawˇ kanˉ uiˍ ve maˇ maˇ te maˍ piˇ peuˬ ve venˇ teˇ hpaˍ lehˬ, yawˇ hui ve venˇbaˆ hta‸ maˇ dawˇ hpfuhˆ ve pa taw, Yeˍsuˆ yawˇ hui hta‸ deˇ maˍ leh kʼoˆ ve, 21Hkawˇraˍsenˍ venˇ-oˬ, nawˬ gʼa dawˇ haˍ jaˇ tuˬ yoˬ. Behˇsehˇdaˆ venˇ-oˬ, nawˬ htawˇ gʼa dawˇ haˍ jaˇ tuˬ yoˬ. Awˬ lawn kʼo, nawˬ hui awˬ hkʼaw lo te peuˬ ve kanˉ uiˍ ve teˇ hpaˍ lehˬ, Tuˇruˆ venˇ leh Siˉdonˍ venˇ awˬ hkʼaw lo te ve hkʼe kʼo, yawˇ hui lehˬ aˬ sho-eˬ htaˇ ka‸ meh htuˉ pui hpa hta‸ veu‸ deh leh hkʼaw‸ laˉ hkaˆ pfuhˍ ve awˬ hkʼaw lo venˇbaˆ hta‸ dawˇ hpfuhˆ tuˬ yoˬ. 22Ngaˬ nawˬ hui hta‸ kʼoˆ laˇ ve, suhˉ jehˬ ve awˬ nyi htaˇ, nawˬ hui lehˬ Tuˇruˆ venˇ leh Siˉdonˍ venˇ a‸ kehˉ gʼa hkanˍ tuˬ yoˬ. 23Kaˍpeˍneˍonˍ venˇ-oˬ, nawˬ lehˬ mvuhˇ naw ma lo hkʼa gaˬ chiˇ taˆ-e ve hta‸ gʼa hkanˍ tuˬ teh‸ dawˇ ve laˇ. Nawˬ lehˬ, suh mvuhˇmiˬ hkʼa gaˬ gʼa ya‸-e tuˬ yoˬ. Awˬ lawn kʼo, nawˬ awˬ hkʼaw lo te peuˬ ve kanˉ uiˍ ve teˇ hpaˍ Sawˉdonˍ venˇ awˬ hkʼaw lo te ve hkʼe kʼo, venˇ oˇ ve lehˬ ya‸ nyi hkʼa gaˬ cawˬ tuˬ sheˍ ve yoˬ. 24Ngaˬ nawˬ hui hta‸ kʼoˆ laˇ ve, suhˉ jehˬ ve awˬ nyi htaˇ, nawˬ hui lehˬ Sawˉdonˍ mvuhˇmiˬ a‸ kehˉ gʼa hkanˍ tuˬ yoˬ teh‸ kʼoˆ ve yoˬ.
Ngaˬ geh gʼaˇ jehˇ la-o
25Oˇ ve teˇ yanˇ Yeˍsuˆ kʼoˆ ve, Mvuhˇ naw ma miˬ naˆ ma hta‸ uˉ peunˍ shehˍ hpaˇ A pa-oˬ, cuˇ yiˍ maˍ yiˍ cawˬ ve chaw leh shiˍ puiˉ ve chaw hui hta‸ awˬ lawn chi teˇ hpaˍ nawˬ faˉ taˍ leh, yaˇ ehˉ teˇ hpaˍ hta‸ hpeu‸ maˍ piˇ ve pa taw, ngaˬ nawˬ hta‸ chiˇ mvuh ve yoˬ. 26A pa-oˬ, chi lehˬ nawˬ a loˍ cawˇ ve yoˬ.
27Ngaˬ ve Awˬ pa lehˬ, awˬ ceuˬ hkʼa peu-eˬ ngaˬ hta‸ chiˇ a‸ laˇ peuˬ. Awˬ pa maˇ heˆ kʼo, Yaˇ hpu hta‸ teˇ gʼaˇ ka‸ maˇ shiˍ. Yaˇ hpu leh Yaˇ hpu hpeu‸ maˍ piˇ gaˇ ve chaw maˇ heˆ kʼo, Awˬ pa hta‸ teˇ gʼaˇ ka‸ maˇ shiˍ.
28Kanˉ te heuˬ leh mawˇ pfuhˇ hawˇ ve chaw hkʼa peu-eˬ ngaˬ geh laˬ-o‸. Ngaˬ nawˬ hui hta‸ gʼaˇ jehˇ piˇ tuˬ yoˬ. 29Ngaˬ ve taˆ tuˬ hta‸ taˆ leh ngaˬ geh henˇ yuˬ-o‸. Awˬ lawn kʼo, ngaˬ lehˬ nyi ma nuˇ nuˇ nehˬ nehˬ cawˬ leh, nawˬ hui ve nyi ma htawˇ gʼaˇ gʼa jehˇ tuˬ yoˬ. 30Awˬ lawn kʼo, ngaˬ ve taˆ tuˬ taˆ sha leh, ngaˬ ve mawˇ htawˇ lawˬ ve yoˬ teh‸ kʼoˆ ve yoˬ.
Iliyochaguliwa sasa
Ma‸htehˍ li‸ 11: LHBE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lahu Bible Edited © Thailand Bible Society and Bible Society of Myanmar, 2010, 2020.
Ma‸htehˍ li‸ 11
11
Yoˇhanˬ lehˬ yawˇ ve awˬ la‸ gʼawˇ hui hta‸ peu laˇ ve
1Yeˍsuˆ lehˬ yawˇ ve awˬ la‸ gʼawˇ teˇ chi nyiˇ gʼaˇ hta‸ maˍ piˇ peuˬ hkʼaw‸ nawˉ, venˇ hkʼaˆ teˇ hpaˍ awˬ hkʼaw lo ca maˍ piˇ tuˬ leh bon maˍ tuˬ, yawˇ htawˇ oˇ kaˬ lo tawˆ kʼai ve yoˬ.
2Yoˇhanˬ lehˬ htawnˍ hkʼaw chehˇ ve teˇ yanˇ, Hkri‸ te ve kanˉ teˇ hpaˍ awˬ lawn hta‸ gʼa kaˇ ve yoˬ. Yawˇ ve awˬ la‸ gʼawˇ teˇ hpaˍ hta‸ kʼai tcuh leh, 3Nawˬ lehˬ, laˬ tuˬ ve chaw teˇ gʼaˇ yoˬ laˇ. Maˇ heˆ kʼo, awˬ kaˍ awˬ nu teˇ gʼaˇ hta‸ ngaˬ hui gʼa dawˇ law tuˬ sheˍ laˇ teh‸, yawˇ hta‸ na nyi tcuh ve yoˬ.
4Yeˍsuˆ yawˇ hui hta‸ kʼaw‸ kʼoˆ piˇ ve, Nawˬ hui hkʼa gʼa kaˇ hkʼa gʼa mawˬ ve teˇ hpaˍ Yoˇhanˬ hta‸ ca hto piˇ-oˆ. 5Mehˆ cuˉ ve chaw hui mehˆ mawˬ la ve, hkui luˬ ve chaw hui ya‸ kʼaw juˇ kʼai ve, hkiˬ tu‸ keuˆ ve chaw hui da‸ la kehˬ la ve, naˍ paw pawˇ ve chaw hui naˍ paw kaˇ la ve, suh ve chaw hui kʼaw‸ te‸ tu la ve leh, haˍ ve gʼawˇ ve chaw hui htawˇ ha lehˬ ve bon hkawˇ hta‸ gʼa kaˇ ve yoˬ. 6Ngaˬ hta‸ nyi ma maˇ luˬ ve chaw lehˬ, awˬ bon uiˍ ve yoˬ teh‸ kʼoˆ piˇ ve yoˬ.
7Yoˇhanˬ ve awˬ la‸ gʼawˇ teˇ hpaˍ kʼo‸-e chehˇ htaˇ, Yeˍsuˆ lehˬ Yoˇhanˬ ve awˬ lawn chaw awˬ moˍ lonˉ teˇ hpaˍ hta‸ kʼoˆ piˇ ve, Nawˬ hui aˬ hto‸ ma hta‸ ca nyi tuˬ heh puiˉ hkʼaw lo kʼai ve le. Mvuhˇ haw meuˆ leh hiˆ hiˆ naˇ naˇ te chehˇ ve lo cehˬ hta‸ laˇ. 8Maˇ heˆ kʼo, aˬ hto‸ ma hta‸ ca nyi tuˬ kʼai ve le. Nuˇ lehˍ ve veu‸ kʼaˇ veu‸ deh ve chaw hta‸ laˇ. Nuˇ lehˍ ve veu‸ kʼaˇ veu‸ deh ve chaw hui lehˬ, hkunˉ hawˉ hkanˇ ve hawˉ yehˬ awˬ hkʼaw lo chehˇ ve yoˬ. 9Maˇ heˆ kʼo, aˬ hto‸ ma hta‸ ca nyi tuˬ kʼai ve le. Gʼuiˬsha ve tcuh kaˍ paˍ hta‸ laˇ. Yoˬ, Gʼuiˬsha ve tcuh kaˍ paˍ hta‸ ca nyi ve yoˬ. Yawˇ lehˬ, Gʼuiˬsha ve tcuh kaˍ paˍ teˇ hpaˍ a‸ kehˉ uiˍ ve chaw teˇ gʼaˇ hpeh‸ ve yoˬ teh‸, ngaˬ nawˬ hui hta‸ kʼoˆ laˇ ve yoˬ. 10Nyi loˬ. Nawˬ awˬ gʼuˇ suhˍ lo nawˬ ve ya‸ kʼaw hta‸ gu tuˬ ngaˬ ve tcuh yaˇ hta‸ nawˬ mehˆ gʼuˇ suhˍ lo ngaˬ kʼai tcuh ve yoˬ, teh‸ bvuh‸ taˍ ve lehˬ, yawˇ hta‸ kʼoˆ ve yoˬ. #Mlk 3:1 11Ngaˬ nawˬ hui hta‸ awˬ tehˬ awˬ na kʼoˆ laˇ ve, yaˇ miˇ geh hkʼa paw la ve chaw hui awˬ hkʼaw lo, baˆtiˆsaˬ piˇ paˍ Yoˇhanˬ a‸ kehˉ uiˍ ve chaw teˇ gʼaˇ ka‸ maˇ tawˆ la jaw. Ya‸ hkʼaˇ, mvuhˇ naw ma mvuhˇmiˬ awˬ hkʼaw lo shu a‸ kehˉ i ve chaw teˇ gʼaˇ lehˬ, yawˇ a‸ kehˉ uiˍ sheˍ ve yoˬ. 12Baˆtiˆsaˬ piˇ paˍ Yoˇhanˬ kanˉ te ve awˬ nyi teˇ hpaˍ hta‸ tanˬ leh ya‸ nyi hkʼa gaˬ, mvuhˇ naw ma ve mvuhˇmiˬ lehˬ hiˉ yuˬ ve hta‸ gʼa hkanˍ ve yoˬ. Hiˉ yuˬ ve chaw teˇ hpaˍ lehˬ, gʼaˇ hte‸ buiˆ da‸ leh lo‸-e chehˇ ve yoˬ. 13Awˬ lawn kʼo, Gʼuiˬsha ve tcuh kaˍ paˍ hkʼa peu-eˬ leh awˬliˇtawˇhkawˇ li‸ lehˬ, Yoˇhanˬ ve awˬ co-e hkʼa gaˬ hto piˇ maˍ piˇ ve yoˬ. 14Nawˬ hui na yuˬ gaˇ ve kʼo, chaw chi lehˬ laˬ tuˬ ve Eˇliˇya‸ hpeh‸ ve yoˬ. 15Kaˇ tuˬ naˍ paw cawˬ ve chaw hkʼa deh‸ na-o.
16Chaw chi teˇ co-e hta‸ aˬ hto‸ ma yuˬ leh gʼa tehˆ maˍ tuˬ le. 17Chaw chi teˇ co-e lehˬ, Nawˬ hui awˬ pon ngaˬ hui nawˍ meuˆ htawˇ nawˬ hui kʼaˍ maˇ hkʼeˆ. Ngaˬ hui paˆ hawˬ ve htawˇ nawˬ hui maˇ dawˇ haˍ, teh‸ tcuh hkʼaw mui taˍ leh awˬ chawˇ chawˇ hta‸ kuˬ leh kʼoˆ chehˇ ve yaˇ ehˉ teˇ hpaˍ hta‸ shuˍ ve yoˬ. 18Awˬ lawn kʼo, Yoˇhanˬ laˬ leh, maˇ caˇ maˇ dawˬ ve pa taw, Yawˇ lehˬ neˇ geh ve chaw yoˬ teh‸ shu kʼoˆ ve yoˬ. 19Chaw yaˇ ve Yaˇ hpu laˬ leh caˇ ve dawˬ ve pa taw, Chaw chi lehˬ, caˇ leuˉ dawˬ leuˉ ve chaw, a pehˉ meuˇ gʼuiˬ dawˬ ponˬ dawˬ leuˉ ve chaw, awˬ hkawnˍ shaw paˍ leh venˇbaˆ yaˇ hui hta‸ awˬ chawˇ te ve chaw yoˬ teh‸ shu kʼaw‸ kʼoˆ ve yoˬ. Ya‸ hkʼaˇ, cuˇ yiˍ maˍ yiˍ teˇ ceuˬ lehˬ, yawˇ te ve kanˉ teˇ hpaˍ awˬ hkʼaw lo, hteˇ ve cawˇ ve hta‸ shu gʼa shiˍ ve yoˬ teh‸, Yeˍsuˆ kʼoˆ ve yoˬ.
Venˇbaˆ maˇ dawˇ hpfuhˆ ve venˇ teˇ hpaˍ gʼa dawˇ haˍ jaˇ tuˬ ve
20Oˇ htaˇ, yawˇ kanˉ uiˍ ve maˇ maˇ te maˍ piˇ peuˬ ve venˇ teˇ hpaˍ lehˬ, yawˇ hui ve venˇbaˆ hta‸ maˇ dawˇ hpfuhˆ ve pa taw, Yeˍsuˆ yawˇ hui hta‸ deˇ maˍ leh kʼoˆ ve, 21Hkawˇraˍsenˍ venˇ-oˬ, nawˬ gʼa dawˇ haˍ jaˇ tuˬ yoˬ. Behˇsehˇdaˆ venˇ-oˬ, nawˬ htawˇ gʼa dawˇ haˍ jaˇ tuˬ yoˬ. Awˬ lawn kʼo, nawˬ hui awˬ hkʼaw lo te peuˬ ve kanˉ uiˍ ve teˇ hpaˍ lehˬ, Tuˇruˆ venˇ leh Siˉdonˍ venˇ awˬ hkʼaw lo te ve hkʼe kʼo, yawˇ hui lehˬ aˬ sho-eˬ htaˇ ka‸ meh htuˉ pui hpa hta‸ veu‸ deh leh hkʼaw‸ laˉ hkaˆ pfuhˍ ve awˬ hkʼaw lo venˇbaˆ hta‸ dawˇ hpfuhˆ tuˬ yoˬ. 22Ngaˬ nawˬ hui hta‸ kʼoˆ laˇ ve, suhˉ jehˬ ve awˬ nyi htaˇ, nawˬ hui lehˬ Tuˇruˆ venˇ leh Siˉdonˍ venˇ a‸ kehˉ gʼa hkanˍ tuˬ yoˬ. 23Kaˍpeˍneˍonˍ venˇ-oˬ, nawˬ lehˬ mvuhˇ naw ma lo hkʼa gaˬ chiˇ taˆ-e ve hta‸ gʼa hkanˍ tuˬ teh‸ dawˇ ve laˇ. Nawˬ lehˬ, suh mvuhˇmiˬ hkʼa gaˬ gʼa ya‸-e tuˬ yoˬ. Awˬ lawn kʼo, nawˬ awˬ hkʼaw lo te peuˬ ve kanˉ uiˍ ve teˇ hpaˍ Sawˉdonˍ venˇ awˬ hkʼaw lo te ve hkʼe kʼo, venˇ oˇ ve lehˬ ya‸ nyi hkʼa gaˬ cawˬ tuˬ sheˍ ve yoˬ. 24Ngaˬ nawˬ hui hta‸ kʼoˆ laˇ ve, suhˉ jehˬ ve awˬ nyi htaˇ, nawˬ hui lehˬ Sawˉdonˍ mvuhˇmiˬ a‸ kehˉ gʼa hkanˍ tuˬ yoˬ teh‸ kʼoˆ ve yoˬ.
Ngaˬ geh gʼaˇ jehˇ la-o
25Oˇ ve teˇ yanˇ Yeˍsuˆ kʼoˆ ve, Mvuhˇ naw ma miˬ naˆ ma hta‸ uˉ peunˍ shehˍ hpaˇ A pa-oˬ, cuˇ yiˍ maˍ yiˍ cawˬ ve chaw leh shiˍ puiˉ ve chaw hui hta‸ awˬ lawn chi teˇ hpaˍ nawˬ faˉ taˍ leh, yaˇ ehˉ teˇ hpaˍ hta‸ hpeu‸ maˍ piˇ ve pa taw, ngaˬ nawˬ hta‸ chiˇ mvuh ve yoˬ. 26A pa-oˬ, chi lehˬ nawˬ a loˍ cawˇ ve yoˬ.
27Ngaˬ ve Awˬ pa lehˬ, awˬ ceuˬ hkʼa peu-eˬ ngaˬ hta‸ chiˇ a‸ laˇ peuˬ. Awˬ pa maˇ heˆ kʼo, Yaˇ hpu hta‸ teˇ gʼaˇ ka‸ maˇ shiˍ. Yaˇ hpu leh Yaˇ hpu hpeu‸ maˍ piˇ gaˇ ve chaw maˇ heˆ kʼo, Awˬ pa hta‸ teˇ gʼaˇ ka‸ maˇ shiˍ.
28Kanˉ te heuˬ leh mawˇ pfuhˇ hawˇ ve chaw hkʼa peu-eˬ ngaˬ geh laˬ-o‸. Ngaˬ nawˬ hui hta‸ gʼaˇ jehˇ piˇ tuˬ yoˬ. 29Ngaˬ ve taˆ tuˬ hta‸ taˆ leh ngaˬ geh henˇ yuˬ-o‸. Awˬ lawn kʼo, ngaˬ lehˬ nyi ma nuˇ nuˇ nehˬ nehˬ cawˬ leh, nawˬ hui ve nyi ma htawˇ gʼaˇ gʼa jehˇ tuˬ yoˬ. 30Awˬ lawn kʼo, ngaˬ ve taˆ tuˬ taˆ sha leh, ngaˬ ve mawˇ htawˇ lawˬ ve yoˬ teh‸ kʼoˆ ve yoˬ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Lahu Bible Edited © Thailand Bible Society and Bible Society of Myanmar, 2010, 2020.