Roma 7
7
Dasina damro na romnhimiré
1Ĩsisãnawã norĩ, uburé a norĩ wa'wa hã aima waihu'u pese za'ra wa'aba di, 'Re ihâimana u'âsi mono nhimiroti zahi na Mozési te te ãma i'arob'ui'érézé hã, duré ta hã dapara na 're danomro mono ré si, pire na dama 're ihâimana mono na hã. 2Wa za ãma aima romnhimiré'é za'ra wa'wa, ãne: Pi'õ hã mro ré 're hâimana mono wamhã, 'Re ihâimana u'âsi mono nhimiroti zahi zarina te za imro hã para na 're morĩ ré hã te te rẽme ãna 're hâimana. Tazahã, imro sipara te te rẽme wap si, te za sima iwẽ na 're hâimana, Mozésihi nhimi'ui'éré na roti zahi wi, mro zahu da hã. 3Tazahã oto, pi'õ hã imro para na 're morĩ ré, aibâ aimawi na mro zahu wamhã, te za da te dasiwi 're 'madâ'â, aibâ aimawi na isimisaihuri na. Tazahã, aibâ sipara te te rẽme wap si, te za tihâiba, Mozésihi nhimi'ui'éré na roti wi hã. Duré aibâ aimawi na mro zahu wamhã, damro na dawi simisaihuri õ di za. 4Ĩsisãnawã norĩ, ãne ma tô duré aima tiromhâimana za'ra wa'wa. 'Re ihâimana u'âsi mono nhimiroti zahi zarina Mozési te te ãma irob'ui'érézé hã te dâ'â na aima 're hâimana za'ra wa'wa, Cristuhu hâiba u'âbâ. Tahawa, ãhã na hã te oto ite na 're anomro aba mo, idâ'â hawi ihâiwa'utu te na, 'Re ihâimana u'âsi mono ma romhuri'wa iwẽ na, 're wahâimana za'ra mono da. 5'Râwi wa te wasima 're iwẽ za'ra mono zarina si 're wahâimana za'ra mono ré hã, Mozésihi nhimi'ui'éré na roti zahi hã te marĩ iwasédé wa te wasima 're iwẽ za'ra mono hã iwẽ'õ nherẽ, te te 're ahâiwa'utu, uburé wahâimanazéb 'remhã. Tawamhã ta hã te te 're wanhimro, wapẽ'ẽ 're wadâ'â u hã. 6Tane nherẽ, ãhã na hã 'Re ihâimana u'âsi mono nhimiroti zahi zarina Mozési te te ãma irob'ui'éré wi, wa wasima iwẽ na 're wahâimana za'ra, wawi dâ'â za'ra wa oto, dazazéb 're, 're idasimasa mono ne te te aré 're iwatété za'ra mono hã. Tahawa, wasima iwẽ na wa oto 're wahâimana za'ra, 'Re ihâimana u'âsi mono ma, wa te 're romhuri za'ra mono da, mare di, romhâimanazé i'ratare ne hã, roti zahi i'ui'éré na inomro, wa te 're 'madâ'â za'ra mono õ wa oto. Tazahã, oto itém na si 'Re ihâimana u'âsi mono Pẽ'ẽzani, wa te 're i'madâ'â pese za'ra mono zéb zarina.
Wawasédé hã wa te 're i'wapé za'ra mono zé
7E niha wa za tawamhã rowasu'u za'ra ni. E 'Re ihâimana u'âsi mono nhimiroti na Mozési te te ãma irob'ui'érézé hã wasété bâ. Mare uptabi di! Tazahã, Mozésihi nhimi'ui'éré na roti zahi inomro zarina, wa tô awaihu'u, marĩ mono na ãma 're idawasété za'ra mono zé hã. E marĩ wa. Tô marĩ na danhiminho'ru te waihu'u õ wa aré, Mozésihi nhimi'ui'éré na roti zahi ãne nomro õ 'wa'âhã, “Marĩ na danho'ru tõ.” 8Tane nherẽ, ta hã Mozésihi nhimi'ui'éré na roti zahi inomro zarina, dawasédé hã ma tô marĩ na danhiminho'ru hã ĩ're ĩma hâiwa'utu, imono bâ. E marĩ wa. Mozésihi nhimi'ui'éré na roti zahi hâimana õ wamhã, dawasédé idâ'â ne aré. 9Ĩhâimanazé hã Mozésihi nhimi'ui'éré na roti zahi ãna, te aré ĩma 're hâimana, ta hã te waihu'u õ ré hã. Tane nherẽ, marĩ na danhiminho'ru na roti zahi te oto waihu'u wamhã, dawasédé hã ma tô oto ĩwa 're hâimana. 10Tahawa, wa tô dârâ, ĩpẽ'ẽ 'remhã. Tawamhã Mozésihi nhimi'ui'éré na roti zahi, ĩpẽ'ẽ 're ĩhâiba ré ĩhâimanazé te te ĩma isõmri da nherẽ, ma tô dadâ'â si ĩma ãwisi. 11Dawasédé hã ma tô sa'rese ãna te te ĩma irob'rãmizé hã ĩzada 'manhopẽtẽ, Mozésihi nhimi'ui'éré na roti zahi u'âbâ. Taha zarina ma tô ĩwĩ, ĩpẽ'ẽ 'remhã.
12Ãne wa, uburé roti zahi Mozési te te ãma i'arob'ui'éré hã 'Re ihâimana u'âsi mono hawim na te 're hâimana za'ra tô. Duré marĩ na danhiminho'ru na roti zahi zama 'Re ihâimana u'âsi mono hawim na te 're hâimana, duré i'uwaibaba hã, duré iwẽ. 13E tawamhã wẽ nherẽ, ma tô dadâ'â u ĩ'ãwisi. Mare di! Dawasété 'manharĩ si ma tô ãne hã ĩma 'manha. Dawasédé hã, Mozésihi nhimi'ui'éré na roti zahi hã wẽ nherẽ, ma tô dadâ'â u ãma ĩ'ãwisi, te 'madâ'â waihu'u da, sõ'awi dawasédé hã niha na sena na 're ihâimana mono zém na. Ãne wa, Mozésihi nhimi'ui'éré na roti zahi zarina ma tô sihâi'ré, dawasédé iwasété uptabi na hã.
Rosa'rata 'manharĩ na 'râwi 're idasi'wapé za'ra mono zé
14Wa waihu'u za'ra ni, Mozésihi nhimi'ui'éré na roti zahi hã 'Re ihâimana u'âsi mono Pẽ'ẽzani hawim na hã. Tane nherẽ, wa hã ti'ai ãma a'uwẽ. Duré ĩnhib'uware di. Duré dawasété 'manharĩzé ma, ma tô ĩwede ni, ĩwada'uri zarina ite na te tãma 're romhuri mono da. 15Marĩ te 're i'ab'manharĩ mono zém na 're ĩsiwaihu'u mono õ di. E marĩ wa. Te 're a'manharĩ mono da, te ĩsima 're iwẽ mono hã te 're a'manharĩ mono õ wa. Tazahã, iwa'rãmi te 're i'ruiwapari mono si, wa te te 're a'manharĩ. 16Te ĩsima 're iwẽ mono õ hã marĩ iwasédé te 're a'manharĩ mono wa, ãne wa, ĩzama wa ãma saze, 'Re ihâimana u'âsi mono nhimiroti zahi na Mozési te te ãma irob'ui'érézé iwẽ na. 17Tane nherẽ, wa hãi õ di, marĩ iwasédé te 're i'ab'manharĩ mono na hã. Tazahã, ĩwasédé ĩwa 're ihâimana mono te te 're a'manharĩ. 18Tô sena tô. Ĩma waihu'u pese di, marĩ iwẽ ĩwa 're ihâimana mono õ na hã, tô ta hã, 'râwi te ĩsima 're iwẽ mono zé iwẽ'õ nherẽ. Wa ĩsima te 're wẽ aré, marĩ iwẽ si te 're a'manharĩ mono da. Tane nherẽ, te 're a'manharĩ waihu'u mono õ di. 19Marĩ iwẽ te 're a'manharĩ mono da, te ĩsima 're iwẽ mono zéb zarina, te 're a'manharĩ mono õ di tô. Iwa'rãmi marĩ iwasété si, wa te te 're a'manharĩ, te 're a'manharĩ mono da, te ĩsima 're iwẽ mono õ si. 20Marĩ te ĩsima wẽ'õ nherẽ, te 're a'manharĩ mono wamhã, ãne wamhã, wa hã te 're a'manharĩ mono õ di. Tazahã, ĩwasédé ĩwa 're ihâimana mono te te 're a'manharĩ.
21Ãne wa, ĩma waihu'u pese di, ĩ'ãma 're iromhâimana mono zé hã, ãne: Marĩ iwẽ te 're a'manharĩ mono da, te ĩsima 're wẽ mono wamhã, tane nherẽ, marĩ iwasété si te 're a'manharĩ waihu'u pese mono di. 22Ĩpẽ'ẽ 're uptabi hã, ĩsiwaihu'u pese di, 'Re ihâimana u'âsi mono nhimiroti zahi na rob'ui'éré, ĩma iwẽ na hã. 23Tane nherẽ, aimawi roti zahi hã wa te te 're 'madâ'â, ĩhâiba 're te te 're iromhuri mono hã. Ta hã te te 're 'wapé, roti zahi ĩpẽ'ẽ 're ĩnhimirosa'rada te te 're iwẽsãmri mono zada. Ã hã aimawi roti zahi ĩhâiba 're te te 're iromhuri mono hã, ta hã roti zahi dawasété 'manharĩzé. Ta hã te te duré 're ĩ'manharĩ, dazazéb 're, 're ĩza mono ne 're ĩhâimana mono da tãma. 24Ãne wa, wa hã ĩma 're robzei'õ uptabi mono di! E 'wa hã te za ĩwaze, ĩhâiba ĩdâ'â u te te ĩzaprõni wi hã. 25'Re ihâimana u'âsi mono ãma wa ĩwata, Wanhib'apito Zezu Cristuhu u'âbâ, ãne hã te te ĩma 'manharĩ wa!
Ãne wa, ĩnhimirosa'rata 'remhã, wa hã 'Re ihâimana u'âsi mono nhimiroti zahi ma romhuri'wa. Tane nherẽ, ti'ai ãma a'uwẽ hâiba na 're ĩhâimana mono zarina, wa ĩwasété na 're ĩhâimana, 're idawasété za'ra mono na roti zahi zarina.
Iliyochaguliwa sasa
Roma 7: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Roma 7
7
Dasina damro na romnhimiré
1Ĩsisãnawã norĩ, uburé a norĩ wa'wa hã aima waihu'u pese za'ra wa'aba di, 'Re ihâimana u'âsi mono nhimiroti zahi na Mozési te te ãma i'arob'ui'érézé hã, duré ta hã dapara na 're danomro mono ré si, pire na dama 're ihâimana mono na hã. 2Wa za ãma aima romnhimiré'é za'ra wa'wa, ãne: Pi'õ hã mro ré 're hâimana mono wamhã, 'Re ihâimana u'âsi mono nhimiroti zahi zarina te za imro hã para na 're morĩ ré hã te te rẽme ãna 're hâimana. Tazahã, imro sipara te te rẽme wap si, te za sima iwẽ na 're hâimana, Mozésihi nhimi'ui'éré na roti zahi wi, mro zahu da hã. 3Tazahã oto, pi'õ hã imro para na 're morĩ ré, aibâ aimawi na mro zahu wamhã, te za da te dasiwi 're 'madâ'â, aibâ aimawi na isimisaihuri na. Tazahã, aibâ sipara te te rẽme wap si, te za tihâiba, Mozésihi nhimi'ui'éré na roti wi hã. Duré aibâ aimawi na mro zahu wamhã, damro na dawi simisaihuri õ di za. 4Ĩsisãnawã norĩ, ãne ma tô duré aima tiromhâimana za'ra wa'wa. 'Re ihâimana u'âsi mono nhimiroti zahi zarina Mozési te te ãma irob'ui'érézé hã te dâ'â na aima 're hâimana za'ra wa'wa, Cristuhu hâiba u'âbâ. Tahawa, ãhã na hã te oto ite na 're anomro aba mo, idâ'â hawi ihâiwa'utu te na, 'Re ihâimana u'âsi mono ma romhuri'wa iwẽ na, 're wahâimana za'ra mono da. 5'Râwi wa te wasima 're iwẽ za'ra mono zarina si 're wahâimana za'ra mono ré hã, Mozésihi nhimi'ui'éré na roti zahi hã te marĩ iwasédé wa te wasima 're iwẽ za'ra mono hã iwẽ'õ nherẽ, te te 're ahâiwa'utu, uburé wahâimanazéb 'remhã. Tawamhã ta hã te te 're wanhimro, wapẽ'ẽ 're wadâ'â u hã. 6Tane nherẽ, ãhã na hã 'Re ihâimana u'âsi mono nhimiroti zahi zarina Mozési te te ãma irob'ui'éré wi, wa wasima iwẽ na 're wahâimana za'ra, wawi dâ'â za'ra wa oto, dazazéb 're, 're idasimasa mono ne te te aré 're iwatété za'ra mono hã. Tahawa, wasima iwẽ na wa oto 're wahâimana za'ra, 'Re ihâimana u'âsi mono ma, wa te 're romhuri za'ra mono da, mare di, romhâimanazé i'ratare ne hã, roti zahi i'ui'éré na inomro, wa te 're 'madâ'â za'ra mono õ wa oto. Tazahã, oto itém na si 'Re ihâimana u'âsi mono Pẽ'ẽzani, wa te 're i'madâ'â pese za'ra mono zéb zarina.
Wawasédé hã wa te 're i'wapé za'ra mono zé
7E niha wa za tawamhã rowasu'u za'ra ni. E 'Re ihâimana u'âsi mono nhimiroti na Mozési te te ãma irob'ui'érézé hã wasété bâ. Mare uptabi di! Tazahã, Mozésihi nhimi'ui'éré na roti zahi inomro zarina, wa tô awaihu'u, marĩ mono na ãma 're idawasété za'ra mono zé hã. E marĩ wa. Tô marĩ na danhiminho'ru te waihu'u õ wa aré, Mozésihi nhimi'ui'éré na roti zahi ãne nomro õ 'wa'âhã, “Marĩ na danho'ru tõ.” 8Tane nherẽ, ta hã Mozésihi nhimi'ui'éré na roti zahi inomro zarina, dawasédé hã ma tô marĩ na danhiminho'ru hã ĩ're ĩma hâiwa'utu, imono bâ. E marĩ wa. Mozésihi nhimi'ui'éré na roti zahi hâimana õ wamhã, dawasédé idâ'â ne aré. 9Ĩhâimanazé hã Mozésihi nhimi'ui'éré na roti zahi ãna, te aré ĩma 're hâimana, ta hã te waihu'u õ ré hã. Tane nherẽ, marĩ na danhiminho'ru na roti zahi te oto waihu'u wamhã, dawasédé hã ma tô oto ĩwa 're hâimana. 10Tahawa, wa tô dârâ, ĩpẽ'ẽ 'remhã. Tawamhã Mozésihi nhimi'ui'éré na roti zahi, ĩpẽ'ẽ 're ĩhâiba ré ĩhâimanazé te te ĩma isõmri da nherẽ, ma tô dadâ'â si ĩma ãwisi. 11Dawasédé hã ma tô sa'rese ãna te te ĩma irob'rãmizé hã ĩzada 'manhopẽtẽ, Mozésihi nhimi'ui'éré na roti zahi u'âbâ. Taha zarina ma tô ĩwĩ, ĩpẽ'ẽ 'remhã.
12Ãne wa, uburé roti zahi Mozési te te ãma i'arob'ui'éré hã 'Re ihâimana u'âsi mono hawim na te 're hâimana za'ra tô. Duré marĩ na danhiminho'ru na roti zahi zama 'Re ihâimana u'âsi mono hawim na te 're hâimana, duré i'uwaibaba hã, duré iwẽ. 13E tawamhã wẽ nherẽ, ma tô dadâ'â u ĩ'ãwisi. Mare di! Dawasété 'manharĩ si ma tô ãne hã ĩma 'manha. Dawasédé hã, Mozésihi nhimi'ui'éré na roti zahi hã wẽ nherẽ, ma tô dadâ'â u ãma ĩ'ãwisi, te 'madâ'â waihu'u da, sõ'awi dawasédé hã niha na sena na 're ihâimana mono zém na. Ãne wa, Mozésihi nhimi'ui'éré na roti zahi zarina ma tô sihâi'ré, dawasédé iwasété uptabi na hã.
Rosa'rata 'manharĩ na 'râwi 're idasi'wapé za'ra mono zé
14Wa waihu'u za'ra ni, Mozésihi nhimi'ui'éré na roti zahi hã 'Re ihâimana u'âsi mono Pẽ'ẽzani hawim na hã. Tane nherẽ, wa hã ti'ai ãma a'uwẽ. Duré ĩnhib'uware di. Duré dawasété 'manharĩzé ma, ma tô ĩwede ni, ĩwada'uri zarina ite na te tãma 're romhuri mono da. 15Marĩ te 're i'ab'manharĩ mono zém na 're ĩsiwaihu'u mono õ di. E marĩ wa. Te 're a'manharĩ mono da, te ĩsima 're iwẽ mono hã te 're a'manharĩ mono õ wa. Tazahã, iwa'rãmi te 're i'ruiwapari mono si, wa te te 're a'manharĩ. 16Te ĩsima 're iwẽ mono õ hã marĩ iwasédé te 're a'manharĩ mono wa, ãne wa, ĩzama wa ãma saze, 'Re ihâimana u'âsi mono nhimiroti zahi na Mozési te te ãma irob'ui'érézé iwẽ na. 17Tane nherẽ, wa hãi õ di, marĩ iwasédé te 're i'ab'manharĩ mono na hã. Tazahã, ĩwasédé ĩwa 're ihâimana mono te te 're a'manharĩ. 18Tô sena tô. Ĩma waihu'u pese di, marĩ iwẽ ĩwa 're ihâimana mono õ na hã, tô ta hã, 'râwi te ĩsima 're iwẽ mono zé iwẽ'õ nherẽ. Wa ĩsima te 're wẽ aré, marĩ iwẽ si te 're a'manharĩ mono da. Tane nherẽ, te 're a'manharĩ waihu'u mono õ di. 19Marĩ iwẽ te 're a'manharĩ mono da, te ĩsima 're iwẽ mono zéb zarina, te 're a'manharĩ mono õ di tô. Iwa'rãmi marĩ iwasété si, wa te te 're a'manharĩ, te 're a'manharĩ mono da, te ĩsima 're iwẽ mono õ si. 20Marĩ te ĩsima wẽ'õ nherẽ, te 're a'manharĩ mono wamhã, ãne wamhã, wa hã te 're a'manharĩ mono õ di. Tazahã, ĩwasédé ĩwa 're ihâimana mono te te 're a'manharĩ.
21Ãne wa, ĩma waihu'u pese di, ĩ'ãma 're iromhâimana mono zé hã, ãne: Marĩ iwẽ te 're a'manharĩ mono da, te ĩsima 're wẽ mono wamhã, tane nherẽ, marĩ iwasété si te 're a'manharĩ waihu'u pese mono di. 22Ĩpẽ'ẽ 're uptabi hã, ĩsiwaihu'u pese di, 'Re ihâimana u'âsi mono nhimiroti zahi na rob'ui'éré, ĩma iwẽ na hã. 23Tane nherẽ, aimawi roti zahi hã wa te te 're 'madâ'â, ĩhâiba 're te te 're iromhuri mono hã. Ta hã te te 're 'wapé, roti zahi ĩpẽ'ẽ 're ĩnhimirosa'rada te te 're iwẽsãmri mono zada. Ã hã aimawi roti zahi ĩhâiba 're te te 're iromhuri mono hã, ta hã roti zahi dawasété 'manharĩzé. Ta hã te te duré 're ĩ'manharĩ, dazazéb 're, 're ĩza mono ne 're ĩhâimana mono da tãma. 24Ãne wa, wa hã ĩma 're robzei'õ uptabi mono di! E 'wa hã te za ĩwaze, ĩhâiba ĩdâ'â u te te ĩzaprõni wi hã. 25'Re ihâimana u'âsi mono ãma wa ĩwata, Wanhib'apito Zezu Cristuhu u'âbâ, ãne hã te te ĩma 'manharĩ wa!
Ãne wa, ĩnhimirosa'rata 'remhã, wa hã 'Re ihâimana u'âsi mono nhimiroti zahi ma romhuri'wa. Tane nherẽ, ti'ai ãma a'uwẽ hâiba na 're ĩhâimana mono zarina, wa ĩwasété na 're ĩhâimana, 're idawasété za'ra mono na roti zahi zarina.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.