Marcus 16
16
Zezusi hã apâ ihâiwa'utuzé
Mateus 28.1-8; Lucas 24.1-12; Zuwã 20.1-10
1Tawamhã sabadu hawi oto awẽ wamhã, Maria Madalena, Salomé duré Maria Tiaguhu na norĩ me, ma tô 'mai'uipra za'ra, dadâ'â wa, dahâiba zadazezé isadazei uptabi hã, Zezusi te te ãma siwi hâiba u'ré da. 2Tawamhã dumigu mararé uptabi bâdâ 'rãiwatobro wi, ma tô ai'aba'ré ab're u, pi'õ norĩ hã. 3Tawamhã bâdâdi na si'aba'ré sina te te sima nharĩ za'ra, ãne:
— E 'wa te za ẽne hã wama sa'ré za'ra, ab're nhitobzé hã.
4Ab're nhitobzé hã ẽne hã tõmo wawẽ uptabi di. Tane nherẽ, sihutu wamhã, ma 'madâ'â za'ra, ẽne ni'wa te te isa'ré na hã. 5Tawamhã ab're 're sisisi wamhã, ma tô siwi 'madâ, aibâ ihâiba té i'uza ihâirã ré isãmra hã, inomrozém nhimire niwĩ. Taha ma, pi'õ norĩ hã ma tô tipẽ'ẽwara pese za'ra. 6Tane nherẽ, te ãne tãma nharĩ za'ra, pi'õ norĩ ma:
— Aipahi za'ra wa'aba tõ. Zezusihi zô te we airĩtĩ za'ra wa'wa, Nazaré ãma iprédu wedepo'o nhonhi'rãmi na, da te dasiwi isasõmri zô. Ta hã apâ ma tô hâiwa'udu. Ãme hâimana õ di. Ma'ãpé 'madâ'â za'ra wa'aba, da te dasiwi isẽrẽzé hã. 7Mo oto apâ ai'aba'réi wa'aba. Isiré 're inomro mono norĩ ma, rowasu'u za'ra wa'aba, duré Pedruhu ma, ãne: “Asõwa te za timorĩ za'ra wa'wa, Galiléia u. Tame te za asiwi i'madâ'â 'wa, te te aima iwaihu'u siromo za'ra wa'aba zéb zarina.”
8Tawamhã tãma pahi pese za'ra sina duré rẽrẽ'ẽ sina, ma tô wairé. Ab're hawi ma tô sisa're. Ni'wai ma te te rowasu'u za'ra õ di, pahi pese za'ra wa.
Zezusi hã, Maria Madalenahã ma isihâi'rézé
Mateus 28.9-10; Zuwã 20.11-18
9Tawamhã Zezusi hã dumigu iwa waptã'ã wi mararé uptabi apâ hâiwa'utu wamhã, imorĩ'rata na ma tô sihâi'ré Maria Madalenahã ma, wa'uburé 7 na te te tãma isãmra ma. 10Ta hã ma tô mo isiré 're inomro mono norĩ u, te te tãma wasu'u za'ra da. Ta norĩ ma, robzei'õ uptabi za'ra di. Te duré aiwa'õ za'ra. 11Tawamhã Zezusi hã apâ ihâiwa'utu na iwasu'u duré tãma isihâi'ré na te te wapari za'ra wamhã, te te siwi sazei õ di.
Zezusi hã maparane tizazei'wa norĩ ma, isihâi'rézé
Lucas 24.13-35
12Taha parimhã, Zezusi hã ma tô duré aimawi tihâiba na sihâi'ré, maparane tizazei'wa norĩ ma, rom na bâdâdi na neb ré. 13Ta norĩ hã apâ ma tô tineb zahuré, tisiré norĩ ma, te te rowasu'u zahuré da. Tane nherẽ, ta norĩ hã te te duré siwi saze zahuré õ di.
Zezusi hã isihâi'rézé, 11 na isiré 're inomro mono norĩ ma
Mateus 28.16-20; Lucas 24.36-49; Zuwã 20.19-23; Atus 1.6-8
14Tawamhã da'rãirẽme hã, Zezusi hã ma tô sihâi'ré, 11 na ihâiba za'ra isiré 're inomro mono norĩ ma, saihuri ré. Tawamhã timreme ma tô tãma pẽtẽ za'ra, 'Re ihâimana u'âsi mono te te sina 're i'umnhasi za'ra mono zé hã tãma hâimana za'ra õ wa, duré pẽ'ẽ tete za'ra wa, isabui'wa norĩ nhimirowasu'u hã te te saze za'ra õ wa, apâ ihâiwa'utuzém na te te iwasu'u za'ra zé hã. 15Tawamhã ãne te tãma nharĩ za'ra:
— Daro mono bâ ropéi wa'aba mono, Rowasu'uwẽ na dama rowasu'u za'ra wa'aba da, dapoto mono bâ. 16Ni'wa hã te te sazei wamhã, duré â dawabzuri te te 'manharĩ wamhã, ta hã tinho'reptuzé te za sina uwaimra. Tazahã ni'wa hã te te sazei õ wamhã, 'Re ihâimana u'âsi mono hã te za siwi wẽ'õ. Te za tãma pisutu, robzépada hã. 17Te te 're isaze za'ra mono norĩ ma si, te za 're hâimana za'ra, ãma iwaihu'uzé hã: Ta norĩ hã Ĩnhisi na wa'uburé ma, te za te te 're rob'ru za'ra. Duré damreme itém na te za 're mreme zusi. 18Wahi hã te za te te 're waibu, tinhib'rata na. Duré dapãrĩzé veneno hã te te 're â huri mono wamhã, niha hã te te tãma 're irob'manharĩ za'ra mono da hã, mare di. Ihâzé ré norĩ ãma te za tinhib'rada hã te te 're sa'ra za'ra. Tawamhã ta norĩ hã, te za 're pese za'ra.
Zezusi hã hâiwa u imorĩzé
Lucas 24.50-53; Atus 1.9-11
19Tawamhã ãne na te te tãma waihu'u za'ra parimhã, Wanhib'apito Zezusi hã hâiwa u ma tô tiwi âri za'ra, 'Re ihâimana u'âsi mono hã. Tame ma tô isimire niwĩ oto nhamra. 20Tawamhã isiré 're inomro mono norĩ hã Rowasu'u wẽ itém na te te dama rowasu'u za'ra mono da, ma tô te te ropé, daro mono bâ. Wanhib'apito hã ma tô te te pawaptob za'ra, marĩ dama i'manharĩ waihu'u'õ na. Taha na ma tô da te waihu'u za'ra, isimirowasu'u za'ra hã tô sena uptabi na hã.
Iliyochaguliwa sasa
Marcus 16: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
