Lucas 3
3
Zuwã Batista hã te te dama 're irob'mahârâ mono zé
Mateus 3.1-12; Marcus 1.1-8; Zuwã 1.19-28
1Tawamhã Tibériu Cézaha ãma 15 na ma tô ãma tiwahu, Roma te, danhib'apito na 're ihâimana mono zém na hã. Taha bâtâ mono na hã, Põsiu Pilatu hã Zudéa ãma roti'wa na te duré 're hâimana. Erodi hã te duré Galiléia ãma roti'wa na 're hâimana. Duré isisãnawã Filipi hã te duré roti'wa na 're hâimana, Ituréia na danhipti'a nhisi ãma duré Traconiti ãma. Duré roti'wa Lizãnia hã, Abileni na danhipti'a nho'õmo nhisi te hã. 2Tawamhã Anasi duré Caifasihi me, sasedoti dama ipire na te 're hâimana zahuré. Taha wahum na hã 'Re ihâimana u'âsi mono ma tô tinhimiroti tisõ, Zuwãhã ma, Zacariaha 'ra ma, rop si 're irosa'wari mono ãma hâimana ré. 3Tahawa, Zuwã hã daro mono bâ, ma tô datẽme 're mo, Zodã pa 'rata 're idasi'ubumroi mono norĩ u. Ma tô te te dama 're rob'mahârâ, â dawabzuri hã da te 're 'manharĩ za'ra mono da, dawasété na 're dasisãmri za'ra mono wa, 'Re ihâimana u'âsi mono ma, 're idasiwẽ'õ za'ra mono zéb zarina, dawasédé hã te te da'ãma 're a'madâ'â mono tõ da.
4Ãne hã ma tô tiromhâiba, 'Re ihâimana u'âsi mono zadawa 'mahârâ'wa Izaias hã te te ãma irob'ui'érézéb zarina, ãne:
“Ni'wa hã te hârâ 'rãihâ na dama rob'mahâ, rop si 're irosa'wari mono ãma:
Sa'ra pese aba mono bâdâdi hã, Uburé Danhib'apito ma. Imana 'rãmi bâdâdi hã awa'awi sô sa'ra aba mono!
5Uburé sa'a wa'wa rob'rehâ norĩ hã, te za asiwi i'masisi aba mo, ti'a na. Duré uburé sa'a norĩ hã, duré ẽtẽ 'rãihâ norĩ hã te za aiwap si asiwi iromhâpâ aba mo.
Bâdâdi nhi'oto norĩ hã imana'rãmi te za awa'awi da, isa'ra wa'aba mo. Duré bâdâdi na ab're norĩ hã te za isitob za'ra wa'aba mo.
6Tawamhã uburé te za 'madâ'â za'ra ni, 'Re ihâimana u'âsi mono hawi Danho'reptuzé hã.”
7Tawamhã Zuwã hã ma tô te te dama 're anharĩ, â dawabzuri da te 're 'manharĩ za'ra mono da, itẽme 're idanomro mono norĩ ma, ãne:
— Wahi isé uptabi norĩ! E 'wa hã te te aima rowasu'u za'ra wa'aba bâ, za i'asisõ'reptu za'ra wa'aba na hã, 'Re ihâimana u'âsi mono nhimihâzé za iwisi wi hã. 8Ma'ãpé, marĩ hã 'manharĩ za'ra wa'aba, asihâi'ré za'ra wa'aba da, aiwasété na asisãmri za'ra wa'aba wa, i'asi'ruiwapari za'ra wa'aba na hã. Duré asima 're nharĩ za'ra wa'aba mono tõ, ãne hã: “Wa norĩ hã Abra'ãhã nhihudu.” E marĩ wa. Tô sena wa za ãne hã aima waihu'u za'ra wa'wa. 'Re ihâimana u'âsi mono hã, ã hã ẽtẽ nherẽ, te te ãma saprĩ waihu'u pese za'ra di, Abra'ãhã nhihudu na 're hâimana za'ra mono da hã. 9Hâtâra hã te oto mapa, wede norĩ hã te te anhihâri da, isari hawi. Uburé rowede, 're i'rãi wẽ za'ra mono õ norĩ hã te za da te 're sihâri za'ra, unhama u da te 're sãmra mono da.
10Tahawa, da'ahâ uptabi na idahâimana za'ra norĩ hã ma tô da te dasiwi 're sadanharĩ, ãne:
— E marĩ, wa za tawamhã 'manharĩ za'ra ni.
11Tawamhã Zuwã hã ma tô te te 're da'azada'âbâ, ãne:
— Ni'wai ma, da'uza ihâpa maparane hâimana wamhã, ihâiba amo te te sõmri, ni'wai ma ihâimana õ ma. Duré ni'wa te dasa iré wamhã, tô õne te te 'manharĩ.
12Tawamhã nima norĩ danhib'apito ma rob'uiprazé arĩ ubumroi'wa norĩ hã ma tô duré aihutu Zuwã hã u, â dawabzuri hã te te tãma 'manharĩ za'ra da. Ãne te duré ta norĩ hã siwi sadanha:
— Rowahutu'wa, e marĩ, wa za bété 'manharĩ za'ra ni, wa norĩ hã.
13Tawamhã Zuwã hã ma ãma sada'âbâ za'ra, ãne:
— Ãma dawi 're sipa za'ra wa'aba mono tõ, rob'uiprazé arĩ ubumro na hã, roti zahi te te i'ruzém nhipai u hã.
14Tawamhã nima norĩ dasi'wapéi 'manharĩ'wa norĩ hã te duré siwi sadanha, ãne:
— Wa norĩ hã bété, e marĩ, wa za 'manharĩ za'ra ni.
Zuwã hã ma duré ãma sada'âbâ za'ra, ãne:
— Rob'uiprazé hã dawi 're waibui wa'aba mono tõ, asiptete sina hã, duré da'ãma rowairébézéb ãma, senai õ na 're idawasu'u wasété za'ra wa'aba mono zarina hã. Duré aipawa'â, 're iwaibui wa'aba mono na ãma asima 're rowẽ za'ra wa'aba mono.
15Tawamhã da te irob'umnhasi za'ra zé hã ma tô tiza'ẽtẽ oto. Tahawa ma tô rosa'rata za'ra ni, niwamhã Zuwã hã Cristuhu õ'umnhasite.
16Tane nherẽ, Zuwã hã ma tô ãne dama siwasu'u:
— Wa hã, â dawabzuri hã wa tô â na si te aima 're a'manharĩ 'wa. Tane nherẽ, te za wei wi za oto, ni'wa hã ĩnhipai u ipire uptabi hã. Tahawa wa hã e ĩwẽ bâ, ipara'uza wasisizé te tãma iwasihu da hã. Ta hã te za te te 're ai'ahâiba upsõi wa'wa 'Re ihâimana u'âsi mono Pẽ'ẽzani na, duré unhama na. 17Isib'ratamhã iparahi wawẽ amnho trigu 'rãi upõrĩzé, tãma 're ihâimana mono na, te za amnho trigu hã ãma aipo'o, iteihi nhiti. Amnho trigu si te za sé, tite dasai ubumrozéb ãma hã. Tanei õ di, iteihi hã te za ãma ro'o unhama na, niwa za idâ'â waihu'u õ na.
18Ãne ma tô Zuwã hã rowasu'u sipu'u pese na te te dama ãma 're rob'mahârâ, Rowasu'uwẽ na. Ma tô duré te te dama 're roti pese, 're danomro wẽ mono da. 19Tane nherẽ, zahadu wap si, apito Erodihi ma, te za tinha, hâimana wasété wa, Erodiaha ãma mro wa, tisiséme uptabi mro ãma, duré marĩ iwasédé te te 're a'manharĩ mono wab zama. 20Tahawa Erodi hã te za oto 'manha, marĩ iwasété uptabi hã. Te za ti'ru, Zuwã hã da te sẽrẽ da, dazazéb 're.
Zezusi hã, â dawabzuri te te i'manharĩzé
Mateus 3.13-17; Marcus 1.9-11
21Tawamhã Zuwã Batista hã, â dawabzuri, da te 'manharĩ za'ra ré, ma tô Zezusihi ma duré 'manha. Zezusi hã te te rowaptẽrẽ ré, ma tô hâiwa hã si'ridawa. 22Duré 'Re ihâimana u'âsi mono Pẽ'ẽzani hã ma tô we itẽme si'ra isõ'õmoi baba, utu'u ne. Tawamhã hâiwa hawi damreme hã te we tinha, ãne:
— A hã ĩ'ra, ĩma i'asawi uptabi. Rowẽ za'ẽne hã te ĩma 're isõmri mo.
Zezusihi hi'rata norĩ za'rada
Mateus 1.1-17
23Zezusihi ãma niwamhã 30 na iwahub 're, ma tô romhuri na dama sãna'rata. Zuzéhé 'ra na, ma tô da te ãma 're rosa'rata za'ra. Zuzé hã Elihi 'ra. 24Eli hã Matatihi 'ra, Matati hã Levihi 'ra, Levi hã Méuquihi 'ra, Méuqui hã Zanaihi 'ra, Zanai hã Zuzéhé 'ra, 25Zuzé hã Matatiasihi 'ra, Matatias hã Amosihi 'ra, Amosi hã Nauhu 'ra, Nau hã Eslihi 'ra, Esli hã Nagaihi 'ra, 26Nagai hã Maatihi 'ra, Maati hã Matatiasihi 'ra, Matatias hã Simeihi 'ra, Simei hã Zuzéhé 'ra, Zuzé hã Zodaha 'ra, 27Zoda hã Zoãnahã 'ra, Zoãna hã Rezaha 'ra, Reza hã Zorobabéu 'ra, Zorobabéu hã Salatiéu 'ra, Salatiéu hã Nerihi 'ra, 28Neri hã Méuquihi 'ra, Méuqui hã Adihi 'ra, Adi hã Cozãhã 'ra, Cozã hã Eumadãhã 'ra, Eumadã hã Er 'ra, 29Er hã Zozuéhé 'ra, Zozué hã Eliézéhé 'ra, Eliézé hã Zorĩhĩ 'ra, Zorĩ hã Matatihi 'ra, Matati hã Levihi 'ra, 30Levi hã Simiãhã 'ra, Simiã hã Zudaha 'ra, Zuda hã Zuzéhé 'ra, Zuzé hã Zonahã 'ra, Zona hã Eliaquĩhĩ 'ra, 31Eliaquĩ hã Meleaha 'ra, Melea hã Menahã 'ra, Mena hã Matataha 'ra, Matata hã Natãhã 'ra, Natã hã Davihi 'ra, 32Davi hã Zésséhé 'ra, Zésé hã Obedihi 'ra, Obedi hã Boazihi 'ra, Boaz hã Salaha 'ra, Sala hã Nasõhõ 'ra, 33Nasõ hã Aminadabihi 'ra, Aminadabi hã Adimihi 'ra, Adimi hã Arnihi 'ra, Arni hã Esrõhõ 'ra, Esrõ hã Perizihi 'ra, Periz hã Zudaha 'ra, 34Zuda hã Zacoho 'ra, Zaco hã Izaquihi 'ra, Izaqui hã Abra'ãhã 'ra, Abra'ã hã Teraha 'ra, Tera hã Naoho 'ra, 35Naor hã Seruguihi 'ra, Serugui hã Reuhu 'ra, Reu hã Peleguihi 'ra, Pelegui hã Ébéhé 'ra, Ébé hã Selaha 'ra, 36Sela hã Cainahã 'ra, Caina hã Arpasadihi 'ra, Arpasadi hã Sẽhẽ 'ra, Sẽ hã Noéhé 'ra, Noé hã Lamequihi 'ra, 37Lamequi hã Metuzalẽhẽ 'ra, Metuzalẽ hã Enoquihi 'ra, Enoqui hã Zaredihi 'ra, Zaredi hã Maalaléuhu 'ra, Maalaléu hã Cainahã 'ra, 38Caina hã Enosihi 'ra, Enosi hã Setihi 'ra, Seti hã Adãhã 'ra, Adã hã 'Re ihâimana u'âsi mono 'ra#3.38 Adã hã, 'Re ihâimana u'âsi mono te te ipodo, te wasu'u..
Iliyochaguliwa sasa
Lucas 3: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Lucas 3
3
Zuwã Batista hã te te dama 're irob'mahârâ mono zé
Mateus 3.1-12; Marcus 1.1-8; Zuwã 1.19-28
1Tawamhã Tibériu Cézaha ãma 15 na ma tô ãma tiwahu, Roma te, danhib'apito na 're ihâimana mono zém na hã. Taha bâtâ mono na hã, Põsiu Pilatu hã Zudéa ãma roti'wa na te duré 're hâimana. Erodi hã te duré Galiléia ãma roti'wa na 're hâimana. Duré isisãnawã Filipi hã te duré roti'wa na 're hâimana, Ituréia na danhipti'a nhisi ãma duré Traconiti ãma. Duré roti'wa Lizãnia hã, Abileni na danhipti'a nho'õmo nhisi te hã. 2Tawamhã Anasi duré Caifasihi me, sasedoti dama ipire na te 're hâimana zahuré. Taha wahum na hã 'Re ihâimana u'âsi mono ma tô tinhimiroti tisõ, Zuwãhã ma, Zacariaha 'ra ma, rop si 're irosa'wari mono ãma hâimana ré. 3Tahawa, Zuwã hã daro mono bâ, ma tô datẽme 're mo, Zodã pa 'rata 're idasi'ubumroi mono norĩ u. Ma tô te te dama 're rob'mahârâ, â dawabzuri hã da te 're 'manharĩ za'ra mono da, dawasété na 're dasisãmri za'ra mono wa, 'Re ihâimana u'âsi mono ma, 're idasiwẽ'õ za'ra mono zéb zarina, dawasédé hã te te da'ãma 're a'madâ'â mono tõ da.
4Ãne hã ma tô tiromhâiba, 'Re ihâimana u'âsi mono zadawa 'mahârâ'wa Izaias hã te te ãma irob'ui'érézéb zarina, ãne:
“Ni'wa hã te hârâ 'rãihâ na dama rob'mahâ, rop si 're irosa'wari mono ãma:
Sa'ra pese aba mono bâdâdi hã, Uburé Danhib'apito ma. Imana 'rãmi bâdâdi hã awa'awi sô sa'ra aba mono!
5Uburé sa'a wa'wa rob'rehâ norĩ hã, te za asiwi i'masisi aba mo, ti'a na. Duré uburé sa'a norĩ hã, duré ẽtẽ 'rãihâ norĩ hã te za aiwap si asiwi iromhâpâ aba mo.
Bâdâdi nhi'oto norĩ hã imana'rãmi te za awa'awi da, isa'ra wa'aba mo. Duré bâdâdi na ab're norĩ hã te za isitob za'ra wa'aba mo.
6Tawamhã uburé te za 'madâ'â za'ra ni, 'Re ihâimana u'âsi mono hawi Danho'reptuzé hã.”
7Tawamhã Zuwã hã ma tô te te dama 're anharĩ, â dawabzuri da te 're 'manharĩ za'ra mono da, itẽme 're idanomro mono norĩ ma, ãne:
— Wahi isé uptabi norĩ! E 'wa hã te te aima rowasu'u za'ra wa'aba bâ, za i'asisõ'reptu za'ra wa'aba na hã, 'Re ihâimana u'âsi mono nhimihâzé za iwisi wi hã. 8Ma'ãpé, marĩ hã 'manharĩ za'ra wa'aba, asihâi'ré za'ra wa'aba da, aiwasété na asisãmri za'ra wa'aba wa, i'asi'ruiwapari za'ra wa'aba na hã. Duré asima 're nharĩ za'ra wa'aba mono tõ, ãne hã: “Wa norĩ hã Abra'ãhã nhihudu.” E marĩ wa. Tô sena wa za ãne hã aima waihu'u za'ra wa'wa. 'Re ihâimana u'âsi mono hã, ã hã ẽtẽ nherẽ, te te ãma saprĩ waihu'u pese za'ra di, Abra'ãhã nhihudu na 're hâimana za'ra mono da hã. 9Hâtâra hã te oto mapa, wede norĩ hã te te anhihâri da, isari hawi. Uburé rowede, 're i'rãi wẽ za'ra mono õ norĩ hã te za da te 're sihâri za'ra, unhama u da te 're sãmra mono da.
10Tahawa, da'ahâ uptabi na idahâimana za'ra norĩ hã ma tô da te dasiwi 're sadanharĩ, ãne:
— E marĩ, wa za tawamhã 'manharĩ za'ra ni.
11Tawamhã Zuwã hã ma tô te te 're da'azada'âbâ, ãne:
— Ni'wai ma, da'uza ihâpa maparane hâimana wamhã, ihâiba amo te te sõmri, ni'wai ma ihâimana õ ma. Duré ni'wa te dasa iré wamhã, tô õne te te 'manharĩ.
12Tawamhã nima norĩ danhib'apito ma rob'uiprazé arĩ ubumroi'wa norĩ hã ma tô duré aihutu Zuwã hã u, â dawabzuri hã te te tãma 'manharĩ za'ra da. Ãne te duré ta norĩ hã siwi sadanha:
— Rowahutu'wa, e marĩ, wa za bété 'manharĩ za'ra ni, wa norĩ hã.
13Tawamhã Zuwã hã ma ãma sada'âbâ za'ra, ãne:
— Ãma dawi 're sipa za'ra wa'aba mono tõ, rob'uiprazé arĩ ubumro na hã, roti zahi te te i'ruzém nhipai u hã.
14Tawamhã nima norĩ dasi'wapéi 'manharĩ'wa norĩ hã te duré siwi sadanha, ãne:
— Wa norĩ hã bété, e marĩ, wa za 'manharĩ za'ra ni.
Zuwã hã ma duré ãma sada'âbâ za'ra, ãne:
— Rob'uiprazé hã dawi 're waibui wa'aba mono tõ, asiptete sina hã, duré da'ãma rowairébézéb ãma, senai õ na 're idawasu'u wasété za'ra wa'aba mono zarina hã. Duré aipawa'â, 're iwaibui wa'aba mono na ãma asima 're rowẽ za'ra wa'aba mono.
15Tawamhã da te irob'umnhasi za'ra zé hã ma tô tiza'ẽtẽ oto. Tahawa ma tô rosa'rata za'ra ni, niwamhã Zuwã hã Cristuhu õ'umnhasite.
16Tane nherẽ, Zuwã hã ma tô ãne dama siwasu'u:
— Wa hã, â dawabzuri hã wa tô â na si te aima 're a'manharĩ 'wa. Tane nherẽ, te za wei wi za oto, ni'wa hã ĩnhipai u ipire uptabi hã. Tahawa wa hã e ĩwẽ bâ, ipara'uza wasisizé te tãma iwasihu da hã. Ta hã te za te te 're ai'ahâiba upsõi wa'wa 'Re ihâimana u'âsi mono Pẽ'ẽzani na, duré unhama na. 17Isib'ratamhã iparahi wawẽ amnho trigu 'rãi upõrĩzé, tãma 're ihâimana mono na, te za amnho trigu hã ãma aipo'o, iteihi nhiti. Amnho trigu si te za sé, tite dasai ubumrozéb ãma hã. Tanei õ di, iteihi hã te za ãma ro'o unhama na, niwa za idâ'â waihu'u õ na.
18Ãne ma tô Zuwã hã rowasu'u sipu'u pese na te te dama ãma 're rob'mahârâ, Rowasu'uwẽ na. Ma tô duré te te dama 're roti pese, 're danomro wẽ mono da. 19Tane nherẽ, zahadu wap si, apito Erodihi ma, te za tinha, hâimana wasété wa, Erodiaha ãma mro wa, tisiséme uptabi mro ãma, duré marĩ iwasédé te te 're a'manharĩ mono wab zama. 20Tahawa Erodi hã te za oto 'manha, marĩ iwasété uptabi hã. Te za ti'ru, Zuwã hã da te sẽrẽ da, dazazéb 're.
Zezusi hã, â dawabzuri te te i'manharĩzé
Mateus 3.13-17; Marcus 1.9-11
21Tawamhã Zuwã Batista hã, â dawabzuri, da te 'manharĩ za'ra ré, ma tô Zezusihi ma duré 'manha. Zezusi hã te te rowaptẽrẽ ré, ma tô hâiwa hã si'ridawa. 22Duré 'Re ihâimana u'âsi mono Pẽ'ẽzani hã ma tô we itẽme si'ra isõ'õmoi baba, utu'u ne. Tawamhã hâiwa hawi damreme hã te we tinha, ãne:
— A hã ĩ'ra, ĩma i'asawi uptabi. Rowẽ za'ẽne hã te ĩma 're isõmri mo.
Zezusihi hi'rata norĩ za'rada
Mateus 1.1-17
23Zezusihi ãma niwamhã 30 na iwahub 're, ma tô romhuri na dama sãna'rata. Zuzéhé 'ra na, ma tô da te ãma 're rosa'rata za'ra. Zuzé hã Elihi 'ra. 24Eli hã Matatihi 'ra, Matati hã Levihi 'ra, Levi hã Méuquihi 'ra, Méuqui hã Zanaihi 'ra, Zanai hã Zuzéhé 'ra, 25Zuzé hã Matatiasihi 'ra, Matatias hã Amosihi 'ra, Amosi hã Nauhu 'ra, Nau hã Eslihi 'ra, Esli hã Nagaihi 'ra, 26Nagai hã Maatihi 'ra, Maati hã Matatiasihi 'ra, Matatias hã Simeihi 'ra, Simei hã Zuzéhé 'ra, Zuzé hã Zodaha 'ra, 27Zoda hã Zoãnahã 'ra, Zoãna hã Rezaha 'ra, Reza hã Zorobabéu 'ra, Zorobabéu hã Salatiéu 'ra, Salatiéu hã Nerihi 'ra, 28Neri hã Méuquihi 'ra, Méuqui hã Adihi 'ra, Adi hã Cozãhã 'ra, Cozã hã Eumadãhã 'ra, Eumadã hã Er 'ra, 29Er hã Zozuéhé 'ra, Zozué hã Eliézéhé 'ra, Eliézé hã Zorĩhĩ 'ra, Zorĩ hã Matatihi 'ra, Matati hã Levihi 'ra, 30Levi hã Simiãhã 'ra, Simiã hã Zudaha 'ra, Zuda hã Zuzéhé 'ra, Zuzé hã Zonahã 'ra, Zona hã Eliaquĩhĩ 'ra, 31Eliaquĩ hã Meleaha 'ra, Melea hã Menahã 'ra, Mena hã Matataha 'ra, Matata hã Natãhã 'ra, Natã hã Davihi 'ra, 32Davi hã Zésséhé 'ra, Zésé hã Obedihi 'ra, Obedi hã Boazihi 'ra, Boaz hã Salaha 'ra, Sala hã Nasõhõ 'ra, 33Nasõ hã Aminadabihi 'ra, Aminadabi hã Adimihi 'ra, Adimi hã Arnihi 'ra, Arni hã Esrõhõ 'ra, Esrõ hã Perizihi 'ra, Periz hã Zudaha 'ra, 34Zuda hã Zacoho 'ra, Zaco hã Izaquihi 'ra, Izaqui hã Abra'ãhã 'ra, Abra'ã hã Teraha 'ra, Tera hã Naoho 'ra, 35Naor hã Seruguihi 'ra, Serugui hã Reuhu 'ra, Reu hã Peleguihi 'ra, Pelegui hã Ébéhé 'ra, Ébé hã Selaha 'ra, 36Sela hã Cainahã 'ra, Caina hã Arpasadihi 'ra, Arpasadi hã Sẽhẽ 'ra, Sẽ hã Noéhé 'ra, Noé hã Lamequihi 'ra, 37Lamequi hã Metuzalẽhẽ 'ra, Metuzalẽ hã Enoquihi 'ra, Enoqui hã Zaredihi 'ra, Zaredi hã Maalaléuhu 'ra, Maalaléu hã Cainahã 'ra, 38Caina hã Enosihi 'ra, Enosi hã Setihi 'ra, Seti hã Adãhã 'ra, Adã hã 'Re ihâimana u'âsi mono 'ra#3.38 Adã hã, 'Re ihâimana u'âsi mono te te ipodo, te wasu'u..
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.