Lucas 18
18
Pi'õ imrotõ, duré da'ãma rowairébé'wa
1Tawamhã Zezusi hã ma tô rowasu'u na romnhimiré'é, isiré 're inomro mono norĩ ma, te te tãma hâi'ré za'ra da, te te 're rowaptẽrẽ u'âsi za'ra mono da, duré tiwi 're robzei'õ za'ra mono tõ da zama, ãne:
2— Nimame 'ri wa'õtõ 'remhã, te 're hâimana, da'ãma rowairébé'wa hã, 'Re ihâimana u'âsi mono te te 're iwazé mono õ hã duré isimiwazéb õ hã. 3Tame 'ri wa'õtõ 'remhã te duré 're sãmra, pi'õi mrotõ hã. Ta hã te da'ãma rowairébé'wa tẽme 're neb u'âsi, te te tãma ãma rowairébé da. Te nasi tãma tinha, ãne: “Ma'ãpé ĩ'ãma aime na, duré rowairébé, ĩzada ihâimana hã i'uwaibaba na ĩma 're hâimana mono da.”
4— Tawamhã da'ãma rowairébé'wa hã wahub ahâ na te te sima wẽ õ di, ite romhâimanazém na te te ãma irowairébé da hã. Tane nherẽ, ma tô oto rosa'rata, ãne: “Tô sena tô, 'Re ihâimana u'âsi mono hã te 're wazé mono õ di. Duré ĩnhimiwazéb õ di. 5Tane nherẽ, ã hã pi'õi mrotõ te te we ĩwasutu u'âsi wa, wa za oto ite romhâimanazém na tãma rowairébé. Ãne hã te 'manharĩ õ wamhã, te za we ĩwasutu u'âsi za.”
6Tawamhã Wanhib'apito hã ma duré ãma uzusi, ãne:
— Ma'ãpé, wapari pese za'ra wa'aba, da'ãma rowairébé'wa sena ihâimana'õ te te inharĩzém na hã. 7E tawamhã, 'Re ihâimana u'âsi mono hã i'uwaibaba te te 're 'manharĩ mono õ di za bété, tinhib'a'uwẽ norĩ ma hã, bâtâ bâre duré mara bâre, isimipawaptobzéb zô, sô 're ihãsi mono norĩ ma hã. E sô rowaptâ'â da bâ, za te te ipawaptob za'ra da hã. 8Tô sena wa za aima waihu'u za'ra wa'wa, ãne: I'uwaibaba na te za tô rowairébé waptu na, tinhib'a'uwẽ norĩ niwĩmhã. Tazahã, Ti'ai ãma Dasiré Ipodo hã niwa apâ wei morĩ wamhã, e te za 'manhopẽtẽ, da te dasina 're i'umnhasi za'ra mono zé hã.
Farizeu duré danhib'apito ma, rob'uiprazé arĩ ubumroi'wa
9Tawamhã Zezusi hã ma tô duré rowasu'u na romnhimiré'é, ni'wam norĩ hã wẽ na 're inomro mono na, 're isi'madâ'â ze za'ra mono norĩ ma, duré te te 're ida'ruiwapari za'ra mono norĩ ma, ãne:
10— Aibâ norĩ hã ma tô tineb zahuré 'Re ihâimana u'âsi mono nhorõwa 'ri 'rãihâ u, te te rowaptẽrẽ zahuré da. Ihâiba amo hã farizeu. Duré ihâiba amo hã danhib'apito ma rob'uiprazé arĩ ubumroi'wa. 11Zasi wamhã, farizeu hã hâiwi ma tô za. Siwaprosi te rowaptẽ, ãne: “'Re ihâimana u'âsi mono, wa ai'ãma ĩwata, wa hã dasinei õ wa, ĩnhimisaihuri õ wa, senai'õ na 're ĩhâimana mono õ wa, duré pi'õ na dawi 're ĩnhimisaihuri mono õ wab zama, duré ã hã rob'uiprazé arĩ ubumroi'wa 're imorĩ nei õ wa. 12Romhuri 'remhã maparane ãma isahu na wa ĩsai ãna 're ĩhâimana mono na hã te 're 'manharĩ. Ĩnhoprubzé, wa duré te 're po'o aima hã, uburé ĩpawa'â te 're imrami mono na hã.”
13— Tanei õ di, rob'uiprazé arĩ ubumroi'wa hã. Romhâ na te za. Duré hâimo hã te te rob'madâ'â õ di. Tinho'utu wi si te nasi si'ahâ. Ãne ma tô rowaptẽ: “'Re ihâimana u'âsi mono, ma'ãpé ĩ'ãma aiwamri na. Wa hã ĩwasétére na wa 're mo.”
14Tawamhã Zezusi hã ma tô ãma 'rãsutu, ãne:
— Tô sena wa za aima waihu'u za'ra wa'wa, ãne: Rob'uiprazé arĩ ubumroi'wa si ma tô tinhorõwa u hã mo, 'Re ihâimana u'âsi mono te te iwẽsãmri na. E marĩ wa. Ni'wa hã danhipai u na 're si'madâ'â zei mono wamhã, 'Re ihâimana u'âsi mono hã te za te te 're sisém nomri. Tanei õ di, ni'wa hã tiwapu na 're si'madâ'â mono wamhã, 'Re ihâimana u'âsi mono hã te za hâimo te te 're simizusi.
Zezusi hã ai'uté norĩ te te i'azawizé
Mateus 19.13-15; Marcus 10.13-16
15Taha parimhã, ni'wam norĩ hã ma tô ai'uté norĩ hã ãwisi za'ra Zezusihi u, ãma mreme za'ra da, iwẽ hã te te tãma apisutu da. Tane nherẽ, isiré 're inomro mono norĩ ãne hã te te 'madâ'â za'ra wamhã, ma tô timreme hã dama pẽtẽ za'ra, ai'uté te te itẽme i'wasari norĩ ma. 16Tane nherẽ, Zezusi hã ai'uté norĩ zô ma tô sitẽme sô tihârâ za'ra. Ãne ma tô tinha, isiré 're inomro mono norĩ ma:
— A'â we ĩtẽme si'aba'ré, ai'uté norĩ hã. Tiwi rosawi za'ra wa'aba tõ, ãne hã te te 'manharĩ za'ra tõ da hã. E marĩ wa. 'Re ihâimana u'âsi mono hâiwa ãma da'ãma 're isib'a'uwẽ mono zé hã, ni'wam norĩ hã ai'uté ne 're ihâimana za'ra mono norĩ te si. 17Tô sena wa za aima waihu'u za'ra wa'wa, ãne: Ni'wa hã, 'Re ihâimana u'âsi mono da'ãma 're isib'a'uwẽ mono zé, ai'uté norĩ ne, te te âri wẽ õ wamhã, niwa iwa isébré da hã, mare di.
Aibâ iprédupté isibro pe
Mateus 19.16-30; Marcus 10.17-31
18Tawamhã Zudeu norĩ ma roti'wa hã ma tô Zezusi sadanha, ãne:
— Rowahutu'wa i'aiwẽ, e marĩ wa za 'manha, dahâimanazé isi'utõrĩ'õ te ĩsina uwaimrami da hã.
19Tawamhã Zezusi hã ma tô sada'â, ãne:
— E marĩ da, ma tô ĩwẽ na ĩ'ãma aiwa. 'Re ihâimana u'âsi mono si iwẽ hã. Ni'wa isine hã hâimana õ di. 20Aima waihu'u pese di, 'Re ihâimana u'âsi mono nhimiroti zahi norĩ, ãne hã: “Damro na dawi asipsaihuri tõ. Da'maiwĩrĩ tõ. Marĩ simi'uri tõ. Tô senai õ nherẽ, niha na dawasu'u wasété tõ. Aimama 're wazé pese mono, ana zama.”
21Tawamhã aibâ hã ma tô ãma sada'â, ãne:
— Ĩzapore hawim haré, wa tô uburé ã norĩ isimiroti zahi hã te 're a'madâ'â pese.
22Tawamhã Zezusi hã isi'rãzarõtõzé te te wapari wamhã, ma tô tãma tinha, ãne:
— Marĩ zô misi te aiwi rowaptâ, i'manharĩ da hã. Ma'ãpé uburé asibro hã dama wede za'ra na. Taha pari, rob'uiprazé iwa'â hã isibrob'õ norĩ ma sõmri mono. Tawap si te za marĩ iwẽ uptabi hã hâiwa ãma asô 're hâimana za'ra, ti'ai ãma marĩ iwa'âbâ za'ẽne 're ihâimana za'ra mono ne. Taha parip si we aimorĩ, ĩzarina 're aimorĩ da.
23Tawamhã aibâ iprédupté, ãne hã te te wapari wamhã, ma tô tiwi tirobzei'õ pese, sibro pese uptabi wa. 24Tawamhã Zezusi hã tiwi irobzei'õ na te te waihu'u wamhã, ma tô tinha, ãne:
— E niha ipire uptabi, isibro pese norĩ, 'Re ihâimana u'âsi mono, da'ãma 're isib'a'uwẽ mono zéb u 're isisisi mono da hã. 25Awaru ba'õmore hã isi'uwazi zazahâ hâibabarĩzé para'õtõ zapu'u 're, isébré waihu'u õ nhipai u, isibro pe hã sébré waihu'u õ di, 'Re ihâimana u'âsi mono da'ãma 're isib'a'uwẽ mono zéb u hã.
26Tahawa, iwapari'wa norĩ hã ma tô siwi sadanha, ãne:
— Tane wamhã bété, e 'wa hã tinho'reptuzé te te sina uwaimrami da bâ.
27Tawamhã Zezusi hã ma tô tãma waihu'u za'ra, ãne:
— Marĩ hã ti'ai ãma a'uwẽ norĩ ma i'manharĩ waihu'u'õ hã, 'Re ihâimana u'âsi mono ma hã wapure di.
28Tawamhã Pedru hã ma tô tãma tinha, ãne:
— Wa norĩ hã bété. Uburé marĩ hã wa tô rẽme za'ra ni, asarina 're wanomro mono da.
29Tawamhã Zezusi hã ma tô ãma sada'â, ãne:
— Tô sena wa za aima waihu'u za'ra wa'wa, ãne: Ni'wa hã 'Re ihâimana u'âsi mono da'ãma 're isib'a'uwẽ mono zéb u'âbâ, tinhorõwa, duré timro, duré tisisãnawã norĩ, duré timama norĩ niwamhã ti'ra norĩ hã te te a'â sisa'u 're rẽme za'ra mono wamhã, 30ta norĩ nhipai u pese te za marĩ iwẽ hã waibu, ti'ai ãma 're hâimana mono ré hã. Duré romhutu'õmhã te za dahâimanazé isi'utõrĩ'õ hã sina uwaimra.
Zezusi hã si'ubdatõ ãma isiwasu'uzé, tidâ'âzém na duré za apâ ihâiwa'utuzém na zama
Mateus 20.17-19; Marcus 10.32-34
31Tawamhã Zezusi hã aibâ norĩ 12 na ihâiba za'ra norĩ zô ma tô hâ. Ma tô tãma nharĩ za'ra, ãne:
— Ĩwapari za'ra wa'aba! Zeruzalẽ u, wa ai'aba'ré ni. Tawamhã tame, Ti'ai ãma Dasiré Ipoto ãma 'Re ihâimana u'âsi mono zadawa 'mahârâ'wa norĩ te te ãma irob'ui'éré za'ra zém na te za uburé sina uwaimra. 32Ta hã te za dasiwi hâiba nhomri ni, Zudeu'õ norĩ ma. Tawamhã ta norĩ hã te za ãma tiwa'ẽ za'ra. Te za ãma wasété za'ra. Tizadaipro na te za nasi siwi upto. 33Abazei hâ nhorõ 'manharĩ na dapré'ézém na te za te te siwi 're pré'é. Taha pari, te za duré siwi tiwĩ. Tane nherẽ, si'ubdatõ bâtâ ãma te za apâ hâiwa'udu.
34Tane nherẽ, isiré 're inomro mono norĩ hã, ãne Zezusi te te sina tãma inharĩ za'ra zé hã, te te siwi sadaihu'u õ di, simi'uri na tiwi hâimana za'ra wa. Tahawa te te sadaihu'u za'ra õ di, tãma isiwasu'u za'ra zé hã.
Zezusi hã aibâ itob'a te te ito pesezé
Mateus 20.29-34; Marcus 10.46-52
35Tawamhã Zezusi hã ma tô oto sina rotété, Zerico u. Tame te aibâ itob'a hã nhamra, bâdâdi zada'ré ãma. Ta hã te nasi da'awa. 36Tawamhã da'ahâ uptabi na da te iro'rahâri za'ra na te te da'awapari wamhã, ma tô anha, marĩ hâimana zô.
37Tahawa, ma tô tãma rowasu'u za'ra ni, ãne:
— Zezusi, Nazaré ãma iprédu, ma ro'razâ.
38Tahawa aibâ itob'a hã te oto nasi 'mahâ, ãne:
— Zezusi, Davihi nhihudu, ma'ãpé ĩ'ãma aipẽ'ẽzé na!
39Tawamhã ni'wam norĩ hã danhowa isi'aba'ré hã ma tô timreme hã tãma 'morõpãrĩ za'ra, ari'iwi sãmra da. Tane nherẽ, ma tô nasi 'mahâ, ãne:
— Davihi nhihudu, ma'ãpé ĩ'ãma aipẽ'ẽzé na!
40Tawamhã Zezusi hã ma tô mazazâ. Ma tô ti'ru, aibâ itob'a hã da te dasiwi saprõni da itẽme. Tawamhã 'râwi itẽme te te sina rotété wamhã, Zezusi hã ma tô sadanha, ãne:
41— E marĩ te asima iwẽ, te aima i'manharĩ da hã.
— Apito, apâ te rob'madâ'â da, wa ĩsima wẽ. — Ãne ma tô aibâ itob'a hã sada'â.
42Tawamhã Zezusi hã te tãma tinha, ãne:
— Ma'ãpé apâ rob'madâ'â. Asina ĩ'umnhasizé hã ma aipese.
43Tawamhã awa'awi pesere aibâ itob'a hã ma tô oto rob'madâ. Tahawa Zezusihi zarina ma tô oto mo, 'Re ihâimana u'âsi mono ãma wata mono sina. Ãne hã da te wapari za'ra wamhã, 'Re ihâimana u'âsi mono ãma ma tô tawata za'ra ni.
Iliyochaguliwa sasa
Lucas 18: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Lucas 18
18
Pi'õ imrotõ, duré da'ãma rowairébé'wa
1Tawamhã Zezusi hã ma tô rowasu'u na romnhimiré'é, isiré 're inomro mono norĩ ma, te te tãma hâi'ré za'ra da, te te 're rowaptẽrẽ u'âsi za'ra mono da, duré tiwi 're robzei'õ za'ra mono tõ da zama, ãne:
2— Nimame 'ri wa'õtõ 'remhã, te 're hâimana, da'ãma rowairébé'wa hã, 'Re ihâimana u'âsi mono te te 're iwazé mono õ hã duré isimiwazéb õ hã. 3Tame 'ri wa'õtõ 'remhã te duré 're sãmra, pi'õi mrotõ hã. Ta hã te da'ãma rowairébé'wa tẽme 're neb u'âsi, te te tãma ãma rowairébé da. Te nasi tãma tinha, ãne: “Ma'ãpé ĩ'ãma aime na, duré rowairébé, ĩzada ihâimana hã i'uwaibaba na ĩma 're hâimana mono da.”
4— Tawamhã da'ãma rowairébé'wa hã wahub ahâ na te te sima wẽ õ di, ite romhâimanazém na te te ãma irowairébé da hã. Tane nherẽ, ma tô oto rosa'rata, ãne: “Tô sena tô, 'Re ihâimana u'âsi mono hã te 're wazé mono õ di. Duré ĩnhimiwazéb õ di. 5Tane nherẽ, ã hã pi'õi mrotõ te te we ĩwasutu u'âsi wa, wa za oto ite romhâimanazém na tãma rowairébé. Ãne hã te 'manharĩ õ wamhã, te za we ĩwasutu u'âsi za.”
6Tawamhã Wanhib'apito hã ma duré ãma uzusi, ãne:
— Ma'ãpé, wapari pese za'ra wa'aba, da'ãma rowairébé'wa sena ihâimana'õ te te inharĩzém na hã. 7E tawamhã, 'Re ihâimana u'âsi mono hã i'uwaibaba te te 're 'manharĩ mono õ di za bété, tinhib'a'uwẽ norĩ ma hã, bâtâ bâre duré mara bâre, isimipawaptobzéb zô, sô 're ihãsi mono norĩ ma hã. E sô rowaptâ'â da bâ, za te te ipawaptob za'ra da hã. 8Tô sena wa za aima waihu'u za'ra wa'wa, ãne: I'uwaibaba na te za tô rowairébé waptu na, tinhib'a'uwẽ norĩ niwĩmhã. Tazahã, Ti'ai ãma Dasiré Ipodo hã niwa apâ wei morĩ wamhã, e te za 'manhopẽtẽ, da te dasina 're i'umnhasi za'ra mono zé hã.
Farizeu duré danhib'apito ma, rob'uiprazé arĩ ubumroi'wa
9Tawamhã Zezusi hã ma tô duré rowasu'u na romnhimiré'é, ni'wam norĩ hã wẽ na 're inomro mono na, 're isi'madâ'â ze za'ra mono norĩ ma, duré te te 're ida'ruiwapari za'ra mono norĩ ma, ãne:
10— Aibâ norĩ hã ma tô tineb zahuré 'Re ihâimana u'âsi mono nhorõwa 'ri 'rãihâ u, te te rowaptẽrẽ zahuré da. Ihâiba amo hã farizeu. Duré ihâiba amo hã danhib'apito ma rob'uiprazé arĩ ubumroi'wa. 11Zasi wamhã, farizeu hã hâiwi ma tô za. Siwaprosi te rowaptẽ, ãne: “'Re ihâimana u'âsi mono, wa ai'ãma ĩwata, wa hã dasinei õ wa, ĩnhimisaihuri õ wa, senai'õ na 're ĩhâimana mono õ wa, duré pi'õ na dawi 're ĩnhimisaihuri mono õ wab zama, duré ã hã rob'uiprazé arĩ ubumroi'wa 're imorĩ nei õ wa. 12Romhuri 'remhã maparane ãma isahu na wa ĩsai ãna 're ĩhâimana mono na hã te 're 'manharĩ. Ĩnhoprubzé, wa duré te 're po'o aima hã, uburé ĩpawa'â te 're imrami mono na hã.”
13— Tanei õ di, rob'uiprazé arĩ ubumroi'wa hã. Romhâ na te za. Duré hâimo hã te te rob'madâ'â õ di. Tinho'utu wi si te nasi si'ahâ. Ãne ma tô rowaptẽ: “'Re ihâimana u'âsi mono, ma'ãpé ĩ'ãma aiwamri na. Wa hã ĩwasétére na wa 're mo.”
14Tawamhã Zezusi hã ma tô ãma 'rãsutu, ãne:
— Tô sena wa za aima waihu'u za'ra wa'wa, ãne: Rob'uiprazé arĩ ubumroi'wa si ma tô tinhorõwa u hã mo, 'Re ihâimana u'âsi mono te te iwẽsãmri na. E marĩ wa. Ni'wa hã danhipai u na 're si'madâ'â zei mono wamhã, 'Re ihâimana u'âsi mono hã te za te te 're sisém nomri. Tanei õ di, ni'wa hã tiwapu na 're si'madâ'â mono wamhã, 'Re ihâimana u'âsi mono hã te za hâimo te te 're simizusi.
Zezusi hã ai'uté norĩ te te i'azawizé
Mateus 19.13-15; Marcus 10.13-16
15Taha parimhã, ni'wam norĩ hã ma tô ai'uté norĩ hã ãwisi za'ra Zezusihi u, ãma mreme za'ra da, iwẽ hã te te tãma apisutu da. Tane nherẽ, isiré 're inomro mono norĩ ãne hã te te 'madâ'â za'ra wamhã, ma tô timreme hã dama pẽtẽ za'ra, ai'uté te te itẽme i'wasari norĩ ma. 16Tane nherẽ, Zezusi hã ai'uté norĩ zô ma tô sitẽme sô tihârâ za'ra. Ãne ma tô tinha, isiré 're inomro mono norĩ ma:
— A'â we ĩtẽme si'aba'ré, ai'uté norĩ hã. Tiwi rosawi za'ra wa'aba tõ, ãne hã te te 'manharĩ za'ra tõ da hã. E marĩ wa. 'Re ihâimana u'âsi mono hâiwa ãma da'ãma 're isib'a'uwẽ mono zé hã, ni'wam norĩ hã ai'uté ne 're ihâimana za'ra mono norĩ te si. 17Tô sena wa za aima waihu'u za'ra wa'wa, ãne: Ni'wa hã, 'Re ihâimana u'âsi mono da'ãma 're isib'a'uwẽ mono zé, ai'uté norĩ ne, te te âri wẽ õ wamhã, niwa iwa isébré da hã, mare di.
Aibâ iprédupté isibro pe
Mateus 19.16-30; Marcus 10.17-31
18Tawamhã Zudeu norĩ ma roti'wa hã ma tô Zezusi sadanha, ãne:
— Rowahutu'wa i'aiwẽ, e marĩ wa za 'manha, dahâimanazé isi'utõrĩ'õ te ĩsina uwaimrami da hã.
19Tawamhã Zezusi hã ma tô sada'â, ãne:
— E marĩ da, ma tô ĩwẽ na ĩ'ãma aiwa. 'Re ihâimana u'âsi mono si iwẽ hã. Ni'wa isine hã hâimana õ di. 20Aima waihu'u pese di, 'Re ihâimana u'âsi mono nhimiroti zahi norĩ, ãne hã: “Damro na dawi asipsaihuri tõ. Da'maiwĩrĩ tõ. Marĩ simi'uri tõ. Tô senai õ nherẽ, niha na dawasu'u wasété tõ. Aimama 're wazé pese mono, ana zama.”
21Tawamhã aibâ hã ma tô ãma sada'â, ãne:
— Ĩzapore hawim haré, wa tô uburé ã norĩ isimiroti zahi hã te 're a'madâ'â pese.
22Tawamhã Zezusi hã isi'rãzarõtõzé te te wapari wamhã, ma tô tãma tinha, ãne:
— Marĩ zô misi te aiwi rowaptâ, i'manharĩ da hã. Ma'ãpé uburé asibro hã dama wede za'ra na. Taha pari, rob'uiprazé iwa'â hã isibrob'õ norĩ ma sõmri mono. Tawap si te za marĩ iwẽ uptabi hã hâiwa ãma asô 're hâimana za'ra, ti'ai ãma marĩ iwa'âbâ za'ẽne 're ihâimana za'ra mono ne. Taha parip si we aimorĩ, ĩzarina 're aimorĩ da.
23Tawamhã aibâ iprédupté, ãne hã te te wapari wamhã, ma tô tiwi tirobzei'õ pese, sibro pese uptabi wa. 24Tawamhã Zezusi hã tiwi irobzei'õ na te te waihu'u wamhã, ma tô tinha, ãne:
— E niha ipire uptabi, isibro pese norĩ, 'Re ihâimana u'âsi mono, da'ãma 're isib'a'uwẽ mono zéb u 're isisisi mono da hã. 25Awaru ba'õmore hã isi'uwazi zazahâ hâibabarĩzé para'õtõ zapu'u 're, isébré waihu'u õ nhipai u, isibro pe hã sébré waihu'u õ di, 'Re ihâimana u'âsi mono da'ãma 're isib'a'uwẽ mono zéb u hã.
26Tahawa, iwapari'wa norĩ hã ma tô siwi sadanha, ãne:
— Tane wamhã bété, e 'wa hã tinho'reptuzé te te sina uwaimrami da bâ.
27Tawamhã Zezusi hã ma tô tãma waihu'u za'ra, ãne:
— Marĩ hã ti'ai ãma a'uwẽ norĩ ma i'manharĩ waihu'u'õ hã, 'Re ihâimana u'âsi mono ma hã wapure di.
28Tawamhã Pedru hã ma tô tãma tinha, ãne:
— Wa norĩ hã bété. Uburé marĩ hã wa tô rẽme za'ra ni, asarina 're wanomro mono da.
29Tawamhã Zezusi hã ma tô ãma sada'â, ãne:
— Tô sena wa za aima waihu'u za'ra wa'wa, ãne: Ni'wa hã 'Re ihâimana u'âsi mono da'ãma 're isib'a'uwẽ mono zéb u'âbâ, tinhorõwa, duré timro, duré tisisãnawã norĩ, duré timama norĩ niwamhã ti'ra norĩ hã te te a'â sisa'u 're rẽme za'ra mono wamhã, 30ta norĩ nhipai u pese te za marĩ iwẽ hã waibu, ti'ai ãma 're hâimana mono ré hã. Duré romhutu'õmhã te za dahâimanazé isi'utõrĩ'õ hã sina uwaimra.
Zezusi hã si'ubdatõ ãma isiwasu'uzé, tidâ'âzém na duré za apâ ihâiwa'utuzém na zama
Mateus 20.17-19; Marcus 10.32-34
31Tawamhã Zezusi hã aibâ norĩ 12 na ihâiba za'ra norĩ zô ma tô hâ. Ma tô tãma nharĩ za'ra, ãne:
— Ĩwapari za'ra wa'aba! Zeruzalẽ u, wa ai'aba'ré ni. Tawamhã tame, Ti'ai ãma Dasiré Ipoto ãma 'Re ihâimana u'âsi mono zadawa 'mahârâ'wa norĩ te te ãma irob'ui'éré za'ra zém na te za uburé sina uwaimra. 32Ta hã te za dasiwi hâiba nhomri ni, Zudeu'õ norĩ ma. Tawamhã ta norĩ hã te za ãma tiwa'ẽ za'ra. Te za ãma wasété za'ra. Tizadaipro na te za nasi siwi upto. 33Abazei hâ nhorõ 'manharĩ na dapré'ézém na te za te te siwi 're pré'é. Taha pari, te za duré siwi tiwĩ. Tane nherẽ, si'ubdatõ bâtâ ãma te za apâ hâiwa'udu.
34Tane nherẽ, isiré 're inomro mono norĩ hã, ãne Zezusi te te sina tãma inharĩ za'ra zé hã, te te siwi sadaihu'u õ di, simi'uri na tiwi hâimana za'ra wa. Tahawa te te sadaihu'u za'ra õ di, tãma isiwasu'u za'ra zé hã.
Zezusi hã aibâ itob'a te te ito pesezé
Mateus 20.29-34; Marcus 10.46-52
35Tawamhã Zezusi hã ma tô oto sina rotété, Zerico u. Tame te aibâ itob'a hã nhamra, bâdâdi zada'ré ãma. Ta hã te nasi da'awa. 36Tawamhã da'ahâ uptabi na da te iro'rahâri za'ra na te te da'awapari wamhã, ma tô anha, marĩ hâimana zô.
37Tahawa, ma tô tãma rowasu'u za'ra ni, ãne:
— Zezusi, Nazaré ãma iprédu, ma ro'razâ.
38Tahawa aibâ itob'a hã te oto nasi 'mahâ, ãne:
— Zezusi, Davihi nhihudu, ma'ãpé ĩ'ãma aipẽ'ẽzé na!
39Tawamhã ni'wam norĩ hã danhowa isi'aba'ré hã ma tô timreme hã tãma 'morõpãrĩ za'ra, ari'iwi sãmra da. Tane nherẽ, ma tô nasi 'mahâ, ãne:
— Davihi nhihudu, ma'ãpé ĩ'ãma aipẽ'ẽzé na!
40Tawamhã Zezusi hã ma tô mazazâ. Ma tô ti'ru, aibâ itob'a hã da te dasiwi saprõni da itẽme. Tawamhã 'râwi itẽme te te sina rotété wamhã, Zezusi hã ma tô sadanha, ãne:
41— E marĩ te asima iwẽ, te aima i'manharĩ da hã.
— Apito, apâ te rob'madâ'â da, wa ĩsima wẽ. — Ãne ma tô aibâ itob'a hã sada'â.
42Tawamhã Zezusi hã te tãma tinha, ãne:
— Ma'ãpé apâ rob'madâ'â. Asina ĩ'umnhasizé hã ma aipese.
43Tawamhã awa'awi pesere aibâ itob'a hã ma tô oto rob'madâ. Tahawa Zezusihi zarina ma tô oto mo, 'Re ihâimana u'âsi mono ãma wata mono sina. Ãne hã da te wapari za'ra wamhã, 'Re ihâimana u'âsi mono ãma ma tô tawata za'ra ni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.