Lucas 1
1
1Teofilu, aiwazé pese na dama 're i'aihâimana mono, da'ahâ na ma tô dasima wẽ za'ra ni, wa'reb za'ra iromhâimanazém na rowasu'u na, da te ãma rob'ui'éré za'ra da hã, 2romhuri na te te isãna'ratazém hawi isiré 're inomro mono norĩ te te 're i'madâ'â za'ra mono norĩ nhimirowasu'u na wama, Rowasu'uwẽ na te te 're irowasu'u mono zém na hã. 3Ã hã romhuri te te ãma isãna'ratazém hawi, marĩ te te 're i'a'manharĩ mono zém na, ĩzama wa tô ãma romnhoré, te ãma pibui pese sina. Tahawa, Teofilu, wa tô ĩsima wẽ, ĩzama te ãma aima rob'ui'éré da, iwa'õtõ mono bâ, 4a hã waihu'u za'ra da, uburé tô sena 're ihâimana za'ra mono na, da te aima ãma iromnhoré za'ra zé hã.
Zuwã Batista hã ipotozé
5Erodi hã Zudéa na danhipti'a nho'õmo nhisi ãma, apito na 're hâimana mono ré hã, te 're hâimana sasedoti Zacaria na isisi hã. Ta hã sasedoti Abiasihi te, sasedoti norĩ ubumroi 'remhã. Imro hã Izabéu na isisi, Arãhã nhihudu. 6Ta norĩ hã te 'Re ihâimana u'âsi mono ma, i'uwaibaba na si 're hâimana zahuré. Uburé Danhib'apito nhimiroti zahi te uburé te te 're a'madâ'â pese zahuré. 7Tane nherẽ, 'ra zahuré õ di, Izabéu hã 'ra waihu'u õ wa, duré oto ãma wahub za'ẽtẽ zahuré wa.
8Nimahã bâtâ na hã, 'Re ihâimana u'âsi mono nhorõwa 'ri 'rãihâ ãma, Zacaria hã te tite 'manha, sasedoti nhimiromhuri hã, romhuri te te i'manharĩzéb da hã, bâdâ tãma ihâimanazéb ãma. 9Sasedoti norĩ hâimanazéb zarina, ma tô Zacaria hã siwi pisutu, ẽtẽre te te siwi ime na, wedewati isadaze hã wedezane na danhoprubzé, da te 're isa'ra mono zéb ãma, te te zata da. Tahawa ma tô ãzé, Uburé Danhib'apito nhorõwa 'ri 'rãihâ u hã. 10Wedewati isadaze te te zata ré, te rowi idasi'ubumro norĩ hã rowaptẽrẽ za'ra ni. 11Tawamhã Uburé Danhib'apito ma hâiwa hawi romhuri'wa hã ma tô Zacariaha nho're tãma sihâi'ré. Danhoprubzé wedezane, da te 're isa'ra mono zém nhimire niwĩ te za, hâiwi. 12Tawamhã Zacaria hã te te 'madâ'â wamhã, ma tô tipahi pese. Marĩ te te duré 'manharĩ waihu'u õ di. 13Tane nherẽ, hâiwa hawi romhuri'wa hã ma tô ãne tãma tinha:
— Zacaria, aipahi tõ. 'Re ihâimana u'âsi mono hã, tiwi irowaptẽrẽzém na ma tô aimreme wapa. Tahawa Izabéu aimro hã te za ti'ra. Tawamhã poto wamhã, Zuwã na te za isisi za. 14Ipotozé hã rowẽ isa'ẽne te za sina waze, aima hã. Da'ahâ na te za duré dasima rowẽ za'ra ni, ipotozém na hã. 15E marĩ wa. Ta hã, Uburé Danhib'apito tõmo nho'remhã te za pire na 're hâimana. Uva 'rãi wa'u isé hã te te 're hâsi mono õ di za, duré âzé zama. Duré poto hawim haré, te za 'Re ihâimana u'âsi mono Pẽ'ẽzani ré sa'ẽtẽ uptabi na hã 're mo. 16Tawamhã ta hã te za apâ a'ãwisi Izaraéu nhihudu norĩ hã, Uburé Danhib'apito u, ite za'ra 'Re ihâimana u'âsi mono u. 17Uburé Danhib'apito nhowa te za wei mo, siptete na. Duré 'Re ihâimana u'âsi mono zadawa 'mahârâ'wa Elias siptete na 're ihâimana mono ne, te za 're hâimana. Te za duré te te 're a'manharĩ damama norĩ hã ti'ra norĩ me, rowẽ na apâ siré 're hâimana za'ra mono da, duré 'Re ihâimana u'âsi mono zadawa 'madâ'â õ 'wa norĩ hã rowaihu iwẽ na 're hâimana za'ra mono da, i'uwaibaba na 're ihâimana za'ra mono norĩ ne. Ãne wamhã, te za da'aza'ra pese, Uburé Danhib'apito zô.
18Tawamhã Zacaria hã te asa sadanha hâiwa hawi romhuri'wa, ãne:
— E niha wa za waihu'u pese, ta hã tô sena na hã. Wa tô ĩsi'ihi pese, duré ĩmro zama.
19Tawamhã hâiwa hawi romhuri'wa hã ma asa sada'â, ãne:
— Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, Rowasu'uwẽ hã te we aima âri da. 20Te aima irowasu'uzém na hã, uburé te za tiromhâiba, bâdâ i'uwaibaba iwa iwaptã'ãzém na. Tane nherẽ, ãma ĩzazei õ di. Tahawa te za aimreme õ. Aimreme watobro õ di za, ai'ra ipotozéb u hã.
21Taha ré hã, da'ahâ na te Zacariaha zô mapari za'ra ni rowimhã. Ma tô duré ãma tatob'uzu za'ra ni, sô rowaptâ'â wa, 'Re ihâimana u'âsi mono nhorõwa 'ri 'rãihâ 'remhã. 22Rob u watobro wamhã oto, Zacaria hã mreme watobro waihu'u õ di. Tawamhã ma tô ãma rosa'rata waihu'u za'ra ni, 'Re ihâimana u'âsi mono nhorõwa 'ri 'rãihâ 'remhã sõtõ 'rowim ne, marĩ te te i'madâ'â na hã. Tawamhã mreme watobro waihu'u õ wa, ma tô tinhib'rata na si dama rowasu'u.
23Tawamhã Zacaria hã, romhuri 'Re ihâimana u'âsi mono nhorõwa 'ri 'rãihâ 'remhã tite bâtâ mono hã te te 'rãsutu pari, tinhorõwa u ma tô oto mo. 24Tawamhã suru na ãma ronomro parimhã, Izabéu imro hã ma tô oto tiwasã. Tahawa, imrotõ na a'amo isi'utõrĩ na hã, 'ri 'rep si ma tô hâimana.
25Tawamhã Izabéu hã ma tô ãne tinha:
— Uburé Danhib'apito hã ma tô oto ĩpawapto. Da te oto dasiwi 're ĩwẽ'õ mono õ di za, ĩ'ra õ wa.
Zezusi hã za ipotozém na, Mariaha ma, Gabriéu te te iwaihu'uzé
26Tawamhã imropâ na a'amo si'utõrĩ wamhã, Izabéu iwasãzém na hã, 'Re ihâimana u'âsi mono ma tô satõ, hâiwa hawi romhuri'wa Gabriéu hã, Galiléia ti'ai ãma, 'ri wa'õno 're ihâimana mono Nazaré na isisi u. 27Tawamhã hâiwa hawi romhuri'wa hã ma tô sihâi'ré pi'õ ihâiba té i'ubuni ma, za imro da hã, Zuzé na aibâ isisi ãma. Zuzé hã apito Davihi nhihudu. Pi'õ ihâiba té i'ubuni nhisi hã, Maria na. 28Tawamhã hâiwa hawi romhuri'wa Gabriéu hã ma tô Mariaha ma tinha, ãne:
— Maria, rowẽ na 're i'aihâimana mono da si. 'Re ihâimana u'âsi mono hã ma tô aiwẽsã. Uburé Danhib'apito hã te asiré tihâiba.
29Tane nherẽ, Maria hã hâiwa hawi romhuri'wa te te tãma inharĩzé te te wapari wamhã, niha hã te te rosa'rata waihu'u õ di. Tahawa ma tô ãma rosa'rata pese, marĩ te te wasu'u zô, timreme na te te isawizé hã. 30Tawamhã hâiwa hawi romhuri'wa hã te duré tãma tinha, ãne:
— Maria, aipahi tõ. 'Re ihâimana u'âsi mono hã ma tô aiwẽsã. 31Tahawa, te za aiwasã. Ai'ra hã te za aima podo, 'watébrémi na. Poto wamhã, Zezusi na te za isisi. 32Ta hã dama pire uptabi di za. Te za duré da te 're sisi za'ra, 'Re ihâimana u'âsi mono Danhipai u 're ihâimana mono 'ra na. Tawamhã Uburé Danhib'apito 'Re ihâimana u'âsi mono hã te za tãma pisutu, si'apito da, ihi'rada Davi, apito na 're ihâimana mono ne. 33Tawamhã ta hã te za Apito na 're hâimana u'âsi, Zacoho nhihudu norĩ ma hã. Duré te te 're ida'a'madâ'â mono zé hã, niwa si'utõrĩ õ di za.
34Tawamhã Maria hã te sadanha, hâiwa hawi romhuri'wa, ãne:
— E niha wa za ĩwasã, niwa aibâ hã te sa'rese õ nherẽ.
35Tawamhã hâiwa hawi romhuri'wa hã ma ãma sada'â, ãne:
— 'Re ihâimana u'âsi mono Pẽ'ẽzani hã te za we atẽme mo. Duré 'Re ihâimana u'âsi mono Danhipai u uptabi 're Ihâimana mono waihu'u pe hã te za ti'awã na ai'upsi. Tahawa 'watébrémi za ipodo hã te za da te 're sisi za'ra, 'Re ihâimana u'âsi mono 'ra Iwẽ uptabi na. 36Ana wapté Izabéu zama te ai'uté ré tihâiba, hâiba prédu pese nherẽ. 'Ra waihu'u ãna, da te tãma 're nharĩ za'ra mono nherẽ, te oto a'amo imropâ na tihâiba, ai'uté ré hã. 37E marĩ wa. 'Re ihâimana u'âsi mono ma hã, marĩ i'manharĩ waihu'u õ, 'maihâimana waihu'u õ di.
38Tawamhã Maria hã ma sada'â, ãne:
— Wa hã, Uburé Danhib'apito ma romhuri'wa. Tô ĩma romhâimana, ĩma irowasu'uzéb zarina.
Tawamhã hâiwa hawi romhuri'wa hã, apâ ma tô oto mo.
Maria hã imorĩzé, Izabéu te te sabu da
39Ãne hã romhâimana parimhã, Maria hã ma tô sima robza'ra pese. Taha pari si'aba'ré na ma tô mo, 'ri wa'õno 're i'maihâimana mono u, Zudéa 're ẽtẽ 'rãihâ 'ratamhã. 40Wisi wamhã, ma tô ãzé Zacariaha nhorõwa u. Tame ma tô sawi, Izabéu hã. 41Tawamhã Izabéu hã, Maria te te isawizé te te wapari wamhã, ai'uté idi'i 'remhã ma tô 're sirési. Tawamhã Izabéu hã ma tô tihâiba, 'Re ihâimana u'âsi mono Pẽ'ẽzani ihâiba 'remhã 'masisi na. 42Tahawa mreme 'rãihâ na ma tô tinha ãne, rowẽ te:
— Iwẽ hã ma tô aima pisutu 'Re ihâimana u'âsi mono hã, pi'õ norĩ nhipai u. Iwẽ hã ma tô duré pisutu, ai'ra 'watébrémi za aima ipoto ma zama! 43E wa hã tiha na ĩhâimana bâ, ma Ĩnhib'apito na we ĩzabu. 44Aimreme na ĩzawizé te wapari wamhã, ai'uté ĩdi'i 'remhã ma tô rowẽ te, 're sirési. 45Aima iwẽ hã ma tô pisutu, Uburé Danhib'apito te te aima inharĩzém na sazei wa, za aima iromhâimanazém na hã.
Maria hã, 'Re ihâimana u'âsi mono ãma iwatazé
46Tawamhã Maria hã ma tô tinha, ãne:
47— Ĩnhimirosa'rata uptabi hã te tiwata, Uburé Danhib'apito ãma.
Duré ĩpẽ'ẽzani hã te sima rowẽ 'Re ihâimana u'âsi mono ãma, ĩnho'reptui'wai ãma.
48E tihai wa. Tite romhuri'wa, wapu na 're ihâimana mono ãma rĩtĩ nho'õmo wa.
à hawimhã oto, uburé 're dapoto za'ra mono sidâpâsi te za da te dasiwi 're ĩnhisi, 'Re ihâimana u'âsi mono iwẽ te te ĩma ipisutu na hã,
49waihu'u pese uptabi na 're Ihâimana mono hã tiha isa'ẽne te te ĩma 'manharĩ wa. Isisi hã wẽ uptabi di.
50Ta hã te siba pese na 're hâimana, te te 're iwazé pese za'ra mono norĩ ma hã, 're idapoto za'ra mono sidâpâsi.
51Tinhib'rata nhiptete na te tiha hã te te 're a'manharĩ. Te duré te te ãma 're ai'uté za'ra, 'râwi 're isi'madâ'â ze za'ra mono norĩ ãma hã, te te sima 're irowa'õtõ za'ra mono zéb zama.
52Roti'wa norĩ siptete na 're ihâimana za'ra mono norĩ hã te te 're azani, isãmrazém hawimhã. Tanei õ di, dama wapu na 're ihâimana za'ra mono norĩ hã te te 're anhoré, pire na 're hâimana za'ra mono da.
53Mra, te te 're isépata za'ra mono norĩ ma, te tiha iwẽ hã te te tãma 're anhomri. Tanei õ di, isibro pese norĩ hã te te 're azatõrĩ, sib'rata baba na 're nomro mono da.
54Duréihã ma tô pawaptob za'ra, tãma iromhuri'wa norĩ Izaraéu nhihudu norĩ hã. Ãma po're si'âri õ di, da'ãma 're isiba mono zém na hã. Te te iropisutuzém na ma tô duré ãma uwaimra, wahi'rata norĩ ma hã, 55Abra'ãhã ma, duré isihudu 're poto za'ra mono sidâpâsi, õne u'âsi.
56Tawamhã Maria hã ma tô nhamra Izabéu 'ratamhã, si'ubdatõ a'amo na. Taha pari ma tô apâ sina siri, tinhorõwa u hã.
Zuwã Batista hã ipotozé
57Tawamhã Izabéu ma, oto i'ra ipotozé bâdâ iwa waptã'ã wamhã, ma tô oto tãma podo, 'watébrémi na. 58Poto wamhã, isababa 're isõrõwa za'ra mono hã duré isiwadi norĩ zama, rowasu'u te te wapari za'ra wamhã, Uburé Danhib'apito iwẽ uptabi te te tãma i'manharĩzé hã, ma tô isiré sima rowẽ za'ra. 59Tawamhã ipotozém na 8 na bâdâ ãma si'utõrĩ parimhã, 'watébrémi hã ma tô siwi ãwisi, da te sihâiwata nhizâri da. Tawamhã imama nhisi na te te aré siwi sisi da, Zacaria na. 60Tane nherẽ, ina hã ma tô ãne tãma nharĩ za'ra:
— Maze di. Zuwã na, te za tinhisi.
61Tane nherẽ, ma tô ãne tãma nharĩ za'ra:
— Tane nherẽ, asiwadi 'remhã, ni'wa hã sisi õ di, Zuwã na hã.
62Tawamhã 'watébrémi mama ma, tinhib'rada hã ma tô 'manharĩ za'ra, te te siwi waihu'u da, niha za 'watébrémi hã sisi zô. 63Tawamhã Zacaria hã ma tô 'maiwaptẽ, wedepo ipo'o hâpâre hã. Taha na ma tô isisi hã ui'éré, ãne: “Zuwã na isisi hã.” Tahawa uburé ma tô ãma titob'uzu za'ra. 64Tawamhã awa'awi pesere, isadawa hã ma tô tãma si'ridawa. Ma duré tizoto wairo. Tahawa apâ ma tô oto mreme watobro. 'Re ihâimana u'âsi mono ãma te duré tiwata. 65Tawamhã isababa 're isõrõwa za'ra mono hã ma tô tãma tipahi pese za'ra. Tahawa Zudéa 're ẽtẽ 'rãihâ na uburé 're irosa'wari mono 'remhã, ma tô ãhã na rowasu'u hã ropé. 66Tahawa ãhã na rowasu'u, uburé da te iwapari za'ra hã ma tô nasi tasisadanharĩ za'ra ni, ãne:
— 'Watébrémi hã prédu wamhã, ãté niha te za 're hâimana.
E marĩ wa. Uburé Danhib'apito waihu'u pe hã, tô ãma 're hâimana mono wa.
Zacaria hã, 'Re ihâimana u'âsi mono ãma iwatazé
67Tawamhã Zacaria, Zuwãhã mama hã 'Re ihâimana u'âsi mono Pẽ'ẽzani ré 'masisi na iré hâimana wa, ma tô waihu'u siro, ãne:
68— Uburé Danhib'apito ãma si 're wawata u'âsi za'ra wa'aba mono, Izaraéu nhihudu norĩ te, 'Re ihâimana u'âsi mono ãma si, we te te wapawaptob za'ra wa, duré tinhib'a'uwẽ norĩ ma, te te sõmri wa, sima iwẽ na 're ihâimana za'ra mono zé hã.
69Ma tô we watẽme satõrĩ za'ra Danho'reptui'wa iwaihu'u pese uptabi hã, tãma iromhuri'wa, Davihi nhihudu hã.
70Wahub ahâ na ma tô ãma ai'utõ, 'Re ihâimana u'âsi mono te te ãma iropisutuzém na hã, tizadawa 'mahârâ'wa norĩ aimawi tãma 're ihâimana za'ra mono norĩ zadawa na.
71Ta hã ma tô ropisutu, te te wanho'reptu za'ra da, wanhitob'ru norĩ wi, duré wawẽ'õ'wa norĩ siptete na wazada 're ihâimana za'ra mono norĩ wi hã.
72Ma tô duré ropisutu, da'ãma 're isiba mono zé hã wamama norĩ ma, te te hâi'ré da, duré ropisutu zahi iwẽ uptabi hã te te i'manharĩzém na ãma po're pu'u da.
73-74Ropisutu zahi hã ma tô 'manha wahi'rada Abra'ãhã ma, za te te iwa'anho'reptu na hã wanhitob'ru norĩ nhiptetezé wi, tawap si wapahi ãna wa te 're romhuri za'ra mono da, 'Re ihâimana u'âsi mono ma. 75Ãne hã ma tô 'manha, aimawi õhõ ma si 're wahâimana za'ra mono da, duré i'uwaibaba na si isõ'remhã, bâtâ sidâpâ ti'ai ãma wapara na 're wanomro mono ré.
76Tahawa a hã 'watébrémi, te za da te 're asisi za'ra Danhipai u 're Ihâimana mono zadawa 'mahârâ'wa na, Uburé Danhib'apito nhowa za aimorĩ wa, bâdâdi hã sô sa'ra pese da.
77A hã te za a'uwẽ norĩ ma 're iwasu'u mo, danho'reptuzé hã, za te te sina 're i'uwaimrami za'ra mono na hã, 'Re ihâimana u'âsi mono iwasédé te te ãma 're i'ab'madâ'â mono õ zarina oto.
78E marĩ wa. Wate 'Re ihâimana u'âsi mono hã simizawi pese uptabi wa, duré da'ãma 're siba pese mono wa. Tahawa te za 'manha, ite rowa'a hã wanhisiwi te te 're rowa'a za'ra mono da, bâdâ 'rãiwatobro wi te te 're irowa'a mono ne.
79Tawamhã rowa'a hã te za te te 're rowa'a, robra na 're inomro mono norĩ ma hã, tidâ'â ma, 're ipahi za'ra mono norĩ ma hã. Tawamhã te za te te 're wanhimro, robzei u'âsi te, bâdâdi na 're wanomro mono da.
80Tawamhã 'watébrémi hã te prédu mono. Duré ipẽ'ẽzani hã te te tô siptete u'âsi. Te duré rop si 're irosa'wari mono ãma 're sãmra, Izaraéu nhihudu norĩ ma isihâi'rézéb u.
Iliyochaguliwa sasa
Lucas 1: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Lucas 1
1
1Teofilu, aiwazé pese na dama 're i'aihâimana mono, da'ahâ na ma tô dasima wẽ za'ra ni, wa'reb za'ra iromhâimanazém na rowasu'u na, da te ãma rob'ui'éré za'ra da hã, 2romhuri na te te isãna'ratazém hawi isiré 're inomro mono norĩ te te 're i'madâ'â za'ra mono norĩ nhimirowasu'u na wama, Rowasu'uwẽ na te te 're irowasu'u mono zém na hã. 3Ã hã romhuri te te ãma isãna'ratazém hawi, marĩ te te 're i'a'manharĩ mono zém na, ĩzama wa tô ãma romnhoré, te ãma pibui pese sina. Tahawa, Teofilu, wa tô ĩsima wẽ, ĩzama te ãma aima rob'ui'éré da, iwa'õtõ mono bâ, 4a hã waihu'u za'ra da, uburé tô sena 're ihâimana za'ra mono na, da te aima ãma iromnhoré za'ra zé hã.
Zuwã Batista hã ipotozé
5Erodi hã Zudéa na danhipti'a nho'õmo nhisi ãma, apito na 're hâimana mono ré hã, te 're hâimana sasedoti Zacaria na isisi hã. Ta hã sasedoti Abiasihi te, sasedoti norĩ ubumroi 'remhã. Imro hã Izabéu na isisi, Arãhã nhihudu. 6Ta norĩ hã te 'Re ihâimana u'âsi mono ma, i'uwaibaba na si 're hâimana zahuré. Uburé Danhib'apito nhimiroti zahi te uburé te te 're a'madâ'â pese zahuré. 7Tane nherẽ, 'ra zahuré õ di, Izabéu hã 'ra waihu'u õ wa, duré oto ãma wahub za'ẽtẽ zahuré wa.
8Nimahã bâtâ na hã, 'Re ihâimana u'âsi mono nhorõwa 'ri 'rãihâ ãma, Zacaria hã te tite 'manha, sasedoti nhimiromhuri hã, romhuri te te i'manharĩzéb da hã, bâdâ tãma ihâimanazéb ãma. 9Sasedoti norĩ hâimanazéb zarina, ma tô Zacaria hã siwi pisutu, ẽtẽre te te siwi ime na, wedewati isadaze hã wedezane na danhoprubzé, da te 're isa'ra mono zéb ãma, te te zata da. Tahawa ma tô ãzé, Uburé Danhib'apito nhorõwa 'ri 'rãihâ u hã. 10Wedewati isadaze te te zata ré, te rowi idasi'ubumro norĩ hã rowaptẽrẽ za'ra ni. 11Tawamhã Uburé Danhib'apito ma hâiwa hawi romhuri'wa hã ma tô Zacariaha nho're tãma sihâi'ré. Danhoprubzé wedezane, da te 're isa'ra mono zém nhimire niwĩ te za, hâiwi. 12Tawamhã Zacaria hã te te 'madâ'â wamhã, ma tô tipahi pese. Marĩ te te duré 'manharĩ waihu'u õ di. 13Tane nherẽ, hâiwa hawi romhuri'wa hã ma tô ãne tãma tinha:
— Zacaria, aipahi tõ. 'Re ihâimana u'âsi mono hã, tiwi irowaptẽrẽzém na ma tô aimreme wapa. Tahawa Izabéu aimro hã te za ti'ra. Tawamhã poto wamhã, Zuwã na te za isisi za. 14Ipotozé hã rowẽ isa'ẽne te za sina waze, aima hã. Da'ahâ na te za duré dasima rowẽ za'ra ni, ipotozém na hã. 15E marĩ wa. Ta hã, Uburé Danhib'apito tõmo nho'remhã te za pire na 're hâimana. Uva 'rãi wa'u isé hã te te 're hâsi mono õ di za, duré âzé zama. Duré poto hawim haré, te za 'Re ihâimana u'âsi mono Pẽ'ẽzani ré sa'ẽtẽ uptabi na hã 're mo. 16Tawamhã ta hã te za apâ a'ãwisi Izaraéu nhihudu norĩ hã, Uburé Danhib'apito u, ite za'ra 'Re ihâimana u'âsi mono u. 17Uburé Danhib'apito nhowa te za wei mo, siptete na. Duré 'Re ihâimana u'âsi mono zadawa 'mahârâ'wa Elias siptete na 're ihâimana mono ne, te za 're hâimana. Te za duré te te 're a'manharĩ damama norĩ hã ti'ra norĩ me, rowẽ na apâ siré 're hâimana za'ra mono da, duré 'Re ihâimana u'âsi mono zadawa 'madâ'â õ 'wa norĩ hã rowaihu iwẽ na 're hâimana za'ra mono da, i'uwaibaba na 're ihâimana za'ra mono norĩ ne. Ãne wamhã, te za da'aza'ra pese, Uburé Danhib'apito zô.
18Tawamhã Zacaria hã te asa sadanha hâiwa hawi romhuri'wa, ãne:
— E niha wa za waihu'u pese, ta hã tô sena na hã. Wa tô ĩsi'ihi pese, duré ĩmro zama.
19Tawamhã hâiwa hawi romhuri'wa hã ma asa sada'â, ãne:
— Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, Rowasu'uwẽ hã te we aima âri da. 20Te aima irowasu'uzém na hã, uburé te za tiromhâiba, bâdâ i'uwaibaba iwa iwaptã'ãzém na. Tane nherẽ, ãma ĩzazei õ di. Tahawa te za aimreme õ. Aimreme watobro õ di za, ai'ra ipotozéb u hã.
21Taha ré hã, da'ahâ na te Zacariaha zô mapari za'ra ni rowimhã. Ma tô duré ãma tatob'uzu za'ra ni, sô rowaptâ'â wa, 'Re ihâimana u'âsi mono nhorõwa 'ri 'rãihâ 'remhã. 22Rob u watobro wamhã oto, Zacaria hã mreme watobro waihu'u õ di. Tawamhã ma tô ãma rosa'rata waihu'u za'ra ni, 'Re ihâimana u'âsi mono nhorõwa 'ri 'rãihâ 'remhã sõtõ 'rowim ne, marĩ te te i'madâ'â na hã. Tawamhã mreme watobro waihu'u õ wa, ma tô tinhib'rata na si dama rowasu'u.
23Tawamhã Zacaria hã, romhuri 'Re ihâimana u'âsi mono nhorõwa 'ri 'rãihâ 'remhã tite bâtâ mono hã te te 'rãsutu pari, tinhorõwa u ma tô oto mo. 24Tawamhã suru na ãma ronomro parimhã, Izabéu imro hã ma tô oto tiwasã. Tahawa, imrotõ na a'amo isi'utõrĩ na hã, 'ri 'rep si ma tô hâimana.
25Tawamhã Izabéu hã ma tô ãne tinha:
— Uburé Danhib'apito hã ma tô oto ĩpawapto. Da te oto dasiwi 're ĩwẽ'õ mono õ di za, ĩ'ra õ wa.
Zezusi hã za ipotozém na, Mariaha ma, Gabriéu te te iwaihu'uzé
26Tawamhã imropâ na a'amo si'utõrĩ wamhã, Izabéu iwasãzém na hã, 'Re ihâimana u'âsi mono ma tô satõ, hâiwa hawi romhuri'wa Gabriéu hã, Galiléia ti'ai ãma, 'ri wa'õno 're ihâimana mono Nazaré na isisi u. 27Tawamhã hâiwa hawi romhuri'wa hã ma tô sihâi'ré pi'õ ihâiba té i'ubuni ma, za imro da hã, Zuzé na aibâ isisi ãma. Zuzé hã apito Davihi nhihudu. Pi'õ ihâiba té i'ubuni nhisi hã, Maria na. 28Tawamhã hâiwa hawi romhuri'wa Gabriéu hã ma tô Mariaha ma tinha, ãne:
— Maria, rowẽ na 're i'aihâimana mono da si. 'Re ihâimana u'âsi mono hã ma tô aiwẽsã. Uburé Danhib'apito hã te asiré tihâiba.
29Tane nherẽ, Maria hã hâiwa hawi romhuri'wa te te tãma inharĩzé te te wapari wamhã, niha hã te te rosa'rata waihu'u õ di. Tahawa ma tô ãma rosa'rata pese, marĩ te te wasu'u zô, timreme na te te isawizé hã. 30Tawamhã hâiwa hawi romhuri'wa hã te duré tãma tinha, ãne:
— Maria, aipahi tõ. 'Re ihâimana u'âsi mono hã ma tô aiwẽsã. 31Tahawa, te za aiwasã. Ai'ra hã te za aima podo, 'watébrémi na. Poto wamhã, Zezusi na te za isisi. 32Ta hã dama pire uptabi di za. Te za duré da te 're sisi za'ra, 'Re ihâimana u'âsi mono Danhipai u 're ihâimana mono 'ra na. Tawamhã Uburé Danhib'apito 'Re ihâimana u'âsi mono hã te za tãma pisutu, si'apito da, ihi'rada Davi, apito na 're ihâimana mono ne. 33Tawamhã ta hã te za Apito na 're hâimana u'âsi, Zacoho nhihudu norĩ ma hã. Duré te te 're ida'a'madâ'â mono zé hã, niwa si'utõrĩ õ di za.
34Tawamhã Maria hã te sadanha, hâiwa hawi romhuri'wa, ãne:
— E niha wa za ĩwasã, niwa aibâ hã te sa'rese õ nherẽ.
35Tawamhã hâiwa hawi romhuri'wa hã ma ãma sada'â, ãne:
— 'Re ihâimana u'âsi mono Pẽ'ẽzani hã te za we atẽme mo. Duré 'Re ihâimana u'âsi mono Danhipai u uptabi 're Ihâimana mono waihu'u pe hã te za ti'awã na ai'upsi. Tahawa 'watébrémi za ipodo hã te za da te 're sisi za'ra, 'Re ihâimana u'âsi mono 'ra Iwẽ uptabi na. 36Ana wapté Izabéu zama te ai'uté ré tihâiba, hâiba prédu pese nherẽ. 'Ra waihu'u ãna, da te tãma 're nharĩ za'ra mono nherẽ, te oto a'amo imropâ na tihâiba, ai'uté ré hã. 37E marĩ wa. 'Re ihâimana u'âsi mono ma hã, marĩ i'manharĩ waihu'u õ, 'maihâimana waihu'u õ di.
38Tawamhã Maria hã ma sada'â, ãne:
— Wa hã, Uburé Danhib'apito ma romhuri'wa. Tô ĩma romhâimana, ĩma irowasu'uzéb zarina.
Tawamhã hâiwa hawi romhuri'wa hã, apâ ma tô oto mo.
Maria hã imorĩzé, Izabéu te te sabu da
39Ãne hã romhâimana parimhã, Maria hã ma tô sima robza'ra pese. Taha pari si'aba'ré na ma tô mo, 'ri wa'õno 're i'maihâimana mono u, Zudéa 're ẽtẽ 'rãihâ 'ratamhã. 40Wisi wamhã, ma tô ãzé Zacariaha nhorõwa u. Tame ma tô sawi, Izabéu hã. 41Tawamhã Izabéu hã, Maria te te isawizé te te wapari wamhã, ai'uté idi'i 'remhã ma tô 're sirési. Tawamhã Izabéu hã ma tô tihâiba, 'Re ihâimana u'âsi mono Pẽ'ẽzani ihâiba 'remhã 'masisi na. 42Tahawa mreme 'rãihâ na ma tô tinha ãne, rowẽ te:
— Iwẽ hã ma tô aima pisutu 'Re ihâimana u'âsi mono hã, pi'õ norĩ nhipai u. Iwẽ hã ma tô duré pisutu, ai'ra 'watébrémi za aima ipoto ma zama! 43E wa hã tiha na ĩhâimana bâ, ma Ĩnhib'apito na we ĩzabu. 44Aimreme na ĩzawizé te wapari wamhã, ai'uté ĩdi'i 'remhã ma tô rowẽ te, 're sirési. 45Aima iwẽ hã ma tô pisutu, Uburé Danhib'apito te te aima inharĩzém na sazei wa, za aima iromhâimanazém na hã.
Maria hã, 'Re ihâimana u'âsi mono ãma iwatazé
46Tawamhã Maria hã ma tô tinha, ãne:
47— Ĩnhimirosa'rata uptabi hã te tiwata, Uburé Danhib'apito ãma.
Duré ĩpẽ'ẽzani hã te sima rowẽ 'Re ihâimana u'âsi mono ãma, ĩnho'reptui'wai ãma.
48E tihai wa. Tite romhuri'wa, wapu na 're ihâimana mono ãma rĩtĩ nho'õmo wa.
à hawimhã oto, uburé 're dapoto za'ra mono sidâpâsi te za da te dasiwi 're ĩnhisi, 'Re ihâimana u'âsi mono iwẽ te te ĩma ipisutu na hã,
49waihu'u pese uptabi na 're Ihâimana mono hã tiha isa'ẽne te te ĩma 'manharĩ wa. Isisi hã wẽ uptabi di.
50Ta hã te siba pese na 're hâimana, te te 're iwazé pese za'ra mono norĩ ma hã, 're idapoto za'ra mono sidâpâsi.
51Tinhib'rata nhiptete na te tiha hã te te 're a'manharĩ. Te duré te te ãma 're ai'uté za'ra, 'râwi 're isi'madâ'â ze za'ra mono norĩ ãma hã, te te sima 're irowa'õtõ za'ra mono zéb zama.
52Roti'wa norĩ siptete na 're ihâimana za'ra mono norĩ hã te te 're azani, isãmrazém hawimhã. Tanei õ di, dama wapu na 're ihâimana za'ra mono norĩ hã te te 're anhoré, pire na 're hâimana za'ra mono da.
53Mra, te te 're isépata za'ra mono norĩ ma, te tiha iwẽ hã te te tãma 're anhomri. Tanei õ di, isibro pese norĩ hã te te 're azatõrĩ, sib'rata baba na 're nomro mono da.
54Duréihã ma tô pawaptob za'ra, tãma iromhuri'wa norĩ Izaraéu nhihudu norĩ hã. Ãma po're si'âri õ di, da'ãma 're isiba mono zém na hã. Te te iropisutuzém na ma tô duré ãma uwaimra, wahi'rata norĩ ma hã, 55Abra'ãhã ma, duré isihudu 're poto za'ra mono sidâpâsi, õne u'âsi.
56Tawamhã Maria hã ma tô nhamra Izabéu 'ratamhã, si'ubdatõ a'amo na. Taha pari ma tô apâ sina siri, tinhorõwa u hã.
Zuwã Batista hã ipotozé
57Tawamhã Izabéu ma, oto i'ra ipotozé bâdâ iwa waptã'ã wamhã, ma tô oto tãma podo, 'watébrémi na. 58Poto wamhã, isababa 're isõrõwa za'ra mono hã duré isiwadi norĩ zama, rowasu'u te te wapari za'ra wamhã, Uburé Danhib'apito iwẽ uptabi te te tãma i'manharĩzé hã, ma tô isiré sima rowẽ za'ra. 59Tawamhã ipotozém na 8 na bâdâ ãma si'utõrĩ parimhã, 'watébrémi hã ma tô siwi ãwisi, da te sihâiwata nhizâri da. Tawamhã imama nhisi na te te aré siwi sisi da, Zacaria na. 60Tane nherẽ, ina hã ma tô ãne tãma nharĩ za'ra:
— Maze di. Zuwã na, te za tinhisi.
61Tane nherẽ, ma tô ãne tãma nharĩ za'ra:
— Tane nherẽ, asiwadi 'remhã, ni'wa hã sisi õ di, Zuwã na hã.
62Tawamhã 'watébrémi mama ma, tinhib'rada hã ma tô 'manharĩ za'ra, te te siwi waihu'u da, niha za 'watébrémi hã sisi zô. 63Tawamhã Zacaria hã ma tô 'maiwaptẽ, wedepo ipo'o hâpâre hã. Taha na ma tô isisi hã ui'éré, ãne: “Zuwã na isisi hã.” Tahawa uburé ma tô ãma titob'uzu za'ra. 64Tawamhã awa'awi pesere, isadawa hã ma tô tãma si'ridawa. Ma duré tizoto wairo. Tahawa apâ ma tô oto mreme watobro. 'Re ihâimana u'âsi mono ãma te duré tiwata. 65Tawamhã isababa 're isõrõwa za'ra mono hã ma tô tãma tipahi pese za'ra. Tahawa Zudéa 're ẽtẽ 'rãihâ na uburé 're irosa'wari mono 'remhã, ma tô ãhã na rowasu'u hã ropé. 66Tahawa ãhã na rowasu'u, uburé da te iwapari za'ra hã ma tô nasi tasisadanharĩ za'ra ni, ãne:
— 'Watébrémi hã prédu wamhã, ãté niha te za 're hâimana.
E marĩ wa. Uburé Danhib'apito waihu'u pe hã, tô ãma 're hâimana mono wa.
Zacaria hã, 'Re ihâimana u'âsi mono ãma iwatazé
67Tawamhã Zacaria, Zuwãhã mama hã 'Re ihâimana u'âsi mono Pẽ'ẽzani ré 'masisi na iré hâimana wa, ma tô waihu'u siro, ãne:
68— Uburé Danhib'apito ãma si 're wawata u'âsi za'ra wa'aba mono, Izaraéu nhihudu norĩ te, 'Re ihâimana u'âsi mono ãma si, we te te wapawaptob za'ra wa, duré tinhib'a'uwẽ norĩ ma, te te sõmri wa, sima iwẽ na 're ihâimana za'ra mono zé hã.
69Ma tô we watẽme satõrĩ za'ra Danho'reptui'wa iwaihu'u pese uptabi hã, tãma iromhuri'wa, Davihi nhihudu hã.
70Wahub ahâ na ma tô ãma ai'utõ, 'Re ihâimana u'âsi mono te te ãma iropisutuzém na hã, tizadawa 'mahârâ'wa norĩ aimawi tãma 're ihâimana za'ra mono norĩ zadawa na.
71Ta hã ma tô ropisutu, te te wanho'reptu za'ra da, wanhitob'ru norĩ wi, duré wawẽ'õ'wa norĩ siptete na wazada 're ihâimana za'ra mono norĩ wi hã.
72Ma tô duré ropisutu, da'ãma 're isiba mono zé hã wamama norĩ ma, te te hâi'ré da, duré ropisutu zahi iwẽ uptabi hã te te i'manharĩzém na ãma po're pu'u da.
73-74Ropisutu zahi hã ma tô 'manha wahi'rada Abra'ãhã ma, za te te iwa'anho'reptu na hã wanhitob'ru norĩ nhiptetezé wi, tawap si wapahi ãna wa te 're romhuri za'ra mono da, 'Re ihâimana u'âsi mono ma. 75Ãne hã ma tô 'manha, aimawi õhõ ma si 're wahâimana za'ra mono da, duré i'uwaibaba na si isõ'remhã, bâtâ sidâpâ ti'ai ãma wapara na 're wanomro mono ré.
76Tahawa a hã 'watébrémi, te za da te 're asisi za'ra Danhipai u 're Ihâimana mono zadawa 'mahârâ'wa na, Uburé Danhib'apito nhowa za aimorĩ wa, bâdâdi hã sô sa'ra pese da.
77A hã te za a'uwẽ norĩ ma 're iwasu'u mo, danho'reptuzé hã, za te te sina 're i'uwaimrami za'ra mono na hã, 'Re ihâimana u'âsi mono iwasédé te te ãma 're i'ab'madâ'â mono õ zarina oto.
78E marĩ wa. Wate 'Re ihâimana u'âsi mono hã simizawi pese uptabi wa, duré da'ãma 're siba pese mono wa. Tahawa te za 'manha, ite rowa'a hã wanhisiwi te te 're rowa'a za'ra mono da, bâdâ 'rãiwatobro wi te te 're irowa'a mono ne.
79Tawamhã rowa'a hã te za te te 're rowa'a, robra na 're inomro mono norĩ ma hã, tidâ'â ma, 're ipahi za'ra mono norĩ ma hã. Tawamhã te za te te 're wanhimro, robzei u'âsi te, bâdâdi na 're wanomro mono da.
80Tawamhã 'watébrémi hã te prédu mono. Duré ipẽ'ẽzani hã te te tô siptete u'âsi. Te duré rop si 're irosa'wari mono ãma 're sãmra, Izaraéu nhihudu norĩ ma isihâi'rézéb u.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.