Atus 22
22
1Ãne te Paulu hã dama siwasu'u:
— Ĩsisãnawã norĩ duré damama norĩ, ma'ãpé ĩwapari za'ra wa'aba, ĩsi'wawi ĩmreme na ĩsimapazé hã.
2Tawamhã Ebreu norĩ mreme na te te dama inharĩzé hã da te wapari za'ra wamhã, ari'iwi pese ma tô oto aimasam ni. Tahawa Paulu hã te ãne dama siwasu'u:
3— Wa hã, Zudeu. Tarsu ãma ĩpotozé hã, Silisia 'remhã. Tane nherẽ, ãme wa ĩprédu, Zeruzalẽ 're. Gamaliéu hã ma tô te te ĩma 're romnhoré. Wa tô te 're romnhoré pese, wahi'rata norĩ te, roti zahi na hã. Ĩnhimi'ẽ na wa tô te 're romhuri pese, 'Re ihâimana u'âsi mono ma, asine za'ra wa'aba, ãhã na hã. 4Ã hã Bâdâdi na 're inomro mono norĩ ma, wa tô te tãma 're arob'manharĩ wasété. Wa tô duré te tãma 're apisutu, da te 're simroi mono da hã. Aibâ norĩ duré pi'õ norĩ zama, wa tô te 're awaibu. Dazazéb 're, wa tô duré te 're 'maza. 5Sasedoti tisiré norĩ nhipai u ipire hã duré uburé Zudeu norĩ ma roti'wa norĩ zama, te te waihu'u pese za'ra di, tô sena ĩsiwasu'u na hã. Ta norĩ hã ma tô tinhimi'ui'éré hã ĩma sõmri za'ra, Damascu ãma isazei'wa norĩ hâiba 'ru na hã, tamomo te âri da, isisãnawã norĩ Zudeu norĩ ma, te sõmri za'ra da. Tawamhã tamomo wa tô mo, Ã hã Bâdâdi na 're inomro mono norĩ hã te waibu da, isi'uwazi nhorõ rutu na pawasisi na te we simroi mono da ãwa Zeruzalẽ u, da te tãma rob'manharĩ wasété za'ra da hã.
6— Niwamhã abzuma wa'wa Damascu u te oto rosahutu wamhã, waptu na rosa'rese õ ré, ma tô rowa'a hâiwa hawi isiptete uptabi hã rowa'a, ĩmana wawi. 7Ti'ai u wa tô waptãrã. Tawamhã damreme wa tô wapa, ãne te te ĩma inharĩ hã: “Saulu, Saulu, e marĩ da, te ĩma 're irob'manharĩ wasété mo.”
8— Tawamhã wa tô sadanha, ãne: “Apito, e 'wa hã, a hã.”
— Ma tô ĩzada'â, ãne: “Wa hã Zezusi, Nazaré ãma aré 're ĩnhamra mono, tãma 're irob'manharĩ wasété mono.”
9— Aibâ norĩ ĩsiré isi'aba'ré norĩ hã rowa'a ma 'madâ'â za'ra. Tane nherẽ, damreme te te ĩma inharĩ hã te te siwi sadaihu'u õ di. 10Wa tô duré sadanha, ãne: “Apito, e marĩ, wa za 'manha.”
— Tawamhã Wanhib'apito ma ĩzada'â, ãne: “Aiwahutu. Damascu u asébré. Tame te za ni'wa hã aima waihu'u, uburé marĩ 're i'ab'manharĩ mono zéb da hã, 'Re ihâimana u'âsi mono te te sima iwẽ hã.”
11— Ta hã rowa'a isiptete uptabi hã ma tô ĩtob'a. Tahawa, ĩsiré isi'aba'ré norĩ hã ma tô ĩpano na siwi ĩzaprõ, Damascu u. 12Tamemhã te aibâ hã 're sãmra, Anania na isisi hã. Ta hã 'Re ihâimana u'âsi mono nhimiroti zahi 'madâ'â pese 'wa. Duré uburé Zudeu norĩ Damascu 're, 're ihâimana za'ra mono norĩ hã te te siwi 're wazé pese. 13Ta hã aibâ hã ma tô ĩzô rĩni. Ĩtẽme wisi wamhã, ma tô ãne ĩma tinha: “Ĩsisãnawã Saulu, apâ rob'madâ'â.”
— Tawamhã awa'awi pesere, wa tô apâ rob'madâ. Anania hã wa tô 'madâ. 14Tawamhã ta hã ma tô ãne ĩma tinha: “Saulu, 'Re ihâimana u'âsi mono wahi'rata norĩ te hã ma tô sima aipisutu, te te sima iwẽ hã waihu'u da duré 'madâ'â da, Ite Romhuri'wa Iwẽ hã duré wapari da, si'uihâ na te te aima inharĩzé hã. 15A hã te za uburé danho'a dama 're iwasu'u mo, i'madâ'âzé hã duré iwaparizé hã. 16Tahawa ãhã na hã e marĩ zô te asimipa. Ma'ãpé aiwahutu, â dawabzuri hã da te aima 'manharĩ da. Duré Wanhib'apito hã asina 'mahârâ, aiwasédé hã te te ai'ãma 'madâ'â tõ da.”
Paulu hã 'Re ihâimana u'âsi mono ma te te iromhurizé
17Tawamhã Paulu hã ma tô tisiwasu'u dama 'rãsutu, ãne:
— Tawamhã Zeruzalẽ u apâ ĩwisi wamhã, 'Re ihâimana u'âsi mono nhorõwa 'ri 'rãihâ ãma te rowaptẽrẽ ré hã, ma tô ĩma tihâiba, ĩnhotõ 'rowim ne te irob'madâ'âzé hã. 18Wa 'madâ Wanhib'apito hã. Ãne ma tô ĩma tinha: “Ma'ãpé waptu na aimorĩ Zeruzalẽ hawimhã, za da te dasiwi aiwapari õ wa, dama ĩwasu'uzém na hã.”
19— Tawamhã wa tô sada'â, ãne: “Wanhib'apito, dama ĩwaihu'u pese di, rowahutuzé mono bâ 're ĩzasi mono na hã, te te 're i'asaze za'ra mono norĩ hã te 're awaibui mono da, duré te 're ahâ za'ra mono da hã. 20Estevã te te 're i'aiwasu'u mono hã da te dasiwi wĩrĩ ré, wa dame ĩhâiba. Wa ãma dazaze, da te dasiwi iwĩrĩzém na hã. Iwĩrĩ'wa norĩ uza ihâpa hã, wa hã wa sa 'madâ'â za'ra.”
21— Tane nherẽ, Wanhib'apito hã ma tô ĩma tinha, ãne: “Mo oto aimorĩ. Romhâ na wa za asaprõ, zudeu'õ norĩ u.”
22Tawamhã da'ahâ uptabi na idahâimana za'ra hã Paulu ma tô dasiwi wapari ni, ãne te te inharĩzéb u. Tahawa ma tô oto dahârâ 'rãihâ uptabi na tahãsi ni, ãne:
— Wĩrĩ aba, ã hã aibâ hã. Sadai õ di, 're ihâimana mono da hã.
23Tawamhã dahârâ sina, da'uza hã ma tô sani za'ra ni. Robzapru hã hâimo ma tô duré nasi sãmra za'ra ni.
Paulu hã dasi'wapéi 'manharĩ'wa norĩ nhib'apito ma, isiwasu'uzé
24Tawamhã dasi'wapéi 'manharĩ'wa norĩ nhib'apito hã tite dasi'wapéi 'manharĩ'wa norĩ ma, ma tô 'ru za'ra, 'ri isiptete u te te siwi 'mazébré da, Paulu hã. Ma tô duré tãma 'ru za'ra, abazei hâ nhorõ 'manharĩ na dapré'ézém na te te siwi 're pré'é mono da, siwasu'u da, marĩ wa, dahârâ 'rãihâ na da te nasi dasiwi 'mahârâ zô. 25Te te siwi pawasisi ré hã te te siwi 're pré'é mono da, Paulu hã ma tô sadanha, dasi'wapéi 'manharĩ'wa norĩ wada'uri'wa i'rata isa hã, ãne:
— E aima i'ru zahi za'ra wa'aba bâ, romanu na iwamri hã 're ihâ za'ra wa'aba mono da hã da te ãma 're waihu'u za'ra mono õ nherẽ, marĩ te te 're i'upa za'ra mono zé hã.
26Tawamhã dasi'wapéi 'manharĩ'wa norĩ wada'uri'wa, ãne hã te te wapari wamhã, ma tô tinhib'apito ma wasu'u, ãne:
— E niha te za tãma irob'manha. Ãhã aibâ hã, romanu.
27Tawamhã, apito hã ma tô mo Pauluhu u. Ma tô sadanha, ãne:
— Ĩma asiwasu'u na, te waihu'u da. E tô a hã romanu.
— Ĩhe. Wa hã, romanu.
28Tawamhã apito hã te tãma siwasu'u, ãne:
— Wa hã duré romanu. Wa'âbâ za'ẽtẽ na wa wa'â ĩsima, romanu na 're ĩhâimana mono da hã.
Tawamhã Paulu hã te duré tãma tinha, ãne:
— Tazahã wa hã romanu na wa podo.
29Tawamhã awa'awi pesere aibâ norĩ te te aré siwi 're ipré'é mono da hã ma tô tãma ai'ré za'ra. Duré dasi'wapéi 'manharĩ'wa norĩ nhib'apito hã ãne hã te te waihu'u wamhã, ma tô tipẽ'ẽwara pese, isimiwada'uri zarina te te siwi pawasisi wa.
Paulu hã roti'wa norĩ nho're isiwasu'uzé
30Dasi'wapéi 'manharĩ'wa norĩ nhib'apito hã ma tô sima wẽ, te te waihu'u wẽ da, e marĩ wa, Pauluhu ãma ma tô Zudeu norĩ hã iwasédé hã hiri za'ra. Tahawa awẽm na ma tô ti'ru, da te dasiwi wazere da. Taha pari ma tô ti'ru, sasedoti dama ipire norĩ hã si'rã'õtõ da, duré uburé Zudeu norĩ ma roti'wa norĩ zama. Taha pari ma tô ti'ru, Paulu hã da te sãrĩ da, isõ'reb za'ra.
Iliyochaguliwa sasa
Atus 22: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 22
22
1Ãne te Paulu hã dama siwasu'u:
— Ĩsisãnawã norĩ duré damama norĩ, ma'ãpé ĩwapari za'ra wa'aba, ĩsi'wawi ĩmreme na ĩsimapazé hã.
2Tawamhã Ebreu norĩ mreme na te te dama inharĩzé hã da te wapari za'ra wamhã, ari'iwi pese ma tô oto aimasam ni. Tahawa Paulu hã te ãne dama siwasu'u:
3— Wa hã, Zudeu. Tarsu ãma ĩpotozé hã, Silisia 'remhã. Tane nherẽ, ãme wa ĩprédu, Zeruzalẽ 're. Gamaliéu hã ma tô te te ĩma 're romnhoré. Wa tô te 're romnhoré pese, wahi'rata norĩ te, roti zahi na hã. Ĩnhimi'ẽ na wa tô te 're romhuri pese, 'Re ihâimana u'âsi mono ma, asine za'ra wa'aba, ãhã na hã. 4Ã hã Bâdâdi na 're inomro mono norĩ ma, wa tô te tãma 're arob'manharĩ wasété. Wa tô duré te tãma 're apisutu, da te 're simroi mono da hã. Aibâ norĩ duré pi'õ norĩ zama, wa tô te 're awaibu. Dazazéb 're, wa tô duré te 're 'maza. 5Sasedoti tisiré norĩ nhipai u ipire hã duré uburé Zudeu norĩ ma roti'wa norĩ zama, te te waihu'u pese za'ra di, tô sena ĩsiwasu'u na hã. Ta norĩ hã ma tô tinhimi'ui'éré hã ĩma sõmri za'ra, Damascu ãma isazei'wa norĩ hâiba 'ru na hã, tamomo te âri da, isisãnawã norĩ Zudeu norĩ ma, te sõmri za'ra da. Tawamhã tamomo wa tô mo, Ã hã Bâdâdi na 're inomro mono norĩ hã te waibu da, isi'uwazi nhorõ rutu na pawasisi na te we simroi mono da ãwa Zeruzalẽ u, da te tãma rob'manharĩ wasété za'ra da hã.
6— Niwamhã abzuma wa'wa Damascu u te oto rosahutu wamhã, waptu na rosa'rese õ ré, ma tô rowa'a hâiwa hawi isiptete uptabi hã rowa'a, ĩmana wawi. 7Ti'ai u wa tô waptãrã. Tawamhã damreme wa tô wapa, ãne te te ĩma inharĩ hã: “Saulu, Saulu, e marĩ da, te ĩma 're irob'manharĩ wasété mo.”
8— Tawamhã wa tô sadanha, ãne: “Apito, e 'wa hã, a hã.”
— Ma tô ĩzada'â, ãne: “Wa hã Zezusi, Nazaré ãma aré 're ĩnhamra mono, tãma 're irob'manharĩ wasété mono.”
9— Aibâ norĩ ĩsiré isi'aba'ré norĩ hã rowa'a ma 'madâ'â za'ra. Tane nherẽ, damreme te te ĩma inharĩ hã te te siwi sadaihu'u õ di. 10Wa tô duré sadanha, ãne: “Apito, e marĩ, wa za 'manha.”
— Tawamhã Wanhib'apito ma ĩzada'â, ãne: “Aiwahutu. Damascu u asébré. Tame te za ni'wa hã aima waihu'u, uburé marĩ 're i'ab'manharĩ mono zéb da hã, 'Re ihâimana u'âsi mono te te sima iwẽ hã.”
11— Ta hã rowa'a isiptete uptabi hã ma tô ĩtob'a. Tahawa, ĩsiré isi'aba'ré norĩ hã ma tô ĩpano na siwi ĩzaprõ, Damascu u. 12Tamemhã te aibâ hã 're sãmra, Anania na isisi hã. Ta hã 'Re ihâimana u'âsi mono nhimiroti zahi 'madâ'â pese 'wa. Duré uburé Zudeu norĩ Damascu 're, 're ihâimana za'ra mono norĩ hã te te siwi 're wazé pese. 13Ta hã aibâ hã ma tô ĩzô rĩni. Ĩtẽme wisi wamhã, ma tô ãne ĩma tinha: “Ĩsisãnawã Saulu, apâ rob'madâ'â.”
— Tawamhã awa'awi pesere, wa tô apâ rob'madâ. Anania hã wa tô 'madâ. 14Tawamhã ta hã ma tô ãne ĩma tinha: “Saulu, 'Re ihâimana u'âsi mono wahi'rata norĩ te hã ma tô sima aipisutu, te te sima iwẽ hã waihu'u da duré 'madâ'â da, Ite Romhuri'wa Iwẽ hã duré wapari da, si'uihâ na te te aima inharĩzé hã. 15A hã te za uburé danho'a dama 're iwasu'u mo, i'madâ'âzé hã duré iwaparizé hã. 16Tahawa ãhã na hã e marĩ zô te asimipa. Ma'ãpé aiwahutu, â dawabzuri hã da te aima 'manharĩ da. Duré Wanhib'apito hã asina 'mahârâ, aiwasédé hã te te ai'ãma 'madâ'â tõ da.”
Paulu hã 'Re ihâimana u'âsi mono ma te te iromhurizé
17Tawamhã Paulu hã ma tô tisiwasu'u dama 'rãsutu, ãne:
— Tawamhã Zeruzalẽ u apâ ĩwisi wamhã, 'Re ihâimana u'âsi mono nhorõwa 'ri 'rãihâ ãma te rowaptẽrẽ ré hã, ma tô ĩma tihâiba, ĩnhotõ 'rowim ne te irob'madâ'âzé hã. 18Wa 'madâ Wanhib'apito hã. Ãne ma tô ĩma tinha: “Ma'ãpé waptu na aimorĩ Zeruzalẽ hawimhã, za da te dasiwi aiwapari õ wa, dama ĩwasu'uzém na hã.”
19— Tawamhã wa tô sada'â, ãne: “Wanhib'apito, dama ĩwaihu'u pese di, rowahutuzé mono bâ 're ĩzasi mono na hã, te te 're i'asaze za'ra mono norĩ hã te 're awaibui mono da, duré te 're ahâ za'ra mono da hã. 20Estevã te te 're i'aiwasu'u mono hã da te dasiwi wĩrĩ ré, wa dame ĩhâiba. Wa ãma dazaze, da te dasiwi iwĩrĩzém na hã. Iwĩrĩ'wa norĩ uza ihâpa hã, wa hã wa sa 'madâ'â za'ra.”
21— Tane nherẽ, Wanhib'apito hã ma tô ĩma tinha, ãne: “Mo oto aimorĩ. Romhâ na wa za asaprõ, zudeu'õ norĩ u.”
22Tawamhã da'ahâ uptabi na idahâimana za'ra hã Paulu ma tô dasiwi wapari ni, ãne te te inharĩzéb u. Tahawa ma tô oto dahârâ 'rãihâ uptabi na tahãsi ni, ãne:
— Wĩrĩ aba, ã hã aibâ hã. Sadai õ di, 're ihâimana mono da hã.
23Tawamhã dahârâ sina, da'uza hã ma tô sani za'ra ni. Robzapru hã hâimo ma tô duré nasi sãmra za'ra ni.
Paulu hã dasi'wapéi 'manharĩ'wa norĩ nhib'apito ma, isiwasu'uzé
24Tawamhã dasi'wapéi 'manharĩ'wa norĩ nhib'apito hã tite dasi'wapéi 'manharĩ'wa norĩ ma, ma tô 'ru za'ra, 'ri isiptete u te te siwi 'mazébré da, Paulu hã. Ma tô duré tãma 'ru za'ra, abazei hâ nhorõ 'manharĩ na dapré'ézém na te te siwi 're pré'é mono da, siwasu'u da, marĩ wa, dahârâ 'rãihâ na da te nasi dasiwi 'mahârâ zô. 25Te te siwi pawasisi ré hã te te siwi 're pré'é mono da, Paulu hã ma tô sadanha, dasi'wapéi 'manharĩ'wa norĩ wada'uri'wa i'rata isa hã, ãne:
— E aima i'ru zahi za'ra wa'aba bâ, romanu na iwamri hã 're ihâ za'ra wa'aba mono da hã da te ãma 're waihu'u za'ra mono õ nherẽ, marĩ te te 're i'upa za'ra mono zé hã.
26Tawamhã dasi'wapéi 'manharĩ'wa norĩ wada'uri'wa, ãne hã te te wapari wamhã, ma tô tinhib'apito ma wasu'u, ãne:
— E niha te za tãma irob'manha. Ãhã aibâ hã, romanu.
27Tawamhã, apito hã ma tô mo Pauluhu u. Ma tô sadanha, ãne:
— Ĩma asiwasu'u na, te waihu'u da. E tô a hã romanu.
— Ĩhe. Wa hã, romanu.
28Tawamhã apito hã te tãma siwasu'u, ãne:
— Wa hã duré romanu. Wa'âbâ za'ẽtẽ na wa wa'â ĩsima, romanu na 're ĩhâimana mono da hã.
Tawamhã Paulu hã te duré tãma tinha, ãne:
— Tazahã wa hã romanu na wa podo.
29Tawamhã awa'awi pesere aibâ norĩ te te aré siwi 're ipré'é mono da hã ma tô tãma ai'ré za'ra. Duré dasi'wapéi 'manharĩ'wa norĩ nhib'apito hã ãne hã te te waihu'u wamhã, ma tô tipẽ'ẽwara pese, isimiwada'uri zarina te te siwi pawasisi wa.
Paulu hã roti'wa norĩ nho're isiwasu'uzé
30Dasi'wapéi 'manharĩ'wa norĩ nhib'apito hã ma tô sima wẽ, te te waihu'u wẽ da, e marĩ wa, Pauluhu ãma ma tô Zudeu norĩ hã iwasédé hã hiri za'ra. Tahawa awẽm na ma tô ti'ru, da te dasiwi wazere da. Taha pari ma tô ti'ru, sasedoti dama ipire norĩ hã si'rã'õtõ da, duré uburé Zudeu norĩ ma roti'wa norĩ zama. Taha pari ma tô ti'ru, Paulu hã da te sãrĩ da, isõ'reb za'ra.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.