Atus 19
19
Paulu hã, Éfézu ãma romhuri te te i'manharĩzé
1Apolu hã Corĩtu ãma sãmra ré, ma tô Paulu hã ro'razâ Éfézu u, sa'a wa'waibaba. Tame ma tô nima norĩ isazei'wa norĩ hã sõpẽtẽ za'ra. 2Tawamhã ma tô sadanharĩ za'ra, ãne:
— Saze za'ra wa'aba wamhã, e 'Re ihâimana u'âsi mono Pẽ'ẽzani hã ma iwaibui wa'wa.
Tahawa ma siwi sada'â, ãne:
— Mare di, iwasu'u hã wa te wapari za'ra õ di, Ipẽ'ẽzani 're ihâimana mono na hã.
3Tawamhã Paulu hã te duré sadanharĩ za'ra, ãne:
— Tawamhã bété, e 'wa simirowahutu zarina ma tô â dawabzuri hã i'manharĩ za'ra wa'wa.
Ma duré siwi sada'â, ãne:
— Zuwã Batistaha nhimirowahutu zarina wa tô 'manharĩ za'ra ni, â dawabzuri hã.
4Tahawa Paulu hã ma tô tãma nharĩ za'ra, ãne:
— Zuwã hã dawasété wi 're idasipizari za'ra mono zéb zarina ma tô â dawabzuri hã te te dama 're a'manharĩ. Izaraéu nhihudu norĩ ma, ma tô duré te te 're rowasu'u, isa'u we imorĩ hã te te saze za'ra da, tô Zezusi hã.
5Tawamhã ãne hã te te wapari za'ra wamhã, â dawabzuri hã ma tô 'manharĩ za'ra, Wanhib'apito Zezusihi nhisi na. 6Tawamhã Paulu hã tinhib'rada te te ãma aza'ra wamhã, 'Re ihâimana u'âsi mono Pẽ'ẽzani hã ma tô we itẽme si'ra za'ra. Tahawa ma tô damreme aimawi na mreme zu oto. Ma tô duré 'Re ihâimana u'âsi mono zadawa wasu'u na dama rowasu'u za'ra. 7Ã hã aibâ norĩ, niwamhã 12 na ihâiba za'ra hã.
8Tawamhã a'amo si'ubdatõ isi'utõrĩ mono na ma tô Paulu hã nasi ãza, Zudeu norĩ te rowahutuzéb u hã. Tame pahi ãna ma tô nasi dama rowahutu. Ma tô nasi dama arobzanha, te te da'apizari da duré da te ãma saze za'ra da, 'Re ihâimana u'âsi mono da'ãma 're isib'a'uwẽ mono zém na hã. 9Tane nherẽ, ni'wam norĩ hã ma tô tipẽ'ẽ tete pese za'ra. Te te isaze za'ra da hã, te te duré sima wẽ za'ra õ di. Danho'a ma tô duré ãma wasété za'ra, Wanhib'apito te bâdâdi na 're idanomro mono zém na hã. Tawamhã Paulu hã ma tô isiti timorĩ za'ra. Isiré 're inomro mono norĩ si ma tô siré te te simro. Bâtâ sidâpâ ma tô nasi dama rowahutu za'ra, Tiranuhu te romnhorézéb ãma. 10Maparane wahum na ma tô ãne hã 'manha, Wanhib'apito zadawa wasu'u hã uburé da te iwapari za'ra zéb u, Azia na danhipti'a nho'õmo nhisi ãma 're ihâimana za'ra mono, Zudeu norĩ duré zudeu'õ norĩ hã.
Cevaha 'ra norĩ
11Tawamhã 'Re ihâimana u'âsi mono hã, marĩ dama i'manharĩ waihu'u'õ iwẽ uptabi hã ma tô te te 're a'manharĩ, Pauluhu nhib'rata na. 12Tahawa Pauluhu te zazahâ hâirã duré zazahâ marĩ 'manharĩ da, ãma 're isi'awasisi mono zé hã, ma tô da te 're 'wasari, ihâzé ré norĩ te te 're upi za'ra mono da hã. Te te 're upi za'ra mono wamhã, ma tô 're pese za'ra. Wa'uburé zama ma tô duré 're wairébé dahawi. 13Tawamhã ni'wam norĩ Zudeu norĩ hã wa'uburé te te dama 're sãmra za'ra mono da, 're inomro mono norĩ hã ma tô sima wẽ za'ra aré, Wanhib'apito Zezusihi nhisi na te te tãma rob'ru za'ra da, wa'uburé ma hã. Ãne ma tô tãma rob'ru za'ra:
— Zezusihi nhisi na, Paulu te te dama 're iwasu'u mono na, wa aima rob'ru za'ra wa'wa, aiwairébé wa'aba da.
14Ãne hã aibâ norĩ te te 're i'manharĩ za'ra mono hã 7 na ihâiba za'ra, Cevaha 'ra norĩ. Ta hã Zudeu, sasedoti tisiré norĩ nhipai u ipire. 15Tane nherẽ, nimahã bâtâ na wa'uburé hã ma tô tãma nharĩ za'ra, ãne:
— Zezusi hã ĩma waihu'u pese di. Paulu hã duré ĩma waihu'u pese di. Tazahã, e 'wam norĩ hã a norĩ wa'wa.
16Tawamhã aibâ wa'uburé ré 're imorĩ hã ma tô sô sime za'ra. Ma tô hâ za'ra, sa'ẽtẽ uptabi. Tahawa 'ri hawi ma tô sisa're ai'uréiwi, u'a na. 17Tawamhã Éfézu ãma 're isi'ubumroi mono norĩ, Zudeu norĩ duré zudeu'õ norĩ hã rowasu'u te te waihu'u za'ra wamhã, ma tô tãma tipahi pese za'ra. Tahawa Wanhib'apito Zezusihi nhisi hã dama wazé pese uptabi di oto. 18Tawamhã da'ahâ na da te 're isaze za'ra mono hã ma tô danho'a 're dasiwasu'u za'ra, marĩ iwasédé hã da te 're i'manharĩ za'ra mono zém na hã. 19Tawamhã da'ahâ na abzé, aré da te 're i'manharĩ za'ra mono norĩ hã ma tô tite za'ra ãma rob'ui'éré hã ãwisi za'ra ni, danho'a da te ãma ro'o za'ra da. Ãma irob'ui'éré hã da te ãma iro'o za'ra wa'â, da te sa'rata za'ra wamhã, ma tô watobro 50 miu na rob'uiprazé isapotore ẽtẽ waipo prã prata 'manharĩ hã. 20Ãne wa, Wanhib'apito mreme hã dama pire uptabi di oto. Daro mono bâ ma tô da te ãma ropé.
Éfézu ãma ro'wa'rudu iwatobrozé
21Ãne hã 're romhâimana mono parimhã, Paulu hã ma tô sima rowairébé, morĩ da, Masédonia wa'waibaba duré Acaia wa'waibaba, taha pari Zeruzalẽ u morĩ da. Ãne te sima tinha:
— Zeruzalẽ u ĩmorĩ parip si, tô i'ru zahi Roma u ĩmorĩ da hã.
22Tawamhã Paulu hã Masédonia u ma tô maparane satõrĩ zahuré tipawapto'wa norĩ hã, Timotiu norĩ Erastuhu me. Tane nherẽ, Paulu ma tô a'â nhamra niha bâtâ na, Azia na danhipti'a nho'õmo nhisi ãma hã.
23Taha bâtâ mono na ma tô ro'wa'rudu hã watobro Éfézu 'remhã, Wanhib'apito te bâdâdi u'âbâmhã. 24Aibâ hã ẽtẽ waipo prata na marĩ 'manharĩ'wa Dimetriu na isisi hã ma tô nasi a'manha, prata na romhâiba ĩsurure hã Diãna na ihâiba'õ ma 'ri 'rãihâ isam na. Tahawa tãma iromhuri'wa norĩ hã pawa'âbâ wẽ di. 25Tawamhã Dimetriu hã ma tô sô tihârâ za'ra, isine romhuri te te 're i'manharĩ za'ra mono norĩ zô. Ãne te tãma nharĩ za'ra:
— Ĩsiwaihu'u norĩ, aima waihu'u pese za'ra wa'aba di, wanhimarĩ hã ã hã wanhimiromhuri za'ra hawim na hã. 26Asi'uihâ na te nasi i'madâ'â za'ra wa'wa. Te duré nasi iwapari za'ra wa'wa, Paulu te te nasi dama irowasu'uzé hã. Te nasi dama rowahutu romhâiba danhib'rata na i'manharĩ hã, ihâiba'õ i'uptabi õ na hã. Ãne na te da'apiza da'ahâ na, ãhã 'remhã duré aré uburé Azia na danhipti'a nho'õmo 'remhã. 27Ãne wa, romnhimimnhasi di, wanhimiromhuri za'ra hã da te wawi wẽ'õ za'ra õ'umnhasite. Taha si õ di. Duré isimimnha hã Diãna te 'ri za'ẽne hã taré oto 're hâimana mono õ'umnhasite, duré da te dasiwi prub õ'umnhasite, ihâiba'õ dama isa'ẽne hã, Azia 're duré danhipti'ai mono bâ daro mono bâ, ãma 're idawata za'ra mono hã.
28Ãne hã imreme da te wapari za'ra wamhã, da'ahâ uptabi na ma tô ab'rui pese za'ra ni. Ma tô duré tahãsi ni, dahârâ 'rãihâ na, ãne:
— Diãna hã, danhipai u dama pire di, Éfézu ãma 're isi'ubumroi mono norĩ te hã.
29Tawamhã ro'wa'rudu hã 'ri nho'õmo 'remhã ropâ ma tô ropé. Ma tô 're dasiwa'rãmi. Tahawa ma tô dasiwi mrami zahuré ni Gaiu norĩ Aristarcuhu me hã, Pauluhu siré 're ine, Masédonia ãma 're isimasisi zahuré mono aré. Ma tô da te ãma robâdâ zahuré, rob're za'ẽne marĩ da, 'ri wa'õtõ 're, 're idasi'rã'õtõ mono zéb u. 30Tawamhã Paulu hã ma tô aré sima wẽ, da'ahâ na idahâimana za'ra norĩ ma, te te nharĩ da. Tane nherẽ, Zezusihi zazei'wa norĩ hã ma tô ãma ropti za'ra. 31Nima norĩ tame danhipti'ai 're dama ipire norĩ, Pauluhu siwaihu'u norĩ hã ma tô romreme ré itẽme da'mazatõrĩ za'ra. Ma tô tiwi rosawi pese za'ra, morĩ tõ da, rob're za'ẽne marĩ da, 'ri wa'õtõ 're, 're idasi'rã'õtõ mono zéb u hã. 32Idasi'rã'õtõzéb ãma hã siwa'ru ma tô tahâimana za'ra ni. Ni'wam norĩ hã ma tô aimawi nasi hã, duré ni'wam norĩ aimawi. Da'ahâ na dame idahâimana za'ra hã da te waihu'u za'ra õ di, marĩ zô dame idahâimana za'ra na hã. 33Ni'wam norĩ hã ma tô rosa'rata za'ra, Alesãdri i'upai'wa na hã. Tahawa Zudeu norĩ hã ma tô siwi tisã, danho're u. Tawamhã tinhib'rada hã ma tô aré dama 'manha ari'iwi dasimasab da, te te sima wẽ wa, si'wawi simapa da, timreme na danho'remhã. 34Tane nherẽ, Zudeu na te te siwi waihu'u wamhã, aiwap si ma tô tahãsi ni. Bâtâ pibuzé hã maparane ma tô da'ãma ai'utõ, nasi dahãsi ré hã, ãne:
— Diãna hã, danhipai u dama pire uptabi di, Éfézu ãma 're isi'ubumroi mono norĩ te hã.
35Tawamhã 'ri nho'õmo 're, danhib'apito ma rob'ui'éré'wa hã ma tô oto da'awahâ, dawaimri dahâimana za'ra da. Ãne te dama tinha:
— Éfézu ãma 're i'ai'ubumroi wa'aba mono norĩ, aima waihu'u pese za'ra wa'aba di, wate za'ra 'ri nho'u hã, Diãna dama isa'ẽne rob'madâ'â'wai ma, 'ri 'rãihâ iwa 're isa mono na hã duré ẽne iwazé pe hâiwa hawi we iwaptã'ã na zama. 36Ã hã ni'wa hã te te udâ waihu'u õ di. Ãne wa, aiwaimri aihâimana za'ra wa'aba. Duré marĩ hã 'manharĩ za'ra wa'aba tõ, ãma rosa'rata pese za'ra wa'aba õ ré hã. 37Ma we asiwi i'ãwisi zahuré wa'wa ã hã aibâ norĩ hã, marĩ te te simi'uri zahuré õ nherẽ, Diãna isabzé 'ri 'remhã. Duré wate za'ra ihâiba'õ sipi'õi ãma hã te te wasété zahuré õ di. 38Dimetriu hã duré isine isimiromhuri norĩ hã, marĩ na ni'wa hã te te siwi wasu'u wasété da wamhã, da'ãma rowairébézé hã, 'ridawa haré sada hã. Dama ipire norĩ zama te sada tihâimana za'ra. Tamep si te za marĩ hã wasu'u za'ra. 39Tazahã ãhã nhipai u marĩ hã wasu'u za'ra wa'aba da wamhã, uburé norĩ nho'a te za tihâiba, roti zahi te te wama i'ru za'ra zéb zarina. 40Tô ã bâtâ na iromhâimanazé u'âbâmhã, simimnhasi di, da te wawasu'u wasété za'ra õ'umnhasite, uburé da'ãma rowairébézé wi, wa te iro'wa'ré za'ra na hã. Ãne wamhã, i'uwaibaba na wa te rowasu'u waihu'u za'ra õ di za, ãhã na iromhâimanazé ro'wa'rutu na hã.
41Ãne na te te dama nharĩ pari, ma tô dama rob'ru, dawairébé da oto.
Iliyochaguliwa sasa
Atus 19: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 19
19
Paulu hã, Éfézu ãma romhuri te te i'manharĩzé
1Apolu hã Corĩtu ãma sãmra ré, ma tô Paulu hã ro'razâ Éfézu u, sa'a wa'waibaba. Tame ma tô nima norĩ isazei'wa norĩ hã sõpẽtẽ za'ra. 2Tawamhã ma tô sadanharĩ za'ra, ãne:
— Saze za'ra wa'aba wamhã, e 'Re ihâimana u'âsi mono Pẽ'ẽzani hã ma iwaibui wa'wa.
Tahawa ma siwi sada'â, ãne:
— Mare di, iwasu'u hã wa te wapari za'ra õ di, Ipẽ'ẽzani 're ihâimana mono na hã.
3Tawamhã Paulu hã te duré sadanharĩ za'ra, ãne:
— Tawamhã bété, e 'wa simirowahutu zarina ma tô â dawabzuri hã i'manharĩ za'ra wa'wa.
Ma duré siwi sada'â, ãne:
— Zuwã Batistaha nhimirowahutu zarina wa tô 'manharĩ za'ra ni, â dawabzuri hã.
4Tahawa Paulu hã ma tô tãma nharĩ za'ra, ãne:
— Zuwã hã dawasété wi 're idasipizari za'ra mono zéb zarina ma tô â dawabzuri hã te te dama 're a'manharĩ. Izaraéu nhihudu norĩ ma, ma tô duré te te 're rowasu'u, isa'u we imorĩ hã te te saze za'ra da, tô Zezusi hã.
5Tawamhã ãne hã te te wapari za'ra wamhã, â dawabzuri hã ma tô 'manharĩ za'ra, Wanhib'apito Zezusihi nhisi na. 6Tawamhã Paulu hã tinhib'rada te te ãma aza'ra wamhã, 'Re ihâimana u'âsi mono Pẽ'ẽzani hã ma tô we itẽme si'ra za'ra. Tahawa ma tô damreme aimawi na mreme zu oto. Ma tô duré 'Re ihâimana u'âsi mono zadawa wasu'u na dama rowasu'u za'ra. 7Ã hã aibâ norĩ, niwamhã 12 na ihâiba za'ra hã.
8Tawamhã a'amo si'ubdatõ isi'utõrĩ mono na ma tô Paulu hã nasi ãza, Zudeu norĩ te rowahutuzéb u hã. Tame pahi ãna ma tô nasi dama rowahutu. Ma tô nasi dama arobzanha, te te da'apizari da duré da te ãma saze za'ra da, 'Re ihâimana u'âsi mono da'ãma 're isib'a'uwẽ mono zém na hã. 9Tane nherẽ, ni'wam norĩ hã ma tô tipẽ'ẽ tete pese za'ra. Te te isaze za'ra da hã, te te duré sima wẽ za'ra õ di. Danho'a ma tô duré ãma wasété za'ra, Wanhib'apito te bâdâdi na 're idanomro mono zém na hã. Tawamhã Paulu hã ma tô isiti timorĩ za'ra. Isiré 're inomro mono norĩ si ma tô siré te te simro. Bâtâ sidâpâ ma tô nasi dama rowahutu za'ra, Tiranuhu te romnhorézéb ãma. 10Maparane wahum na ma tô ãne hã 'manha, Wanhib'apito zadawa wasu'u hã uburé da te iwapari za'ra zéb u, Azia na danhipti'a nho'õmo nhisi ãma 're ihâimana za'ra mono, Zudeu norĩ duré zudeu'õ norĩ hã.
Cevaha 'ra norĩ
11Tawamhã 'Re ihâimana u'âsi mono hã, marĩ dama i'manharĩ waihu'u'õ iwẽ uptabi hã ma tô te te 're a'manharĩ, Pauluhu nhib'rata na. 12Tahawa Pauluhu te zazahâ hâirã duré zazahâ marĩ 'manharĩ da, ãma 're isi'awasisi mono zé hã, ma tô da te 're 'wasari, ihâzé ré norĩ te te 're upi za'ra mono da hã. Te te 're upi za'ra mono wamhã, ma tô 're pese za'ra. Wa'uburé zama ma tô duré 're wairébé dahawi. 13Tawamhã ni'wam norĩ Zudeu norĩ hã wa'uburé te te dama 're sãmra za'ra mono da, 're inomro mono norĩ hã ma tô sima wẽ za'ra aré, Wanhib'apito Zezusihi nhisi na te te tãma rob'ru za'ra da, wa'uburé ma hã. Ãne ma tô tãma rob'ru za'ra:
— Zezusihi nhisi na, Paulu te te dama 're iwasu'u mono na, wa aima rob'ru za'ra wa'wa, aiwairébé wa'aba da.
14Ãne hã aibâ norĩ te te 're i'manharĩ za'ra mono hã 7 na ihâiba za'ra, Cevaha 'ra norĩ. Ta hã Zudeu, sasedoti tisiré norĩ nhipai u ipire. 15Tane nherẽ, nimahã bâtâ na wa'uburé hã ma tô tãma nharĩ za'ra, ãne:
— Zezusi hã ĩma waihu'u pese di. Paulu hã duré ĩma waihu'u pese di. Tazahã, e 'wam norĩ hã a norĩ wa'wa.
16Tawamhã aibâ wa'uburé ré 're imorĩ hã ma tô sô sime za'ra. Ma tô hâ za'ra, sa'ẽtẽ uptabi. Tahawa 'ri hawi ma tô sisa're ai'uréiwi, u'a na. 17Tawamhã Éfézu ãma 're isi'ubumroi mono norĩ, Zudeu norĩ duré zudeu'õ norĩ hã rowasu'u te te waihu'u za'ra wamhã, ma tô tãma tipahi pese za'ra. Tahawa Wanhib'apito Zezusihi nhisi hã dama wazé pese uptabi di oto. 18Tawamhã da'ahâ na da te 're isaze za'ra mono hã ma tô danho'a 're dasiwasu'u za'ra, marĩ iwasédé hã da te 're i'manharĩ za'ra mono zém na hã. 19Tawamhã da'ahâ na abzé, aré da te 're i'manharĩ za'ra mono norĩ hã ma tô tite za'ra ãma rob'ui'éré hã ãwisi za'ra ni, danho'a da te ãma ro'o za'ra da. Ãma irob'ui'éré hã da te ãma iro'o za'ra wa'â, da te sa'rata za'ra wamhã, ma tô watobro 50 miu na rob'uiprazé isapotore ẽtẽ waipo prã prata 'manharĩ hã. 20Ãne wa, Wanhib'apito mreme hã dama pire uptabi di oto. Daro mono bâ ma tô da te ãma ropé.
Éfézu ãma ro'wa'rudu iwatobrozé
21Ãne hã 're romhâimana mono parimhã, Paulu hã ma tô sima rowairébé, morĩ da, Masédonia wa'waibaba duré Acaia wa'waibaba, taha pari Zeruzalẽ u morĩ da. Ãne te sima tinha:
— Zeruzalẽ u ĩmorĩ parip si, tô i'ru zahi Roma u ĩmorĩ da hã.
22Tawamhã Paulu hã Masédonia u ma tô maparane satõrĩ zahuré tipawapto'wa norĩ hã, Timotiu norĩ Erastuhu me. Tane nherẽ, Paulu ma tô a'â nhamra niha bâtâ na, Azia na danhipti'a nho'õmo nhisi ãma hã.
23Taha bâtâ mono na ma tô ro'wa'rudu hã watobro Éfézu 'remhã, Wanhib'apito te bâdâdi u'âbâmhã. 24Aibâ hã ẽtẽ waipo prata na marĩ 'manharĩ'wa Dimetriu na isisi hã ma tô nasi a'manha, prata na romhâiba ĩsurure hã Diãna na ihâiba'õ ma 'ri 'rãihâ isam na. Tahawa tãma iromhuri'wa norĩ hã pawa'âbâ wẽ di. 25Tawamhã Dimetriu hã ma tô sô tihârâ za'ra, isine romhuri te te 're i'manharĩ za'ra mono norĩ zô. Ãne te tãma nharĩ za'ra:
— Ĩsiwaihu'u norĩ, aima waihu'u pese za'ra wa'aba di, wanhimarĩ hã ã hã wanhimiromhuri za'ra hawim na hã. 26Asi'uihâ na te nasi i'madâ'â za'ra wa'wa. Te duré nasi iwapari za'ra wa'wa, Paulu te te nasi dama irowasu'uzé hã. Te nasi dama rowahutu romhâiba danhib'rata na i'manharĩ hã, ihâiba'õ i'uptabi õ na hã. Ãne na te da'apiza da'ahâ na, ãhã 'remhã duré aré uburé Azia na danhipti'a nho'õmo 'remhã. 27Ãne wa, romnhimimnhasi di, wanhimiromhuri za'ra hã da te wawi wẽ'õ za'ra õ'umnhasite. Taha si õ di. Duré isimimnha hã Diãna te 'ri za'ẽne hã taré oto 're hâimana mono õ'umnhasite, duré da te dasiwi prub õ'umnhasite, ihâiba'õ dama isa'ẽne hã, Azia 're duré danhipti'ai mono bâ daro mono bâ, ãma 're idawata za'ra mono hã.
28Ãne hã imreme da te wapari za'ra wamhã, da'ahâ uptabi na ma tô ab'rui pese za'ra ni. Ma tô duré tahãsi ni, dahârâ 'rãihâ na, ãne:
— Diãna hã, danhipai u dama pire di, Éfézu ãma 're isi'ubumroi mono norĩ te hã.
29Tawamhã ro'wa'rudu hã 'ri nho'õmo 'remhã ropâ ma tô ropé. Ma tô 're dasiwa'rãmi. Tahawa ma tô dasiwi mrami zahuré ni Gaiu norĩ Aristarcuhu me hã, Pauluhu siré 're ine, Masédonia ãma 're isimasisi zahuré mono aré. Ma tô da te ãma robâdâ zahuré, rob're za'ẽne marĩ da, 'ri wa'õtõ 're, 're idasi'rã'õtõ mono zéb u. 30Tawamhã Paulu hã ma tô aré sima wẽ, da'ahâ na idahâimana za'ra norĩ ma, te te nharĩ da. Tane nherẽ, Zezusihi zazei'wa norĩ hã ma tô ãma ropti za'ra. 31Nima norĩ tame danhipti'ai 're dama ipire norĩ, Pauluhu siwaihu'u norĩ hã ma tô romreme ré itẽme da'mazatõrĩ za'ra. Ma tô tiwi rosawi pese za'ra, morĩ tõ da, rob're za'ẽne marĩ da, 'ri wa'õtõ 're, 're idasi'rã'õtõ mono zéb u hã. 32Idasi'rã'õtõzéb ãma hã siwa'ru ma tô tahâimana za'ra ni. Ni'wam norĩ hã ma tô aimawi nasi hã, duré ni'wam norĩ aimawi. Da'ahâ na dame idahâimana za'ra hã da te waihu'u za'ra õ di, marĩ zô dame idahâimana za'ra na hã. 33Ni'wam norĩ hã ma tô rosa'rata za'ra, Alesãdri i'upai'wa na hã. Tahawa Zudeu norĩ hã ma tô siwi tisã, danho're u. Tawamhã tinhib'rada hã ma tô aré dama 'manha ari'iwi dasimasab da, te te sima wẽ wa, si'wawi simapa da, timreme na danho'remhã. 34Tane nherẽ, Zudeu na te te siwi waihu'u wamhã, aiwap si ma tô tahãsi ni. Bâtâ pibuzé hã maparane ma tô da'ãma ai'utõ, nasi dahãsi ré hã, ãne:
— Diãna hã, danhipai u dama pire uptabi di, Éfézu ãma 're isi'ubumroi mono norĩ te hã.
35Tawamhã 'ri nho'õmo 're, danhib'apito ma rob'ui'éré'wa hã ma tô oto da'awahâ, dawaimri dahâimana za'ra da. Ãne te dama tinha:
— Éfézu ãma 're i'ai'ubumroi wa'aba mono norĩ, aima waihu'u pese za'ra wa'aba di, wate za'ra 'ri nho'u hã, Diãna dama isa'ẽne rob'madâ'â'wai ma, 'ri 'rãihâ iwa 're isa mono na hã duré ẽne iwazé pe hâiwa hawi we iwaptã'ã na zama. 36Ã hã ni'wa hã te te udâ waihu'u õ di. Ãne wa, aiwaimri aihâimana za'ra wa'aba. Duré marĩ hã 'manharĩ za'ra wa'aba tõ, ãma rosa'rata pese za'ra wa'aba õ ré hã. 37Ma we asiwi i'ãwisi zahuré wa'wa ã hã aibâ norĩ hã, marĩ te te simi'uri zahuré õ nherẽ, Diãna isabzé 'ri 'remhã. Duré wate za'ra ihâiba'õ sipi'õi ãma hã te te wasété zahuré õ di. 38Dimetriu hã duré isine isimiromhuri norĩ hã, marĩ na ni'wa hã te te siwi wasu'u wasété da wamhã, da'ãma rowairébézé hã, 'ridawa haré sada hã. Dama ipire norĩ zama te sada tihâimana za'ra. Tamep si te za marĩ hã wasu'u za'ra. 39Tazahã ãhã nhipai u marĩ hã wasu'u za'ra wa'aba da wamhã, uburé norĩ nho'a te za tihâiba, roti zahi te te wama i'ru za'ra zéb zarina. 40Tô ã bâtâ na iromhâimanazé u'âbâmhã, simimnhasi di, da te wawasu'u wasété za'ra õ'umnhasite, uburé da'ãma rowairébézé wi, wa te iro'wa'ré za'ra na hã. Ãne wamhã, i'uwaibaba na wa te rowasu'u waihu'u za'ra õ di za, ãhã na iromhâimanazé ro'wa'rutu na hã.
41Ãne na te te dama nharĩ pari, ma tô dama rob'ru, dawairébé da oto.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.