Atus 15
15
Zeruzalẽ ãma idasi'rã'õtõzé
1Tawamhã nima norĩ aibâ norĩ hã ma tô aihutu, Zudéa hawimhã Ãtioquia u. Ta norĩ hã ma tô isazei'wa norĩ ma rowahutu za'ra, ãne:
— 'Re ihâimana u'âsi mono nhimiroti zahi na Mozési te te irob'ui'érézéb zarina asisihâiwata nhihâri za'ra wa'aba õ wamhã, asõ'reptuzé hã asina uwaimrami za'ra wa'aba õ di za.
2Tawamhã Paulu norĩ Barnabéhé me hã, te te ãma dazaze zahuré õ di. Tahawa, ma tô ãma siwasu za'ra, mreme tete na. Ãne wa, isazei'wa norĩ hã ma tô siwi waihu'u, Paulu, Barnabé duré ni'wam norĩ isazei'wa norĩ hã si'aba'ré da Zeruzalẽ u, te te ãma romnhoré za'ra da, Zezusihi zadawa wasu'u'wa norĩ me duré isazei'wa norĩ 'madâ'â'wa norĩ me zama. 3Tawamhã Ãtioquia 're isazei'wa norĩ hã ma tô satõrĩ za'ra, tô si'aba'ré da. Fenisia na duré Samaria na te te ro'rahâri za'ra ré, ma tô te te dama rowasu'u za'ra mono, zudeu'õ norĩ te te 're isaze za'ra mono na hã. Ã hã rowasu'u hã isazei'wa norĩ ma, ma tô te te rowẽ pese za'ra. 4Tawamhã Zeruzalẽ u sihutu wamhã, isazei'wa norĩ hã Zezusihi zadawa wasu'u'wa norĩ hã duré isazei'wa norĩ 'madâ'â'wa norĩ hã ma tô siwi waibui wẽ. Tawamhã ma tô tãma rowasu'u pese za'ra, 'Re ihâimana u'âsi mono uburé marĩ te te i'a'manharĩ mono zém na ihâiba za'ra na hã. 5Tane nherẽ, ni'wam norĩ farizeu norĩ niwĩ 're ihâimana za'ra mono te te isaze za'ra norĩ hã ma tô hâiwi aimasa. Ãne te nharĩ za'ra:
— Tô i'ru zahi, zudeu'õ norĩ hã isisihâiwata nhihâri za'ra da hã duré 'Re ihâimana u'âsi mono nhimiroti zahi na Mozési te te irob'ui'érézé te te i'madâ'â pese za'ra da hã.
6Tawamhã Zezusihi zadawa wasu'u'wa norĩ hã duré da'madâ'â'wa norĩ me, ma tô si'rã'õtõ, te te ãma romnhoré za'ra da. 7Tawamhã te te ãma sima romnhoré ahâ za'ra pari, ma tô Pedru hã hâiwi za. Ãne te tãma nharĩ za'ra:
— Ĩsisãnawã norĩ, aima waihu'u pese za'ra wa'aba di, duréi 'Re ihâimana u'âsi mono aihawib za'ra wa'aba te te sima ĩpisutu na hã, Zezusihi wasu'uwẽ na zudeu'õ norĩ ma, te 're rowasu'u mono da, ta norĩ hã te te 're wapari za'ra mono da duré te te 're saze za'ra mono da zama. 8'Re ihâimana u'âsi mono ma hã, uburé dapẽ'ẽ 'remhã tãma dawaihu'u pese di. Ta hã ma tô dama hâi'ré, zudeu'õ norĩ hã te te wẽ na iwaibu na hã, Tipẽ'ẽzani hã ta norĩ ma zama te te tãma isõmri za'ra zéb zarina, te te wama isõmri za'ra ne hã. 9'Re ihâimana u'âsi mono ma hã, õ norĩ hã duré wa norĩ hã nima hãi õ di. Ta norĩ hã ma tô hâiba pese za'ra, i'umnhasizé hã tãma 're ihâimana za'ra mono zéb zarina. 10Tawamhã ãhã na hã e marĩ da, te asima iwẽ za'ra wa'wa, 'Re ihâimana u'âsi mono hã asiwi pibui wa'aba da. Isisada te oto tãma isa'ra za'ra wa'wa ãhã na hã, te te isaze za'ra norĩ ma hã. Ã hã danhisada hã wa norĩ hã duré wahi'rata norĩ zama te te 'wasari waihu'u'õ di. 11Mare di, wa saze za'ra ni, wanho'reptuzé hã iwa'âbâ õ na wa te wasina i'uwaimrami za'ra zém na hã, Wanhib'apito Zezusihi nhimizawizéb zarina, zudeu'õ norĩ tinho'reptuzé te te sina i'uwaimrami za'ra ne, aiwa.
12Tawamhã tame uburé isi'ubumro norĩ hã ma tô ari'iwi asimro, Barnabé duré Paulu norĩ mreme hã te te wapari za'ra da, te te i'awasu'u zahuré hã, 'Re ihâimana u'âsi mono, uburé marĩ dama i'manharĩ waihu'u'õ duré isimipawaptobzé, ihâiba na zahuré te te i'ab'manharĩzé hã, zudeu'õ norĩ ma. 13Tawamhã timreme te te 'rãsutu zahuré parimhã, Tiagu hã ma tô ãne tinha:
— Ĩsisãnawã norĩ, ĩwapari za'ra wa'aba. 14Simau hã ma tô wama wasu'u za'ra, imorĩ'rata na niha na 'Re ihâimana mono tinhimizawizé te te ihâi'rézé hã zudeu'õ norĩ ãma hã. Ta norĩ hã ma tô sima pisutu i'reb za'ra hã, a'uwẽ ite na tãma 're hâimana za'ra mono da. 15Ãne na tô isarina 'Re ihâimana u'âsi mono zadawa 'mahârâ'wa norĩ hã ma tô ãma rob'ui'éré siromo za'ra, ãne:
16“Ãne parimhã, apâ wa za ĩsina siri, Davi te te 're ida'a'madâ'â mono zé apâ para na te sãrĩ da. Ta hã 'ri isiprum ne.
Apâ wa za ubumroi pese, isiprubzé hã. Tawamhã apâ hâiwi wa za tisã, 17idasi'atarẽme hã Uburé Danhib'apito zô 're danhopré mono da, da te 're waihu'u za'ra mono da, uburé zudeu'õ norĩ ĩnhib'a'uwẽ da, te ĩsima ipisutu za'ra norĩ hã.
18Wa hã Uburé Danhib'apito, wa tô ãne dama waihu'u, isãna'rata hawimhã.”
19Tawamhã Tiagu hã ma duré ãma uzusi, ãne:
— Ĩnhimirosa'rada hã, ãne: Wa te tiwi ro'wa'rutu za'ra õ di za zudeu'õ norĩ wi hã, 'Re ihâimana u'âsi mono u isipizari za'ra norĩ wi hã. 20Ĩnhimirosa'rada hã wa te tãma rob'ui'éré za'ra da, ãne, abaze hã romhâiba 'manharĩ ma, da te 're izata za'ra mono nhi hã te te 're huri mono tõ da, duré dasina dahâimana wasété na 're hâimana wasété za'ra mono tõ da, duré abaze da te 're isõ'reti za'ra mono nhi hã te te 're huri tõ mono da, duré iwapru te te 're huri mono tõ da zama. 21E marĩ wa. Duréi hawim haré, 'Re ihâimana u'âsi mono nhimiroti zahi na Mozési te te irob'ui'érézé hã ma tô da te dasima 're wasu'u za'ra 'ri wa'õtõ mono na hã. Ma tô duré da te dasima 're sõré za'ra, Zudeu norĩ te rowahutuzé mono na hã.
Rob'ui'éré Zezusihi zazei'wa norĩ zudeu'õ norĩ ma hã
22Tawamhã Zezusihi zadawa wasu'u'wa norĩ hã duré isazei'wa norĩ 'madâ'â'wa norĩ me, ma tô uburé ãma sisaze za'ra isazei'wa norĩ me, tisiré za'ra te te siwi 'maipisutu da, Ãtioquia u te te siwi 'mazatõrĩ zahuré da, Paulu duré Barnabé norĩ siré. Da te dasiwi ipisutu zahuré hã ã norĩ hã: Zudasi, Barsaba na isisi amo hã duré Silas. Ã norĩ hã isazei'wa norĩ ma hã wazé pese zahuré di. 23Isiré zahuré rob'ui'éré hã ma tô siwi tisõ, ãne:
“Wa norĩ, Zezusihi zadawa wasu'u'wa norĩ duré da'madâ'â'wa norĩ, asisãnawã za'ra wa'aba norĩ, wa ãma asawi za'ra wa'aba ni, wasisãnawã norĩ zudeu'õ norĩ Ãtioquia ãma 're i'aihâimana za'ra wa'aba mono norĩ duré Siria ãma duré Silisia ãmab zama.
24“Wa waihu'u za'ra ni, wasiré norĩ hã ãma isihutu na hã duré te te aima irowasu'u za'ra wa'aba na hã ropire te te aima ihiri za'ra wa'aba na hã. Tazahã ãne hã wa te tãma i'ru za'ra zéb zarinai õ di, te te i'manharĩ za'ra hã. 25Tahawa, uburé wa tô ãma wasisaze za'ra ni, aibâ norĩ hã wa te wasiwi pisutu zahuré da, wa te ãma atẽme satõrĩ za'ra wa'aba da. Wasisãnawã norĩ wama isawi uptabi zahuré siré te za ãma ne, Barnabé duré Paulu norĩ siré. 26Ta norĩ hã sina hâtâ'â zahuré ãna, ma tô te te 're romhuri zahuré, Wanhib'apito Zezu Cristuhu u'âbâmhã. 27Tahawa wa ãma wasiwi satõrĩ zahuré ni Zudasi norĩ Silaha me, si'uihâ na te te aima wasu'u za'ra wa'aba da, wa te ãma aima irob'ui'éré za'ra wa'aba zé hã. 28'Re ihâimana u'âsi mono Pẽ'ẽzani hã duré wa norĩ hã wa wasiwi waihu'u ni, danhisada pire wa, i'wapéi waihu'u õ ne, wa te aima sa'ra za'ra wa'aba tõ da. Ã norĩ si isawi zahi hã 're 'manharĩ za'ra wa'aba mono tõ da: 29'Re huri aba mono tõ, abaze romhâiba 'manharĩ ma, da te 're izata za'ra mono norĩ nhi hã. 'Re huri aba mono tõ, abazei da te 're isõ'reti za'ra mono norĩ wapru hã duré inhi hã. Duré dasina dahâimana wasédé hã 're 'manharĩ za'ra wa'aba mono tõ. Ãne hã 're 'manharĩ za'ra wa'aba mono õ wamhã, rowẽ u'âsi te za 're aihâimana za'ra wa'aba mo. Wa ãma asawi za'ra wa'aba ni.”
30Tawamhã maparane si'uiwa na ihâiba za'ra norĩ hã ma tô satõrĩ za'ra. Ma tô oto ai'aba'ré, Ãtioquia u hã. Sihutu wamhã, ma tô 'rã'õtõ za'ra isazei'wa norĩ hã. Rob'ui'éré ma tô duré tãma sõmri za'ra. 31Te te sõré za'ra wamhã, ma tô ãma sima rowẽ pese, timreme na te te ipawaptob za'ra na hã. 32Zudasi duré Silaha me hã, 'Re ihâimana u'âsi mono zadawa 'mahârâ'wa zahuré hã ma tô timreme hã tãma 'manharĩ za'ra, sa'ẽtẽ na wasisãnawã norĩ te te ãma anhiptete zahuré da hã. 33Niha bâtâ na tame hâimana zahuré parimhã, isazei'wa norĩ hã ma tô rowẽ sina neb da hã apâ satõrĩ za'ra, te te siwi isatõrĩ zahuré norĩ u hã. 34[Tane nherẽ, Sila hã ma tô sima wẽ, tame sãmra da a'â.]
35Tawamhã Paulu duré Barnabéhé me hã ma tô niha bâtâ na tihâimana zahuré, Ãtioquia ãma hã. Tame simasisi ré, ni'wam norĩ isazei'wa norĩ me, ma tô nasi rowasu'u za'ra, Uburé Danhib'apito zadawa wasu'u na hã.
Paulu norĩ Barnabéhé me sima isiwãnhizari zahuré zé
36Niha bâdâ si'utõrĩ parimhã, Paulu hã ma tô Barnabéhé ma tinha, ãne:
— Oto apâ wa te wasina siri, wasisãnawã norĩ hã wa te azabui mono da, 'ri wa'õtõ mono na, Uburé Danhib'apito wa te dama isadawa wasu'u mono zéb ãma hã, niha hâimana za'ra mono zô.
37Tawamhã Barnabé hã ma tô aré sima wẽ, Zuwã Marcus hã te te saprõni da, siré zahuré. 38Tane nherẽ, Paulu hã te te sima wẽ õ di, imorĩ'rata na isiré morĩ zahuré wamhã, te te rẽme zahuré wa, Pãfilia ãma, isiré morĩ 'rãsutu zahuré wa. 39Tahawa sa'ẽtẽ ãma sisada'âbâ zahuré wa, ma tô sima aiwãnhiza. Barnabé hã ma tô Zuwã Marcus siré saprõ. Uba're na ma tô asamro, rob'ré za'idi Chipri u. 40Tawamhã Paulu hã ma tô Silas pisutu, te te siré saprõni da. Isazei'wa norĩ hã Uburé Danhib'apito ma, ãma mreme zusi pari te te saprõni wẽ zahuré da, ma tô oto tineb zahuré.
41Tawamhã Paulu norĩ hã, Siria na duré Silisia na ma tô te te ro'rahâri zahuré. Ma tô te te apawaptob zahuré, isazei'wa norĩ hã.
Iliyochaguliwa sasa
Atus 15: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 15
15
Zeruzalẽ ãma idasi'rã'õtõzé
1Tawamhã nima norĩ aibâ norĩ hã ma tô aihutu, Zudéa hawimhã Ãtioquia u. Ta norĩ hã ma tô isazei'wa norĩ ma rowahutu za'ra, ãne:
— 'Re ihâimana u'âsi mono nhimiroti zahi na Mozési te te irob'ui'érézéb zarina asisihâiwata nhihâri za'ra wa'aba õ wamhã, asõ'reptuzé hã asina uwaimrami za'ra wa'aba õ di za.
2Tawamhã Paulu norĩ Barnabéhé me hã, te te ãma dazaze zahuré õ di. Tahawa, ma tô ãma siwasu za'ra, mreme tete na. Ãne wa, isazei'wa norĩ hã ma tô siwi waihu'u, Paulu, Barnabé duré ni'wam norĩ isazei'wa norĩ hã si'aba'ré da Zeruzalẽ u, te te ãma romnhoré za'ra da, Zezusihi zadawa wasu'u'wa norĩ me duré isazei'wa norĩ 'madâ'â'wa norĩ me zama. 3Tawamhã Ãtioquia 're isazei'wa norĩ hã ma tô satõrĩ za'ra, tô si'aba'ré da. Fenisia na duré Samaria na te te ro'rahâri za'ra ré, ma tô te te dama rowasu'u za'ra mono, zudeu'õ norĩ te te 're isaze za'ra mono na hã. Ã hã rowasu'u hã isazei'wa norĩ ma, ma tô te te rowẽ pese za'ra. 4Tawamhã Zeruzalẽ u sihutu wamhã, isazei'wa norĩ hã Zezusihi zadawa wasu'u'wa norĩ hã duré isazei'wa norĩ 'madâ'â'wa norĩ hã ma tô siwi waibui wẽ. Tawamhã ma tô tãma rowasu'u pese za'ra, 'Re ihâimana u'âsi mono uburé marĩ te te i'a'manharĩ mono zém na ihâiba za'ra na hã. 5Tane nherẽ, ni'wam norĩ farizeu norĩ niwĩ 're ihâimana za'ra mono te te isaze za'ra norĩ hã ma tô hâiwi aimasa. Ãne te nharĩ za'ra:
— Tô i'ru zahi, zudeu'õ norĩ hã isisihâiwata nhihâri za'ra da hã duré 'Re ihâimana u'âsi mono nhimiroti zahi na Mozési te te irob'ui'érézé te te i'madâ'â pese za'ra da hã.
6Tawamhã Zezusihi zadawa wasu'u'wa norĩ hã duré da'madâ'â'wa norĩ me, ma tô si'rã'õtõ, te te ãma romnhoré za'ra da. 7Tawamhã te te ãma sima romnhoré ahâ za'ra pari, ma tô Pedru hã hâiwi za. Ãne te tãma nharĩ za'ra:
— Ĩsisãnawã norĩ, aima waihu'u pese za'ra wa'aba di, duréi 'Re ihâimana u'âsi mono aihawib za'ra wa'aba te te sima ĩpisutu na hã, Zezusihi wasu'uwẽ na zudeu'õ norĩ ma, te 're rowasu'u mono da, ta norĩ hã te te 're wapari za'ra mono da duré te te 're saze za'ra mono da zama. 8'Re ihâimana u'âsi mono ma hã, uburé dapẽ'ẽ 'remhã tãma dawaihu'u pese di. Ta hã ma tô dama hâi'ré, zudeu'õ norĩ hã te te wẽ na iwaibu na hã, Tipẽ'ẽzani hã ta norĩ ma zama te te tãma isõmri za'ra zéb zarina, te te wama isõmri za'ra ne hã. 9'Re ihâimana u'âsi mono ma hã, õ norĩ hã duré wa norĩ hã nima hãi õ di. Ta norĩ hã ma tô hâiba pese za'ra, i'umnhasizé hã tãma 're ihâimana za'ra mono zéb zarina. 10Tawamhã ãhã na hã e marĩ da, te asima iwẽ za'ra wa'wa, 'Re ihâimana u'âsi mono hã asiwi pibui wa'aba da. Isisada te oto tãma isa'ra za'ra wa'wa ãhã na hã, te te isaze za'ra norĩ ma hã. Ã hã danhisada hã wa norĩ hã duré wahi'rata norĩ zama te te 'wasari waihu'u'õ di. 11Mare di, wa saze za'ra ni, wanho'reptuzé hã iwa'âbâ õ na wa te wasina i'uwaimrami za'ra zém na hã, Wanhib'apito Zezusihi nhimizawizéb zarina, zudeu'õ norĩ tinho'reptuzé te te sina i'uwaimrami za'ra ne, aiwa.
12Tawamhã tame uburé isi'ubumro norĩ hã ma tô ari'iwi asimro, Barnabé duré Paulu norĩ mreme hã te te wapari za'ra da, te te i'awasu'u zahuré hã, 'Re ihâimana u'âsi mono, uburé marĩ dama i'manharĩ waihu'u'õ duré isimipawaptobzé, ihâiba na zahuré te te i'ab'manharĩzé hã, zudeu'õ norĩ ma. 13Tawamhã timreme te te 'rãsutu zahuré parimhã, Tiagu hã ma tô ãne tinha:
— Ĩsisãnawã norĩ, ĩwapari za'ra wa'aba. 14Simau hã ma tô wama wasu'u za'ra, imorĩ'rata na niha na 'Re ihâimana mono tinhimizawizé te te ihâi'rézé hã zudeu'õ norĩ ãma hã. Ta norĩ hã ma tô sima pisutu i'reb za'ra hã, a'uwẽ ite na tãma 're hâimana za'ra mono da. 15Ãne na tô isarina 'Re ihâimana u'âsi mono zadawa 'mahârâ'wa norĩ hã ma tô ãma rob'ui'éré siromo za'ra, ãne:
16“Ãne parimhã, apâ wa za ĩsina siri, Davi te te 're ida'a'madâ'â mono zé apâ para na te sãrĩ da. Ta hã 'ri isiprum ne.
Apâ wa za ubumroi pese, isiprubzé hã. Tawamhã apâ hâiwi wa za tisã, 17idasi'atarẽme hã Uburé Danhib'apito zô 're danhopré mono da, da te 're waihu'u za'ra mono da, uburé zudeu'õ norĩ ĩnhib'a'uwẽ da, te ĩsima ipisutu za'ra norĩ hã.
18Wa hã Uburé Danhib'apito, wa tô ãne dama waihu'u, isãna'rata hawimhã.”
19Tawamhã Tiagu hã ma duré ãma uzusi, ãne:
— Ĩnhimirosa'rada hã, ãne: Wa te tiwi ro'wa'rutu za'ra õ di za zudeu'õ norĩ wi hã, 'Re ihâimana u'âsi mono u isipizari za'ra norĩ wi hã. 20Ĩnhimirosa'rada hã wa te tãma rob'ui'éré za'ra da, ãne, abaze hã romhâiba 'manharĩ ma, da te 're izata za'ra mono nhi hã te te 're huri mono tõ da, duré dasina dahâimana wasété na 're hâimana wasété za'ra mono tõ da, duré abaze da te 're isõ'reti za'ra mono nhi hã te te 're huri tõ mono da, duré iwapru te te 're huri mono tõ da zama. 21E marĩ wa. Duréi hawim haré, 'Re ihâimana u'âsi mono nhimiroti zahi na Mozési te te irob'ui'érézé hã ma tô da te dasima 're wasu'u za'ra 'ri wa'õtõ mono na hã. Ma tô duré da te dasima 're sõré za'ra, Zudeu norĩ te rowahutuzé mono na hã.
Rob'ui'éré Zezusihi zazei'wa norĩ zudeu'õ norĩ ma hã
22Tawamhã Zezusihi zadawa wasu'u'wa norĩ hã duré isazei'wa norĩ 'madâ'â'wa norĩ me, ma tô uburé ãma sisaze za'ra isazei'wa norĩ me, tisiré za'ra te te siwi 'maipisutu da, Ãtioquia u te te siwi 'mazatõrĩ zahuré da, Paulu duré Barnabé norĩ siré. Da te dasiwi ipisutu zahuré hã ã norĩ hã: Zudasi, Barsaba na isisi amo hã duré Silas. Ã norĩ hã isazei'wa norĩ ma hã wazé pese zahuré di. 23Isiré zahuré rob'ui'éré hã ma tô siwi tisõ, ãne:
“Wa norĩ, Zezusihi zadawa wasu'u'wa norĩ duré da'madâ'â'wa norĩ, asisãnawã za'ra wa'aba norĩ, wa ãma asawi za'ra wa'aba ni, wasisãnawã norĩ zudeu'õ norĩ Ãtioquia ãma 're i'aihâimana za'ra wa'aba mono norĩ duré Siria ãma duré Silisia ãmab zama.
24“Wa waihu'u za'ra ni, wasiré norĩ hã ãma isihutu na hã duré te te aima irowasu'u za'ra wa'aba na hã ropire te te aima ihiri za'ra wa'aba na hã. Tazahã ãne hã wa te tãma i'ru za'ra zéb zarinai õ di, te te i'manharĩ za'ra hã. 25Tahawa, uburé wa tô ãma wasisaze za'ra ni, aibâ norĩ hã wa te wasiwi pisutu zahuré da, wa te ãma atẽme satõrĩ za'ra wa'aba da. Wasisãnawã norĩ wama isawi uptabi zahuré siré te za ãma ne, Barnabé duré Paulu norĩ siré. 26Ta norĩ hã sina hâtâ'â zahuré ãna, ma tô te te 're romhuri zahuré, Wanhib'apito Zezu Cristuhu u'âbâmhã. 27Tahawa wa ãma wasiwi satõrĩ zahuré ni Zudasi norĩ Silaha me, si'uihâ na te te aima wasu'u za'ra wa'aba da, wa te ãma aima irob'ui'éré za'ra wa'aba zé hã. 28'Re ihâimana u'âsi mono Pẽ'ẽzani hã duré wa norĩ hã wa wasiwi waihu'u ni, danhisada pire wa, i'wapéi waihu'u õ ne, wa te aima sa'ra za'ra wa'aba tõ da. Ã norĩ si isawi zahi hã 're 'manharĩ za'ra wa'aba mono tõ da: 29'Re huri aba mono tõ, abaze romhâiba 'manharĩ ma, da te 're izata za'ra mono norĩ nhi hã. 'Re huri aba mono tõ, abazei da te 're isõ'reti za'ra mono norĩ wapru hã duré inhi hã. Duré dasina dahâimana wasédé hã 're 'manharĩ za'ra wa'aba mono tõ. Ãne hã 're 'manharĩ za'ra wa'aba mono õ wamhã, rowẽ u'âsi te za 're aihâimana za'ra wa'aba mo. Wa ãma asawi za'ra wa'aba ni.”
30Tawamhã maparane si'uiwa na ihâiba za'ra norĩ hã ma tô satõrĩ za'ra. Ma tô oto ai'aba'ré, Ãtioquia u hã. Sihutu wamhã, ma tô 'rã'õtõ za'ra isazei'wa norĩ hã. Rob'ui'éré ma tô duré tãma sõmri za'ra. 31Te te sõré za'ra wamhã, ma tô ãma sima rowẽ pese, timreme na te te ipawaptob za'ra na hã. 32Zudasi duré Silaha me hã, 'Re ihâimana u'âsi mono zadawa 'mahârâ'wa zahuré hã ma tô timreme hã tãma 'manharĩ za'ra, sa'ẽtẽ na wasisãnawã norĩ te te ãma anhiptete zahuré da hã. 33Niha bâtâ na tame hâimana zahuré parimhã, isazei'wa norĩ hã ma tô rowẽ sina neb da hã apâ satõrĩ za'ra, te te siwi isatõrĩ zahuré norĩ u hã. 34[Tane nherẽ, Sila hã ma tô sima wẽ, tame sãmra da a'â.]
35Tawamhã Paulu duré Barnabéhé me hã ma tô niha bâtâ na tihâimana zahuré, Ãtioquia ãma hã. Tame simasisi ré, ni'wam norĩ isazei'wa norĩ me, ma tô nasi rowasu'u za'ra, Uburé Danhib'apito zadawa wasu'u na hã.
Paulu norĩ Barnabéhé me sima isiwãnhizari zahuré zé
36Niha bâdâ si'utõrĩ parimhã, Paulu hã ma tô Barnabéhé ma tinha, ãne:
— Oto apâ wa te wasina siri, wasisãnawã norĩ hã wa te azabui mono da, 'ri wa'õtõ mono na, Uburé Danhib'apito wa te dama isadawa wasu'u mono zéb ãma hã, niha hâimana za'ra mono zô.
37Tawamhã Barnabé hã ma tô aré sima wẽ, Zuwã Marcus hã te te saprõni da, siré zahuré. 38Tane nherẽ, Paulu hã te te sima wẽ õ di, imorĩ'rata na isiré morĩ zahuré wamhã, te te rẽme zahuré wa, Pãfilia ãma, isiré morĩ 'rãsutu zahuré wa. 39Tahawa sa'ẽtẽ ãma sisada'âbâ zahuré wa, ma tô sima aiwãnhiza. Barnabé hã ma tô Zuwã Marcus siré saprõ. Uba're na ma tô asamro, rob'ré za'idi Chipri u. 40Tawamhã Paulu hã ma tô Silas pisutu, te te siré saprõni da. Isazei'wa norĩ hã Uburé Danhib'apito ma, ãma mreme zusi pari te te saprõni wẽ zahuré da, ma tô oto tineb zahuré.
41Tawamhã Paulu norĩ hã, Siria na duré Silisia na ma tô te te ro'rahâri zahuré. Ma tô te te apawaptob zahuré, isazei'wa norĩ hã.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.