Atus 13
13
Barnabé norĩ Sauluhu me romhuri na te te isãna'rata zahuré zé
1Tawamhã Ãtioquia ãma isazei'wa norĩ wazarimhã te 're hâimana za'ra, 'Re ihâimana u'âsi mono zadawa 'mahârâ'wa norĩ duré dama rowahutu'wa norĩ hã: Barnabé, Simiã “I'rãdâ'â” na isisi amo hã, duré Lusiu, Cireni ãma aré 're isãmra mono duré Manaé, apito Erodihi siré da te iprédu duré Saulu. 2Tawamhã nimahã bâtâ na hã, Uburé Danhib'apito ãma wata za'ra ré, duré sai ãna a'â si'ubumroi ré, 'Re ihâimana u'âsi mono Pẽ'ẽzani hã ma tô ãne tãma nharĩ za'ra:
— Asisiti simizusi wa'aba Barnabé norĩ hã Sauluhu me, romhuri te te ĩma 'manharĩ zahuré da. Taha da, wa ĩsima pisutu zahuré.
3Tawamhã ãne wa, sai ãna si'ubumroi parimhã, duré te te rowaptẽrẽ za'ra parimhã, tinhib'rada ma tô ãma sa'ra za'ra. Taha pari ma tô siwi satõrĩ zahuré, tinhimiromhuri hã te te 'manharĩ zahuré da.
Barnabé norĩ Sauluhu me Chipri ãma romhuri te te i'manharĩ zahuré zé
4Tawamhã Barnabé norĩ Sauluhu me ma tô tineb zahuré, 'Re ihâimana u'âsi mono Pẽ'ẽzani te te satõrĩ zahuré wa, Seleusia na 'ri nho'õmo nhisi u. Ta hawi, ma tô duré tineb zahuré, rob'ré za'idi Chipri u. 5Salamina na 'ri wa'õtõ u simasisi wamhã, 'Re ihâimana u'âsi mono ma tô dama sadawa wasu'u zahuré, Zudeu norĩ te rowahutuzé mono na. Zuwã Marcu hã ma tô isiré timorĩ zahuré, ipawapto'wa zahuré da.
6Tawamhã uburé rob'ré za'iti na te te ro'rahâri za'ra wamhã, ma tô aihutu, Pafus na 'ri nho'õmo nhisi u. Tame ma tô siwi sõpẽtẽ, Zudeu simi'â na romhuri'wa, Barzezusi na isisi hã, 'Re ihâimana u'âsi mono zadawa 'mahârâ'wa senai'õ hã. 7Ta hã Sérgiu Paulu siwaihu, rob'ré za'iti ãma danhib'apito na 're ihâimana mono siwaihu. Danhib'apito hã, aibâ te te irowaihu'u pe. Ta hã ma tô hâ, Barnabé norĩ zô Sauluhu me, 'Re ihâimana u'âsi mono mreme te te wapari da, te te sima wẽ wa. 8Tane nherẽ, romhõsi'wa Elima hã (ã hã isisi gregu mreme na hã) tãma wẽ õ di, Zezusihi zadawa wasu'u'wa norĩ hã. Duré, tãma wẽ õ di, danhib'apito te te isaze da hã. 9#13.9 Paulu hã romanu norĩ mreme na isisi. Saulu hã hebraicu mreme na hã. Zudeu norĩ hâimanazé taha bâtâ mono na hã isisi maparane te tãma 're hâimana za'ra.Tawamhã Saulu, Paulu na isisi amo hã, 'Re ihâimana u'âsi mono Pẽ'ẽzani 'masisi na tãma hâimana wa, ma tô 'madâ'â pese, Elima hã. 10Tahawa te ãne tãma tinha:
— Wa'uburé 'ra! Duré uburé marĩ iwẽ nhitob'ru! Aibâ iwasédé duré i'asadawa nhipe! E mahã bâtâ u te za isazâ, Uburé Danhib'apito nhimiroti tô sena hã wẽ nherẽ, dawi ãma 're i'azaprĩ mono na hã, iwasété na. 11Waihu'u, ãhã na hã! Uburé Danhib'apito hã te za aima rob'manharĩ wasété. Te za atob'a. Bâtâ ro hã 'madâ'â õ di za, niha bâtâ na.
Tawamhã awa'awi pesere, Elima hã ma tô sina waihu'u, hunhizé i'rãdâ te te itõmo upsibi na hã. Ma tô nasi aipiza, ni'wa hã te te patété mono da. 12Tawamhã danhib'apito ãne hã te te 'madâ'â wamhã, ma tô saze. Ma tô ãma titob'uzui pese, Wanhib'apito Zezusi wasu'u na rowahutu na hã.
Paulu norĩ hã Ãtioquia ãma ihâimana za'ra zé
13Tawamhã Paulu norĩ hã ma tô ai'aba'ré tisiré norĩ me, Pafus hawi, Perze na 'ri nho'õmo nhisi u, Pãfilia na danhipti'a nho'õmo nhisi ãma hã. Rowa'u'u na uba'renem na te sisa're. Tane nherẽ, tame Zuwã Marcus hã ma tô rẽme zahuré. Apâ ma tô sina siri, Zeruzalẽ u. 14Perze hawimhã ma tô duré tineb zahuré, Ãtioquia u Pisidia na danhipti'a nho'õmo nhisi u. Tawamhã romhuri 'rãsudu dawa'utuzé sabadu na hã ma tô tizasi zahuré, Zudeu norĩ te rowahutuzéb u hã. Zasi zahuré wamhã, ma tô aimasisi. 15Tawamhã ni'wa hã, 'Re ihâimana u'âsi mono nhimiroti zahi na Mozési te te irob'ui'érézé hã duré isadawa 'mahârâ'wa norĩ nhimi'ui'éré hã te te dama sõré parimhã, rowahutuzéb ãma 're da'anhimi'rui mono 'wa norĩ hã ma tô ni'wa hã siwi satõ, Paulu duré Barnabé norĩ u, ãne romreme ré:
— Wasisãnawã norĩ, rowasu'u na danhiptete aba da, iré wamhã, ma'ãpé wama rowasu'u wa'aba, ãhã na.
16Tawamhã Paulu hã hâiwi ma tô za. Tinhib'rada ma tô 'manha, ari'iwi dasi'ubumro da. Ãne ma tô ãma sãna'rata:
— Izaraéu nhihudu norĩ duré zudeu'õ norĩ 'Re ihâimana u'âsi mono ãma 're i'aiwata za'ra wa'aba mono hã, ma'ãpé ĩwapari pese za'ra wa'aba! 17'Re ihâimana u'âsi mono Izaraéu nhihudu norĩ nhib'apito hã ma tô wahi'rata norĩ hã sima pisutu za'ra, Ezitu ãma 're si'ubumroi mono ré hã. Ma tô 'manha, ahâ uptabi da hã. Ta hawi ma tô duré sani za'ra, tiwaihu'u pe isa'ẽtẽ uptabi na. 18Tawamhã rop si 're irosa'wari mono ãma hã simi'ẽ na ma tô te te 're 'wapé za'ra, 40 na wahub 'remhã. 19Ma tô da'uprosi, 7 na dawamri hã Cana'ã 'remhã. Tawamhã Izaraéu nhihudu norĩ hã isipti'a na ma tô ãma ate za'ra. 20Ãne hã romhâimana ré hã, ma tô tiwahu 450 na.
— Taha parimhã 'Re ihâimana u'âsi mono hã ma tô tãma pisutu za'ra, da'ãma rowairébé'wa norĩ hã, isadawa 'mahârâ'wa Samuéu ihâimanazéb u hã. 21Izaraéu nhihudu norĩ hã apito te te siwi waptẽrẽ wamhã, ma tô tãma sõmri za'ra Sau hã, Quisihi 'ra hã, Bẽzamihi nhihudu. Ta hã ma tô apito na tãma tihâimana za'ra, 40 na wahum na hã. 22Tawamhã apito Sau te te wazere parimhã, 'Re ihâimana u'âsi mono hã ma tô pisutu Davi hã, apito da. Taha na ma tô ãne tinha: “Wa sõpẽtẽ Davi hã Zéséhé 'ra, aibâ te ĩsima 're iwẽ mono. Ta hã te za uburé marĩ te ĩsima iwẽzé hã te te 're a'manharĩ.” 23Davihi nhihudu, Zezusi hã. Ta hã 'Re ihâimana u'âsi mono ma tô pisutu, Izaraéu nhihudu norĩ nho'reptui'wa da, te te ãma iropisutuzéb zarina. 24Zezusi hã wei wisi wana ré, ma tô Zuwã Batista hã te te dama 're rowahutu, â dawabzuri te te dama 're i'ab'manharĩ mono na hã duré dawasété wi 're idasipizari za'ra mono zém na zama, uburé Izaraéu nhihudu norĩ ma. 25Tawamhã Zuwã hã tinhimiromhuri te te i'rãsutuzé hã ro'rutu wamhã, te ãne dama siwasu'u: “E 'wa na te ĩ'ãma irosa'rata za'ra wa'wa, wa hã. Wa hã sô 're i'asimipari za'ra wa'aba mono hãi õ di. Tahawa, ma'ãpé ĩwapari za'ra wa'aba. Ta hã ĩza'u si te za wei mo. Tahawa e wa hã ĩwẽ bâ, ipara'uza te tãma iwazere da hã.”
26Tawamhã Paulu hã ma ãma uzusi, ãne:
— Ĩsisãnawã norĩ, Abra'ãhã nhihudu norĩ duré a norĩ wa'wa zudeu'õ norĩ, 'Re ihâimana u'âsi mono ãma si 're i'aiwata za'ra wa'aba mono norĩ zama, ĩwapari za'ra wa'aba! Ã hã rowasu'uwẽ danho'reptuzém na hã ma tô wei watẽme satõrĩ za'ra, uburé wama za'ra. 27Zeruzalẽ ãma 're isi'ubumroi mono norĩ hã duré ta norĩ ma ipire norĩ zama, te te waihu'u za'ra õ di, Zezusi Danho'reptui'wa na hã. Duré te te sadaihu'u za'ra õ di sabadu nhidâpâ, 'Re ihâimana u'âsi mono zadawa 'mahârâ'wa norĩ nhimi'ui'éré hã da te dasima 're sõré za'ra mono nherẽ. Ãne nherẽ, Zezusi hã dâ'â da, te te ãma siwi roti wamhã, ma tô ãma uwaimra, 'Re ihâimana u'âsi mono zadawa 'mahârâ'wa norĩ nhimirowasu'u hã. 28Duré i'uwaibaba na da te iwĩrĩzéb da, te te siwi sãmri õ nherẽ, Pilatuhu wi ma tô waptẽrẽ za'ra, te te 'ru da, da te dasiwi wĩrĩ da hã. 29Ibaihâ Iwazé pese na rob'ui'éré hã uburé te te ãma uwaimrami pari, ma tô siwi si'ra, wedepo'o nhonhi'rãmi hawi. Taha pari ma tô sẽrẽ ni, ab're 're. 30Tane nherẽ, 'Re ihâimana u'âsi mono, ma tô apâ hâiwa'utu, dâ'â ãna 're hâimana mono da. 31Tawamhã bâtâ ahâ na ma tô nasi sihâi'ré, Galiléia hawi Zeruzalẽ u, isiré 're inomro mono norĩ ma. Ã norĩ hã te te oto 're wasu'u za'ra Zezusi hã, uburé a'uwẽ norĩ ma hã.
32— Duré wa norĩ hã wa aima wasu'u za'ra wa'aba ni, Rowasu'uwẽ hã 'Re ihâimana u'âsi mono te te ãma iropisudu hã wahi'rata norĩ ma. 33Ma tô oto ãma uwaimra wama za'ra, tô ti'ra norĩ ma. Zezusi hã apâ ma hâiwa'utu, Salmu 2 ãma rob'ui'éré zarina, ãne:
“A hã ĩ'ra. Ã bâtâ na hã wa hã Aimama oto.”
34— Ãne 'Re ihâimana u'âsi mono hã ma tô tinha, Zezusi apâ te te ihâiwa'utuzém na hã. Ma tô ãma roti, niwa dadâ hã za te te ãma i'ai'uté õ na hã, ãne:
“Marĩ iwẽ uptabi iwazé pe hã, wa za aima sõmri za'ra, Davihi ma, te ãma iropisutuzé hã.”
35Ãne te duré tinha, ihâiba amoi ãma rob'ui'éré na hã:
“A hã rẽme õ di za, ate romhuri'wa Iwẽ uptabi hã ab're 're, 'ro da hã.”
36Tawamhã Paulu hã ma duré ãma uzusi, ãne:
— Davi hã ti'ai ãma 're hâimana mono ré hã ma tô ãma uwaimra, 'Re ihâimana u'âsi mono te, rowa'õno hã. Taha pari ma tô dârâ. Ma tô ãma ti'a ni, ihi'rata norĩ zababa. Tame ma tô ti'ro. 37Tazahã, ãne hã tãma romhâimana õ di, 'Re ihâimana u'âsi mono apâ te te ihâiwa'utu ma hã. 38-39Ĩsisãnawã norĩ, iwaihu'u za'ra wa'aba da si, Zezusihi nhimi'manharĩzéb u'âbâ dawasété parizém na wa te aima irowasu'u za'ra wa'wa hã. Waihu'u za'ra wa'aba, ni'wa hã te te sazei wamhã, iwasété wi te za sõ'reptu. Mozésihi nhimi'ui'éré 'rada hã te te isõ'reptui waihu'u'õ hã. 40Tahawa, ma'ãpé ãma pibui pese za'ra wa'aba, hâimana tõ da, 'Re ihâimana u'âsi mono zadawa 'mahârâ'wa norĩ te te inharĩ za'ra zé hã, ãne:
41“'Re ihâimana u'âsi mono ãma 're i'ato za'ra wa'aba mono norĩ, 'madâ'â za'ra wa'aba!
A'rãmi za'ra wa'aba. Duré ai'utõrĩ aba.
Ãhã na hã wa za 'manha marĩ hã, niwamhã ni'wa hã te te aima ãma rowasu'u za'ra wa'aba nherẽ, aré ãma i'asimizaze za'ra wa'aba õ hã.”
42Tawamhã Paulu norĩ Barnabéhé me hã, Zudeu norĩ te rowahutuzém hawi pusi wamhã, ma tô duré waptẽrẽ zahuré ni dazadawa za'réi ãna, te te duré dama rowahutu zahuré da, sabadu amo na hã. 43Tawamhã rowahutuzém hawi dawairébé wamhã, da'ahâ na Zudeu norĩ hã duré zudeu'õ norĩ Zudeu norĩ hâimanazéb zarina 're ihâimana za'ra mono norĩ hã ma tô Paulu norĩ siré ai'aba'ré, Barnabéhé me. Ta norĩ hã ma tô te te tãma robzanhamri za'ra, 'Re ihâimana u'âsi mono nhimipawaptobzém na te te ãma uzusi zahuré da.
44Tawamhã sabadu hã oto iwa waptã'ã wamhã, da'ahâ uptabi na uburé pese õ nherẽ, 'ri wa'õtõ 'remhã ma tô dasito, Uburé Danhib'apito zadawa wasu'u hã da te wapari za'ra da. 45Tane nherẽ, Zudeu norĩ hã da'ahâ na te te da'madâ'â za'ra wamhã, ma tô sõ'ru za'ra. Tahawa Paulu hã ma tô siwi mreme wẽ'õ. Imreme wa'rãmi ma tô nasi nharĩ za'ra. 46Tane nherẽ, Paulu norĩ hã Barnabéhé me ma tô pahi ãna ãma sada'âbâ za'ra, ãne:
— Tô aré i'ru zahi, 'Re ihâimana u'âsi mono mreme hã a norĩ wa'wa Zudeu norĩ uimrehẽne iwapari za'ra wa'aba da hã. Tane nherẽ, asima wẽ za'ra wa'aba õ di. Duré te asina irosa'rata za'ra wa'wa, sadai õ na, dahâimanazé isi'utõrĩ'õ isõpẽtẽ za'ra wa'aba zéb da hã. Tane ze te bâ, wa za oto warĩtĩ nho'õmo ni, zudeu'õ norĩ ma, wa te oto rowasu'u da. 47Uburé Danhib'apito hã ãne ma tô wama 'ru za'ra:
“Wa asõré wa'wa, rob'uiwẽ'wa na zudeu'õ norĩ ma hã, danho'reptuzé wasu'u hã dama 'wasari aba da, daro mono bâ.”
48Tawamhã zudeu'õ norĩ hã, ãne hã te te wapari za'ra wamhã, tãma hã rowẽ uptabi za'ra di. Wanhib'apito mreme na ma tô duré tiwata za'ra, wẽ wa. Ma tô duré uburé saze za'ra, 'Re ihâimana u'âsi mono hã te te sima ipisutu za'ra norĩ hã dahâimanazé isi'utõrĩ hã te te sina i'uwaimrami za'ra da hã.
49Tawamhã Wanhib'apito zadawa wasu'u hã ma tô ropé, ti'ai wa'õtõ mono bâ, daza'rui mono bâ. 50Tane nherẽ, Zudeu norĩ hã ma tô zudeu'õ norĩ nhipi'õ dama ipire norĩ 'Re ihâimana u'âsi mono ãma oto 're iwata za'ra mono norĩ hã duré aibâ norĩ 'ri nho'õmo 're, dama ipire norĩ hã wada'uri wasété za'ra. Tawamhã ma tô oto ãma sãna'rata za'ra, rob'manharĩ wasété na hã, Paulu duré Barnabé norĩ ma hã. Ma tô oto sani ni, taha ti'ai wa'õtõ hawimhã. 51Tawamhã Paulu norĩ hã ma tô tipara zapru hã tata'a zahuré, da'ãma dâ'â zahuré tõ da oto. Tahawa, ma tô oto tineb zahuré, Iconiu na 'ri nho'õmo nhisi u. 52Tawamhã Ãtioquia ãma isazei'wa norĩ ma hã rowẽ hã 'masisi u'âsi za'ra di, duré 'Re ihâimana u'âsi mono Pẽ'ẽzani zama.
Iliyochaguliwa sasa
Atus 13: xavBP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.
Atus 13
13
Barnabé norĩ Sauluhu me romhuri na te te isãna'rata zahuré zé
1Tawamhã Ãtioquia ãma isazei'wa norĩ wazarimhã te 're hâimana za'ra, 'Re ihâimana u'âsi mono zadawa 'mahârâ'wa norĩ duré dama rowahutu'wa norĩ hã: Barnabé, Simiã “I'rãdâ'â” na isisi amo hã, duré Lusiu, Cireni ãma aré 're isãmra mono duré Manaé, apito Erodihi siré da te iprédu duré Saulu. 2Tawamhã nimahã bâtâ na hã, Uburé Danhib'apito ãma wata za'ra ré, duré sai ãna a'â si'ubumroi ré, 'Re ihâimana u'âsi mono Pẽ'ẽzani hã ma tô ãne tãma nharĩ za'ra:
— Asisiti simizusi wa'aba Barnabé norĩ hã Sauluhu me, romhuri te te ĩma 'manharĩ zahuré da. Taha da, wa ĩsima pisutu zahuré.
3Tawamhã ãne wa, sai ãna si'ubumroi parimhã, duré te te rowaptẽrẽ za'ra parimhã, tinhib'rada ma tô ãma sa'ra za'ra. Taha pari ma tô siwi satõrĩ zahuré, tinhimiromhuri hã te te 'manharĩ zahuré da.
Barnabé norĩ Sauluhu me Chipri ãma romhuri te te i'manharĩ zahuré zé
4Tawamhã Barnabé norĩ Sauluhu me ma tô tineb zahuré, 'Re ihâimana u'âsi mono Pẽ'ẽzani te te satõrĩ zahuré wa, Seleusia na 'ri nho'õmo nhisi u. Ta hawi, ma tô duré tineb zahuré, rob'ré za'idi Chipri u. 5Salamina na 'ri wa'õtõ u simasisi wamhã, 'Re ihâimana u'âsi mono ma tô dama sadawa wasu'u zahuré, Zudeu norĩ te rowahutuzé mono na. Zuwã Marcu hã ma tô isiré timorĩ zahuré, ipawapto'wa zahuré da.
6Tawamhã uburé rob'ré za'iti na te te ro'rahâri za'ra wamhã, ma tô aihutu, Pafus na 'ri nho'õmo nhisi u. Tame ma tô siwi sõpẽtẽ, Zudeu simi'â na romhuri'wa, Barzezusi na isisi hã, 'Re ihâimana u'âsi mono zadawa 'mahârâ'wa senai'õ hã. 7Ta hã Sérgiu Paulu siwaihu, rob'ré za'iti ãma danhib'apito na 're ihâimana mono siwaihu. Danhib'apito hã, aibâ te te irowaihu'u pe. Ta hã ma tô hâ, Barnabé norĩ zô Sauluhu me, 'Re ihâimana u'âsi mono mreme te te wapari da, te te sima wẽ wa. 8Tane nherẽ, romhõsi'wa Elima hã (ã hã isisi gregu mreme na hã) tãma wẽ õ di, Zezusihi zadawa wasu'u'wa norĩ hã. Duré, tãma wẽ õ di, danhib'apito te te isaze da hã. 9#13.9 Paulu hã romanu norĩ mreme na isisi. Saulu hã hebraicu mreme na hã. Zudeu norĩ hâimanazé taha bâtâ mono na hã isisi maparane te tãma 're hâimana za'ra.Tawamhã Saulu, Paulu na isisi amo hã, 'Re ihâimana u'âsi mono Pẽ'ẽzani 'masisi na tãma hâimana wa, ma tô 'madâ'â pese, Elima hã. 10Tahawa te ãne tãma tinha:
— Wa'uburé 'ra! Duré uburé marĩ iwẽ nhitob'ru! Aibâ iwasédé duré i'asadawa nhipe! E mahã bâtâ u te za isazâ, Uburé Danhib'apito nhimiroti tô sena hã wẽ nherẽ, dawi ãma 're i'azaprĩ mono na hã, iwasété na. 11Waihu'u, ãhã na hã! Uburé Danhib'apito hã te za aima rob'manharĩ wasété. Te za atob'a. Bâtâ ro hã 'madâ'â õ di za, niha bâtâ na.
Tawamhã awa'awi pesere, Elima hã ma tô sina waihu'u, hunhizé i'rãdâ te te itõmo upsibi na hã. Ma tô nasi aipiza, ni'wa hã te te patété mono da. 12Tawamhã danhib'apito ãne hã te te 'madâ'â wamhã, ma tô saze. Ma tô ãma titob'uzui pese, Wanhib'apito Zezusi wasu'u na rowahutu na hã.
Paulu norĩ hã Ãtioquia ãma ihâimana za'ra zé
13Tawamhã Paulu norĩ hã ma tô ai'aba'ré tisiré norĩ me, Pafus hawi, Perze na 'ri nho'õmo nhisi u, Pãfilia na danhipti'a nho'õmo nhisi ãma hã. Rowa'u'u na uba'renem na te sisa're. Tane nherẽ, tame Zuwã Marcus hã ma tô rẽme zahuré. Apâ ma tô sina siri, Zeruzalẽ u. 14Perze hawimhã ma tô duré tineb zahuré, Ãtioquia u Pisidia na danhipti'a nho'õmo nhisi u. Tawamhã romhuri 'rãsudu dawa'utuzé sabadu na hã ma tô tizasi zahuré, Zudeu norĩ te rowahutuzéb u hã. Zasi zahuré wamhã, ma tô aimasisi. 15Tawamhã ni'wa hã, 'Re ihâimana u'âsi mono nhimiroti zahi na Mozési te te irob'ui'érézé hã duré isadawa 'mahârâ'wa norĩ nhimi'ui'éré hã te te dama sõré parimhã, rowahutuzéb ãma 're da'anhimi'rui mono 'wa norĩ hã ma tô ni'wa hã siwi satõ, Paulu duré Barnabé norĩ u, ãne romreme ré:
— Wasisãnawã norĩ, rowasu'u na danhiptete aba da, iré wamhã, ma'ãpé wama rowasu'u wa'aba, ãhã na.
16Tawamhã Paulu hã hâiwi ma tô za. Tinhib'rada ma tô 'manha, ari'iwi dasi'ubumro da. Ãne ma tô ãma sãna'rata:
— Izaraéu nhihudu norĩ duré zudeu'õ norĩ 'Re ihâimana u'âsi mono ãma 're i'aiwata za'ra wa'aba mono hã, ma'ãpé ĩwapari pese za'ra wa'aba! 17'Re ihâimana u'âsi mono Izaraéu nhihudu norĩ nhib'apito hã ma tô wahi'rata norĩ hã sima pisutu za'ra, Ezitu ãma 're si'ubumroi mono ré hã. Ma tô 'manha, ahâ uptabi da hã. Ta hawi ma tô duré sani za'ra, tiwaihu'u pe isa'ẽtẽ uptabi na. 18Tawamhã rop si 're irosa'wari mono ãma hã simi'ẽ na ma tô te te 're 'wapé za'ra, 40 na wahub 'remhã. 19Ma tô da'uprosi, 7 na dawamri hã Cana'ã 'remhã. Tawamhã Izaraéu nhihudu norĩ hã isipti'a na ma tô ãma ate za'ra. 20Ãne hã romhâimana ré hã, ma tô tiwahu 450 na.
— Taha parimhã 'Re ihâimana u'âsi mono hã ma tô tãma pisutu za'ra, da'ãma rowairébé'wa norĩ hã, isadawa 'mahârâ'wa Samuéu ihâimanazéb u hã. 21Izaraéu nhihudu norĩ hã apito te te siwi waptẽrẽ wamhã, ma tô tãma sõmri za'ra Sau hã, Quisihi 'ra hã, Bẽzamihi nhihudu. Ta hã ma tô apito na tãma tihâimana za'ra, 40 na wahum na hã. 22Tawamhã apito Sau te te wazere parimhã, 'Re ihâimana u'âsi mono hã ma tô pisutu Davi hã, apito da. Taha na ma tô ãne tinha: “Wa sõpẽtẽ Davi hã Zéséhé 'ra, aibâ te ĩsima 're iwẽ mono. Ta hã te za uburé marĩ te ĩsima iwẽzé hã te te 're a'manharĩ.” 23Davihi nhihudu, Zezusi hã. Ta hã 'Re ihâimana u'âsi mono ma tô pisutu, Izaraéu nhihudu norĩ nho'reptui'wa da, te te ãma iropisutuzéb zarina. 24Zezusi hã wei wisi wana ré, ma tô Zuwã Batista hã te te dama 're rowahutu, â dawabzuri te te dama 're i'ab'manharĩ mono na hã duré dawasété wi 're idasipizari za'ra mono zém na zama, uburé Izaraéu nhihudu norĩ ma. 25Tawamhã Zuwã hã tinhimiromhuri te te i'rãsutuzé hã ro'rutu wamhã, te ãne dama siwasu'u: “E 'wa na te ĩ'ãma irosa'rata za'ra wa'wa, wa hã. Wa hã sô 're i'asimipari za'ra wa'aba mono hãi õ di. Tahawa, ma'ãpé ĩwapari za'ra wa'aba. Ta hã ĩza'u si te za wei mo. Tahawa e wa hã ĩwẽ bâ, ipara'uza te tãma iwazere da hã.”
26Tawamhã Paulu hã ma ãma uzusi, ãne:
— Ĩsisãnawã norĩ, Abra'ãhã nhihudu norĩ duré a norĩ wa'wa zudeu'õ norĩ, 'Re ihâimana u'âsi mono ãma si 're i'aiwata za'ra wa'aba mono norĩ zama, ĩwapari za'ra wa'aba! Ã hã rowasu'uwẽ danho'reptuzém na hã ma tô wei watẽme satõrĩ za'ra, uburé wama za'ra. 27Zeruzalẽ ãma 're isi'ubumroi mono norĩ hã duré ta norĩ ma ipire norĩ zama, te te waihu'u za'ra õ di, Zezusi Danho'reptui'wa na hã. Duré te te sadaihu'u za'ra õ di sabadu nhidâpâ, 'Re ihâimana u'âsi mono zadawa 'mahârâ'wa norĩ nhimi'ui'éré hã da te dasima 're sõré za'ra mono nherẽ. Ãne nherẽ, Zezusi hã dâ'â da, te te ãma siwi roti wamhã, ma tô ãma uwaimra, 'Re ihâimana u'âsi mono zadawa 'mahârâ'wa norĩ nhimirowasu'u hã. 28Duré i'uwaibaba na da te iwĩrĩzéb da, te te siwi sãmri õ nherẽ, Pilatuhu wi ma tô waptẽrẽ za'ra, te te 'ru da, da te dasiwi wĩrĩ da hã. 29Ibaihâ Iwazé pese na rob'ui'éré hã uburé te te ãma uwaimrami pari, ma tô siwi si'ra, wedepo'o nhonhi'rãmi hawi. Taha pari ma tô sẽrẽ ni, ab're 're. 30Tane nherẽ, 'Re ihâimana u'âsi mono, ma tô apâ hâiwa'utu, dâ'â ãna 're hâimana mono da. 31Tawamhã bâtâ ahâ na ma tô nasi sihâi'ré, Galiléia hawi Zeruzalẽ u, isiré 're inomro mono norĩ ma. Ã norĩ hã te te oto 're wasu'u za'ra Zezusi hã, uburé a'uwẽ norĩ ma hã.
32— Duré wa norĩ hã wa aima wasu'u za'ra wa'aba ni, Rowasu'uwẽ hã 'Re ihâimana u'âsi mono te te ãma iropisudu hã wahi'rata norĩ ma. 33Ma tô oto ãma uwaimra wama za'ra, tô ti'ra norĩ ma. Zezusi hã apâ ma hâiwa'utu, Salmu 2 ãma rob'ui'éré zarina, ãne:
“A hã ĩ'ra. Ã bâtâ na hã wa hã Aimama oto.”
34— Ãne 'Re ihâimana u'âsi mono hã ma tô tinha, Zezusi apâ te te ihâiwa'utuzém na hã. Ma tô ãma roti, niwa dadâ hã za te te ãma i'ai'uté õ na hã, ãne:
“Marĩ iwẽ uptabi iwazé pe hã, wa za aima sõmri za'ra, Davihi ma, te ãma iropisutuzé hã.”
35Ãne te duré tinha, ihâiba amoi ãma rob'ui'éré na hã:
“A hã rẽme õ di za, ate romhuri'wa Iwẽ uptabi hã ab're 're, 'ro da hã.”
36Tawamhã Paulu hã ma duré ãma uzusi, ãne:
— Davi hã ti'ai ãma 're hâimana mono ré hã ma tô ãma uwaimra, 'Re ihâimana u'âsi mono te, rowa'õno hã. Taha pari ma tô dârâ. Ma tô ãma ti'a ni, ihi'rata norĩ zababa. Tame ma tô ti'ro. 37Tazahã, ãne hã tãma romhâimana õ di, 'Re ihâimana u'âsi mono apâ te te ihâiwa'utu ma hã. 38-39Ĩsisãnawã norĩ, iwaihu'u za'ra wa'aba da si, Zezusihi nhimi'manharĩzéb u'âbâ dawasété parizém na wa te aima irowasu'u za'ra wa'wa hã. Waihu'u za'ra wa'aba, ni'wa hã te te sazei wamhã, iwasété wi te za sõ'reptu. Mozésihi nhimi'ui'éré 'rada hã te te isõ'reptui waihu'u'õ hã. 40Tahawa, ma'ãpé ãma pibui pese za'ra wa'aba, hâimana tõ da, 'Re ihâimana u'âsi mono zadawa 'mahârâ'wa norĩ te te inharĩ za'ra zé hã, ãne:
41“'Re ihâimana u'âsi mono ãma 're i'ato za'ra wa'aba mono norĩ, 'madâ'â za'ra wa'aba!
A'rãmi za'ra wa'aba. Duré ai'utõrĩ aba.
Ãhã na hã wa za 'manha marĩ hã, niwamhã ni'wa hã te te aima ãma rowasu'u za'ra wa'aba nherẽ, aré ãma i'asimizaze za'ra wa'aba õ hã.”
42Tawamhã Paulu norĩ Barnabéhé me hã, Zudeu norĩ te rowahutuzém hawi pusi wamhã, ma tô duré waptẽrẽ zahuré ni dazadawa za'réi ãna, te te duré dama rowahutu zahuré da, sabadu amo na hã. 43Tawamhã rowahutuzém hawi dawairébé wamhã, da'ahâ na Zudeu norĩ hã duré zudeu'õ norĩ Zudeu norĩ hâimanazéb zarina 're ihâimana za'ra mono norĩ hã ma tô Paulu norĩ siré ai'aba'ré, Barnabéhé me. Ta norĩ hã ma tô te te tãma robzanhamri za'ra, 'Re ihâimana u'âsi mono nhimipawaptobzém na te te ãma uzusi zahuré da.
44Tawamhã sabadu hã oto iwa waptã'ã wamhã, da'ahâ uptabi na uburé pese õ nherẽ, 'ri wa'õtõ 'remhã ma tô dasito, Uburé Danhib'apito zadawa wasu'u hã da te wapari za'ra da. 45Tane nherẽ, Zudeu norĩ hã da'ahâ na te te da'madâ'â za'ra wamhã, ma tô sõ'ru za'ra. Tahawa Paulu hã ma tô siwi mreme wẽ'õ. Imreme wa'rãmi ma tô nasi nharĩ za'ra. 46Tane nherẽ, Paulu norĩ hã Barnabéhé me ma tô pahi ãna ãma sada'âbâ za'ra, ãne:
— Tô aré i'ru zahi, 'Re ihâimana u'âsi mono mreme hã a norĩ wa'wa Zudeu norĩ uimrehẽne iwapari za'ra wa'aba da hã. Tane nherẽ, asima wẽ za'ra wa'aba õ di. Duré te asina irosa'rata za'ra wa'wa, sadai õ na, dahâimanazé isi'utõrĩ'õ isõpẽtẽ za'ra wa'aba zéb da hã. Tane ze te bâ, wa za oto warĩtĩ nho'õmo ni, zudeu'õ norĩ ma, wa te oto rowasu'u da. 47Uburé Danhib'apito hã ãne ma tô wama 'ru za'ra:
“Wa asõré wa'wa, rob'uiwẽ'wa na zudeu'õ norĩ ma hã, danho'reptuzé wasu'u hã dama 'wasari aba da, daro mono bâ.”
48Tawamhã zudeu'õ norĩ hã, ãne hã te te wapari za'ra wamhã, tãma hã rowẽ uptabi za'ra di. Wanhib'apito mreme na ma tô duré tiwata za'ra, wẽ wa. Ma tô duré uburé saze za'ra, 'Re ihâimana u'âsi mono hã te te sima ipisutu za'ra norĩ hã dahâimanazé isi'utõrĩ hã te te sina i'uwaimrami za'ra da hã.
49Tawamhã Wanhib'apito zadawa wasu'u hã ma tô ropé, ti'ai wa'õtõ mono bâ, daza'rui mono bâ. 50Tane nherẽ, Zudeu norĩ hã ma tô zudeu'õ norĩ nhipi'õ dama ipire norĩ 'Re ihâimana u'âsi mono ãma oto 're iwata za'ra mono norĩ hã duré aibâ norĩ 'ri nho'õmo 're, dama ipire norĩ hã wada'uri wasété za'ra. Tawamhã ma tô oto ãma sãna'rata za'ra, rob'manharĩ wasété na hã, Paulu duré Barnabé norĩ ma hã. Ma tô oto sani ni, taha ti'ai wa'õtõ hawimhã. 51Tawamhã Paulu norĩ hã ma tô tipara zapru hã tata'a zahuré, da'ãma dâ'â zahuré tõ da oto. Tahawa, ma tô oto tineb zahuré, Iconiu na 'ri nho'õmo nhisi u. 52Tawamhã Ãtioquia ãma isazei'wa norĩ ma hã rowẽ hã 'masisi u'âsi za'ra di, duré 'Re ihâimana u'âsi mono Pẽ'ẽzani zama.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2011, Wycliffe Bible Translators, Inc.