San Mateo 4
4
Satanás caman Jesusta
(Mc 1.12-13; Lc 4.1-13)
1Chai huasha Yaya Diospa Espiritunga Jesusta aparga allpa nima imayuma, Satanás camanamba.
2Ayunashcan huasha chuscu chunga punchata chaimanda chuscu chunga tutata, Jesús yarcarga. 3Chasnapi Satanasca caillayashpan Jesusta camanamba rimarga: «Quiquimba Yaya Diospa huahuan cashpaiguica camachi cai rumicunata pan tucunangunapa.»
4Jesús ainirga: «Bibliapimi quillcarishca caju: “Runaca manami micunallahuachu causan, astahua Yaya Diospa mensajeta uyashpan casushpanmi causanga.”»
5Satanás Jesusta camashcan huasha, aparga santu llacta Jerusalenma, sicachirga astahua templu ahua parti, 6Chaibi rimarga: «Quiquimba Yaya Diospa huahuan cashpaiguica, saltai cai ucuma; Bibliapi quillcarishca caju:
»“Yaya Diosmi cachanga angelningunata muyucta cuiranangunapa canda”, chaimanda “maquingunahua apingacuna mana rumipi tacarishpaigui urmanaiguipa”.»
7Jesús rimarga: «Bibliapi quillcarishca caju: “Mana camaichu camba Amuigui Diosta.”» 8Cuti mushumanda Satanasca ahua urcuma Jesusta apashpan. Chaibi ricuchirga achca cullquiyu naciongunata chaimanda tucui gloriangunata. 9Chaibi Satanasca rimarga: «Tucui caigunata cushcaigui can ñucata cungurishpa mañashpa cushichihuashpaiguica.» 10Chaibi Jesusca ainirga: «Anchuri Satanás, Bibliapi quillcarishcami caju: “Amuigui Diosllata cushichi cungurishpa mañangui, paillata servinaigui tiyan”.» 11Chasna Jesuspa rimashcanda uyashpan Satanasca anchurimurga paimanda, chaimanda masna angelcuna shamurgacuna yanapanapa imata munashcanhua.
Jesús callarin yachachinata
(Mc 1.14-15; Lc 4.14-15)
12Jesús yachashpan Juan Bautista carcelpi cajushcanda, cutirga Galileama. 13Nazaretmanda anchurishpan, rirga mar mayambi llacta Cafarnaunma, Zabulomba chaimanda Neftali regionma. 14Chasna pactarirga profeta Isaiaspa rimashcanshina: 15«Zabulón chaimanda Neftali allpa, Jordan chimbama mar mayanda ñambi, Galilea carumanda runacunapa; 16Amsapi puric runacuna ricushcacuna atun punchata; Shuc región llandu amsa huañuipi causaccunata, punchayachirga.» 17Chaimanda pacha Jesusca callarirga predicanata rimashpa: «Saquichi ucha ruranaiguichita, ñami cielomanda caillayashca Yaya Diospa camachinanga.»
Jesús cayan chuscu challhuata apiccunata
(Mc 1.16-20; Lc 5.1-11)
18Jesús rijushpan Galilea yacu mayanda, Chaibi ricurga ishcai huauquicunata, Simón, rimananguna Pedrota, chaimanda Andresta, Chaibi redengunata cacharishpa cajurgacuna yacupi, paiguna challhuata apiccuna cargacuna. 19Jesús paigunata rimarga: «Catihuaichi, ñuca yachachishcaiguichi challhuatashina tandanaiguichipa runacunata Yaya Diosraigu.» 20Chairatulla redengunata saquishpanguna Jesusta catirgacuna.
21Astalla pundanicpi, Jesús ricurga shuc ishcai huauquicunata, Jacobota chaimanda Juanda, Zebedeopa huahuangunata, paiguna cajurgacuna redengunata limindashpa papangunahua pacta canuhuapi. Chaibi Jesusca paigunata cayarga, 22chairatulla, saquirgacuna canuhuangunata papangunata, Jesusta catinangunapa.
Jesús yachachin, ambin runacunata
(Lc 6.17-19)
23Jesús purirga tucui Galileata. Yachachirga paigunapa tandarina huasingunapi. Predicashpa evangeliota Yaya Diospa camachishcanda, ambishpa tucui ungüicunata, tucui nanaicunata chai llactapi. 24Tucui región Siriapi uyarirga ali rurajushcanga, uyashpanguna chaida apamurgacuna tucui sami ungushcacunata chaimanda nanaihua cajuccunata, manchaihua causajuccunata, supai yaicushcacunata, cungaimanda lismayaccunata, aichangunata cuyuchinata mana atipaccunata; ambirga Jesusca. 25Jesusta achca runacuna catirgacuna Galileamanda, Decapolismanda#4.25 Decapolismanda Riman chunga llactacunamanda, Jerusalenmanda, Judeamanda, shuc parti chimba yacu Jordanmandapas.
Iliyochaguliwa sasa
San Mateo 4: QUPN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 AIDIA
© 2025 Seed Company
San Mateo 4
4
Satanás caman Jesusta
(Mc 1.12-13; Lc 4.1-13)
1Chai huasha Yaya Diospa Espiritunga Jesusta aparga allpa nima imayuma, Satanás camanamba.
2Ayunashcan huasha chuscu chunga punchata chaimanda chuscu chunga tutata, Jesús yarcarga. 3Chasnapi Satanasca caillayashpan Jesusta camanamba rimarga: «Quiquimba Yaya Diospa huahuan cashpaiguica camachi cai rumicunata pan tucunangunapa.»
4Jesús ainirga: «Bibliapimi quillcarishca caju: “Runaca manami micunallahuachu causan, astahua Yaya Diospa mensajeta uyashpan casushpanmi causanga.”»
5Satanás Jesusta camashcan huasha, aparga santu llacta Jerusalenma, sicachirga astahua templu ahua parti, 6Chaibi rimarga: «Quiquimba Yaya Diospa huahuan cashpaiguica, saltai cai ucuma; Bibliapi quillcarishca caju:
»“Yaya Diosmi cachanga angelningunata muyucta cuiranangunapa canda”, chaimanda “maquingunahua apingacuna mana rumipi tacarishpaigui urmanaiguipa”.»
7Jesús rimarga: «Bibliapi quillcarishca caju: “Mana camaichu camba Amuigui Diosta.”» 8Cuti mushumanda Satanasca ahua urcuma Jesusta apashpan. Chaibi ricuchirga achca cullquiyu naciongunata chaimanda tucui gloriangunata. 9Chaibi Satanasca rimarga: «Tucui caigunata cushcaigui can ñucata cungurishpa mañashpa cushichihuashpaiguica.» 10Chaibi Jesusca ainirga: «Anchuri Satanás, Bibliapi quillcarishcami caju: “Amuigui Diosllata cushichi cungurishpa mañangui, paillata servinaigui tiyan”.» 11Chasna Jesuspa rimashcanda uyashpan Satanasca anchurimurga paimanda, chaimanda masna angelcuna shamurgacuna yanapanapa imata munashcanhua.
Jesús callarin yachachinata
(Mc 1.14-15; Lc 4.14-15)
12Jesús yachashpan Juan Bautista carcelpi cajushcanda, cutirga Galileama. 13Nazaretmanda anchurishpan, rirga mar mayambi llacta Cafarnaunma, Zabulomba chaimanda Neftali regionma. 14Chasna pactarirga profeta Isaiaspa rimashcanshina: 15«Zabulón chaimanda Neftali allpa, Jordan chimbama mar mayanda ñambi, Galilea carumanda runacunapa; 16Amsapi puric runacuna ricushcacuna atun punchata; Shuc región llandu amsa huañuipi causaccunata, punchayachirga.» 17Chaimanda pacha Jesusca callarirga predicanata rimashpa: «Saquichi ucha ruranaiguichita, ñami cielomanda caillayashca Yaya Diospa camachinanga.»
Jesús cayan chuscu challhuata apiccunata
(Mc 1.16-20; Lc 5.1-11)
18Jesús rijushpan Galilea yacu mayanda, Chaibi ricurga ishcai huauquicunata, Simón, rimananguna Pedrota, chaimanda Andresta, Chaibi redengunata cacharishpa cajurgacuna yacupi, paiguna challhuata apiccuna cargacuna. 19Jesús paigunata rimarga: «Catihuaichi, ñuca yachachishcaiguichi challhuatashina tandanaiguichipa runacunata Yaya Diosraigu.» 20Chairatulla redengunata saquishpanguna Jesusta catirgacuna.
21Astalla pundanicpi, Jesús ricurga shuc ishcai huauquicunata, Jacobota chaimanda Juanda, Zebedeopa huahuangunata, paiguna cajurgacuna redengunata limindashpa papangunahua pacta canuhuapi. Chaibi Jesusca paigunata cayarga, 22chairatulla, saquirgacuna canuhuangunata papangunata, Jesusta catinangunapa.
Jesús yachachin, ambin runacunata
(Lc 6.17-19)
23Jesús purirga tucui Galileata. Yachachirga paigunapa tandarina huasingunapi. Predicashpa evangeliota Yaya Diospa camachishcanda, ambishpa tucui ungüicunata, tucui nanaicunata chai llactapi. 24Tucui región Siriapi uyarirga ali rurajushcanga, uyashpanguna chaida apamurgacuna tucui sami ungushcacunata chaimanda nanaihua cajuccunata, manchaihua causajuccunata, supai yaicushcacunata, cungaimanda lismayaccunata, aichangunata cuyuchinata mana atipaccunata; ambirga Jesusca. 25Jesusta achca runacuna catirgacuna Galileamanda, Decapolismanda#4.25 Decapolismanda Riman chunga llactacunamanda, Jerusalenmanda, Judeamanda, shuc parti chimba yacu Jordanmandapas.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2025 AIDIA
© 2025 Seed Company