MARK 2
2
Jothor-rugi Ekjon Jisu He Hustho Kora
1Aru olop din pasot te, ketiya Jisu Capernaum te ahhise, Tar ghor te thaka khobor tu jani loise. 2Aru besi manuh khan jama kora karne jaga nathaka hoi jaise, dorja usor tak bhi jabole napara hoise. Aru Tar pora Isor kotha taikhan ke prachar korise. 3Aru char jon manuh pora jothor-rugi ekjon ke bukhi kene anise. 4Ketiya manuh khan besi thaka karne taikhan Jisu usor te jabo para nai, taikhan pora Jisu thaka jaga thik upor te ghor chatai tu khuli kene jothor-rugi manuh ghumai thaka bisona tu niche te namai dise. 5Aru ketiya Jisu he taikhan laga biswas tu dekhise, Tar he jothor-rugi manuh ke koise, “Moi laga putro, tumi laga paap sob bhi khyama kori dise.” 6Tetiya konuba pondit khan tate bohi thakise, tarkhan laga mon te eneka hudi thakise, 7“Eitu manuh pora kile eneka koi ase? Eitu tu Isor ke ninda kora kotha ase! Isor nahole kon pora paap khyama koribo paribo?” 8Aru Jisu he loge loge Tar laga Atma te pondit khan laga mon te eneka hudi ase eitu jani kene, taikhan ke koise,“Tumikhan laga mon te kile eneka hudi ase? 9Jothor-rugi manuh ke kobole kon tu asani ase, ‘Tumi laga paap khyama korise,’ na nahole, ‘Uthibi, tumi laga bisona tu bukhi lobi aru berai jabi?’ 10Kintu Manuh laga Putro he prithibi te paap khyama kori bole odhikar ase eneka tumi khan ke janai dibole eneka hoise”—Tetiya jothor-rugi manuh ke Tar he koise— 11“Moi tumi ke koi ase uthibi, tumi laga bisona uthai lobi aru ghor te jabi.” 12Aru tar uthise, aru loge loge bisona tu uthai loi kene tarkhan laga aage te jaise, tetiya taikhan sob pora asorit lagise aru Isor ke mahima di kene koise, “Amikhan pora eneka ketiya bhi dekha nai.”
Jisu He Levi Ke Mata
13Tar samundor kinar phale ulai kene jaise, aru manuh khan sob Tar usor te jama kori loise, aru Tar he taikhan ke sikhai thakise. 14Aru Tar eitu jaga par kori jua homoi te, Alphaeus laga putro Levi khajana tula jaga te bohi kene dekhise, aru Jisu he tar ke koise, “Moi laga piche te ahhibi.” Aru tar uthi kene Jisu piche te jaise.
15Aru Levi laga ghor te Jisu he mez te bohi thaka homoi te, khajana tula aru paapi manuh khan besi Jisu aru Tar laga chella khan logot te bohi thakise, kilemane taikhan besi Jisu laga piche te ahhise. 16Aru Pharisees laga pondit khan pora, ketiya Jisu he khajana tula aru paapi khan logot te khua dekhise, Tar chella khan logot te koise, “Kile Tar pora khajana tula aru paapi khan logot te khai ase?” 17Aru ketiya Jisu he eitu hunise, taikhan ke koise, “Kon manuh bemar nahoi, taikhan doctor ke nalage, kintu kon bemar ase taikhan karne he lage. Moi dharmik khan matibole nahoi, kintu paapi khan matibole ahhise.”
Logun Laga Prosno
18Etiya John laga chella khan aru Pharisees khan pora logun loi thakise. Aru manuh khan ahhi kene Jisu ke hudise, “Kile John laga chella aru Pharisees laga chella khan pora logun loi, kintu Apunar chella khan pora naloi?” 19Aru Jisu he uttar di koise, “dulha taikhan logot te thaka homoi te alohi ahha khan logun lobo neki? Dulha ketiya tak taikhan logot te thake taikhan logun lobo nalage. 20Din tu ahhi jabo, ketiya dulha taikhan majot pora loi jabo, aru tarkhan pora heitu din te logun lobo. 21Konu manuh pora bhi notun kapoor loi kene purana kapoor te nasilai. Jodi eneka kore, silaai lua jaga te notun kapoor pora purana tu phatai dibo, aru chenda tu besi dangor he hoi jabo. 22Aru konu manuh pora bhi notun draikhya-roh tu purana chamra-jhola te narakhe. Jodi eneka kore, draikhya-roh pora jhola tu phatai dibo, aru draikhya-roh tu nosto hoi jabo, aru teneka chamra bhi nosto hobo. Kintu notun draikhya-roh tu notun chamra te he rakhibo lage.”
Jisu He Bisram Din Laga Prabhu Ase
23Bisram din ekta te Tar dhan kheti ekta par kori thakise, aru tarkhan raasta te jua homoi, Tar laga chella khan pora dhan tu singi kene khabole shuru hoise. 24Aru Pharisees khan pora Tar ke koise, “Sabi, kile tarkhan pora bisram din te ki koribo nalage eitu kori ase?” 25Aru Tar he taikhan ke koise, “ketiya dorkar hoise aru bhuk lagise, David aru tar logot te thaka khan pora ki korise, eitu tumikhan pora ketiya bhi porha nai neki: 26Abiathar mahan puruhit thaka homoi te, keneka Isor laga ghor te humaise, aru daan diya roti, kon tu hodai thakibole lage, aru khali puruhit khan pora he khabole pare, eitu khaise aru tar logot te thaka manuh khan ke bhi khabole dise?” 27Aru Tar he taikhan ke koise, “Bisram din tu manuh khan karne he bonaise, manuh tu bisram din karne nahoi. 28Eitu karne Manuh laga Putro tu bisram din laga prabhu ase.”
Iliyochaguliwa sasa
MARK 2: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MARK 2
2
Jothor-rugi Ekjon Jisu He Hustho Kora
1Aru olop din pasot te, ketiya Jisu Capernaum te ahhise, Tar ghor te thaka khobor tu jani loise. 2Aru besi manuh khan jama kora karne jaga nathaka hoi jaise, dorja usor tak bhi jabole napara hoise. Aru Tar pora Isor kotha taikhan ke prachar korise. 3Aru char jon manuh pora jothor-rugi ekjon ke bukhi kene anise. 4Ketiya manuh khan besi thaka karne taikhan Jisu usor te jabo para nai, taikhan pora Jisu thaka jaga thik upor te ghor chatai tu khuli kene jothor-rugi manuh ghumai thaka bisona tu niche te namai dise. 5Aru ketiya Jisu he taikhan laga biswas tu dekhise, Tar he jothor-rugi manuh ke koise, “Moi laga putro, tumi laga paap sob bhi khyama kori dise.” 6Tetiya konuba pondit khan tate bohi thakise, tarkhan laga mon te eneka hudi thakise, 7“Eitu manuh pora kile eneka koi ase? Eitu tu Isor ke ninda kora kotha ase! Isor nahole kon pora paap khyama koribo paribo?” 8Aru Jisu he loge loge Tar laga Atma te pondit khan laga mon te eneka hudi ase eitu jani kene, taikhan ke koise,“Tumikhan laga mon te kile eneka hudi ase? 9Jothor-rugi manuh ke kobole kon tu asani ase, ‘Tumi laga paap khyama korise,’ na nahole, ‘Uthibi, tumi laga bisona tu bukhi lobi aru berai jabi?’ 10Kintu Manuh laga Putro he prithibi te paap khyama kori bole odhikar ase eneka tumi khan ke janai dibole eneka hoise”—Tetiya jothor-rugi manuh ke Tar he koise— 11“Moi tumi ke koi ase uthibi, tumi laga bisona uthai lobi aru ghor te jabi.” 12Aru tar uthise, aru loge loge bisona tu uthai loi kene tarkhan laga aage te jaise, tetiya taikhan sob pora asorit lagise aru Isor ke mahima di kene koise, “Amikhan pora eneka ketiya bhi dekha nai.”
Jisu He Levi Ke Mata
13Tar samundor kinar phale ulai kene jaise, aru manuh khan sob Tar usor te jama kori loise, aru Tar he taikhan ke sikhai thakise. 14Aru Tar eitu jaga par kori jua homoi te, Alphaeus laga putro Levi khajana tula jaga te bohi kene dekhise, aru Jisu he tar ke koise, “Moi laga piche te ahhibi.” Aru tar uthi kene Jisu piche te jaise.
15Aru Levi laga ghor te Jisu he mez te bohi thaka homoi te, khajana tula aru paapi manuh khan besi Jisu aru Tar laga chella khan logot te bohi thakise, kilemane taikhan besi Jisu laga piche te ahhise. 16Aru Pharisees laga pondit khan pora, ketiya Jisu he khajana tula aru paapi khan logot te khua dekhise, Tar chella khan logot te koise, “Kile Tar pora khajana tula aru paapi khan logot te khai ase?” 17Aru ketiya Jisu he eitu hunise, taikhan ke koise, “Kon manuh bemar nahoi, taikhan doctor ke nalage, kintu kon bemar ase taikhan karne he lage. Moi dharmik khan matibole nahoi, kintu paapi khan matibole ahhise.”
Logun Laga Prosno
18Etiya John laga chella khan aru Pharisees khan pora logun loi thakise. Aru manuh khan ahhi kene Jisu ke hudise, “Kile John laga chella aru Pharisees laga chella khan pora logun loi, kintu Apunar chella khan pora naloi?” 19Aru Jisu he uttar di koise, “dulha taikhan logot te thaka homoi te alohi ahha khan logun lobo neki? Dulha ketiya tak taikhan logot te thake taikhan logun lobo nalage. 20Din tu ahhi jabo, ketiya dulha taikhan majot pora loi jabo, aru tarkhan pora heitu din te logun lobo. 21Konu manuh pora bhi notun kapoor loi kene purana kapoor te nasilai. Jodi eneka kore, silaai lua jaga te notun kapoor pora purana tu phatai dibo, aru chenda tu besi dangor he hoi jabo. 22Aru konu manuh pora bhi notun draikhya-roh tu purana chamra-jhola te narakhe. Jodi eneka kore, draikhya-roh pora jhola tu phatai dibo, aru draikhya-roh tu nosto hoi jabo, aru teneka chamra bhi nosto hobo. Kintu notun draikhya-roh tu notun chamra te he rakhibo lage.”
Jisu He Bisram Din Laga Prabhu Ase
23Bisram din ekta te Tar dhan kheti ekta par kori thakise, aru tarkhan raasta te jua homoi, Tar laga chella khan pora dhan tu singi kene khabole shuru hoise. 24Aru Pharisees khan pora Tar ke koise, “Sabi, kile tarkhan pora bisram din te ki koribo nalage eitu kori ase?” 25Aru Tar he taikhan ke koise, “ketiya dorkar hoise aru bhuk lagise, David aru tar logot te thaka khan pora ki korise, eitu tumikhan pora ketiya bhi porha nai neki: 26Abiathar mahan puruhit thaka homoi te, keneka Isor laga ghor te humaise, aru daan diya roti, kon tu hodai thakibole lage, aru khali puruhit khan pora he khabole pare, eitu khaise aru tar logot te thaka manuh khan ke bhi khabole dise?” 27Aru Tar he taikhan ke koise, “Bisram din tu manuh khan karne he bonaise, manuh tu bisram din karne nahoi. 28Eitu karne Manuh laga Putro tu bisram din laga prabhu ase.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.