MATTHEW 15
15
Purana Niyom Aru Hukum
1Tetiya Pharisees aru kanoon pondit khan Jerusalem pora ahhi kene Jisu logot te koise, 2“Kile Apuni laga chella khan pora Jews laga purana niyom bhangai ase? Kile mane taikhan pora haat nadhulai kene khua lua kore.” 3Jisu he tarkhan ke jawab dise, “Aru tumikhan pora bhi kile Jews laga purana niyom nimite Isor laga hukum namani kene bhangai ase? 4Kilemane Isor he koise, ‘Amaa baba ke sonman koribi’ aru, ‘kon manuh pora nijor amaa baba laga beya kotha koi hosa pora bhi moribo.’ 5Kintu, ‘Jodi konuba pora amaa baba ke koi, “Moi pora ki madad apunikhan ke dibole thakise, eitu sob Isor ke di ase,” tetiya eitu manuh pora amaa baba ke sonman nakorile bhi eku nahoi, eneka tumikhan pora koi ase. 6Eitu karne, tumikhan pora bhi Jews laga purana niyom nimite, Isor laga kotha tu harai dise. 7Hei kopotiya khan! Isaiah bhavobadi darai tumikhan nimite thik bhavobani di kene koise:
8“‘Eitu manuh khan he taikhan mukh pora he moi ke sonman kori,
kintu taikhan laga mon tu moi pora besi dur te ase;
9britha te he taikhan pora moi ke aradhana kore,
aru manuh khan laga bhabna tu he dhormo kotha eneka sikhai ase.’”
Ki Pora Manuh Ekjon Letra Kore
10Aru jama kori thaka manuh khan ke Tar pora usor te mati kene koise, “Hunibi aru buji lobi: 11mukh te ki humai jai eitu pora manuh ke letra nakore, kintu mukh pora ki ulai ahhe eitu pora he letra kore.” 12Tetiya chella khan ahhi kene koise, “Apuni kua kotha huni kene pharisees khan pora beya paise, eitu apuni janise na nai?” 13Tar jawab di kene koise, “Kon tu gos sorgot thaka Moi laga Pitri pora lagai diya nai, eitu gos tu hipa bhi ulai dibo. 14Tarkhan ke shari dibi; tarkhan tu andha ekjon pora ekjon ke loi jua nisna ase. Aru jodi andha ekjon pora dusera andha ekjon ke loi jai, duijon bhi eke logot gant te giri jabo.” 15Kintu Peter pora Tar ke koise, “Eitu laga dristanto amikhan ke bujai dibi.” 16Tetiya Tar pora koise, “Tumikhan bhi etiya tak nabuji kene he ase neki? 17Mukh te ki humai jai, eitu pet te jai aru ulai jai kene bahar te phelai diye, eitu tumikhan najane neki? 18Kintu ki mukh pora ulai ahhe eitu mon te bhabna pora he ulai, aru eitu pora he manuh ekta ke letra kori diye. 19Kilemane mon pora ki beya bhabna ahhe, eitu pora manuh morai diya, biyobichar, beisa, choor kora, galti sakhi diya, ninda kori; 20Eitu khan pora he manuh ekjon ke letra kore, kintu haat letra hoi kene khua pora manuh ekjon ke letra nakori.”
Canaan Laga Tiruta Ekjoni Biswas
21Jisu he eitu jaga shari kene, Tyre aru Sidon jila te jaise. 22Aru sabi, Canaan laga tiruta ekjoni eitu nagor pora ulai ahhise aru jur pora mati kene koise, “Moi ke doya koribi, Prabhu, David laga Putro; moi laga sowali ohusi atma pora dhori kene besi kosto te ase.” 23Kintu Jisu he tai ke eku uttar diya nai. Aru Tar laga chella khan ahhi kene onurudh kori koise, “Tai ke pathai dibi, kilemane tai chillai kene amikhan laga piche te ahhi ase.” 24Tar he jawab di kene koise, “Israel porial majot te harai jua mer nimite he moi ke pathaise.” 25Kintu tai ahhi kene Tar laga usor te athukarhi kene koise, “Prabhu, moi ke madad koribi.” 26Aru Tar he uttar dise, “Bacha khan laga khua-lua loi kene kukur ke diya tu thik nahoi.” 27Tetiya tai pora koise, “Hoi, Prabhu, kintu kukur khan pora bhi malik laga mez pora giri jua huru tukura khan tu khabole pai.” 28Tetiya Jisu he tai ke uttar di kene koise, “Hei! biswas dangor thaka tiruta! Tumi itcha hua nisna tumar karne hobole dibi.” Aru loge loge tai laga sowali tu hustho hoise.
Jisu He Besi Hustho Kora
29Aru eitu pasote Jisu he tate pora Galilee samundor kinar phale par kori jaise, aru pahar upor te uthi kene tate bohise. 30Aru besi manuh Tar usor te ahhise, taikhan pora lengera, theng haat tera khan, soku andha khan, buba manuh khan, arubhi besi manuh Tar usor te anidise, aru Tar pora sob hustho kori dise, 31ketiya buba khan he kotha koise, theng haat tera khan bhall hoise, lengera manuh he khujkarhise aru andha khan pora dekhise; tetiya jama kori thaka manuh khan sob bhi asorit hoise, aru Israel laga Isor ke mahima korise.
Jisu Pora Char Hazar Khilai Diya
32Tetiya Jisu he nijor chella khan Tar usor te mati kene koise, “Jama kori thaka manuh khan karne moi morom lage, kilemane etiya taikhan moi logot thaka tu tin din hoise, aru khabole taikhan eku nai; aru taikhan ke eneka bhuk hoi kene pathai dibole Moi monn nai, ki jane bhuk pora taikhan raasta te giri jabo pare.” 33Aru chella khan pora Tar ke koise, “Kot pora eneka manuh nathaka jaga te iman manuh besi khabole roti pabo?” 34Aru Jisu he taikhan ke koise, “Kiman roti tumikhan logot te ase?” Taikhan pora koise, “satta, aru huru-huru maas olop ase.” 35Aru jama kori thaka manuh khan sob maati te bohi bole kua pasote, 36Tar pora satta roti aru maas tu loise, aru dhanyabad diya pasote Tar bhangai kene Tar chella khan logote bhag kori dise, aru chella khan pora manuh khan sob ke dise. 37Aru taikhan sob khai kene tripti hoise; aru taikhan pora tukura roti jama kora tu satta tukuri paise. 38Kon pora khaise eitu khan, tiruta aru bacha khan shari kene mota manuh khan char hazar thakise. 39Aru manuh khan pathai kene, Tar ekta nao te bohise aru Magadan jaga te jaise.
Iliyochaguliwa sasa
MATTHEW 15: NagaMe
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.
MATTHEW 15
15
Purana Niyom Aru Hukum
1Tetiya Pharisees aru kanoon pondit khan Jerusalem pora ahhi kene Jisu logot te koise, 2“Kile Apuni laga chella khan pora Jews laga purana niyom bhangai ase? Kile mane taikhan pora haat nadhulai kene khua lua kore.” 3Jisu he tarkhan ke jawab dise, “Aru tumikhan pora bhi kile Jews laga purana niyom nimite Isor laga hukum namani kene bhangai ase? 4Kilemane Isor he koise, ‘Amaa baba ke sonman koribi’ aru, ‘kon manuh pora nijor amaa baba laga beya kotha koi hosa pora bhi moribo.’ 5Kintu, ‘Jodi konuba pora amaa baba ke koi, “Moi pora ki madad apunikhan ke dibole thakise, eitu sob Isor ke di ase,” tetiya eitu manuh pora amaa baba ke sonman nakorile bhi eku nahoi, eneka tumikhan pora koi ase. 6Eitu karne, tumikhan pora bhi Jews laga purana niyom nimite, Isor laga kotha tu harai dise. 7Hei kopotiya khan! Isaiah bhavobadi darai tumikhan nimite thik bhavobani di kene koise:
8“‘Eitu manuh khan he taikhan mukh pora he moi ke sonman kori,
kintu taikhan laga mon tu moi pora besi dur te ase;
9britha te he taikhan pora moi ke aradhana kore,
aru manuh khan laga bhabna tu he dhormo kotha eneka sikhai ase.’”
Ki Pora Manuh Ekjon Letra Kore
10Aru jama kori thaka manuh khan ke Tar pora usor te mati kene koise, “Hunibi aru buji lobi: 11mukh te ki humai jai eitu pora manuh ke letra nakore, kintu mukh pora ki ulai ahhe eitu pora he letra kore.” 12Tetiya chella khan ahhi kene koise, “Apuni kua kotha huni kene pharisees khan pora beya paise, eitu apuni janise na nai?” 13Tar jawab di kene koise, “Kon tu gos sorgot thaka Moi laga Pitri pora lagai diya nai, eitu gos tu hipa bhi ulai dibo. 14Tarkhan ke shari dibi; tarkhan tu andha ekjon pora ekjon ke loi jua nisna ase. Aru jodi andha ekjon pora dusera andha ekjon ke loi jai, duijon bhi eke logot gant te giri jabo.” 15Kintu Peter pora Tar ke koise, “Eitu laga dristanto amikhan ke bujai dibi.” 16Tetiya Tar pora koise, “Tumikhan bhi etiya tak nabuji kene he ase neki? 17Mukh te ki humai jai, eitu pet te jai aru ulai jai kene bahar te phelai diye, eitu tumikhan najane neki? 18Kintu ki mukh pora ulai ahhe eitu mon te bhabna pora he ulai, aru eitu pora he manuh ekta ke letra kori diye. 19Kilemane mon pora ki beya bhabna ahhe, eitu pora manuh morai diya, biyobichar, beisa, choor kora, galti sakhi diya, ninda kori; 20Eitu khan pora he manuh ekjon ke letra kore, kintu haat letra hoi kene khua pora manuh ekjon ke letra nakori.”
Canaan Laga Tiruta Ekjoni Biswas
21Jisu he eitu jaga shari kene, Tyre aru Sidon jila te jaise. 22Aru sabi, Canaan laga tiruta ekjoni eitu nagor pora ulai ahhise aru jur pora mati kene koise, “Moi ke doya koribi, Prabhu, David laga Putro; moi laga sowali ohusi atma pora dhori kene besi kosto te ase.” 23Kintu Jisu he tai ke eku uttar diya nai. Aru Tar laga chella khan ahhi kene onurudh kori koise, “Tai ke pathai dibi, kilemane tai chillai kene amikhan laga piche te ahhi ase.” 24Tar he jawab di kene koise, “Israel porial majot te harai jua mer nimite he moi ke pathaise.” 25Kintu tai ahhi kene Tar laga usor te athukarhi kene koise, “Prabhu, moi ke madad koribi.” 26Aru Tar he uttar dise, “Bacha khan laga khua-lua loi kene kukur ke diya tu thik nahoi.” 27Tetiya tai pora koise, “Hoi, Prabhu, kintu kukur khan pora bhi malik laga mez pora giri jua huru tukura khan tu khabole pai.” 28Tetiya Jisu he tai ke uttar di kene koise, “Hei! biswas dangor thaka tiruta! Tumi itcha hua nisna tumar karne hobole dibi.” Aru loge loge tai laga sowali tu hustho hoise.
Jisu He Besi Hustho Kora
29Aru eitu pasote Jisu he tate pora Galilee samundor kinar phale par kori jaise, aru pahar upor te uthi kene tate bohise. 30Aru besi manuh Tar usor te ahhise, taikhan pora lengera, theng haat tera khan, soku andha khan, buba manuh khan, arubhi besi manuh Tar usor te anidise, aru Tar pora sob hustho kori dise, 31ketiya buba khan he kotha koise, theng haat tera khan bhall hoise, lengera manuh he khujkarhise aru andha khan pora dekhise; tetiya jama kori thaka manuh khan sob bhi asorit hoise, aru Israel laga Isor ke mahima korise.
Jisu Pora Char Hazar Khilai Diya
32Tetiya Jisu he nijor chella khan Tar usor te mati kene koise, “Jama kori thaka manuh khan karne moi morom lage, kilemane etiya taikhan moi logot thaka tu tin din hoise, aru khabole taikhan eku nai; aru taikhan ke eneka bhuk hoi kene pathai dibole Moi monn nai, ki jane bhuk pora taikhan raasta te giri jabo pare.” 33Aru chella khan pora Tar ke koise, “Kot pora eneka manuh nathaka jaga te iman manuh besi khabole roti pabo?” 34Aru Jisu he taikhan ke koise, “Kiman roti tumikhan logot te ase?” Taikhan pora koise, “satta, aru huru-huru maas olop ase.” 35Aru jama kori thaka manuh khan sob maati te bohi bole kua pasote, 36Tar pora satta roti aru maas tu loise, aru dhanyabad diya pasote Tar bhangai kene Tar chella khan logote bhag kori dise, aru chella khan pora manuh khan sob ke dise. 37Aru taikhan sob khai kene tripti hoise; aru taikhan pora tukura roti jama kora tu satta tukuri paise. 38Kon pora khaise eitu khan, tiruta aru bacha khan shari kene mota manuh khan char hazar thakise. 39Aru manuh khan pathai kene, Tar ekta nao te bohise aru Magadan jaga te jaise.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2014, The Bible Society of India
All rights reserved.