Esaburi 18
18
Olwembo lwa Daudi Olwowukhiri
Khu omwembesi. Esaburi ya Daudi, omukhalavani wa OMWAMI olu kembera Nyasaye enyinga echi kamuwonia okhuchula mumakhono aka Sauli nende avasiku vandi.
1Nakhusima, Ewe OMWAMI, amaani kange.
2OMWAMI njolwanda lwange, nundi esiiro yange, nundi omunanuli wange.
Nyasaye wange, olwanda lwange, oyu nekisangamo,
ekhumba yange, nundi olwika lwowuwonia wange, esiiro yange.
3Nanganga OMWAMI, owolanire okhufumwa, mana mbonisiwa okhuchula muvasiku vange.
4Emikoye kiefwa kiambotokhana,
emikhula kiokhusisia kiambwerakho;
5emikoye kiemakombe kiamika,
emicheko kiefwa kiambakho.
6Muwutinyu wange nalanga OMWAMI;
Nalirira Nyasaye wange khulwa owuyeti.
Kawulira omwoyo kwange nali mu Etemperi lilie,
amaliro kange kolera amachwi kake.
7Esialo siachenga siatekera;
esiiro chievikulu chiosi chiachenga nundi chiachenjekha,
sikira kali asinyikhire.
8Elisi liachula mumolu mumwe,
nomuliro kusamba kwachula mumunwa kukwe;
amanda komuliro katukha nikamuchulamo.
9Kekha okhuchula mwikulu;
esirima esikali siali mumakulu kake.
10Kanina khu kerubi kapurukha;
kachia lwangulwangu nali khumbaa chiomuyaka.
11Kewikha esirima embeka chiosi;
amaleesi kefula kamuwotokhana.
12Muwulafu wali emberi wuwe, amakina nende amanda komuliro via wonekhana nivichula mumalesi.
13OMWAMI yesi katulukhana mwikulu,
omwoyo kwa Owamukulu Muno kwawulirikha,
amakina namanda komuliro.
14Kalasa amaolofu kake kavasalania,
olueni lwameniukha kavatimania.
15Olwalo lwenyanja lwawonekhana,
mana omuse kwesialo kwawonekhana,
mukhualava khukhwo, Ewe OMWAMI,
mukhuchikhirisia khwomuya kwamolu kako.
16Kola aasi okhuchula amukulu, mana kambukula,
kanjusa mulusiva olu nalimo.
17Kananula khumusiku wange omusicho,
nundi okhuchula khwavo avambiyira;
sikira vali vamaani okhukhira.
18Vanjichakho mulutalo lwowutinyu wange;
nausa OMWAMI kali ekhumba yange.
19Kanjusa muwusiku kanja alayi;
kananula sikira kasima.
20OMWAMI kanjunga okhulondana nende owulungi wange;
okhulondana nende owunifu wamakhono kange, kafwala ekutwa.
21Esikira nalonda engira chia OMWAMI,
nundi sinachulakho khu Nyasaye wange nachia muwoni ta.
22Sikira amalako kake kosi kali emberi wange,
ne sinakholerakho esileka evilakiriso vivie ta.
23Sinalikho nesikha emberi wuwe ta,
nundi nelinda okhuchula khumavi.
24Khanu OMWAMI kafwaye ekutwa okhulondana nowulungi wange,
okhulondana nowunifu wamakhono kange mumoni chichie.
25Ewe wekesanga owusuvirwa khuvasuvirwa;
khu avawuma esikha wesi owuma esikha;
26khu avakwalafu wesi weyekesanga omukwalafu;
ne khuvamayanu, weyekesanga okhuva omululu.
27Sikira ewe onanulanga avanju avalaocha;
nausa avokhwekinga ovakoosanga aasi.
28Yee, ewe oambianga etaa yange;
OMWAMI Nyasaye wange akhosanga musirima siange.
29Yee, okhuvichira mwiwe enyala nakhalachaka esituma;
nundi okhuvichira mu Nyasaye wange enyala nasuna eta.
30Nyasaye ono, engira yiye yiwumakho esikha.
Endakaano ya OMWAMI yokhusuvirwa;
ali ekhumba yavo vosi avekisa muniye.
31Esikira Nyasaye njanu, nachasi OMWAMI?
Ne olwanda njanu, okhuchusakho Nyasaye wefwe?
32Nyasaye wumbaye amaani,
nokhulomba engira yange yive nomulembe.
33Alombire amakulu kange katinya ngakembongo,
nokhunomba mbe nomulembe nindi khuvikulu.
34Kanjekesanga okhukhupana muhe,
kho amakhono kange kanyale okhuyinga oweyingo womukasa.
35Wambaye ekhumba yiyo eyowuwonia,
omukhono kukwo mulungi kundinyirisa,
mana owuyeti wuwo wunombire okhuva omukhongo.
36Wambaye oweyangu owuvalayi mbo ngenderemo,
mana okhukulu khwange sikhwamiukhakho ta.
37Nonga khuvasiku vange navatira;
mana sinakomokhakho okhwola ninakhavasisia ta.
38Navakhupa aasi mbo valove khwinyokha nundi ta;
vakwa aasi wamakulu kange.
39Ewe wamberesa amaani kowulwani
nende okhuchisia avasiku vange.
40Okholanga avasiku vange nivanjirukha,
navo avali nivambiyira navasisia.
41Vakukuula, ne sikalikhoo owokhuvawonia ta,
valirira OMWAMI ne sikavachipa ta.
42Navakhupa vatumukha siolufu olutumulwa nomuyaka,
navasenakirira ngamatosi kokhungira.
43Ewe wananula okhuchula mukusayumba kwavanju;
wanomba nava omwimirisi wamaanga,
avanju ava njamanya vacha vakhalavanira.
44Olu vawulira wusa okhulondana nange, vanjichikana,
avevialo vindi vacha okhunyinamira.
45Avakeni vafwa emioyo,
vacha ni vachengachenga okhuchula mungova chiawe.
46OMWAMI olimwoyo, afumwe oli olwanda lwange,
nundi akingulwe Nyasaye wowuwonia wange,
47Nyasaye owangooserayo amavi kavasiku vange,
mana kachisia amaanga aasi wange,
48owananula okhuchula muvasiku vange,
yee, ewe wangingula amukulu okhukhira avasiku vange
ewe wananula okhuchula muvanju vemiero.
49Khulwako, njia okhukhufumia, Ewe OMWAMI, mumaanga,
mana nembe efuma khulicha lilio.
50Owukhiri owukali aananga khumuchuki wuwe,
nundi kekesanga owusimi wa wuli lwosi khuwavakhwa amafucha wuwe,
khu Daudi nende olwiwulo lulwe enyinga chiosi.
Iliyochaguliwa sasa
Esaburi 18: LNTPP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©The Bible Society of Kenya, 2024
Esaburi 18
18
Olwembo lwa Daudi Olwowukhiri
Khu omwembesi. Esaburi ya Daudi, omukhalavani wa OMWAMI olu kembera Nyasaye enyinga echi kamuwonia okhuchula mumakhono aka Sauli nende avasiku vandi.
1Nakhusima, Ewe OMWAMI, amaani kange.
2OMWAMI njolwanda lwange, nundi esiiro yange, nundi omunanuli wange.
Nyasaye wange, olwanda lwange, oyu nekisangamo,
ekhumba yange, nundi olwika lwowuwonia wange, esiiro yange.
3Nanganga OMWAMI, owolanire okhufumwa, mana mbonisiwa okhuchula muvasiku vange.
4Emikoye kiefwa kiambotokhana,
emikhula kiokhusisia kiambwerakho;
5emikoye kiemakombe kiamika,
emicheko kiefwa kiambakho.
6Muwutinyu wange nalanga OMWAMI;
Nalirira Nyasaye wange khulwa owuyeti.
Kawulira omwoyo kwange nali mu Etemperi lilie,
amaliro kange kolera amachwi kake.
7Esialo siachenga siatekera;
esiiro chievikulu chiosi chiachenga nundi chiachenjekha,
sikira kali asinyikhire.
8Elisi liachula mumolu mumwe,
nomuliro kusamba kwachula mumunwa kukwe;
amanda komuliro katukha nikamuchulamo.
9Kekha okhuchula mwikulu;
esirima esikali siali mumakulu kake.
10Kanina khu kerubi kapurukha;
kachia lwangulwangu nali khumbaa chiomuyaka.
11Kewikha esirima embeka chiosi;
amaleesi kefula kamuwotokhana.
12Muwulafu wali emberi wuwe, amakina nende amanda komuliro via wonekhana nivichula mumalesi.
13OMWAMI yesi katulukhana mwikulu,
omwoyo kwa Owamukulu Muno kwawulirikha,
amakina namanda komuliro.
14Kalasa amaolofu kake kavasalania,
olueni lwameniukha kavatimania.
15Olwalo lwenyanja lwawonekhana,
mana omuse kwesialo kwawonekhana,
mukhualava khukhwo, Ewe OMWAMI,
mukhuchikhirisia khwomuya kwamolu kako.
16Kola aasi okhuchula amukulu, mana kambukula,
kanjusa mulusiva olu nalimo.
17Kananula khumusiku wange omusicho,
nundi okhuchula khwavo avambiyira;
sikira vali vamaani okhukhira.
18Vanjichakho mulutalo lwowutinyu wange;
nausa OMWAMI kali ekhumba yange.
19Kanjusa muwusiku kanja alayi;
kananula sikira kasima.
20OMWAMI kanjunga okhulondana nende owulungi wange;
okhulondana nende owunifu wamakhono kange, kafwala ekutwa.
21Esikira nalonda engira chia OMWAMI,
nundi sinachulakho khu Nyasaye wange nachia muwoni ta.
22Sikira amalako kake kosi kali emberi wange,
ne sinakholerakho esileka evilakiriso vivie ta.
23Sinalikho nesikha emberi wuwe ta,
nundi nelinda okhuchula khumavi.
24Khanu OMWAMI kafwaye ekutwa okhulondana nowulungi wange,
okhulondana nowunifu wamakhono kange mumoni chichie.
25Ewe wekesanga owusuvirwa khuvasuvirwa;
khu avawuma esikha wesi owuma esikha;
26khu avakwalafu wesi weyekesanga omukwalafu;
ne khuvamayanu, weyekesanga okhuva omululu.
27Sikira ewe onanulanga avanju avalaocha;
nausa avokhwekinga ovakoosanga aasi.
28Yee, ewe oambianga etaa yange;
OMWAMI Nyasaye wange akhosanga musirima siange.
29Yee, okhuvichira mwiwe enyala nakhalachaka esituma;
nundi okhuvichira mu Nyasaye wange enyala nasuna eta.
30Nyasaye ono, engira yiye yiwumakho esikha.
Endakaano ya OMWAMI yokhusuvirwa;
ali ekhumba yavo vosi avekisa muniye.
31Esikira Nyasaye njanu, nachasi OMWAMI?
Ne olwanda njanu, okhuchusakho Nyasaye wefwe?
32Nyasaye wumbaye amaani,
nokhulomba engira yange yive nomulembe.
33Alombire amakulu kange katinya ngakembongo,
nokhunomba mbe nomulembe nindi khuvikulu.
34Kanjekesanga okhukhupana muhe,
kho amakhono kange kanyale okhuyinga oweyingo womukasa.
35Wambaye ekhumba yiyo eyowuwonia,
omukhono kukwo mulungi kundinyirisa,
mana owuyeti wuwo wunombire okhuva omukhongo.
36Wambaye oweyangu owuvalayi mbo ngenderemo,
mana okhukulu khwange sikhwamiukhakho ta.
37Nonga khuvasiku vange navatira;
mana sinakomokhakho okhwola ninakhavasisia ta.
38Navakhupa aasi mbo valove khwinyokha nundi ta;
vakwa aasi wamakulu kange.
39Ewe wamberesa amaani kowulwani
nende okhuchisia avasiku vange.
40Okholanga avasiku vange nivanjirukha,
navo avali nivambiyira navasisia.
41Vakukuula, ne sikalikhoo owokhuvawonia ta,
valirira OMWAMI ne sikavachipa ta.
42Navakhupa vatumukha siolufu olutumulwa nomuyaka,
navasenakirira ngamatosi kokhungira.
43Ewe wananula okhuchula mukusayumba kwavanju;
wanomba nava omwimirisi wamaanga,
avanju ava njamanya vacha vakhalavanira.
44Olu vawulira wusa okhulondana nange, vanjichikana,
avevialo vindi vacha okhunyinamira.
45Avakeni vafwa emioyo,
vacha ni vachengachenga okhuchula mungova chiawe.
46OMWAMI olimwoyo, afumwe oli olwanda lwange,
nundi akingulwe Nyasaye wowuwonia wange,
47Nyasaye owangooserayo amavi kavasiku vange,
mana kachisia amaanga aasi wange,
48owananula okhuchula muvasiku vange,
yee, ewe wangingula amukulu okhukhira avasiku vange
ewe wananula okhuchula muvanju vemiero.
49Khulwako, njia okhukhufumia, Ewe OMWAMI, mumaanga,
mana nembe efuma khulicha lilio.
50Owukhiri owukali aananga khumuchuki wuwe,
nundi kekesanga owusimi wa wuli lwosi khuwavakhwa amafucha wuwe,
khu Daudi nende olwiwulo lulwe enyinga chiosi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©The Bible Society of Kenya, 2024