Yohana 11
11
Efwa Lia Lasaro
1Mana omusacha owalangwa mbo Lasaro okhuchula Bethania, kali alwala, owesirekere sia Maria ni wandaye Marita. 2Ono nje Maria owavakha Omwami amafucha ne kamupangusa amakulu nefwiri lilie, njoyu omwana wawe Lasaro kali nalwala. 3Kho avakhana vawe vamuchumira ekhuwa nivawola, “Omwami, oyo yuwasima alwala.” 4Nausa olu Yesu kawulira kawola, “Amalwaye kano sikali kefwa tawe. Yali sikira yoluyali lwa Nyasaye, kho Omwana wa Nyasaye anyolerekho oluyali.”
5Mana Yesu kali kasima Maria nomukhana wawe ni Lasaro. 6Kho olu kawulira mbo alwala, kalindirira endalo chiviri aakali. 7Enyuma wako kawolera avalondi vave, “Kende khukoole Yudea.” 8Avalondi vamuwolera, “Omwekesi, Avayahudi evise vino vanakhutakhanga vakhukhupe amakina, nokoolayo nundi?” 9Yesu kavachipa, “Sichiriwo esa ekhumi nachiviri echiesiteche? Niva yesiyesi akenda esiteche, sikekumula tawe sikira awona owulafu wokhusialo sino. 10Nausa niva yesiyesi akenda esiro, kekumulanga sikira owulafu siwumulimo tawe.” 11Mana kalomaloma kano kho kavawolera, “Omwicha wefwe Lasaro akona, Nausa njia okhumwinyosa mundoolo.” 12Avalondi vamuwolera, “Omwami, niva akonire, alikhusosa.” 13Khanu Yesu kali anawolanga okhufwa khukhwe, ne navo vapara kali nesifune mbo aluwuukha mundoolo. 14Kho Yesu kavawolera awulafu, “Lazaro afwiye, 15ne esikira yenywe ndi nowusangafu mbo simbayeyo tawe, kho muve nimusuvira. Nausa kha khuchie eyali.” 16Tomasi, oyu valanga Ekhwana, kawolera avalondi vasie, “Kende fwesi khuchie, khufwe ninaye.”
Yesu Esisimukha nende Owulamu
17Olu Yesu kacha, kanyola Lasaro namalire mung'ani endalo chine. 18Bethania yali aambi nende Yerusalemu, aambi ekilomita chiviri erwanyi, 19ne Avayahudi avangi vali vachire khu Marita nende Maria okhulira omwana wawe. 20Olu Marita kawulira mbo Yesu kacha, kachia ne kawukanana ninaye, naye Maria Kekhala munju. 21Marita Kawolera Yesu, “Omwami, ovangawo omwana wefwe sikakhafwiye tawe. 22Ne ata evise vino, emanyire mbo siosisiosi esucheva khu Nyasaye, Nyasaye alikhukhuwa.” 23Yesu kamuwolera, “wandayo ali khwinyokha nundi.” 24Marita kamuwolera, “Emanyire mbo alinyokha nundi musisimusa olutalo lwokhumalirikha.” 25Yesu kamuwolera, “Nise esisimukha nende owulamu; yesiyesi osuvira mwise, ata nafwa, alikhumenya, 26ne Yesiyesi omenya ne kasuvira mwise sialifwa ta. Osuvira kano?” 27Kamuwolera, “Yee, esuvira omwami; esuvira mbo ewe niwe Kristo, Omwana wa Nyasaye, oyo onachanga musialo.”
Yesu Alira
28Olu kali nikakhawola kano, Marita kachia ne kalanga wandaye Maria, kamuwewechera, “Omwekesi ali ano nakhulanga.” 29Nolu kawulira, kenyokha lwangu kachia eyikali. 30Mana Yesu kali asiri okhwola musirekere, nausa kali asiri awunju aa kawukanana ni Marita. 31Olu Avayahudi avali naye munju nivamukhupira pole, vawona Maria nikenyokha awene nawene nachula, vamulondakho nivapara mbo achia okhulirira khusirindwa. 32Kho Maria, olu kola eyi Yesu kali ne kamuwona, kakwa mumakulu kake, kamuwolera, “Omwami, ovakhoo omwana wefwe sikakhafwiye tawe.” 33Olu Yesu kamuwona nalira, ne Avayahudi vali nivachire ninaye nivalira, kawulira esiveera esikali; 34ne kacheva, “Mumuchaye ena?” Ne vamuwolera, “Omwami, yicha owone.” 35Yesu kalira. 36Kho Avayahudi vawola, “Wona nga kali nikamusima!” 37Nausa avandi vawola, “Kakhali mbo oyo owekula emoni chiomuwofu, sikakhaloveye omusacha ono okhufwa?”
Yesu Kenyosa Lasaro
38Kho Yesu nesivera esikali nundi, kachia khusirindwa, lwali oluvangachi, ne ekina liali lichaywe mumuliango. 39Yesu kawola, “Chuseyo ekina elio.” Marita, omukhana wawe omufu kamuwolera, “Omwami, khanu evise vino ouwulu wuliwo, sikira amalire endalo chine.” 40Yesu kamuwolera, “Sikhuwoleye mbo nusuvira oli khuwona oluyali lwa Nyasaye?” 41Kho vachusayo ekina ne Yesu kakingula emoni ne kawola, “Papa, ekhukhupira ochio mbo wumbuliye. 42Emanyire mbo wumbuliranga lwosi, nausa emboye kano okhuvera avanju vemire vano, kho vole okhusuvira mbo wanjuma.” 43Olu kali nikakhawola ako, kayula nomwoyo omukali, “Lazaro chula erwanyi.” 44Omusacha wali nafwiye kachula, amakhono namakulu nivisiwoyirwe nesanda, ne mumoni mumwe nimusifumirwe. Yesu kavawolera, “Mukangulule, ne mumulekhe achie.”
Ekhova khu Yesu
(Mat. 26.1-5; Mrk. 14.1,2; Lk. 22.1,2)
45Owungi wa Avayahudi vali nivachire ni Maria vawona esikakhola, vamusuvira; 46Nausa valala vachia khu Avafarisayo ne vavawolera aka Yesu kali nakholire. 47Kho avakuhani vakhongo nende Avafarisayo vakhung'ana musikhaso, vawola, “Khukhola khuchie? Omusacha ono akhola evimanyiro evingi. 48Nikhumulekha achiririre, wulimunju alikhumusuvira Ne Avaroma valikhwicha vonone awunju wefwe achwenufu nende eanga liefwe.” 49Nausa mulala khunivo, Kayafa, owali omukuhani mukhongo omwaka okwo kavawolera, “Simumanyirekho siosisiosi tawe. 50Mukhoya mumanye mbo wulayi omunju mulala afwire avandi, ne eanga liosi lichakocha tawe.” 51Sikawola kano khululwe wusa tawe, nausa nali omukuhani mukhongo omwaka okwo, kachusa owunabii mbo omunju mulala afwire eanga, 52ne siliri eanga liong'ene ta, nausa okhulecha alala avana va Nyasaye avali nivasalana musialo. 53Kho okhuchula enyinga eyo vanja okhukerakiranira nga vali khumwicha. 54Yesu khanu sikali omulekhule okhukenda mu Avayahudi tawe, nausa kachula ao kachia musialo aambi nesichimi, etookho lia Efraimu; ne ao kavao navalondi vave. 55Khanu Pasaka yali yolire, ne avangi vachula musialo vachia Yerusalemu okhwetakasa Pasaka niyisiri. 56Vali vanatakhanga Yesu nivawolana nivemire mu Etemperi “Mupara muchie? Muchi sialikhwicha khusao ta?” 57Khanu avakuhani vakhongo nende Avafarisayo vali vaanire elako mbo yesiyesi omanyire aakali, avekese, kho vamutire.
Iliyochaguliwa sasa
Yohana 11: LNTPP
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©The Bible Society of Kenya, 2024
Yohana 11
11
Efwa Lia Lasaro
1Mana omusacha owalangwa mbo Lasaro okhuchula Bethania, kali alwala, owesirekere sia Maria ni wandaye Marita. 2Ono nje Maria owavakha Omwami amafucha ne kamupangusa amakulu nefwiri lilie, njoyu omwana wawe Lasaro kali nalwala. 3Kho avakhana vawe vamuchumira ekhuwa nivawola, “Omwami, oyo yuwasima alwala.” 4Nausa olu Yesu kawulira kawola, “Amalwaye kano sikali kefwa tawe. Yali sikira yoluyali lwa Nyasaye, kho Omwana wa Nyasaye anyolerekho oluyali.”
5Mana Yesu kali kasima Maria nomukhana wawe ni Lasaro. 6Kho olu kawulira mbo alwala, kalindirira endalo chiviri aakali. 7Enyuma wako kawolera avalondi vave, “Kende khukoole Yudea.” 8Avalondi vamuwolera, “Omwekesi, Avayahudi evise vino vanakhutakhanga vakhukhupe amakina, nokoolayo nundi?” 9Yesu kavachipa, “Sichiriwo esa ekhumi nachiviri echiesiteche? Niva yesiyesi akenda esiteche, sikekumula tawe sikira awona owulafu wokhusialo sino. 10Nausa niva yesiyesi akenda esiro, kekumulanga sikira owulafu siwumulimo tawe.” 11Mana kalomaloma kano kho kavawolera, “Omwicha wefwe Lasaro akona, Nausa njia okhumwinyosa mundoolo.” 12Avalondi vamuwolera, “Omwami, niva akonire, alikhusosa.” 13Khanu Yesu kali anawolanga okhufwa khukhwe, ne navo vapara kali nesifune mbo aluwuukha mundoolo. 14Kho Yesu kavawolera awulafu, “Lazaro afwiye, 15ne esikira yenywe ndi nowusangafu mbo simbayeyo tawe, kho muve nimusuvira. Nausa kha khuchie eyali.” 16Tomasi, oyu valanga Ekhwana, kawolera avalondi vasie, “Kende fwesi khuchie, khufwe ninaye.”
Yesu Esisimukha nende Owulamu
17Olu Yesu kacha, kanyola Lasaro namalire mung'ani endalo chine. 18Bethania yali aambi nende Yerusalemu, aambi ekilomita chiviri erwanyi, 19ne Avayahudi avangi vali vachire khu Marita nende Maria okhulira omwana wawe. 20Olu Marita kawulira mbo Yesu kacha, kachia ne kawukanana ninaye, naye Maria Kekhala munju. 21Marita Kawolera Yesu, “Omwami, ovangawo omwana wefwe sikakhafwiye tawe. 22Ne ata evise vino, emanyire mbo siosisiosi esucheva khu Nyasaye, Nyasaye alikhukhuwa.” 23Yesu kamuwolera, “wandayo ali khwinyokha nundi.” 24Marita kamuwolera, “Emanyire mbo alinyokha nundi musisimusa olutalo lwokhumalirikha.” 25Yesu kamuwolera, “Nise esisimukha nende owulamu; yesiyesi osuvira mwise, ata nafwa, alikhumenya, 26ne Yesiyesi omenya ne kasuvira mwise sialifwa ta. Osuvira kano?” 27Kamuwolera, “Yee, esuvira omwami; esuvira mbo ewe niwe Kristo, Omwana wa Nyasaye, oyo onachanga musialo.”
Yesu Alira
28Olu kali nikakhawola kano, Marita kachia ne kalanga wandaye Maria, kamuwewechera, “Omwekesi ali ano nakhulanga.” 29Nolu kawulira, kenyokha lwangu kachia eyikali. 30Mana Yesu kali asiri okhwola musirekere, nausa kali asiri awunju aa kawukanana ni Marita. 31Olu Avayahudi avali naye munju nivamukhupira pole, vawona Maria nikenyokha awene nawene nachula, vamulondakho nivapara mbo achia okhulirira khusirindwa. 32Kho Maria, olu kola eyi Yesu kali ne kamuwona, kakwa mumakulu kake, kamuwolera, “Omwami, ovakhoo omwana wefwe sikakhafwiye tawe.” 33Olu Yesu kamuwona nalira, ne Avayahudi vali nivachire ninaye nivalira, kawulira esiveera esikali; 34ne kacheva, “Mumuchaye ena?” Ne vamuwolera, “Omwami, yicha owone.” 35Yesu kalira. 36Kho Avayahudi vawola, “Wona nga kali nikamusima!” 37Nausa avandi vawola, “Kakhali mbo oyo owekula emoni chiomuwofu, sikakhaloveye omusacha ono okhufwa?”
Yesu Kenyosa Lasaro
38Kho Yesu nesivera esikali nundi, kachia khusirindwa, lwali oluvangachi, ne ekina liali lichaywe mumuliango. 39Yesu kawola, “Chuseyo ekina elio.” Marita, omukhana wawe omufu kamuwolera, “Omwami, khanu evise vino ouwulu wuliwo, sikira amalire endalo chine.” 40Yesu kamuwolera, “Sikhuwoleye mbo nusuvira oli khuwona oluyali lwa Nyasaye?” 41Kho vachusayo ekina ne Yesu kakingula emoni ne kawola, “Papa, ekhukhupira ochio mbo wumbuliye. 42Emanyire mbo wumbuliranga lwosi, nausa emboye kano okhuvera avanju vemire vano, kho vole okhusuvira mbo wanjuma.” 43Olu kali nikakhawola ako, kayula nomwoyo omukali, “Lazaro chula erwanyi.” 44Omusacha wali nafwiye kachula, amakhono namakulu nivisiwoyirwe nesanda, ne mumoni mumwe nimusifumirwe. Yesu kavawolera, “Mukangulule, ne mumulekhe achie.”
Ekhova khu Yesu
(Mat. 26.1-5; Mrk. 14.1,2; Lk. 22.1,2)
45Owungi wa Avayahudi vali nivachire ni Maria vawona esikakhola, vamusuvira; 46Nausa valala vachia khu Avafarisayo ne vavawolera aka Yesu kali nakholire. 47Kho avakuhani vakhongo nende Avafarisayo vakhung'ana musikhaso, vawola, “Khukhola khuchie? Omusacha ono akhola evimanyiro evingi. 48Nikhumulekha achiririre, wulimunju alikhumusuvira Ne Avaroma valikhwicha vonone awunju wefwe achwenufu nende eanga liefwe.” 49Nausa mulala khunivo, Kayafa, owali omukuhani mukhongo omwaka okwo kavawolera, “Simumanyirekho siosisiosi tawe. 50Mukhoya mumanye mbo wulayi omunju mulala afwire avandi, ne eanga liosi lichakocha tawe.” 51Sikawola kano khululwe wusa tawe, nausa nali omukuhani mukhongo omwaka okwo, kachusa owunabii mbo omunju mulala afwire eanga, 52ne siliri eanga liong'ene ta, nausa okhulecha alala avana va Nyasaye avali nivasalana musialo. 53Kho okhuchula enyinga eyo vanja okhukerakiranira nga vali khumwicha. 54Yesu khanu sikali omulekhule okhukenda mu Avayahudi tawe, nausa kachula ao kachia musialo aambi nesichimi, etookho lia Efraimu; ne ao kavao navalondi vave. 55Khanu Pasaka yali yolire, ne avangi vachula musialo vachia Yerusalemu okhwetakasa Pasaka niyisiri. 56Vali vanatakhanga Yesu nivawolana nivemire mu Etemperi “Mupara muchie? Muchi sialikhwicha khusao ta?” 57Khanu avakuhani vakhongo nende Avafarisayo vali vaanire elako mbo yesiyesi omanyire aakali, avekese, kho vamutire.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©The Bible Society of Kenya, 2024