Piiluu 8
8
A Kɔmpiiri Naŋ Sigre
1Naaŋmen da leɛ-teɛre la a Nowa ane a donne zaa ane a yiri donne zaa naŋ da laŋ ne o be a gbori poɔ yɛlɛ. Naaŋmen da eɛɛ la ka saseɛ fu a teŋɛzu ka a koɔ̃ da tage sigi. 2#Piil 7:11-12 A teŋɛ bulnimie zaa da serɛɛ la, ka a saluoni koɔ̃ tu yiibu ziiri page a saluoni poɔ, ka a saa ŋmaa. 3A koɔ̃ da serɛɛ la a teŋɛzu belãã belãã lɛ gɛrɛ. A beri kɔɔ, lezaayi ne pie (150) puoriŋ, a koɔ̃ da sigee la; 4a kyuuri ayopoĩ poɔ, a beri pie ne ayopoĩ daare, a gbori da sigi wa dɔgle la Ararat taŋzu. 5A koɔ̃ da naŋ sigre la a te ta a kyuuri pie poɔ. A kyuuri pie bebi-dɛndɛŋ daare, a tanne zuri da sããɛ la.
6A beri lezaayi naŋ da wa baare puoriŋ, a Nowa da yuo la a gbori o naŋ da maale takoro 7a e ka galeŋgaa yi, a maŋ ɛge gaa kyɛ leɛ wa a te ta lɛ saŋ a koɔ̃ zaa naŋ da wa te sere a teŋɛzu. 8O pãã da eɛɛ la ka ŋmanee yi, a na te nyɛ ka a koɔ̃ serɛɛ la a teŋɛŋ bee; 9kyɛ a ŋmanee da ba nyɛ zie zaa na dɔɔ. O da leɛ wa la a Nowa zie, bonso, a koɔ̃ da naŋ be la a teŋɛzu zaa. A Nowa da teɛ la o nu a nyɔge a ŋmanee wa ne o zie a gbori poɔ. 10A Nowa da kyɛllɛɛ la ka beri ayopoĩ wa tɔle kyɛ ka o da la e ka a ŋmanee yi a gbori poɔ; 11a ŋmanee da leɛ wa la a Nowa zie zimaane saŋ, a taa kããteɛ vamaara kyage o noɔre wa ne. Lɛ la ka a Nowa da baŋ ka a koɔ̃ serɛɛ la a teŋɛzu. 12A Nowa da la kyɛllɛɛ la ka bebie ayopoĩ la ta, ka o la e ka a ŋmanee yi a gbori poɔ, kyɛ a ŋmanee da ba la leɛ wa.
13A Nowa naŋ da wa nyɛ yuomo kɔɔraayoɔbo, a yuon-dɛndɛŋ poɔ, a kyuu-dɛndɛŋ bebi-dɛndɛŋ daare, a koɔ̃ zaa da sere la a teŋɛzu. A Nowa da yuo la a gbori nɔpɔgraa a kyɛ kaa, a da nyɛ ka a teŋɛ koro la. 14A kyuuri ayi poɔ, a beri lezare ane ayopoĩ daare, a teŋɛ da koe la. 15Lɛ la ka Naaŋmen da yeli ko a Nowa: 16“Yi a gbori poɔ, fõõ ne a fo pɔge ane a fo bidɔbɔ ane a fo bidɔbɔ pɔgeba. 17#Piil 1:22, 28 Taa a bonvoba na zaa ne fo naŋ kpɛ a gbori poɔ yi ne; a bon-ɛgre ane a donne ane a bonvuuri zaa naŋ vuuro teŋɛ; ka a na bebe yaga a teŋɛzu, a dɔgrɔ, a yɛllɛ a teŋɛzu.” 18#2 Pit 2:5 Lɛ la ka a Nowa ne o bidɔbɔ ane o pɔge ane o bidɔbɔ pɔgeba da wa yi a gbori poɔ. 19A donne zaa, bonvuuri zaa, ane a bon-ɛgre zaa ane bonzaa naŋ kyɛnɛ a teŋɛzu da wa yi la a gbori poɔ bale bale.
Naaŋmen Naŋ Eŋ Noɔre Ko Nowa
20 #
Piil 7:2
A Nowa da maale la bagmaalkuuri ko a DAANA, a da de a donveɛle parɛɛ parɛɛ zaa ane bon-ɛgre zaa maale ne maalkondi bagre#8:20 Maalkondi Bagre: O waa la bagre ba naŋ maŋ nyege a bagmaale boma zaa ne vũũ. ko a DAANA. 21#Piil 6:5; Yiel 14:3; Gyob 14:4; Mat 15:19; Rom 3:23; Aza 54:9 A DAANA naŋ da wa woŋ a nyuu naŋ nyuuro velaa lɛ, O da yeli la O poɔŋ, “N daŋ koŋ la kaa-eŋ a teŋɛ nensaalba zuiŋ, bonso, a yi a nensaala pɔloŋ saŋ zaa la ka o poɔ kpɛ faa; kyɛ bee ka N daŋ la sãã a bonvoba zaa aŋa lɛ N naŋ da e.
22 #
Gyɛ 33:20, 25 A bebie na zaa a teŋɛ naŋ na kyɛnɛ bebe,
boroo ane kyeɛbo saŋ, ɔɔre ane toloŋ saŋ,
sẽɛ ane uoni saŋ, ŋmenaa ane tensogɔ,
daŋ koŋ tɔge zaa.”
Iliyochaguliwa sasa
Piiluu 8: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 8
8
A Kɔmpiiri Naŋ Sigre
1Naaŋmen da leɛ-teɛre la a Nowa ane a donne zaa ane a yiri donne zaa naŋ da laŋ ne o be a gbori poɔ yɛlɛ. Naaŋmen da eɛɛ la ka saseɛ fu a teŋɛzu ka a koɔ̃ da tage sigi. 2#Piil 7:11-12 A teŋɛ bulnimie zaa da serɛɛ la, ka a saluoni koɔ̃ tu yiibu ziiri page a saluoni poɔ, ka a saa ŋmaa. 3A koɔ̃ da serɛɛ la a teŋɛzu belãã belãã lɛ gɛrɛ. A beri kɔɔ, lezaayi ne pie (150) puoriŋ, a koɔ̃ da sigee la; 4a kyuuri ayopoĩ poɔ, a beri pie ne ayopoĩ daare, a gbori da sigi wa dɔgle la Ararat taŋzu. 5A koɔ̃ da naŋ sigre la a te ta a kyuuri pie poɔ. A kyuuri pie bebi-dɛndɛŋ daare, a tanne zuri da sããɛ la.
6A beri lezaayi naŋ da wa baare puoriŋ, a Nowa da yuo la a gbori o naŋ da maale takoro 7a e ka galeŋgaa yi, a maŋ ɛge gaa kyɛ leɛ wa a te ta lɛ saŋ a koɔ̃ zaa naŋ da wa te sere a teŋɛzu. 8O pãã da eɛɛ la ka ŋmanee yi, a na te nyɛ ka a koɔ̃ serɛɛ la a teŋɛŋ bee; 9kyɛ a ŋmanee da ba nyɛ zie zaa na dɔɔ. O da leɛ wa la a Nowa zie, bonso, a koɔ̃ da naŋ be la a teŋɛzu zaa. A Nowa da teɛ la o nu a nyɔge a ŋmanee wa ne o zie a gbori poɔ. 10A Nowa da kyɛllɛɛ la ka beri ayopoĩ wa tɔle kyɛ ka o da la e ka a ŋmanee yi a gbori poɔ; 11a ŋmanee da leɛ wa la a Nowa zie zimaane saŋ, a taa kããteɛ vamaara kyage o noɔre wa ne. Lɛ la ka a Nowa da baŋ ka a koɔ̃ serɛɛ la a teŋɛzu. 12A Nowa da la kyɛllɛɛ la ka bebie ayopoĩ la ta, ka o la e ka a ŋmanee yi a gbori poɔ, kyɛ a ŋmanee da ba la leɛ wa.
13A Nowa naŋ da wa nyɛ yuomo kɔɔraayoɔbo, a yuon-dɛndɛŋ poɔ, a kyuu-dɛndɛŋ bebi-dɛndɛŋ daare, a koɔ̃ zaa da sere la a teŋɛzu. A Nowa da yuo la a gbori nɔpɔgraa a kyɛ kaa, a da nyɛ ka a teŋɛ koro la. 14A kyuuri ayi poɔ, a beri lezare ane ayopoĩ daare, a teŋɛ da koe la. 15Lɛ la ka Naaŋmen da yeli ko a Nowa: 16“Yi a gbori poɔ, fõõ ne a fo pɔge ane a fo bidɔbɔ ane a fo bidɔbɔ pɔgeba. 17#Piil 1:22, 28 Taa a bonvoba na zaa ne fo naŋ kpɛ a gbori poɔ yi ne; a bon-ɛgre ane a donne ane a bonvuuri zaa naŋ vuuro teŋɛ; ka a na bebe yaga a teŋɛzu, a dɔgrɔ, a yɛllɛ a teŋɛzu.” 18#2 Pit 2:5 Lɛ la ka a Nowa ne o bidɔbɔ ane o pɔge ane o bidɔbɔ pɔgeba da wa yi a gbori poɔ. 19A donne zaa, bonvuuri zaa, ane a bon-ɛgre zaa ane bonzaa naŋ kyɛnɛ a teŋɛzu da wa yi la a gbori poɔ bale bale.
Naaŋmen Naŋ Eŋ Noɔre Ko Nowa
20 #
Piil 7:2
A Nowa da maale la bagmaalkuuri ko a DAANA, a da de a donveɛle parɛɛ parɛɛ zaa ane bon-ɛgre zaa maale ne maalkondi bagre#8:20 Maalkondi Bagre: O waa la bagre ba naŋ maŋ nyege a bagmaale boma zaa ne vũũ. ko a DAANA. 21#Piil 6:5; Yiel 14:3; Gyob 14:4; Mat 15:19; Rom 3:23; Aza 54:9 A DAANA naŋ da wa woŋ a nyuu naŋ nyuuro velaa lɛ, O da yeli la O poɔŋ, “N daŋ koŋ la kaa-eŋ a teŋɛ nensaalba zuiŋ, bonso, a yi a nensaala pɔloŋ saŋ zaa la ka o poɔ kpɛ faa; kyɛ bee ka N daŋ la sãã a bonvoba zaa aŋa lɛ N naŋ da e.
22 #
Gyɛ 33:20, 25 A bebie na zaa a teŋɛ naŋ na kyɛnɛ bebe,
boroo ane kyeɛbo saŋ, ɔɔre ane toloŋ saŋ,
sẽɛ ane uoni saŋ, ŋmenaa ane tensogɔ,
daŋ koŋ tɔge zaa.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.