Piiluu 4
4
Keein Naŋ Ko Abɛl
1A Adama da baŋ la a o pɔge Hawa sɛŋ poɔ, ka o da taa poɔ a dɔge Keein, a yele, “A DAANA la soŋ ka N dɔge dɔɔ.” 2A lɛ puoriŋ, o da dɔge la a Keein yɔɔ Abɛl. A Abɛl da waa la pekyeenɛ kyɛ ka a Keein da e koɔraa. 3Saŋ kaŋ da wa taɛ la ka a Keein da taa o koɔbo boma mine wa ko a DAANA kyɔɔtaa, 4#Hib 11:4 ka a Abɛl meŋ da iri o peere poɔ pebil-dɛŋ ko, a iri a nɛne zi-velaa zie ko a DAANA kyɔɔtaa. A DAANA poɔ da pɛle ne la a Abɛl ane a o kyɔɔtaa, 5kyɛ O poɔ da ba pɛle ne Keein ane a o kyɔɔtaa. Lɛ la ka Keein suuri da iri ka o sãã niŋe. 6A DAANA da soore la a Keein, “Bonso ka fo suuri iri, ka fo sãã niŋe lɛ? 7#Gal 5:17; Rom 6:12 Ka fõõ e velaa, ba koŋ sage de fo yɛlɛ be? Kyɛ ka fõõ ba e velaa, yelbieri kyɛllɛ fo la a dendɔre noɔre; a boɔrɔ ka o nyɔge fo kyɛ a ferɛɛ la ka fo eŋ faŋ a toɔ̃ o.”
8 #
1 Gyn 3:12, 15 A Keein da yeli ko la a o yɔɔ Abɛl, “E ka te yi kpɛ moɔ.” Ba naŋ da wa be a moɔ poɔ la ka Keein da nyɔge a o yɔɔ Abɛl ko. 9Lɛ la ka a DAANA da soore a Keein, “A fo yɔɔ Abɛl bɛ?” Ka a Keein yelsɔge, “N ba baŋ; maa la a n yɔɔ guuro be?” 10#Mat 23:35; Yiel 9:12; Hib 12:24 Ka a DAANA soore o, “Boŋ la ka fo e? Kyɛlle woŋ; a fo yɔɔ zẽẽ kono yire la a teŋɛ waana tara ma! 11Pampana, ba kaa-eŋ la a teŋɛ fo zuiŋ. A teŋɛ yuo la o noɔre ka o de a fo yɔɔ zẽẽ naŋ kyiri yi fo nuuriŋ. 12Ka fõõ maŋ wa kɔ a teŋɛ, a boma koŋ maŋ la maale yaga ko fo. Fo na leɛ la neɛ ba naŋ digi bare ane neɛ naŋ daara yoɔrɔ a teŋɛzu.” 13A Keein da yeli ko la a DAANA, “A n dɔgroŋ zuo la n faŋ! 14#Gyob 14:20-22 Zenɛ fo digi ma la bare a teŋɛ poɔ, ka N na sɔgle n meŋɛ yi fo niŋe. N na leɛ la neɛ ba naŋ digi bare, a waa neɛ naŋ daara yoɔrɔ a teŋɛzu ka neɛzaa naŋ nyɛ ma na pɔɔ ko ma.” 15Lɛ la ka a DAANA da yeli ko o, “A ba waa lɛ! Neɛ na zaa naŋ na ko a Keein, ba na yaa la a Keein koobo sane o zie gbɛre boyopoĩ.” A DAANA pãã da eŋ la a Keein ŋmaaroŋ ka ka neɛzaa wa nyɛ o, o ta ko o. 16Lɛ la ka Keein pãã da yi a DAANA niŋesogɔ gaa tɔɔre zaa a te kpeɛrɛ a Nod teŋɛ poɔ, a Edin sapare seŋ.
A Keein Boorɔ Yɛlɛ
17A Keein da baŋ la a o pɔge sɛŋ poɔ ka o taa poɔ a dɔge Enɔk. A Keein da mɛ la teŋkpoŋ kaŋ a de a o bidɔɔ Enɔk yuori pore ne a teŋɛ ka Enɔk. 18A Enɔk da dɔge la Irad; ka a Irad da e Mehugyayɛl saa, ka Mehugyayɛl da e Metusayɛl saa, ka Metusayɛl e Lamɛk saa. 19A Lamɛk da de la pɔgeba bayi; kaŋ yuori da di la Ada, ka a kaŋ na meŋ yuori di Zila. 20Ada da dɔge la Gyabal. A Gyabal da waa la a banaŋ naŋ kpeɛrɛ segre poɔ kyɛ taa donne sããkoma. 21A o yɔɔ yuori da la Gyubal. A Gyubal da waa la a banaŋ zaa naŋ da maŋ ŋmeɛrɛ a koriŋgyo ane banaŋ naŋ peɛlɛ wulee sããkoma. 22Zila da dɔge la Tubal-keein, a kurikuro na naŋ da maŋ maale kur-zeɛ boorɔ zaa ane kuri tonton-boma. A Tubal-keein yɔɔpuulee da la Naama.
23A Lamɛk da yeli ko la o pɔgeba:
“Ada ane Zila, yɛ kyɛlle woŋ n noɔre yɛlɛ;
yɛnee a Lamɛk pɔgeba, yɛ kyɛlle woŋ bon N naŋ yele:
N ko la dɔɔ, o naŋ pere ma zuiŋ,
a ko pɔlbile kaŋ, o naŋ ŋmɛ ma zuiŋ.
24 #
Piil 4:15; Mat 18:21-22 Ka ba naŋ na ko noba bayopoĩ yaa a Keein koobo sane,
serɛzaa, ba na ko la noba lezaata ne pie ane ayopoĩ yaa ne a Lamɛk koobo sane.”
25A Adama da la baŋ la a o pɔge sɛŋ poɔ ka o la dɔge bidɔɔ a pore o yuori ka Sɛf, bonso, o da yelee la, “Naaŋmen la ko ma la bidɔɔ ka o na leɛre a Abɛl a Keein naŋ ko zu.” 26A Sɛf meŋ da dɔge la bidɔɔ a pore o yuori ka Ɛnɔs. A lɛ saŋ la ka noba da piili boɔlɔ a DAANA yuori.
Iliyochaguliwa sasa
Piiluu 4: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 4
4
Keein Naŋ Ko Abɛl
1A Adama da baŋ la a o pɔge Hawa sɛŋ poɔ, ka o da taa poɔ a dɔge Keein, a yele, “A DAANA la soŋ ka N dɔge dɔɔ.” 2A lɛ puoriŋ, o da dɔge la a Keein yɔɔ Abɛl. A Abɛl da waa la pekyeenɛ kyɛ ka a Keein da e koɔraa. 3Saŋ kaŋ da wa taɛ la ka a Keein da taa o koɔbo boma mine wa ko a DAANA kyɔɔtaa, 4#Hib 11:4 ka a Abɛl meŋ da iri o peere poɔ pebil-dɛŋ ko, a iri a nɛne zi-velaa zie ko a DAANA kyɔɔtaa. A DAANA poɔ da pɛle ne la a Abɛl ane a o kyɔɔtaa, 5kyɛ O poɔ da ba pɛle ne Keein ane a o kyɔɔtaa. Lɛ la ka Keein suuri da iri ka o sãã niŋe. 6A DAANA da soore la a Keein, “Bonso ka fo suuri iri, ka fo sãã niŋe lɛ? 7#Gal 5:17; Rom 6:12 Ka fõõ e velaa, ba koŋ sage de fo yɛlɛ be? Kyɛ ka fõõ ba e velaa, yelbieri kyɛllɛ fo la a dendɔre noɔre; a boɔrɔ ka o nyɔge fo kyɛ a ferɛɛ la ka fo eŋ faŋ a toɔ̃ o.”
8 #
1 Gyn 3:12, 15 A Keein da yeli ko la a o yɔɔ Abɛl, “E ka te yi kpɛ moɔ.” Ba naŋ da wa be a moɔ poɔ la ka Keein da nyɔge a o yɔɔ Abɛl ko. 9Lɛ la ka a DAANA da soore a Keein, “A fo yɔɔ Abɛl bɛ?” Ka a Keein yelsɔge, “N ba baŋ; maa la a n yɔɔ guuro be?” 10#Mat 23:35; Yiel 9:12; Hib 12:24 Ka a DAANA soore o, “Boŋ la ka fo e? Kyɛlle woŋ; a fo yɔɔ zẽẽ kono yire la a teŋɛ waana tara ma! 11Pampana, ba kaa-eŋ la a teŋɛ fo zuiŋ. A teŋɛ yuo la o noɔre ka o de a fo yɔɔ zẽẽ naŋ kyiri yi fo nuuriŋ. 12Ka fõõ maŋ wa kɔ a teŋɛ, a boma koŋ maŋ la maale yaga ko fo. Fo na leɛ la neɛ ba naŋ digi bare ane neɛ naŋ daara yoɔrɔ a teŋɛzu.” 13A Keein da yeli ko la a DAANA, “A n dɔgroŋ zuo la n faŋ! 14#Gyob 14:20-22 Zenɛ fo digi ma la bare a teŋɛ poɔ, ka N na sɔgle n meŋɛ yi fo niŋe. N na leɛ la neɛ ba naŋ digi bare, a waa neɛ naŋ daara yoɔrɔ a teŋɛzu ka neɛzaa naŋ nyɛ ma na pɔɔ ko ma.” 15Lɛ la ka a DAANA da yeli ko o, “A ba waa lɛ! Neɛ na zaa naŋ na ko a Keein, ba na yaa la a Keein koobo sane o zie gbɛre boyopoĩ.” A DAANA pãã da eŋ la a Keein ŋmaaroŋ ka ka neɛzaa wa nyɛ o, o ta ko o. 16Lɛ la ka Keein pãã da yi a DAANA niŋesogɔ gaa tɔɔre zaa a te kpeɛrɛ a Nod teŋɛ poɔ, a Edin sapare seŋ.
A Keein Boorɔ Yɛlɛ
17A Keein da baŋ la a o pɔge sɛŋ poɔ ka o taa poɔ a dɔge Enɔk. A Keein da mɛ la teŋkpoŋ kaŋ a de a o bidɔɔ Enɔk yuori pore ne a teŋɛ ka Enɔk. 18A Enɔk da dɔge la Irad; ka a Irad da e Mehugyayɛl saa, ka Mehugyayɛl da e Metusayɛl saa, ka Metusayɛl e Lamɛk saa. 19A Lamɛk da de la pɔgeba bayi; kaŋ yuori da di la Ada, ka a kaŋ na meŋ yuori di Zila. 20Ada da dɔge la Gyabal. A Gyabal da waa la a banaŋ naŋ kpeɛrɛ segre poɔ kyɛ taa donne sããkoma. 21A o yɔɔ yuori da la Gyubal. A Gyubal da waa la a banaŋ zaa naŋ da maŋ ŋmeɛrɛ a koriŋgyo ane banaŋ naŋ peɛlɛ wulee sããkoma. 22Zila da dɔge la Tubal-keein, a kurikuro na naŋ da maŋ maale kur-zeɛ boorɔ zaa ane kuri tonton-boma. A Tubal-keein yɔɔpuulee da la Naama.
23A Lamɛk da yeli ko la o pɔgeba:
“Ada ane Zila, yɛ kyɛlle woŋ n noɔre yɛlɛ;
yɛnee a Lamɛk pɔgeba, yɛ kyɛlle woŋ bon N naŋ yele:
N ko la dɔɔ, o naŋ pere ma zuiŋ,
a ko pɔlbile kaŋ, o naŋ ŋmɛ ma zuiŋ.
24 #
Piil 4:15; Mat 18:21-22 Ka ba naŋ na ko noba bayopoĩ yaa a Keein koobo sane,
serɛzaa, ba na ko la noba lezaata ne pie ane ayopoĩ yaa ne a Lamɛk koobo sane.”
25A Adama da la baŋ la a o pɔge sɛŋ poɔ ka o la dɔge bidɔɔ a pore o yuori ka Sɛf, bonso, o da yelee la, “Naaŋmen la ko ma la bidɔɔ ka o na leɛre a Abɛl a Keein naŋ ko zu.” 26A Sɛf meŋ da dɔge la bidɔɔ a pore o yuori ka Ɛnɔs. A lɛ saŋ la ka noba da piili boɔlɔ a DAANA yuori.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.