Piiluu 33
33
A Gyekɔb Ane Esɔ Naŋ Tuori Taa
1 #
Piil 32:6
A Gyekɔb da kaa la niŋe a nyɛ a Esɔ ka o te waana ne noba kɔɔraanaare. A Gyekɔb da poŋ la a o biiri ko Leya ane Rakɛɛl ane a o tontombi-pɔgeba bayi. 2O da eɛɛ la ka a o tontombi-pɔgeba ane ba bibiiri be niŋesogɔ, ka Leya ne o biiri tu, ka Rakɛɛl ane Gyosɛf tu a parebaaraa. 3O meŋɛ da de la ba weɛ, a maŋ le vɔgle teŋɛ gbɛre boyɔpoĩ kyɛ wa te peɛle a o yɔɔ Esɔ.
4A Esɔ da zo wa tuori o la, a nyɔge o kori kyɛ moore o, ka ba bayi da kono. 5#Yiel 127:3 A Esɔ naŋ da wa leɛ kaa nyɛ a pɔgeba ne a biiri, o da soorɛɛ la, “Aŋ mine la a noba bama fo naŋ taa?” Ka a Gyekɔb da yelsɔge, “A biiri Naaŋmen naŋ de maale ne a fo tontonɔ la.” 6A tontombi-pɔgeba ane ba biiri meŋ da tage taɛ la, a le vɔgle muro. 7A lɛ la ka a Leya ne o biiri meŋ da tage ta, a le vɔgle muro. A baaraa, a Gyosɛf ane a Rakɛɛl meŋ da tage peɛlɛɛ la, a le vɔgle muro. 8#Piil 32:13-20 A Esɔ da soorɛɛ la, “Boŋ la ka fo boɔrɔ ka fo wuli ne a noba ane a donne ŋa zaa n naŋ tuori?” Ka a Gyekɔb yelsɔge, “N boɔrɔ la ka a n daana zo n nembaaloŋ.” 9Ka a Esɔ da leɛ yeli, “N yɔɔ, N taa la boma ka a seŋ ma, taa a fo boma ka a e fo soobo.” 10#2 Sam 14:17 A Gyekɔb da leɛ yelee la, “Ai, N sɔrɔ fo la, ka fo poɔ ba wa sãã ne ma, sage de a kyɔɔtaare boma ŋa yi n zie. Serɛzaa, n naŋ nyɛ fo niŋesogɔ waa ŋa n naŋ nyɛ Naaŋmen niŋesogɔ; fo naŋ tuori de ma a velaa ŋaa zuiŋ. 11#1 Sam 25:27; 30:26 N sɔrɔ fo la, sage de a n kyɔɔtaare ŋa, bonso, Naaŋmen maale ma la ka N taa bonzaa ka a seŋ ma.” A Gyekɔb da mɔgle o la ka o da sage de a boma.
12A Esɔ pãã da yelee la, “Yɛ e ka te gɛrɛ. N na beɛle yɛ la.” 13Kyɛ a Gyekɔb da leɛ yeli ko o la, “A N daana baŋ ka a biiri ba taa faŋ, ka a peere ane a nii na a bilii naŋ naŋ ɛnnɛ seŋ ka N kaara a zu velaa. Ka neɛ na ŋmore gaa ne a bebi-gbuli, a donne zaa na kpi la. 14Vɛŋ ka a n daana de a o tontonɔ weɛ gɛrɛ, kyɛ ka n de weɛ̃ a kyɛnɛ belɛbelɛ ne a nii ane a biiri a seŋ a faŋ ka te wa ta a n daana zie a Seeya teŋɛ.”
15A Esɔ da yelee la, “Vɛŋ ka n bare a n noba mine fo zie.” Ka a Gyekɔb da leɛ yeli, “Bonso ka a n daana taa nimimaaroŋ ne ma lɛ?” 16Lɛ la ka a Esɔ da leɛ gaa a Seeya teŋɛ a lɛ daare zaa. 17Kyɛ a Gyekɔb eŋ da gaa la a Sukɔf#33:17 Sukɔf: A Sukɔf tɛgɛ la Segre teŋɛ a te ŋmaa yiri ko o meŋɛ kyɛ ti segre eŋ a o nii. A lɛ zuiŋ la ka ba boɔle a zie yuori ka Sukɔf.
A Gyekɔb Naŋ Ta Sɛkɛm
18A Gyekɔb naŋ da yi a Padan-aram teŋɛ gɛrɛ, o da wa ta la a Keeina teŋkpoŋ ba naŋ boɔlɔ Sɛkɛm; a da ti o sege a teŋɛ niŋesogɔŋ. 19#Gyos 24:32 A Gyekɔb da da la a zie o naŋ ti a sege yi a Sɛkɛm saa naŋ waa Hamɔ boorɔ zie. O da da la a zie warebie kɔɔ. 20#Piil 12:7-8 O da mɛ la bagmaalkuuri a be a pore o yuori ka Ɛl-Ɛlohe-Izerayɛl.#33:20 Ɛl-Ɛlohe-Izerayɛl: A Ɛl-Ɛlohe-Izerayɛl tɛgɛ la A Izerayɛl Naaŋmen
Iliyochaguliwa sasa
Piiluu 33: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 33
33
A Gyekɔb Ane Esɔ Naŋ Tuori Taa
1 #
Piil 32:6
A Gyekɔb da kaa la niŋe a nyɛ a Esɔ ka o te waana ne noba kɔɔraanaare. A Gyekɔb da poŋ la a o biiri ko Leya ane Rakɛɛl ane a o tontombi-pɔgeba bayi. 2O da eɛɛ la ka a o tontombi-pɔgeba ane ba bibiiri be niŋesogɔ, ka Leya ne o biiri tu, ka Rakɛɛl ane Gyosɛf tu a parebaaraa. 3O meŋɛ da de la ba weɛ, a maŋ le vɔgle teŋɛ gbɛre boyɔpoĩ kyɛ wa te peɛle a o yɔɔ Esɔ.
4A Esɔ da zo wa tuori o la, a nyɔge o kori kyɛ moore o, ka ba bayi da kono. 5#Yiel 127:3 A Esɔ naŋ da wa leɛ kaa nyɛ a pɔgeba ne a biiri, o da soorɛɛ la, “Aŋ mine la a noba bama fo naŋ taa?” Ka a Gyekɔb da yelsɔge, “A biiri Naaŋmen naŋ de maale ne a fo tontonɔ la.” 6A tontombi-pɔgeba ane ba biiri meŋ da tage taɛ la, a le vɔgle muro. 7A lɛ la ka a Leya ne o biiri meŋ da tage ta, a le vɔgle muro. A baaraa, a Gyosɛf ane a Rakɛɛl meŋ da tage peɛlɛɛ la, a le vɔgle muro. 8#Piil 32:13-20 A Esɔ da soorɛɛ la, “Boŋ la ka fo boɔrɔ ka fo wuli ne a noba ane a donne ŋa zaa n naŋ tuori?” Ka a Gyekɔb yelsɔge, “N boɔrɔ la ka a n daana zo n nembaaloŋ.” 9Ka a Esɔ da leɛ yeli, “N yɔɔ, N taa la boma ka a seŋ ma, taa a fo boma ka a e fo soobo.” 10#2 Sam 14:17 A Gyekɔb da leɛ yelee la, “Ai, N sɔrɔ fo la, ka fo poɔ ba wa sãã ne ma, sage de a kyɔɔtaare boma ŋa yi n zie. Serɛzaa, n naŋ nyɛ fo niŋesogɔ waa ŋa n naŋ nyɛ Naaŋmen niŋesogɔ; fo naŋ tuori de ma a velaa ŋaa zuiŋ. 11#1 Sam 25:27; 30:26 N sɔrɔ fo la, sage de a n kyɔɔtaare ŋa, bonso, Naaŋmen maale ma la ka N taa bonzaa ka a seŋ ma.” A Gyekɔb da mɔgle o la ka o da sage de a boma.
12A Esɔ pãã da yelee la, “Yɛ e ka te gɛrɛ. N na beɛle yɛ la.” 13Kyɛ a Gyekɔb da leɛ yeli ko o la, “A N daana baŋ ka a biiri ba taa faŋ, ka a peere ane a nii na a bilii naŋ naŋ ɛnnɛ seŋ ka N kaara a zu velaa. Ka neɛ na ŋmore gaa ne a bebi-gbuli, a donne zaa na kpi la. 14Vɛŋ ka a n daana de a o tontonɔ weɛ gɛrɛ, kyɛ ka n de weɛ̃ a kyɛnɛ belɛbelɛ ne a nii ane a biiri a seŋ a faŋ ka te wa ta a n daana zie a Seeya teŋɛ.”
15A Esɔ da yelee la, “Vɛŋ ka n bare a n noba mine fo zie.” Ka a Gyekɔb da leɛ yeli, “Bonso ka a n daana taa nimimaaroŋ ne ma lɛ?” 16Lɛ la ka a Esɔ da leɛ gaa a Seeya teŋɛ a lɛ daare zaa. 17Kyɛ a Gyekɔb eŋ da gaa la a Sukɔf#33:17 Sukɔf: A Sukɔf tɛgɛ la Segre teŋɛ a te ŋmaa yiri ko o meŋɛ kyɛ ti segre eŋ a o nii. A lɛ zuiŋ la ka ba boɔle a zie yuori ka Sukɔf.
A Gyekɔb Naŋ Ta Sɛkɛm
18A Gyekɔb naŋ da yi a Padan-aram teŋɛ gɛrɛ, o da wa ta la a Keeina teŋkpoŋ ba naŋ boɔlɔ Sɛkɛm; a da ti o sege a teŋɛ niŋesogɔŋ. 19#Gyos 24:32 A Gyekɔb da da la a zie o naŋ ti a sege yi a Sɛkɛm saa naŋ waa Hamɔ boorɔ zie. O da da la a zie warebie kɔɔ. 20#Piil 12:7-8 O da mɛ la bagmaalkuuri a be a pore o yuori ka Ɛl-Ɛlohe-Izerayɛl.#33:20 Ɛl-Ɛlohe-Izerayɛl: A Ɛl-Ɛlohe-Izerayɛl tɛgɛ la A Izerayɛl Naaŋmen
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.