Piiluu 12
12
Naaŋmen Naŋ Boɔle Aboram
1 #
Tom 7:3; Hib 11:8 Naaŋmen da yeli ko la a Aboram, “Yi a fo teŋɛ ane a fo yideme ane a fo saa yiri poɔ gaa a teŋɛ N naŋ na wuli fo. 2#Piil 24:1, 35; Yiel 72:17 N na e la ka fo yɛle a e paaloŋ kpoŋ. N na maale fo la, a e ka fo yuori yi, ka fo e maaloo ko noba. 3#Yiib 23:22; Piil 18:18; 22:18; 26:4; Piil 26:4; 28:14; Tom 3:25; Gal 3:8 N na maale la banaŋ naŋ maale fo kyɛ kaa-eŋ banaŋ naŋ kaa-eŋ fo. A fo zie ka a tendaa nemboorɔ zaa na tu nyɛ maaloo.”
4A Aboram pãã da gaaɛ la a seŋ lɛ a DAANA naŋ da yeli ko o, ka Lɔt da tu o gaa. A Aboram da nyɛ la yuomo lezaata ne pie ane anuu a saŋ o naŋ da wa yi a Haran teŋɛ poɔ. 5A Aboram da de la a o pɔge Saarae ane a o yɔɔ bidɔɔ, Lɔt, ane a boma zaa ba naŋ da taa ane a gbaŋgbaare ba naŋ da da a Haran teŋɛ poɔ, a yi gɛrɛ a Keeina teŋɛ. Ba naŋ da wa ta a Keeina teŋɛ, 6a Aboram da tu la a teŋɛ poɔ a tɔle gaa Sɛkɛm teŋɛ, a zisoŋ na zie ba naŋ da boɔlɔ Morɛ Teɛ. A saŋ na poɔ, a Keeina noba da kpeɛrɛ la a teŋɛ na poɔ. 7#Piil 13:15; 15:18; 17:8; 24:7; 26:3-4; 28:13; 35:12; Yiib 6:4, 8; 32:13; Gyos 21:43; Tom 7:5 A DAANA da wa la a Aboram zie, a wa yeli ko o, “A fo biiri la ka N na tere a teŋɛ ŋa.” Lɛ la ka a Aboram da mɛ bagmaalkuuri a be ko a DAANA naŋ da de O meŋɛ wuli o. 8#Piil 4:26 O da yi la a be gaa teŋɛ kaŋ naŋ be taŋzu, a Bɛtɛl sapare seŋ, a te ti o sege a be, ka Bɛtɛl be a saniŋe seŋ kyɛ ka Ai be a sapare seŋ. O da mɛ la bagmaalkuuri a be ko a DAANA, a boɔle a DAANA yuori. 9A Aboram da tu la a sori, a maŋ yi kyɛ gaa kyɛ, a tori a Nɛgɛb seŋ gɛrɛ.
A Aboram Ane Saarae Naŋ Be A Igyipiti Teŋɛ Poɔ
10 #
Piil 20; 26:1-11 A saŋ na poɔ kɔŋ da le la a Keeina teŋɛ poɔ, ka a lɛ vɛŋ ka Aboram da sigi gaa a Igyipiti teŋɛ a na te zeŋ be, bonso, a kɔŋkpoŋ da waa la faa yaga a teŋɛ poɔ. 11O naŋ da wa te tara a Igyipiti teŋɛ poɔ, o da yeli ko la a o pɔge Saarae, “N baŋ la velaa ka fo waa la pɔge naŋ veɛlɛ ne kaabo. 12Ka a Igyipiti noba wa nyɛ fo, ba na yeli la, ‘Ahãã, a o pɔge la’. Ba pãã na ko ma la; kyɛ fõõ eŋ, ba na bare fo la! 13Azuiŋ, N sɔrɔ fo la, yeli ko ba ka fo waa la n yɔɔpuulee, ka ba bare ma ka N voorɔ, kyɛ taa ma velaa a fo zuiŋ.” 14A Aboram naŋ da wa te kpɛ a Igyipiti teŋɛ, a Igyipiti noba da nyɛ la a pɔge ka o veɛlɛ yaga. 15A Faaro yiri tonton-nembɛrɛ naŋ da wa nyɛ a Aboram pɔge, ba da te yeli la a o veɛloŋ yɛlɛ ko a Faaro. Ba da taa la a pɔge kpɛ ne a Faaro yiri poɔ. 16A o zuiŋ, a Faaro da taa la a Aboram velaa. O da ko la a Aboram peere, nii, boŋ-daare, gbaŋgba-dɔbɔ ane gbaŋgba-pɔgeba, boŋ-nyaŋne ane bontanne.
17 #
Yiel 105:14
Kyɛ a DAANA da dɔgre la a Faaro ane o yideme ne baalonfaare, a Aboram pɔge Saarae zuiŋ. 18Lɛ la ka a Faaro da boɔle a Aboram a soore o, “Boŋ la a ŋaa fo naŋ e ma? Boŋ la so ka fo ba yeli ko ma ka fo pɔge la? 19Boŋ la so ka fo da yeli, ‘N yɔɔpuulee la,’ a e ka N de o ka o e n pɔge? Pampana, a fo pɔge la ŋa, de o gɛrɛ ne.” 20A Faaro da ko la a o tontombiiri noɔre kyaare ne a Aboram; ka ba taa o ne a o pɔge ane boma zaa o naŋ taa yi ne a teŋɛ poɔ te bare.
Iliyochaguliwa sasa
Piiluu 12: DGA
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.
Piiluu 12
12
Naaŋmen Naŋ Boɔle Aboram
1 #
Tom 7:3; Hib 11:8 Naaŋmen da yeli ko la a Aboram, “Yi a fo teŋɛ ane a fo yideme ane a fo saa yiri poɔ gaa a teŋɛ N naŋ na wuli fo. 2#Piil 24:1, 35; Yiel 72:17 N na e la ka fo yɛle a e paaloŋ kpoŋ. N na maale fo la, a e ka fo yuori yi, ka fo e maaloo ko noba. 3#Yiib 23:22; Piil 18:18; 22:18; 26:4; Piil 26:4; 28:14; Tom 3:25; Gal 3:8 N na maale la banaŋ naŋ maale fo kyɛ kaa-eŋ banaŋ naŋ kaa-eŋ fo. A fo zie ka a tendaa nemboorɔ zaa na tu nyɛ maaloo.”
4A Aboram pãã da gaaɛ la a seŋ lɛ a DAANA naŋ da yeli ko o, ka Lɔt da tu o gaa. A Aboram da nyɛ la yuomo lezaata ne pie ane anuu a saŋ o naŋ da wa yi a Haran teŋɛ poɔ. 5A Aboram da de la a o pɔge Saarae ane a o yɔɔ bidɔɔ, Lɔt, ane a boma zaa ba naŋ da taa ane a gbaŋgbaare ba naŋ da da a Haran teŋɛ poɔ, a yi gɛrɛ a Keeina teŋɛ. Ba naŋ da wa ta a Keeina teŋɛ, 6a Aboram da tu la a teŋɛ poɔ a tɔle gaa Sɛkɛm teŋɛ, a zisoŋ na zie ba naŋ da boɔlɔ Morɛ Teɛ. A saŋ na poɔ, a Keeina noba da kpeɛrɛ la a teŋɛ na poɔ. 7#Piil 13:15; 15:18; 17:8; 24:7; 26:3-4; 28:13; 35:12; Yiib 6:4, 8; 32:13; Gyos 21:43; Tom 7:5 A DAANA da wa la a Aboram zie, a wa yeli ko o, “A fo biiri la ka N na tere a teŋɛ ŋa.” Lɛ la ka a Aboram da mɛ bagmaalkuuri a be ko a DAANA naŋ da de O meŋɛ wuli o. 8#Piil 4:26 O da yi la a be gaa teŋɛ kaŋ naŋ be taŋzu, a Bɛtɛl sapare seŋ, a te ti o sege a be, ka Bɛtɛl be a saniŋe seŋ kyɛ ka Ai be a sapare seŋ. O da mɛ la bagmaalkuuri a be ko a DAANA, a boɔle a DAANA yuori. 9A Aboram da tu la a sori, a maŋ yi kyɛ gaa kyɛ, a tori a Nɛgɛb seŋ gɛrɛ.
A Aboram Ane Saarae Naŋ Be A Igyipiti Teŋɛ Poɔ
10 #
Piil 20; 26:1-11 A saŋ na poɔ kɔŋ da le la a Keeina teŋɛ poɔ, ka a lɛ vɛŋ ka Aboram da sigi gaa a Igyipiti teŋɛ a na te zeŋ be, bonso, a kɔŋkpoŋ da waa la faa yaga a teŋɛ poɔ. 11O naŋ da wa te tara a Igyipiti teŋɛ poɔ, o da yeli ko la a o pɔge Saarae, “N baŋ la velaa ka fo waa la pɔge naŋ veɛlɛ ne kaabo. 12Ka a Igyipiti noba wa nyɛ fo, ba na yeli la, ‘Ahãã, a o pɔge la’. Ba pãã na ko ma la; kyɛ fõõ eŋ, ba na bare fo la! 13Azuiŋ, N sɔrɔ fo la, yeli ko ba ka fo waa la n yɔɔpuulee, ka ba bare ma ka N voorɔ, kyɛ taa ma velaa a fo zuiŋ.” 14A Aboram naŋ da wa te kpɛ a Igyipiti teŋɛ, a Igyipiti noba da nyɛ la a pɔge ka o veɛlɛ yaga. 15A Faaro yiri tonton-nembɛrɛ naŋ da wa nyɛ a Aboram pɔge, ba da te yeli la a o veɛloŋ yɛlɛ ko a Faaro. Ba da taa la a pɔge kpɛ ne a Faaro yiri poɔ. 16A o zuiŋ, a Faaro da taa la a Aboram velaa. O da ko la a Aboram peere, nii, boŋ-daare, gbaŋgba-dɔbɔ ane gbaŋgba-pɔgeba, boŋ-nyaŋne ane bontanne.
17 #
Yiel 105:14
Kyɛ a DAANA da dɔgre la a Faaro ane o yideme ne baalonfaare, a Aboram pɔge Saarae zuiŋ. 18Lɛ la ka a Faaro da boɔle a Aboram a soore o, “Boŋ la a ŋaa fo naŋ e ma? Boŋ la so ka fo ba yeli ko ma ka fo pɔge la? 19Boŋ la so ka fo da yeli, ‘N yɔɔpuulee la,’ a e ka N de o ka o e n pɔge? Pampana, a fo pɔge la ŋa, de o gɛrɛ ne.” 20A Faaro da ko la a o tontombiiri noɔre kyaare ne a Aboram; ka ba taa o ne a o pɔge ane boma zaa o naŋ taa yi ne a teŋɛ poɔ te bare.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Dagaare First Bible © The Bible Society of Ghana, 2025.