MALAKO 4
4
Indjɛ la mooneli
(Hokea koko Mat 13, 1-9; Luk 8, 4-8)
1Yesu abanga koko oleha ta ekulu ɛ ibeke inɛnɛ la Galilai. Emumu ɛ bato ɛbolama mbuti na nde, atitea ta bwato ko adaa ena. Bwato badaka botepi ta ibeke inɛnɛ ko bato badaka o ngondo, mbuti na madiba. 2Abaleha midjɔ mike na mandjɛ ko abala na bu ta eleho ɛ nde boo: 3«Hokamedjani! Busa bomɔti, mooneli akɛɛ ta gue ɛ nde boo aone. 4Ena ɔdaka yo amɛsɛ kona, ekenge ekina ɛkwa ta mokpɛngɔ ma ndjia: mbulu badoa ko badjikoma. 5Ekenge ekina ɛkwa ta mokpɔtɔ ma ndeke ena kpɔtɔ djaidaka inɛnɛ. Kona dja tɔɔ pɛpɛlɛ tina ɛ boo kpɔtɔ djaidaka na mbɛngɛ. 6Ehole eimana diso la busa, la tumba nguuku dja kona: dja hɔlɔngɔnɔ tin'ɛ otaka ba nginga. 7Ekenge ekina ɛ kona ɛkwa ta mele ma ndjubɛ. Mele mia makandoa ko makamamedja kona, djaibota mbuma. 8Endolo ikina kona dja kwa ta mokpɔtɔ ma lobo; kona dja tɔɔ, djakandoa ko djabota mbuma: emɔti mbuma tuku isato, ekina tuku isamano ko ekina mokama.» 9Ko Yesu abala boo: «Ona odii na matoi ma ooka, aoke!»
Tina ndani Yesu abali na mandjɛ
(Hokea koko Mat 13, 10-17; Luk 8, 9-10)
10Ehole ɛsasua Yesu na emumu, bato ibadaka na nde na batingami doomi na babae bamohɔdja tina ɛ mandjɛ. 11Abala na bu boo: «Ino ɔɔsoni mbombi dja Okumu ba Ndjambe, endolo odii bato basokolu mikabalame oko na mandjɛ, ko na bea
12“Badii oindja endolo pɛpɛ oenɛ.
Baokaka endolo pɛpɛ osipoa.
Na bɔɔ ba boo basakasɔmbɔ odii Ndjambe ko asaka bayɛɛ!”»
Yesu atingodjai tina ɛ indjɛ la mooneli
(Hokea koko Mat 13, 18-23; Luk 8, 11-15)
13Na bea, Yesu abala na bu boo: «Otasipoakani indjɛ dia? Moda ndani osipoaleani mandjɛ makina masusu? 14Mooneli aoni ebaeli ɛ Ndjambe. 15Bakina bato bakoani na mokpɛngɔ ma ndjia ena ɔkwa ebaeli: ngɔngɔ dja ooka ebaeli, oko ena, Satana adoi ko akatoi ebaeli hee ɛonama odii bo. 16Bakina baosi kona ta mikpɔtɔ ma ndeke: oko ena ookibo ebaeli, bayedhimi pɛpɛlɛ na sepi. 17Endolo bayekiniti boo ɛtɔe nginga odii bo, bayebanyei oko maa ehole mokuhe. Ko na bea, ta ehole ɛ monɔngɔ kaoko inyɔkɔli diko la ebaeli ɛ Ndjambe, basundoli edhimeli pɛpɛlɛ. 18Bato bakina koko baosi kona ta ndanda ɛ mele ma ndjubɛ: baoki ebaeli, 19endolo basatungei na midjɔ ma ngondo hee. Bahombi madiheli ma okosa ko na posa ikina isusu iingei ta tei ɛ bobo. Ta tina hee ebaeli ekamamai, ko etaki obota mbuma. 20Kona ikina djaonama ta mokpɔtɔ ma lobo: edi bato ibaoki Ebaeli, bayeosi ko baboti mbuma, emɔti tuku isato, ekina tuku isamano ko ekina mokama.»
Indjɛ la moinda
(Hokea koko Luk 8, 16-18)
21Yesu abala na bu koko boo: «Bakaise moinda nase dja poke kaoko nase dja bwako? Tebamobakee diko la mesa ɛ mu? 22Midjɔ misusu ma mbombi mienɛmɛbi ta boso ba bato bike, ko mbombi djisusu imanabi ta ohuu. 23Ona odi na matoi ma ooka, aoke!» 24Yesu abala na bu koko boo: «Todingani na mii maokaka no! Ndjambe aoedjɛɛleani na edjɛɛli ɛdjɛɛkɛno bakina, ko akɔlea odii no onɔdja! 25Na tina hee, ona odi na maa eka adihalea onɔ; endolo ona odii pɛpɛ eka bakatualea noko okɛkɛ ibodi na nde.»
Indjɛ la kona ekakandoe yo buki
26Yesu abala na koko boo: «Hokea eka ekoani na Okumu ba Ndjambe: moto adumbi kona ta gue ɛnde. 27Moto ona ahwɛɛ kaoko adae mɔsu, bulu na moi, kona etɔi ko ekandoi pɛpɛ odjeba moda modi yo. 28Mokpɔtɔ imo mɛɛnɛ mopi mbuma: esanga eimani boso, ngɔngɔ djia mongbɔndu, ta suka mbuma djiboloi ta mongbɔndu. 29Oko ena okpeti mbuma, moto abangi mosala na mbɛli ɛ nde, tina ɛ boo ehole ɛ obuka mbuma ekoki.»
Indjɛ la mbuma ɛ sinapi
(Hokea koko Mat 13, 31-32; Luk 13, 18-19)
30Yesu abala koko boo: «Eka ndani ehɔni na su okokanedja Okumu ba Ndjambe? Indjɛ ndani iboani na su obokokanedja? 31Bakoani na mombuma ma sinapi; ehole ɛ mooni bo ta mokpɔtɔ , modii mokɛkɛ mɛɛnɛ onɔ mbuma djisusu dja ngondo. 32Endolo ngɔngɔ dja omoona, mokandoi ko monɔi mele misusu ma gue na onɛnɛ. Motɔdjai bitape binɛnɛnɛ ko mbulu ba diko bahɔni oyoa meepu ma bobo ta esii ɛ mu.»
33Yesu alehaka na mandjɛ mike ma mondumba mua; okimana na moda mohɔni bato osipoa. 34Yesu aibalaka na bu pɛpɛ mandjɛ, endolo ehole ɛdaka yo buki na batingami ba nde, abatingodjaka midjɔ misusu.
Yesu asii lungu
(Hokea koko Mat 8, 23-27; Luk 8, 22-25)
35Mɔkɔmɔkɔ ma busa bua, Yesu abala na batingami ba nde boo: «Lapendeni ta ngunda ekina ɛ ibeke.» 36Ngɔngɔ dja oyanedja bato, batingami basɔmbɔ na Yesu ta bwato ibadaka yo ko babanga okatisa imelo la ibeke. Mato makina madaka mbuti na nde. 37Oko ena ambuku lungu ɛlinda, mula masamaka ta bwato, bwato mbuti na oluma na madiba. 38Yesu, adaka ta mbaka ɛ ngɔngɔ, ahwɛli, ena molo mobaki diko la ekomba. Batingami ba nde bamongɔdja ena bagama boo: «Molehi, lodoi agwa: modjɔ mua, motaobaleka noko eka?» 39Ɔongɔ Yesu, agamea lungu ko abali na madiba ma ibeke inɛnɛ boo: «Daa ogoo! Pɔpɔnɔ!» Lungu esi ko ogoo bonɛnɛ baboloa. 40Bea Yesu abala na batingami boo: «Tina ndani odini na bɔɔ? Opakita dhimani oko?» 41Endolo bada na bɔɔ bonɛnɛ ko basabaleana ibo mɛɛnɛ boo: «Moto ho adi nda, noko lungu na ibeke inɛnɛ badi omosuma?»
Iliyochaguliwa sasa
MALAKO 4: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MALAKO 4
4
Indjɛ la mooneli
(Hokea koko Mat 13, 1-9; Luk 8, 4-8)
1Yesu abanga koko oleha ta ekulu ɛ ibeke inɛnɛ la Galilai. Emumu ɛ bato ɛbolama mbuti na nde, atitea ta bwato ko adaa ena. Bwato badaka botepi ta ibeke inɛnɛ ko bato badaka o ngondo, mbuti na madiba. 2Abaleha midjɔ mike na mandjɛ ko abala na bu ta eleho ɛ nde boo: 3«Hokamedjani! Busa bomɔti, mooneli akɛɛ ta gue ɛ nde boo aone. 4Ena ɔdaka yo amɛsɛ kona, ekenge ekina ɛkwa ta mokpɛngɔ ma ndjia: mbulu badoa ko badjikoma. 5Ekenge ekina ɛkwa ta mokpɔtɔ ma ndeke ena kpɔtɔ djaidaka inɛnɛ. Kona dja tɔɔ pɛpɛlɛ tina ɛ boo kpɔtɔ djaidaka na mbɛngɛ. 6Ehole eimana diso la busa, la tumba nguuku dja kona: dja hɔlɔngɔnɔ tin'ɛ otaka ba nginga. 7Ekenge ekina ɛ kona ɛkwa ta mele ma ndjubɛ. Mele mia makandoa ko makamamedja kona, djaibota mbuma. 8Endolo ikina kona dja kwa ta mokpɔtɔ ma lobo; kona dja tɔɔ, djakandoa ko djabota mbuma: emɔti mbuma tuku isato, ekina tuku isamano ko ekina mokama.» 9Ko Yesu abala boo: «Ona odii na matoi ma ooka, aoke!»
Tina ndani Yesu abali na mandjɛ
(Hokea koko Mat 13, 10-17; Luk 8, 9-10)
10Ehole ɛsasua Yesu na emumu, bato ibadaka na nde na batingami doomi na babae bamohɔdja tina ɛ mandjɛ. 11Abala na bu boo: «Ino ɔɔsoni mbombi dja Okumu ba Ndjambe, endolo odii bato basokolu mikabalame oko na mandjɛ, ko na bea
12“Badii oindja endolo pɛpɛ oenɛ.
Baokaka endolo pɛpɛ osipoa.
Na bɔɔ ba boo basakasɔmbɔ odii Ndjambe ko asaka bayɛɛ!”»
Yesu atingodjai tina ɛ indjɛ la mooneli
(Hokea koko Mat 13, 18-23; Luk 8, 11-15)
13Na bea, Yesu abala na bu boo: «Otasipoakani indjɛ dia? Moda ndani osipoaleani mandjɛ makina masusu? 14Mooneli aoni ebaeli ɛ Ndjambe. 15Bakina bato bakoani na mokpɛngɔ ma ndjia ena ɔkwa ebaeli: ngɔngɔ dja ooka ebaeli, oko ena, Satana adoi ko akatoi ebaeli hee ɛonama odii bo. 16Bakina baosi kona ta mikpɔtɔ ma ndeke: oko ena ookibo ebaeli, bayedhimi pɛpɛlɛ na sepi. 17Endolo bayekiniti boo ɛtɔe nginga odii bo, bayebanyei oko maa ehole mokuhe. Ko na bea, ta ehole ɛ monɔngɔ kaoko inyɔkɔli diko la ebaeli ɛ Ndjambe, basundoli edhimeli pɛpɛlɛ. 18Bato bakina koko baosi kona ta ndanda ɛ mele ma ndjubɛ: baoki ebaeli, 19endolo basatungei na midjɔ ma ngondo hee. Bahombi madiheli ma okosa ko na posa ikina isusu iingei ta tei ɛ bobo. Ta tina hee ebaeli ekamamai, ko etaki obota mbuma. 20Kona ikina djaonama ta mokpɔtɔ ma lobo: edi bato ibaoki Ebaeli, bayeosi ko baboti mbuma, emɔti tuku isato, ekina tuku isamano ko ekina mokama.»
Indjɛ la moinda
(Hokea koko Luk 8, 16-18)
21Yesu abala na bu koko boo: «Bakaise moinda nase dja poke kaoko nase dja bwako? Tebamobakee diko la mesa ɛ mu? 22Midjɔ misusu ma mbombi mienɛmɛbi ta boso ba bato bike, ko mbombi djisusu imanabi ta ohuu. 23Ona odi na matoi ma ooka, aoke!» 24Yesu abala na bu koko boo: «Todingani na mii maokaka no! Ndjambe aoedjɛɛleani na edjɛɛli ɛdjɛɛkɛno bakina, ko akɔlea odii no onɔdja! 25Na tina hee, ona odi na maa eka adihalea onɔ; endolo ona odii pɛpɛ eka bakatualea noko okɛkɛ ibodi na nde.»
Indjɛ la kona ekakandoe yo buki
26Yesu abala na koko boo: «Hokea eka ekoani na Okumu ba Ndjambe: moto adumbi kona ta gue ɛnde. 27Moto ona ahwɛɛ kaoko adae mɔsu, bulu na moi, kona etɔi ko ekandoi pɛpɛ odjeba moda modi yo. 28Mokpɔtɔ imo mɛɛnɛ mopi mbuma: esanga eimani boso, ngɔngɔ djia mongbɔndu, ta suka mbuma djiboloi ta mongbɔndu. 29Oko ena okpeti mbuma, moto abangi mosala na mbɛli ɛ nde, tina ɛ boo ehole ɛ obuka mbuma ekoki.»
Indjɛ la mbuma ɛ sinapi
(Hokea koko Mat 13, 31-32; Luk 13, 18-19)
30Yesu abala koko boo: «Eka ndani ehɔni na su okokanedja Okumu ba Ndjambe? Indjɛ ndani iboani na su obokokanedja? 31Bakoani na mombuma ma sinapi; ehole ɛ mooni bo ta mokpɔtɔ , modii mokɛkɛ mɛɛnɛ onɔ mbuma djisusu dja ngondo. 32Endolo ngɔngɔ dja omoona, mokandoi ko monɔi mele misusu ma gue na onɛnɛ. Motɔdjai bitape binɛnɛnɛ ko mbulu ba diko bahɔni oyoa meepu ma bobo ta esii ɛ mu.»
33Yesu alehaka na mandjɛ mike ma mondumba mua; okimana na moda mohɔni bato osipoa. 34Yesu aibalaka na bu pɛpɛ mandjɛ, endolo ehole ɛdaka yo buki na batingami ba nde, abatingodjaka midjɔ misusu.
Yesu asii lungu
(Hokea koko Mat 8, 23-27; Luk 8, 22-25)
35Mɔkɔmɔkɔ ma busa bua, Yesu abala na batingami ba nde boo: «Lapendeni ta ngunda ekina ɛ ibeke.» 36Ngɔngɔ dja oyanedja bato, batingami basɔmbɔ na Yesu ta bwato ibadaka yo ko babanga okatisa imelo la ibeke. Mato makina madaka mbuti na nde. 37Oko ena ambuku lungu ɛlinda, mula masamaka ta bwato, bwato mbuti na oluma na madiba. 38Yesu, adaka ta mbaka ɛ ngɔngɔ, ahwɛli, ena molo mobaki diko la ekomba. Batingami ba nde bamongɔdja ena bagama boo: «Molehi, lodoi agwa: modjɔ mua, motaobaleka noko eka?» 39Ɔongɔ Yesu, agamea lungu ko abali na madiba ma ibeke inɛnɛ boo: «Daa ogoo! Pɔpɔnɔ!» Lungu esi ko ogoo bonɛnɛ baboloa. 40Bea Yesu abala na batingami boo: «Tina ndani odini na bɔɔ? Opakita dhimani oko?» 41Endolo bada na bɔɔ bonɛnɛ ko basabaleana ibo mɛɛnɛ boo: «Moto ho adi nda, noko lungu na ibeke inɛnɛ badi omosuma?»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)