MALAKO 16
16
Opusoama ba Yesu
(Hokea koko Mat 28, 1-8; Luk 24, 1-11; Yoa 20, 1-2)
1Ɔnɔɔ iswi la sabata, Malia ɔ Magadala, Malia nɛngɛ Djake na Salome basomba malasi ma so epele bɛngɛ bakɛɛ asua ndjemba ɛ Yesu. 2Ta iswi la mbangi ɛ eyenga, sɔɔ mɛɛnɛ, ta imane la diso la busa, bakɛɛ ta esɛmɔ. 3Basabaleanaka boo: «Olohilingoanedjalea mondeke modipi eingeli ɛ esɛmɔ nda?» 4Endolo ɔhokea bo, baenɛ boo mondeke, monɛnɛ, mahilingoana yɛɛlɛ. 5Ɔingea bo ta esɛmɔ; baenɛ mwenga moomi, adii ta ebɔ ɛ bami, alwali mokoto mopu, ko badaa na bɔɔ bonɛnɛ. 6Endolo mwenga ona abala na bu boo: «Pɛpɛ obangani, ɔhombakani Yesu ɔ Nasaleta, hoo obakaki bo ta ekulusu; apusoi, aditi haa. Hokeani esika emosambeaki bo. 7Kɛɛ atɔndɔeni hadɛdi batingami ba nde, na Piɛlɛ koko boo: “Yesu akɛi aombani ta Galilai; omoenɛleani oho oko moda mabala yo na nu.”» 8Bea baimana ta esɛmɔ ko batia ohali, badaka bangongome na bɔɔ. Ko baitɔndɔ noko moto omɔti tin'ɛ badaka na bɔɔ.
Yesu asaenɛmɛdjai odii Malia ɔ Magadala
(Hokea koko Mat 28, 9-10; Yoa 20, 11-18)
9Ngɔngɔ dja opusoa ba Yesu sɔɔ ɛ iswi la mbangi la eyenga, asaenɛmɛdja boso mɛɛnɛ odii Malia ɔ Magadala, ona obengana yo miembo mibe saambo. 10Akɛɛ atɔndɔ gala ena odii bato ibadalaka na Yesu. Badaka na ndjokwa ko bayea. 11Endolo ehole ɛoka bo abala boo: «Yesu apusoi, namoeni!» Baimodhimea.
Yesu asaenɛmɛdjai odii batingami babae
(Hokea koko Luk 24, 13-35)
12Ngɔngɔ djia, Yesu asaenɛmɛdja na moda mokina odii batingami babae ibadaka bakɛɛ ta ngando. 13Batingami bia basɔmbɔ ko batɔndɔ bakina, baibadhima noko osinɛɛ.
Yesu asaenɛmɛdjai odii batingami doomi na omɔti
(Hokea koko Mat 28, 16-20; Luk 24, 36-49; Yoa 20, 19-23; Mis 1, 6-8)
14Ngɔngɔ djia, Yesu asaenɛmɛdja na batingami doomi na omɔti ta ehole ɛdaka bo bayaka; abapɛlɛ diko la taka ɛ bobo ɛ edhimeli ko na milema ma bobo mipipo odii bii ibamoenɛ ngɔngɔ dja opusoa ba nde. 15Bea abala na bu boo: «Kɛɛni ta ngondo esusu ko lehani Mwako Mopele odii bato basusu. 16Moto ona odhimabi ko oinamabi ahelabi; endolo ona odabi pɛpɛ odhima adihabi etumbu. 17Ko hokeani bimbete ibienɛmɛbi odii bato ibadhimabi: babenganabi miembo mibe ta kombe ɛ mbai; babalabi kɔpɛ dja yanie; 18bakapea ndjɔ na mabɔ ma bobo, kaoko bakamwa moselo, modjɔ mobe motakɔmɔ na bu; babakeabi mabɔ diko la bato ba bipeko, bahelabi.»
Yesu asɔmbi odii Ndjambe
(Hokea koko Luk 24, 50-53; Mis 1, 9-11)
19Ngɔngɔ dja obala na bu bea, Kumu Yesu aihwea ta busa ko adaa ta ebɔ ɛ bami ɛ Ndjambe. 20Batingami bakɛɛ aleha Mwako Mopele mɔɔngɔ masusu. Kumu asalaka nabu engbanga ko aenɛmɛdjaka sooti ɛ ebaeli ɛ bobo na ndjia ɛ bimbete ba okamoa ibakɔkɔ bo.
Iliyochaguliwa sasa
MALAKO 16: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MALAKO 16
16
Opusoama ba Yesu
(Hokea koko Mat 28, 1-8; Luk 24, 1-11; Yoa 20, 1-2)
1Ɔnɔɔ iswi la sabata, Malia ɔ Magadala, Malia nɛngɛ Djake na Salome basomba malasi ma so epele bɛngɛ bakɛɛ asua ndjemba ɛ Yesu. 2Ta iswi la mbangi ɛ eyenga, sɔɔ mɛɛnɛ, ta imane la diso la busa, bakɛɛ ta esɛmɔ. 3Basabaleanaka boo: «Olohilingoanedjalea mondeke modipi eingeli ɛ esɛmɔ nda?» 4Endolo ɔhokea bo, baenɛ boo mondeke, monɛnɛ, mahilingoana yɛɛlɛ. 5Ɔingea bo ta esɛmɔ; baenɛ mwenga moomi, adii ta ebɔ ɛ bami, alwali mokoto mopu, ko badaa na bɔɔ bonɛnɛ. 6Endolo mwenga ona abala na bu boo: «Pɛpɛ obangani, ɔhombakani Yesu ɔ Nasaleta, hoo obakaki bo ta ekulusu; apusoi, aditi haa. Hokeani esika emosambeaki bo. 7Kɛɛ atɔndɔeni hadɛdi batingami ba nde, na Piɛlɛ koko boo: “Yesu akɛi aombani ta Galilai; omoenɛleani oho oko moda mabala yo na nu.”» 8Bea baimana ta esɛmɔ ko batia ohali, badaka bangongome na bɔɔ. Ko baitɔndɔ noko moto omɔti tin'ɛ badaka na bɔɔ.
Yesu asaenɛmɛdjai odii Malia ɔ Magadala
(Hokea koko Mat 28, 9-10; Yoa 20, 11-18)
9Ngɔngɔ dja opusoa ba Yesu sɔɔ ɛ iswi la mbangi la eyenga, asaenɛmɛdja boso mɛɛnɛ odii Malia ɔ Magadala, ona obengana yo miembo mibe saambo. 10Akɛɛ atɔndɔ gala ena odii bato ibadalaka na Yesu. Badaka na ndjokwa ko bayea. 11Endolo ehole ɛoka bo abala boo: «Yesu apusoi, namoeni!» Baimodhimea.
Yesu asaenɛmɛdjai odii batingami babae
(Hokea koko Luk 24, 13-35)
12Ngɔngɔ djia, Yesu asaenɛmɛdja na moda mokina odii batingami babae ibadaka bakɛɛ ta ngando. 13Batingami bia basɔmbɔ ko batɔndɔ bakina, baibadhima noko osinɛɛ.
Yesu asaenɛmɛdjai odii batingami doomi na omɔti
(Hokea koko Mat 28, 16-20; Luk 24, 36-49; Yoa 20, 19-23; Mis 1, 6-8)
14Ngɔngɔ djia, Yesu asaenɛmɛdja na batingami doomi na omɔti ta ehole ɛdaka bo bayaka; abapɛlɛ diko la taka ɛ bobo ɛ edhimeli ko na milema ma bobo mipipo odii bii ibamoenɛ ngɔngɔ dja opusoa ba nde. 15Bea abala na bu boo: «Kɛɛni ta ngondo esusu ko lehani Mwako Mopele odii bato basusu. 16Moto ona odhimabi ko oinamabi ahelabi; endolo ona odabi pɛpɛ odhima adihabi etumbu. 17Ko hokeani bimbete ibienɛmɛbi odii bato ibadhimabi: babenganabi miembo mibe ta kombe ɛ mbai; babalabi kɔpɛ dja yanie; 18bakapea ndjɔ na mabɔ ma bobo, kaoko bakamwa moselo, modjɔ mobe motakɔmɔ na bu; babakeabi mabɔ diko la bato ba bipeko, bahelabi.»
Yesu asɔmbi odii Ndjambe
(Hokea koko Luk 24, 50-53; Mis 1, 9-11)
19Ngɔngɔ dja obala na bu bea, Kumu Yesu aihwea ta busa ko adaa ta ebɔ ɛ bami ɛ Ndjambe. 20Batingami bakɛɛ aleha Mwako Mopele mɔɔngɔ masusu. Kumu asalaka nabu engbanga ko aenɛmɛdjaka sooti ɛ ebaeli ɛ bobo na ndjia ɛ bimbete ba okamoa ibakɔkɔ bo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)