MALAKO 1
1
Bileho ba Yoani Mobatisi
(Hokea koko Mat 3, 1-6; Luk 3, 1-6; Yoa 1, 19-23)
1Hee edii mbangi ɛ Mwako Mopele ma Yesu Klisto, Mwana ɔ Ndjambe. 2Oko moda imakomama ta buku ɛ motɛli Isaya:
«Nalomake moto ɔ mbai boso bawɛ, tina ɛ obɔngɛdja ndjia ɛ wɛ.
3Edi moholi ma moto ona ɔdumbeaka ta esobe boo: Bongɛdjani ndjia ɛ Kumu,
ninodjani migase ma nde!»
4Na bea, Yoani Mobatisi aenɛmɛ ta esobe; adumbeaka boo: «Hekodjani moda, batisamani ko Ndjambe ayɛɛlea masumu ma bono.» 5Bato basusu ba Yuda na bato ba ibonga la Yelusalɛmɛ bakɛkɛ odi yo; bahuodjaka masumu ma bobo ohuu ko Yoani Mobatisi abainaka ta doa ɛ Yolodani. 6Yoani Mobatisi alwaka esendja ena ɛkɔɔmɔ na ngungi dja kamela na mosenge ma eposo ɛ tito ta bongo; adaka aya ndoko na pɔki. 7Alehaka boo: «Ona ɔdoake ngɔngɔ dja mbai anɔini na ngulu; bea naboaniti noko osunama bo nalodjae mokɔli ma sapato dja nde. 8Mbai, naoinani na madiba, endolo yo, aoinaleani na Mwembo Mosɛnɔke.»
Oinama na omekama ba Yesu
(Hokea koko Mat 3, 13-4, 11; Luk 3, 21-22; 4, 1-13)
9Na bea, Yesu adonga ta Nasaleta, ngando ɛ Galilai, ko Yoani amoina ta dua ɛ Yolodani. 10TA ehole einoa yo ta madiba, aenɛ busa bosadipoi ko Mwembo Mosɛnɔke otita ta diko la nde elengɛɛ embenga. 11Ko moholi maokama donga busa boo: «Odii Mwana ɔmbai ɔ epaeli; nasepi na wɛ obuke.»
12Oko ena mbuku, Mwembo Mosɛnɔke maloma Yesu ta esobe. 13Anɛngɛdja maswi tuku inei ta esobe ko amekama na Satana. Adaka esika emɔti na tito ba mokonda, ko babwɛndi bamopaka mia.
Batingami banei ba mbangi
(Mat 4, 12-22; Luk 4, 14-15; 5, 1-11)
14Ngɔngɔ dja opeama ba Yoani Mobatisi ta bɔlɔkɔ, Yesu akɛɛ ta Galilai; atɔndɔkɔ Mwako Mopele ma Ndjambe 15ko abalaka boo: «Ehole ekoki ko Okumu ba Ndjambe bodi mbuti! Sɔmbɔtɔnɔni moda mabono ko dhimani Mwako Mopele!» 16Yesu adalaka ta okula ba ibeke inɛnɛ la Galilai ehole ɛɛnɛ yo balubi babae, Simo na mwanango momi Andele, ibamaka modjanga ta ibeke inɛnɛ tin'ɛ bo badaka balubi. 17Yesu abala na bu boo: «Kimananini ko nakɔlea boo oimeeni balubi ba bato.» 18Na mbala emɔti, basundola bihea ba bobo ko batingama na nde. 19Yesu adala maa ohali mɛnɛ ko aenɛ Djake na mwanango Yoani bana ba Djebedai. Badaka ta bwato ba bobo babɔngɛdja bihea. 20Ambuku Yesu ababea; bakina sangwabu Djebedai na basali ba nde ta bwato ko bakɛɛ engbanga na Yesu.
Moto ɔtungeamaka na mwembo mobe
(Hokea koko Luk 4, 31-37)
21Yesu na batingami ba nde bakɛɛ ta ibonga la Kapalanauma. Ta iswi la sabata, Yesu aingea ta ndako ɛ miongɔnɔ ɛ Bayuda ko abanga oleha. 22Bato iba mookaka bakamoaka na moda ma nde ma oleha; tin'ɛ boo aidaka elengɛɛ bato ba edjebeli ɛ mibeko, endolo alehaka na kpati. 23Ena bea, ta otei ba ndako ɛbobo ɛ miongɔnɔ ɛ Bayuda moto omɔti atungeamaka na mwembo mobe. Agama boo: 24«Ma wɛ na su nda, Yesu ɔ Nasaleta? Edoi wɛ alowa? Naodjebi opele boo odii: Mosɛnɔke ɔloma Ndjambe.» 25Yesu abala na kɛndjɔ mɛɛnɛ na mwembo ko amogamea boo: «Dipa monɔkɔ ma wɛ ko imana odi moto hoo!» 26Mwembo mobe mamopukusa na ngulu ko maimana odii yo mopeli magama na moholi mopipo. 27Bato basusu, bakamoa ko basahɔdja boo: «Mu modjɔ nda? Moto hoo alehaka na moda ma yanie ko na kpati esusu! Adi obengana noko miembo mibe ko midi omosuma!» 28Ko, na pɛpɛlɛ mɛɛnɛ gala ɛ Yesu ɛnangana ta Galilai esusu.
Yesu aheledja bato ba bigo
(Hokea koko Mat 8, 14-17; Luk 4, 38-41)
29Ɔimana bo ta ndako ɛ miɔngɔnɔ ɛ Bayuda, bakɛɛ engbanga emɔti na Djake na Yoani, odii Simo na Andele. 30Okio ba Simo o mwali adaka asambi ta bwako, tin'ɛ boo adaka na mokuku mosa; ena ɔimea Yesu, babala na nde tin'ɛ mokɔni. 31Asabatea mbuti na nde, amopea ta ebɔ ko amongɔdja. Mokuku mosa mamokina ko abanga obakɔmɛdja. 32Ɔimea mɔkɔmɔkɔ, ngɔngɔ dja otita ba diso la busa, badoa odii Yesu na bato basusu ba bigo ko nabia ibadaka na miembo mibe. 33Bato basusu ba ibonga balumana ta boso ba edipako ɛ ndako. 34Yesu aheledja bato bike ibapekaka na bigo mindumba na mindumba ko abengana koko miembo mibe mike. Aipaka enɔli odii miembo mibe boo mabale, tina ɛ boo maamodjebaka.
Yesu adali ta Galilai
(Hokea koko Luk 4, 42-44)
35Sɔɔ ɛ busa bokina, na hindihindi, Yesu aongɔ ko aimana ta ndako. Akɛɛ sokolu ɛ ibonga, ta esika ɛ pɛpɛ bato; ko oho, abanga oongɔnɔ. 36Simo na bato ibadaka na nde bakɛɛ amohomba; 37ehole emotanea bo, babala na nde boo: «Bato basusu baohombaka.» 38Ko Yesu abasɔmbɛdja boo: «Lakɛɛni dɔngɔ ikina, ta ngando dja mbuti. Oho naboani koko oleha Mwako Mopele, ta elɔkɔ ɛ boo tina ɛdoa mbai iyena.» 39Na bea , akɛɛ ta Galilai esusu; aleha ta ndako dja miɔngɔnɔ dja Bayuda ko abenganaka miembo mibe.
Yesu aheledja moto ɔ mabha
(Hokea koko Mat 8, 1-4; Luk 5, 12-16)
40Moto ɔ mabha adoa odii Yesu, adaa na magundɛ boso ba nde ko amoongɔnɔ boo: «Okapala, ohɔni osɛnɔdjani.» 41Yesu aluma na ndjokwa tina ɛ nde; aninodja ebɔ, amobinga ko abala na nde boo: «Napali, sɛnɔɔ!» 42Oko ena mbuku, mabha masia ko asɛnɔɔ. 43Na bea, Yesu amotuba matoi na ngulu ko amoyanedja. 44Abala na nde boo: «Hokamedja opele, pɛpɛ otɔndɔ noko moto omɔti modjɔ mua. Endolo kɛɛ asainedjae odii nganga ɔ Ndjambe, ko pa epeeli moda maloma Mose, tina ɛ oinedja odii bato basusu boo oheli.»
45Moto ɔ mabha ayana, endolo abanga odjebedja mɔɔngɔ masusu gala ɛ mohelo ma nde. Ta tina ena, Yesu aiwaka hɔnɔ osaenɛmɛdja ta ibonga; adikamaka osokolu, ta bisika ba pɛpɛ bato. Ko bato odonga ta mɔɔngɔ masusu badoaka odii yo.
Iliyochaguliwa sasa
MALAKO 1: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MALAKO 1
1
Bileho ba Yoani Mobatisi
(Hokea koko Mat 3, 1-6; Luk 3, 1-6; Yoa 1, 19-23)
1Hee edii mbangi ɛ Mwako Mopele ma Yesu Klisto, Mwana ɔ Ndjambe. 2Oko moda imakomama ta buku ɛ motɛli Isaya:
«Nalomake moto ɔ mbai boso bawɛ, tina ɛ obɔngɛdja ndjia ɛ wɛ.
3Edi moholi ma moto ona ɔdumbeaka ta esobe boo: Bongɛdjani ndjia ɛ Kumu,
ninodjani migase ma nde!»
4Na bea, Yoani Mobatisi aenɛmɛ ta esobe; adumbeaka boo: «Hekodjani moda, batisamani ko Ndjambe ayɛɛlea masumu ma bono.» 5Bato basusu ba Yuda na bato ba ibonga la Yelusalɛmɛ bakɛkɛ odi yo; bahuodjaka masumu ma bobo ohuu ko Yoani Mobatisi abainaka ta doa ɛ Yolodani. 6Yoani Mobatisi alwaka esendja ena ɛkɔɔmɔ na ngungi dja kamela na mosenge ma eposo ɛ tito ta bongo; adaka aya ndoko na pɔki. 7Alehaka boo: «Ona ɔdoake ngɔngɔ dja mbai anɔini na ngulu; bea naboaniti noko osunama bo nalodjae mokɔli ma sapato dja nde. 8Mbai, naoinani na madiba, endolo yo, aoinaleani na Mwembo Mosɛnɔke.»
Oinama na omekama ba Yesu
(Hokea koko Mat 3, 13-4, 11; Luk 3, 21-22; 4, 1-13)
9Na bea, Yesu adonga ta Nasaleta, ngando ɛ Galilai, ko Yoani amoina ta dua ɛ Yolodani. 10TA ehole einoa yo ta madiba, aenɛ busa bosadipoi ko Mwembo Mosɛnɔke otita ta diko la nde elengɛɛ embenga. 11Ko moholi maokama donga busa boo: «Odii Mwana ɔmbai ɔ epaeli; nasepi na wɛ obuke.»
12Oko ena mbuku, Mwembo Mosɛnɔke maloma Yesu ta esobe. 13Anɛngɛdja maswi tuku inei ta esobe ko amekama na Satana. Adaka esika emɔti na tito ba mokonda, ko babwɛndi bamopaka mia.
Batingami banei ba mbangi
(Mat 4, 12-22; Luk 4, 14-15; 5, 1-11)
14Ngɔngɔ dja opeama ba Yoani Mobatisi ta bɔlɔkɔ, Yesu akɛɛ ta Galilai; atɔndɔkɔ Mwako Mopele ma Ndjambe 15ko abalaka boo: «Ehole ekoki ko Okumu ba Ndjambe bodi mbuti! Sɔmbɔtɔnɔni moda mabono ko dhimani Mwako Mopele!» 16Yesu adalaka ta okula ba ibeke inɛnɛ la Galilai ehole ɛɛnɛ yo balubi babae, Simo na mwanango momi Andele, ibamaka modjanga ta ibeke inɛnɛ tin'ɛ bo badaka balubi. 17Yesu abala na bu boo: «Kimananini ko nakɔlea boo oimeeni balubi ba bato.» 18Na mbala emɔti, basundola bihea ba bobo ko batingama na nde. 19Yesu adala maa ohali mɛnɛ ko aenɛ Djake na mwanango Yoani bana ba Djebedai. Badaka ta bwato ba bobo babɔngɛdja bihea. 20Ambuku Yesu ababea; bakina sangwabu Djebedai na basali ba nde ta bwato ko bakɛɛ engbanga na Yesu.
Moto ɔtungeamaka na mwembo mobe
(Hokea koko Luk 4, 31-37)
21Yesu na batingami ba nde bakɛɛ ta ibonga la Kapalanauma. Ta iswi la sabata, Yesu aingea ta ndako ɛ miongɔnɔ ɛ Bayuda ko abanga oleha. 22Bato iba mookaka bakamoaka na moda ma nde ma oleha; tin'ɛ boo aidaka elengɛɛ bato ba edjebeli ɛ mibeko, endolo alehaka na kpati. 23Ena bea, ta otei ba ndako ɛbobo ɛ miongɔnɔ ɛ Bayuda moto omɔti atungeamaka na mwembo mobe. Agama boo: 24«Ma wɛ na su nda, Yesu ɔ Nasaleta? Edoi wɛ alowa? Naodjebi opele boo odii: Mosɛnɔke ɔloma Ndjambe.» 25Yesu abala na kɛndjɔ mɛɛnɛ na mwembo ko amogamea boo: «Dipa monɔkɔ ma wɛ ko imana odi moto hoo!» 26Mwembo mobe mamopukusa na ngulu ko maimana odii yo mopeli magama na moholi mopipo. 27Bato basusu, bakamoa ko basahɔdja boo: «Mu modjɔ nda? Moto hoo alehaka na moda ma yanie ko na kpati esusu! Adi obengana noko miembo mibe ko midi omosuma!» 28Ko, na pɛpɛlɛ mɛɛnɛ gala ɛ Yesu ɛnangana ta Galilai esusu.
Yesu aheledja bato ba bigo
(Hokea koko Mat 8, 14-17; Luk 4, 38-41)
29Ɔimana bo ta ndako ɛ miɔngɔnɔ ɛ Bayuda, bakɛɛ engbanga emɔti na Djake na Yoani, odii Simo na Andele. 30Okio ba Simo o mwali adaka asambi ta bwako, tin'ɛ boo adaka na mokuku mosa; ena ɔimea Yesu, babala na nde tin'ɛ mokɔni. 31Asabatea mbuti na nde, amopea ta ebɔ ko amongɔdja. Mokuku mosa mamokina ko abanga obakɔmɛdja. 32Ɔimea mɔkɔmɔkɔ, ngɔngɔ dja otita ba diso la busa, badoa odii Yesu na bato basusu ba bigo ko nabia ibadaka na miembo mibe. 33Bato basusu ba ibonga balumana ta boso ba edipako ɛ ndako. 34Yesu aheledja bato bike ibapekaka na bigo mindumba na mindumba ko abengana koko miembo mibe mike. Aipaka enɔli odii miembo mibe boo mabale, tina ɛ boo maamodjebaka.
Yesu adali ta Galilai
(Hokea koko Luk 4, 42-44)
35Sɔɔ ɛ busa bokina, na hindihindi, Yesu aongɔ ko aimana ta ndako. Akɛɛ sokolu ɛ ibonga, ta esika ɛ pɛpɛ bato; ko oho, abanga oongɔnɔ. 36Simo na bato ibadaka na nde bakɛɛ amohomba; 37ehole emotanea bo, babala na nde boo: «Bato basusu baohombaka.» 38Ko Yesu abasɔmbɛdja boo: «Lakɛɛni dɔngɔ ikina, ta ngando dja mbuti. Oho naboani koko oleha Mwako Mopele, ta elɔkɔ ɛ boo tina ɛdoa mbai iyena.» 39Na bea , akɛɛ ta Galilai esusu; aleha ta ndako dja miɔngɔnɔ dja Bayuda ko abenganaka miembo mibe.
Yesu aheledja moto ɔ mabha
(Hokea koko Mat 8, 1-4; Luk 5, 12-16)
40Moto ɔ mabha adoa odii Yesu, adaa na magundɛ boso ba nde ko amoongɔnɔ boo: «Okapala, ohɔni osɛnɔdjani.» 41Yesu aluma na ndjokwa tina ɛ nde; aninodja ebɔ, amobinga ko abala na nde boo: «Napali, sɛnɔɔ!» 42Oko ena mbuku, mabha masia ko asɛnɔɔ. 43Na bea, Yesu amotuba matoi na ngulu ko amoyanedja. 44Abala na nde boo: «Hokamedja opele, pɛpɛ otɔndɔ noko moto omɔti modjɔ mua. Endolo kɛɛ asainedjae odii nganga ɔ Ndjambe, ko pa epeeli moda maloma Mose, tina ɛ oinedja odii bato basusu boo oheli.»
45Moto ɔ mabha ayana, endolo abanga odjebedja mɔɔngɔ masusu gala ɛ mohelo ma nde. Ta tina ena, Yesu aiwaka hɔnɔ osaenɛmɛdja ta ibonga; adikamaka osokolu, ta bisika ba pɛpɛ bato. Ko bato odonga ta mɔɔngɔ masusu badoaka odii yo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)