MATIE 26
26
Kuta tina ɛ Yesu
(Hokea koko Mal 14, 1-2; Luk 22, 45-53)
1Ehole ɛbɛtɛ Yesu obala midjɔ mia misusu, abala na batingami ba nde boo: 2«Ɔdjebakani opele boo edikai maswi mabae bɛngɛ tɛkɛ ɛ Pasika ɛbange: bakabalea Mwana ɔ moto bɛngɛ bamobake ta ekulusu.»
3Bea, bakumu ba banganga ba Ndjambe na basuku ba ngando baputoana ta ndako ɛ Kaifa, kumu ɔ banganga ba Ndjambe; 4bea, baokana tina ɛ opea Yesu na owɛi bobe ko bamoowoe. 5Noko bea babala boo: «Etaboana omopea ta ehole ɛ tɛkɛ, bato basakatɔmbɔ.»
Mwali asopei Yesu malasi ta molo
(Hokea koko Mal 14, 3-9; Yoa 12, 1-8)
6Yesu adaka ta Betania, ta ndako ɛ Simo ona ɔdaka na mabha. 7Mwali omɔti abatama mbuti na nde ena apeli molangi ma malasi ma motwuia monɛnɛ: amasopa diko la molo ma Yesu ehole ɛdaka yo ta mesa. 8Ena ɔenɛ batingami bea, basuboa ko babala boo: «Tina ɛ obeedja malasi mii bea nda? 9Bahɔnɔki omatɛkɛ na motwuia monɛnɛ ko ngɔngɔ djia opa falanga odii bakwali!»
10Ehole ɛenɛ Yesu bea abala na bu boo: «Tina ɛtungeaka na nu mwali hoo nda? Akokedjai modjɔ mopele tina ɛ mbai. 11Tina ɛ boo okadaeni na bakwali bihole bisusu; endolo mbai, odaeteleani na mbai bihole bisusu. 12Ena osopei yo malasi mii ta mokuku ma mbai, akɔi bea tina ɛ obɔngɛdja opuseama ba mbai. 13Nabalaka na nu, sooti boo: mɔɔngɔ masusu malehabi bo Mwako Mopele muu ta ngondo esusu, batɔndɔbi koko modjɔ mokɔi mwali hoo ko bamolɛdjakabi.»
Yudasi akabi Yesu
(Hokea koko Mal 14, 10-11; Luk 22, 3-6)
14Bea omɔti ɔ batingami doomi na babae, ɔbeaka bo Yudasi Isikalioti, akɛɛ odii bakumu ba banganga ba Ndjambe 15ko abala na bu boo: «Ɛpalaka no opani nga nakakaba Yesu odii no yee?» Bakumu ba banganga bamopa falanga dja bibende tuku isato. 16Donga ehole ena, Yudasi abanga ohomba enɔli epele tina ɛ obakabea Yesu.
Yesu ayi mia ma Pasika engbanga na batingami ba nde
(Hokea koko Mal 14, 12-21; Luk 22, 7-14. 21-23; Yoa 13, 21-30)
17Ta iswi la mbangi la tɛkɛ ɛ mapa mataki nɛngɛ ɛ mapa, batingami bahɔdja Yesu boo: «Esika ɛpalaka wɛ boo laobɔngɛdjae mia ma Pasika nda?» 18Yesu abasɔmbɛdja boo: «Kɛɛni ta ibonga odii moto omɔti bea ko balani na nde boo: “Kumu abali boo: Ehole ɛ mbai eimei; nayakalea mia ma Pasika engbanga na batingami ba mbai odii wɛ.”» 19Batingami bakɔɔ oko moda mabaloma Yesu ko babɔngɛdja mia ma Pasika.
20Mɔkɔmɔkɔ, Yesu adaa ta mesa engbanga na batingami ba nde doomi na babae. 21Ena ɔdaka bo baya, Yesu abala boo: «Nabalaka na nu, sooti boo: omɔti ta ndanda ɛ boono akabaleani.» 22Baoka ndjokwa enɛnɛ ko bamohɔdja omɔti na omɔti boo: «Kumu, edii mbai?» 23Yesu asɔmbɛdja boo: «Moto ona odubeaka na mbai ipa la nde ta saani, edii yo moto okabaleani. 24Mwana ɔ moto agwalea elengɛɛ ɔkomama mo tina ɛ nde; endolo ndjokwa ndani tina ɛ moto ona okabi Mwana ɔ moto! Ɛboanaka opele tina ɛ moto ona boo adae pɛpɛ obotama.» 25Yudasi, ona omokabalea ahɔdja boo: «Molehi, edii mbai?» Yesu amosɔmbɛdja boo: «Wɛ mɛɛnɛ obali.»
Mesa ɛ Kumu
(Hokea koko Mal 14, 22-26; Luk 22, 14-20; 1Ko 11, 23-25)
26Ena ɔdaka bo baya, Yesu atomba ipa ko, ngɔngɔ dja osakoa Ndjambe, alibuka ko alipa batingami ba nde; abala na bu boo: «Tombani ko yakani. Hee edii mokuku ma mbai.» 27Ngɔngɔ djia atomba kɔbɔ, asakoa Ndjambe, abapa ko abala boo: «Ye mwani ino basusu, 28tina ɛ boo hee edii makia ma mbai, makia ma edhimaneli ɛ Ndjambe imasopei tina ɛ bato bike, tina ɛ oyɛɛmɛ ba masumu ma bobo. 29Nabalaka na nu sooti boo: donga hadɛdi, nawetelea mwa koko vino hee mbunoko iswi ilimwabi mbai vino ɛ tɛtɛli engbanga na nu ta Okumu ba Tata.» 30Ngɔngɔ djia baemba biembo#26, 30 Hokea koko Bie 113-118; 136. Bayuda bakaembe biembo bia ba okumedja na osakoa mbunoko busabu. , ko bakɛɛ ta ngomba ɛ mele ma Olive.
Yesu adjebedjai boo Piɛlɛ amoinganalea
(Hokea koko Mal 14, 27-31; Luk 22, 31-34; Yoa 13, 36-38)
31Bea Yesu abala na bu boo: «Ta bulu buu mɛɛnɛ, ino basusu obungedjaleani odhima, tina ɛkomama ta Makomi boo: “Nabomalea#26, 31 Hokea koko Djak 13, 7. mobanyeli ɔ bingbɛndɛ, ko bwela ba bhata bonanganalea mɔngɔ masusu.” 32Endolo, Yesu abakea boo, ngɔngɔ dja opusoa ba mbai, nakɛɛlea aombani ta Galilai.» 33Piɛlɛ abala na nde boo: «Noko ibo basusu bakabungedja odhima, mbai nabungedjaetelea noko osinɛɛ.» 34Yesu abala na nde boo: «Nabalaka na wɛ sooti boo: ta bulu buu mɛɛnɛ, boso boo kɔkɔ akɔkɔle, oinganaleani mbala isato.» 35Piɛlɛ abala na nde boo: «Noko ekada boo nagwɛ na wɛ esika emɔti, nabungedjaetalea edhimeli ɛ mbai.» Ko batingami basusu babala oko moda momɔti.
Yesu aongɔɔni ta Getesemani
(Hokea koko Mal 14, 32-42; Luk 22, 39-46)
36Yesu aimea engbanga na batingami ba nde ta esika ɛbeaka bo Getesemani ko abala na bu boo: «Daani haa, mbai nasasui anaho tina ɛ ongɔɔnɔ.» 37Atomba Piɛlɛ na bana baami babae ba Djebedai. Abanga ooka ndjokwa ko osatungea. 38Abala na bu boo: «Molema ma mbai molumi na ndjokwa mbuti na ogwa; dikaani haa ko sɛndjɛlɛni engbanga na mbai.» 39Asalinda oboso maa osinɛɛ, asadumba na mbanda ta kpɔtɔ ko aongɔɔnɔ boo: «Tata, okapala, dogedja kɔbɔ hee ɛ saya odii mbai. Endolo, titi opala ba mbai, endolo, elengɛɛ ɔpalaka wɛ.» 40Bea asɔmbɔ odii batingami basato ko abatanea bahwɛli. Abala na Piɛlɛ boo: «Ohɔnitini osɛndjɛlɛ engbanga na mbai noko ehole emɔti? 41Sɛndjɛlɛni ko ongɔɔnɔni bɛngɛ ɔdaeni pɛpɛ okwa ta lomeko. Mwembo modii na posa enɛnɛ ɛ okɔ opele, endolo mokuku modii na bwɛmbu.»
42Asasua maa ohali mbala ɛ babae ko aongɔɔnɔ boo: «Tata, kɔbɔ hee ɛ saya emiti donga, nga ekadaa boo nayemwɛ, yɛɛ boo opala baa wɛ bakɔɔme!» 43Asɔmbɔ koko odii batingami ba nde ko abatanea oko bahwɛli; tina ɛ boo miso ma hiɔ mabapea na ngulu. 44Yesu abakina koko, asasua ko aongɔɔnɔ mbala ɛ basato ko asɔmbɛɛ oko bibaeli bia bimɔti. 45Ngɔngɔ djia, asɔmbɔ koko odii batingami ba nde ko abala na bu boo: «Ohwɛlini oko ko ɔhemakani? Hadɛdi, ehole eimei tina ɛ okaba Mwana ɔ moto ta mabɔ ma bato ba masumu. 46Emani, lakɛɛ! Hokeani, moto okabini odii bo adii haa!»
Opeama ba Yesu
(Hokea koko Mal 14, 43-50; Luk 22, 47-53; Yoa 18, 3-12)
47Oko ena ɔdaka Yesu abala, Yudasi, omɔti ɔ batingami doomi na babae aimea. Adoa engbanga na emumu ɛ bato ibapeaka mipata na mangenda. Balomama na bakumu ba banganga ba Ndjambe na basuku ba Bayuda. 48Yudasi, moto ona ɔkaba Yesu, abapa embete boo: «Moto ona obhimbanalea na mbai, edii yo. Mopeani.» 49Ambuku Yudasi abatama na Yesu ko abala na nde boo: «Molehi, bwanda!» Ko amobhimba. 50Yesu abala na nde boo: «Mopalani ɔ mbai, modjɔ modoi wɛ akɔ, mokɔɔ pɛpɛlɛ.» Bea, bato bakina ibadoa engbanga na nde babatama, baisa mabɔ diko la Yesu ko bamopea. 51Omɔti ɔ bato ibadaka na Yesu aihwa mopata ta igbogbo, akeka mosali ɔ kumu ɔ banganga ba Ndjambe ko amolena itoi#26, 51 Hokea koko Yoa 18, 26.. 52Endolo Yesu abala na nde boo: «Sɔmbɛdja mopata ma wɛ ta igbogbo, tina ɛ bato basusu ibakaone na mopata bagwabi na mopata. 53Otadjebaka boo nahɔni obea Tata boo akɔmɛdjaeni ko mbala emɔti alomeani babwɛndi koto na koto? 54Endolo, nga ekakɔɔmɔ moda mua, Makomi matakokedjama; tina ɛ mabalaka boo midjɔ mia misusu miboani okɔɔmɔ bea.»
55Oko ta ehole ena Yesu abala na emumu ɛ bato boo: «Odii mo enao, edii mbai motɔmbɔki bɛngɛ boo ɔdoeni apeani na mipata na mangenda? Maswi masusu, nadaka nadii ta Tepelo tina ɛ oleha, ko ɔipeakanini. 56Endolo midjɔ mii misusu makɔɔmɔ bɛngɛ Makomi ma batɛli makokedjame.» Bea batingami basusu bamosundola ko batia.
Yesu boso ba tibinalo eenɛnɛ
(Hokea koko Mal 14, 53-65; Luk 22, 54-55. 63-71; Yoa 18, 13-14; 19)
57Bato ibapea Yesu bakɛɛ na nde odii Kaifa, kumu ɔ banganga ba Ndjambe, oho ɔputoana bato ba edjebeli ɛ mobeko na basuku. 58Piɛlɛ akimana Yesu ohali, mbunoko ta ndako ɛ kumu ɔ banganga ba Ndjambe. Aingea ta tiangando ko adaa esika emɔti na basindjili bɛngɛ aenɛ moda mosukalea modjɔ mua.
59Bakumu ba banganga ba Ndjambe na bato basusu ba esambi eenɛnɛ ɛ Bayuda bahombaka tati ebe diko la Yesu bɛngɛ bamopɛ etumbu ɛ ogwa; 60endolo baiyediha, noko bato bike ɔmokosea bo midjɔ. Ta osukedja, bato babae badoa: 61ko babala boo: «Moto hoo abala boo: “Mbai nahɔni obuka Tepelo ɛ Ndjambe ko oyepika na maswi masato.”» 62Kumu ɔ banganga ba Ndjambe aemaa ko ahɔdja Yesu boo: «Enao, oditi, na ebaeli ɛosɔmbɛdja diko la midjɔ mii maopundaka na bu?» 63Endolo Yesu adaa oko ogoo. Bea Kumu ɔ banganga ba Ndjambe abala na nde boo: «Lena seleka ta kombe ɛ Ndjambe ɔ mohelo, lotɔndɔɔ: kaoko odii Masia, Mwana ɔ Ndjambe?» 64Yesu amosɔmbɛdja boo: «Wɛ mɛɛnɛ moto obali bea. Endolo nabalaka na nu boo: Donga hadɛdi oenɛbini Mwana ɔ moto adii ta ebɔ ɛ bami ɛ Ndjambe ɔ ngulu isusu; omoenɛbini koko adoe diko la matutɛ ma busa.» 65Bea kumu ɔ banganga ba Ndjambe aola bisendja ba nde ko abala boo: «Atsioli Ndjambe! Tina ɛhombaka na su koko bato ba opa tati nda? Ino mɛɛnɛ ookini moda motsioli yo Ndjambe. 66Ɔlɛdjaka no enao?» Basɔmbɛdja boo: «Aboani na etumbu ɛ ogwa.» 67Bamotɔɔ masɔi ta mbanda ko bamola ndumɔ; bakina bamoboma mbata 68ko babala nde boo: «Wɛ, Masia, loinedja boo odii motɛli! Moto oobomi nda?»
Piɛlɛ aingani Yesu
(Hokea koko Mal 14, 66-72; Luk 22, 56-62; Yoa 18, 15-18. 25-27)
69Piɛlɛ adaka adii osokolu, ta tiangando. Mosali omɔti mwali abatama mbuti ko abala na nde boo: «Wɛ koko, ɔdaka engbanga na Yesu, moto ɔ Galilai.» 70Endolo Piɛlɛ aingani ta miso ma bato basusu boo: «Natadjebaka modjɔ mapalaka wɛ ɔbale.» 71Ngɔngɔ djia Piɛlɛ akɛɛ ta dɔngɔ la edipako ɛ tiangando. Mosali okina mwali amoenɛ ko abala na bato ibadaka ena boo: «Moto hoo adaka engbanga na Yesu ɔ Nasalɛtɛ.» 72Piɛlɛ aingana koko ko akata seleka: «Natadjebaka moto ona.»
73Ngɔngɔ dja maa ehole, bato ibadaka ena babatama na Piɛlɛ ko babala na nde boo: «Sooti mɛɛnɛ, odii omɔti ɔ bobo: moda ma wɛ ma obala moopundi.» 74Bea Piɛlɛ agama: «Yɛɛ boo Ndjambe alakedjaeni nga nakakosa! Naleni seleka, natadjebaka moto ona!» Oko ta ehole ena, kɔkɔ akɔkɔlɔ, 75ko Piɛlɛ alɛdjaa modjɔ imabala Yesu na nde boo: «Boso boo kɔkɔ akɔkɔle, oinganaleani mbala isato boo otadjebakani.» Aimana ko ayea na ngulu.
Iliyochaguliwa sasa
MATIE 26: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MATIE 26
26
Kuta tina ɛ Yesu
(Hokea koko Mal 14, 1-2; Luk 22, 45-53)
1Ehole ɛbɛtɛ Yesu obala midjɔ mia misusu, abala na batingami ba nde boo: 2«Ɔdjebakani opele boo edikai maswi mabae bɛngɛ tɛkɛ ɛ Pasika ɛbange: bakabalea Mwana ɔ moto bɛngɛ bamobake ta ekulusu.»
3Bea, bakumu ba banganga ba Ndjambe na basuku ba ngando baputoana ta ndako ɛ Kaifa, kumu ɔ banganga ba Ndjambe; 4bea, baokana tina ɛ opea Yesu na owɛi bobe ko bamoowoe. 5Noko bea babala boo: «Etaboana omopea ta ehole ɛ tɛkɛ, bato basakatɔmbɔ.»
Mwali asopei Yesu malasi ta molo
(Hokea koko Mal 14, 3-9; Yoa 12, 1-8)
6Yesu adaka ta Betania, ta ndako ɛ Simo ona ɔdaka na mabha. 7Mwali omɔti abatama mbuti na nde ena apeli molangi ma malasi ma motwuia monɛnɛ: amasopa diko la molo ma Yesu ehole ɛdaka yo ta mesa. 8Ena ɔenɛ batingami bea, basuboa ko babala boo: «Tina ɛ obeedja malasi mii bea nda? 9Bahɔnɔki omatɛkɛ na motwuia monɛnɛ ko ngɔngɔ djia opa falanga odii bakwali!»
10Ehole ɛenɛ Yesu bea abala na bu boo: «Tina ɛtungeaka na nu mwali hoo nda? Akokedjai modjɔ mopele tina ɛ mbai. 11Tina ɛ boo okadaeni na bakwali bihole bisusu; endolo mbai, odaeteleani na mbai bihole bisusu. 12Ena osopei yo malasi mii ta mokuku ma mbai, akɔi bea tina ɛ obɔngɛdja opuseama ba mbai. 13Nabalaka na nu, sooti boo: mɔɔngɔ masusu malehabi bo Mwako Mopele muu ta ngondo esusu, batɔndɔbi koko modjɔ mokɔi mwali hoo ko bamolɛdjakabi.»
Yudasi akabi Yesu
(Hokea koko Mal 14, 10-11; Luk 22, 3-6)
14Bea omɔti ɔ batingami doomi na babae, ɔbeaka bo Yudasi Isikalioti, akɛɛ odii bakumu ba banganga ba Ndjambe 15ko abala na bu boo: «Ɛpalaka no opani nga nakakaba Yesu odii no yee?» Bakumu ba banganga bamopa falanga dja bibende tuku isato. 16Donga ehole ena, Yudasi abanga ohomba enɔli epele tina ɛ obakabea Yesu.
Yesu ayi mia ma Pasika engbanga na batingami ba nde
(Hokea koko Mal 14, 12-21; Luk 22, 7-14. 21-23; Yoa 13, 21-30)
17Ta iswi la mbangi la tɛkɛ ɛ mapa mataki nɛngɛ ɛ mapa, batingami bahɔdja Yesu boo: «Esika ɛpalaka wɛ boo laobɔngɛdjae mia ma Pasika nda?» 18Yesu abasɔmbɛdja boo: «Kɛɛni ta ibonga odii moto omɔti bea ko balani na nde boo: “Kumu abali boo: Ehole ɛ mbai eimei; nayakalea mia ma Pasika engbanga na batingami ba mbai odii wɛ.”» 19Batingami bakɔɔ oko moda mabaloma Yesu ko babɔngɛdja mia ma Pasika.
20Mɔkɔmɔkɔ, Yesu adaa ta mesa engbanga na batingami ba nde doomi na babae. 21Ena ɔdaka bo baya, Yesu abala boo: «Nabalaka na nu, sooti boo: omɔti ta ndanda ɛ boono akabaleani.» 22Baoka ndjokwa enɛnɛ ko bamohɔdja omɔti na omɔti boo: «Kumu, edii mbai?» 23Yesu asɔmbɛdja boo: «Moto ona odubeaka na mbai ipa la nde ta saani, edii yo moto okabaleani. 24Mwana ɔ moto agwalea elengɛɛ ɔkomama mo tina ɛ nde; endolo ndjokwa ndani tina ɛ moto ona okabi Mwana ɔ moto! Ɛboanaka opele tina ɛ moto ona boo adae pɛpɛ obotama.» 25Yudasi, ona omokabalea ahɔdja boo: «Molehi, edii mbai?» Yesu amosɔmbɛdja boo: «Wɛ mɛɛnɛ obali.»
Mesa ɛ Kumu
(Hokea koko Mal 14, 22-26; Luk 22, 14-20; 1Ko 11, 23-25)
26Ena ɔdaka bo baya, Yesu atomba ipa ko, ngɔngɔ dja osakoa Ndjambe, alibuka ko alipa batingami ba nde; abala na bu boo: «Tombani ko yakani. Hee edii mokuku ma mbai.» 27Ngɔngɔ djia atomba kɔbɔ, asakoa Ndjambe, abapa ko abala boo: «Ye mwani ino basusu, 28tina ɛ boo hee edii makia ma mbai, makia ma edhimaneli ɛ Ndjambe imasopei tina ɛ bato bike, tina ɛ oyɛɛmɛ ba masumu ma bobo. 29Nabalaka na nu sooti boo: donga hadɛdi, nawetelea mwa koko vino hee mbunoko iswi ilimwabi mbai vino ɛ tɛtɛli engbanga na nu ta Okumu ba Tata.» 30Ngɔngɔ djia baemba biembo#26, 30 Hokea koko Bie 113-118; 136. Bayuda bakaembe biembo bia ba okumedja na osakoa mbunoko busabu. , ko bakɛɛ ta ngomba ɛ mele ma Olive.
Yesu adjebedjai boo Piɛlɛ amoinganalea
(Hokea koko Mal 14, 27-31; Luk 22, 31-34; Yoa 13, 36-38)
31Bea Yesu abala na bu boo: «Ta bulu buu mɛɛnɛ, ino basusu obungedjaleani odhima, tina ɛkomama ta Makomi boo: “Nabomalea#26, 31 Hokea koko Djak 13, 7. mobanyeli ɔ bingbɛndɛ, ko bwela ba bhata bonanganalea mɔngɔ masusu.” 32Endolo, Yesu abakea boo, ngɔngɔ dja opusoa ba mbai, nakɛɛlea aombani ta Galilai.» 33Piɛlɛ abala na nde boo: «Noko ibo basusu bakabungedja odhima, mbai nabungedjaetelea noko osinɛɛ.» 34Yesu abala na nde boo: «Nabalaka na wɛ sooti boo: ta bulu buu mɛɛnɛ, boso boo kɔkɔ akɔkɔle, oinganaleani mbala isato.» 35Piɛlɛ abala na nde boo: «Noko ekada boo nagwɛ na wɛ esika emɔti, nabungedjaetalea edhimeli ɛ mbai.» Ko batingami basusu babala oko moda momɔti.
Yesu aongɔɔni ta Getesemani
(Hokea koko Mal 14, 32-42; Luk 22, 39-46)
36Yesu aimea engbanga na batingami ba nde ta esika ɛbeaka bo Getesemani ko abala na bu boo: «Daani haa, mbai nasasui anaho tina ɛ ongɔɔnɔ.» 37Atomba Piɛlɛ na bana baami babae ba Djebedai. Abanga ooka ndjokwa ko osatungea. 38Abala na bu boo: «Molema ma mbai molumi na ndjokwa mbuti na ogwa; dikaani haa ko sɛndjɛlɛni engbanga na mbai.» 39Asalinda oboso maa osinɛɛ, asadumba na mbanda ta kpɔtɔ ko aongɔɔnɔ boo: «Tata, okapala, dogedja kɔbɔ hee ɛ saya odii mbai. Endolo, titi opala ba mbai, endolo, elengɛɛ ɔpalaka wɛ.» 40Bea asɔmbɔ odii batingami basato ko abatanea bahwɛli. Abala na Piɛlɛ boo: «Ohɔnitini osɛndjɛlɛ engbanga na mbai noko ehole emɔti? 41Sɛndjɛlɛni ko ongɔɔnɔni bɛngɛ ɔdaeni pɛpɛ okwa ta lomeko. Mwembo modii na posa enɛnɛ ɛ okɔ opele, endolo mokuku modii na bwɛmbu.»
42Asasua maa ohali mbala ɛ babae ko aongɔɔnɔ boo: «Tata, kɔbɔ hee ɛ saya emiti donga, nga ekadaa boo nayemwɛ, yɛɛ boo opala baa wɛ bakɔɔme!» 43Asɔmbɔ koko odii batingami ba nde ko abatanea oko bahwɛli; tina ɛ boo miso ma hiɔ mabapea na ngulu. 44Yesu abakina koko, asasua ko aongɔɔnɔ mbala ɛ basato ko asɔmbɛɛ oko bibaeli bia bimɔti. 45Ngɔngɔ djia, asɔmbɔ koko odii batingami ba nde ko abala na bu boo: «Ohwɛlini oko ko ɔhemakani? Hadɛdi, ehole eimei tina ɛ okaba Mwana ɔ moto ta mabɔ ma bato ba masumu. 46Emani, lakɛɛ! Hokeani, moto okabini odii bo adii haa!»
Opeama ba Yesu
(Hokea koko Mal 14, 43-50; Luk 22, 47-53; Yoa 18, 3-12)
47Oko ena ɔdaka Yesu abala, Yudasi, omɔti ɔ batingami doomi na babae aimea. Adoa engbanga na emumu ɛ bato ibapeaka mipata na mangenda. Balomama na bakumu ba banganga ba Ndjambe na basuku ba Bayuda. 48Yudasi, moto ona ɔkaba Yesu, abapa embete boo: «Moto ona obhimbanalea na mbai, edii yo. Mopeani.» 49Ambuku Yudasi abatama na Yesu ko abala na nde boo: «Molehi, bwanda!» Ko amobhimba. 50Yesu abala na nde boo: «Mopalani ɔ mbai, modjɔ modoi wɛ akɔ, mokɔɔ pɛpɛlɛ.» Bea, bato bakina ibadoa engbanga na nde babatama, baisa mabɔ diko la Yesu ko bamopea. 51Omɔti ɔ bato ibadaka na Yesu aihwa mopata ta igbogbo, akeka mosali ɔ kumu ɔ banganga ba Ndjambe ko amolena itoi#26, 51 Hokea koko Yoa 18, 26.. 52Endolo Yesu abala na nde boo: «Sɔmbɛdja mopata ma wɛ ta igbogbo, tina ɛ bato basusu ibakaone na mopata bagwabi na mopata. 53Otadjebaka boo nahɔni obea Tata boo akɔmɛdjaeni ko mbala emɔti alomeani babwɛndi koto na koto? 54Endolo, nga ekakɔɔmɔ moda mua, Makomi matakokedjama; tina ɛ mabalaka boo midjɔ mia misusu miboani okɔɔmɔ bea.»
55Oko ta ehole ena Yesu abala na emumu ɛ bato boo: «Odii mo enao, edii mbai motɔmbɔki bɛngɛ boo ɔdoeni apeani na mipata na mangenda? Maswi masusu, nadaka nadii ta Tepelo tina ɛ oleha, ko ɔipeakanini. 56Endolo midjɔ mii misusu makɔɔmɔ bɛngɛ Makomi ma batɛli makokedjame.» Bea batingami basusu bamosundola ko batia.
Yesu boso ba tibinalo eenɛnɛ
(Hokea koko Mal 14, 53-65; Luk 22, 54-55. 63-71; Yoa 18, 13-14; 19)
57Bato ibapea Yesu bakɛɛ na nde odii Kaifa, kumu ɔ banganga ba Ndjambe, oho ɔputoana bato ba edjebeli ɛ mobeko na basuku. 58Piɛlɛ akimana Yesu ohali, mbunoko ta ndako ɛ kumu ɔ banganga ba Ndjambe. Aingea ta tiangando ko adaa esika emɔti na basindjili bɛngɛ aenɛ moda mosukalea modjɔ mua.
59Bakumu ba banganga ba Ndjambe na bato basusu ba esambi eenɛnɛ ɛ Bayuda bahombaka tati ebe diko la Yesu bɛngɛ bamopɛ etumbu ɛ ogwa; 60endolo baiyediha, noko bato bike ɔmokosea bo midjɔ. Ta osukedja, bato babae badoa: 61ko babala boo: «Moto hoo abala boo: “Mbai nahɔni obuka Tepelo ɛ Ndjambe ko oyepika na maswi masato.”» 62Kumu ɔ banganga ba Ndjambe aemaa ko ahɔdja Yesu boo: «Enao, oditi, na ebaeli ɛosɔmbɛdja diko la midjɔ mii maopundaka na bu?» 63Endolo Yesu adaa oko ogoo. Bea Kumu ɔ banganga ba Ndjambe abala na nde boo: «Lena seleka ta kombe ɛ Ndjambe ɔ mohelo, lotɔndɔɔ: kaoko odii Masia, Mwana ɔ Ndjambe?» 64Yesu amosɔmbɛdja boo: «Wɛ mɛɛnɛ moto obali bea. Endolo nabalaka na nu boo: Donga hadɛdi oenɛbini Mwana ɔ moto adii ta ebɔ ɛ bami ɛ Ndjambe ɔ ngulu isusu; omoenɛbini koko adoe diko la matutɛ ma busa.» 65Bea kumu ɔ banganga ba Ndjambe aola bisendja ba nde ko abala boo: «Atsioli Ndjambe! Tina ɛhombaka na su koko bato ba opa tati nda? Ino mɛɛnɛ ookini moda motsioli yo Ndjambe. 66Ɔlɛdjaka no enao?» Basɔmbɛdja boo: «Aboani na etumbu ɛ ogwa.» 67Bamotɔɔ masɔi ta mbanda ko bamola ndumɔ; bakina bamoboma mbata 68ko babala nde boo: «Wɛ, Masia, loinedja boo odii motɛli! Moto oobomi nda?»
Piɛlɛ aingani Yesu
(Hokea koko Mal 14, 66-72; Luk 22, 56-62; Yoa 18, 15-18. 25-27)
69Piɛlɛ adaka adii osokolu, ta tiangando. Mosali omɔti mwali abatama mbuti ko abala na nde boo: «Wɛ koko, ɔdaka engbanga na Yesu, moto ɔ Galilai.» 70Endolo Piɛlɛ aingani ta miso ma bato basusu boo: «Natadjebaka modjɔ mapalaka wɛ ɔbale.» 71Ngɔngɔ djia Piɛlɛ akɛɛ ta dɔngɔ la edipako ɛ tiangando. Mosali okina mwali amoenɛ ko abala na bato ibadaka ena boo: «Moto hoo adaka engbanga na Yesu ɔ Nasalɛtɛ.» 72Piɛlɛ aingana koko ko akata seleka: «Natadjebaka moto ona.»
73Ngɔngɔ dja maa ehole, bato ibadaka ena babatama na Piɛlɛ ko babala na nde boo: «Sooti mɛɛnɛ, odii omɔti ɔ bobo: moda ma wɛ ma obala moopundi.» 74Bea Piɛlɛ agama: «Yɛɛ boo Ndjambe alakedjaeni nga nakakosa! Naleni seleka, natadjebaka moto ona!» Oko ta ehole ena, kɔkɔ akɔkɔlɔ, 75ko Piɛlɛ alɛdjaa modjɔ imabala Yesu na nde boo: «Boso boo kɔkɔ akɔkɔle, oinganaleani mbala isato boo otadjebakani.» Aimana ko ayea na ngulu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)