MATIE 21
21
Yesu aingei ta Yelusalɛmɛ
(Hokea koko Mal 11, 1-11; Luk 19, 28-40; Yoa 12, 12-19)
1Ehole ɛbatama bo mbuti na Yelusalɛmɛ ko ɛimea bo mbuti na ngando ɛ Betefadje, diko la ngomba ɛ mele ma Olive, Yesu aloma batingami babae: 2«Abala na bu boo: Kɛɛni ta ngando enaho edii boso ba boono. Otanealeani punda mwali anangi na ngɔli ko mwana ɔ punda mbuti na nde. Tingoani basusu babae ko doani na bu odii mbai. 3Nga moto akabala na nu modjɔ tina ɛ bu, mosɔmbɛdjani boo: “Kumu akambaka na bu.” Ko mbala emɔti abakinalea bakɛɛ.»
4Midjɔ mia misusu makɔɔmɔ bɛngɛ bibaeli ba motɛli bakokedjame:
5«Balani na bato ba Siona boo:
Hokea, kumu ɔ wɛ adoi odii wɛ,
alumi na bwɛli, adii diko la punda,
ko diko la mwana ɔ punda, mwana ɔ punda ɔ punda mwali#21, 5 Hokea koko Djak 9, 9..»
6Batingami bakɛɛ ko bakɔɔ oko moda mabaloma Yesu. 7Batomba punda engbanga na mwana ɔ nde, baondea bisendja diko la bobo ko Yesu adaa odiko. 8Emumu ɛ bato ɛonda bisendja ba bobo ta ndjia; bakina balena bitape ba mele ko babionda koko ta ndjia. 9Bato ibadalaka boso ba Yesu na bii ibamokimanaka bagamaka boo: «Iyakoko odii Mwana ɔ Davidi! Yɛɛ boo adjongoame ona odoi ta kombe ɛ Kumu! Ekumu odii Ndjambe odiko!»
10Ehole ɛingea Yesu ta Yelusalɛmɛ, ibonga isusu lakumana. Basahɔdja boo: «Moto hoo adii nda?» 11«Bato basɔmbɛdja boo: Edii motɛli Yesu, ɔ Nasalɛta ta Galilai».
Yesu ta tepelo
(Hokea koko Mal 11, 15-19; Luk 19, 45-48; Yoa 2, 13-22)
12Yesu aingea ta lopango la tepelo ko abengana bato basusu ibadaka batɛkɛ ko basomba leka ta lopango la tepelo; ahombanedja mesa dja bato ibasɔmbɔtɔnɔkɔ falanga na bidie ba bato ibatɛkɛkɛ bimbenga. 13Abala na bu: «Ɛkomama boo: “Ndako ɛ mbai ebeamabi ndako ɛ miongɔɔnɔ.”Endolo ino, oyeimedjaini ndako ɛ baibi!»
14Bato ba miso mago na iba mitɛngu babatama mbuti na Yesu ta lopango la tepelo ko abaheledja. 15Ba kumu ba banganga ba Ndjambe na bato ba edjebeli ɛ mibeko baoka obe ehole ɛenɛ bo midjɔ ma okamoa makɔɔ Yesu na madaka baana bagama ta lopango la tepelo boo: «Ekumu odii Mwana ɔ Davidi!» 16Bea babala na Yesu boo: «Ɔokaka midjɔ mabalaka bo?» - «Yesu abasɔmbɛdja boo: edii bea. Opakitaa langani ta Makomi boo: na ndjia ɛ baana bakɛkɛ na bii ibanungaka mabɛɛ, ɔdiha ekumu ɛ wɛ?» 17Bea abakina, aimana ta ibonga dia ko akɛɛ ta Betania oho ɔnɔdja yo bulu.
Yesu alakedjai mole ma figi
(Hokea koko Mal 11, 12-14. 20-24)
18Ngɔngɔ dja iswi imɔti ta imane la bobo ta Betania, Yesu aoka ndja. 19Aenɛ mole momɔti ma figi mbuti na ndjia ko abatama mbuti na mu, endolo aienɛ noko mbuma emɔti oko kasa. Abala na mole mua boo: «Owetebi bota koko mbuna tina ɛ seko!» Oko ta ehole ena mole ma figi mahɔlɔngɔnɔ. 20Ehole ɛenɛ batingami modjɔ mua bakamoa obuke ko bahɔdja Yesu boo: «Moda mohɔlɔngɔni na mole ma figi mbala emɔti nda?» 21Yesu abasɔmbɛdja boo: «Nabalaka na nu, sooti boo: okadani na edhimeli ko nga omiti dani na kitɛ, okɔetebini etoko modjɔ mokɔi mbai na mole mu ma figi, endolo obalabini na ngomba hee boo: “Donga ena sadumba ta ibeke ilinɔi na onɛnɛ”, ko modjɔ mua mokɔmɔbi. 22Nga okadani na edhimeli, odihabini misusu imisɛngɛbi no na ndjia ɛ miongɔɔnɔ.»
Kitɛ tina ɛ okumu ba Yesu
(Hokea koko Mal 11, 27-33; Luk 20, 1-8)
23Yesu aingea ta lopango la tepelo ko abanga oleha; bea bakumu ba banganga ba Ndjambe na basuku ba bayuda babatama mbuti na nde ko bamohɔdja boo: «Odihi wɛ kpati ɛ okɔ midjɔ mii hɔɔ? Ona ɔopa kpati ena nda?» 24Yesu abasɔmbɛdja boo: «Mbai koko naohɔdjaleani ihɔdja imɔti, nga okasɔmbɛdjanini, bea naotɔndɔleani kpati ndani ɛkɔkɔ na mbai midjɔ mia. 25Oinama ba Yoani Mobatisi ɔdonga bo hɔɔ? Odii Ndjambe kaoko odii bato?» Bea balɛdjana ta ndanda ɛ bobo ko babala boo: «Nga lokabala boo: “Odii Ndjambe”, alohɔdjalea boo: “Bea ɔimodhimeani tina nda?” 26Nga lokabala boo: “badonga odii bato”, lodii na bɔɔ ba emumu ɛ bato, tina ɛ boo bato basusu bakatombe Yoani elɛngɛɛ motɛli.» 27Bea basɔmbɛdja Yesu boo: «Lotadjeba.» - «Yesu, abala na bu boo: Mbai koko, nataotɔndoni kaoko na kpati ɛ ndani nakɔkɔ midjɔ mia.»
Indjɛ la baana bami babae
28«Yesu abala koko boo: ɔlɛdjaka no enao? Moto omɔti adaka na baana bami babae. Akɛɛ odii mwana ɔ boso ko abala na nde boo: “mwana ɔ mbai, kɛɛ asale mosala busabu ta gue ɛ vino.” 29Mwana asɔmbedja boo: “Naloni”, endolo ngɔngɔ, asɔmbɔtɔnɔ ilɛi ko akɛɛ ta gue ɛ vino. 30Sɛngɛ moto akɛɛ odii mwana okina ko abala na nde oko moda momɔti. Mwana ona asɔmbɛdja boo: “Edii bea, moswa mbai, nakɛi oho”, endolo aikɛ. 31Ta ndanda ɛ bana bia babae ɔkɔɔ opala ba sango nda?» Basɔmbɛdja boo: «Mwana ɔ boso». Bea, Yesu abala na bu boo: «Nabalaka na nu, sooti boo: baputedjɛli baputi na bali ba ndukeli baingealea boso ba boono ta Okumu ba Ndjambe. 32Tina ɛ boo Yoani Mobatisi adoa odii no bɛngɛ aoinedjaeni ndjia ɛ odjoo endolo ɔimodhimeani; endolo baputedjɛli baputi na bali ba ndukeli bamodhimea. Ko noko ɔenɛ no midjɔ mia na miso ma boono, ɔisɔmbɔtɔnɔni milema ko ɔimodhimeani.»
Indjɛ la basali babe ba gue ɛ vino
(Hokea koko Mal 12, 1-12; Luk 20, 9-19)
33«Hokamedjani koko indjɛ ikina: moto omɔti aona gue ɛ nde ɛ vino; ayehika na lopango, alongea eomeli ɛ vino ko ayoa ndako eyai ɛ basindjili. Ngɔngɔ djia, akina gue ena ta mabɔ ma basali bɛngɛ boo bayeputele ko akɛɛ ta mwɛngɔ. 34Ena ɔbatama ehole ɛ obuka mbuma, aloma basali ba nde odii basali ibaputelaka gue bɛngɛ bakɔngɔle dja nde mbuma. 35Endolo bato ibaputelaka gue bapea basali ba nde, babomi okina, baowoi okina ko bala ɔ basato ndeke. 36Bea moswa gue aloma basali bakina, bike onɔɔ ibakɛɛ boso, endolo bato ibaputelaka gue babakɔɔ oko moda momɔti. 37Ta osukedja, moswa gue abalomea mwana ɔ nde moomi ko asabalea boo: “Badalea na isuma tina ɛ mwana ɔ mbai.” 38Endolo ehole ɛenɛ basali ba gue ɛ vino mwana, basabaleana boo: “Hokea mosangoli! Doani, lamoowoe ko isango la gue idalea la booso!” 39Bamopea, bamodumba o sokolu ɛ gue ɛ vino ko bamoowa.»
40Yesu ahɔdja boo: «Ehole edoalea moswa gue, ekɔlea yo na basali bia ibaputelaka gue yee?» 41Bakumu ba banganga ba Ndjambe bamosɔmbɛdja boo: «Aowodjalea bato bia babe na ogwa ba mokpangala ko apalea gue ena ɛ vino ta mabɔ ma baputeli bakina, ibamopakalea mbuma ta ehole ekabuke bo.»
42Yesu abala na bu boo: «Opakitalangani ta Makomi boo?
“Ikwe iladumba bapikeli ba ndako
limei ikwe la ndonga.
Ena edii mosala ma Kumu,
tina ɛ booso, edii modjɔ ma okamoa!”»
43«Yesu abala boo: ta tina ena, Okumu ba Ndjambe bodongedjamalea ta ndanda ɛ boono bɛngɛ bapame odii bato ibahɔnɔlea oinedja misala ma bu. [44Moto mosusu okwalea diko la ikwe abukeanalea; ko ikwe likakwa diko la moto, limominakakalea.]»
45Ngɔngɔ dja ooka mandjɛ ma nde bakumu ba banganga ba Ndjambe na bafalusai basipoa boo Yesu abalaka tina ɛ bobo. 46Bahombaka ndjia ɛ omopea, endolo badaa na bɔɔ ba bimumu ba bato ibatombaka Yesu elɛngɛɛ motɛli.
Iliyochaguliwa sasa
MATIE 21: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
MATIE 21
21
Yesu aingei ta Yelusalɛmɛ
(Hokea koko Mal 11, 1-11; Luk 19, 28-40; Yoa 12, 12-19)
1Ehole ɛbatama bo mbuti na Yelusalɛmɛ ko ɛimea bo mbuti na ngando ɛ Betefadje, diko la ngomba ɛ mele ma Olive, Yesu aloma batingami babae: 2«Abala na bu boo: Kɛɛni ta ngando enaho edii boso ba boono. Otanealeani punda mwali anangi na ngɔli ko mwana ɔ punda mbuti na nde. Tingoani basusu babae ko doani na bu odii mbai. 3Nga moto akabala na nu modjɔ tina ɛ bu, mosɔmbɛdjani boo: “Kumu akambaka na bu.” Ko mbala emɔti abakinalea bakɛɛ.»
4Midjɔ mia misusu makɔɔmɔ bɛngɛ bibaeli ba motɛli bakokedjame:
5«Balani na bato ba Siona boo:
Hokea, kumu ɔ wɛ adoi odii wɛ,
alumi na bwɛli, adii diko la punda,
ko diko la mwana ɔ punda, mwana ɔ punda ɔ punda mwali#21, 5 Hokea koko Djak 9, 9..»
6Batingami bakɛɛ ko bakɔɔ oko moda mabaloma Yesu. 7Batomba punda engbanga na mwana ɔ nde, baondea bisendja diko la bobo ko Yesu adaa odiko. 8Emumu ɛ bato ɛonda bisendja ba bobo ta ndjia; bakina balena bitape ba mele ko babionda koko ta ndjia. 9Bato ibadalaka boso ba Yesu na bii ibamokimanaka bagamaka boo: «Iyakoko odii Mwana ɔ Davidi! Yɛɛ boo adjongoame ona odoi ta kombe ɛ Kumu! Ekumu odii Ndjambe odiko!»
10Ehole ɛingea Yesu ta Yelusalɛmɛ, ibonga isusu lakumana. Basahɔdja boo: «Moto hoo adii nda?» 11«Bato basɔmbɛdja boo: Edii motɛli Yesu, ɔ Nasalɛta ta Galilai».
Yesu ta tepelo
(Hokea koko Mal 11, 15-19; Luk 19, 45-48; Yoa 2, 13-22)
12Yesu aingea ta lopango la tepelo ko abengana bato basusu ibadaka batɛkɛ ko basomba leka ta lopango la tepelo; ahombanedja mesa dja bato ibasɔmbɔtɔnɔkɔ falanga na bidie ba bato ibatɛkɛkɛ bimbenga. 13Abala na bu: «Ɛkomama boo: “Ndako ɛ mbai ebeamabi ndako ɛ miongɔɔnɔ.”Endolo ino, oyeimedjaini ndako ɛ baibi!»
14Bato ba miso mago na iba mitɛngu babatama mbuti na Yesu ta lopango la tepelo ko abaheledja. 15Ba kumu ba banganga ba Ndjambe na bato ba edjebeli ɛ mibeko baoka obe ehole ɛenɛ bo midjɔ ma okamoa makɔɔ Yesu na madaka baana bagama ta lopango la tepelo boo: «Ekumu odii Mwana ɔ Davidi!» 16Bea babala na Yesu boo: «Ɔokaka midjɔ mabalaka bo?» - «Yesu abasɔmbɛdja boo: edii bea. Opakitaa langani ta Makomi boo: na ndjia ɛ baana bakɛkɛ na bii ibanungaka mabɛɛ, ɔdiha ekumu ɛ wɛ?» 17Bea abakina, aimana ta ibonga dia ko akɛɛ ta Betania oho ɔnɔdja yo bulu.
Yesu alakedjai mole ma figi
(Hokea koko Mal 11, 12-14. 20-24)
18Ngɔngɔ dja iswi imɔti ta imane la bobo ta Betania, Yesu aoka ndja. 19Aenɛ mole momɔti ma figi mbuti na ndjia ko abatama mbuti na mu, endolo aienɛ noko mbuma emɔti oko kasa. Abala na mole mua boo: «Owetebi bota koko mbuna tina ɛ seko!» Oko ta ehole ena mole ma figi mahɔlɔngɔnɔ. 20Ehole ɛenɛ batingami modjɔ mua bakamoa obuke ko bahɔdja Yesu boo: «Moda mohɔlɔngɔni na mole ma figi mbala emɔti nda?» 21Yesu abasɔmbɛdja boo: «Nabalaka na nu, sooti boo: okadani na edhimeli ko nga omiti dani na kitɛ, okɔetebini etoko modjɔ mokɔi mbai na mole mu ma figi, endolo obalabini na ngomba hee boo: “Donga ena sadumba ta ibeke ilinɔi na onɛnɛ”, ko modjɔ mua mokɔmɔbi. 22Nga okadani na edhimeli, odihabini misusu imisɛngɛbi no na ndjia ɛ miongɔɔnɔ.»
Kitɛ tina ɛ okumu ba Yesu
(Hokea koko Mal 11, 27-33; Luk 20, 1-8)
23Yesu aingea ta lopango la tepelo ko abanga oleha; bea bakumu ba banganga ba Ndjambe na basuku ba bayuda babatama mbuti na nde ko bamohɔdja boo: «Odihi wɛ kpati ɛ okɔ midjɔ mii hɔɔ? Ona ɔopa kpati ena nda?» 24Yesu abasɔmbɛdja boo: «Mbai koko naohɔdjaleani ihɔdja imɔti, nga okasɔmbɛdjanini, bea naotɔndɔleani kpati ndani ɛkɔkɔ na mbai midjɔ mia. 25Oinama ba Yoani Mobatisi ɔdonga bo hɔɔ? Odii Ndjambe kaoko odii bato?» Bea balɛdjana ta ndanda ɛ bobo ko babala boo: «Nga lokabala boo: “Odii Ndjambe”, alohɔdjalea boo: “Bea ɔimodhimeani tina nda?” 26Nga lokabala boo: “badonga odii bato”, lodii na bɔɔ ba emumu ɛ bato, tina ɛ boo bato basusu bakatombe Yoani elɛngɛɛ motɛli.» 27Bea basɔmbɛdja Yesu boo: «Lotadjeba.» - «Yesu, abala na bu boo: Mbai koko, nataotɔndoni kaoko na kpati ɛ ndani nakɔkɔ midjɔ mia.»
Indjɛ la baana bami babae
28«Yesu abala koko boo: ɔlɛdjaka no enao? Moto omɔti adaka na baana bami babae. Akɛɛ odii mwana ɔ boso ko abala na nde boo: “mwana ɔ mbai, kɛɛ asale mosala busabu ta gue ɛ vino.” 29Mwana asɔmbedja boo: “Naloni”, endolo ngɔngɔ, asɔmbɔtɔnɔ ilɛi ko akɛɛ ta gue ɛ vino. 30Sɛngɛ moto akɛɛ odii mwana okina ko abala na nde oko moda momɔti. Mwana ona asɔmbɛdja boo: “Edii bea, moswa mbai, nakɛi oho”, endolo aikɛ. 31Ta ndanda ɛ bana bia babae ɔkɔɔ opala ba sango nda?» Basɔmbɛdja boo: «Mwana ɔ boso». Bea, Yesu abala na bu boo: «Nabalaka na nu, sooti boo: baputedjɛli baputi na bali ba ndukeli baingealea boso ba boono ta Okumu ba Ndjambe. 32Tina ɛ boo Yoani Mobatisi adoa odii no bɛngɛ aoinedjaeni ndjia ɛ odjoo endolo ɔimodhimeani; endolo baputedjɛli baputi na bali ba ndukeli bamodhimea. Ko noko ɔenɛ no midjɔ mia na miso ma boono, ɔisɔmbɔtɔnɔni milema ko ɔimodhimeani.»
Indjɛ la basali babe ba gue ɛ vino
(Hokea koko Mal 12, 1-12; Luk 20, 9-19)
33«Hokamedjani koko indjɛ ikina: moto omɔti aona gue ɛ nde ɛ vino; ayehika na lopango, alongea eomeli ɛ vino ko ayoa ndako eyai ɛ basindjili. Ngɔngɔ djia, akina gue ena ta mabɔ ma basali bɛngɛ boo bayeputele ko akɛɛ ta mwɛngɔ. 34Ena ɔbatama ehole ɛ obuka mbuma, aloma basali ba nde odii basali ibaputelaka gue bɛngɛ bakɔngɔle dja nde mbuma. 35Endolo bato ibaputelaka gue bapea basali ba nde, babomi okina, baowoi okina ko bala ɔ basato ndeke. 36Bea moswa gue aloma basali bakina, bike onɔɔ ibakɛɛ boso, endolo bato ibaputelaka gue babakɔɔ oko moda momɔti. 37Ta osukedja, moswa gue abalomea mwana ɔ nde moomi ko asabalea boo: “Badalea na isuma tina ɛ mwana ɔ mbai.” 38Endolo ehole ɛenɛ basali ba gue ɛ vino mwana, basabaleana boo: “Hokea mosangoli! Doani, lamoowoe ko isango la gue idalea la booso!” 39Bamopea, bamodumba o sokolu ɛ gue ɛ vino ko bamoowa.»
40Yesu ahɔdja boo: «Ehole edoalea moswa gue, ekɔlea yo na basali bia ibaputelaka gue yee?» 41Bakumu ba banganga ba Ndjambe bamosɔmbɛdja boo: «Aowodjalea bato bia babe na ogwa ba mokpangala ko apalea gue ena ɛ vino ta mabɔ ma baputeli bakina, ibamopakalea mbuma ta ehole ekabuke bo.»
42Yesu abala na bu boo: «Opakitalangani ta Makomi boo?
“Ikwe iladumba bapikeli ba ndako
limei ikwe la ndonga.
Ena edii mosala ma Kumu,
tina ɛ booso, edii modjɔ ma okamoa!”»
43«Yesu abala boo: ta tina ena, Okumu ba Ndjambe bodongedjamalea ta ndanda ɛ boono bɛngɛ bapame odii bato ibahɔnɔlea oinedja misala ma bu. [44Moto mosusu okwalea diko la ikwe abukeanalea; ko ikwe likakwa diko la moto, limominakakalea.]»
45Ngɔngɔ dja ooka mandjɛ ma nde bakumu ba banganga ba Ndjambe na bafalusai basipoa boo Yesu abalaka tina ɛ bobo. 46Bahombaka ndjia ɛ omopea, endolo badaa na bɔɔ ba bimumu ba bato ibatombaka Yesu elɛngɛɛ motɛli.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)