LUKA 8
8
Bali bakimanaka Yesu
1Ngɔngɔ djimina, Yesu asombaka ngando djinɛnɛnɛnɛ na djikɛkɛkɛkɛ alehaka ko adjebedjaka Bwɛndi Bopele bo Bokumu bo Ndjakomba. Batingami doomi na ba babae badaaka na nde, 2iboa badaaka pongono engbanga emɔti na bali bamɔti batingoa iyo na membo mibe ko na ibia baheledja iyo na bego dji bobo: Malia o ngando e Magadala, iyona obengana Yesu membo mibe sambo; 3Yoana, mwali o Kudja, moto omɔti iyoyo odaaka abanea leka lo Elode; Susani, na bali bakina banɛnɛ ibibi bakɔmedjaka Yesu na batingami ba nde na leka lo bobo.
Ekuanedji e moaneli
(Boindja pongono a Mat 13, 1-9; Mal 4, 1-9)
4Emumu e bato ibia baputoanaka ko bato badonga ta ngando djinɛnɛnɛnɛ badoaka ta dii Yesu. Abatɔndea ekuanedji emɔti bo: 5«Moaneli omɔti akɛɛkɛ amɛsɛ mbuma ta gbie e nde. Enakoboa ta ehole eanaka iyo mbuma, djikina djikwaka ta mokpɛngɔ mo ndjea, bato baidalakaka ko mbulu ba diko badoa ko badjikomakaka. 6Mbuma ikina ikwa ta diko di ndeke: Itɔɔkɔ ko ikakana modjɔ mo itakaka botititi. 7Djikina djikwaka ta tei e ndjubɛ, djibangaka botɔɔ, ndjubɛ djitɔɔ na dju engbanga emɔti ko djimbambamedja mbuma. 8Endelo, mbuma djikina djikwaka ta kpɔtɔ djipele; ko kona djitɔɔ: engi kona eboti mbuma mokama.» Ngɔngɔ djimina, Yesu abala naikina bo: «Yɛɛ bo iyona odii na matoi ma booka, aoke!»
Tina ndani Yesu akabale na bikuanedji!
(Boindja pongono a Mat 13, 10-17; Mal 4, 10-12)
9Batingami ba Yesu bamowadja bo abatingodje tina e ekuanedji emina. 10Abasɔmbedja bo: «Inoni obolodjini kɔndjɔ e bodjeba midjɔ mi mbombi mi Bokumu bo Ndjakomba; ekahia adii ibia bakina, nabalaka na bu na bikuanedji ko iboa
“nongo bakaindja badae pɛpɛ boɛnɛ,
nongo bakaoka badae pɛpɛ bodjeba#8, 10 Isa 6.9, elangama ngɔngɔ dji mokongo moyou mo Bagɛlɛke..”»
Yesu atingodji ekuanedji e moaneli
(Boindja pongono a Mat 13, 18-23; Mal 4, 13-20)
11«Indjani tina e ekuanedji e mina: kona edii Mobalo mo Ndjakomba. 12Ta mokpɛngɔ mo ndjea, edii wɛtoko bato ibia baokakadea Mobalo mo Ndjakomba, ekahia djabulu adoi abakatoa mobalo momina ta milema mi bobo ko bobasia bo badae pɛpɛ bodhima bɛngi badae pɛpɛ bohela. 13Bakina badii ondingo mokpɔtɔ mo ndeke: baoki Mobalo ko bamoasɔi na mongandi. Endelo Mobalo momina moditi mobokamake ta dii bo, ko bakadhime na mo ehole mokɛkɛ, ko ndelo edoi mameko basundoli. 14Kona ekwa ta ndanda e ndjubɛ edii bato ibibi baoki Mobalo mo Ndjakomba; endelo bambambami ta mɔndɔ mo bobo ta tina e bokɛsɛdji, bodieli ko na mapele ma mohelo, ko ta tina emina ebotiti mbuma ipingake. 15Kona ekwa ta kpɔtɔ djipele ebwani na bato ibibi baoki Mobalo ko bamobanei bopele ta milema, bamopei na ingbangba ko baboti mbuma.»
Ekuanedji e molinda
(Boindja pongono a Mal 4, 21-25)
16«Moto tabwanedje molinda bɛngi amokunde na poke kaoko bomobomba ta tina i bwako. Endelo bakamobakee ta ebakeli e molinda bɛngi bato ibia bakweaka ta ndako baɛnɛ bohu. 17Modjɔ mo midjɔ misusu mibolama miɛnɛmɛbi ta bohu, midjɔ misusu mi mbombi mihuodjamabi. 18Iboa, kebani na mondumba mookakadea ino! Modjɔ mo moto iyoo odii na eka, bamopabi lokina; ekahia ta dii iyona odii pɛpɛ eka emɔti bamotinoadedea nongo eka elɛdjɛki iyo bodia.»
Nange e Yesu ko na bana ba nango
(Boindja pongono a Mat 12, 46-50; Mal 3, 31-35)
19Nange e Yesu ko bana ba nango badoa amohomba, endelo baihɔnɔ boimea ta polo edaaka iyo tina e emumu e bato. 20Bato bakina bamotɔndea bo: «Ngwao na bana ba ngwao ba baami badii sokolu ko bakambakadea baoɛnɛ.» 21Yesu asɔmbedja bato bamina bo: «Nange e mbi ko bange i mbi, edii bato ibibi badii baoka mobalo mo Ndjakomba ko bamoisakadea ta mosala.»
Yesu asii lungu
(Boindja pongono a Mat 8, 23-27; Mal 4, 35-41)
22Busa bomɔti, Yesu atitea ta bwato na batingami ba nde, ko abala na bu bo: «Lokɛeni ta ngunda ekina e ibeke#8, 22 Epali bobala tina e ibeke di Galileya. Telitoale edii ta ngunda ekina ehelamaka bato badii pɛpɛ bodaa Bayudha..» Ko baso bakɛɛ. 23Ta ehole edaaka bo baluka bwato, Yesu awɛkɛ hiɔ. Na mbala emɔti lungu ebatanea ta ibeke; madiba mabangaka bokwea ta bwato ko badaaka ta tei e ikama. 24Iboa batingami basalindaka mbuti na Yesu ko bamosisodja ko babala na nde bo: «Molehi, molehi, lohombakadea logwɛ!» Yesu asisoa, ko agamea mopɛpɛ na mbonge djipɔpɔni, ko bogo bokwei. 25Iboa, Yesu awadja batingami ba nde bo: «Edhimeli e bino edii djɔ?» Baimea na bɔɔ ko baluma na bokamoa, ko basawadjanaka bo: «Imumu mondumba mo moto nda? Edae mipɛpɛ na bibuku bi mbonge lomosumi#8, 25 Kuanedja a Ndj 65.5;89.10; 107.23-32.!»
Yesu aheledji moomi omɔti odaaka na membo mibe
(Boindja pongono a Mat 8, 28-34; Mal 5, 1-20)
26Baimeaka ta dɔɔngɔ dikina di ibeke ta ekenge e mokili e Bagadaliɛniɛ ta ngunda e Galileya. 27Ko ta ehole eduboaka iyo ta ibongu, asonganaka na moto omɔti o ngando enɛnɛ emina iyo adaaka na membo mibe; masu mayai aidaka alwa bisendja ko aidaaka awɛɛ ta ndako, endelo adaaka awɛɛ oko ta makila. 28Aɛnɛ iyo Yesu, agama na ngulu, akwa na magbunda ta mako ma nde ko abanga bobala na moholi modiko bo: «Opalakadea okɔe na mbi bo, Yesu, Mwana o Ndjakomba Onɔi Diko? Nasɛngɛi ta dii wɛ, pɛpɛ bokɔɔni oko bobe!» 29Modjɔ mo Yesu atɔndɔkɔ mwembo mo pita bɛngi moimane ta dii moto omina. Mwembo momina momokondjaka mbala na mbala; bamonangaka mbɔti ta mabɔ ko bamoisaka mosɔngɔ ta mako bɛngi bamoosee, endelo adaaka oko adjitswakaka ko mwembo mobe modaaka moamotomba seko ta etengelenge. 30Yesu amowadjaka bo: «Kombe e wɛ nda?» Yo amosɔmbedja bo: «Ebole.» Modjɔ mo membo mibe minɛnɛ mikweya na nde. 31Ko membo mibe mimina miangɔnɔ Yesu bo adae pɛpɛ bomiloma ta mombɔndɔ mo pɛpɛ suka#8, 31 Mombɔndɔ mo pɛpɛ suka: edii esika ekadikame ngulu dji membo mibe ta bɔlɔkɔ boindja ta mokanda mo Ndje 9.1;11.7.
32Bwela bonɛnɛ bo ngulu bodaaka boayaka ta ngomba. Membo mibe miangɔnɔ Yesu amipɛ ndjea ebokwea adii ibo. Aso amipa ndjea. 33Iboa membo mibe mimana adii moto omina ko mikwea adii ngulu. Na mbala emɔti bwela bo ngulu bodonga diko di ngomba ko bosadumba ta ibeke ko badinda basusu. 34Ndelo eɛnɛ babanei ba ngulu modjɔ momina, baso batia ko bakɛɛ atɔndɔ modjɔ momina ta ngando enɛnɛ ko ta miako. 35Bato badoaka bɛngi bo baɛnɛ modjɔ momina. Baimea mbuti na Yesu ko batanea moto yo odaaka na membo mibe, ta dii na mobondo ta mako ma Yesu: moto omina, adaaka alwali bisendja ko aimeaka na iyɔngi mɛnɛ, ko bato basusu baso baluma na bɔɔ. 36Bato ibia baɛnɛ modjɔ momina batɔndea binabu mondumba motingoama moto iyoyo odaaka na membo mibe. 37Iboa, bato basusu ba ekenge e mokili mo Bagadaliɛniɛ bawadja Yesu bo ayane ta dii bo, modjɔ mo baimiaka na bɔɔ bonɛnɛ. Ko Yesu atitea ta bwato bɛngi ayane. 38Moto iyoyo otingoama na membo mibe aɔngɔnɔkɔ Yesu bo akɛe na nde engbanga emɔti. Endelo Yesu amoyanedja ko abala na nde bo: 39«Yana ta ndako e wɛ, ko djebedja bato midjɔ misusu miokɔi Ndjakomba.» Ko moto omina akɛɛ, abanga botɔndea ngando enɛnɛ esusu mɛko misusu mimokɔɔ Yesu.
Mwana mwali o Yailo ko na mwali o itanga di makia
(Boindja pongono a Mat 9, 18-26; Mal 5, 21-43)
40Ndelo ehula Yesu, atanea emumu e bato emoasɔ ko edaaka emoamba. 41Ko moto omɔti kombe e nde Yailo aimea. Adaaka mobanei o ndako e miɔngɔnɔ mi Bayudha. Asadumba ta mako ma Yesu, amoɔngɔnɔ bo akɛe ta ndako e nde, 42modjɔ mo adaaka na mwana o nde o mwali omɔti, mbuti na mbua doomi na babae, iyo adaaka mbuti na bogwa. Ehole edaaka Yesu akakɛe iho, emumu e bato bamombambamedjaka pamba djisusu. 43Enakoboa, edaaka ena, mwali omɔti o yogo e botanga makiya ekɔɔ bianga doomi na bibae. Ko abedja palanga dji nde ta dii minganga, ko pɛpɛ nongo moto omɔti o moheledja. 44Abatama sangɔngɔ dji Yesu, apea mosenge mo sɔngɔ esendja e nde. Ko ta ehole emina, makiya ma nde makina boimana. 45Yesu awadjaka bo: «Moto osapeani nda?» Ibo basusu baingani, ko Petelo abala bo: «Molehi, bato banɛnɛ baohiki ko baombambamedjakadea pamba djisusu!» 46Endelo Yesu abasɔmbedja bo: «Moto omɔti apeini, modjɔ mo naoki ngulu emɔti eimani na mbi.» 47Mwali omina amaka iyo ɛnɛ bo modjɔ mo nde modjebami. Adoa na mongongoma, ko asadumba ta mako ma Yesu; ko adjebedja ta boso bo bato basusu tina emopea na nde ko na ndenge ehela na nde ta mbuku. 48Yesu abala na nde bo: «Mwana o mwali, edhimeli e wɛ eoheledji. Kɛɛ na bogo!»
49Ehole edaaka Yesu abala iboa, moto omɔti adongi ta ndako e mobanei o ndako e miɔngɔnɔ mi Bayudha ko abala na nde bo: «Mwana mwali o wɛ agwi. Kina botungea molehi.» 50Endelo Yesu, amaka iyo oka iboa, abala na Yailo bo: «Pɛpɛ bobanga, dhima oko bodhima, ko mwana aheladea.» 51Ehole eimea iyo ta ndako, aidhima moto omɔti akwee na nde, dongedja oko Petelo, Yoane, Djake, ko na sange mwana na nange mwana. 52Bato basusu bayeaka ko basatungeaka bobuke tina e nde. Yesu abala na bu bo: «Kinani boyea. Modjɔ mo mwana iyoyo agwiti: awɛli hiɔ.» 53Ko bato badaaka bamosɛkɛ, modjɔ mo badjebaka ibo mwana asi bogwa ehele. 54Ko Yesu, amopea ta ebɔ, abalaka na ngulu bo: «Mwana o mbi, angɔɔ!» 55Mwana omina asisoa ko asɔmbɔ ta bomɔ ko na mbala emɔti aangɔi, Yesu aloma baboti ba nde bamopɛ mia ma boyaka. 56Baboti ba nde bakamwa ko Yesu abasia badae pɛpɛ botɔndea bato modjɔ momina.
Iliyochaguliwa sasa
LUKA 8: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 8
8
Bali bakimanaka Yesu
1Ngɔngɔ djimina, Yesu asombaka ngando djinɛnɛnɛnɛ na djikɛkɛkɛkɛ alehaka ko adjebedjaka Bwɛndi Bopele bo Bokumu bo Ndjakomba. Batingami doomi na ba babae badaaka na nde, 2iboa badaaka pongono engbanga emɔti na bali bamɔti batingoa iyo na membo mibe ko na ibia baheledja iyo na bego dji bobo: Malia o ngando e Magadala, iyona obengana Yesu membo mibe sambo; 3Yoana, mwali o Kudja, moto omɔti iyoyo odaaka abanea leka lo Elode; Susani, na bali bakina banɛnɛ ibibi bakɔmedjaka Yesu na batingami ba nde na leka lo bobo.
Ekuanedji e moaneli
(Boindja pongono a Mat 13, 1-9; Mal 4, 1-9)
4Emumu e bato ibia baputoanaka ko bato badonga ta ngando djinɛnɛnɛnɛ badoaka ta dii Yesu. Abatɔndea ekuanedji emɔti bo: 5«Moaneli omɔti akɛɛkɛ amɛsɛ mbuma ta gbie e nde. Enakoboa ta ehole eanaka iyo mbuma, djikina djikwaka ta mokpɛngɔ mo ndjea, bato baidalakaka ko mbulu ba diko badoa ko badjikomakaka. 6Mbuma ikina ikwa ta diko di ndeke: Itɔɔkɔ ko ikakana modjɔ mo itakaka botititi. 7Djikina djikwaka ta tei e ndjubɛ, djibangaka botɔɔ, ndjubɛ djitɔɔ na dju engbanga emɔti ko djimbambamedja mbuma. 8Endelo, mbuma djikina djikwaka ta kpɔtɔ djipele; ko kona djitɔɔ: engi kona eboti mbuma mokama.» Ngɔngɔ djimina, Yesu abala naikina bo: «Yɛɛ bo iyona odii na matoi ma booka, aoke!»
Tina ndani Yesu akabale na bikuanedji!
(Boindja pongono a Mat 13, 10-17; Mal 4, 10-12)
9Batingami ba Yesu bamowadja bo abatingodje tina e ekuanedji emina. 10Abasɔmbedja bo: «Inoni obolodjini kɔndjɔ e bodjeba midjɔ mi mbombi mi Bokumu bo Ndjakomba; ekahia adii ibia bakina, nabalaka na bu na bikuanedji ko iboa
“nongo bakaindja badae pɛpɛ boɛnɛ,
nongo bakaoka badae pɛpɛ bodjeba#8, 10 Isa 6.9, elangama ngɔngɔ dji mokongo moyou mo Bagɛlɛke..”»
Yesu atingodji ekuanedji e moaneli
(Boindja pongono a Mat 13, 18-23; Mal 4, 13-20)
11«Indjani tina e ekuanedji e mina: kona edii Mobalo mo Ndjakomba. 12Ta mokpɛngɔ mo ndjea, edii wɛtoko bato ibia baokakadea Mobalo mo Ndjakomba, ekahia djabulu adoi abakatoa mobalo momina ta milema mi bobo ko bobasia bo badae pɛpɛ bodhima bɛngi badae pɛpɛ bohela. 13Bakina badii ondingo mokpɔtɔ mo ndeke: baoki Mobalo ko bamoasɔi na mongandi. Endelo Mobalo momina moditi mobokamake ta dii bo, ko bakadhime na mo ehole mokɛkɛ, ko ndelo edoi mameko basundoli. 14Kona ekwa ta ndanda e ndjubɛ edii bato ibibi baoki Mobalo mo Ndjakomba; endelo bambambami ta mɔndɔ mo bobo ta tina e bokɛsɛdji, bodieli ko na mapele ma mohelo, ko ta tina emina ebotiti mbuma ipingake. 15Kona ekwa ta kpɔtɔ djipele ebwani na bato ibibi baoki Mobalo ko bamobanei bopele ta milema, bamopei na ingbangba ko baboti mbuma.»
Ekuanedji e molinda
(Boindja pongono a Mal 4, 21-25)
16«Moto tabwanedje molinda bɛngi amokunde na poke kaoko bomobomba ta tina i bwako. Endelo bakamobakee ta ebakeli e molinda bɛngi bato ibia bakweaka ta ndako baɛnɛ bohu. 17Modjɔ mo midjɔ misusu mibolama miɛnɛmɛbi ta bohu, midjɔ misusu mi mbombi mihuodjamabi. 18Iboa, kebani na mondumba mookakadea ino! Modjɔ mo moto iyoo odii na eka, bamopabi lokina; ekahia ta dii iyona odii pɛpɛ eka emɔti bamotinoadedea nongo eka elɛdjɛki iyo bodia.»
Nange e Yesu ko na bana ba nango
(Boindja pongono a Mat 12, 46-50; Mal 3, 31-35)
19Nange e Yesu ko bana ba nango badoa amohomba, endelo baihɔnɔ boimea ta polo edaaka iyo tina e emumu e bato. 20Bato bakina bamotɔndea bo: «Ngwao na bana ba ngwao ba baami badii sokolu ko bakambakadea baoɛnɛ.» 21Yesu asɔmbedja bato bamina bo: «Nange e mbi ko bange i mbi, edii bato ibibi badii baoka mobalo mo Ndjakomba ko bamoisakadea ta mosala.»
Yesu asii lungu
(Boindja pongono a Mat 8, 23-27; Mal 4, 35-41)
22Busa bomɔti, Yesu atitea ta bwato na batingami ba nde, ko abala na bu bo: «Lokɛeni ta ngunda ekina e ibeke#8, 22 Epali bobala tina e ibeke di Galileya. Telitoale edii ta ngunda ekina ehelamaka bato badii pɛpɛ bodaa Bayudha..» Ko baso bakɛɛ. 23Ta ehole edaaka bo baluka bwato, Yesu awɛkɛ hiɔ. Na mbala emɔti lungu ebatanea ta ibeke; madiba mabangaka bokwea ta bwato ko badaaka ta tei e ikama. 24Iboa batingami basalindaka mbuti na Yesu ko bamosisodja ko babala na nde bo: «Molehi, molehi, lohombakadea logwɛ!» Yesu asisoa, ko agamea mopɛpɛ na mbonge djipɔpɔni, ko bogo bokwei. 25Iboa, Yesu awadja batingami ba nde bo: «Edhimeli e bino edii djɔ?» Baimea na bɔɔ ko baluma na bokamoa, ko basawadjanaka bo: «Imumu mondumba mo moto nda? Edae mipɛpɛ na bibuku bi mbonge lomosumi#8, 25 Kuanedja a Ndj 65.5;89.10; 107.23-32.!»
Yesu aheledji moomi omɔti odaaka na membo mibe
(Boindja pongono a Mat 8, 28-34; Mal 5, 1-20)
26Baimeaka ta dɔɔngɔ dikina di ibeke ta ekenge e mokili e Bagadaliɛniɛ ta ngunda e Galileya. 27Ko ta ehole eduboaka iyo ta ibongu, asonganaka na moto omɔti o ngando enɛnɛ emina iyo adaaka na membo mibe; masu mayai aidaka alwa bisendja ko aidaaka awɛɛ ta ndako, endelo adaaka awɛɛ oko ta makila. 28Aɛnɛ iyo Yesu, agama na ngulu, akwa na magbunda ta mako ma nde ko abanga bobala na moholi modiko bo: «Opalakadea okɔe na mbi bo, Yesu, Mwana o Ndjakomba Onɔi Diko? Nasɛngɛi ta dii wɛ, pɛpɛ bokɔɔni oko bobe!» 29Modjɔ mo Yesu atɔndɔkɔ mwembo mo pita bɛngi moimane ta dii moto omina. Mwembo momina momokondjaka mbala na mbala; bamonangaka mbɔti ta mabɔ ko bamoisaka mosɔngɔ ta mako bɛngi bamoosee, endelo adaaka oko adjitswakaka ko mwembo mobe modaaka moamotomba seko ta etengelenge. 30Yesu amowadjaka bo: «Kombe e wɛ nda?» Yo amosɔmbedja bo: «Ebole.» Modjɔ mo membo mibe minɛnɛ mikweya na nde. 31Ko membo mibe mimina miangɔnɔ Yesu bo adae pɛpɛ bomiloma ta mombɔndɔ mo pɛpɛ suka#8, 31 Mombɔndɔ mo pɛpɛ suka: edii esika ekadikame ngulu dji membo mibe ta bɔlɔkɔ boindja ta mokanda mo Ndje 9.1;11.7.
32Bwela bonɛnɛ bo ngulu bodaaka boayaka ta ngomba. Membo mibe miangɔnɔ Yesu amipɛ ndjea ebokwea adii ibo. Aso amipa ndjea. 33Iboa membo mibe mimana adii moto omina ko mikwea adii ngulu. Na mbala emɔti bwela bo ngulu bodonga diko di ngomba ko bosadumba ta ibeke ko badinda basusu. 34Ndelo eɛnɛ babanei ba ngulu modjɔ momina, baso batia ko bakɛɛ atɔndɔ modjɔ momina ta ngando enɛnɛ ko ta miako. 35Bato badoaka bɛngi bo baɛnɛ modjɔ momina. Baimea mbuti na Yesu ko batanea moto yo odaaka na membo mibe, ta dii na mobondo ta mako ma Yesu: moto omina, adaaka alwali bisendja ko aimeaka na iyɔngi mɛnɛ, ko bato basusu baso baluma na bɔɔ. 36Bato ibia baɛnɛ modjɔ momina batɔndea binabu mondumba motingoama moto iyoyo odaaka na membo mibe. 37Iboa, bato basusu ba ekenge e mokili mo Bagadaliɛniɛ bawadja Yesu bo ayane ta dii bo, modjɔ mo baimiaka na bɔɔ bonɛnɛ. Ko Yesu atitea ta bwato bɛngi ayane. 38Moto iyoyo otingoama na membo mibe aɔngɔnɔkɔ Yesu bo akɛe na nde engbanga emɔti. Endelo Yesu amoyanedja ko abala na nde bo: 39«Yana ta ndako e wɛ, ko djebedja bato midjɔ misusu miokɔi Ndjakomba.» Ko moto omina akɛɛ, abanga botɔndea ngando enɛnɛ esusu mɛko misusu mimokɔɔ Yesu.
Mwana mwali o Yailo ko na mwali o itanga di makia
(Boindja pongono a Mat 9, 18-26; Mal 5, 21-43)
40Ndelo ehula Yesu, atanea emumu e bato emoasɔ ko edaaka emoamba. 41Ko moto omɔti kombe e nde Yailo aimea. Adaaka mobanei o ndako e miɔngɔnɔ mi Bayudha. Asadumba ta mako ma Yesu, amoɔngɔnɔ bo akɛe ta ndako e nde, 42modjɔ mo adaaka na mwana o nde o mwali omɔti, mbuti na mbua doomi na babae, iyo adaaka mbuti na bogwa. Ehole edaaka Yesu akakɛe iho, emumu e bato bamombambamedjaka pamba djisusu. 43Enakoboa, edaaka ena, mwali omɔti o yogo e botanga makiya ekɔɔ bianga doomi na bibae. Ko abedja palanga dji nde ta dii minganga, ko pɛpɛ nongo moto omɔti o moheledja. 44Abatama sangɔngɔ dji Yesu, apea mosenge mo sɔngɔ esendja e nde. Ko ta ehole emina, makiya ma nde makina boimana. 45Yesu awadjaka bo: «Moto osapeani nda?» Ibo basusu baingani, ko Petelo abala bo: «Molehi, bato banɛnɛ baohiki ko baombambamedjakadea pamba djisusu!» 46Endelo Yesu abasɔmbedja bo: «Moto omɔti apeini, modjɔ mo naoki ngulu emɔti eimani na mbi.» 47Mwali omina amaka iyo ɛnɛ bo modjɔ mo nde modjebami. Adoa na mongongoma, ko asadumba ta mako ma Yesu; ko adjebedja ta boso bo bato basusu tina emopea na nde ko na ndenge ehela na nde ta mbuku. 48Yesu abala na nde bo: «Mwana o mwali, edhimeli e wɛ eoheledji. Kɛɛ na bogo!»
49Ehole edaaka Yesu abala iboa, moto omɔti adongi ta ndako e mobanei o ndako e miɔngɔnɔ mi Bayudha ko abala na nde bo: «Mwana mwali o wɛ agwi. Kina botungea molehi.» 50Endelo Yesu, amaka iyo oka iboa, abala na Yailo bo: «Pɛpɛ bobanga, dhima oko bodhima, ko mwana aheladea.» 51Ehole eimea iyo ta ndako, aidhima moto omɔti akwee na nde, dongedja oko Petelo, Yoane, Djake, ko na sange mwana na nange mwana. 52Bato basusu bayeaka ko basatungeaka bobuke tina e nde. Yesu abala na bu bo: «Kinani boyea. Modjɔ mo mwana iyoyo agwiti: awɛli hiɔ.» 53Ko bato badaaka bamosɛkɛ, modjɔ mo badjebaka ibo mwana asi bogwa ehele. 54Ko Yesu, amopea ta ebɔ, abalaka na ngulu bo: «Mwana o mbi, angɔɔ!» 55Mwana omina asisoa ko asɔmbɔ ta bomɔ ko na mbala emɔti aangɔi, Yesu aloma baboti ba nde bamopɛ mia ma boyaka. 56Baboti ba nde bakamwa ko Yesu abasia badae pɛpɛ botɔndea bato modjɔ momina.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)