LUKA 4
4
Djabulu ameka Yesu
(Boindja pongono a Mat 4, 1-11; Mal 1, 12-13)
1Yesu, aluma na Mwembo Mosɛnɔke, adonga ta Yɔlɔdane, ko Mwembo mo moloma ta etengelenge. 2Iho, amekama na djabulu masu tuku inɛi. Aiyakaka eka emɔti ta masu mamina, ngɔngɔ dji masu mamina, aoka ndja. 3Iboa djabulu abala na nde bo: «Wɛ okadaa Mwana o Ndjakomba, bala na ibanga ididi dikindoe ipa.» 4Yesu amosɔmbedja bo: «Eekomama bo: “Moto abwaniti bohela oto na #4, 4 Dit 8.3.mwɛmbɛ.”»
5Djabulu akɛɛ na nde ta diko, amoinedja mbala emɔti bokumu bosusu bo kpɔtɔ, 6ko djabulu na nde bo: «Naopadea bokondji ibubu bosusu ko na ekumu ko na bodieli bo bokumu ibu: midjɔ mia misusu mipama na mbi ko nabwani bomipa na moto yona opali mbi. 7Okakwa magbunda ta boso bo mbi, leka ilulu losusu lodaadea lo wɛ.» 8Yesu amosɔmbedja bo: «Ekomama bo: “Okumeadea Kumu Ndjakomba#4, 8 Dit 6.13. o wɛ, ko omosaleadea oko iyo mɛnɛ.”»
9Naikina, djabulu amotomba ta Yelusalɛmɛ, amobakei ta sɔngɔ e tepelo, ko abala na nde bo: «Wɛ okadaa Mwana o Ndjakomba, sadumba donga iyaya mbunoko ta kpɔtɔ; 10modjɔ mo ekomama bo: “Ndjakomba alomadea babwɛndi ba nde bɛngi baobanee.” 11Ko na ikina: “Baokaabi na mɔmɔ ma bobo, bɛngi bo egbota e wɛ edae pɛpɛ bota ibanga#4, 11 Molɔngɔ mo 10-11; Ndjem 91.11-12..”» 12Yesu amosɔmbedja bo: «Eekomama bo: “Pɛpɛ bomeka Kumu Ndjakomba o wɛ.” » 13Aɛnɛ djabulu bo ameki Yesu na mindumba misusu, aso amokina bɛngi aambe ehole ekina.
Mbangi e mosala mo Yesu ta Galileya
(Boindja pongono a Mat 4, 12-17; Mal 1, 14-15)
14Iboa Yesu aluma na ngulu e Mwembo Mosɛnɔke, asɔmbɔ ta Galileya. Ko gala e nde enangana ta ekenge e mokili momina mosusu. 15Alehaka ta ndako e miɔngɔnɔ e bobo ko bato basusu bamokumedjaka.
Baloni Yesu ta Nadjalɛtɛ
(Boindja pongono a Mat 13, 53-58; Mal 6, 1-6)
16Yesu aimeaka ta Nadjalɛtɛ, ta ngando iyeye ekandoama yo. Ta busa bo sabata, akwea ta ndako e miɔngɔnɔ e Bayudha bobwana na momɛsɛno mo nde. Aangɔkɔ ta tina e bolanga. 17Ko bamopa buku e motɛli Isaya, aediipoa ta ekenge iyeye ekomama bo:
18«Mwembo mo Kumu modii ta dii mbi,
modjɔ mo ahɔɔini tina e botɔndea bakwali Bwɛndi Bopele.
Alomani tina e botɔndea bato ba bɔlɔkɔ bo baimanabi ta bɔlɔkɔ,
ko bato baagwa miso bo basɔmbɔbi boɛnɛ,
bolwɛ bato badi bonyɔkɔmɔ bosɔmi,
19botɔndea bato bo yanga iyeye Kumu ainedjadea bopele bo nde#4, 19 Isa 61.1-2, elangama ngɔngɔ dji mokongo moyou mo gɛlɛki..»
20Ko Yesu akunda buku, ko aepa ta dii mosali ko adaa na mobondo. Bato basusu ta tei e ndako e miɔngɔnɔ e Bayudha miso ma bobo madaaka mamoindja. 21Iboa, abanga bobatɔndea bo: «Busa ibubu, Ikomi idii ikokedjami ta dii ino ibibi baokakadea busa ibubu.» 22Bato basusu badaaka babala tina e nde, bakamoaka na mɛko mipele imimi mimanaka ta monɔkɔ mo nde, ko babalaka bo: «Iyoyo te mwana o Yosepu?» 23Yesu abala na bu bo: «Sooti mɛnɛ olangeadeanini ekuanedji iyeye: “Monganga, saheledja wɛ mɛnɛ.” Obaladeani na mbi pongono: “Iso lookabi misusu minɔkɔ ta Kapalanaume saheledja, kokedja midjɔ mimina misusu iyaya, ta ngando e wɛ mɛnɛ.”» 24Ko abakeaka bo: «Naotɔndekadeani sooti bo te badhimee motɛli ta ngando e nde. 25Sooti mɛɛnɛ, naotɔndeini bo bali bagwa na baami badaaka banɛnɛ ta Isalɛlɛ ta ndelo e Eliya, ehole ediipama busa mbuwa aikwaka bonɔ bianga bisato na mboka ko ndja enɛnɛ edaaka ta mokili#4, 25 Boindja ta 1 Bak 17.1. mo mina mosusu. 26Enakoboa, Ndjakomba ailoma Eliya adii mwali omɔti ta tei e bobo endelo akɛɛ ta dii mwali ogwa na moomi ta ngando e Salepeta ta ekenge e mokili mo Sidona#4, 26 Boindja ta 1 Bak 17.8616.. 27Bato ba mabha badaaka banɛnɛ ta Isalɛlɛ ta ehole e motɛli Elisa, ko pɛpɛ moto omɔti osɛnɔ na mabha ma nde, dongedja oko Namana, moto o Siliya#4, 27 Boindja a 2 Bak 5.1-14..»
28Iyaya aoka bo mɛko mimina, bato basusu baluma na kɛlɛ ta tei e ndako e miɔngɔnɔ e Bayudha. 29Baangɔ diko, ko bamobengana ta ngando, ko bakɛɛ na nde mbunoko ta sɔngɔ e ikoli ta esika etongama ngando e bobo tina e bomodumba ta kpɔtɔ. 30Endelo iyo, anɔi ta ndanda e bobo ko aso akɛɛ.
Yesu abengani mwembo mobe
(Boindja pongono a Mal 1, 21-28)
31Yesu atiti naikina ta Kapalanaume, ngando emɔti enɛnɛ e Galileya; adaaka aleha bato ta busa bo sabata#4, 31 Sabata: busa bo iheme di Bayudha tina e miɔngɔnɔ. 32Bato bamokaka badaaka bakamoa na mondumba mo nde mo boleha, modjɔ mo bo adaaka abala na kpati esusu. 33Ta ndako e miɔngɔnɔ e Bayudha, edaaka ena moto omɔti iyoyo odaaka na mwembo mo pita. Agama na ngulu bo: 34«Aa! Yesu o Nadjalɛtɛ, modjɔ mo wɛ na su nda? Odoi tina e bolobedja? Naodjebaka bopele: Mosɛnɔke o Ndjakomba!» 35Yesu agamea mwembo mobe; ko amolomi: «Dipa monɔkɔ mo wɛ ko imana ta dii moto iyoyo!» Mwembo mobe modumba moomi omina ta kpɔtɔ ta ndanda e bato, ko moimani ta tei e nde ko moimokɔ bobe. 36Bato basusu bakamoa bobuke mɛɛnɛ ko basawadjaka ibo na ibo: «Iyeye ndenge mɛko nda! Moto omina aimedjakadea membo mi pita na kpati ko na ngulu ko membo mibe mimanakadea!» 37Ko gala e Yesu enangana ta bisika bisusu bi ekenge e mokili emina.
Yesu aheledji bato ba bego banɛnɛ
(Boindja pongono a Mat 8, 14-17; Mal 1, 29-34)
38Yesu aimana ta ndako e miɔngɔnɔ e Bayudha, akwea ta ndako e Simona. Bokiyo bo mwali o Simona adaaka na pɛpɛlɛ epipo, ko bamowadja bo akɔe moo eka tina e nde 39Yesu angulama mbuti na nde, ko agamea pɛpɛlɛ. Ko pɛpɛlɛ emokina, na mbala emɔti asangɔdjɔ, ko abanga bobakɔmedja.
40Ta ehole e mɔkɔmɔkɔ#4, 40 Boindja a Mal 1.32 ko nase., bato basusu badaaka na bato ba bego dji mindumba misusu badoa na bu ta dii Yesu. Abakea mabɔ ta dii moto na moto ko abaheledjaka. 41Membo mibe pongono mimanaka ta dii bato banɛnɛ, ko migamaka bo: «Wɛ odii Mwana o Ndjakomba!» Endelo Yesu abasia na ngulu badae pɛpɛ bobala, modjɔ mo badjebaka bo iyo adii Kilito.
Yesu alehi ta ndako dji miɔngɔnɔ dji Bayudha
(Boindja pongono a Mal 1, 35-39)
42Iyana aya busa, Yesu aimana ko akɛi ta etengelenge. Emumu e bato bamohombaka; bamotanea ko bamekaka bomosiya bo adae pɛpɛ bo bakina. 43Endelo abala na bu bo: «Etungi na mbi botɔndea Bwɛndi Bopele bo Bokumu bo Ndjakomba ta ngando djinɛnɛ dji kina pongono modjɔ mo nalomama na tina emina.» 44Ko atɔndɔkɔ Bwɛndi Bopele ta ndako dji miɔngɔnɔ dji Bayudha ba Yudhea.
Iliyochaguliwa sasa
LUKA 4: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 4
4
Djabulu ameka Yesu
(Boindja pongono a Mat 4, 1-11; Mal 1, 12-13)
1Yesu, aluma na Mwembo Mosɛnɔke, adonga ta Yɔlɔdane, ko Mwembo mo moloma ta etengelenge. 2Iho, amekama na djabulu masu tuku inɛi. Aiyakaka eka emɔti ta masu mamina, ngɔngɔ dji masu mamina, aoka ndja. 3Iboa djabulu abala na nde bo: «Wɛ okadaa Mwana o Ndjakomba, bala na ibanga ididi dikindoe ipa.» 4Yesu amosɔmbedja bo: «Eekomama bo: “Moto abwaniti bohela oto na #4, 4 Dit 8.3.mwɛmbɛ.”»
5Djabulu akɛɛ na nde ta diko, amoinedja mbala emɔti bokumu bosusu bo kpɔtɔ, 6ko djabulu na nde bo: «Naopadea bokondji ibubu bosusu ko na ekumu ko na bodieli bo bokumu ibu: midjɔ mia misusu mipama na mbi ko nabwani bomipa na moto yona opali mbi. 7Okakwa magbunda ta boso bo mbi, leka ilulu losusu lodaadea lo wɛ.» 8Yesu amosɔmbedja bo: «Ekomama bo: “Okumeadea Kumu Ndjakomba#4, 8 Dit 6.13. o wɛ, ko omosaleadea oko iyo mɛnɛ.”»
9Naikina, djabulu amotomba ta Yelusalɛmɛ, amobakei ta sɔngɔ e tepelo, ko abala na nde bo: «Wɛ okadaa Mwana o Ndjakomba, sadumba donga iyaya mbunoko ta kpɔtɔ; 10modjɔ mo ekomama bo: “Ndjakomba alomadea babwɛndi ba nde bɛngi baobanee.” 11Ko na ikina: “Baokaabi na mɔmɔ ma bobo, bɛngi bo egbota e wɛ edae pɛpɛ bota ibanga#4, 11 Molɔngɔ mo 10-11; Ndjem 91.11-12..”» 12Yesu amosɔmbedja bo: «Eekomama bo: “Pɛpɛ bomeka Kumu Ndjakomba o wɛ.” » 13Aɛnɛ djabulu bo ameki Yesu na mindumba misusu, aso amokina bɛngi aambe ehole ekina.
Mbangi e mosala mo Yesu ta Galileya
(Boindja pongono a Mat 4, 12-17; Mal 1, 14-15)
14Iboa Yesu aluma na ngulu e Mwembo Mosɛnɔke, asɔmbɔ ta Galileya. Ko gala e nde enangana ta ekenge e mokili momina mosusu. 15Alehaka ta ndako e miɔngɔnɔ e bobo ko bato basusu bamokumedjaka.
Baloni Yesu ta Nadjalɛtɛ
(Boindja pongono a Mat 13, 53-58; Mal 6, 1-6)
16Yesu aimeaka ta Nadjalɛtɛ, ta ngando iyeye ekandoama yo. Ta busa bo sabata, akwea ta ndako e miɔngɔnɔ e Bayudha bobwana na momɛsɛno mo nde. Aangɔkɔ ta tina e bolanga. 17Ko bamopa buku e motɛli Isaya, aediipoa ta ekenge iyeye ekomama bo:
18«Mwembo mo Kumu modii ta dii mbi,
modjɔ mo ahɔɔini tina e botɔndea bakwali Bwɛndi Bopele.
Alomani tina e botɔndea bato ba bɔlɔkɔ bo baimanabi ta bɔlɔkɔ,
ko bato baagwa miso bo basɔmbɔbi boɛnɛ,
bolwɛ bato badi bonyɔkɔmɔ bosɔmi,
19botɔndea bato bo yanga iyeye Kumu ainedjadea bopele bo nde#4, 19 Isa 61.1-2, elangama ngɔngɔ dji mokongo moyou mo gɛlɛki..»
20Ko Yesu akunda buku, ko aepa ta dii mosali ko adaa na mobondo. Bato basusu ta tei e ndako e miɔngɔnɔ e Bayudha miso ma bobo madaaka mamoindja. 21Iboa, abanga bobatɔndea bo: «Busa ibubu, Ikomi idii ikokedjami ta dii ino ibibi baokakadea busa ibubu.» 22Bato basusu badaaka babala tina e nde, bakamoaka na mɛko mipele imimi mimanaka ta monɔkɔ mo nde, ko babalaka bo: «Iyoyo te mwana o Yosepu?» 23Yesu abala na bu bo: «Sooti mɛnɛ olangeadeanini ekuanedji iyeye: “Monganga, saheledja wɛ mɛnɛ.” Obaladeani na mbi pongono: “Iso lookabi misusu minɔkɔ ta Kapalanaume saheledja, kokedja midjɔ mimina misusu iyaya, ta ngando e wɛ mɛnɛ.”» 24Ko abakeaka bo: «Naotɔndekadeani sooti bo te badhimee motɛli ta ngando e nde. 25Sooti mɛɛnɛ, naotɔndeini bo bali bagwa na baami badaaka banɛnɛ ta Isalɛlɛ ta ndelo e Eliya, ehole ediipama busa mbuwa aikwaka bonɔ bianga bisato na mboka ko ndja enɛnɛ edaaka ta mokili#4, 25 Boindja ta 1 Bak 17.1. mo mina mosusu. 26Enakoboa, Ndjakomba ailoma Eliya adii mwali omɔti ta tei e bobo endelo akɛɛ ta dii mwali ogwa na moomi ta ngando e Salepeta ta ekenge e mokili mo Sidona#4, 26 Boindja ta 1 Bak 17.8616.. 27Bato ba mabha badaaka banɛnɛ ta Isalɛlɛ ta ehole e motɛli Elisa, ko pɛpɛ moto omɔti osɛnɔ na mabha ma nde, dongedja oko Namana, moto o Siliya#4, 27 Boindja a 2 Bak 5.1-14..»
28Iyaya aoka bo mɛko mimina, bato basusu baluma na kɛlɛ ta tei e ndako e miɔngɔnɔ e Bayudha. 29Baangɔ diko, ko bamobengana ta ngando, ko bakɛɛ na nde mbunoko ta sɔngɔ e ikoli ta esika etongama ngando e bobo tina e bomodumba ta kpɔtɔ. 30Endelo iyo, anɔi ta ndanda e bobo ko aso akɛɛ.
Yesu abengani mwembo mobe
(Boindja pongono a Mal 1, 21-28)
31Yesu atiti naikina ta Kapalanaume, ngando emɔti enɛnɛ e Galileya; adaaka aleha bato ta busa bo sabata#4, 31 Sabata: busa bo iheme di Bayudha tina e miɔngɔnɔ. 32Bato bamokaka badaaka bakamoa na mondumba mo nde mo boleha, modjɔ mo bo adaaka abala na kpati esusu. 33Ta ndako e miɔngɔnɔ e Bayudha, edaaka ena moto omɔti iyoyo odaaka na mwembo mo pita. Agama na ngulu bo: 34«Aa! Yesu o Nadjalɛtɛ, modjɔ mo wɛ na su nda? Odoi tina e bolobedja? Naodjebaka bopele: Mosɛnɔke o Ndjakomba!» 35Yesu agamea mwembo mobe; ko amolomi: «Dipa monɔkɔ mo wɛ ko imana ta dii moto iyoyo!» Mwembo mobe modumba moomi omina ta kpɔtɔ ta ndanda e bato, ko moimani ta tei e nde ko moimokɔ bobe. 36Bato basusu bakamoa bobuke mɛɛnɛ ko basawadjaka ibo na ibo: «Iyeye ndenge mɛko nda! Moto omina aimedjakadea membo mi pita na kpati ko na ngulu ko membo mibe mimanakadea!» 37Ko gala e Yesu enangana ta bisika bisusu bi ekenge e mokili emina.
Yesu aheledji bato ba bego banɛnɛ
(Boindja pongono a Mat 8, 14-17; Mal 1, 29-34)
38Yesu aimana ta ndako e miɔngɔnɔ e Bayudha, akwea ta ndako e Simona. Bokiyo bo mwali o Simona adaaka na pɛpɛlɛ epipo, ko bamowadja bo akɔe moo eka tina e nde 39Yesu angulama mbuti na nde, ko agamea pɛpɛlɛ. Ko pɛpɛlɛ emokina, na mbala emɔti asangɔdjɔ, ko abanga bobakɔmedja.
40Ta ehole e mɔkɔmɔkɔ#4, 40 Boindja a Mal 1.32 ko nase., bato basusu badaaka na bato ba bego dji mindumba misusu badoa na bu ta dii Yesu. Abakea mabɔ ta dii moto na moto ko abaheledjaka. 41Membo mibe pongono mimanaka ta dii bato banɛnɛ, ko migamaka bo: «Wɛ odii Mwana o Ndjakomba!» Endelo Yesu abasia na ngulu badae pɛpɛ bobala, modjɔ mo badjebaka bo iyo adii Kilito.
Yesu alehi ta ndako dji miɔngɔnɔ dji Bayudha
(Boindja pongono a Mal 1, 35-39)
42Iyana aya busa, Yesu aimana ko akɛi ta etengelenge. Emumu e bato bamohombaka; bamotanea ko bamekaka bomosiya bo adae pɛpɛ bo bakina. 43Endelo abala na bu bo: «Etungi na mbi botɔndea Bwɛndi Bopele bo Bokumu bo Ndjakomba ta ngando djinɛnɛ dji kina pongono modjɔ mo nalomama na tina emina.» 44Ko atɔndɔkɔ Bwɛndi Bopele ta ndako dji miɔngɔnɔ dji Bayudha ba Yudhea.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)