LUKA 20
20
Kpati e Yesu edongakadea djɔ?
(Boindja pongono a Mat 21, 23-27; Mal 11, 27-33)
1Busa bomɔti bo masu mia, iyana alehaka iyo bato ta tepelo ko atɔndeaka bato Bwɛndi Bopele. Bakondji ba banganga ba Ndjakomba banɛnɛnɛnɛ balehi ba mobeko ko na basuku bamoimanea gbundumo, 2ko bawadja Yesu bo: «Lotɔndea kpati ndani ekɔkɔdea na wɛ midjɔ mimina, moto oopa kpati e mina nda?» 3Abasɔmbedja bo: «Mbi pongono naowadjakadeani iwadja dimɔti. Sɔmbedjanini: 4Batisimo ba Yoane #20, 4 Boindja 3.3,7.badongaka ta busa kaoko ta dii bato?» 5Endelo balɛdjɛ modjɔ momina ibo bɛnɛ ko basatɔndeana bo: «Lokamosɔmbedja bo: “Baadonga ta busa”, abaladea nasu ibo: “Tina ndani oibadhimani?” 6Ko lokasɔmbedjadea ibo: “Edii bato”, bato basusu balowadea na mabɔkɔ, modjɔ mo bato basusu badhimi bo Yoane adaaka motɛli.» 7Bamosɔmbedja ibo baidjebaka esika edonga bo. 8Iboa, Yesu abala ibo: «Mbi pongono ngasa, nataotɔndeadeani kpati e ndani e kɔkɔɔdea na mbi mɛko mimina.»
Ekuanedji e baoneli babe ba gbie e vino
(Boindja pongono a Mat 21, 33-46; Mal 12, 1-12)
9Ngɔngɔ djimina, Yesu abanga botɔndea bato ekuanedji iyeye: «Moomi omɔti aana gbie e vino#20, 9 Kuanedja a Isa 5.1.. Aepa ta mɔmɔ ma basali ba gbie e vino ko akɛɛ mɔɔngɔ moyai. 10Ehole ekpeta mbuma, aloma mosali omɔti ta dii baoneli bɛngi bamopɛ i nde ibondo di mbuma dji gbie. Endelo baoneli ba gbie e vino baboma mosali omina ko bamoyanedja mɔmɔ ngasa. 11Moswa gbie aloma okina mosali, endelo baoneli ba gbie bamoboma naikina, bamosinga ko bamoyanedja mɔmɔ ngasa. 12Aloma naikina mosali o basato; ko baoneli ba gbie bamobenedja ko bamobengana pongono. 13Iboa moswa gbie asabalea ibo: “Eka ebwani mbi nakɔe nda? Nalomadea mwana moomi o mbi o epaeli, ndelo ekina bamosumadea.” 14Endelo ndelo eɛnɛ baoneli ba gbie mwana omina, basabalea ibo: “Edii iyo moto odadea mosangoi. Lomowoeni, bɛngi gbie ediikame e biso.” 15Bamoimanedja sokolu e gbie ko bamoowa.
«Eka ebwani bobakɔɔ moswa gbie nda? 16Akadoabi, aowabi basali bamina, ko apabi gbie emina na bato babuki.» Aoka bo mɛko mimina, bato babala ibo: «Modjɔ imumu motakɔɔmɔbi!» 17Endelo Yesu abaindja ko abala nabu ibo: «Epalakadea botingodja mobalo imumu mokomama nde:
“Ibanga idumba batongi ba ndako imei
ikwee di ndonga di boso dipeli ndako#20, 17 Ndjembo 118.22.”?
18Moto mosusu iyoyo okwabi ta diko di ibanga imina abukeanabi ko ibanga imina ikakwa ta diko di moto, imominakakabi.»
Puti e Kaisala
(Boindja pongono a Mat 22, 15-22; Mal 12, 13-17)
19Balehi ba mobeko ko na ba banganga ba Ndjakomba banɛnɛnɛnɛ bahomba ndjea e bopea Yesu oko ta ehole emina, modjɔ mo basipoa bo Yesu abala ekuanedji emina tina e bobo, endelo badaa na bɔɔ tina e bato. 20Ko ehole emina babanga bomosɛndjɛlɛ. Baloma mbombe ba bobo ta dii Yesu ondingo bato ba bosooti, bɛngi ba mopee na ibunga ko badie enɔli e bomokaba ta dii gupɛlɛnɛlɛ. 21Bamowadja bo: «Molehi, lodjebakadea bo okabale ko okalehee na bosooti; tobange mbanda dji bato, endelo okalehe na bosooti ndjea e Ndjakomba. 22Lotɔndea: etungi nasu boputa puti e Kaisala kaoko ngasa?» 23Endelo Yesu asipoa bo bamopikei elambo ko abala na bu ibo: 24«Inedjanini pata e palanga. Epoya kaoko kombe edii iyana e nda?» Bamosɔmbedja bo: «E Kaisala.» 25Iboa, Yesu abala na bu bo: «Pani Kaisala mi Kaisala, ko pani Ndjakomba mi Ndjakomba.» 26Baimodia na ibunga na midjɔ mibalaka iyo ta boso bo bato. Endelo bakamowa bobuke na misɔmbedja mi nde ko bapɔpɔnɔ.
Iwadja di bosisoa bo bato bago
(Boindja pongono a Mat 22, 23-33; Mal 12, 18-27)
27Ndambo e Basadukai babatama ta dii Yesu. Ibo tebadhime bo bato bago bakasisoe#20, 27 Kuanedja a Bik 23.8.. Ko bamowadja iwadja idii bo: 28«Molehi, Mose alokomea mobeko imumu bo: “Moto akasɔɔ mwali ko agwi pɛpɛ bobota na nde etungi mwanango asɔe mwali omina bɛngi abote na nde bana batingi na mwanango iyona ogwa#20, 28 Boindja a Dit 25.5-6..” 29Ta ibota dimɔti idaaka na bana baami sambo. Iyona o boso asɔɔ mwali ko agwa pɛ bobota na nde. 30O babae, 31Ekɔɔmɔ oko mondumba momina momɔti na mwana o basato mbunoko mwana o sambo ibo basusu sambo bagwa pɛpɛ bokina mwana. 32Ta ngɔngɔ djimina, mwali omina aso agwa pongono. 33Ndelo esisoabi bato bago, mwali omina adaabi o nda? Modjɔ mo ibo basusu sambo bamoasɔkɔ!» 34Yesu abasɔmbedja bo: «Iya a ngondo iye baami na bali bakasɔɔne, 35endelo baami na bali ibia balongabi ko basisoabi ta bogwa ko ibia bahelamabi ta ngondo ekɛɛkɛdea adoe batasɔnɔbi. 36Ibo bagwɛtebi naikina, badaabi piɔ na babwɛndi. Badii bana ba Ndjakomba, modjɔ mo badii ibia basisoi ta bogwa. 37Mose ainedja na bohu bo bato bagwa basisoabi. Modjɔ mo ndelo eɛnɛ Mose mole moayoa mosa ko pɛ boangoa aso abea Kumu “Ndjakomba o Abalayama, Ndjakomba o Isaka ko Ndjakomba o Yakobo#20, 37 Boindja a Boi 3.2,6..” 38Ndjakomba adiiti Ndjakomba o bato bago, endelo adii Ndjakomba o bato badii na bomɔ, modjɔ mo bato basusu ibia basato badii na bomɔ tina e nde.» 39Ndambo e balehi ba mobeko babala na nde bo: «Molehi, obali bopele.» 40Modjɔ mo baidia naikina enɔli e bomowadja mawadja makina.
Masiya na Dhapiti
(Boindja pongono a Mat 22, 41-46; Mal 12, 35-37)
41Yesu abala bo: «Ndenge ndani bato badii bobala bo Masiya adii motitani o Dhapiti? 42Modjɔ mo Dhapiti iyo mɛnɛ abali ta buku e Ndjembo bo:
“Kumu abali na Kumu o mbi bo:
Doa adae ta ebɔ e mbi e baami,
43Mbunoko aiemedje baloni
ba wɛ etunda e wɛ e bobakeaka mako#20, 43 Ndjem 110.1..”
44Dhapiti abeaka Masiya “Kumu”: ko ndenge ndani Masiya abwani bodaa mwana o nde?»
Yesu akebedji balehi ba mobeko
(Boindja pongono a Mat 23, 1-36; Mal 12, 38-40)
45Ndelo edaaka bato basusu bamohokamedja, abala na batingami ba nde bo: 46«Kebani na balehi ba mobeko ibia bakapale bodala na mikoto miyai ko bobaisea ndese dji ekumu ta bisika bikabolame bato; bakahɔe bodaa ta bisika dji boso ta ndako dji miɔngɔnɔ mi Bayudha ko ta melo mi mesa ta ndelo e boyaka. 47Bakakatoe leka lo bali ba bogwa, ko, bakangɔne miɔngɔnɔ miyai miyai tina e basainedje bo badii bato bapele. Basambedjamabi na bopipo mɛnɛ.»
Iliyochaguliwa sasa
LUKA 20: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 20
20
Kpati e Yesu edongakadea djɔ?
(Boindja pongono a Mat 21, 23-27; Mal 11, 27-33)
1Busa bomɔti bo masu mia, iyana alehaka iyo bato ta tepelo ko atɔndeaka bato Bwɛndi Bopele. Bakondji ba banganga ba Ndjakomba banɛnɛnɛnɛ balehi ba mobeko ko na basuku bamoimanea gbundumo, 2ko bawadja Yesu bo: «Lotɔndea kpati ndani ekɔkɔdea na wɛ midjɔ mimina, moto oopa kpati e mina nda?» 3Abasɔmbedja bo: «Mbi pongono naowadjakadeani iwadja dimɔti. Sɔmbedjanini: 4Batisimo ba Yoane #20, 4 Boindja 3.3,7.badongaka ta busa kaoko ta dii bato?» 5Endelo balɛdjɛ modjɔ momina ibo bɛnɛ ko basatɔndeana bo: «Lokamosɔmbedja bo: “Baadonga ta busa”, abaladea nasu ibo: “Tina ndani oibadhimani?” 6Ko lokasɔmbedjadea ibo: “Edii bato”, bato basusu balowadea na mabɔkɔ, modjɔ mo bato basusu badhimi bo Yoane adaaka motɛli.» 7Bamosɔmbedja ibo baidjebaka esika edonga bo. 8Iboa, Yesu abala ibo: «Mbi pongono ngasa, nataotɔndeadeani kpati e ndani e kɔkɔɔdea na mbi mɛko mimina.»
Ekuanedji e baoneli babe ba gbie e vino
(Boindja pongono a Mat 21, 33-46; Mal 12, 1-12)
9Ngɔngɔ djimina, Yesu abanga botɔndea bato ekuanedji iyeye: «Moomi omɔti aana gbie e vino#20, 9 Kuanedja a Isa 5.1.. Aepa ta mɔmɔ ma basali ba gbie e vino ko akɛɛ mɔɔngɔ moyai. 10Ehole ekpeta mbuma, aloma mosali omɔti ta dii baoneli bɛngi bamopɛ i nde ibondo di mbuma dji gbie. Endelo baoneli ba gbie e vino baboma mosali omina ko bamoyanedja mɔmɔ ngasa. 11Moswa gbie aloma okina mosali, endelo baoneli ba gbie bamoboma naikina, bamosinga ko bamoyanedja mɔmɔ ngasa. 12Aloma naikina mosali o basato; ko baoneli ba gbie bamobenedja ko bamobengana pongono. 13Iboa moswa gbie asabalea ibo: “Eka ebwani mbi nakɔe nda? Nalomadea mwana moomi o mbi o epaeli, ndelo ekina bamosumadea.” 14Endelo ndelo eɛnɛ baoneli ba gbie mwana omina, basabalea ibo: “Edii iyo moto odadea mosangoi. Lomowoeni, bɛngi gbie ediikame e biso.” 15Bamoimanedja sokolu e gbie ko bamoowa.
«Eka ebwani bobakɔɔ moswa gbie nda? 16Akadoabi, aowabi basali bamina, ko apabi gbie emina na bato babuki.» Aoka bo mɛko mimina, bato babala ibo: «Modjɔ imumu motakɔɔmɔbi!» 17Endelo Yesu abaindja ko abala nabu ibo: «Epalakadea botingodja mobalo imumu mokomama nde:
“Ibanga idumba batongi ba ndako imei
ikwee di ndonga di boso dipeli ndako#20, 17 Ndjembo 118.22.”?
18Moto mosusu iyoyo okwabi ta diko di ibanga imina abukeanabi ko ibanga imina ikakwa ta diko di moto, imominakakabi.»
Puti e Kaisala
(Boindja pongono a Mat 22, 15-22; Mal 12, 13-17)
19Balehi ba mobeko ko na ba banganga ba Ndjakomba banɛnɛnɛnɛ bahomba ndjea e bopea Yesu oko ta ehole emina, modjɔ mo basipoa bo Yesu abala ekuanedji emina tina e bobo, endelo badaa na bɔɔ tina e bato. 20Ko ehole emina babanga bomosɛndjɛlɛ. Baloma mbombe ba bobo ta dii Yesu ondingo bato ba bosooti, bɛngi ba mopee na ibunga ko badie enɔli e bomokaba ta dii gupɛlɛnɛlɛ. 21Bamowadja bo: «Molehi, lodjebakadea bo okabale ko okalehee na bosooti; tobange mbanda dji bato, endelo okalehe na bosooti ndjea e Ndjakomba. 22Lotɔndea: etungi nasu boputa puti e Kaisala kaoko ngasa?» 23Endelo Yesu asipoa bo bamopikei elambo ko abala na bu ibo: 24«Inedjanini pata e palanga. Epoya kaoko kombe edii iyana e nda?» Bamosɔmbedja bo: «E Kaisala.» 25Iboa, Yesu abala na bu bo: «Pani Kaisala mi Kaisala, ko pani Ndjakomba mi Ndjakomba.» 26Baimodia na ibunga na midjɔ mibalaka iyo ta boso bo bato. Endelo bakamowa bobuke na misɔmbedja mi nde ko bapɔpɔnɔ.
Iwadja di bosisoa bo bato bago
(Boindja pongono a Mat 22, 23-33; Mal 12, 18-27)
27Ndambo e Basadukai babatama ta dii Yesu. Ibo tebadhime bo bato bago bakasisoe#20, 27 Kuanedja a Bik 23.8.. Ko bamowadja iwadja idii bo: 28«Molehi, Mose alokomea mobeko imumu bo: “Moto akasɔɔ mwali ko agwi pɛpɛ bobota na nde etungi mwanango asɔe mwali omina bɛngi abote na nde bana batingi na mwanango iyona ogwa#20, 28 Boindja a Dit 25.5-6..” 29Ta ibota dimɔti idaaka na bana baami sambo. Iyona o boso asɔɔ mwali ko agwa pɛ bobota na nde. 30O babae, 31Ekɔɔmɔ oko mondumba momina momɔti na mwana o basato mbunoko mwana o sambo ibo basusu sambo bagwa pɛpɛ bokina mwana. 32Ta ngɔngɔ djimina, mwali omina aso agwa pongono. 33Ndelo esisoabi bato bago, mwali omina adaabi o nda? Modjɔ mo ibo basusu sambo bamoasɔkɔ!» 34Yesu abasɔmbedja bo: «Iya a ngondo iye baami na bali bakasɔɔne, 35endelo baami na bali ibia balongabi ko basisoabi ta bogwa ko ibia bahelamabi ta ngondo ekɛɛkɛdea adoe batasɔnɔbi. 36Ibo bagwɛtebi naikina, badaabi piɔ na babwɛndi. Badii bana ba Ndjakomba, modjɔ mo badii ibia basisoi ta bogwa. 37Mose ainedja na bohu bo bato bagwa basisoabi. Modjɔ mo ndelo eɛnɛ Mose mole moayoa mosa ko pɛ boangoa aso abea Kumu “Ndjakomba o Abalayama, Ndjakomba o Isaka ko Ndjakomba o Yakobo#20, 37 Boindja a Boi 3.2,6..” 38Ndjakomba adiiti Ndjakomba o bato bago, endelo adii Ndjakomba o bato badii na bomɔ, modjɔ mo bato basusu ibia basato badii na bomɔ tina e nde.» 39Ndambo e balehi ba mobeko babala na nde bo: «Molehi, obali bopele.» 40Modjɔ mo baidia naikina enɔli e bomowadja mawadja makina.
Masiya na Dhapiti
(Boindja pongono a Mat 22, 41-46; Mal 12, 35-37)
41Yesu abala bo: «Ndenge ndani bato badii bobala bo Masiya adii motitani o Dhapiti? 42Modjɔ mo Dhapiti iyo mɛnɛ abali ta buku e Ndjembo bo:
“Kumu abali na Kumu o mbi bo:
Doa adae ta ebɔ e mbi e baami,
43Mbunoko aiemedje baloni
ba wɛ etunda e wɛ e bobakeaka mako#20, 43 Ndjem 110.1..”
44Dhapiti abeaka Masiya “Kumu”: ko ndenge ndani Masiya abwani bodaa mwana o nde?»
Yesu akebedji balehi ba mobeko
(Boindja pongono a Mat 23, 1-36; Mal 12, 38-40)
45Ndelo edaaka bato basusu bamohokamedja, abala na batingami ba nde bo: 46«Kebani na balehi ba mobeko ibia bakapale bodala na mikoto miyai ko bobaisea ndese dji ekumu ta bisika bikabolame bato; bakahɔe bodaa ta bisika dji boso ta ndako dji miɔngɔnɔ mi Bayudha ko ta melo mi mesa ta ndelo e boyaka. 47Bakakatoe leka lo bali ba bogwa, ko, bakangɔne miɔngɔnɔ miyai miyai tina e basainedje bo badii bato bapele. Basambedjamabi na bopipo mɛnɛ.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)