LUKA 2
2
Bobotama bo Yesu
(Boindja pongono a Mat 1, 18-25)
1Ta ehole emina, Kaisala Ogisite#2, 1Kaisala Ogisite adaaka adaledja mokili mosusu mo Loma bobanga yanga e 29 boso Yesu Kilito bobotama ko a yanga e 14 ngɔngɔ dji Yesu Kilito bobotama, apaka mobeko bo bakɛe akɔɔ motangi bɛngi badjebe bato basusu badaaka ta tei e bokondji bo Loma. 2Edaaka mbala e boso e bokɔɔ motangi ta ehole edaaka Kiliniusi gupɛlɛnɛlɛ ta ekenge e mokili mo Sili. 3Bato basusu bakɛɛkɛ akomedja kombe, moto na moto ta ngando e nde. 4Yosepu pongono akina Nadjalɛtɛ ta ekenge e mokili mo Galileya, akɛɛkɛ ta Bɛtɛlɛmɛ ta ekenge e mokili mo Yudhea, modjɔ mo adaaka moto omɔti o ibota di Dhapiti.
5Akɛɛkɛ akomedja kombe e nde engbanga emɔti na Malia, mwali o nde, iyo odaaka na deemi. 6Ehole edaaka bo ta Bɛtɛlɛmɛ, ndelo e nde ebobota eso eimei. 7Abotaka mwana moomi o nde o boso, amohua na bisendja ko amosambea ta esika ekayakedje bo tito bihole bisusu, modjɔ mo baidia esika ebowɛɛ ta ndako e bakɛndɛli.
Andjelu aimanei babanei ba tito
8Ta polo emina emɔti, babanei ba tito badaaka babanea tito ba bobo na bulu. 9Obwɛndi o Kumu asainedja na bu, ekumu e Kumu eengɛsɛkɛ diko di bobo, ko baimeaka na bɔɔ bonɛnɛ. 10Endelo obwɛndi abatɔndeaka bo: «Pɛpɛ bobangani, modjɔmo, nadoi aodjebedjani Bwɛndi Bopele bomɔti, ibubu bosepedjabi bato basusu: 11ta bulu bo busa ibubu, baoboteini Moheledji ta ngando enɛnɛ e Dhapiti, iyo adii Kilito, Kumu. 12Ko indjani embete iyeye emodjebadea na nu: otaneadeani mwana mokɛkɛ oboti bo, ahuwami na bisendja ko asambi ta esika ekayakedje bo tito.»
13Na mbala emɔti babwɛndi banɛnɛ ba busa badoa baputoana na obwɛndi iyona ko bakumedjaka Ndjakomba, ko baso babalaka bo: 14«Ekumu ta dii Ndjakomba iyo odii ta bisika binɔi o diko, ko bogo iya ta kpɔtɔ ta dii bato ibibi bakapale iyo!»
Babanei ba tito bakɛi a Bɛtɛlɛmɛ
15Ehole esɔmbɔ babwɛndi ta busa, babanei ba tito basabalea bo: «Lokɛeni ibobo ta Bɛtɛlɛmɛ, bɛngi lodjebe modjɔ ndani mosaimana iho, imumu molodjebedjaka Kumu.» 16Bakɛɛ ta Bɛtɛlɛmɛ ebango ko baso batanea Malia, Yosepu ko mwana mokɛkɛ, oboti bo asambi ta esika ekayakedje bo tito. 17Ehole emoɛnɛ ibo, batɔndeaka bato midjɔ misusu mibatɔndeaka obwɛndi ta tina e mwana omina. 18Bato basusu ibibi baokaka mɛko mimina ta minɔko mi babanei ba tito baso bakamoa. 19Malia abaneaka modjɔ momina ta molema ko amoikoaka. 20Ta tina e babanei ba tito, bayana bakɛɛkɛ asakoe, ko akumedje Ndjakomba ndjea ndjea tina e mɛko misusu miokaka ibo ko miɛnɛkɛ ibo, bobwana na midjɔ mibatɔndeaka obwɛndi.
Babakei Yesu kombe
21Ngɔngɔ dji masu bomwambe, eimeaka ehole e bolena mwana epole, ko bamobakea kombe e Yesu, oko mondumba momatɔndea obwɛndi Malia boso bo bolwa deemi#2, 21 Boindja a Lew 12.3; Luk 1.31.
Yesu ainedjama ta tepelo
22Iyaya akokaka masu mamina, bobwana na mobeko mo Mose#2, 22 Boindja a Lew 12.3,6., ebɔngɔkɔ na bu bosasɛnodja, bakɛɛkɛ na mwana a Yelusalɛmɛ tina ebomoinedja ta dii Kumu, 23modjɔ mo bobwana na ndenge ekomaka bo ta mobeko mo Kumu bo: «Mwana mosusu moomi o boso iyoyo oboti bo ebwani na nde bopame ta dii Kumu#2, 23 Boindja ta Boi 13.2,12..» 24Bobwana na mobeko imua mo Kumu babolodja elomu e bopa pongono tina e mbeka bidoa babae kaoko bakandoli ba bimbenga#2, 24 Boindja a Lew 12.8. babae.
25Moto omɔti adaaka ta Yelusalɛmɛ kombe e nde Simeona. Moto omina adaaka na bosooti ko na isuma, aambaka busa ndani boduadea Ndjakomba asikoa Isalɛlɛ. Mwembo Mosɛnɔke modaaka na nde. 26Mwembo Mosɛnɔke mo modjebedja bo eta bɔngɔ bo agwɛ mbunoko aɛnɛ Kilito o Kumu na miso. 27Mwembo mo moloma ta tepelo, ko ta ehole emina baboti ba Yesu bakɛɛ na nde tina ebokokedja midjɔ mikomama ta mobeko ta tina emina, 28Simeona amotomba ta mabɔ ma nde ko asakoa Ndjakomba, ko aso abala bo:
29«Edɛdiyeye, Kumu, okokedji midjɔ midikanakani na wɛ,
kina mosali o wɛ agwɛ na bogo.
30Modjɔ mo miso ma mbi mɛnɛ maɛni Moheledji,
31iyoyo oloma wɛ tina e boheledja bikomi bisusu.
32Iyo adii moi tina e bopa bohu ta dii bikomi bisusu, apadea ekumu ta dii ekomi#2, 32 Kuanedja a Isa 42.6; 49.6;52.10. e wɛ Isalɛlɛ.»
Simeona atɛli
33Sange e Yesu ko na nange e nde badaaka bakamwa na midjɔ midaaka Simeona abala tina e nde. 34Simeona abadjongoa ko abala na Malia nange e Yesu bo: «Mwana iyoyo ahɔɔmɔ tina e bodumba ko boangɔdjɔ bato banɛnɛ ba Isalɛlɛ; iyo adaabi embete e bopa motubano; 35ta tina emina, malɛno mabolamake ma bato madjebamabi. Iboa wɛ mɛnɛ Malia, molema mo wɛ modabi mobenake.»
Ana, motɛli mwali
36Motɛli mwali adaaka ena, kombe e nde Ana, mwana mwali o Panuwelo, motitani o Aselo. Aimeaka mobange. Ahelama bianga sambo na muma nde omoasɔkɔ donga a bwɛngɛ bo nde, 37ngɔngɔ djimina adika mwali o bogwa ko akokedjaka bianga tuku bomwambe na banɛi. Aidongaka ta tepelo asalealaka Ndjakomba bulu na moi: bokia miya ko aangɔnɔkɔ. 38Aimeaka ta ehole emina aso akumedjaka Ndjakomba. Ko abalaka midjɔ mitingi na mwana ta dii bato basusu ba ambaka bo Ndjakomba aheledje Yelusalɛmɛ.
Ihule ta Nadjaleta
39Ngɔngɔ dji bokokedja midjɔ misusu mi mobeko mo Kumu Malia na Yosepu bayana ta Galileya ta Nadjalɛtɛ ngando e bobo. 40Mwana akandoaka, adaaka na ngulu. Alumaka na konga, ngɔlu e Ndjakomba edaaka ta dii iyo.
Yesu ta tepelo ndelo edaaka iyo na bianga doomi na bibae
41Baboti ba nde bakɛɛkɛ aengi yanga ta Yelusalɛmɛ ta tina e tɛkɛ e Pasika#2, 41 Pasika: tɛkɛ e boimana bo bana ba Isalɛlɛ a ibuli di Edjipito. 42Ehole ekokedja Yesu bianga doomi na bibae#2, 42 Boindja a buku e Boi 12.1-27; Buku e Dit 16.1-8. Bianga 12: edii ndelo e bopinga bo mwana, bɛngi abange bokwea a tepelo e Bayudha. , bakɛɛkɛ na nde oo momɛsɛno mo bobo. 43Ehole esiaka masu ma tɛkɛ, bayanaka, Yesu adika ta Yelusalɛmɛ ko baboti ba nde baidjeba. 44Balɛdjɛkɛ bo Yesu adaaka engbanga emɔti ta ndjea na bina nde ta mɔongɔ, bakɔɔ busa bo mɔti na ndjea. Boso bamohombi ta dii mela ma bobo ko ta dii badjebani bakina. 45Endelo baimodiaka. Basɔmbɔkɔ ta Yelusalɛmɛ amohomba. 46Ta busa bo basato, bamodiaka ta tepelo, adii na mobondo ta ndanda e balehi ba mibeko abahokamedja ko abawadja mawadja. 47Bato basusu badaaka bamohokamedja bakamwaka na bowɛi bo nde ko na misɔmbedja mi nde. 48Ehole emoɛnɛkɛ baboti ba nde bakamoa bobuke ko nange ende abala na nde: «Mwana o mba, olokɔi ibowa tina nda? Indja, mbi na sangwao lobangi bobuke ko loohombaki.» 49Abasɔmbedji bo: «Tina ehombakini na nu nda? Otadjebakadeani bo etungi na mbi bosala misala ta ndako e Sesa?» 50Endelo ibo baisipoaka tina e mɛko mibatɔndeaka iyo. 51Yesu ayana na bu engbanga emɔti ta Nadjalɛtɛ. Abasumaka. Ko nango abaneaka mɛko mimina ta molema mo nde. 52Yesu akandoaka na konga, na mokuku mopele ko na ngɔlu boso bo Ndjakomba ko na bato.
Iliyochaguliwa sasa
LUKA 2: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 2
2
Bobotama bo Yesu
(Boindja pongono a Mat 1, 18-25)
1Ta ehole emina, Kaisala Ogisite#2, 1Kaisala Ogisite adaaka adaledja mokili mosusu mo Loma bobanga yanga e 29 boso Yesu Kilito bobotama ko a yanga e 14 ngɔngɔ dji Yesu Kilito bobotama, apaka mobeko bo bakɛe akɔɔ motangi bɛngi badjebe bato basusu badaaka ta tei e bokondji bo Loma. 2Edaaka mbala e boso e bokɔɔ motangi ta ehole edaaka Kiliniusi gupɛlɛnɛlɛ ta ekenge e mokili mo Sili. 3Bato basusu bakɛɛkɛ akomedja kombe, moto na moto ta ngando e nde. 4Yosepu pongono akina Nadjalɛtɛ ta ekenge e mokili mo Galileya, akɛɛkɛ ta Bɛtɛlɛmɛ ta ekenge e mokili mo Yudhea, modjɔ mo adaaka moto omɔti o ibota di Dhapiti.
5Akɛɛkɛ akomedja kombe e nde engbanga emɔti na Malia, mwali o nde, iyo odaaka na deemi. 6Ehole edaaka bo ta Bɛtɛlɛmɛ, ndelo e nde ebobota eso eimei. 7Abotaka mwana moomi o nde o boso, amohua na bisendja ko amosambea ta esika ekayakedje bo tito bihole bisusu, modjɔ mo baidia esika ebowɛɛ ta ndako e bakɛndɛli.
Andjelu aimanei babanei ba tito
8Ta polo emina emɔti, babanei ba tito badaaka babanea tito ba bobo na bulu. 9Obwɛndi o Kumu asainedja na bu, ekumu e Kumu eengɛsɛkɛ diko di bobo, ko baimeaka na bɔɔ bonɛnɛ. 10Endelo obwɛndi abatɔndeaka bo: «Pɛpɛ bobangani, modjɔmo, nadoi aodjebedjani Bwɛndi Bopele bomɔti, ibubu bosepedjabi bato basusu: 11ta bulu bo busa ibubu, baoboteini Moheledji ta ngando enɛnɛ e Dhapiti, iyo adii Kilito, Kumu. 12Ko indjani embete iyeye emodjebadea na nu: otaneadeani mwana mokɛkɛ oboti bo, ahuwami na bisendja ko asambi ta esika ekayakedje bo tito.»
13Na mbala emɔti babwɛndi banɛnɛ ba busa badoa baputoana na obwɛndi iyona ko bakumedjaka Ndjakomba, ko baso babalaka bo: 14«Ekumu ta dii Ndjakomba iyo odii ta bisika binɔi o diko, ko bogo iya ta kpɔtɔ ta dii bato ibibi bakapale iyo!»
Babanei ba tito bakɛi a Bɛtɛlɛmɛ
15Ehole esɔmbɔ babwɛndi ta busa, babanei ba tito basabalea bo: «Lokɛeni ibobo ta Bɛtɛlɛmɛ, bɛngi lodjebe modjɔ ndani mosaimana iho, imumu molodjebedjaka Kumu.» 16Bakɛɛ ta Bɛtɛlɛmɛ ebango ko baso batanea Malia, Yosepu ko mwana mokɛkɛ, oboti bo asambi ta esika ekayakedje bo tito. 17Ehole emoɛnɛ ibo, batɔndeaka bato midjɔ misusu mibatɔndeaka obwɛndi ta tina e mwana omina. 18Bato basusu ibibi baokaka mɛko mimina ta minɔko mi babanei ba tito baso bakamoa. 19Malia abaneaka modjɔ momina ta molema ko amoikoaka. 20Ta tina e babanei ba tito, bayana bakɛɛkɛ asakoe, ko akumedje Ndjakomba ndjea ndjea tina e mɛko misusu miokaka ibo ko miɛnɛkɛ ibo, bobwana na midjɔ mibatɔndeaka obwɛndi.
Babakei Yesu kombe
21Ngɔngɔ dji masu bomwambe, eimeaka ehole e bolena mwana epole, ko bamobakea kombe e Yesu, oko mondumba momatɔndea obwɛndi Malia boso bo bolwa deemi#2, 21 Boindja a Lew 12.3; Luk 1.31.
Yesu ainedjama ta tepelo
22Iyaya akokaka masu mamina, bobwana na mobeko mo Mose#2, 22 Boindja a Lew 12.3,6., ebɔngɔkɔ na bu bosasɛnodja, bakɛɛkɛ na mwana a Yelusalɛmɛ tina ebomoinedja ta dii Kumu, 23modjɔ mo bobwana na ndenge ekomaka bo ta mobeko mo Kumu bo: «Mwana mosusu moomi o boso iyoyo oboti bo ebwani na nde bopame ta dii Kumu#2, 23 Boindja ta Boi 13.2,12..» 24Bobwana na mobeko imua mo Kumu babolodja elomu e bopa pongono tina e mbeka bidoa babae kaoko bakandoli ba bimbenga#2, 24 Boindja a Lew 12.8. babae.
25Moto omɔti adaaka ta Yelusalɛmɛ kombe e nde Simeona. Moto omina adaaka na bosooti ko na isuma, aambaka busa ndani boduadea Ndjakomba asikoa Isalɛlɛ. Mwembo Mosɛnɔke modaaka na nde. 26Mwembo Mosɛnɔke mo modjebedja bo eta bɔngɔ bo agwɛ mbunoko aɛnɛ Kilito o Kumu na miso. 27Mwembo mo moloma ta tepelo, ko ta ehole emina baboti ba Yesu bakɛɛ na nde tina ebokokedja midjɔ mikomama ta mobeko ta tina emina, 28Simeona amotomba ta mabɔ ma nde ko asakoa Ndjakomba, ko aso abala bo:
29«Edɛdiyeye, Kumu, okokedji midjɔ midikanakani na wɛ,
kina mosali o wɛ agwɛ na bogo.
30Modjɔ mo miso ma mbi mɛnɛ maɛni Moheledji,
31iyoyo oloma wɛ tina e boheledja bikomi bisusu.
32Iyo adii moi tina e bopa bohu ta dii bikomi bisusu, apadea ekumu ta dii ekomi#2, 32 Kuanedja a Isa 42.6; 49.6;52.10. e wɛ Isalɛlɛ.»
Simeona atɛli
33Sange e Yesu ko na nange e nde badaaka bakamwa na midjɔ midaaka Simeona abala tina e nde. 34Simeona abadjongoa ko abala na Malia nange e Yesu bo: «Mwana iyoyo ahɔɔmɔ tina e bodumba ko boangɔdjɔ bato banɛnɛ ba Isalɛlɛ; iyo adaabi embete e bopa motubano; 35ta tina emina, malɛno mabolamake ma bato madjebamabi. Iboa wɛ mɛnɛ Malia, molema mo wɛ modabi mobenake.»
Ana, motɛli mwali
36Motɛli mwali adaaka ena, kombe e nde Ana, mwana mwali o Panuwelo, motitani o Aselo. Aimeaka mobange. Ahelama bianga sambo na muma nde omoasɔkɔ donga a bwɛngɛ bo nde, 37ngɔngɔ djimina adika mwali o bogwa ko akokedjaka bianga tuku bomwambe na banɛi. Aidongaka ta tepelo asalealaka Ndjakomba bulu na moi: bokia miya ko aangɔnɔkɔ. 38Aimeaka ta ehole emina aso akumedjaka Ndjakomba. Ko abalaka midjɔ mitingi na mwana ta dii bato basusu ba ambaka bo Ndjakomba aheledje Yelusalɛmɛ.
Ihule ta Nadjaleta
39Ngɔngɔ dji bokokedja midjɔ misusu mi mobeko mo Kumu Malia na Yosepu bayana ta Galileya ta Nadjalɛtɛ ngando e bobo. 40Mwana akandoaka, adaaka na ngulu. Alumaka na konga, ngɔlu e Ndjakomba edaaka ta dii iyo.
Yesu ta tepelo ndelo edaaka iyo na bianga doomi na bibae
41Baboti ba nde bakɛɛkɛ aengi yanga ta Yelusalɛmɛ ta tina e tɛkɛ e Pasika#2, 41 Pasika: tɛkɛ e boimana bo bana ba Isalɛlɛ a ibuli di Edjipito. 42Ehole ekokedja Yesu bianga doomi na bibae#2, 42 Boindja a buku e Boi 12.1-27; Buku e Dit 16.1-8. Bianga 12: edii ndelo e bopinga bo mwana, bɛngi abange bokwea a tepelo e Bayudha. , bakɛɛkɛ na nde oo momɛsɛno mo bobo. 43Ehole esiaka masu ma tɛkɛ, bayanaka, Yesu adika ta Yelusalɛmɛ ko baboti ba nde baidjeba. 44Balɛdjɛkɛ bo Yesu adaaka engbanga emɔti ta ndjea na bina nde ta mɔongɔ, bakɔɔ busa bo mɔti na ndjea. Boso bamohombi ta dii mela ma bobo ko ta dii badjebani bakina. 45Endelo baimodiaka. Basɔmbɔkɔ ta Yelusalɛmɛ amohomba. 46Ta busa bo basato, bamodiaka ta tepelo, adii na mobondo ta ndanda e balehi ba mibeko abahokamedja ko abawadja mawadja. 47Bato basusu badaaka bamohokamedja bakamwaka na bowɛi bo nde ko na misɔmbedja mi nde. 48Ehole emoɛnɛkɛ baboti ba nde bakamoa bobuke ko nange ende abala na nde: «Mwana o mba, olokɔi ibowa tina nda? Indja, mbi na sangwao lobangi bobuke ko loohombaki.» 49Abasɔmbedji bo: «Tina ehombakini na nu nda? Otadjebakadeani bo etungi na mbi bosala misala ta ndako e Sesa?» 50Endelo ibo baisipoaka tina e mɛko mibatɔndeaka iyo. 51Yesu ayana na bu engbanga emɔti ta Nadjalɛtɛ. Abasumaka. Ko nango abaneaka mɛko mimina ta molema mo nde. 52Yesu akandoaka na konga, na mokuku mopele ko na ngɔlu boso bo Ndjakomba ko na bato.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)