LUKA 18
18
Ekuanedji e mwali o gwedja moomi ko na djudji.
1Yesu abala naikina na bu ekuanedji emɔti tinae bobainedja bo etungi na bu boangɔnɔ, ehole esusu ko na pɛpɛ boɛmbɛ: 2«Ta ngando emɔti enɛnɛ edaaka na djudji omɔti tasume Ndjakomba ko akaenɛ bato basusu ngasa. 3Ta ngando emina enɛnɛ, edaaka pongono na mwali omɔti ogwedja moomi adoaka abala na djudji bo: “Longedjani boso bo moloni o mbi.” 4Mbala inɛnɛ, djudji alonaka, ko aso asabalea bo: “Edii sooti, te nabange Ndjakomba ko te naɛnɛ bato na tina. 5Endelo mwali iyoyo o bogwaa aembɛdjini, iboa etungi na mbi nakate ikambo di nde, bɛngi, adae pɛpɛ bodoa atungeani naikina.”» 6Kumu abala na ikina bo: «Okani bopele mondumba mobala djudji iyoyo mobe! 7Iboa Ndjakomba, akinadea bokata ikambo di bato ibia bahɔɔ iyo ibia bamɔangɔnɔdea bulu na moi? Abayeyodjadea? 8Naotɔndeini bo: abalongedjadea pɛpɛlɛ mɛnɛ. Endelo ehole edoabi Mwana o moto, ataneabi edhimeli ta ngondo?»
Ekuanedji e Mopalisai ko na moputedji o puti
9Yesu abala ekuanedji iyeye tina e ibia Balɛnɛkɛ bo badaaka na bosooti ko batsiolaka bakina: 10«Bato babae bakɛɛ aangɔnɔ ta tepelo; omɔti adaaka Mopalisai, ko okina adaaka moputedji o puti. 11Mopalisai, angɔ diko, ko aɔngɔnɔkɔ iyo mɛnɛ bo: “Oo Ndjakomba, naosakoakadea modjɔ mo nadiiti o bato ibibi bakina, ibo badi baibi, bato babe bato ba mɔɔli; naosakoi modjɔ mo nadiiti odingo moputedji o puti iyoyo. 12Nakakɔe mongilo masu mabae ta engi eyenga ko nakapute ekenge emɔti e doomi e leka losusu lokadie mbi.” 13Endelo moputedji o puti, aema bohali ko aipala nongo boangɔdjɔ miso o diko, endelo asaboma ta bupa ko abali bo: “Oo Ndjakomba, okeani ndjokwa, modjɔ mo nadii moto o pekato.” 14Nabali na nu bo, moto iyoyo ayana ta ndako e nde ngɔngɔ dji Ndjakomba bomoimedja moto o bosooti.» Endelo te Mopalisai modjɔ mo, moto iyoyo osangɔdjɔdea bomotitedjadea, ko moto asatitedjadea bomoangɔdjɔdea.
Yesu adjongoi bana bakɛkɛkɛkɛ
(Boindja pongono a Mat 19, 13-15; Mal 10, 13-16)
15Bato badoaka na bana bakɛkɛlɛkɛ ta dii Yesu bɛngi ababakee mabɔ. Batingami ba nde amaka ibo enɛ iboa, baso babadosa. 16Endelo Yesu abeaka bana bakɛkɛkɛkɛ ko abala bo: «Kinani bana badoe ta dii mbi! Pɛpɛ bobasiani oko, modjɔ mo Bokumu bo Ndjakomba bodii tina e bato ibia badii ondingo ibo. 17Naotɔndeakadeani sooti bo: moto amiti asɔ Bokumu bo Ndjakomba ondingo mwana mokɛkɛ abwaniti bokwea iho.»
Yesu na modieli
(Boindja pongono a Mat 19, 16-30; Mal 10, 17-31)
18Mobanei omɔti o Bayudha amowadja bo: «Molehi mopele, ebwani mbi bokɔɔ nde bɛngi nadie bomɔ bo kɔbili?» 19Yesu abala na nde bo: «Tina ndani obeakadeani molehi mopele? Moto mopele adiiti dongedja oko Ndjakomba. 20Odjebi mibeko: “Otakɔɔkɔbi bɔɔli; otaowakabi moto; otaibakabi; otabalakabi tati e okuta na mina wɛ; osumakabi sangwao ko na ngwao#18, 20 Boindja a Boi 20.12-16; Dit 5.16-20..”» 21Moto omina amosɔmbedja bo: «Nasuma mibeko imia misusu donga ta bwɛngɛ bo mbi.» 22Ndelo eoka Yesu iboa, aso abala na nde bo: «Odiiki na modjɔ momɔti mo bokɔ: tɛkɛ leka losusu lodii na wɛ ko kabana palanga djimina na bakwali, ko odiadea bodieli ta busa; ngɔngɔ djimina doa ko kimanani.» 23Ehole eoka iyo mɛko mimina, asaokea ndjokwa ta molema mo nde, modjɔ mo adaaka na bodieli bonɛnɛ. 24Ndelo eɛnɛ Yesu bo moto omina aimei na ndjokwa aso abala bo: «Edii bopipo bɛngi badieli bakwee ta Bokumu bo Ndjakomba! 25Edii bopipo bɛngi tito okabee bo kamela#18, 25 Kamela: edii tito omɔti onɔi na bonɛnɛ adi Bayudha a ndelo yena odjebakabo engi ndelo a mohelo mo bobo. Adi tito omɔti o ngando ko na mako manɛi ko mandi ma nde bikimana mikama misamano, ko diko di nde mɛtɛlɛ djibae a ilokukuloku, adaaka tina ebotomba bato kana leka. akwee ta ipese di tonga, edii pongono bopipo mɛnɛ na modieli bokwea ta bokumu bo Ndjakomba.» 26Bato ibia bamohokamedjaka babala bo: «Iboa, omina obwani boheledjama nda?» 27Yesu asɔmbedja bo: «Modjɔ mokadaa mopipo ta dii bato modiiti mopipo ta dii Ndjakomba.» 28Petelo abala bo: «Iso, lokini leka lo biso losusu tina e bookimana.» 29Yesu abala na bu: «Oko iboa, nabali na nu: ekadaa moto akini ndako e nde, mwali o nde, bangi nde, baboti kaoko bana ba nde, tina e Bokumu bo Ndjakomba, 30adiabi bodieli bonɛnɛ bonɔ ta ngondo iyeye. Ko adiabi bomɔ bo kɔbili ta ngondo iyena ekɛɛkɛdea adoe.»
Yesu atɔndei naikina bogwa ko na bosisoa bo nde
(Boindja pongono a Mat 20, 17-19; Mal 10, 32-34)
31Yesu atombia batingami doomi na babae mbuti na nde ko abala na bu bo: «Loiweeni ta Yelusalɛmɛ, midjɔ misusu mikomama na batɛli tina e Mwana o moto mikokedjamadea. 32Bamokabadea ta mabɔ ma bato ba bikomi bikina, bamotaadea , bamonɛdjɛdea saya, ko bamotsweadea masɔi. 33Bamobomadea mbalake bamoowadea. Ko ta isu i basato, asisoadea ta bogwa.» 34Endelo batingami baisipoa nongo eka emɔti ebalaka iyo; adii ibo mibalo mimina miidaaka bohu ko baidjebaka nongo eka emɔti epalaka iyo bobala.
Yesu aheledji moto o mɔti o miso mago
(Boindja pongono a Mat 20, 29-34; Mal 10, 46-52)
35Yesu aimea iyo mbuti na Yeliko. Enakoboa moto omɔti o miso mago adaaka ta yɔɔngɔ e ndjea tina e bosɛngɛkɛ leka. 36Aoka iyo emumu e bato ekɛɛkɛ anɔe aso awadja bo: iyena iboa nde? 37Bato bamosɔmbedja bo: «Edii Yesu o Nadjalɛtɛ iyoyo okɛɛkɛdea anɔe.» 38Agama bo: «Yesu, Mwana o Dhapiti, okeani ndjokwa!» 39Bato badalaka boso bo nde bamogamea bɛngi apɔpɔne, endelo agama naikina na ngulu bo: «Mwana o Dhapiti, okeani ndjokwa!» 40Yesu aema ko abaloma bamolwɛe moto omina. Ndelo eimea moto o miso mago mbuti na nde, amowadja bo: 41«Opalakadea nakɔe na wɛ bo?» Amosɔmbedja bo: «Kumu, napalakadea naɛnɛ naikina.» 42Ko Yesu abala na nde bo: «Enɛ naikina, edhimeli e wɛ eohelidji.» 43Na mbala emɔti, moto o miso mago aɛnɛ naikina, akimanaka Yesu ko akumedja Ndjakomba. Amakabo enɛ iboa bato basusu baso bakumedja Ndjakomba.
Iliyochaguliwa sasa
LUKA 18: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 18
18
Ekuanedji e mwali o gwedja moomi ko na djudji.
1Yesu abala naikina na bu ekuanedji emɔti tinae bobainedja bo etungi na bu boangɔnɔ, ehole esusu ko na pɛpɛ boɛmbɛ: 2«Ta ngando emɔti enɛnɛ edaaka na djudji omɔti tasume Ndjakomba ko akaenɛ bato basusu ngasa. 3Ta ngando emina enɛnɛ, edaaka pongono na mwali omɔti ogwedja moomi adoaka abala na djudji bo: “Longedjani boso bo moloni o mbi.” 4Mbala inɛnɛ, djudji alonaka, ko aso asabalea bo: “Edii sooti, te nabange Ndjakomba ko te naɛnɛ bato na tina. 5Endelo mwali iyoyo o bogwaa aembɛdjini, iboa etungi na mbi nakate ikambo di nde, bɛngi, adae pɛpɛ bodoa atungeani naikina.”» 6Kumu abala na ikina bo: «Okani bopele mondumba mobala djudji iyoyo mobe! 7Iboa Ndjakomba, akinadea bokata ikambo di bato ibia bahɔɔ iyo ibia bamɔangɔnɔdea bulu na moi? Abayeyodjadea? 8Naotɔndeini bo: abalongedjadea pɛpɛlɛ mɛnɛ. Endelo ehole edoabi Mwana o moto, ataneabi edhimeli ta ngondo?»
Ekuanedji e Mopalisai ko na moputedji o puti
9Yesu abala ekuanedji iyeye tina e ibia Balɛnɛkɛ bo badaaka na bosooti ko batsiolaka bakina: 10«Bato babae bakɛɛ aangɔnɔ ta tepelo; omɔti adaaka Mopalisai, ko okina adaaka moputedji o puti. 11Mopalisai, angɔ diko, ko aɔngɔnɔkɔ iyo mɛnɛ bo: “Oo Ndjakomba, naosakoakadea modjɔ mo nadiiti o bato ibibi bakina, ibo badi baibi, bato babe bato ba mɔɔli; naosakoi modjɔ mo nadiiti odingo moputedji o puti iyoyo. 12Nakakɔe mongilo masu mabae ta engi eyenga ko nakapute ekenge emɔti e doomi e leka losusu lokadie mbi.” 13Endelo moputedji o puti, aema bohali ko aipala nongo boangɔdjɔ miso o diko, endelo asaboma ta bupa ko abali bo: “Oo Ndjakomba, okeani ndjokwa, modjɔ mo nadii moto o pekato.” 14Nabali na nu bo, moto iyoyo ayana ta ndako e nde ngɔngɔ dji Ndjakomba bomoimedja moto o bosooti.» Endelo te Mopalisai modjɔ mo, moto iyoyo osangɔdjɔdea bomotitedjadea, ko moto asatitedjadea bomoangɔdjɔdea.
Yesu adjongoi bana bakɛkɛkɛkɛ
(Boindja pongono a Mat 19, 13-15; Mal 10, 13-16)
15Bato badoaka na bana bakɛkɛlɛkɛ ta dii Yesu bɛngi ababakee mabɔ. Batingami ba nde amaka ibo enɛ iboa, baso babadosa. 16Endelo Yesu abeaka bana bakɛkɛkɛkɛ ko abala bo: «Kinani bana badoe ta dii mbi! Pɛpɛ bobasiani oko, modjɔ mo Bokumu bo Ndjakomba bodii tina e bato ibia badii ondingo ibo. 17Naotɔndeakadeani sooti bo: moto amiti asɔ Bokumu bo Ndjakomba ondingo mwana mokɛkɛ abwaniti bokwea iho.»
Yesu na modieli
(Boindja pongono a Mat 19, 16-30; Mal 10, 17-31)
18Mobanei omɔti o Bayudha amowadja bo: «Molehi mopele, ebwani mbi bokɔɔ nde bɛngi nadie bomɔ bo kɔbili?» 19Yesu abala na nde bo: «Tina ndani obeakadeani molehi mopele? Moto mopele adiiti dongedja oko Ndjakomba. 20Odjebi mibeko: “Otakɔɔkɔbi bɔɔli; otaowakabi moto; otaibakabi; otabalakabi tati e okuta na mina wɛ; osumakabi sangwao ko na ngwao#18, 20 Boindja a Boi 20.12-16; Dit 5.16-20..”» 21Moto omina amosɔmbedja bo: «Nasuma mibeko imia misusu donga ta bwɛngɛ bo mbi.» 22Ndelo eoka Yesu iboa, aso abala na nde bo: «Odiiki na modjɔ momɔti mo bokɔ: tɛkɛ leka losusu lodii na wɛ ko kabana palanga djimina na bakwali, ko odiadea bodieli ta busa; ngɔngɔ djimina doa ko kimanani.» 23Ehole eoka iyo mɛko mimina, asaokea ndjokwa ta molema mo nde, modjɔ mo adaaka na bodieli bonɛnɛ. 24Ndelo eɛnɛ Yesu bo moto omina aimei na ndjokwa aso abala bo: «Edii bopipo bɛngi badieli bakwee ta Bokumu bo Ndjakomba! 25Edii bopipo bɛngi tito okabee bo kamela#18, 25 Kamela: edii tito omɔti onɔi na bonɛnɛ adi Bayudha a ndelo yena odjebakabo engi ndelo a mohelo mo bobo. Adi tito omɔti o ngando ko na mako manɛi ko mandi ma nde bikimana mikama misamano, ko diko di nde mɛtɛlɛ djibae a ilokukuloku, adaaka tina ebotomba bato kana leka. akwee ta ipese di tonga, edii pongono bopipo mɛnɛ na modieli bokwea ta bokumu bo Ndjakomba.» 26Bato ibia bamohokamedjaka babala bo: «Iboa, omina obwani boheledjama nda?» 27Yesu asɔmbedja bo: «Modjɔ mokadaa mopipo ta dii bato modiiti mopipo ta dii Ndjakomba.» 28Petelo abala bo: «Iso, lokini leka lo biso losusu tina e bookimana.» 29Yesu abala na bu: «Oko iboa, nabali na nu: ekadaa moto akini ndako e nde, mwali o nde, bangi nde, baboti kaoko bana ba nde, tina e Bokumu bo Ndjakomba, 30adiabi bodieli bonɛnɛ bonɔ ta ngondo iyeye. Ko adiabi bomɔ bo kɔbili ta ngondo iyena ekɛɛkɛdea adoe.»
Yesu atɔndei naikina bogwa ko na bosisoa bo nde
(Boindja pongono a Mat 20, 17-19; Mal 10, 32-34)
31Yesu atombia batingami doomi na babae mbuti na nde ko abala na bu bo: «Loiweeni ta Yelusalɛmɛ, midjɔ misusu mikomama na batɛli tina e Mwana o moto mikokedjamadea. 32Bamokabadea ta mabɔ ma bato ba bikomi bikina, bamotaadea , bamonɛdjɛdea saya, ko bamotsweadea masɔi. 33Bamobomadea mbalake bamoowadea. Ko ta isu i basato, asisoadea ta bogwa.» 34Endelo batingami baisipoa nongo eka emɔti ebalaka iyo; adii ibo mibalo mimina miidaaka bohu ko baidjebaka nongo eka emɔti epalaka iyo bobala.
Yesu aheledji moto o mɔti o miso mago
(Boindja pongono a Mat 20, 29-34; Mal 10, 46-52)
35Yesu aimea iyo mbuti na Yeliko. Enakoboa moto omɔti o miso mago adaaka ta yɔɔngɔ e ndjea tina e bosɛngɛkɛ leka. 36Aoka iyo emumu e bato ekɛɛkɛ anɔe aso awadja bo: iyena iboa nde? 37Bato bamosɔmbedja bo: «Edii Yesu o Nadjalɛtɛ iyoyo okɛɛkɛdea anɔe.» 38Agama bo: «Yesu, Mwana o Dhapiti, okeani ndjokwa!» 39Bato badalaka boso bo nde bamogamea bɛngi apɔpɔne, endelo agama naikina na ngulu bo: «Mwana o Dhapiti, okeani ndjokwa!» 40Yesu aema ko abaloma bamolwɛe moto omina. Ndelo eimea moto o miso mago mbuti na nde, amowadja bo: 41«Opalakadea nakɔe na wɛ bo?» Amosɔmbedja bo: «Kumu, napalakadea naɛnɛ naikina.» 42Ko Yesu abala na nde bo: «Enɛ naikina, edhimeli e wɛ eohelidji.» 43Na mbala emɔti, moto o miso mago aɛnɛ naikina, akimanaka Yesu ko akumedja Ndjakomba. Amakabo enɛ iboa bato basusu baso bakumedja Ndjakomba.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)