LUKA 10
10
Elomu e batingami tuku sambo na babae
1Ngɔngɔ djimina, Kumu ahɔɔ batingami bakina tuku sambo na babae ko abaloma babae babae bakɛɛ boso bo nde ta ngando inɛnɛnɛ djisusu, ko ta bisika bisusu bikanaka iyo bokɛɛ. 2Abala na bu bo: «Mbuma ikpeti inɛnɛ ta gbie, endelo basali badii bakɛɛkɛ. Angɔnɔni moswa gbie alome basali ta gbie e nde. 3Kɛɛni! Naolomini ondingo bana ba bhata ta ndanda e swa. 4Pɛpɛ botombani mosenge, tɔmbi, kaoko sapato; pɛpɛ bobedjani ngonga na ndjea aiseakake bato. 5Okakweani ta ndako emɔti, balani boso bo: “Bogo bodae ta ndako iyeye.” 6Ekadaa bo moto o bogo akadaa ena, bogo bo bino bodae ta tei e nde; emitidaa iboa, bogo bomina bosɔmbe ta dii ino. 7Dikamani ta ndako emina, yakani ko mwakani eka esusu eopadeani ibo, modjɔ mo mosali abɔngi bodia iputi di nde. Pɛpɛ bokweanani ta ndako na ndako. 8Ta ngando enɛnɛ esusu ekweabi ino ko bakaoasɔni, yakani eka esusu eopabini ibo; 9heledjani bato ba bego badii iyana ko batɔndeani bo: “Bokumu bo Ndjakomba boimei mbuti na nu.” 10Endelo ta ngando enɛnɛ esusu ekweadea ino ko bamiti oasɔni, djumani na ndjea ko batɔndeani bo: 11“Lohakoakadea nongo idutu di ngando enɛnɛ e bino idii dikalimeaki ta bigbota bi biso. Endelo, djebani bopele bo Bokumu bo Ndjakomba bobatami.” 12Nabalakadea na nu bo: ta busa bo Sambi, etumbu e bato ba ngando enɛnɛ emina enɔɔbi e bato ba Sɔdɔmɔ#10, 12 Boindja a Mba 19.24-28..»
Ngando dji inɛnɛ iloni bodimea
(Boindja pongono a Mat 11, 20-24)
13«Ndjokwa e wɛ, Koladjini! Ndjokwa e wɛ, Betesaida! Modjɔ mo bingengo bikɔmɔ ta ndanda e bino biso bikɔmɔ ta Tile na Sidona, ka bato ba dju bahombedja milema mi bobo ehele, ka bainedja ndjokwa e bobo na bolwa bisendja bi pili na bosama ta mihulu. 14Ta tina emina, ta busa bo Sambi, Tile ko na Sidona badiadea etumbu ekɛɛkɛ bonɔ ino. 15Ko wɛ, Kapalanaume, oiweadea ta busa? Otitedjamadea ta ngondo e bato bago#10, 15 Isa 14.13-15..» 16«Moto iyoyo okeabini, aokei ni; ko iyoyo o odumbini, adumbini; iyo odumbini, adumbi Iyoyo olomani.»
Ihule di batingami tuku sambo na babae
17Batingami tuku sambo na babae bahula na sepi enɛnɛ babala bo: «Kumu, nongo membo mibe mi losumi ta kombe e wɛ!» 18Yesu asɔmbedja bo: «Naɛnɛki Satana bodonga ta o diko bokwa ta kpɔtɔ ondingo mo mokalikali. 19Okani: naopabini bokondji bo bodalakaka ndjɔ na koolo#10, 19 Koolo adii mo mbowa omɔti mokɛkɛ kona mokɔmbɔ moyai ko ta suka suka emu edii na diino dimɔti idii na moselo. Ibwani bibenedja pola dji saya ko ndelo ekina abwani boowa., ko bobedja ngulu djisusu dji mobedji, ko pɛpɛ eka emɔti ebwani bookɔɔni bobe. 20Pɛpɛ bosepani oko tina e bo membo mibe miosumini; endelo sepani modjɔ mo kombe dji bino djikomami ta busa.»
Sepi e Yesu
(Boindja pongono a Mat 11, 25-27; 13, 16-17)
21Ko ta ehole emina, Yesu aluma na sepi ta tei e Mwembo Mosɛnɔke ko abala na ngulu bo: «Oo Sesa, naosakoakadea, Kumu o busa na kpɔtɔ, modjɔ mo obomba mɛko imimi ta dii bato ba ndjebi ko na bato ba bowɛi ko omiinedji ta dii bɛngɛ. Sesa edii oko boa, modjɔ mo opala ekɔme oko boa.
22«Sesa apani midjɔɔ misusu. Moto omɔti abwaniti bodjeba Mwana dongedja o ko Sange o moto, moto omɔti atadjeba Sange o moto dongedja oko Mwana, ko na iyona opali Mwana bomoinedja.»
23Ko Yesu ahokoa ta dii batingami ba nde ko abala na ibo bɛɛnɛ bo: «Mongandi ta miso imia maenɛkɛdea midjɔ imimi miɛnɛkɛɛdea ino! 24Modjɔ mo, naotɔndeini bo, batɛli na bakondji banɛnɛ bapala baɛnɛ ko baoke midjɔ imi mienɛkɛɛdea ino ko miokakadea ino, endelo baimienɛ ko baimioka#10, 24 Kuanedja a 1Pi 1.10612..»
Ekuanedji e Mosamalia mopele
25Molehi o mɔti o mobeko adoa ko awadja Yesu bɛngi amomeke. Abala na nde bo: «Molehi, ebwani mbi bokɔɔ nde bɛngi nadie bomɔ bo kɔbili?» 26Yesu amosɔmbedja bo: «Ekoma ibo ta mobeko nde? Ekalange wɛ ena nde?» 27Amosɔmbedja bo: «“Opaladea Kumu Ndjakomba o wɛ, na molema mo wɛ itombo, na dongi di wɛ disusu, na ngulu e wɛ esusu, ko na bowɛi bo wɛ bosusu, okopala mina wɛ moto ondingo wɛ mɛɛnɛ.”» 28Iboa Yesu amosɔmbedja bo: «Osɔmbedji bopele. Kɔɔ oko iboa ko oheladea.» 29Endelo molehi o mobeko apalaka bosalongedja. Iboa awadja Yesu bo: «Mina mbi edii nda?» 30Yesu asɔmbedja bo: «Moto omɔti adonga ta Yelusalɛmɛ ko atitaka ta Yeliko, asonganaka na bapundji bamokatoa, bamoboma, bakɛɛ ko bamokina ndoko. 31Nganga o Ndjakomba omɔti anɔɔkɔ ta ndjea emina. Amoɛnɛ, ko amobambaa ta ngunda ekina e ndjea ko anɔɔ. 32Mondumba momɔti pongono, molewi aimea ta esika emina, amoɛnɛ, ko amobamba. 33Endelo Mosamalia omɔti, anɔɔkɔ ta ndjea emina, aimea mbuti na moto omina. Amoɛnɛ, ko amookea pɛhɛ. 34Abatama mbuti na nde, ko asopea munɛ ko vino#10, 34 Munɛ na vino: edii salo ekɔkɔ bo a ndelo yena tina e boɛmbɛdjɛ saya (munɛ) ko bosidja mikɔlɔbɛ mi pola (vino). Boindja a Isa 1.6. ta pola emina ko aenanga na esendja. Amokondedja ta diko di punda o nde mɛnɛ akɛɛ na nde ta ndako e bakɛndɛli, ko amokɔmedja bopele. 35Amakaya busa, aiwa pata dji palanga djibae, abipa ta dii mobanei o ndako e bakɛndɛli ko abala na nde bo: “Saloa moto iyo; okabakeadea palanga djikina diko, ta ihule di mbi naosɔmbedjadea.”»
36«Moto iyoyo okatoa bapundji, ta tei e bobo basato, odii mɛɛnɛ mina nde nda?» 37Molehi o mobeko asɔmbedja bo: «Edii iyoyo omookea pɛhɛ.» Yesu abala na nde bo: «Kɛɛ ko wɛ kɔɔ pongono oko iboa.»
Yesu ta ndako e Malata na Malia
38A ehole edaka Yesu na batingami ba nde na ndjea, akwea ta ngando emɔti ko mwali omɔti, kombe e nde Malata, amoasɔ ta ndako e nde. 39Iyo adaaka na mwange ende o mwali omɔti, kombe e nde Malia, ko iyo, adaaka na mobondo ta mako ma Kumu, ko aokaka midjɔ mibalaka iyo. 40Malata asatungea na mosala mo bokalea leka. Adoa ko abala bo: «Kumu, otaenɛkɛdea edii bobe ndenge esakinani mwange mbi na misala misusu mbi mɛnɛ? Bala na nde adoe akamoani.» 41Kumu amosɔmbedja bo: «Malata, Malata, odii bosatungea ko bosapa saya tina e mɛko minɛnɛ, 42endelo modjɔ momɔti pɛ monɔi na tɛtɔ. Malia ahɔi ibondo dipele, ko moto ataikatoadea.»
Iliyochaguliwa sasa
LUKA 10: ngc
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)
LUKA 10
10
Elomu e batingami tuku sambo na babae
1Ngɔngɔ djimina, Kumu ahɔɔ batingami bakina tuku sambo na babae ko abaloma babae babae bakɛɛ boso bo nde ta ngando inɛnɛnɛ djisusu, ko ta bisika bisusu bikanaka iyo bokɛɛ. 2Abala na bu bo: «Mbuma ikpeti inɛnɛ ta gbie, endelo basali badii bakɛɛkɛ. Angɔnɔni moswa gbie alome basali ta gbie e nde. 3Kɛɛni! Naolomini ondingo bana ba bhata ta ndanda e swa. 4Pɛpɛ botombani mosenge, tɔmbi, kaoko sapato; pɛpɛ bobedjani ngonga na ndjea aiseakake bato. 5Okakweani ta ndako emɔti, balani boso bo: “Bogo bodae ta ndako iyeye.” 6Ekadaa bo moto o bogo akadaa ena, bogo bo bino bodae ta tei e nde; emitidaa iboa, bogo bomina bosɔmbe ta dii ino. 7Dikamani ta ndako emina, yakani ko mwakani eka esusu eopadeani ibo, modjɔ mo mosali abɔngi bodia iputi di nde. Pɛpɛ bokweanani ta ndako na ndako. 8Ta ngando enɛnɛ esusu ekweabi ino ko bakaoasɔni, yakani eka esusu eopabini ibo; 9heledjani bato ba bego badii iyana ko batɔndeani bo: “Bokumu bo Ndjakomba boimei mbuti na nu.” 10Endelo ta ngando enɛnɛ esusu ekweadea ino ko bamiti oasɔni, djumani na ndjea ko batɔndeani bo: 11“Lohakoakadea nongo idutu di ngando enɛnɛ e bino idii dikalimeaki ta bigbota bi biso. Endelo, djebani bopele bo Bokumu bo Ndjakomba bobatami.” 12Nabalakadea na nu bo: ta busa bo Sambi, etumbu e bato ba ngando enɛnɛ emina enɔɔbi e bato ba Sɔdɔmɔ#10, 12 Boindja a Mba 19.24-28..»
Ngando dji inɛnɛ iloni bodimea
(Boindja pongono a Mat 11, 20-24)
13«Ndjokwa e wɛ, Koladjini! Ndjokwa e wɛ, Betesaida! Modjɔ mo bingengo bikɔmɔ ta ndanda e bino biso bikɔmɔ ta Tile na Sidona, ka bato ba dju bahombedja milema mi bobo ehele, ka bainedja ndjokwa e bobo na bolwa bisendja bi pili na bosama ta mihulu. 14Ta tina emina, ta busa bo Sambi, Tile ko na Sidona badiadea etumbu ekɛɛkɛ bonɔ ino. 15Ko wɛ, Kapalanaume, oiweadea ta busa? Otitedjamadea ta ngondo e bato bago#10, 15 Isa 14.13-15..» 16«Moto iyoyo okeabini, aokei ni; ko iyoyo o odumbini, adumbini; iyo odumbini, adumbi Iyoyo olomani.»
Ihule di batingami tuku sambo na babae
17Batingami tuku sambo na babae bahula na sepi enɛnɛ babala bo: «Kumu, nongo membo mibe mi losumi ta kombe e wɛ!» 18Yesu asɔmbedja bo: «Naɛnɛki Satana bodonga ta o diko bokwa ta kpɔtɔ ondingo mo mokalikali. 19Okani: naopabini bokondji bo bodalakaka ndjɔ na koolo#10, 19 Koolo adii mo mbowa omɔti mokɛkɛ kona mokɔmbɔ moyai ko ta suka suka emu edii na diino dimɔti idii na moselo. Ibwani bibenedja pola dji saya ko ndelo ekina abwani boowa., ko bobedja ngulu djisusu dji mobedji, ko pɛpɛ eka emɔti ebwani bookɔɔni bobe. 20Pɛpɛ bosepani oko tina e bo membo mibe miosumini; endelo sepani modjɔ mo kombe dji bino djikomami ta busa.»
Sepi e Yesu
(Boindja pongono a Mat 11, 25-27; 13, 16-17)
21Ko ta ehole emina, Yesu aluma na sepi ta tei e Mwembo Mosɛnɔke ko abala na ngulu bo: «Oo Sesa, naosakoakadea, Kumu o busa na kpɔtɔ, modjɔ mo obomba mɛko imimi ta dii bato ba ndjebi ko na bato ba bowɛi ko omiinedji ta dii bɛngɛ. Sesa edii oko boa, modjɔ mo opala ekɔme oko boa.
22«Sesa apani midjɔɔ misusu. Moto omɔti abwaniti bodjeba Mwana dongedja o ko Sange o moto, moto omɔti atadjeba Sange o moto dongedja oko Mwana, ko na iyona opali Mwana bomoinedja.»
23Ko Yesu ahokoa ta dii batingami ba nde ko abala na ibo bɛɛnɛ bo: «Mongandi ta miso imia maenɛkɛdea midjɔ imimi miɛnɛkɛɛdea ino! 24Modjɔ mo, naotɔndeini bo, batɛli na bakondji banɛnɛ bapala baɛnɛ ko baoke midjɔ imi mienɛkɛɛdea ino ko miokakadea ino, endelo baimienɛ ko baimioka#10, 24 Kuanedja a 1Pi 1.10612..»
Ekuanedji e Mosamalia mopele
25Molehi o mɔti o mobeko adoa ko awadja Yesu bɛngi amomeke. Abala na nde bo: «Molehi, ebwani mbi bokɔɔ nde bɛngi nadie bomɔ bo kɔbili?» 26Yesu amosɔmbedja bo: «Ekoma ibo ta mobeko nde? Ekalange wɛ ena nde?» 27Amosɔmbedja bo: «“Opaladea Kumu Ndjakomba o wɛ, na molema mo wɛ itombo, na dongi di wɛ disusu, na ngulu e wɛ esusu, ko na bowɛi bo wɛ bosusu, okopala mina wɛ moto ondingo wɛ mɛɛnɛ.”» 28Iboa Yesu amosɔmbedja bo: «Osɔmbedji bopele. Kɔɔ oko iboa ko oheladea.» 29Endelo molehi o mobeko apalaka bosalongedja. Iboa awadja Yesu bo: «Mina mbi edii nda?» 30Yesu asɔmbedja bo: «Moto omɔti adonga ta Yelusalɛmɛ ko atitaka ta Yeliko, asonganaka na bapundji bamokatoa, bamoboma, bakɛɛ ko bamokina ndoko. 31Nganga o Ndjakomba omɔti anɔɔkɔ ta ndjea emina. Amoɛnɛ, ko amobambaa ta ngunda ekina e ndjea ko anɔɔ. 32Mondumba momɔti pongono, molewi aimea ta esika emina, amoɛnɛ, ko amobamba. 33Endelo Mosamalia omɔti, anɔɔkɔ ta ndjea emina, aimea mbuti na moto omina. Amoɛnɛ, ko amookea pɛhɛ. 34Abatama mbuti na nde, ko asopea munɛ ko vino#10, 34 Munɛ na vino: edii salo ekɔkɔ bo a ndelo yena tina e boɛmbɛdjɛ saya (munɛ) ko bosidja mikɔlɔbɛ mi pola (vino). Boindja a Isa 1.6. ta pola emina ko aenanga na esendja. Amokondedja ta diko di punda o nde mɛnɛ akɛɛ na nde ta ndako e bakɛndɛli, ko amokɔmedja bopele. 35Amakaya busa, aiwa pata dji palanga djibae, abipa ta dii mobanei o ndako e bakɛndɛli ko abala na nde bo: “Saloa moto iyo; okabakeadea palanga djikina diko, ta ihule di mbi naosɔmbedjadea.”»
36«Moto iyoyo okatoa bapundji, ta tei e bobo basato, odii mɛɛnɛ mina nde nda?» 37Molehi o mobeko asɔmbedja bo: «Edii iyoyo omookea pɛhɛ.» Yesu abala na nde bo: «Kɛɛ ko wɛ kɔɔ pongono oko iboa.»
Yesu ta ndako e Malata na Malia
38A ehole edaka Yesu na batingami ba nde na ndjea, akwea ta ngando emɔti ko mwali omɔti, kombe e nde Malata, amoasɔ ta ndako e nde. 39Iyo adaaka na mwange ende o mwali omɔti, kombe e nde Malia, ko iyo, adaaka na mobondo ta mako ma Kumu, ko aokaka midjɔ mibalaka iyo. 40Malata asatungea na mosala mo bokalea leka. Adoa ko abala bo: «Kumu, otaenɛkɛdea edii bobe ndenge esakinani mwange mbi na misala misusu mbi mɛnɛ? Bala na nde adoe akamoani.» 41Kumu amosɔmbedja bo: «Malata, Malata, odii bosatungea ko bosapa saya tina e mɛko minɛnɛ, 42endelo modjɔ momɔti pɛ monɔi na tɛtɔ. Malia ahɔi ibondo dipele, ko moto ataikatoadea.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
©2025 Communauté des Eglises Travaillistes (CET)