Markus 5
5
Yesu a mbəl hedi tə abə mimiɗ tə abə ndəra dəlay iyi i mə zləŋgaŋ takwaŋ
(Matta 8:28-34; Luka 8:26-39)
1Yesu abə gula ŋga iyi i gwaraha kəɗi əŋ kəv məzəwindi tə gaw tə Galili əŋ hayak tə Geraseni iyi#5:1 Matta 8:28.. 2Əŋ Yesu a kəbəreŋgehe əŋ kambuwal, mbehmbeh mba, hedi məzəwindi tə abə mimiɗ tə abə ndəra dəlay əŋ talaŋ aka, a təɗaha əŋ talaŋ jiɓ iyi, a kəndaha ley gbamaŋ talaŋ əŋ Yesu. 3Nja ŋga seh a talaŋ jiɓ iyi, hedi mə gula i jawza halla, kwa abə calalu. 4I kəjawaŋ ŋgas ŋga iyi abə ndəra ŋga iyi hwayhway abə calalu iyi liŋ abə malaway, ama a mətaɗ calalu iyi ta, a ŋga malaway iyi ta. Fagay ŋga kəday hedi mə jawu iyi za. 5Njaɗu abə pis fuk a kəpik əŋ talaŋ jiɓ iyi abə a wuzum, a kəja varay abə fagay, a kəŋgwar wucum ŋga abə nvəŋ iyi.
6Əŋ mbiŋ mə lim Yesu abə guduk ta seh, a hiy, a dar malakw a ma ŋga. 7Ɓa, a ja varay abə fagay, a zla: «Yesu, Mbu tə Bizlaf tə wuzlaf, hwa mba tə a sa mey? Sa kəɗalah mbuh abə miya tə Bizlaf tə wuzlaf, hwa mba i zləŋgaka takwaŋ səku!» 8A zlap mənaŋ wa seh, məŋgəvday Yesu a kəzlapaŋgu, a zla: «Mimiɗ tə abə ndəra dəlay, təɗaha za əŋ talaŋ tə hedi wa!» 9Abə dawaŋ ta, Yesu a ɗəpu, a zla: «Miya təkwa mey?» A ziŋgeŋ zlap, a zla: «Miya na seh, “Mbeh səku”, məŋgəvday nini mimiɗ madawar iyi mbeh səku.» 10Ɓa, a jaŋ ndəra əŋ Yesu ŋgas mbeh səku, amba mə mba i gamta guduk abə hayak ta səku.
11A namba, ŋgaɓa tə gəldam iyi mbeh səku, i kəjaŋ a bəra wuzum. 12Mimiɗ tə abə ndəra dəlay iyi sey, i jaŋ ndəra əŋ Yesu, i zla: «Vəlanini kataf amba nini təɗ əŋ talaŋ tə gəldam iyi cuwa.» 13Yesu a vəlaŋta kataf. Ɓa, i təɗaha tata əŋ talaŋ tə hedi ta, i nda əŋ talaŋ tə gəldam iyi sey. Ŋgaɓa tə gəldam iyi ta a ɗal mbeh kwata gabal bək, i hiy tata abə fagay əŋ heleleŋ, i nahaha tata mar tə a kwaɗahw əŋ gaw, i kəkuɗəp tata za fuk a namba.
14Njʉwiŋ tə gəldam iyi ta i hiy tata, i nda i giz labara ta əŋ hedi tə berne iyi abə tə wuta iyi. Ɓa, hedi iyi ta i ndaha ley gər məsəkəŋ mə ɗal ta. 15I gwaraha əŋ kelek Yesu, i lim hedi mimiɗ tə abə ndəra dəlay sə mbeh səku iyi tə əŋ talaŋ sey, mə nji abə rukut a wucum, a kəsəŋ burŋguzl izey. I kələndəŋ za. 16Hedi iyi i mə lim məsəkəŋ mə ɗal iyi ta fuk i giz məsəkəŋ mə taŋ tə a talaŋ hedi tə abə mimiɗ tə abə ndəra dəlay tə əŋ talaŋ sey liŋ məsəkəŋ mə taŋ tə a talaŋ gəldam iyi sey əŋ hedi iyi. 17Abə dawaŋ ta izey, hedi iyi ta i rək Yesu mə gar ŋga za əŋ hayak tata.
18Əŋ Yesu a kətap əŋ kambuwal, hedi mbiŋ mə gamaŋ mimiɗ tə abə ndəra dəlay tə əŋ talaŋ sey, a jaŋ ndəra, a zla: «A mbuh, sa mba i nja abə hwa.» 19Yesu kəvəlaŋ kataf halla, ama a zlapaŋgu, a zla: «Ziŋ əŋ ge təkwa əŋ kelek hedi təkwa iyi, gizeŋta məsəkəŋ Bay Bizlaf mə ɗalah fuk liŋ abə mbiŋ mə səŋgah nje həhər wa.» 20Hedi ta a nda ŋga izey, ɓa, a mar ley giz məsəkəŋ Yesu mə ɗal tə a talaŋ ŋga iyi fuk əŋ hedi iyi tə əŋ hayak məzəwindi aka i ɗafaŋ ma «berne iyi wam», ha hedi iyi fuk i kəhar za mbeh səku.
Yesu a mbəl wala mə ges ndəra tə a rukut ŋga liŋ abə mbiŋ mə garaha hazləma tə Jayrus əŋ məc
(Matta 9:18-26; Luka 8:40-56)
21Yesu a kəziŋgehe abə kambuwal kəɗi kəv məzəwindi tə gaw tə Galili sey. Hedi makwas sə mbeh səku iyi i kwas a kelek ŋga a meɗek gaw ta. 22Hedi məzəwindi aka, miya ŋga Jayrus, ar hedi ntaɗ tə əŋ faŋw tə talaŋ habay iyi tə əŋ biŋ kə ɗal mbuh əŋ Bizlaf, a gwaraha. A lim Yesu, ɓa, a daraŋ malakw a ma ŋga, 23a rəku ŋgas mbeh səku, a zla: «Hazləma na a kənda i məc. Ndaha ley ɗiyaŋ ndəra təkwa a talaŋ ŋga amba a mbəl, ɓa, a nja abə nje.» 24Yesu a nda abə mbiŋ. Hedi makwas iyi i kəziberʉ, i kəŋgəcu kwa kəɗi vitikey fuk.
25Əŋ faŋw tə hedi iyi ta, wala məzəwindi aka, məmbəz a kəhiyaha a dəməs kəɗal va wam a meɗek bək. 26Kənda za əŋ kelek dakwter iyi ŋgas mbeh səku, kəgay dala ŋga fuk, ama kəlim gelɓe halla, məc ta a kəceh i zləŋgaŋ takwaŋ abə fagay. 27Wala ta, a zlim labara tə Yesu. A ndaha kəɗi dawaŋ ŋga əŋ faŋw tə hedi makwas iyi, ɓa, a ges ndəra a rukut ŋga, 28məŋgəvday kəwulək za əŋ nəf ŋga, a zla: «Əŋgah sa kəlim za ley ges ndəra kwa a rukut ŋga dap seh, sa mbəl za.» 29Əŋ wala ta mə ges ndəra a rukut ŋga seh, mbehmbeh mba, məmbəz ŋga mə hiyaha sey a rəsl, a səŋ əŋ wucum ŋga kəmbəl ŋga za əŋ məc ŋga ta. 30Mbehmbeh mba, Yesu a səŋ fagay kətəɗaha za əŋ wucum ŋga. A buw nje əŋ faŋw tə hedi iyi əŋ dawaŋ, a ɗəpta, a zla: «Mə ges ndəra a rukut na wa seh viyey?» 31Gula ŋga iyi i ziŋgeŋ zlap, i zla: «Hwa kəgər hedi iyi i kəŋgəcah, kwa kəɗi kəv vitikey fuk wa seh, hwa ɗəpanini, hwa zla: “Mə ges ndəra a sa wa seh viyey seh viŋgey?”»
32Ama Yesu a gər nje kəɗi a hedi mə tuləku iyi amba ley gər hedi mə geseŋ ndəra ta. 33Wala ta, ləndəŋ kəɗalaŋ za, a kənəna məŋgəvday a kəsəŋ məsəkəŋ mə taŋ tə abə mbiŋ. A ndaha, a ndəv əŋ gədaŋ ŋgas ŋga iyi, ɓa, a gizeŋ səntaŋ tə ma ta fuk. 34Yesu a zlapaŋgu, a zla: «Hazləma na, kuw ma təkwa kəreheh za. Nda təkwa abə zahay, məc təkwa aka səku ba.»
35Əŋ Yesu a kəzlap ndagwa seh, hedi iyi i ndaha a ge Jayrus, talaŋ habay tə əŋ biŋ kə ɗal mbuh əŋ Bizlaf, i zlapaŋgu, i zla: «Hazləma təkwa kəməc cuza. Hwa ŋgaŋ talaŋ tə Bay Bayta baha seh, məŋgəvday a mey?» 36Ama Yesu kəɗiy ma tata iyi ta əŋ nəf ŋga seh halla, a zlapaŋ əŋ Jayrus, talaŋ habay tə əŋ biŋ kə ɗal mbuh əŋ Bizlaf, a zla: «Hwa mba i ləndəŋ səku, kuw ma dap.» 37Kəyakaŋ kataf kwa əŋ hedi ley nda abə mbiŋ seh halla, sey əŋ Piyer, əŋ Yakuba, əŋ Yahwana zliŋgeŋ tə Yakuba. 38I gwar əŋ ge Jayrus talaŋ habay tə əŋ biŋ kə ɗal mbuh əŋ Bizlaf, a namba Yesu a lim hedi iyi i kəmbuw ma, i kəhaŋ, i kəja varay abə fagay. 39A təɗ əŋ ge ta, a zlapaŋta, a zla: «Hi mbuw ma mənaŋ wa seh məŋgəvday a mey? Hi haŋ mənaŋ wa seh məŋgəvday a mey? Mbu ta, kəməc halla, ama a kəwaŋ.» 40Ama hedi iyi ta i ɓasaŋ a talaŋ. Abə dawaŋ ta, a təɗahata fuk a palah. A ŋgasl baba abə mama tə hazləma ta, liŋ gula ŋga mə ziberehew iyi. A təɗ əŋ biŋ əŋ hazləma mə waŋ tə ɗəməŋ. 41A məl ndəra tə hazləma ta, ɓa, a zlapaŋgu, a zla: «Talita kumi!» Mənaŋ zlap ta seh: «Hazləma, sa kəzlapah, garaha təkwa!»
42Mbehmbeh mba, hazləma ta a gar, ɓa, a mar ley nda. Hazləma ta va ŋga wam a meɗek bək. Hedi tə a namba iyi fuk i kəhar za mbeh səku. 43Ama Yesu a ŋgəzta abə gwazlak, a zla: «Hi mba i giz əŋ kwa viyey səku.» Abə dawaŋ ta, a zlapaŋta baha, a zla: «Hi vəlaŋ məsəkəŋ kə zəm əŋ hazləma ta.»
Iliyochaguliwa sasa
Markus 5: xmd
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Markus 5
5
Yesu a mbəl hedi tə abə mimiɗ tə abə ndəra dəlay iyi i mə zləŋgaŋ takwaŋ
(Matta 8:28-34; Luka 8:26-39)
1Yesu abə gula ŋga iyi i gwaraha kəɗi əŋ kəv məzəwindi tə gaw tə Galili əŋ hayak tə Geraseni iyi#5:1 Matta 8:28.. 2Əŋ Yesu a kəbəreŋgehe əŋ kambuwal, mbehmbeh mba, hedi məzəwindi tə abə mimiɗ tə abə ndəra dəlay əŋ talaŋ aka, a təɗaha əŋ talaŋ jiɓ iyi, a kəndaha ley gbamaŋ talaŋ əŋ Yesu. 3Nja ŋga seh a talaŋ jiɓ iyi, hedi mə gula i jawza halla, kwa abə calalu. 4I kəjawaŋ ŋgas ŋga iyi abə ndəra ŋga iyi hwayhway abə calalu iyi liŋ abə malaway, ama a mətaɗ calalu iyi ta, a ŋga malaway iyi ta. Fagay ŋga kəday hedi mə jawu iyi za. 5Njaɗu abə pis fuk a kəpik əŋ talaŋ jiɓ iyi abə a wuzum, a kəja varay abə fagay, a kəŋgwar wucum ŋga abə nvəŋ iyi.
6Əŋ mbiŋ mə lim Yesu abə guduk ta seh, a hiy, a dar malakw a ma ŋga. 7Ɓa, a ja varay abə fagay, a zla: «Yesu, Mbu tə Bizlaf tə wuzlaf, hwa mba tə a sa mey? Sa kəɗalah mbuh abə miya tə Bizlaf tə wuzlaf, hwa mba i zləŋgaka takwaŋ səku!» 8A zlap mənaŋ wa seh, məŋgəvday Yesu a kəzlapaŋgu, a zla: «Mimiɗ tə abə ndəra dəlay, təɗaha za əŋ talaŋ tə hedi wa!» 9Abə dawaŋ ta, Yesu a ɗəpu, a zla: «Miya təkwa mey?» A ziŋgeŋ zlap, a zla: «Miya na seh, “Mbeh səku”, məŋgəvday nini mimiɗ madawar iyi mbeh səku.» 10Ɓa, a jaŋ ndəra əŋ Yesu ŋgas mbeh səku, amba mə mba i gamta guduk abə hayak ta səku.
11A namba, ŋgaɓa tə gəldam iyi mbeh səku, i kəjaŋ a bəra wuzum. 12Mimiɗ tə abə ndəra dəlay iyi sey, i jaŋ ndəra əŋ Yesu, i zla: «Vəlanini kataf amba nini təɗ əŋ talaŋ tə gəldam iyi cuwa.» 13Yesu a vəlaŋta kataf. Ɓa, i təɗaha tata əŋ talaŋ tə hedi ta, i nda əŋ talaŋ tə gəldam iyi sey. Ŋgaɓa tə gəldam iyi ta a ɗal mbeh kwata gabal bək, i hiy tata abə fagay əŋ heleleŋ, i nahaha tata mar tə a kwaɗahw əŋ gaw, i kəkuɗəp tata za fuk a namba.
14Njʉwiŋ tə gəldam iyi ta i hiy tata, i nda i giz labara ta əŋ hedi tə berne iyi abə tə wuta iyi. Ɓa, hedi iyi ta i ndaha ley gər məsəkəŋ mə ɗal ta. 15I gwaraha əŋ kelek Yesu, i lim hedi mimiɗ tə abə ndəra dəlay sə mbeh səku iyi tə əŋ talaŋ sey, mə nji abə rukut a wucum, a kəsəŋ burŋguzl izey. I kələndəŋ za. 16Hedi iyi i mə lim məsəkəŋ mə ɗal iyi ta fuk i giz məsəkəŋ mə taŋ tə a talaŋ hedi tə abə mimiɗ tə abə ndəra dəlay tə əŋ talaŋ sey liŋ məsəkəŋ mə taŋ tə a talaŋ gəldam iyi sey əŋ hedi iyi. 17Abə dawaŋ ta izey, hedi iyi ta i rək Yesu mə gar ŋga za əŋ hayak tata.
18Əŋ Yesu a kətap əŋ kambuwal, hedi mbiŋ mə gamaŋ mimiɗ tə abə ndəra dəlay tə əŋ talaŋ sey, a jaŋ ndəra, a zla: «A mbuh, sa mba i nja abə hwa.» 19Yesu kəvəlaŋ kataf halla, ama a zlapaŋgu, a zla: «Ziŋ əŋ ge təkwa əŋ kelek hedi təkwa iyi, gizeŋta məsəkəŋ Bay Bizlaf mə ɗalah fuk liŋ abə mbiŋ mə səŋgah nje həhər wa.» 20Hedi ta a nda ŋga izey, ɓa, a mar ley giz məsəkəŋ Yesu mə ɗal tə a talaŋ ŋga iyi fuk əŋ hedi iyi tə əŋ hayak məzəwindi aka i ɗafaŋ ma «berne iyi wam», ha hedi iyi fuk i kəhar za mbeh səku.
Yesu a mbəl wala mə ges ndəra tə a rukut ŋga liŋ abə mbiŋ mə garaha hazləma tə Jayrus əŋ məc
(Matta 9:18-26; Luka 8:40-56)
21Yesu a kəziŋgehe abə kambuwal kəɗi kəv məzəwindi tə gaw tə Galili sey. Hedi makwas sə mbeh səku iyi i kwas a kelek ŋga a meɗek gaw ta. 22Hedi məzəwindi aka, miya ŋga Jayrus, ar hedi ntaɗ tə əŋ faŋw tə talaŋ habay iyi tə əŋ biŋ kə ɗal mbuh əŋ Bizlaf, a gwaraha. A lim Yesu, ɓa, a daraŋ malakw a ma ŋga, 23a rəku ŋgas mbeh səku, a zla: «Hazləma na a kənda i məc. Ndaha ley ɗiyaŋ ndəra təkwa a talaŋ ŋga amba a mbəl, ɓa, a nja abə nje.» 24Yesu a nda abə mbiŋ. Hedi makwas iyi i kəziberʉ, i kəŋgəcu kwa kəɗi vitikey fuk.
25Əŋ faŋw tə hedi iyi ta, wala məzəwindi aka, məmbəz a kəhiyaha a dəməs kəɗal va wam a meɗek bək. 26Kənda za əŋ kelek dakwter iyi ŋgas mbeh səku, kəgay dala ŋga fuk, ama kəlim gelɓe halla, məc ta a kəceh i zləŋgaŋ takwaŋ abə fagay. 27Wala ta, a zlim labara tə Yesu. A ndaha kəɗi dawaŋ ŋga əŋ faŋw tə hedi makwas iyi, ɓa, a ges ndəra a rukut ŋga, 28məŋgəvday kəwulək za əŋ nəf ŋga, a zla: «Əŋgah sa kəlim za ley ges ndəra kwa a rukut ŋga dap seh, sa mbəl za.» 29Əŋ wala ta mə ges ndəra a rukut ŋga seh, mbehmbeh mba, məmbəz ŋga mə hiyaha sey a rəsl, a səŋ əŋ wucum ŋga kəmbəl ŋga za əŋ məc ŋga ta. 30Mbehmbeh mba, Yesu a səŋ fagay kətəɗaha za əŋ wucum ŋga. A buw nje əŋ faŋw tə hedi iyi əŋ dawaŋ, a ɗəpta, a zla: «Mə ges ndəra a rukut na wa seh viyey?» 31Gula ŋga iyi i ziŋgeŋ zlap, i zla: «Hwa kəgər hedi iyi i kəŋgəcah, kwa kəɗi kəv vitikey fuk wa seh, hwa ɗəpanini, hwa zla: “Mə ges ndəra a sa wa seh viyey seh viŋgey?”»
32Ama Yesu a gər nje kəɗi a hedi mə tuləku iyi amba ley gər hedi mə geseŋ ndəra ta. 33Wala ta, ləndəŋ kəɗalaŋ za, a kənəna məŋgəvday a kəsəŋ məsəkəŋ mə taŋ tə abə mbiŋ. A ndaha, a ndəv əŋ gədaŋ ŋgas ŋga iyi, ɓa, a gizeŋ səntaŋ tə ma ta fuk. 34Yesu a zlapaŋgu, a zla: «Hazləma na, kuw ma təkwa kəreheh za. Nda təkwa abə zahay, məc təkwa aka səku ba.»
35Əŋ Yesu a kəzlap ndagwa seh, hedi iyi i ndaha a ge Jayrus, talaŋ habay tə əŋ biŋ kə ɗal mbuh əŋ Bizlaf, i zlapaŋgu, i zla: «Hazləma təkwa kəməc cuza. Hwa ŋgaŋ talaŋ tə Bay Bayta baha seh, məŋgəvday a mey?» 36Ama Yesu kəɗiy ma tata iyi ta əŋ nəf ŋga seh halla, a zlapaŋ əŋ Jayrus, talaŋ habay tə əŋ biŋ kə ɗal mbuh əŋ Bizlaf, a zla: «Hwa mba i ləndəŋ səku, kuw ma dap.» 37Kəyakaŋ kataf kwa əŋ hedi ley nda abə mbiŋ seh halla, sey əŋ Piyer, əŋ Yakuba, əŋ Yahwana zliŋgeŋ tə Yakuba. 38I gwar əŋ ge Jayrus talaŋ habay tə əŋ biŋ kə ɗal mbuh əŋ Bizlaf, a namba Yesu a lim hedi iyi i kəmbuw ma, i kəhaŋ, i kəja varay abə fagay. 39A təɗ əŋ ge ta, a zlapaŋta, a zla: «Hi mbuw ma mənaŋ wa seh məŋgəvday a mey? Hi haŋ mənaŋ wa seh məŋgəvday a mey? Mbu ta, kəməc halla, ama a kəwaŋ.» 40Ama hedi iyi ta i ɓasaŋ a talaŋ. Abə dawaŋ ta, a təɗahata fuk a palah. A ŋgasl baba abə mama tə hazləma ta, liŋ gula ŋga mə ziberehew iyi. A təɗ əŋ biŋ əŋ hazləma mə waŋ tə ɗəməŋ. 41A məl ndəra tə hazləma ta, ɓa, a zlapaŋgu, a zla: «Talita kumi!» Mənaŋ zlap ta seh: «Hazləma, sa kəzlapah, garaha təkwa!»
42Mbehmbeh mba, hazləma ta a gar, ɓa, a mar ley nda. Hazləma ta va ŋga wam a meɗek bək. Hedi tə a namba iyi fuk i kəhar za mbeh səku. 43Ama Yesu a ŋgəzta abə gwazlak, a zla: «Hi mba i giz əŋ kwa viyey səku.» Abə dawaŋ ta, a zlapaŋta baha, a zla: «Hi vəlaŋ məsəkəŋ kə zəm əŋ hazləma ta.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia