Matta 27
27
I deɓ Yesu a ma tə Pilatu
(Markus 15:1; Luka 23:1-2; Yahwana 18:28-32)
1Abə kafa vət, hedi səndawl iyi tə a talaŋ hedi iyi i mə ɗal kukus əŋ Bizlaf liŋ hedi mə ɗal yawa tə Yahuda iyi fuk, i jaw ma ley ja Yesu. 2Ɓa, i jawu, i deɓʉ, i vəlaŋgu əŋ Pilatu, guverner tə əŋ hayak tə Rawma.
Məc tə Yahuda
(Kəzəɗ tə Mələɓ iyi 1:18-19)
3Abə dawaŋ ta izey, Yahuda hedi mə ber Yesu sey, a gər i kəmbəzlaŋ ma kwata a talaŋ Yesu kə ja seh, a haŋ marava, a dahaŋta dala tə malaway ndəra maakaɗ sey əŋ hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahuda iyi. 4A zlapaŋta, a zla: «Sa kəɗal hem za, məŋgəvday sa kəber hedi mə tak ɗal məsəkəŋ madawar za!» Ama hedi iyi ta i ziŋgeŋ zlap, i zla: «Ŋgem tini halla! Ar ma təkwa!» 5Ɓa, Yahuda a kʉy dala sey əŋ biŋ tə Bizlaf. Abə dawaŋ ta, a nda, a law talaŋ ŋga, ɓak! a məc ŋga. 6Hedi səndawl iyi tə a talaŋ hedi iyi i mə ɗal kukus əŋ Bizlaf i kəc dala sey, i zla: «Ma majaw takwa a kəvəl kataf ley kʉy dala wa əŋ talaŋ dala tə əŋ biŋ tə Bizlaf səku, məŋgəvday ar dala tə məmbəz.» 7Abə dawaŋ ta, i ɗal yawa əŋ faŋw tata, i səkəm lay tə hedi mə ləm gəduda iyi abə mbiŋ, amba ley kah muluk iyi a namba. 8Məŋgəvday a ɗek, lay ta, i kəɗafaŋ ma «lay tə məmbəz» ha mənjawa. 9Mənaŋ wa, ma tə hedi mə giz ma abə miya tə Bizlaf, Yeremiya, mə zlap zlezle kəɗal za, a zla: «I kəɓət dala tə malaway ndəra maakaɗ za, ar dala, hedi Israyila iyi i mə sla tə a mbiŋ ley səkəmu, 10i ɗiy dala ta ley səkəm lay tə hedi mə ləm gəduda iyi, mənaŋ Bay Bayta Bizlaf mə zlapaku#27:10 Yeremiya 18:2-3; 19:1-2; 32:6-15..»
Yesu mbə a ma tə Pilatu
(Markus 15:2-5; Luka 23:3-5; Yahwana 18:33-38)
11I gar Yesu a ma tə Pilatu guverner, amba mə ɗəpu, a zla: «Hwa seh, hwa bay tə Yahuda iyi məndiwiŋ vaw?» Yesu a ziŋgeŋ zlap, a zla: «Ar mənaŋ hwa mə zlap mba.» 12Ama hedi səndawl iyi tə a talaŋ hedi iyi i mə ɗal kukus əŋ Bizlaf liŋ hedi mə ɗal yawa tə Yahuda iyi i kəvəlaŋ hem, kwa Yesu kəziŋgeŋta zlap halla səlak. 13Abə dawaŋ ta izey, Pilatu a zlapaŋgu, a zla: «Hwa kəzlim ma madawar iyi wa fuk i mə zlap tə a talaŋ təkwa wa səku vaw?» 14Ama Yesu kəziŋgeŋ zlap kwa ntaɗ əŋ ɗəp ŋga iyi seh halla, ha guverner kəhar za mbeh səku.
I mbəzlaŋ ma a Yesu, mbəzl ma kə ja
(Markus 15:6-15; Luka 23:13-25; Yahwana 18:39-40; 19:1-16)
15Əŋ gugway#27:15 Markus 15:6. tə Paska mə ɗal fuk, hwayhway guverner a kəpəlaŋta hedi tə əŋ daŋgay ntaɗ əŋ hedi makwas iyi, hedi, tata i mə mba. 16Əŋ hala ta mba, hedi məzəwindi aka əŋ daŋgay, hedi iyi fuk i kəsəŋgu, i mə ɗafaŋ ma [Yesu] Barabbas. 17Pilatu a ɗəp hedi makwas iyi, a zla: «Hi mba sa pəlaheni seh, viyey? [Yesu] Barabbas vaw? Aka səku, Yesu i mə ɗafaŋ ma Almasihu wa vaw?» 18Pilatu a kəsəŋ lawlaw, i deɓ Yesu a ma ŋga seh, məŋgəvday sərah.
19Əŋ Pilatu mə nji əŋ lay kə mbəzl ma, wala ŋga a ləɓ hedi əŋ kelek ŋga, a zla: «Hwa mba i ɗalaŋ kwa mey əŋ hedi mə tak hem wa səku. Məŋgəvday əŋ njaɗu wa, sisiŋ kəɗalaka za abə mbiŋ, sisiŋ ta kəzləŋgaka takwaŋ za mbeh səku.»
20Hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahuda iyi i zlapaŋta əŋ hedi makwas iyi amba i mə ɗəp ley pəlaŋta Barabbas, ama i mə ja Yesu. 21Guverner a ɗəpta baha, a zla: «Əŋ faŋw tə hedi sə bək iyi wa seh, heni mba sa pəlaheni seh, viyey?» I ziŋgeŋ zlap, i zla: «Pəlanini Barabbas!» 22Pilatu a ɗəpta baha, a zla: «Kaa, sa nda i ɗalaŋ əŋ Yesu, i mə ɗafaŋ ma Almasihu wa seh izey mey?» Tata fuk, i ziŋgeŋ zlap, i zla: «Daru a mpay mazlaŋgal!» 23Pilatu a ɗəpta, a zla: «A ɗal məsəkəŋ madawar seh vitikey?» Ama i ja varay abə fagay abə fagay, i zla: «Daru a mpay mazlaŋgal!» 24Əŋ Pilatu mə gər a gula i ɗal kwa mey səku ba seh, ama hedi iyi i kəɗal pakwam abə fagay, ɓət, a ɓət yim, ɓa, a baŋ ndəra ŋga a ma tə hedi makwas iyi, a zla: «Sa mbə əŋ ma tə məc tə hedi wa halla, ar ma təheni!» 25Hedi makwas iyi fuk i ziŋgeŋ zlap, i zla: «Məmbəz ŋga mə wufaha a talaŋ tini abə a talaŋ wuziyi tini iyi!» 26Abə dawaŋ ta izey, Pilatu a pəlaŋta Barabbas. Ama Yesu seh, a zlapaŋta i mə tawu, abə dawaŋ ta, a vəlaŋta əŋ ndəra tata amba i mə daru a mpay mazlaŋgal.
Sewje iyi i ɓasaŋ a talaŋ Yesu
(Markus 15:16-20; Yahwana 19:2-3)
27Sewje tə Pilatu iyi i deɓ Yesu əŋ lay kə mbəzl ma tə guverner, sewje dakayta iyi fuk i kwas mbeh səku a kelek. 28Ɓa, i cakwaŋ rukut ŋga ta wucum iyi, i ndəkaŋ rukut sə pireŋ tə bay iyi#27:28 Rukut sə pireŋ ta seh, ar rukut sewje tə Rawma iyi i mə ndək a wucum.. 29Ɓa, i ja digeɗ, i ɗiyaŋgu a talaŋ mənaŋ məsəkəŋ kə paɗ talaŋ tə bay, i vəlaŋ dəŋgur tə wuruf əŋ ndəra zəma. Ɓa, i dar malakw a ma ŋga, i ɓasaŋ a talaŋ, i zla: «Mbele, bay tə Yahuda iyi!» 30I pireŋ mesleɓ a wucum, ɓa, i kuw zlambay tə wuruf tə ndəra ŋga sey, i tawu abə mbiŋ əŋ talaŋ. 31Abə dawaŋ ta, i kəɓasaŋ kwata a talaŋ ŋga seh, i cakwaŋ rukut ŋga tə bay sey, i ndəkaŋ rukut ŋga iyi. Ɓa, i deɓʉ ley daru a mpay mazlaŋgal.
I dar Yesu a mpay mazlaŋgal
(Markus 15:21-32; Luka 23:26-43; Yahwana 19:17-27)
32Əŋ təɗaha tata əŋ berne seh, i gbam talaŋ abə lə Sirene, i mə ɗafaŋ ma Simaŋw. Sewje iyi i takaŋ wula ley ɓət mpay mazlaŋgal tə Yesu. 33I gwar a lay, i mə ɗafaŋ ma Gwalgwata, mənaŋ zlap ta seh, «lay tə kirŋgisl tə talaŋ.» 34A namba, i vəlaŋ mavu majavaɗ tə abə mənjivek sə ɗʉwek#27:34 Jabura 69:22., ama əŋ Yesu mə təlu seh, a kəmba i sa səku. 35I daru a mpay mazlaŋgal. I wuɗak rukut ŋga iyi əŋ faŋw tata abə ley ɗal kurwu#27:35 Jabura 22:19.. 36Ɓa, i nja a namba ley jəɗu. 37I wuzlel a məsəkəŋ kə wuzlel, ma məŋgəvday i mə darza tə a ɗek, i lawu a talaŋ ŋga, i zla: «Wawa, ar Yesu, bay tə Yahuda iyi.» 38I dar hedi mə la məsəkəŋ tə hedi iyi bək a kelek ŋga, ntaɗ kəɗi ndəra zəma, ntaɗ bahayim kəɗi ndəra gula#27:38 Esaya 53:12.. 39Hedi mə taŋ kəɗi mba iyi, i huɓəl talaŋ, i ru#27:39 Jabura 22:8., 40i zla: «Hwa kəzlap za, hwa hurum biŋ tə Bizlaf za, hwa ləmza za əŋ waŋ maakaɗ#27:40 Yahwana 2:19.. Reh talaŋ təkwa izey mak, əŋgah hwa Mbu tə Bizlaf seh, bəreŋgehe a mpay mazlaŋgal wa!» 41Hedi səndawl iyi tə a talaŋ hedi iyi i mə ɗal kukus əŋ Bizlaf, metir tə ma majaw iyi liŋ hedi mə ɗal yawa tə Yahuda iyi i ɓasaŋ a talaŋ, i zla: 42«Kəreh hedi məzəwindi iyi za, ama a gula i reh talaŋ ŋga səku. Ar seh, bay tə Israyila iyi səku vah? Sey mə bəreŋgehe a mpay mazlaŋgal wa mənjawa, mənaŋ wa, nakwa iyi kuwaŋ ma. 43Kəɗiy wulək ŋga za a Bizlaf, a zla: “Sa Mbu tə Bizlaf.” Əŋgah Bizlaf a kəmbalu seh, mə rehew mənjawa#27:43 Jabura 22:9.!» 44Hedi mə la məsəkəŋ tə hedi iyi sə bək madar tə abə mbiŋ iyi sey, i ru mənaŋ mba bahayim.
Məc tə Yesu
(Markus 15:33-41; Luka 23:44-49; Yahwana 19:28-30)
45Pis cakacak, ləvəŋ a ɗal əŋ hayak fuk, ha njamndi maakaɗ tə pis tə məcukahw. 46Tiɗe njamndi maakaɗ, Yesu a ja varay abə fagay, a zla: «Eli, Eli, lema sabaktani?» Mənaŋ zlap ta seh: «Waa Bizlaf na, waa Bizlaf na, hwa yakaka seh, məŋgəvday a mey#27:46 Jabura 22:2.?» 47Hedi dakayta iyi tə əŋ faŋw tə hedi tə a namba iyi, i zlim varay ta, i zla: «Ehe, a kəɗafaŋ ma əŋ Eliya!» 48Mbehmbeh mba, hedi ntaɗ əŋ faŋw tata, a hiy viyu, a ɓət məsəkəŋ mənaŋ sifaŋw, a jəraɓu əŋ mavu sə kuyiŋ. A jawu a meɗek tə zlambay tə wuruf, ɓa, a ɗefeŋgu əŋ Yesu amba mə su#27:48 Jabura 69:22; Markus 15:36; Yahwana 19:29-30.. 49Ama hedi dakayta iyi, i zla: «Sey nakwa iyi gəbaru kəganah Eliya a ndaha za ley rehew kəvah.»
50Yesu a ja varay abə fagay baha, ɓak a məc ŋga.
51Əŋ hala ta mba, rukut meker lay tə əŋ biŋ kə ɗal kukus əŋ Bizlaf, a ŋgwahak wuɗak bək, mar tə wuzlaf ha teyek. Hayak kəhuɓəl za, nvəŋ iyi i kəpəɗak. 52Talaŋ jiɓ iyi i kərəz, hedi makuw ma maməc iyi mbeh səku i kəgaraha faŋw tə hedi maməc iyi. 53I təɗaha a jiɓ, abə dawaŋ tə garaha tə Yesu əŋ faŋw tə hedi maməc iyi seh, i təɗ əŋ Urusalima berne sə kweɗek, a namba hedi iyi mbeh səku i limta. 54Səndawl tə a talaŋ sewje iyi temere tə Rawma abə sewje dakayta iyi i mə jəɗ Yesu, i gər hayak mə huɓəl abə məsəkəŋ mə ɗal tə a namba iyi fuk seh, i kələndəŋ za mbeh səku, i zla: «Məndiwiŋ, hedi wa, ar Mbu tə Bizlaf.» 55Wala iyi mbeh səku i mbə a namba, i kəgər nje abə guduk ta. I ziberehe Yesu mar tə əŋ hayak tə Galili ley ɗalaŋ kəzəɗ. 56Əŋ faŋw tə wala iyi ta, Mariyama tə Magdala, Mariyama mama tə Yakuba abə Yusufa liŋ mama tə wuziyi tə Zebede iyi.
Kah tə Yesu
(Markus 15:42-47; Luka 23:50-56; Yahwana 19:38-42)
57Əŋ məcukahw kwata seh, hedi tə abə məsəkəŋ aka, a gwaraha, ar hedi tə əŋ Arimatiya, miya ŋga Yusufa, mbiŋ bahayim kəmbaɗ za əŋ gula tə Yesu. 58A nda əŋ kelek Pilatu, a ɗəp wucum tə Yesu. Abə dawaŋ ta izey, Pilatu a zlapaŋta əŋ sewje ŋga iyi, i mə vəlaŋ wucum ta əŋ Yusufa. 59Yusufa a ɓət wucum ta, a paɗu abə rukut, i mə ɗafaŋ ma liŋ lawayaŋ. 60Ɓa, a ɗiyu əŋ jiɓ mara lawayaŋ, mbiŋ mə ru əŋ mbiŋ a talaŋ kefeɗ. Ɓa, a guduŋgul beler bayta ley pek meɗek tə jiɓ ta, ɓa, a nda ŋga. 61Mariyama tə Magdala abə Mariyama məzəwindi aka, i mbə a namba, i mə nji nje dəre abə talaŋ jiɓ ta.
Sewje iyi i kəjəɗ talaŋ jiɓ tə Yesu
62Garaha kafa ta, mənaŋ zlap ta, pis kə yip, hedi səndawl iyi tə a talaŋ hedi iyi i mə ɗal kukus əŋ Bizlaf abə Farisa iyi i nda fuk a lay ta əŋ kelek Pilatu, 63i zlapaŋgu, i zla: «Bay, nini kəsəŋ kenek za, a hedi mə bərəsl ma wa, əŋ mbiŋ mbə abə nje seh, kəzlap za, a zla: “Abə dawaŋ tə waŋ maakaɗ, sa garaha na za əŋ faŋw tə hedi maməc iyi.” 64Zlapaŋta əŋ sewje təkwa iyi i mə jəɗ talaŋ jiɓ ta, ha waŋ maakaɗ, halla seh, gula ŋga iyi i gula i ndaha, i hil wucum ŋga ta. Abə dawaŋ ta, i nda i zlapaŋta əŋ hedi makwas iyi, i zla: “Yesu kəgaraha ŋga cuza əŋ faŋw tə hedi maməc iyi.” Bərəsl ma tə dawaŋ wa, a day bərəsl ma titʉz za abə madawar.» 65Pilatu a ziŋgeŋta zlap, a zla: «Ehe, sewje iyi ley jəɗ talaŋ jiɓ ta. Hi nda, hi jəɗu mənaŋ heni mə mba.» 66I nda, i ɗiy hedi ley jəɗ talaŋ jiɓ ta, i sləraɓ meɗek tə talaŋ jiɓ ta lawlaw. Ɓa, i ɗiy sewje iyi ley jəɗu.
Iliyochaguliwa sasa
Matta 27: xmd
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Matta 27
27
I deɓ Yesu a ma tə Pilatu
(Markus 15:1; Luka 23:1-2; Yahwana 18:28-32)
1Abə kafa vət, hedi səndawl iyi tə a talaŋ hedi iyi i mə ɗal kukus əŋ Bizlaf liŋ hedi mə ɗal yawa tə Yahuda iyi fuk, i jaw ma ley ja Yesu. 2Ɓa, i jawu, i deɓʉ, i vəlaŋgu əŋ Pilatu, guverner tə əŋ hayak tə Rawma.
Məc tə Yahuda
(Kəzəɗ tə Mələɓ iyi 1:18-19)
3Abə dawaŋ ta izey, Yahuda hedi mə ber Yesu sey, a gər i kəmbəzlaŋ ma kwata a talaŋ Yesu kə ja seh, a haŋ marava, a dahaŋta dala tə malaway ndəra maakaɗ sey əŋ hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahuda iyi. 4A zlapaŋta, a zla: «Sa kəɗal hem za, məŋgəvday sa kəber hedi mə tak ɗal məsəkəŋ madawar za!» Ama hedi iyi ta i ziŋgeŋ zlap, i zla: «Ŋgem tini halla! Ar ma təkwa!» 5Ɓa, Yahuda a kʉy dala sey əŋ biŋ tə Bizlaf. Abə dawaŋ ta, a nda, a law talaŋ ŋga, ɓak! a məc ŋga. 6Hedi səndawl iyi tə a talaŋ hedi iyi i mə ɗal kukus əŋ Bizlaf i kəc dala sey, i zla: «Ma majaw takwa a kəvəl kataf ley kʉy dala wa əŋ talaŋ dala tə əŋ biŋ tə Bizlaf səku, məŋgəvday ar dala tə məmbəz.» 7Abə dawaŋ ta, i ɗal yawa əŋ faŋw tata, i səkəm lay tə hedi mə ləm gəduda iyi abə mbiŋ, amba ley kah muluk iyi a namba. 8Məŋgəvday a ɗek, lay ta, i kəɗafaŋ ma «lay tə məmbəz» ha mənjawa. 9Mənaŋ wa, ma tə hedi mə giz ma abə miya tə Bizlaf, Yeremiya, mə zlap zlezle kəɗal za, a zla: «I kəɓət dala tə malaway ndəra maakaɗ za, ar dala, hedi Israyila iyi i mə sla tə a mbiŋ ley səkəmu, 10i ɗiy dala ta ley səkəm lay tə hedi mə ləm gəduda iyi, mənaŋ Bay Bayta Bizlaf mə zlapaku#27:10 Yeremiya 18:2-3; 19:1-2; 32:6-15..»
Yesu mbə a ma tə Pilatu
(Markus 15:2-5; Luka 23:3-5; Yahwana 18:33-38)
11I gar Yesu a ma tə Pilatu guverner, amba mə ɗəpu, a zla: «Hwa seh, hwa bay tə Yahuda iyi məndiwiŋ vaw?» Yesu a ziŋgeŋ zlap, a zla: «Ar mənaŋ hwa mə zlap mba.» 12Ama hedi səndawl iyi tə a talaŋ hedi iyi i mə ɗal kukus əŋ Bizlaf liŋ hedi mə ɗal yawa tə Yahuda iyi i kəvəlaŋ hem, kwa Yesu kəziŋgeŋta zlap halla səlak. 13Abə dawaŋ ta izey, Pilatu a zlapaŋgu, a zla: «Hwa kəzlim ma madawar iyi wa fuk i mə zlap tə a talaŋ təkwa wa səku vaw?» 14Ama Yesu kəziŋgeŋ zlap kwa ntaɗ əŋ ɗəp ŋga iyi seh halla, ha guverner kəhar za mbeh səku.
I mbəzlaŋ ma a Yesu, mbəzl ma kə ja
(Markus 15:6-15; Luka 23:13-25; Yahwana 18:39-40; 19:1-16)
15Əŋ gugway#27:15 Markus 15:6. tə Paska mə ɗal fuk, hwayhway guverner a kəpəlaŋta hedi tə əŋ daŋgay ntaɗ əŋ hedi makwas iyi, hedi, tata i mə mba. 16Əŋ hala ta mba, hedi məzəwindi aka əŋ daŋgay, hedi iyi fuk i kəsəŋgu, i mə ɗafaŋ ma [Yesu] Barabbas. 17Pilatu a ɗəp hedi makwas iyi, a zla: «Hi mba sa pəlaheni seh, viyey? [Yesu] Barabbas vaw? Aka səku, Yesu i mə ɗafaŋ ma Almasihu wa vaw?» 18Pilatu a kəsəŋ lawlaw, i deɓ Yesu a ma ŋga seh, məŋgəvday sərah.
19Əŋ Pilatu mə nji əŋ lay kə mbəzl ma, wala ŋga a ləɓ hedi əŋ kelek ŋga, a zla: «Hwa mba i ɗalaŋ kwa mey əŋ hedi mə tak hem wa səku. Məŋgəvday əŋ njaɗu wa, sisiŋ kəɗalaka za abə mbiŋ, sisiŋ ta kəzləŋgaka takwaŋ za mbeh səku.»
20Hedi səndawl iyi tə a talaŋ hedi iyi i mə ɗal kukus əŋ Bizlaf abə hedi mə ɗal yawa tə Yahuda iyi i zlapaŋta əŋ hedi makwas iyi amba i mə ɗəp ley pəlaŋta Barabbas, ama i mə ja Yesu. 21Guverner a ɗəpta baha, a zla: «Əŋ faŋw tə hedi sə bək iyi wa seh, heni mba sa pəlaheni seh, viyey?» I ziŋgeŋ zlap, i zla: «Pəlanini Barabbas!» 22Pilatu a ɗəpta baha, a zla: «Kaa, sa nda i ɗalaŋ əŋ Yesu, i mə ɗafaŋ ma Almasihu wa seh izey mey?» Tata fuk, i ziŋgeŋ zlap, i zla: «Daru a mpay mazlaŋgal!» 23Pilatu a ɗəpta, a zla: «A ɗal məsəkəŋ madawar seh vitikey?» Ama i ja varay abə fagay abə fagay, i zla: «Daru a mpay mazlaŋgal!» 24Əŋ Pilatu mə gər a gula i ɗal kwa mey səku ba seh, ama hedi iyi i kəɗal pakwam abə fagay, ɓət, a ɓət yim, ɓa, a baŋ ndəra ŋga a ma tə hedi makwas iyi, a zla: «Sa mbə əŋ ma tə məc tə hedi wa halla, ar ma təheni!» 25Hedi makwas iyi fuk i ziŋgeŋ zlap, i zla: «Məmbəz ŋga mə wufaha a talaŋ tini abə a talaŋ wuziyi tini iyi!» 26Abə dawaŋ ta izey, Pilatu a pəlaŋta Barabbas. Ama Yesu seh, a zlapaŋta i mə tawu, abə dawaŋ ta, a vəlaŋta əŋ ndəra tata amba i mə daru a mpay mazlaŋgal.
Sewje iyi i ɓasaŋ a talaŋ Yesu
(Markus 15:16-20; Yahwana 19:2-3)
27Sewje tə Pilatu iyi i deɓ Yesu əŋ lay kə mbəzl ma tə guverner, sewje dakayta iyi fuk i kwas mbeh səku a kelek. 28Ɓa, i cakwaŋ rukut ŋga ta wucum iyi, i ndəkaŋ rukut sə pireŋ tə bay iyi#27:28 Rukut sə pireŋ ta seh, ar rukut sewje tə Rawma iyi i mə ndək a wucum.. 29Ɓa, i ja digeɗ, i ɗiyaŋgu a talaŋ mənaŋ məsəkəŋ kə paɗ talaŋ tə bay, i vəlaŋ dəŋgur tə wuruf əŋ ndəra zəma. Ɓa, i dar malakw a ma ŋga, i ɓasaŋ a talaŋ, i zla: «Mbele, bay tə Yahuda iyi!» 30I pireŋ mesleɓ a wucum, ɓa, i kuw zlambay tə wuruf tə ndəra ŋga sey, i tawu abə mbiŋ əŋ talaŋ. 31Abə dawaŋ ta, i kəɓasaŋ kwata a talaŋ ŋga seh, i cakwaŋ rukut ŋga tə bay sey, i ndəkaŋ rukut ŋga iyi. Ɓa, i deɓʉ ley daru a mpay mazlaŋgal.
I dar Yesu a mpay mazlaŋgal
(Markus 15:21-32; Luka 23:26-43; Yahwana 19:17-27)
32Əŋ təɗaha tata əŋ berne seh, i gbam talaŋ abə lə Sirene, i mə ɗafaŋ ma Simaŋw. Sewje iyi i takaŋ wula ley ɓət mpay mazlaŋgal tə Yesu. 33I gwar a lay, i mə ɗafaŋ ma Gwalgwata, mənaŋ zlap ta seh, «lay tə kirŋgisl tə talaŋ.» 34A namba, i vəlaŋ mavu majavaɗ tə abə mənjivek sə ɗʉwek#27:34 Jabura 69:22., ama əŋ Yesu mə təlu seh, a kəmba i sa səku. 35I daru a mpay mazlaŋgal. I wuɗak rukut ŋga iyi əŋ faŋw tata abə ley ɗal kurwu#27:35 Jabura 22:19.. 36Ɓa, i nja a namba ley jəɗu. 37I wuzlel a məsəkəŋ kə wuzlel, ma məŋgəvday i mə darza tə a ɗek, i lawu a talaŋ ŋga, i zla: «Wawa, ar Yesu, bay tə Yahuda iyi.» 38I dar hedi mə la məsəkəŋ tə hedi iyi bək a kelek ŋga, ntaɗ kəɗi ndəra zəma, ntaɗ bahayim kəɗi ndəra gula#27:38 Esaya 53:12.. 39Hedi mə taŋ kəɗi mba iyi, i huɓəl talaŋ, i ru#27:39 Jabura 22:8., 40i zla: «Hwa kəzlap za, hwa hurum biŋ tə Bizlaf za, hwa ləmza za əŋ waŋ maakaɗ#27:40 Yahwana 2:19.. Reh talaŋ təkwa izey mak, əŋgah hwa Mbu tə Bizlaf seh, bəreŋgehe a mpay mazlaŋgal wa!» 41Hedi səndawl iyi tə a talaŋ hedi iyi i mə ɗal kukus əŋ Bizlaf, metir tə ma majaw iyi liŋ hedi mə ɗal yawa tə Yahuda iyi i ɓasaŋ a talaŋ, i zla: 42«Kəreh hedi məzəwindi iyi za, ama a gula i reh talaŋ ŋga səku. Ar seh, bay tə Israyila iyi səku vah? Sey mə bəreŋgehe a mpay mazlaŋgal wa mənjawa, mənaŋ wa, nakwa iyi kuwaŋ ma. 43Kəɗiy wulək ŋga za a Bizlaf, a zla: “Sa Mbu tə Bizlaf.” Əŋgah Bizlaf a kəmbalu seh, mə rehew mənjawa#27:43 Jabura 22:9.!» 44Hedi mə la məsəkəŋ tə hedi iyi sə bək madar tə abə mbiŋ iyi sey, i ru mənaŋ mba bahayim.
Məc tə Yesu
(Markus 15:33-41; Luka 23:44-49; Yahwana 19:28-30)
45Pis cakacak, ləvəŋ a ɗal əŋ hayak fuk, ha njamndi maakaɗ tə pis tə məcukahw. 46Tiɗe njamndi maakaɗ, Yesu a ja varay abə fagay, a zla: «Eli, Eli, lema sabaktani?» Mənaŋ zlap ta seh: «Waa Bizlaf na, waa Bizlaf na, hwa yakaka seh, məŋgəvday a mey#27:46 Jabura 22:2.?» 47Hedi dakayta iyi tə əŋ faŋw tə hedi tə a namba iyi, i zlim varay ta, i zla: «Ehe, a kəɗafaŋ ma əŋ Eliya!» 48Mbehmbeh mba, hedi ntaɗ əŋ faŋw tata, a hiy viyu, a ɓət məsəkəŋ mənaŋ sifaŋw, a jəraɓu əŋ mavu sə kuyiŋ. A jawu a meɗek tə zlambay tə wuruf, ɓa, a ɗefeŋgu əŋ Yesu amba mə su#27:48 Jabura 69:22; Markus 15:36; Yahwana 19:29-30.. 49Ama hedi dakayta iyi, i zla: «Sey nakwa iyi gəbaru kəganah Eliya a ndaha za ley rehew kəvah.»
50Yesu a ja varay abə fagay baha, ɓak a məc ŋga.
51Əŋ hala ta mba, rukut meker lay tə əŋ biŋ kə ɗal kukus əŋ Bizlaf, a ŋgwahak wuɗak bək, mar tə wuzlaf ha teyek. Hayak kəhuɓəl za, nvəŋ iyi i kəpəɗak. 52Talaŋ jiɓ iyi i kərəz, hedi makuw ma maməc iyi mbeh səku i kəgaraha faŋw tə hedi maməc iyi. 53I təɗaha a jiɓ, abə dawaŋ tə garaha tə Yesu əŋ faŋw tə hedi maməc iyi seh, i təɗ əŋ Urusalima berne sə kweɗek, a namba hedi iyi mbeh səku i limta. 54Səndawl tə a talaŋ sewje iyi temere tə Rawma abə sewje dakayta iyi i mə jəɗ Yesu, i gər hayak mə huɓəl abə məsəkəŋ mə ɗal tə a namba iyi fuk seh, i kələndəŋ za mbeh səku, i zla: «Məndiwiŋ, hedi wa, ar Mbu tə Bizlaf.» 55Wala iyi mbeh səku i mbə a namba, i kəgər nje abə guduk ta. I ziberehe Yesu mar tə əŋ hayak tə Galili ley ɗalaŋ kəzəɗ. 56Əŋ faŋw tə wala iyi ta, Mariyama tə Magdala, Mariyama mama tə Yakuba abə Yusufa liŋ mama tə wuziyi tə Zebede iyi.
Kah tə Yesu
(Markus 15:42-47; Luka 23:50-56; Yahwana 19:38-42)
57Əŋ məcukahw kwata seh, hedi tə abə məsəkəŋ aka, a gwaraha, ar hedi tə əŋ Arimatiya, miya ŋga Yusufa, mbiŋ bahayim kəmbaɗ za əŋ gula tə Yesu. 58A nda əŋ kelek Pilatu, a ɗəp wucum tə Yesu. Abə dawaŋ ta izey, Pilatu a zlapaŋta əŋ sewje ŋga iyi, i mə vəlaŋ wucum ta əŋ Yusufa. 59Yusufa a ɓət wucum ta, a paɗu abə rukut, i mə ɗafaŋ ma liŋ lawayaŋ. 60Ɓa, a ɗiyu əŋ jiɓ mara lawayaŋ, mbiŋ mə ru əŋ mbiŋ a talaŋ kefeɗ. Ɓa, a guduŋgul beler bayta ley pek meɗek tə jiɓ ta, ɓa, a nda ŋga. 61Mariyama tə Magdala abə Mariyama məzəwindi aka, i mbə a namba, i mə nji nje dəre abə talaŋ jiɓ ta.
Sewje iyi i kəjəɗ talaŋ jiɓ tə Yesu
62Garaha kafa ta, mənaŋ zlap ta, pis kə yip, hedi səndawl iyi tə a talaŋ hedi iyi i mə ɗal kukus əŋ Bizlaf abə Farisa iyi i nda fuk a lay ta əŋ kelek Pilatu, 63i zlapaŋgu, i zla: «Bay, nini kəsəŋ kenek za, a hedi mə bərəsl ma wa, əŋ mbiŋ mbə abə nje seh, kəzlap za, a zla: “Abə dawaŋ tə waŋ maakaɗ, sa garaha na za əŋ faŋw tə hedi maməc iyi.” 64Zlapaŋta əŋ sewje təkwa iyi i mə jəɗ talaŋ jiɓ ta, ha waŋ maakaɗ, halla seh, gula ŋga iyi i gula i ndaha, i hil wucum ŋga ta. Abə dawaŋ ta, i nda i zlapaŋta əŋ hedi makwas iyi, i zla: “Yesu kəgaraha ŋga cuza əŋ faŋw tə hedi maməc iyi.” Bərəsl ma tə dawaŋ wa, a day bərəsl ma titʉz za abə madawar.» 65Pilatu a ziŋgeŋta zlap, a zla: «Ehe, sewje iyi ley jəɗ talaŋ jiɓ ta. Hi nda, hi jəɗu mənaŋ heni mə mba.» 66I nda, i ɗiy hedi ley jəɗ talaŋ jiɓ ta, i sləraɓ meɗek tə talaŋ jiɓ ta lawlaw. Ɓa, i ɗiy sewje iyi ley jəɗu.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia