Luka 16
16
Maŋgəla ma ndza ata ala ma kasən mbəla səkən abə wirwir
1Yesu zlap a zlapatana a magəli tə aagi: «Ala ma ŋtsəɓaŋtsəɓ minja, abə ala ma kambəla səkən tə aagi. Tsaw aa ndaha ara ala ma ŋtsəɓaŋtsəɓ, aagi iŋgaya: “Ala ma mbəla səkən watsə watsa tagəyahu səkən kwa aagi bəza tiwtiw,” aagiy. 2Daŋ a yaazə, zlap a zlapanə: “Sa kazlima, aa kazlap ata hwa ya, avaŋga? Azha, ghalaka zlən ndə hwa ɗalə abə səkən naka aagi, ara ndə a ɗa ya, hwa kaazhin a tsa ra ata səkən naka aagi akas.” 3Ala ma mbəla səkən dəba a adeŋi: “Səkən ndə sa kaaɗal veme? Anawatsə, madagal naka a gamaka ara a zlən tə. Ŋgalaŋ naka, a sa zhin ꞌusəs. A tar səkən, haw. 4Kwagwa, sa kasən səkən ndə sa kaaɗalə! Andza tagamaka ara a zlən, həji ma kaamayaka a wata ta aagi aka,” iy.
5Dəba a aya həji ndə madagal tə a kanjinata ata dəwa aagi, ŋtaguleŋ ŋtaguleŋ tiwtiw. Zlap a zlapanə a mampər: “Səkən ataa madagal naka ara hwa vana?” 6Ala watsa zhin a zhinanə: “Tukur mali teemeri.” Ala ma mbəla səkən i kəsha iŋgaya: “Tsakwa ana ɗerewal dəwa kwa, kahkah ŋtiri tukur radzaɓən.” 7A diwzha tə, zlap a zlapanə a minja: “Azha, hwa aŋkwa vana?” Ala watsa zhin a zhinanə: “Slibi ndiri mkpef mkpef teemeri.” Ala ma mbəla səkən zlap a zlapanə: “Tsakwa ana ɗerewal dəwa kwa, kahkah, ŋtir slibi radzamahkaɗ.” 8Azha, madagal tə dəba a ahəmən ala ma mbəla səkən ma gamak watsa, ara ndə a ɗal zlən abə wirwir. Ara ndə a ɗa ci, həji ma ndza a manahayak aagi, wirwir dəy ara təmta aha həji ma ndza a la ma ghwaɗeɗe aagi.»
Ala kula a ɗalanə zlən a Bizlaf abə dalas
9Azha, Yesu zlap a zlap zhana, iŋgaya: «Sa, sa kazlapahuni, huni mbəla ŋgwanambə abə dala ma kaghutahuni aagi. Andza ikwa, ndə a kaakəɗaŋ tə ara huni, aagi alamzahuni ata la ndə huni kaandza kwa vepiy. 10Ala ma kaŋkula ɗa dəlili a zlən ma feŋ, a ɗal ikwa abə a zlən ma dagal. Ala ma kaɗal zlən ma feŋ gamak, a ɗal ikwa abə zlən ma dagal yəm. 11Sha ana ndə a ɗa, andza huni taɗa dəlili abə ŋtsəɓ ma gamak ma kaghutahuni aka səku, ma kaaji a mbaslahuni ŋtsəɓ ma təwah aka vaya? 12Azha andza huni taɗa dəlili a ɗal zlən abə səkən ataa ala aka səku ya, ma azhin a mbaslahuni səkən vaya?
13Kwa ala ma kaɗalanə bəza a həji magulakwakw aagi gbak akas. A ŋkalzə ma ataa minja, a ɗalanə awa a minja, aka səku ya, a slap tə ka ata minja, a pəreh tə bəza abəra minja. Huni kula a ɗalanə zlən a Bizlaf, zhana huni kamay dalas.»
Zlap Yesu ndiɓi aagi zhana
(Mat 11.12-13; 5.31-32; Mrk 10.11-12)
14Farisa ma kamay dala aagi, ndə aa zlima ma watsa ikwa, dəba aagi aɓas ata Yesu. 15Yesu zlap a zlapatana: «Huni, huni may a ghalə ci, huni ɗa həji ma dəlili aagi ata nja manahayak, ama Bizlaf a kasən ꞌunəf kuni. Ara ndə a ɗa ya, səkən ndə həji aagi aa kasar dagal ata nja ta, a ɗa ma gamak ata nja Bizlaf.
16Ma ma garagar ataa Musa abə həji ma ɗaf ma ndə aa zlimazə ara Bizlaf aagi, a nda a gwar ata Yahwana ma ɗal batem. A diwzha tə, Ma wiyə ma təwah ataa la ndza bay Bizlaf taghalhaya. Kwa vaye a kaŋcah a gwar a mən. 17Azha, tiw la ma ndza a wəzlaf abə la ma ata hayak, aagi akəɗaŋ ta kahkah, ama ma ma garagar, kwa ŋtaguleŋ a kaafəcak akas.
18Kwa vaye, ma gam wala tə ara, a daaɓa minja, a ɗa ala mazheref. Ala ma ji wala ma gamhagam watsa, taɗal mazheref aka.»
Maŋgəla ma ndza ata ala ma ŋtsəɓaŋtsəɓ abə Lazarus
19Zhana, Yesu dəba a azlap maŋgəla watsə: «Ala ma ŋtsəɓaŋtsəɓ minja aka, a tsa rəkuts ma zhiva zhiva ndə dala a heɗe, ma kaba wəslwəsl. Kala pish a kaɗal gwaygwaya. 20Ala titikw minja aka, zləm tə Lazarus, a wan a majigi ataa ala ma ŋtsəɓaŋtsəɓ watsa, zlikusəm tə tiwtiw mbəlah. 21May tə aska giɗgiɗ wəda ma kazaha ata la zəm səkən ataa ala ma ŋtsəɓaŋtsəɓ, ama həzhi ana ma kandaha a nat mbəlah tə.
22Mbara azha, ala titikw watsa, mca a mca tə, matəf Bizlaf aagi jaɓ aa jaɓ ka abəra Ibərahima. Ala ma ŋtsəɓaŋtsəɓ watsa, mca a mca tə yəm, kah həji kah ka. 23Tiɗa ndə a taba mci aagi, a kasa yaka. Kaf i nja tə, a gəra Ibərahima abə gədək tə, Lazarus tandza tə ka abəra. 24Mbara azha, lik i wəla, iŋgaya: “Vana, Ibərahima, za hahər kwa ata sa! Zlənha Lazarus, mandaha a tsaɓ mbə ra tə ka a yəm aska a dishaka aska a lehleh gaɗaɗaŋ naka, ara ndə sa kasa yaka a ɗi a kwahu.” 25Ibərahima zhin a zhinanə: “Mbə naka, deŋzə ata landza kwa ma ndza a manahayak, hwa tazəmha zəghay dagala, Lazarus ana aŋtə, yaka ana ndə a sazə. Ama anawatsə, aŋtə, a kazəm zəghay, ataa aŋkwa, hwa a yaka. 26A walaŋ takwa abə huni, bay wəli a ghala takwa, ala kula a nda a bəza ara ni, a nda ara huni səku. Ikwa yəm, ala a kanda a bəza ara huni, ara ni səku. Landa a taba takwa akas.”
27Ala ma ŋtsəɓaŋtsəɓ iŋgaya: “Tuh, sa kadzahu ra, vana Ibərahima, aska hwa zlən Lazarus a wata vana. 28Ara ndə a ɗa, sa abə wəzhi mana aagi dzaɓən aka. Manda a ghalatana ara ndə aa kaandaha, ana təmta yəm, ata la sa yaka watsə zhana.” 29Ibərahima zhin a zhinanə: “Tiw Musa abə həji ma ɗaf ma ndə aa zlimazə ara Bizlaf aagi, aa a wəzaha, a kaaghalatana, aa matehi!” 30Ala watsa iŋgaya: “Aŋghə, vana Ibərahima, andza ala ma zhinha a jiɓ ana ma ndaha a zlapatana ci, aagi ambaɗ landza ta bəza.” 31Ibərahima zlap a zlapanə: “Andza aa tateh ma Musa abə həji ma ɗaf ma ndə aa zlimazə Bizlaf aagi səku ci, kwa ala ma zhinha a jiɓ a taba həji ma bazl ta aagi, aa kaaji a mbaɗ landza ta akas.”»
Iliyochaguliwa sasa
Luka 16: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Luka 16
16
Maŋgəla ma ndza ata ala ma kasən mbəla səkən abə wirwir
1Yesu zlap a zlapatana a magəli tə aagi: «Ala ma ŋtsəɓaŋtsəɓ minja, abə ala ma kambəla səkən tə aagi. Tsaw aa ndaha ara ala ma ŋtsəɓaŋtsəɓ, aagi iŋgaya: “Ala ma mbəla səkən watsə watsa tagəyahu səkən kwa aagi bəza tiwtiw,” aagiy. 2Daŋ a yaazə, zlap a zlapanə: “Sa kazlima, aa kazlap ata hwa ya, avaŋga? Azha, ghalaka zlən ndə hwa ɗalə abə səkən naka aagi, ara ndə a ɗa ya, hwa kaazhin a tsa ra ata səkən naka aagi akas.” 3Ala ma mbəla səkən dəba a adeŋi: “Səkən ndə sa kaaɗal veme? Anawatsə, madagal naka a gamaka ara a zlən tə. Ŋgalaŋ naka, a sa zhin ꞌusəs. A tar səkən, haw. 4Kwagwa, sa kasən səkən ndə sa kaaɗalə! Andza tagamaka ara a zlən, həji ma kaamayaka a wata ta aagi aka,” iy.
5Dəba a aya həji ndə madagal tə a kanjinata ata dəwa aagi, ŋtaguleŋ ŋtaguleŋ tiwtiw. Zlap a zlapanə a mampər: “Səkən ataa madagal naka ara hwa vana?” 6Ala watsa zhin a zhinanə: “Tukur mali teemeri.” Ala ma mbəla səkən i kəsha iŋgaya: “Tsakwa ana ɗerewal dəwa kwa, kahkah ŋtiri tukur radzaɓən.” 7A diwzha tə, zlap a zlapanə a minja: “Azha, hwa aŋkwa vana?” Ala watsa zhin a zhinanə: “Slibi ndiri mkpef mkpef teemeri.” Ala ma mbəla səkən zlap a zlapanə: “Tsakwa ana ɗerewal dəwa kwa, kahkah, ŋtir slibi radzamahkaɗ.” 8Azha, madagal tə dəba a ahəmən ala ma mbəla səkən ma gamak watsa, ara ndə a ɗal zlən abə wirwir. Ara ndə a ɗa ci, həji ma ndza a manahayak aagi, wirwir dəy ara təmta aha həji ma ndza a la ma ghwaɗeɗe aagi.»
Ala kula a ɗalanə zlən a Bizlaf abə dalas
9Azha, Yesu zlap a zlap zhana, iŋgaya: «Sa, sa kazlapahuni, huni mbəla ŋgwanambə abə dala ma kaghutahuni aagi. Andza ikwa, ndə a kaakəɗaŋ tə ara huni, aagi alamzahuni ata la ndə huni kaandza kwa vepiy. 10Ala ma kaŋkula ɗa dəlili a zlən ma feŋ, a ɗal ikwa abə a zlən ma dagal. Ala ma kaɗal zlən ma feŋ gamak, a ɗal ikwa abə zlən ma dagal yəm. 11Sha ana ndə a ɗa, andza huni taɗa dəlili abə ŋtsəɓ ma gamak ma kaghutahuni aka səku, ma kaaji a mbaslahuni ŋtsəɓ ma təwah aka vaya? 12Azha andza huni taɗa dəlili a ɗal zlən abə səkən ataa ala aka səku ya, ma azhin a mbaslahuni səkən vaya?
13Kwa ala ma kaɗalanə bəza a həji magulakwakw aagi gbak akas. A ŋkalzə ma ataa minja, a ɗalanə awa a minja, aka səku ya, a slap tə ka ata minja, a pəreh tə bəza abəra minja. Huni kula a ɗalanə zlən a Bizlaf, zhana huni kamay dalas.»
Zlap Yesu ndiɓi aagi zhana
(Mat 11.12-13; 5.31-32; Mrk 10.11-12)
14Farisa ma kamay dala aagi, ndə aa zlima ma watsa ikwa, dəba aagi aɓas ata Yesu. 15Yesu zlap a zlapatana: «Huni, huni may a ghalə ci, huni ɗa həji ma dəlili aagi ata nja manahayak, ama Bizlaf a kasən ꞌunəf kuni. Ara ndə a ɗa ya, səkən ndə həji aagi aa kasar dagal ata nja ta, a ɗa ma gamak ata nja Bizlaf.
16Ma ma garagar ataa Musa abə həji ma ɗaf ma ndə aa zlimazə ara Bizlaf aagi, a nda a gwar ata Yahwana ma ɗal batem. A diwzha tə, Ma wiyə ma təwah ataa la ndza bay Bizlaf taghalhaya. Kwa vaye a kaŋcah a gwar a mən. 17Azha, tiw la ma ndza a wəzlaf abə la ma ata hayak, aagi akəɗaŋ ta kahkah, ama ma ma garagar, kwa ŋtaguleŋ a kaafəcak akas.
18Kwa vaye, ma gam wala tə ara, a daaɓa minja, a ɗa ala mazheref. Ala ma ji wala ma gamhagam watsa, taɗal mazheref aka.»
Maŋgəla ma ndza ata ala ma ŋtsəɓaŋtsəɓ abə Lazarus
19Zhana, Yesu dəba a azlap maŋgəla watsə: «Ala ma ŋtsəɓaŋtsəɓ minja aka, a tsa rəkuts ma zhiva zhiva ndə dala a heɗe, ma kaba wəslwəsl. Kala pish a kaɗal gwaygwaya. 20Ala titikw minja aka, zləm tə Lazarus, a wan a majigi ataa ala ma ŋtsəɓaŋtsəɓ watsa, zlikusəm tə tiwtiw mbəlah. 21May tə aska giɗgiɗ wəda ma kazaha ata la zəm səkən ataa ala ma ŋtsəɓaŋtsəɓ, ama həzhi ana ma kandaha a nat mbəlah tə.
22Mbara azha, ala titikw watsa, mca a mca tə, matəf Bizlaf aagi jaɓ aa jaɓ ka abəra Ibərahima. Ala ma ŋtsəɓaŋtsəɓ watsa, mca a mca tə yəm, kah həji kah ka. 23Tiɗa ndə a taba mci aagi, a kasa yaka. Kaf i nja tə, a gəra Ibərahima abə gədək tə, Lazarus tandza tə ka abəra. 24Mbara azha, lik i wəla, iŋgaya: “Vana, Ibərahima, za hahər kwa ata sa! Zlənha Lazarus, mandaha a tsaɓ mbə ra tə ka a yəm aska a dishaka aska a lehleh gaɗaɗaŋ naka, ara ndə sa kasa yaka a ɗi a kwahu.” 25Ibərahima zhin a zhinanə: “Mbə naka, deŋzə ata landza kwa ma ndza a manahayak, hwa tazəmha zəghay dagala, Lazarus ana aŋtə, yaka ana ndə a sazə. Ama anawatsə, aŋtə, a kazəm zəghay, ataa aŋkwa, hwa a yaka. 26A walaŋ takwa abə huni, bay wəli a ghala takwa, ala kula a nda a bəza ara ni, a nda ara huni səku. Ikwa yəm, ala a kanda a bəza ara huni, ara ni səku. Landa a taba takwa akas.”
27Ala ma ŋtsəɓaŋtsəɓ iŋgaya: “Tuh, sa kadzahu ra, vana Ibərahima, aska hwa zlən Lazarus a wata vana. 28Ara ndə a ɗa, sa abə wəzhi mana aagi dzaɓən aka. Manda a ghalatana ara ndə aa kaandaha, ana təmta yəm, ata la sa yaka watsə zhana.” 29Ibərahima zhin a zhinanə: “Tiw Musa abə həji ma ɗaf ma ndə aa zlimazə ara Bizlaf aagi, aa a wəzaha, a kaaghalatana, aa matehi!” 30Ala watsa iŋgaya: “Aŋghə, vana Ibərahima, andza ala ma zhinha a jiɓ ana ma ndaha a zlapatana ci, aagi ambaɗ landza ta bəza.” 31Ibərahima zlap a zlapanə: “Andza aa tateh ma Musa abə həji ma ɗaf ma ndə aa zlimazə Bizlaf aagi səku ci, kwa ala ma zhinha a jiɓ a taba həji ma bazl ta aagi, aa kaaji a mbaɗ landza ta akas.”»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia