Luka 14
14
Reh ala dawər ma vah ta nəp
1Ma vah ta nəp minja aka, Yesu ta a wata ala minja ŋtaguleŋ a taba magulakwakw Farisa aagi, aska aagi a zəm səkən. Həji ma ndza a tsutsa aagi, aa kasarə. 2Ama ala minja a tsutsa a kadawər, zlikusəm tə tahaf tə, tagar tə ka atama tə. 3Yesu dəba a aɗiwzə masərək ma ma garagar aagi, abə Farisa aagi: «Ma ma dzawadzaw takwa, tapəlahəji təf a reh ala dawər ma vah ta nəp vəw, aŋghəw?» 4Ama, aa kaji a zhinanəs. Mbara, Yesu pa a tsa ra ata ala dawər, mbəl a mbəl bəza, zlap a zlapanə a nda tə. 5A diwzha zhana, zlap a zlapatana. «Andza ala ŋtaguleŋ a taba kuni, mbə tə, aka səku, zla tə, tandəv tə a tarakw vah ta nəp ya, a mbasl ka a daazə bəza ara ndə a ɗa vah ta nəp vəw?» 6Zhinha takum ara təmta ana zlap watsa.
May la ndza ma ndza a baraf
7Yesu a kagəra avaŋgəy abə həji aagi kamay la ndza ma ŋtan. Dəba a azlapatana tiwtiw abə maŋgəla: 8«Andza ala tayahu a kwakus dəma tə meni, hwa ɗiw a gas la ndza ma ŋtan aska a ndza səku. Ara ndə a ɗa, kata tayaha ala ma dəy aha hwa ka a taba həji ndə a yata aagi. 9Azha, ndə ala ma yahuni, a kazlapahu, “Gar kwa a wəzəm, mbaslanə la ndza watsə ka ana ala watsə,” iy, hwa agar a wəzəm abə haw aska hwa nda a gas la ndza ma ndza a diwzha. 10Aɓa azha ci, andza ala tayahu, nda, hwa ndza kwa ka ata la ndza ma ndza a diwzha, ndə a kaandaa tə, a zlapahu: “Ŋgwanambə naka, nda kwa a ɗi ata la ndza ma ŋtan,” iy hwa. Ama a aɗa sləf ata hwa ata nja həji ndə huni kazəm səkən abə təmta aagi. 11Ara ndə a ɗa, kwa vaye ma kamay la ndza ma ŋtan ma ndza atama həji ndiɓi aagi, a aɗa mba ka a baraf. Ala ma kamay la ndza ma ndza a baraf, a andza atama həji ndiɓi aagi.»
12Yesu zlap a zlapanə ana ala ma yaazə: «Andza hwa kayaha həji aagi aska zəm səkən ci, ara hwa yaha ŋgwanambə kwa aagi, kwa zlinahw aagi, kwa vən kwa aagi, kwa masliji kwa ndə səkən a ra ta aagi. Ara ndə aa kaaɓin a yahu ana təmta yəm aska aagi ŋtərahu səkən ndə hwa zəmatana aagi. 13Aɓa azha ci, andza hwa tada səkən zəm a gwaygwaya meni, yaha həji titikw aagi, həji ma gəy ta aagi, həji ma kacuksleŋ aagi, abə həji wələf aagi. 14Hwa aɓin ɓas, ara ndə səkən ta aka aagi aŋtərahus. Bizlaf a aŋtərahu tiɗa ndə həji ma ɗal təwah aagi, aa kaagara ta a wəzəm ata lamca.»
Maŋgəla ata həji ma yahaya aagi
(Mat 22.1-10)
15Ndə aa zlima ma watsə ya, ala minja a taba ta, zlap a zlapanə a Yesu: «Ɓas ata ala ma kaaɓin a nda ji wəda tə a la ndza bay Bizlaf.»
16Zlap a zlapanə: «Ala minja aka, tada səkən zəm aka dagala, tayaha həji aagi vərəm. 17Tiɗa ata la zəm səkən, zlən i ala ma ɗalanə zlən, aska a nda zlapatana a həji ndə a yata aagi: “Huni ndaha, wəda tada tə tiw.” 18Ama dəba aagi aɗal aska aagi lima təf aagi a ŋkalanə tiwtiw ŋtaɗ, ŋtaɗ. Ala mampər iŋgaya: “Sa tasəkəm wiyə la anawatsə, a kaɗiw ci, sa nda taŋazə bəza, tuh, sa dzahu ra.” 19Minja iŋgaya: “Sa tasəkəmha zli mbəluk aagi wam a ꞌus, sa ɗiw a nda slənazata bəza, tuh sa dzahu ra.” 20Minja zhana iŋgaya: “Sa tanda a wata dəma mbəluk, tuh sa kagwar səku.”
21Ndə ala ma ɗal zlən a zhina tə, ghal a ghalanə ma watsə a madagal tə. Azha, cina jak tikush a ghuɗek tə, iŋgaya: “Vas nda kahkah a ŋge ata la ndza aagi, abə a ma təf ata hayak ma dzamadzam aagi, daaka həji titikw aagi, həji ma gəy ta aagi, wələf aagi abə həji ma kacuksleŋ aagi.” 22Kajik ikwa, ala ma ɗal zlən, zlap a zlapanə a madagal tə: “Madagal, ma kwa taɗalaya andza sha, ci la ndza tə wəruk.” 23Madagal zlap a zlapanə a maɗal zlən: “Nda a ŋge a zal təf aagi, abə a mazləm la aagi, gamha həji aagi ata ɓərɓər a ndaha a wata naka, aska la ma ndza a gi naka a ɗa mkpef. 24Sa kazlapahuni, a taba həji ndə sa yaata aagi, kwa ala ma kaazəm wəda naka a taba həji ndə sa diw a yaata aagi akas.”»
Ŋkalzə səkən aagi tiwtiw aska a səbar Yesu
25Həji aagi vərəm ata təf abə Yesu. Zlaz a zlazəha ma, zlap a zlapatana tiwtiw: 26«Andza ala a kamay a ndaha ara sa, mamayaka dəy aha cin, mamən, wala tə, wəzhi tə aagi, zliŋgin aagi, hildimi mamən aagi, abə ha tə, aka səku, a kaagwar a ɗa magəla nakas. 27Ala ma ŋkula ji a tiw mpi ma gəzlaŋgarak tə aska a səbaraka, a kaagwar a ɗa magəla nakas.
28Andza ya, ala minja a taba kuni a kamay a ꞌun bay jak ya, ka a ndza ka a deŋzə dala ndə a kaagəyə, andza a kaaɗa teete a kəɗaŋ ꞌun jak watsa bəza wəra? 29Azha, andza pa a tsa ŋcah aka, ama dar takum ara ana jak watsa, həji ma gəra aagi tiwtiw, aagi aɓas a heɗe. 30Aagi azlap: “Taŋzə ala watsə, pa a tsa ŋcah bəza ya, ama dar takum ara,” aagiy.
31Azha yəm, andza bay minja, a kamay a ɗa ghəm abə bay minja, a kaandza ka, a deŋzə, andza a kaɗa kula a nda a ma ghəm watsa abə suji aagi bəluk wam, aska aagi aɗa ghəm abə bay minja ma kandaha abə suji aagi bəluk ragbak aka wəra? 32Andza a kaɗa kulas, galaɓa mazlənanə həji ta zlən tə aagi a bay minja, tiɗa ndə aagi abə gədək kwagwa, aska aagi adzanə ra, aagi ariy ma ta ka, aagi ndza a təwah.
33Andza ikwa yəm, a taba kuni ala ma kula mbasl səkən ŋtsəɓ tə ka, kula a ɗa magəla nakas.»
Ghunə ma dadawər
(Mat 5.13; Mrk 9.50)
34«Ayəw, a ɗa səkən ma ŋtan ana ghunə. Ama, andza ghunə tafəcak ghutətə bəza, həji asən a zhinazə a ɗa ghutətə zhana avaŋga? 35A ɗa kadəkanə a hayak akas, kwa andza a da la andza dadə. Səy həji kwiy bəza. Huni tehi katkadək, ala ma ndza abə zləm a tehi, mazlima.»
Iliyochaguliwa sasa
Luka 14: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Luka 14
14
Reh ala dawər ma vah ta nəp
1Ma vah ta nəp minja aka, Yesu ta a wata ala minja ŋtaguleŋ a taba magulakwakw Farisa aagi, aska aagi a zəm səkən. Həji ma ndza a tsutsa aagi, aa kasarə. 2Ama ala minja a tsutsa a kadawər, zlikusəm tə tahaf tə, tagar tə ka atama tə. 3Yesu dəba a aɗiwzə masərək ma ma garagar aagi, abə Farisa aagi: «Ma ma dzawadzaw takwa, tapəlahəji təf a reh ala dawər ma vah ta nəp vəw, aŋghəw?» 4Ama, aa kaji a zhinanəs. Mbara, Yesu pa a tsa ra ata ala dawər, mbəl a mbəl bəza, zlap a zlapanə a nda tə. 5A diwzha zhana, zlap a zlapatana. «Andza ala ŋtaguleŋ a taba kuni, mbə tə, aka səku, zla tə, tandəv tə a tarakw vah ta nəp ya, a mbasl ka a daazə bəza ara ndə a ɗa vah ta nəp vəw?» 6Zhinha takum ara təmta ana zlap watsa.
May la ndza ma ndza a baraf
7Yesu a kagəra avaŋgəy abə həji aagi kamay la ndza ma ŋtan. Dəba a azlapatana tiwtiw abə maŋgəla: 8«Andza ala tayahu a kwakus dəma tə meni, hwa ɗiw a gas la ndza ma ŋtan aska a ndza səku. Ara ndə a ɗa, kata tayaha ala ma dəy aha hwa ka a taba həji ndə a yata aagi. 9Azha, ndə ala ma yahuni, a kazlapahu, “Gar kwa a wəzəm, mbaslanə la ndza watsə ka ana ala watsə,” iy, hwa agar a wəzəm abə haw aska hwa nda a gas la ndza ma ndza a diwzha. 10Aɓa azha ci, andza ala tayahu, nda, hwa ndza kwa ka ata la ndza ma ndza a diwzha, ndə a kaandaa tə, a zlapahu: “Ŋgwanambə naka, nda kwa a ɗi ata la ndza ma ŋtan,” iy hwa. Ama a aɗa sləf ata hwa ata nja həji ndə huni kazəm səkən abə təmta aagi. 11Ara ndə a ɗa, kwa vaye ma kamay la ndza ma ŋtan ma ndza atama həji ndiɓi aagi, a aɗa mba ka a baraf. Ala ma kamay la ndza ma ndza a baraf, a andza atama həji ndiɓi aagi.»
12Yesu zlap a zlapanə ana ala ma yaazə: «Andza hwa kayaha həji aagi aska zəm səkən ci, ara hwa yaha ŋgwanambə kwa aagi, kwa zlinahw aagi, kwa vən kwa aagi, kwa masliji kwa ndə səkən a ra ta aagi. Ara ndə aa kaaɓin a yahu ana təmta yəm aska aagi ŋtərahu səkən ndə hwa zəmatana aagi. 13Aɓa azha ci, andza hwa tada səkən zəm a gwaygwaya meni, yaha həji titikw aagi, həji ma gəy ta aagi, həji ma kacuksleŋ aagi, abə həji wələf aagi. 14Hwa aɓin ɓas, ara ndə səkən ta aka aagi aŋtərahus. Bizlaf a aŋtərahu tiɗa ndə həji ma ɗal təwah aagi, aa kaagara ta a wəzəm ata lamca.»
Maŋgəla ata həji ma yahaya aagi
(Mat 22.1-10)
15Ndə aa zlima ma watsə ya, ala minja a taba ta, zlap a zlapanə a Yesu: «Ɓas ata ala ma kaaɓin a nda ji wəda tə a la ndza bay Bizlaf.»
16Zlap a zlapanə: «Ala minja aka, tada səkən zəm aka dagala, tayaha həji aagi vərəm. 17Tiɗa ata la zəm səkən, zlən i ala ma ɗalanə zlən, aska a nda zlapatana a həji ndə a yata aagi: “Huni ndaha, wəda tada tə tiw.” 18Ama dəba aagi aɗal aska aagi lima təf aagi a ŋkalanə tiwtiw ŋtaɗ, ŋtaɗ. Ala mampər iŋgaya: “Sa tasəkəm wiyə la anawatsə, a kaɗiw ci, sa nda taŋazə bəza, tuh, sa dzahu ra.” 19Minja iŋgaya: “Sa tasəkəmha zli mbəluk aagi wam a ꞌus, sa ɗiw a nda slənazata bəza, tuh sa dzahu ra.” 20Minja zhana iŋgaya: “Sa tanda a wata dəma mbəluk, tuh sa kagwar səku.”
21Ndə ala ma ɗal zlən a zhina tə, ghal a ghalanə ma watsə a madagal tə. Azha, cina jak tikush a ghuɗek tə, iŋgaya: “Vas nda kahkah a ŋge ata la ndza aagi, abə a ma təf ata hayak ma dzamadzam aagi, daaka həji titikw aagi, həji ma gəy ta aagi, wələf aagi abə həji ma kacuksleŋ aagi.” 22Kajik ikwa, ala ma ɗal zlən, zlap a zlapanə a madagal tə: “Madagal, ma kwa taɗalaya andza sha, ci la ndza tə wəruk.” 23Madagal zlap a zlapanə a maɗal zlən: “Nda a ŋge a zal təf aagi, abə a mazləm la aagi, gamha həji aagi ata ɓərɓər a ndaha a wata naka, aska la ma ndza a gi naka a ɗa mkpef. 24Sa kazlapahuni, a taba həji ndə sa yaata aagi, kwa ala ma kaazəm wəda naka a taba həji ndə sa diw a yaata aagi akas.”»
Ŋkalzə səkən aagi tiwtiw aska a səbar Yesu
25Həji aagi vərəm ata təf abə Yesu. Zlaz a zlazəha ma, zlap a zlapatana tiwtiw: 26«Andza ala a kamay a ndaha ara sa, mamayaka dəy aha cin, mamən, wala tə, wəzhi tə aagi, zliŋgin aagi, hildimi mamən aagi, abə ha tə, aka səku, a kaagwar a ɗa magəla nakas. 27Ala ma ŋkula ji a tiw mpi ma gəzlaŋgarak tə aska a səbaraka, a kaagwar a ɗa magəla nakas.
28Andza ya, ala minja a taba kuni a kamay a ꞌun bay jak ya, ka a ndza ka a deŋzə dala ndə a kaagəyə, andza a kaaɗa teete a kəɗaŋ ꞌun jak watsa bəza wəra? 29Azha, andza pa a tsa ŋcah aka, ama dar takum ara ana jak watsa, həji ma gəra aagi tiwtiw, aagi aɓas a heɗe. 30Aagi azlap: “Taŋzə ala watsə, pa a tsa ŋcah bəza ya, ama dar takum ara,” aagiy.
31Azha yəm, andza bay minja, a kamay a ɗa ghəm abə bay minja, a kaandza ka, a deŋzə, andza a kaɗa kula a nda a ma ghəm watsa abə suji aagi bəluk wam, aska aagi aɗa ghəm abə bay minja ma kandaha abə suji aagi bəluk ragbak aka wəra? 32Andza a kaɗa kulas, galaɓa mazlənanə həji ta zlən tə aagi a bay minja, tiɗa ndə aagi abə gədək kwagwa, aska aagi adzanə ra, aagi ariy ma ta ka, aagi ndza a təwah.
33Andza ikwa yəm, a taba kuni ala ma kula mbasl səkən ŋtsəɓ tə ka, kula a ɗa magəla nakas.»
Ghunə ma dadawər
(Mat 5.13; Mrk 9.50)
34«Ayəw, a ɗa səkən ma ŋtan ana ghunə. Ama, andza ghunə tafəcak ghutətə bəza, həji asən a zhinazə a ɗa ghutətə zhana avaŋga? 35A ɗa kadəkanə a hayak akas, kwa andza a da la andza dadə. Səy həji kwiy bəza. Huni tehi katkadək, ala ma ndza abə zləm a tehi, mazlima.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia