Yahwana 17
17
Tarha Yesu aska magəli tə aagi
1A diwzha ndə a zlap bəza ikwa, Yesu kaf a kaf nja a wəzlaf, iŋgaya: «Vava, gwar ana vah tə. Ghal sləf Mbə kwa, aska Mbə a ghal sləf kwa yəm. 2Hwa tavəlanə ɓərɓər aka aha həji tiwtiw, aska a vəlatana miɗ ma ŋkula kəɗaŋ kwa vepiy a həji ndə hwa vəlanə ka aagi tiwtiw. 3Azha ci, miɗ ma kwa vepiy a ɗa meni: sənahu, hwa ɗa ŋter Bizlaf ŋtaguleŋ kwa, zhana ala ndə hwa zlənazə, ma ɗa Sa Yesu Kərist. 4Sa taghalha sləf kwa bəza ata hayak, sa takəɗaŋha zlən ndə hwa vəlaka a ɗal bəza. 5Anawatsə azha, hwa, Vava sləfaka ka abəra hwa, abə sləf naka ma va a ndza abəra hwa, tiɗa ndə manahayak awli kwagwa a baha.
6Sa taghalatana zləm kwa a həji ndə hwa dəmata a taba həji a manahayak aagi aska hwa avəlaka təmta ka aagi. Aa ɗa həji kwa aagi, azha hwa tavəlaka təmta ka, aa taɗal awa aska zlap kwa. 7Aa kasən anawatsə kala səkən ndə hwa vəlaka ya, a ndaha ara hwa, 8ara ndə sa vəlatana zlap ndə hwa vəlaka tiwtiw, azha aa talamzata. Aa tasənə ka, ŋter sa ndaha ara hwa azha aa ɗalaka awa ya, hwa ma zlənaka.
9Sa tarha mavəy təmta. Sa tarha mavəy manahayak səku, ama mavəy həji ndə hwa vəlaka ka aagi, aa ɗa həji kwa aagi. 10Azha kala səkən ma ndza ara sa tiwtiw, a ndza ara hwa, andza ndə kala səkən ma ndza ara hwa, a ndza ara sa, azha sləf naka a ghalha gwara ara təmta. 11ꞌWa aka anawatsə, sa a manahayak zhanas. Ama, ataa aŋta, aa ndza ta a manahayak, sa, sa nda ara hwa. Vava ma ghwaɗeɗe, mbəlata ka abə ɓərɓər zləm kwa, zləm ndə hwa vəlaka, aska aagi aɗa ŋtaguleŋ andza hwa abə sa, mə ŋtaguleŋ. 12Tiɗa ndə sa ndza naka abə təmta, sa tanjinata abə ɓərɓər zləm kwa, zləm ndə hwa vəlaka. Sa tanjinata bəza a heɗe a heɗe, kwa ala ŋtaguleŋ tafəcak akas, səy mafəcak tə, aska kəliy ma ma ŋtir aka. 13Azha anawatsə, sa kanda ara hwa, sa zlap ikwa ndə sa a manahayak aska aagi alima ɓas naka, aska ɓas a ɗa mkpef a ꞌunəf ta. 14Sa tavəlatana zlap kwa, ama kwa manahayak tacecefatas ara ndə aa ɗa həji manahayak aagis, andza ndə sa, sa tagwar a ɗa ala manahayakəs. 15Sa tarahu aska hwa daata a bəza a manahayak səku, ama aska hwa a njinata ara Mshiɗ. 16Aa tagwar a ɗa həji manahayak aagi səku, andza ndə sa ŋkula gwar a ɗa ala ma ndza a manahayak. 17Ŋter, ɗalə aa maɗa gber həji kwa aagi. Zlap kwa ma ɗa ma ma ŋter. 18Andza ndə hwa ma zlənaka a manahayak, sa yəm sa zlənata a manahayak. 19Azha sa ana ataa anaka, sa vəlahu ha naka tiwtiw mavəy təmta, aska təmta yəm aagi aɗa ŋter aŋkwa aagi abə ma ma ŋter.
20Sa tarha gagagha aska təmta səku, ama sa tarha yəm mavəy həji ma aɗalaka awa aagi dawna zlap ta. 21Aska təmta tiwtiw, aa maɗa ŋtaguleŋ, andza hwa, Vava andza ndə, hwa a sa, yəm sa a hwa. Yəm aa maɗa a mə, aska manahayak a ɗal awa, hwa, hwa ma zlənaka. 22Ataa anaka, sa tavəlatana sləf ndə hwa vəlaka, aska aagi a ɗa ŋtaguleŋ andza sa abə hwa mə ŋtaguleŋ. 23Sa a təmta, andza ndə hwa a sa, aska aagi aɗa katkadək ŋtaguleŋ, aska manahayak a sən hwa ma zlənaka, azha hwa tamayata andza ndə hwa kamayaka. 24Vava, ataa həji ndə hwa vəlaka aagi, sa may ci, la ndə sa a heɗe, aa maɗa a heɗe yəm abə sa, aa tsa kagəra sləf naka, sləf ndə hwa vəlaka, ara ndə hwa tamayaka tiɗa ndə manahayak awli a baha. 25Vava, hwa ma dəlili, manahayak tasənahus, ama sa, sa kasənahu, azha təmta, aa kasənə ya, hwa ma zlənaka. 26Sa taghalatana zləm kwa, sa kaaghalatana zhana wəruk, aska mayha ndə hwa abə sha mavəy sa, a ndza a təmta abə sa, sa ndza a təmta,» iy.
Iliyochaguliwa sasa
Yahwana 17: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yahwana 17
17
Tarha Yesu aska magəli tə aagi
1A diwzha ndə a zlap bəza ikwa, Yesu kaf a kaf nja a wəzlaf, iŋgaya: «Vava, gwar ana vah tə. Ghal sləf Mbə kwa, aska Mbə a ghal sləf kwa yəm. 2Hwa tavəlanə ɓərɓər aka aha həji tiwtiw, aska a vəlatana miɗ ma ŋkula kəɗaŋ kwa vepiy a həji ndə hwa vəlanə ka aagi tiwtiw. 3Azha ci, miɗ ma kwa vepiy a ɗa meni: sənahu, hwa ɗa ŋter Bizlaf ŋtaguleŋ kwa, zhana ala ndə hwa zlənazə, ma ɗa Sa Yesu Kərist. 4Sa taghalha sləf kwa bəza ata hayak, sa takəɗaŋha zlən ndə hwa vəlaka a ɗal bəza. 5Anawatsə azha, hwa, Vava sləfaka ka abəra hwa, abə sləf naka ma va a ndza abəra hwa, tiɗa ndə manahayak awli kwagwa a baha.
6Sa taghalatana zləm kwa a həji ndə hwa dəmata a taba həji a manahayak aagi aska hwa avəlaka təmta ka aagi. Aa ɗa həji kwa aagi, azha hwa tavəlaka təmta ka, aa taɗal awa aska zlap kwa. 7Aa kasən anawatsə kala səkən ndə hwa vəlaka ya, a ndaha ara hwa, 8ara ndə sa vəlatana zlap ndə hwa vəlaka tiwtiw, azha aa talamzata. Aa tasənə ka, ŋter sa ndaha ara hwa azha aa ɗalaka awa ya, hwa ma zlənaka.
9Sa tarha mavəy təmta. Sa tarha mavəy manahayak səku, ama mavəy həji ndə hwa vəlaka ka aagi, aa ɗa həji kwa aagi. 10Azha kala səkən ma ndza ara sa tiwtiw, a ndza ara hwa, andza ndə kala səkən ma ndza ara hwa, a ndza ara sa, azha sləf naka a ghalha gwara ara təmta. 11ꞌWa aka anawatsə, sa a manahayak zhanas. Ama, ataa aŋta, aa ndza ta a manahayak, sa, sa nda ara hwa. Vava ma ghwaɗeɗe, mbəlata ka abə ɓərɓər zləm kwa, zləm ndə hwa vəlaka, aska aagi aɗa ŋtaguleŋ andza hwa abə sa, mə ŋtaguleŋ. 12Tiɗa ndə sa ndza naka abə təmta, sa tanjinata abə ɓərɓər zləm kwa, zləm ndə hwa vəlaka. Sa tanjinata bəza a heɗe a heɗe, kwa ala ŋtaguleŋ tafəcak akas, səy mafəcak tə, aska kəliy ma ma ŋtir aka. 13Azha anawatsə, sa kanda ara hwa, sa zlap ikwa ndə sa a manahayak aska aagi alima ɓas naka, aska ɓas a ɗa mkpef a ꞌunəf ta. 14Sa tavəlatana zlap kwa, ama kwa manahayak tacecefatas ara ndə aa ɗa həji manahayak aagis, andza ndə sa, sa tagwar a ɗa ala manahayakəs. 15Sa tarahu aska hwa daata a bəza a manahayak səku, ama aska hwa a njinata ara Mshiɗ. 16Aa tagwar a ɗa həji manahayak aagi səku, andza ndə sa ŋkula gwar a ɗa ala ma ndza a manahayak. 17Ŋter, ɗalə aa maɗa gber həji kwa aagi. Zlap kwa ma ɗa ma ma ŋter. 18Andza ndə hwa ma zlənaka a manahayak, sa yəm sa zlənata a manahayak. 19Azha sa ana ataa anaka, sa vəlahu ha naka tiwtiw mavəy təmta, aska təmta yəm aagi aɗa ŋter aŋkwa aagi abə ma ma ŋter.
20Sa tarha gagagha aska təmta səku, ama sa tarha yəm mavəy həji ma aɗalaka awa aagi dawna zlap ta. 21Aska təmta tiwtiw, aa maɗa ŋtaguleŋ, andza hwa, Vava andza ndə, hwa a sa, yəm sa a hwa. Yəm aa maɗa a mə, aska manahayak a ɗal awa, hwa, hwa ma zlənaka. 22Ataa anaka, sa tavəlatana sləf ndə hwa vəlaka, aska aagi a ɗa ŋtaguleŋ andza sa abə hwa mə ŋtaguleŋ. 23Sa a təmta, andza ndə hwa a sa, aska aagi aɗa katkadək ŋtaguleŋ, aska manahayak a sən hwa ma zlənaka, azha hwa tamayata andza ndə hwa kamayaka. 24Vava, ataa həji ndə hwa vəlaka aagi, sa may ci, la ndə sa a heɗe, aa maɗa a heɗe yəm abə sa, aa tsa kagəra sləf naka, sləf ndə hwa vəlaka, ara ndə hwa tamayaka tiɗa ndə manahayak awli a baha. 25Vava, hwa ma dəlili, manahayak tasənahus, ama sa, sa kasənahu, azha təmta, aa kasənə ya, hwa ma zlənaka. 26Sa taghalatana zləm kwa, sa kaaghalatana zhana wəruk, aska mayha ndə hwa abə sha mavəy sa, a ndza a təmta abə sa, sa ndza a təmta,» iy.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia