Yahwana 10
10
Maŋgəla ma ndza ata mbə njin
1Yesu zlap a zlap zhana, iŋgaya: «Ayəw, sa zlapahuni, a ɗa ŋter: Ala ma ŋkula nda gwara a ma jak anda a bezli ŋcimi, ama a pəlah jak a nda ci, ala watsa a ɗa ŋhil, badaway ala. 2Ama, ala ma nda gwara a ma bezli meni, a ɗa ŋter mbə njin ŋcimi. 3Ala ma kahəbar ma bezli a dəɗanə ma bezli, azha ŋcimi tə aagi azlima maŋgurləm tə. A ya ŋcimi tə aagi, ŋtaɗ ŋtaɗ abə zləm ta, a pəlata aha bəza. 4Mbara azha ndə a pəlata bəza aha bəza, a nda atama ta, azha ŋcimi tə aagi tsaa kasəbarə, ara ndə aa kasən maŋgurləm tə. 5Ama, aa kaasəbar mbəluk akas, aɓa azha, aagi ashi ta ara, ara ndə aa ŋkula sən maŋgurləm tə,» iy. 6Yesu a kaghalatana maŋgəla watsə, ama həji ma teh ma tə aagi tazlima a may a ghal avaŋgəy səku.
7Yesu zlap a zlap zhana, iŋgaya: «Ayəw, sa zlapahuni, a ɗa ŋter, sa ana ma bezli ataa ŋcimi,» iy. 8Tiwtiw ma ndaha mpər aha sa aagi, aa ɗa ŋhil aagi, badaway aagi, ama wəzhi ŋcimi aa taji a teh zlap ta səku. 9Sa ana majak. Andza ala a ndaha a pew gwara ara sa, a aɗa reh, a anda, a ndaa tə a bəza, a alima səkən zəm. 10Ŋhil a ndaha gagagha aska a ŋhil, a dza ala abə ghurəm la. Ama sa, sa ndaha aska həji aagi alima miɗ, miɗ watsa a ɗa dagala.
11«Sa, sa mbə njin ma ŋtan. Mbə njin ma ŋtan ci, a vəla miɗ tə aska wəzhi ŋcimi tə aagi. 12Ala ma kanjin a dala gagagha ci, a ɗa mbə njin ma ŋtan səku. Wəzhi ŋcimi ɗa aŋtə aagi səku. A mbaslata ka, zhana a shi tə ndə a kagəra manjernjer a kandaha. Azha manjernjer a mbir aka a taba ta, azha aagi awiɗata. 13Tsakwa ana səkən ma kaaɗal, ara ndə a ɗal zlən aska dala tiw, ma tə aska wəzhi ŋcimi akas. 14Sa mbə njin ma ŋtan. Sa kasən wəzhi ŋcimi naka aagi, təmta yəm aa kasənaka, 15a ndza andza sha abə Vana a sənaka abə sa yəm sa sən Vana. Azha sa vəla miɗ naka aska wəzhi ŋcimi naka aagi. 16Sa abə wəzhi ŋcimi ndiɓi aagi, aa ndza a bezli watsə səku. Səy sa daata, aagi azlima maŋgurləm naka, azha bezli ta, a ɗa ŋtaɗ, mbə njin ta ŋtaɗ. 17Vava a mayaka ara ndə sa vəla miɗ naka, aska sa aji miɗ naka zhana. 18Kwa ala ma kaji miɗ naka akas, ama, sa ma vələ abə may naka. Sa abə ɓərɓər ta vələ, azha sa lima ma wiyə tə yəm. Sha ana ma ma dzawadzaw ndə Vana a vəlaka,» iy.
19Ma watsa aagi tazhina a ɓizh magulakwakw Yahuda aagi ka. 20Vərəm a taba ta, aa kazlap, aagi iŋgaya: «Miɗ ma gamak a kaɗalanə, tawək tə! Huni teh ara veme?» aagiy. 21Ndiɓi yəm, aa kazlap, aagi iŋgaya: «Ala ndə miɗ ma gamak a kaɗalanə a kaɗa kula a zlap ikwas. Miɗ ma gamak kula a dəɗ nja həji wələf aagi azha vəw?» aagiy.
Ŋkalzə Yesu ara Yahuda aagi
22A ɗa ŋtəra lahlah, azha həji kaɗal gwaygwaya ndə həji kadeŋ ka ata dəɗ jak kwakus a Wərusalima. 23A tsutsa, Yesu a katəwər a jak kwakus aska dəmbə ndə həji kayə balak Suleymanu. 24Magulakwakw Yahuda aagi tadzam ta abəra azha, aa zlapanə, aagi iŋgaya: «A ɗa hwa a aghalani ŋter vepiy? Andza hwa ɗa Mesi, ghalani bəza gber a heɗe a heɗe,» aagiy. 25Yesu zhin a zhinatana, iŋgaya: «Sa taghalahuni bəza tiw, ama, huni kaɗal awa aska ma naka səku. Zlən ndə sa ɗalata ata zləm Vana aagi, ga a ghal səkən a həji aagi ndə aa gəra abə ndə aa zlima ata sa. 26Ama huni taji ma nakas, ara ndə huni tagwar a ɗa a taba wəzhi ŋcimi naka aagis. 27Ŋcimi naka aagi kazlima maŋgurləm naka, sa, sa kasənata, azha aa kasəbaraka. 28Azha sa, sa vəlatana miɗ ma kwa vepiy, aa kabazl kwa vepiy akas, zhana kwa ala a kaɗa kula a lata a bəza aska ra naka akas. 29Vana ma vəlaka təmta ka dəy aha kwa veme tiwtiw, kwa ala kula a la səkən a bəza a ra Vava akas. 30Sa abə Vava, ni ɗa ŋtaguleŋ.»
31Yahuda aagi zhin a kwar ŋkəɗaŋ zhana wəruk a ŋgwafə. 32Azha, Yesu zlap a zlapatana, iŋgaya: «Sa taghalahuni vərəm abə nja kuni ana zlən ma təwah aagi ma ndaha ara Vava. Dawna zlən ma ndza a vata a taba zlən watsa aagi abə huni kaɗiw a ŋgwafaka ka a mci?» iy. 33Yahuda aagi zhin aa zhinanə, aagi iŋgaya: «Ni tamay a ŋgwafahu abə ŋkəɗaŋ a mci dawna zlən ma təwah akas, ama ara dahalay kwa ndə hwa kara Bizlaf: Hwa ɗa ala ikwa, azha hwa tsa gas a bəw ha kwa ka a Bizlaf,» aagiy. 34Yesu zhin a zhinatana, iŋgaya: «Taŋtiraya a ma ma dzawadzaw kuni Bizlaf tazlap iŋgaya: Huni ɗa bizlaf aagi! 35Həji kasən ci, həji kula a fak ma ma ŋtiraya a ghalazəs. Avəli ci, Bizlaf a ya bizlaf ndiɓi aagi ci, həji ndə a zlapatana ma tə aagi. 36Azha sa, Vava ma jika abə sha ma zlənaka a manahayak. Huni sən mbara azha a zlap ya: “Hwa kara Bizlaf,” huniy, ara ndə sa ghalə: “Sa Mbə Bizlaf,” avaŋga?» iy. 37«Andza sa kaɗal zlən ataa Vana akas ci, huni ɗiw a ji ma nakas. 38Ama, andza sa ɗalata, tiɗa ndə kwa huni kaji ma naka səku wəruk, huni ɗal awa aska zlən watsa aagi, aska huni asənaka kaɗ ya, Vava a ndza a sa, zhana sa tə yəm ya, sa ndza a Vava,» iy. 39Azha, a tsutsa zhana abə aa gasə a mbəla Yesu, ama tarehaktana aara, tambəlas. 40Yesu tsaw a zhin tə zhana a bəza aha ma zlazlər Urdun, ata la ndə Yahwana a diw a ban batem a heɗe, kagha tə a tsutsa. 41Vərəm ana həji aagi ma ndaha ara aagi, aagi iŋgaya: «Yahwana tava a ɗalzə səkən tsaɓan kwa akas. Ama, kala ma ndə a zlap ka ata ala watsə, a ɗa gber,» aagiy. 42Mbara a tsutsa azha, vərəm ana həji ma ɗalanə awa a Yesu aagi.
Iliyochaguliwa sasa
Yahwana 10: GOU
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Yahwana 10
10
Maŋgəla ma ndza ata mbə njin
1Yesu zlap a zlap zhana, iŋgaya: «Ayəw, sa zlapahuni, a ɗa ŋter: Ala ma ŋkula nda gwara a ma jak anda a bezli ŋcimi, ama a pəlah jak a nda ci, ala watsa a ɗa ŋhil, badaway ala. 2Ama, ala ma nda gwara a ma bezli meni, a ɗa ŋter mbə njin ŋcimi. 3Ala ma kahəbar ma bezli a dəɗanə ma bezli, azha ŋcimi tə aagi azlima maŋgurləm tə. A ya ŋcimi tə aagi, ŋtaɗ ŋtaɗ abə zləm ta, a pəlata aha bəza. 4Mbara azha ndə a pəlata bəza aha bəza, a nda atama ta, azha ŋcimi tə aagi tsaa kasəbarə, ara ndə aa kasən maŋgurləm tə. 5Ama, aa kaasəbar mbəluk akas, aɓa azha, aagi ashi ta ara, ara ndə aa ŋkula sən maŋgurləm tə,» iy. 6Yesu a kaghalatana maŋgəla watsə, ama həji ma teh ma tə aagi tazlima a may a ghal avaŋgəy səku.
7Yesu zlap a zlap zhana, iŋgaya: «Ayəw, sa zlapahuni, a ɗa ŋter, sa ana ma bezli ataa ŋcimi,» iy. 8Tiwtiw ma ndaha mpər aha sa aagi, aa ɗa ŋhil aagi, badaway aagi, ama wəzhi ŋcimi aa taji a teh zlap ta səku. 9Sa ana majak. Andza ala a ndaha a pew gwara ara sa, a aɗa reh, a anda, a ndaa tə a bəza, a alima səkən zəm. 10Ŋhil a ndaha gagagha aska a ŋhil, a dza ala abə ghurəm la. Ama sa, sa ndaha aska həji aagi alima miɗ, miɗ watsa a ɗa dagala.
11«Sa, sa mbə njin ma ŋtan. Mbə njin ma ŋtan ci, a vəla miɗ tə aska wəzhi ŋcimi tə aagi. 12Ala ma kanjin a dala gagagha ci, a ɗa mbə njin ma ŋtan səku. Wəzhi ŋcimi ɗa aŋtə aagi səku. A mbaslata ka, zhana a shi tə ndə a kagəra manjernjer a kandaha. Azha manjernjer a mbir aka a taba ta, azha aagi awiɗata. 13Tsakwa ana səkən ma kaaɗal, ara ndə a ɗal zlən aska dala tiw, ma tə aska wəzhi ŋcimi akas. 14Sa mbə njin ma ŋtan. Sa kasən wəzhi ŋcimi naka aagi, təmta yəm aa kasənaka, 15a ndza andza sha abə Vana a sənaka abə sa yəm sa sən Vana. Azha sa vəla miɗ naka aska wəzhi ŋcimi naka aagi. 16Sa abə wəzhi ŋcimi ndiɓi aagi, aa ndza a bezli watsə səku. Səy sa daata, aagi azlima maŋgurləm naka, azha bezli ta, a ɗa ŋtaɗ, mbə njin ta ŋtaɗ. 17Vava a mayaka ara ndə sa vəla miɗ naka, aska sa aji miɗ naka zhana. 18Kwa ala ma kaji miɗ naka akas, ama, sa ma vələ abə may naka. Sa abə ɓərɓər ta vələ, azha sa lima ma wiyə tə yəm. Sha ana ma ma dzawadzaw ndə Vana a vəlaka,» iy.
19Ma watsa aagi tazhina a ɓizh magulakwakw Yahuda aagi ka. 20Vərəm a taba ta, aa kazlap, aagi iŋgaya: «Miɗ ma gamak a kaɗalanə, tawək tə! Huni teh ara veme?» aagiy. 21Ndiɓi yəm, aa kazlap, aagi iŋgaya: «Ala ndə miɗ ma gamak a kaɗalanə a kaɗa kula a zlap ikwas. Miɗ ma gamak kula a dəɗ nja həji wələf aagi azha vəw?» aagiy.
Ŋkalzə Yesu ara Yahuda aagi
22A ɗa ŋtəra lahlah, azha həji kaɗal gwaygwaya ndə həji kadeŋ ka ata dəɗ jak kwakus a Wərusalima. 23A tsutsa, Yesu a katəwər a jak kwakus aska dəmbə ndə həji kayə balak Suleymanu. 24Magulakwakw Yahuda aagi tadzam ta abəra azha, aa zlapanə, aagi iŋgaya: «A ɗa hwa a aghalani ŋter vepiy? Andza hwa ɗa Mesi, ghalani bəza gber a heɗe a heɗe,» aagiy. 25Yesu zhin a zhinatana, iŋgaya: «Sa taghalahuni bəza tiw, ama, huni kaɗal awa aska ma naka səku. Zlən ndə sa ɗalata ata zləm Vana aagi, ga a ghal səkən a həji aagi ndə aa gəra abə ndə aa zlima ata sa. 26Ama huni taji ma nakas, ara ndə huni tagwar a ɗa a taba wəzhi ŋcimi naka aagis. 27Ŋcimi naka aagi kazlima maŋgurləm naka, sa, sa kasənata, azha aa kasəbaraka. 28Azha sa, sa vəlatana miɗ ma kwa vepiy, aa kabazl kwa vepiy akas, zhana kwa ala a kaɗa kula a lata a bəza aska ra naka akas. 29Vana ma vəlaka təmta ka dəy aha kwa veme tiwtiw, kwa ala kula a la səkən a bəza a ra Vava akas. 30Sa abə Vava, ni ɗa ŋtaguleŋ.»
31Yahuda aagi zhin a kwar ŋkəɗaŋ zhana wəruk a ŋgwafə. 32Azha, Yesu zlap a zlapatana, iŋgaya: «Sa taghalahuni vərəm abə nja kuni ana zlən ma təwah aagi ma ndaha ara Vava. Dawna zlən ma ndza a vata a taba zlən watsa aagi abə huni kaɗiw a ŋgwafaka ka a mci?» iy. 33Yahuda aagi zhin aa zhinanə, aagi iŋgaya: «Ni tamay a ŋgwafahu abə ŋkəɗaŋ a mci dawna zlən ma təwah akas, ama ara dahalay kwa ndə hwa kara Bizlaf: Hwa ɗa ala ikwa, azha hwa tsa gas a bəw ha kwa ka a Bizlaf,» aagiy. 34Yesu zhin a zhinatana, iŋgaya: «Taŋtiraya a ma ma dzawadzaw kuni Bizlaf tazlap iŋgaya: Huni ɗa bizlaf aagi! 35Həji kasən ci, həji kula a fak ma ma ŋtiraya a ghalazəs. Avəli ci, Bizlaf a ya bizlaf ndiɓi aagi ci, həji ndə a zlapatana ma tə aagi. 36Azha sa, Vava ma jika abə sha ma zlənaka a manahayak. Huni sən mbara azha a zlap ya: “Hwa kara Bizlaf,” huniy, ara ndə sa ghalə: “Sa Mbə Bizlaf,” avaŋga?» iy. 37«Andza sa kaɗal zlən ataa Vana akas ci, huni ɗiw a ji ma nakas. 38Ama, andza sa ɗalata, tiɗa ndə kwa huni kaji ma naka səku wəruk, huni ɗal awa aska zlən watsa aagi, aska huni asənaka kaɗ ya, Vava a ndza a sa, zhana sa tə yəm ya, sa ndza a Vava,» iy. 39Azha, a tsutsa zhana abə aa gasə a mbəla Yesu, ama tarehaktana aara, tambəlas. 40Yesu tsaw a zhin tə zhana a bəza aha ma zlazlər Urdun, ata la ndə Yahwana a diw a ban batem a heɗe, kagha tə a tsutsa. 41Vərəm ana həji aagi ma ndaha ara aagi, aagi iŋgaya: «Yahwana tava a ɗalzə səkən tsaɓan kwa akas. Ama, kala ma ndə a zlap ka ata ala watsə, a ɗa gber,» aagiy. 42Mbara a tsutsa azha, vərəm ana həji ma ɗalanə awa a Yesu aagi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia